رواية البر التاني الفصل السابع والأربعون 47 بقلم لولو محمد

رواية البر التاني الجزء السابع والأربعون

رواية البر التاني البارت السابع والأربعون

رواية البر التاني الحلقة السابعة والأربعون

امين و سليمان و رجاله عمالين يعمروا سلاحهم و يجهزوا نفسهم
امين / يعني هو مختار ما كانش قادر ينقى يوم تانى غير ده
سليمان / ما حدش بياخد كل حاجه
امين يحط المسدس فى جيبه
امين / انا جاهز هروح اتمم على الرجاله
سليمان / بسرعه مش عاوزين نتاخر
امين يهز راسه و يمشي شاب يدخل
الشاب / العربيات جاهزه
سليمان / و الجى بى اس
الشاب / اكدت عليه بنفسي و كلو تمام
سليمان / قول للكبير اننا هنتحرك
الشاب / تمام
الشاب يمشي
………………
فى الملعب
رجاله بتتصارع و الكل بيشجع عبد الله يدخل مختار يشوفه يتعصب يجى يروحله عباده يمنعه
عباده / خلاص
مختار / ما لكش دعوه انت
عباده / مش قدام الناس
مختار يبص لعباده يروح لعبد الله بيحط شنطته على كرسي
مختار / انت بتعمل ايه هنا احنا مش اتفقنا
عبد الله / اتفقنا انى ما اجيش معاكوا لكن ما اتفقناش انى ما اجيش خالص
مختار / روح يا عبد الله
عبد الله / انا مش عيل و مش هسمحلك تعاملنى على انى عيل ما تخليناش نخسر بعض يا مختار
مختار / نخسر بعض
عبد الله / انت مش ابويا عشان تتحكم فيا
مختار / لا مش ابوك يا عبد الله بس كنت فاكر انى اخوك الكبير و كنت فاكر برضه انك كبير و بتفهم الفرق بين خوفى عليك و انى اتحكم فيك
عبد الله / ما تخافش انا اثبت نفسي المره اللى فاتت
مختار / كانوا مستهونين بيك
عبد الله / هيبقي شكلك وحش اوى لما اكسب النهرده
عبد الله يروح يقف جنب عباده و مختار بيبص عليهم بغضب صاحب فيرا يدخل و معاه اتنين رجاله مختار يشوفه يبص فى الارض و يتمالك اعصابه الشاب يروحله مختار يرفع عينه و يحطها فى عنيه
الشاب / اى هيرد ابوت يور وايف ايام سو سورى فور ذا بايبي ( سمعت عن مراتك انا اسف جدا على الجنين)
مختار / اتز نوت يور فيرست تايم اى هيرد ( عرفت ان دى مش اول مره ليك )
الشاب / اى لفد يور سيتى استرونج مين فاير بلاى ( انا حبيت بلدك رجاله اقوياء و بتلعبوا بنزاهه )
مختار / سورى فور يور مان ( اسف على الراجل بتاعك )
الشاب / اتز اوك شيت هابنز ( عادى البلاوى بتحصل )
مختار يبص على اللى بيلعبه
الشاب / ود يو لايك تو جو نيكست ( ندخل بعدهم )
مختار / اى واز وايتنج فور يو تو ساي ايت ( كنت مستنيك تقولها )
الشاب / يو نو اى لينك يو سو اى ول جيف يو اتشانس ( تعرف انا حبيتك عشان كدا هديك فرصه )
مختار يبصله و يرفع حاجبه
الشاب / اتز جوينك تو بى ثرى اون وان ( هتبقى تلاته ضد واحد )
مختار يبص الناحيه التانيه و يضحك
الشاب / دونت ورى مى انشورانس ويل كوفر مى انجريز ( ما تقلقش التامين هيغطى اصاباتى )
مختار / اتس يور فيونرال ( جنازتك )
الشاب يبتسم
الشاب / يور فريندز زى لوك توف ( صحابك شكلهم قوى )
مختار يبص يلاقى الشاب باصص على عباده و عبد الله و هم بيبصوا عليهم
مختار / هى ايز جاست اكيد ( دا طفل )
الشاب / هى بيتد مغاورى اى هيرد هى ايز اتوف مان بيتيد يو اند اباده ميني مينى تايمز ( هزم مغاورى سمعت انه راجل جامد هزمك انت و عباده كتير )
مختار / نو ( لا )
الشاب يبتسم
الشاب / ايام فلاترد يو نو يو ار افريد ذات اى بيت ذا ثرى اوف يو اللون ( اشعر بالاطراء انت خايف انى اهزمكوا انتوا التلاته لوحدى )
مختار / نو بت يو لوك سو كونفدنت يو كان بيت ثرى اوف اس سو ليتس مايك ايت وارث يور وايل ليتس تشوز استرونج ثيرد بارتى ( لا بس انت شكلك واثق انك تقدر تهزم تلاته مننا فخليها على حاجه تستاهل و اختارلنا تالت قوى )
الشاب / هاى كيد ( يا ولد )
مختار يحط ايده على صدر الشاب و الغضب باين فى عنيه
مختار / كيب هيم اوت اوف ايت ( خليه بره الموضوع )
الشاب / يو لوك تريفايد ذات ويل افيكت يور بريفورمانس اند فوكس ( شكلك مرعوب و دا هياثر على ادائك و تركيزك )
عباده و عبد الله يدخلوا
الشاب / وى ويل بلاى ذا ثرى اوف يو اون مى وات يو ثينك ( هتلعبوا انتوا التلاته ضدى ايه رايكوا )
عباده / اتز يور فيونرال ( جنازتك و انت حر )
الشاب / هى سايد ذا سايم ثينج ( قال نفس الكلام )
الشاب يروح يقف جنب صحابه و يعمل استرتشات و التلاته متابعينه
عبد الله / هو ده ينفع
عباده / هو اللى طلب نقوله لا و نكسفه
مختار / واثق من نفسه زياده عن اللزوم
عباده / و دا هيهزك و لا ايه ياما دقت على الراس طبول
مختار يبص لعبد الله
مختار / احنا الاتنين هنقف قدامه و انت هتبقي فى ضهره ركز انك طول الوقت انك تكون فى النقطه العاميه بتاعته
عبد الله / و هى دى رجوله
مختار يبص على الشاب بيبص عليهم و مبتسم
مختار / كدا كدا احنا التلاته لو وقفنا قدامه هنعطل بعض
عباده / ما نلعب مان تو مان و نبدل
عبد الله / يعني اللى يخسر يطلع ؟
عباده / لا يعني كل واحد يضرب بدوره
مختار / الجدع اختارنا احنا التلاته و واقف باريحيه انت ايه مش واعى للى بيحصل
عباده / حطينا على الاتخن منه
الناس تصفر و تسقف و يقوموا الاتنين اللى كانوا بيلعبوا و الشاب يدخل
عباده / دورنا
مختار يشد عباده من كتفه
مختار / اسمعوا كلامى
عباده / يلا يا مختار
التلاته يدخلوا و الكل مستغرب
مختار / الباشا اختارنا احنا التلاته نلعب قصاده
الكل يضحك بصوت عالى و الشاب مبتسم و يبصلهم التلاته ياخدوا وضع الاستعداد
…………………..
