رواية البر التاني الفصل الخامس عشر 15 بقلم لولو محمد
رواية البر التاني الجزء الخامس عشر
رواية البر التاني البارت الخامس عشر
رواية البر التاني الحلقة الخامسة عشر
مختار يبتسم و هند مش قادره تمسك نفسها من الضحك
مختار / يعني الغدى النهرده كرنب و نسك على الدايت
هند / ههههههههههههههه ان شاء الله
مختار / الحمد لله لحسن انا تعبت خالص من الدايت ده كان قاسي اوى
هند / يا سلام
مختار / بصي خسيت ازاى
هند / ركز فى السواقه يا مختار ركز يا حبيبي
مختار / ايوه كدا اضحكى كدا و فرفشي و بيني سنانك و لا انتى ضاربه توم على الصبح
هند / ما تبقاش مختار الزيني ان ما نهيتهاش كدا
مختار / مهو مش من اول حلقتين يعني هجيب معاكى والله قدام بس اصبرى عليا
هند / صابره هعمل ايه يعني
مختار / والله يا هند بحبك و زعلك غالي عندى و لا يهون عليا تعبك ابدا انا بس بانبسط لما باكل من ايدك
هند تبصله و تبتسم
هند / شكرا
هند تبص من الشباك و هى مبتسمه
………………………..
فى السرايا
عباده و ناصر قاعدين بيت كلموا مع راجل ضخم ملامحه قاسيه بشنب كبير يدخل عباده و ناصر يقوموا يقفوا
ناصر / انا مش عاوز غلطه فى الموضوع ده لو عندك اى مشكله قولها من دلوقت
وهدان / ما يكونش عندك فكر يا كبير الموضوع هيتم على ميه بيضا و هيكون بعيد خالص عن جنابك
ناصر / انا متاكد يا وهدان و عارف ان فى الحاجات اللى زى دى ما اقدرش اعتمد غير عليك و ما تقلقش حقك محفوظ
وهدان / اكيد جنابك سمعت عن حوارنا مع الجوارحه
ناصر / سمعت بس ما فهمتش ليه كل ده
وهدان / اللى حصل المهم الجوارحه حلفوا ما يدونا و لا حته سلاح و احنا ما نقدرش نقعد فى الجبل من غير سلاح يا كبير الديابا تاكلنا
ناصر / انا هتكلم معاهم عرفت احل الموضوع كان بها ما اتحلش هستاذنهم اديك اللى انت محتاجه
وهدان / و لحد ما الموضوع يخلص
عباده / الكبير قال كلمته يا وهدان
وهدان يبص لعباده و برجع يبص للكبير
وهدان / امرك يا كبير
وهدان يمشى
عباده / انا مش مرتاحله يا كبير
ناصر / انت فاكرنى ناديته عشان الحوار ده بس
عباده / امال ايه يا كبير فطمنى
شاكر يدخل
شاكر / شايف وهدان خارج من السرايا
ناصر / عمل بالظبط زى ما قولت يا عمى
عباده يبص لشاكر
شاكر / خلى عينك عليه يا ناصر دا ديب صحراوى ما لوش عزيز و نابه ازرق
عباده / مبقاش الا المطاريد اللى نعملهم حساب يا ابويا
شاكر / المطاريد كلهم فى كفه و وهدان القط فى كفه تانيه
………………………………
فى المضيفه
يس و على لمين حاجتهم خليفه يدخل شايل صينيه الفطار
خليفه / ايه ده يا بهوات على فين العزم كدا ان شاء الله
يس / هنرجع مصر الموضوع شكله مش سالك من اوله و مش نافع
خليفه / لا اله الا الله كدا من الباب للطاق طب دا الكبير امر الرجاله ينصبوا شادر كبير و لملكوا كل الفلاحين فى البلد و هيخليكوا تقعدوا تتكلموا معاهم نوبه واحده
يس / اصل حوار المطاريد بتاع امبارح ده
خليفه / مطاريد ايه يا يس بيه انتوا فى سرايه الكبير امان الامان دا المحافظ لولا الملامه كان ساب القصر بتاعه و الحرس و جه يبات هنا