فى المخزن عند فيرا
رشيد / انا كدا خلصت دورى و ظبطتلك الدنيا العربيه بقت امان الامان و معاها الضمان
فيرا بتبص على العربيه و هى مبسوطه تدخل تركب العربيه و تحاول تتنطت و هى قاعده ترفع حواجبها باعجاب و تنزل تانى
فيرا / بصراحه بالرغم من ان الفكره مش جديده انت نفذتها ببراعه
رشيد / لو فككوا العربيه حته حته حتى لو قطعوا الفرش بالسكينه مش هيوصلوا للبضاعه الا بقى لو بقى فتفتوا الفرش نفسه و صدقينى عمرها ما حصلت
فيرا / انت جبت الفكره دى منين
رشيد / الواحد لازم يشتغل على روحه برده الاول كنت بفك البيبان و الصاج و احط جواها احط فى شنطه العربيه و احط فوقيها فرشه فلما تفتحى الشنطه تلاقيها فاضيه احط تحت الكنبه لكن زى ما انتى قولتى ولاد الحرام ما خلوش لولاد الحلال حاجه الناس بقت تلقط الطريقه و تنفذها و مش كل الناس بتتقى ربنا فى اكل عيشها زى حلاتى فبقوا يتقفشوا و يفتحوا عنين الحكومه علينا
فيرا / معاك حق لو كل الناس اتقت ربنا فى اكل عيشها كان حالنا اتغير خالص يا رشيد
رشيد / المهم يا ست الكل انا كدا خلصت دورى و السواق بتاعك هيسوق العربيه لحد النقطه اللى اتفقنا عليها و ما تقلقيش خالص مش هيقابله امين شرطه واحد يوقفه
فيرا / واثق اوى
رشيد / والله لو حكومه حكومه انا واثق و نص اصل ليا حبايبى و اماكن الكماين و الحجات دى بتبقى معروفه ما حدش بيروح يقف بمزاجه يعنى
فيرا / يعنى ايه لو حكومه حكومه
رشيد / ما قولتلك يا ست الكل ولاد الحرام ما خلوش لولاد الحلال حاجه دلوقت بقى فى ناس بتلبس لبس حكومه و توقف الناس فى الكماين معاك دهب تقلبه معاك دولارات تقلبها طب تصدقى و تؤمنى بايه يا ست الكل
فيرا / لا اله الا الله يا رشيد
رشيد / الله ما انتى طلعتى حلوه اهو
فيرا / كمل يا رشيد كمل
رشيد / انا ليا واحد صاحبى ابن حرام بس دماغه شغاله صاحيه ما بتنامشى بيقف فى كمين يعمل مخالفات للناس و يلم فلوس زى الرز كل يوم و يروح
فيرا / و الحكومه سيباه ؟!!
رشيد / هو ابن حرام اه بس مش عبيط بيجي على الغلابه بس و الطمع ؟
فيرا/ قل ما جمع
رشيد / طب وربنا انتى حلوه
فيرا / هههههههههههههه تمام يا رشيد
فيرا تتصل بحد الباب يتفتح و يدخل راجل
فيرا / تمشى على الجى بى اس فى الطريق المرسوملك ما تجودش
الراجل يهز راسه و يركب العربيه و اتنين بعيد يفتحوا باب المخزن
فيرا / هستاذنك يا رشيد تفضل معايا هنا لحد ما يوصل بالسلامه اصلى زى ما انت شايف لوحدى و انا بخاف اوى ابقى لوحدى
فيرا تدلع على رشيد
رشيد / تبقى لوحدك و رشيد موجود طب دا يبقى عيب علينا بس لامؤاخذه مش نشوفلنا وضع مريح كدا و لا هنستنى على الواقف
فيرا / هههههههههههههههه انت فظيع
رشيد / انا برده !!!! امال الجمال ده ايه !!!!
فيرا / ههههههههههههههههههههههه
…………………….
فى الملعب
الشاب واقف و مختار قدامه و عبد الله و عباده وراه عاملين مثلث و الكل بيشجع و دوشه عاليه جدا الشاب يبتسم و يحاول يضرب مختار بوكس مختار يوطى يفاديه و هو بيلف يضربه بالرجل فى بطنه و ينزل على ركبته عباده يجرى و يطلع على ركبه مختار و يضربه بالبوكس فى وشه الشاب يرجع خطوه لورا عباده و مختار يبصوا لبعض و الصوت بيوطى واحده واحده و الناس بتبص لبعض
الشاب / ايز زات اول يو جات ( هو ده اخركوا )
عباده / النقطه العاميه يا عبد الله
التلاته يحوطوه و عبد الله يبقى وراه و الشاب بيلف حوالين نفسه و التلاته بيلفوا حواليه بحيث يفضل عبد الله فى ضهره مغاورى و مجموعه شباب يدخلوا يتفرجوا وسط الناس عباده و مختار يهجموا فى وقت واحد عباده يحاول يدى بوكس الشاب يمسك ايده و قبل ما مختار يقرب الشاب يديله رجل فى بطنه مختار يرجع لورا و ينزل على ركبته و يقوم يكون عباده بيحاول يديله بالايد التانيه الشاب يمسكها عبد الله ينط فوقيه و يخنقه بكوعه جامد من عند فكه و يضغط و عبد الله متعلق فى الهوا الشاب ضاغط على ايدين عباده و الاتنين بيبصوا لبعض مختار يفضل يضرب الشاب فى جنبه بوكسات سريعه متتاليه الشاب ينزل ايدين عباده لتحت و هو بيضمها على بعض و عباده مش عارف يفك ايديه
مختار / سيب يا عبد الله
عبد الله يسيب و ينط مختار يوطى و برجله من ورا يكبل الشاب يقع على ضهره و عباده يتفك الشاب ينط يقف فى ثانيه و صمت تام فى المكان عبد الله واقف ورا مختار و التلاته بينهجوا و بيبصوله
عبد الله / الجدع ده مش طبيعى
مختار / على الاقل ضلعين او تلاته مكسورين
عباده / و لسه واقف
التلاته يبصوا لبعض و هم بيبصوا للشاب ما بيتكلمش و باصصلهم
مختار / هنعيدها تانى بس اوعى يمسكك
عباده يهجم و يحاول يديله بوكس يمسك ايده و يرفع حاجبه و يبصله باستنكار عباده يمسك ايد الشاب اللى مسكاه و يلف نفسه بحيث ايد الشاب تبقى على كتفه و يقلبه فى الارض مختار يحاول يديله بالرجل فى بطنه الشاب يلف و يقوم فى ثانيه عبد الله ينط على ضهره و يحاول يكسر فكه تانى و مختار بيضربه بوكسات فى بطنه الشاب يشد عبد الله من رقبته يحدفه قدامه ينزل على ضهره عباده يوطى من ورا فى ضهر الشاب مختار يضربه بالرجل فى بطنه يقع على الارض و مختار و عباده يجروا يقوموا عبد الله يقوم و هو بيتالم اوى و التلاته بينهجوا و بيبصوا للشاب بنظرات عدم ثقه و بدايه ياس و صمت تام فى المكان
عبد الله / مفيش فايده
الشاب يشاورلهم تعالوا يلفوا حواليه بتردد و تعب الشاب يجرى ناحيه عبد الله عبد الله يتخشب مختار يجرى يحضن الشاب من جنبه و يزقه عبد الله يجرى ناحيه الشاب الشاب يضرب مختار بالكوع فى ضهره ضربات متتاليه عبد الله بيصرخ
عبد الله / ركبتك يا عباده
عباده ينزل على ركبته عبد الله ينط على ركبه عباده و يتشقلب فى الهوا الشاب يمسك عبد الله من رجله يكون مختار وقع فى الارض من كتر الضربات الشاب يلف بعبد الله فى الهوا يطوحه يخبط فى الحيطه يقع ما بيتحركش و الكل مصدوم عباده يجرى على عبد الله و مختار على ركبته و ايديه مش قادر يقف الشاب يروح يخنق مختار عباده يرجع و يخنق الشاب الشاب يسيب مختار ينزل على وشه الشاب يمسك عباده من رقبته يقلبه فى الارض قدامه و يقوم يروحله يكون عباده قام و بينهج جدا و مختار بيحاول يقوم و هو مش قادر الشاب يلف و يرجع يضرب مختار بالرجل فى جنبه مختار يقع فى الارض عباده ينط يتشعلق فى رقبته و يحاول يكسرله فكه و يضغط جامد و هو بيصرخ
عباده / قوم يا مختار … مختاار … مختااااار
مختار بيحاول يقوم مش قادر الشاب يجيب عباده من رقبته و يوقعه قدامه على ضهره عباده بيتالم الشاب يشوف مختار بيحاول يقوم يروح من وراه و يخنقه عباده يقوم و هو بيتالم و يروح يضرب الشاب بوكسات فى وشه كتير متتابعه الشاب وشه كله دم لكن مش بيتاثر عباده يرجع خطوه لورا بياس و هو بيبص للشاب و مختار بيزرق عباده يشوف مختار ينط على رجل و يجى يضرب الشاب بالرجل التانيه فى وشه الشاب يسيب مختار يقع على وشه فى الارض و يمسك عباده من رجله و يقوم و هو بيلفه و يحدفه يخبط فى الحيطه يقع جنب عبد الله الشاب يقف يلاقى التلاته ما بيتحركوش يبص حواليه و يمشى الناس توسعله و مغاورى مش مصدق اللى شافه و بيبص على التلاته فى الارض ما حدش منهم بيتحرك يبص على الباب مكان ما الشاب مشى و يرجع يبص على التلاته فى الارض
…………………………….
فى سرايا الزنايته
غفير داخل يجرى
الغفير / اللحق يا كبير اللحق يا كبير
ناصر يطلع من المكتب و الكل ينزل من فوق بيجرى
ناصر / فى ايه يا عبد الستار
عبد الستار يبص على هند و انتصار و يبص لناصر ناصر يشده المكتب و باقى الرجاله و الشباب يدخلوا وراه
ناصر / فى ايه يا عبد الستار
عبد الستار / اللحق سى مختار و سى عبد الله و سى عباده نقلوهم التلاته المستشفي
شاكر / انت بتقول ايه يا جدع انت
عبد الستار / والله ده اللى حصل بسيونى كلمنى و قالى لما ما عرفش يوصل لجنابك
شاكر يبص لناصر
ناصر / كلمنى و ما رضيتش ارد عشان مستنى مكالمه من سليمان
راجل / و هنعمل ايه يا كبير هنفضل واقفين كدا و لا ايه ؟
ناصر / ما حدش من الحريم اللى بره هيحسوا بحاجه هنطلع كان فى خناقه فى البلد و رايحين نسلكها انتوا فاهمين ؟
الرجاله تهز راسها و تتحرك على بره هند تجرى على ناصر
هند / مختار جراله حاجه ؟ ما بيردش عليا
ناصر / ايه الكلام ده تفى من بقك مختار زى الفل ان شاء الله هو بس تلاقيه مش سامع التليفون من دوشه اللعب لما يشوفه هيكلمك انا مش عاوزك تقلقي خالص
هند تبص لناصر الكل يسبقه
شاكر / يلا يا ناصر
ناصر / جاى يا عمى … اهدى يا هند كل حاجه تمام ان شاء الله
ناصر يسيب هند و يمشي
فاطمه / قلبي مش مرتاح فى حاجه كبيره حصلت
انتصار / و انا كمان
هند تبصلهم و تبص فى الموبايل و تسكت
……………..
فى المخزن
فيرا قاعده على كنبه بتابع على الجى بى اس على التاب العربيه و هى ماشيه و جنبها رشيد بياذاذ لب و يتف على الارض
رشيد / طب ما تشوفيلنا فيلم حلو كدا نتفرق عليه بدل ملل السنين ده
فيرا / هانت
رشيد / ما انا بصراحه ريقي نشف من اللب مش كنتوا جبتوا شويه كاجوا و لا عين جمل
فيرا / هبقي اجبلك بس اسكت
رشيد / سكتنا … طب ما تخلي رجالتك يدونى موبايلي اقعد على النت شويه و لا انتوا باقه ؟
فيرا / باقه و اهدى بقي
رشيد / يا ستى انا شاحن النت على موبايلى هفتحلك هوت سبوت هاتى الموبايل
فيرا تشد سكينه من جنبها و تيجي تحطها على رقبه رشيد رشيد يمسك ايدها و يقلب فيرا فى الارض و يقعد فوقيها و يحط السكينه على رقبتها
رشيد / كدا رشيد يزعل
الرجاله ترفع على رشيد السلاح
فيرا / دونت شوت
رشيد يقوم و الرجاله تنزل السلاح رشيد يقوم فيرا و يديها السكينه فى ايدها فيرا تروح تجيب التاب تبص تلاقي العربيه ماشي
فيرا / تقدر تاخد موبايلك و تمشي انت نفذت اللى عليك
رشيد / اى خدعه و حقك عليا فى الشقلباظ اللى حصل دا كان رد فعل مش اكتر انا ما كنتش هعورك
فيرا / سورى انا كنت متوتره و انت زنان
رشيد / طب متاكده انك مش هتعوزى حاجه من العبد لله قبل ما يمشي حاجه كدا كدا كدا
فيرا / امشي يا رشيد لما احتاجك هبقي ابعتلك
رشيد / هى بقت كدا خلاص .. خلصت مصلحتى من عند جارتى يعني
فيرا / رشيد
رشيد / ماشي خلاص
رشيد يروح ناحيه الباب شاب يديله الموبايل فيرا تبص فى التاب
فيرا / استني .. العربيه اختفت
رشيد / ازاى يعني اعملى ريفريش للنت يمكن فصل و لا بيحمل
فيرا / نت ايه اللى بتتكلم عنه العربيه مش ظاهره خالص عندى
فيرا تمسك الموبايل و تتصل بحد
فيرا / غير متاح
رشيد / يمكن الحته دى ما فيهاش شبكه
فيرا / شبكه ايه احنا بنشتغل على القمر الصناعى علاطول
رشيد / يعني ايه يعني
فيرا / لو طلع اللى فى بالى
فيرا تجز على سنانها و تكتم جواها و تتصل بحد تانى
فيرا / زديس فى ايديت .. فوزميت كوماندو اى اسليديتي ميزتا ( هبعتلك موقع خد فريق و استكشفه )
فيرا تبص لرشيد مركز معاها
…………………
فى المستشفى
الكل متجمع حوالين الدكتور
الدكتور / الحمد لله الاشاعه اللى عملناها بتقول ان ما فيش اصابات خطيرة نقلق منها و احنا اتعاملنا مع الباقي الحمد لله بس برده لازم يفضوا تحت الملاحظه على الاقل اربعه و عشرين ساعه لحد ما نطمن خالص على حوار الارتجاج اللى قولت لحضرتك عليه
ناصر / كتر خيرك يا دكتور تاعبينك معانا
الدكتور يمشي و ناصر يروح يقعد جنب شاكر كاتم الغضب جواه
ناصر / الحمد لله الدكتور طمنى هيخرجوا بكره … هم كويسين بس زياده اطمئنان يعنى
شاكر / اللى حصل ده حصل ازاى يا ناصر
ناصر / مش عارف اقولك ايه يا عمى والله
شاكر / سمعت الرجاله سمعت قالوا ايه
ناصر / خلينا نطمن على رجالتنا الاول و بعد كدا
تليفون ناصر يرن
ناصر / و ادى سليمان اهو … السلام عليكوا
سليمان / كلو تمام يا كبير و كلنا بخير و راجعين السرايا يا كبير
ناصر / لما توصل طمنى