يس يبص لعلى
على / انا بقول نروح
خليفه / طب حجزتوا القطر و لا نبعت حد يحجزلكوا
يس / احنا هنحجز من المحطه
خليفه / على راحتكوا على العموم انا هبلغ الكبير بالكلام ده و نشوف هيقول ايه
يس / هيقول ايه فى ايه
خليفه / لا يا يس بيه ما فيش حاجه بتحصل فى البلد هنا الا بشوره و علم الكبير
يس / يا سلام يعني ايه
خليفه / يعني احلى فطار على عيونكوا ثوانى و اجيب الشاى بالاذن
خليفه يطلع بره
على / انا مش واكل من الاكل ده انا بطنى ما بتستحملوش معلقه سمنه كمان و يجيلى اسهال
يس / الموضوع كل شويه بيقلقنى اكتر هو احنا مخطوفين و لا ايه قوم نمشي
على / طب و الكبير
يس / انا مالى بالكبير انا ماشي يعني ماشي و ان اتكلموا
الباب يخبط و خليفه يدخل
خليفه / انا كلمت الكبير و قالى تستنوه بس لو مستعجلين العربيه بره هتوصلكوا لحد المحطه
يس / هنمشي
خليفه / اللى تشوفوه يا بهوات العربيه جاهزه
يس و على ياخدوا حاجتهم و يمشوا ورا خليفه
……………………
فى سرايه تانيه
ناصر قاعد بيشرب شاي يدخل راجل هيبه تانى
الراجل / يا اهلا و سهلا اتارى السرايا منوره
ناصر يقوم يسلم
ناصر / منوره بناسها مع انى زعلان منك كدا ما تحضرش خطوبه مختار امال يا راجل ان ما كنتش انت اللى مربيه بايدك
الراجل / قسما بالله ما كنت فى مصر و انا هتاخر عن ابن اخويا بردك
ناصر / عشت
الراجل / ايه ده ؟ شاى !!! امال فين الاكل … يا سعيد انت يا هباب البرك اللى اسمك سعيد
ناصر / اكل ايه يا حج شاهين انا جاى اخد و ادى معاك فى كلمتين على السريع كدا
شاهين / لو كنت عاوزنى فى كلمتين كنت شيعتلى و انت عارف ما كنتش اتاخرت عنك و لا انت فاكر نفسك اكرم منى
ناصر / دا احنا متعلمينه منك بس انت عارف الحجه ان فاتن تزعل لو كلت من غيرها
شاهين / لا ان كان كدا سماح بس على الاقل نجيب شويه فاكهه تطرى القاعده … انت يا زفت يا اللى اسمك سعيد
راجل يدخل بيجرى
سعيد / اوامرك يا حج
شاهين / ايه صينيه الشاى الناشفه دى انجر على المطبخ هات الحلو كله دا الليله عيد
سعيد يجرى
ناصر / ربنا يخليك يا حج على العموم لو عيد بصحيح يبقي مش هتكسفني
شاهين / اؤمر انت عارف
ناصر / بقي خير فى سلامه
شاهين / و سلامه فى خير
ناصر/ وهدان القط
شاهين / قطع و قطعت سيرته بقي عديم الربايه يطاول على سيده مغاورى و يرد عليه
ناصر / وهدان راجلك من زمان و عمره ما اتاخر عنك فى حاجه و بعدين ما كانش يصح مغاورى يصغره قدام رجالته يعني و بعدين اللى ما تحتاجش لوشه النهرده بكره
شاهين / و لا بكره و لا بعده و يحمد ربنا انى عملت حساب للعيش و الملح و سايبه عايش
ناصر / و لو قولتلك عشان خاطرى
شاهين / الله بقي يا حج ناصر
ناصر / وهدان راجلك و سلاحه مش هيخرج غير من المخزن بتاعك و كبير المطاريد ان ما كانش تحت طوعك
شاهين / انت عارف انى اقدر انضف الجبل ده بكره الصبح
ناصر / و تقدر تساوى بيه الارض كمان بس ساعتها مش هتلاقي رجاله تشيل مع الحكومه و الجبل هيلم اشكال و اللوان اشي ارهابيين و اشي متطرفين