سليمان / لما اوصل اطمنك !! انت مش فى السرايا و لا ايه ؟
ناصر / اه فى مشوار كدا هبقي اقولك عليه بعدين
سليمان/ تمام يا كبير لا اله الا الله
ناصر يقفل و يبص فى الارض
ناصر / كلو تمام يا عمى الحمد لله
شاكر / لما تبقي تقدر ترفع عينك فى وش هند و تقولها الحقيقه ابقي قولى كلو تمام
شاكر يسيب المكان و يمشي و ناصر بيبص عليه
………………
فى المخزن عند فيرا
فيرا رايحه جايه فى المكان و هى متوتره تليفونها يرن
فيرا / تيل مى اجود نيوز ( قولى اخبار كويسه )
صوت راجل / مكتار . اباده اند ابدالله ان ذا اى سي يو ( مختار و عباده و عبد الله فى العنايه المركزه )
فيرا / ادواردو ؟
الراجل / استيل اللايف ثانكس تو ذا بى كاى ( لسه عايش بفضل بى كاى )
فيرا / كيب مى اب دايتد ( بلغنى لو فى جديد )
فيرا تقفل الخط
رشيد / خير وصلوا
فيرا / لسه مش هم
رشيد ينفخ تليفون فيرا يرن
فيرا / بود تو يوفيرناى ( طمنى )
راجل / سيا كامندو بلا ابيتا .. امشينا زورفالاس ( كل الفريق اتقتل و العربيه انفجرت )
فيرا الغضب يبان عليها و تسند على كرسي و تجز على سنانها رشيدي متابع و ساكت فيرا تقفل الخط و تتصل بحد تانى
فيرا / برينج زيم تو مى اللايف ( هاتهملى احياء )
الراجل / هو ( مين ؟)
فيرا / اول زاير ومين ( كل ستاتهم )
رشيد عنيه توسع و يبص حواليه
………………..
فى سرايا الزنايته
انتصار شايله صينيه عليها قرص تروح ناحيه الغفر اللى على البوابه
غفير 1/ تسلم ايدك يا ست الستات تعبتى روحك
انتصار / سخنه و طازه الف هنا
غفير 2 ياخد واحده
غفير 2/ والله جايه فى وقتها لسه كنت بقوله اعملنا كبايتين شاى
انتصار / الف هنا مش ناقصكوا اى حاجه
غفير 1/ تسلمى يا ست الكل
انتصار تبتسم و ترجع السرايا و العيال بتجرى ناحيه الجنينه الورانيه
انتصار / بالراحه يا عيال لحد يتعور
العيال ما تردش و تجرى و هى تبتسم فجاه عربيه نص نقل محمله رجاله لابسين صعيدي بسلاح تكسر البوابه و الرجاله ينزلوا منها يضربوا نار على الغفر انتصار عينها توسع و تجرى على جوه الرجاله ينتشروا فى الجنينه و يقتلوا باقى الغفر سماح و مريم و العيال يطلعوا من الجنينه الورانيه يشوفوا المنظر قدام السرايا يرجعوا انتصار تطلع من الفرنده و فى ايدها رشاش تضرب فى الرجاله الرجاله تتفرق و فى منهم يروح الجنينه الورانيه فاطمه تطلع من السرايا و تضرب بالنار فى الرجاله
………………..
فى الجنينه الورانيه
مريم و سماح يزقوا العيال و يخلوهم يجروا مفيش مكان يخبوهم فيه يبصوا لبعض و يبصوا وراهم الرجاله حصلوهم
راجل 1/ احنا مش ناويين ناذى حد اسمعوا الكلام و اركبوا معانا
مريم / ودعت اهلك قبل ما تيجي تتهجم على حريم الزنايته
راجل 1/ ما تخلينيش ائذيكي يا بنت الناس امشوا معايا بالزوق احسنلكوا
ولد صغير / و ان ما مشيوش هتعمل ايه
راجل ٢ يضرب نار فى الارض تحت رجلين الولد الولد ما يتحركش
راجل ٢ / المره الجايه فى قلبك احنا مش هناذى الحريم انما انت ما لكش عازه
راجل ٢ يرفع السلاح لفوق و ينشن على صدر الولد ما بيتحركش
…………………..
ناحيه قهوه
رجاله قاعدين بيشربوا شاى و يتكلموا
راجل ١ / اقسم بالله شوفتها بعيني الراجل كان زى الطور و التلاته نازلين فيه ضرب و فى الاخر رقدهم
راجل ٢ / بس مش اصول دى يعني راجل غريب يضرب ابن بلدك و انت واقف تتفرج
راجل ١ / و احنا هنقدر عليه بقولك رقد عباده و مختار و بعدين ما سى مغاورى كان موجود و ما عملش حاجه
راجل ٣ / ما تنساش انهم متخانقين برده يعني
راجل ٢ / و لو يا سعد الله برده انا و ابن عمى على الغريب و بعدين دا راجل بطوله و الكتره تغلب الشجاعه و لا ايه يا مجاهد
مجاهد / اللى يشوف غير اللى يسمع دا اقل واجب مبلبعله شريطين تلاته دا خرج ماشي لا متسند و لا حتى بيزك
راجل ٤ / المنظر كان مرعب يا رجاله دا طوح سى عباده كانه بيمرجح عيل صغير و لا سى مختار انا خفت يموت فى ايده
راجل ٢ / كل ده و انتوا واقفين تتفرجوا يا خساره على الرجاله
راجل ١ / و احنا بايدنا ايه نعمله اللعبه معروفه و ياما بيحصل فيها و فيها حكم الحكم ما ادخلش ندخل احنا ليه و الراجل كان بيلعب لوحده ضد تلاته و كلو قانونى و سى مغاورى كان واقف و بيتفرج و ساكت عاوزنا احنا اللى ندخل
راجل يدخل بيجرى و هو بيصرخ
الراجل / يا اهل البلد الهجامه دخلوا سرايا الزنايته و الحريم لوحدهم جواها يا اهل البلد … اللحقوا يا اهل البلد … حريم الزنايته بينضرب عليهم نار يا اهل البلد
الرجاله تبص لبعض و الكل يجرى من كل حته
…………………..
فى سرايا الزنايته
هند تنزل تجرى من فوق و ماسكه مسدس فى ايدها فاتن تلحقها قبل ما تطلع من الباب
فاتن / استنى انتى رايحه فين خليكي جوه
هند / فاطمه لوحدها بره انتى حامل خليكي جوه لكن انا هخرج
فاتن / فوقى يا هند طلوعك هيبقي زى قلته انتى تقدرى تقتلى روح يا هند هتطلعى و تتخشبي خليكي جوه لسه بدرى عليكي
فاطمه تدخل بتنهج و تقفل الباب فاتن تبصلها و تتكلم بفزع
فاطمه / ما عرفتش اوصل للجنينه و سلاحى فضي
هند و فاتن يبصولها
فاطمه / الراجل بياخد بالطلقتين تلاته و يكمل عادى ايه الناس دى
انتصار تنزل تجرى من فوق تجرى على الباب فاطمه تمنعها انتصار تصرخ فيها
فاطمه / على فين بطولك كدا هتموتى
انتصار / عيالي بره … عيالي اوعى
فاطمه / مش هسيبك
هند / هو مفيش سلاح تانى
فاتن / باب المخزن فى الجنينه مفيش جوه السرايا
هند تبص للمسدس فى ايدها و فاطمه و انتصار ماسكين فى بعض هند تفتح الباب و تطلع بره و تنشن فى الدماغ يقعوا انتصار تطلع تجرى وراها و تجرى على المخزن
………………….
فى الجنينه الورانيه
صوت ضرب النار شغال و الراجل منشن على قلب الولد
الولد / اضرب و لا خايف
راجل ٢ يضرب طلقه فى رجل الولد يقع فى الارض سماح توطى عليه و الكل يصرخ مريم تجرى على الراجل تجيبه من وشه و هى بتصرخ و نازله فيه ضرب بايديها الاتنين ما بيتهزش
مريم / يا ابن الكلب يا ابن الكلب يا واطى
الراجل يمسك مريم من ايديها و يحاول يشدها و هى بتحاول تفلت منه و تفلفص فى الارض التانى يدخل يشد سماح من فوق الولد العيال الصغيره كلها تجرى عليهم و يشدوا مريم و سماح و هم بيصرخوا كلهم
…………………..
عند باب المخزن
انتصار توصل تلاقي المخزن مقفول بقفل تبص وراها هند سلاحها فضي و الرجاله كتير تحدف المسدس فى دماغ واحد ما يتهزش و بيجروا عليها تحاول تضرب واحد بوكس يمسك ايدها تلف نفسها و تقلبه فى الارض التانى يشيلها من ضهرها و الاول يقوم يمسك رجليها و هى بتصرخ فاطمه تطلع من جوه شايله سكاكين المطبخ و الستات يطلعوا كلهم بالمقشات و العصيان و السكاكين و يشتبكوا مع الرجاله انتصار تشيل طوبه كبيره من الارض و تحاول تكسر القفل عربيه مغاورى تخبط العربيه النص نقل و ينزل منها بمسدسين و يضرب كل الرجاله فى راسهم يوقعوا رجاله كتير تدخل وراه انتصار تفتح المخزن و صوت ضرب النار يقف انتصار تبص وراها الستات بيقوموا بعض من الارض و مغاورى و رجاله كتير مالين السرايا صوت طلقه من الجنينه الورانيه الكل يجرى يلاقوا سماح فى الارض و مريم نايمه فوقيها بتصرخ فيهم
مريم / دى بنت يا ولاد الكلب
الاتنين رجاله واقفين بيبصوا لبعض
راجل ١ / ما كانش قصدى طلعت غلط
مغاورى يدخل يضربهم بالنار طلقات كتير و هو بيقرب ناحيتهم لحد ما يقعوا و يجرى على سماح و الكل وراه مغاورى يبص يلاقي سماح واخده طلقه فى بطنها و مريم ضاغطه بايديها على الجرح
مغاورى / هى حصلت يا ولاد الكلب
فاطمه تجرى تقعد على ركبها و تشدها فى حضنها
فاطمه / سمااااح بنتى
سماح بتعيط
سماح / اللحقيني يا اما انا بموت
مغاورى / لا مش هتموتى لا قومى قومى
مغاورى يشيل سماح من حضن فاطمه ما تمنعوش و يلف يلاقي هند ماسكه مسدس و منشنه عليه و هى بتنهج و تعيط
هند / سبها
مغاورى / هوديها المستشفي لازم تتلحق
هند / و انت بقي اللى هتلحقها ان شاء الله
انتصار تنزل سلاح هند
انتصار / لو بينا ايه هيلحقها
هند / انتى ازاى واثقه فيه اوى كدا هيخطفها من وسطينا
انتصار / عشان انا اللى مربياه … اللحقها يا مغاورى
مغاورى يجرى بيها و راجل تانى يدخل يشيل الولد و يجرى ورا مغاورى و فاطمه قاعده فى الارض بتعيط و مش طبيعيه و مريم بتطبطب عليها
فاطمه / بنتى … البت اللى حلتى هتضيع منى … هقول لابوها ايه .. البت راحه
انتصار تشد فاطمه من على الارض و تهزها جامد
انتصار / انتى هتولولى و لا ايه البت لسه عايشه و هتعيش
فاطمه تورى انتصار ايدها و تصرخ
فاطمه / دا دم بنتى اللى فى ايدي يا انتصار دم بنتى
انتصار تضربها بالقلم
انتصار / بنتنا كلنا و هتعيش و انجرى قدامى على المستشفي
انتصار تشد فاطمه و يمشوا خطوتين و تبص للكل
انتصار / ادخلوا السرايا و اقفلوا عليكوا الباب
هند / انا جايه معاكوا
انتصار / لا المخزن مفتوح حملوا سلاح للسرايا من جوه و اقفلوا عليكوا الباب على ما الرجاله يوصلوا
فاتن / حاضر
فاطمه / البت راحت البت اللى حلتى راحت
انتصار / اتحركى يا فاطمه اتحركى
انتصار تشد فاطمه و يمشوا و فاتن تبص على العيال و تتاكد ان كلهم بخير
فاتن / حد اتعور حد تانى فيه حاجه
هند عينها على الرجاله اللى واقفه
هند / فاتن … ام عمر
فاتن تروحلها هند تبص على الرجاله فاتن تبصلهم
راجل / احنا هنقف على البوابه لحد ما الكبير و الرجاله يوصلوا ما تشيلوش هم يا ست ام عمر
فاتن تهز راسها
فاتن / على السرايا يا عيال على السرايا … يلا يا هند
هند تتحرك ناحيه السرايا تلاقي الرجاله بتشيل الجثث و تحملهم على العربيه النص نقل تتخشب و تقف و الدموع تبدا تنزل منها و هى عينها على الجثث فاتن تدخل العيال و الستات تشيل صناديق سلاح من المخزن تدخلها السرايا و فاتن على الباب بتبص على هند و هى متخشبه و بتعيط تروحلها
فاتن / يلا يا هند تعالى جوه احسن
هند تبصلها
فاتن / اول مره فى البلد دى حد يهاجم بيت فيه حريم و اطفال و اللى عملوا كدا ممكن يعملوها تانى
هند ترفع ايديها بالراحه ايديها ترتعش و الدموع بتنزل من عنيها و صوتها مبحوح
هند / انا … انا
فاتن / انتى ايه ؟
هند تبص على الجثث و تبلع ريقها فاتن تمسك وش هند بين ايديها و تخليها تبصلها
فاتن / انتى عملتى الصح حميتي روحك و حميتينا
هند تحاول تبص على الجثث فاتن تجبرها تبصلها
فاتن / اهدى اهدى
هند تهز راسها فاتن تاخدها فى حضنها و تحاول تحركها ناحيه السرايه هند تقع فى الارض مغمى عليها
………………….
فى عربيه مغاورى
سماح نايمه على الكنبه ورا بتعيط من الوجع و مغاورى طاير
سماح / مغاورى
مغاورى / هنوصل يا سماح هانت هنوصل
سماح / انا خايفه اموت اوى
مغاورى / مش هتموتى مش هيجرالك حاجه هتخفى و تبقي زى الفل
سماح / انا خايفه يجوا يكملوا عليا
مغاورى / الراجل منهم يقربلك
صمت مغاورى يبص ورا يلاقي سماح بتفقد الوعى يزعق فيها
مغاورى / سمااااح
سماح ما بتردش
مغاورى / سماح … سماح
مغاورى يفرمل العربيه و يبص ورا سماح فاقده الوعى
مغاورى / لا لا لا مش هتموتى لا
مغاورى يعدل نفسه فى الكرسي و يطير بالعربيه
………………….
قدام المستشفى
مغاورى يركن العربيه و ينزل يشيل سماح الكل يجري عليه و ياخدوها منه على ترولى مغاورى يمسك الدكتور من هدومه
مغاورى / هتعيش انت فاهم
الدكتور يهز راسه مغاورى يسيبه ياخدوا سماح على جوه و هو واقف بيلف حوالين نفسه عربيه تانيه تفرمل و ينزل منها الراجل و يشيل الولد مغاورى يجرى عليه و ياخده منه
الولد / سماح عامله ايه
مغاورى / هتبقي كويسه يا بطل يا بخت عم سليمان بيك
الولد يبتسم مغاورى يحطه على ترولى و ياخدوه جوه
شاهين يدخل المستشفى
شاهين / ايه اللى حصل ده يا مغاورى
مغاورى / هنعرف يا بويا هنعرف
مغاورى يسيب المكان و يمشي زى الطور الهايج عربيه تقف و فاطمه وانتصار ينزلوا منها
انتصار / البت عامله ايه يا مغاورى
مغاورى ما يردش و يطير بالعربيه فاطمه تجرى على المستشفي تلاقي شاهين
فاطمه / بنتى فين بنتى
شاهين / اهدى يا ام عباده هتبقي كويسه ان شاء الله ما تقلقيش
انتصار / ما شوفتش ناصر يا خويا
شاهين / انا لسه واصل ما شوفتش حد اكلمهولك
انتصار / ياريت جينا كدا لا موبايل و لا حاجه
شاهين / ما تقلقيش يا ست الكل اطلبهولك و لحد ما يجي رقبتى ليكي
انتصار / تسلم و تعيش يا خويا تسلم و تعيش
شاهين يتصل على ناصر فاطمه تجرى على الاستقبال
فاطمه / ابوس ايدك يا بنتى
البنت / اؤمريني يا ام عباده حالا اخدك لاؤضه سى عباده
فاطمه تبصلها باستغراب و تبص لانتصار
فاطمه / هو عباده لحق يجي امتى
البنت / الله !! امال انتى جايه لمين يا ست الكل
فاطمه / هو عباده فى المستشفي عباده ابنى انا هنا فى المستشفي
انتصار تدخل و تبص لفاطمه
البنت / ايوه يا ام عباده جابوه امبارح هو و سى مختار و معاهم سى عبد الله اخو الست هند
انتصار / انتى بتقولى ايه انتى انتى بتقولى ايه
شاهين / اهدى يا ست الكل انا هفهمك كل حاجه
انتصار / انا مش عاوزه افهم حاجه اوضتهم فين اوضتهم فين انطقى
البنت تبص لشاهين و تفهم انها عكت الدنيا
…………………..
قدام بيت شيري
عربيه ناصر تقف و وراها عربيتين و ينزل منها و وراه رجاله كتير ناصر يطلع يجرى يخبط على الباب ما حدش يرد يرزع جامد ما حدش يرد ست من فوق تنزل تجرى
الست / سى ناصر اهلا و سهلا اهلا و سهلا
ناصر / الحجه ام عبد الله
الست / لسه ما جاتش من الحضانه خير يا خويا فى حاجه و لا ايه
ناصر / تشكرى بالاذن
ناصر ينزل يجرى يبص لاتنين رجاله
ناصر / هتفضلوا هنا يمكن ترجع تجيبوها على البيت هى و البت الصغيره مش هتقولولها حاجه قولولها بس الكبير عاوزك انتوا فاهمين
الراجل ١ / اوامرك يا كبير
ناصر / مين فيكوا يعرف الحضانه دى تطلع فين
راجل ٢ / انا عارف يا كبير فى شارعنا
ناصر / بسرعه على هناك
الكل يركب و ناصر يسوق بسرعه
………………….
فى الحضانه
شيري واقفه وسط العيال باب الحضانه يخبط بفزع شيري تجرى تفتح الباب تلاقي ست
الست / اللحقي يا ام عبد الله اللحقي الرجاله هجموا على سرايا الزنايته و الحريم لوحديهم
شيري / انتى بتقولى ايه
الست / اول ما سمعت الخبر جيتلك جرى
شيري تيجي تجرى
الست / و البت الصغيره
شيري ترجع تبص على ياسمينا بتجرى وسط العيال شيري تجرى تروح تشيلها و تنزل تجرى و الست بتجرى وراها اول ما توصل فى الشارع تنادى عليها و هى بتجرى وراها
الست / يا حجه ام عبد الله يا حجه استني هتروحى المشوار ده كله على رجلك تعالى معايا عربيه
شيري تقف و ترجعلها
شيري / ربنا يباركلك
الست تبتسم و شيرى تركب ورا هى و ياسمينا و الست تركب قدام
الست / اطلع على السرايا
راجل بدى بيلدينج يهز راسه حاضر و يسوق و شيري ورا متوتره
شيري / بسرعه يا خويا اللهى لا يسيئك
الست / ما تقلقيش يا ست الكل هنلحقهم ان شاء الله
شيري تهز راسها و تبص من الشباك و العربيه بتتحرك
………………
فى المستشفى
فاطمه و انتصار و وراهم شاهين يجروا فى الكوريدور ناحيه اوضه واقف قدامها اربع رجاله ينتبهوا لما يشوفوا انتصار و فاطمه داخلين يبصوا لبعض
انتصار / هى دى الاوضه
شاب ١ يهز راسه و يفتحلها الباب تشوف التلاته تقع فى الارض و فاطمه تسندها
………………..
فى المخزن عند فيرا
فيرا رايحه جايه و رشيد متابعها
رشيد / انا عارف ان الوقت مش مناسب يس لامؤاخذه يعني
فيرا تطلع مسدس و تضرب طلقتين على رشيد واحده يمينه و واحده شماله
فيرا / ما تخلينيش ازعلهم عليك
رشيد / ياريت كان عندى اللى يزعل عليا
فيرا تبصله تليفونها يرن تغمض عينها و تحاول تهدى و ترد
فيرا / طمنى
الراجل / انا عملت اللى امرتى بيه بس
فيرا / فشلت .. بس فشلت مش كدا
الراجل / اهل البلد ادخلوا انا قولتك شوفى اى حاجه غير الحريم
فيرا / لو البنات دول ما كانوش عندى النهرده انا هاجى بنفسي اخد بناتك انت سامعنى و لا لا
الراجل / انا عملت كل اللى امرتيني بيه انا عملت كل اللى
فيرا تقفل السكه
رشيد / شكل المكالمه ما كانتش ولا بود
فيرا تبصله بغضب
رشيد / انا خلصت شغلى سبيني امشي و اعملى اللى يريحك انا مالى بكل ده
رساله توصل لفيرا تبص فى الموبايل
////////
مامه هند و اختها معانا و احنا فى الطريق للفيلا
////////
فيرا تبتسم و تتنهد
فيرا / اخيرا حد فى البلد دى عمل حاجه صح و فلحت معاه انا فى حياتى ما شوفتش افشل من المصريين
رشيد / ما تجيبي رجاله من بلدك ما دام احنا مش عاجبين
فيرا / ليه و انا هبله اجازف برجالتى خليهم مصريين فى بعض يخلصوا على بعض خلى البلد تنضف
رشيد / خلاص ما تزعليش بقي اما اللى انتى عوزاه ما يتمش
فيرا / واضح فعلا ان ما عندكش اللى يزعل عليك
رشيد / و لا عندى اللى ازعل عليه فيا تقتليني يا تسبيني امشي عشان زهقت
فيرا / و ان ما سبتكش تمشي هتعمل ايه يعني
رشيد يقوم يقف و و يعدل هدومه و يروح ناحيه الباب الرجاله تقفل عليه الطريق يبص لفيرا تشاورلهم يوسعوا يبتسم و يحيها براسه و يمشي فيرا تروح تقف فى جنب و تنفخ و هى متعصبه
………………….
فى الحضانه
ناصر يوقف العربيه و ينزل يطلع يجرى يخبط على الباب بنت من اللى شغالين تفتح الباب
البنت / اهلا يا كبير اتفضل اتفضل
ناصر / الحجه ام عبد الله موجوده
البنت / لسه نازله
ناصر / نزلت راحت فين
البنت / جت واحده قالتلها ان فى رجاله اتهجموا على السرايا عندكوا خدت ياسمينا و نزلت تجرى
ناصر / مين الست دى
البنت / والله اول مره اشوفها
ناصر يبص فى الارض و يهز راسه
ناصر / رجعى العيال دى لاهاليهم عيل عيل لحد باب بيته و تسلميه لابوه او امه و هسيب معاكى رجاله تساعدك و اقفلى المكان و روحى بيتك
البنت تهز راسها و تدخل تنادى العيال ناصر ينزل الشارع و هو متعصب
ناصر / ممدوح .. فرج
اتنين رجاله يجروا عليه
ناصر / خدوا عربياتكوا و اتنين كمان و وصلوا العيال دى لبيوتها و تسلموهم لاهاليهم و ما تسيبوش الحريم اللى فوق الا اما يرجعوا بيوتهم و تطمنوا عليهم
شاب / امرك يا كبير
ناصر / يلا اتحركوا
البنات تنزل من فوق و معاهم العيال ناصر و الرجاله يركبوهم العربيات و العربيات تطلع
ناصر / فتحى
راجل يدخل
ناصر / لم كل الرجاله و اقلبولى البلد عاليها واطيها لحد ما تلاقوا الست ام عبد الله و بنتها
فتحى يهز راسه و يجرى تليفون ناصر يرن يبص فيه و يرد
ناصر / ايوه يا فاتن ايه الاخبار عندكوا
فاتن / انا فى الطريق هناخد هند المستشفي
ناصر / مالها هند هى كمان
……………….
على طريق بره البلد
شيرى بتبص من الشباك
شيري / هو احنا رايحين فين
الست / هندخل السرايا من ورا الطريق اللى تعرفيه مش امان
شيري / بس احنا كدا خارجين بره البلد
الست / هههههههههههههه ما شاء الله انتى لحقتى فى الفتره البسيطه دى تحفظى كل طرق البلد
شيري / لو سمحت وقف العربيه … بقولك وقفى العربيه انا عاوزه ارجع لبنتى … بقولك وقفى العربيه
الست تشد اجزاء مسدس و تلف لشيرى شيرى تشد ياسمينا لحضنها
الست / شاطره
الست تتعدل فى كرسيها
شيري / انتوا مين ؟ و بتعملوا معانا كدا ليه ؟ انا ما اعرفكوش … طب خدونى انا و سيبوا البنت دى صغيره ما تعرفش حاجه
الست / يعني هتبقي مبسوطه لو فتحنا الباب و سبناها هنا لوحدها يعني
شيري تحضن ياسمينا اوى
الست / قولت كدا برده
شيرى الدموع تنزل من عنيها و العربيه ماشيه على الطريق
………………..
فى المستشفي
فاطمه واقفه على باب اوضه العمليات بتعيط و تدعى انتصار تدخل فاطمه تشوفها تجرى عليها
فاطمه / ما خلتكيش مرتاحه ليه
انتصار / مش هرتاح الا اما اطمن على ولادى هى عامله ايه
فاطمه / لسه جوه
انتصار / هتبقي بخير هتقوم بالسلامه و تبقي بخير
فاطمه / شوفتى عباده و اللى جراله … التلاته يا انتصار التلاته بالمنظر ده
انتصار / بيقولوا كانوا التلاته قدام راجل واحد
فاطمه / لو كانوا قالوا الكلام ده قبل اللى حصل النهرده ما كنتش صدقت دول زى بتوع الفيلم الاجنبى بتاع الزومبى دول بيمشوا و هم ميتين
انتصار / لا لا بتوع الفيلم كانوا بطاء و غيرهم دول حاجه تانيه
فاطمه / حاجه مرعبه اكتر حاجه ما نفهمهاش
انتصار / بس بيموتوا فى الاخر
فاطمه تبصلها
انتصار / طلقه فى الدماغ
فاطمه / مين دول و ازاى كدا و عاوزين مننا ايه
انتصار / ما اعرفش بس هنعرف نعدى بس اللى حصل ده و نرجع بيتنا و ان شاء الله كل حاجه تبقي تمام
فاطمه / ازاى ازاى هتبقي تمام ازاى
انتصار / ما اعرفش والله العظيم ما اعرف بس احنا مش قليلين يا ام عباده احنا مش قليلين هنقف جنب بعض و نتكلم و نفهم و نلم بعض و نقوى بعض و نكمل ياما دقت على الراس طبول يعني
فاطمه / المرادى غير … المرادى انا خايفه … المرادى الموضوع كبير اكبر مننا
انتصار / و ربك مفيش اكبر منه
فاطمه تمسك ايد انتصار انتصار تبصلها و تمسك فى ايدها
…………………
فى السرايا
ناصر يدخل بالعربيه الرجاله توسع ناصر ينزل من العربيه يجرى عليه واحد من الرجاله
الراجل / الحريم و الاطفال جوه السرايا و احنا نضفنا الجنينه دى و الورانيه و بعتنا للراجل يجي يصلح البوابه
ناصر/ الحجه ام عبد الله جت
الراجل / لا يا كبير ما جتش
مريم تفتح باب السرايا و تجرى تترمى فى حضن ابوها ياخدها فى جنب و هى بتعيط
ناصر / عدت يا مريم خلاص اهدى عدى
مريم / سماح يا بويا سماح فى المستشفي و هند و جابر
ناصر / هيبقوا بخير ما تخافيش كلهم بخير ان شاء الله اخبار الجماعه اللى جوه ايه
مريم / احنا كويسين .. بس … بس خايفين
ناصر / رجاله البلد كلهم على الباب تخافى ازاى يا مريم
مريم تبص فى الارض
ناصر / انا اطمنت عليكوا هرجع المستشفي اطمن على اخواتك و الباقين و لما ارجع هنتكلم تانى
مريم / اجى معاك
ناصر / خليكي هنا ما تسيبهمش لوحدهم
ناصر يبص على مخزن السلاح يلاقيه مقفول
مريم / احنا اخدنا سلاح كتير جوه و الرجاله ركبوا قفل جديد
ناصر يهز راسه و يبوس راسها و يروح ناحيه راجل
ناصر / لو الحكومه جت
الراجل / جم يا كبير و ما لقيوش حاجه
ناصر / و البوابه المكسوره
الراجل / السواق كان شارب و دخل فيها بالغلط و الغفر ضربوا نار من خضتهم و ظبطنا كام راجل من عندنا لحد ما الحوار ينام
ناصر / و الرجاله اللى مسكتوهم
الراجل / الله لا يرحمهم بقي بس جبنا بطايقهم
الراجل يدى لناصر البطايق ناصر يبص فيها
الراجل / رجاله ابو فارس
ناصر / و احنا من امتى بينا و بين ابو فارس غير كل خير
الراجل / انت ما شوفتش اللى حصل يا كبير انت ما شوفتش اللى شوفناه
ناصر / سمعت سمعت ما تقلقوش مش عاوز حد يقلق انا ليا صرفه نفوق بس من اللى حصل و كل حاجه هتتظبط ان شاء الله
الراجل / و احنا وراك يا كبير اهل البلد كلهم وراك
ناصر يطبطب بايده على كتف الراجل و يبتسم
…………………….
على الطريق
شيري حاضنه ياسمينا اوى عربيه مغاورى تعدى من جنبها بسرعه و تفرمل و تقف بجنب تسد الطريق عربيه شيرى تفرمل فجاه شيري تحضن ياسمينا اوى و هى حاطه راسها فى حضنها الراجل ينزل من العربيه مغاورى ينزل من العربيه و يضربه طلقه فى دماغه الست تنزل بسرعه و تشد الاجزاء مغاورى يضربها فى دماغها شيري بتتنفض و شايفه اللى بيحصل و حاضنه ياسمينا مغاورى يشد جثه الراجل الناحيه التانيه من العربيه و يروح من باب السواق
مغاورى / انتى كويسه يا امى
الست تبصله
مغاورى يفتح اللوك و يفتح الباب اللى ورا السواق
مغاورى / يلا نروح يا امى
شيري بصاله و حاضنه ياسمينا و بتتنفض
مغاورى / يلا يا امى .. انا هروحك ما تخافيش … تعالى
شيري تهز راسها لا
مغاورى / ما تخافيش يا امى والله هروحك السرايا ما تخافيش تعالى يا امى
شيري تبصله و تسيب ياسمينا مغاورى يشيلها
مغاورى / ايه الجمال ده اللهم بارك تاكلى شيكولاته ؟ معايا شيكولاته فى العربيه
ياسمينا تبص لمامتها نزلت من العربيه مغاورى ياخدهم و يركبهم و يلف بيهم يرجع و بعدين يفرمل و ينزل
شيري / انت رايح فين
مغاورى يفتح التابلوه و يطلع شيكولاته و يديها لياسمينا
مغاورى / جاى حالا يا امى حالا ما تقلقيش
مغاورى ينزل يفتح شنطه العربيه و شيري متبعاه يروح يركب الجثث العربيه و يكب عليهم و على العربيه بنزين و يولع فيهم شيري تتعدل و تبص قدام و مغاورى يرجع يركب تليفونه يرن
مغاورى / لحقتهم لحقتهم … حبيبي
مغاورى يقفل و يبص فى المرايه على شيري
مغاورى / انتى بخير يا امى
شيري تهز راسها
مغاورى / حقك علينا هنروح اهو
مغاورى يسوق و شيري بتبص لياسمينا بتاكل الشيكولاته ياسمينا تعزم على مامتها شيري تهز راسها لا
………………….
فى المستشفي
ناصر يركن العربيه و يدخل يقابل شاهين يحضنوا بعض
ناصر / جميلكوا على راسي
شاهين / دا واجب علينا لو كان جرالهم حاجه كنا هنرفع عينا و نبص فى عيون الناس ازاى
ناصر يهز راسه
شاهين / ادوا لهند حقنه مهدئه و نايمه و ام عمر معاها و جابر طلعوله الطلقه من رجله و بخير الحمد لله بس سماح لسه فى العمليات
ناصر / طولت قوى ليه كدا
شاهين / ما اعرفش بس ان شاء الله خير
ناصر / هستاذنك اطمن عليهم
شاهين / اتفضل اتفضل
………………..
فى اوضه عباده
ناصر يفتح الباب يلاقي عبد الله ممدد على السرير و سرير عباده و مختار فاضين
ناصر / حمد الله على السلامه
عبد الله / الله يسلمك
ناصر / امال الجماعه فين
باب الحمام يتفتح و عباده يطلع و هو بيتسند ناصر يروح يسنده
عباده / ازيك يا كبير
ناصر/ بخير طول ما انتوا بخير … امال مختار فين
عباده / بيطمن على جابر
عباده يغمز لناصر على عبد الله ناصر يبص على عبد الله
ناصر / هم لحقوا يقولوله ما شاء الله الكلام فى البلد دى اسرع من الضوء
عبد الله / هو بخير يا كبير
ناصر / بخير بخير المهم انتوا بخير ؟
عبد الله / مريم عرفت انى انضربت ؟
ناصر / لسه بس ما فيش حاجه فى البلد دى بتستخبى مسيرها تعرف
عباده / ههههه من ساعه ما فاق و هو ما لوش سيره غيره شكلى ايه قدام مريم بعد اللى حصل
ناصر / ههههههههههههههه هروح اطمن على جابر و ارجعلكوا
ناصر يجي يمشي عباده يمسك ايده و يبصله
ناصر / مش عاوز حد فيكوا يكون ناقصه حاجه عاوز كل حاجه تبقي تمام و بخير
عباده يسيبه و يمدد فى السرير
عبد الله / تسلم يا كبير
ناصر يبص لعباده و يطلع بره
……………….
فى اوضه هند
هند نايمه و فاتن قاعده الباب يتفتح مختار يدخل و هو بيزك فاتن تجرى تسنده
فاتن / عمى بالراحه بالراحه
مختار يبص على هند
فاتن / كويسه والله العظيم بخير و كويسه هم اللى منيمنها ادوها دوا ينيمها الدكتور اكدلى
مختار يروح يقعد جنبها
فاتن / عباده و عبد الله عاملين ايه انا لسه عارفه باللى حصل بس قالولى اخليني جنبها ما اسبهاش لوحدها
مختار / تسلمى يا فاتن تعبناكى و انتى حامل
فاتن / تعبكوا راحه يا عمى … قالولك على اللى حصل فى السرايا
مختار / قالولى
فاتن / هند ضربت نار و كانت بتوقعهم زى الدبان كانت واقفه بمليون راجل
مختار يبص على هند