شاهين / يا حج ناصر
ناصر / ادى كبايه الشاى
شاهين / والله ما اقصد
ناصر / دا انا فى بيتك يا حج ما يصحش كدا يعني اجى لحد عندك و ترجعنى مكسور
شاهين / ما عاش و لا كان اللى يكسرك يجي يراضي سيده و ياخد السلاح اللى يعجبه
ناصر / لا كدا بقي عيد بصحيح و الله و طلعت غالي عندك
شاهين / ربنا يديم المحبه يا حج ناصر
………………………
فى الكليه
هند قاعده بتشخبط فى كشكول سلك لوحدها يوسف يعدى يروح يقف قدامها ترفع عينها و تبصله
هند / انت ماضي على اقرار
يوسف / انا ما اذتكيش و اقرارك ده مش هيلغى القرابه اللى بينا انتى ما كنتيش كدا
هند / الصلاه هتخلص و مختار هيجي
يوسف / المفروض اخاف و اجرى يعني و لا ايه مش فاهم يعني هند بلاش استفزاز
هند / انت عاوز ايه
يوسف يقعد جنبها تستاخر
يوسف / انا مش هاذيكي يا هند انتى عارفه غلاوتك عندى بلاش الاسلوب ده
هند / عاوز ايه يا يوسف
يوسف / بيقولولى انك بعتيني عشان مختار اغنى
هند تبص الناحيه التانيه و تتنهد
يوسف / انا عارف انهم كدابين انا عارف انك مش ماديه
هند / انا ماشيه
هند تيجي تقوم يوسف يشدها يقعدها هند تتلفت حواليها تشوف حد شاف اللى حصل و لا لا
هند / مختار لو شافك
يوسف / يعني خايفه عليا
هند / لا اله الا الله انا بقول ايه و انت بتقول ايه
يوسف / ما تخافيش منه
هند / اخاف من مين من مختار
هند تبص تلاقي مختار جاى من بعيد و عينه عليهم
هند / مختار
هند تبص ليوسف
هند / امشي يا يوسف امشي عشان خاطر عمى
يوسف / و ان ما مشيتش
مختار / ازيك يا يوسف .. كتر خيرك انك سليت هند لحد ما جيت من الصلاه بس مش كان اولى برده تلحق معانا الجماعه و لا ايه
يوسف يقوم يقف قدام مختار
يوسف / حوش الايمان اللى بيشر منك
مختار / ما ليش مزاج اضربك … يلا يا هند
هند تقوم تروح ناحيه مختار يوسف يمسك ايدها و يمنعها مختار يمسك يوسف من ايده و يشده و يلف بيع و بايده التانيه ماسك راس يوسف يخبطها فى الديسك مكان ما هند كانت قاعده يوسف يقع فى الارض و هند مغطيه بقها بايدها و مفزوعه و الكتب تقع منها فى الارض مختار يزعق
مختار / المره الجايه هقطعهالك انت فاهم و لا لا لم روحك
مختار يوطى يلم الحاجه لهند و يشدها و يمشوا و يوسف بيحاول يقوم مدروخ مش قادر و عمال يبص يمين و شمال
……………………….
فى المحطه
يس و على قاعدين على الرصيف و خليفه واقف جنبهم على يوطى على يس و يتوشوشوا
على / هنقول ايه ليوسف
يس / هنقوله اللى حصل اكلنا فطير و حمام بيطير و جينا
على / هتقول ليوسف حمام بيطير دا احنا اللى هنطير
يس / هقوله الحقيقه هقوله حبسونا فى بيتهم و هربنا
على / و حد بيحبس حد بيعلفه زى ما علفونا كدا دول لو هيديحونا على العيد مش هيعملوا فينا كدا
يس / اللى يحصل يحصل بقي انا تعبت و كمان ابويا هرانى مكالمات و حججى خلصت و لو اتصل و سال اى حد من الكليه و عرف انى بكدب هينفخنى و لا يوسف و لا ابوه هينفعونى
على / احنا ممكن ناجر حد
يس / حلوه الفكره دى ما قولتهاش ليه من الاول و وفرت علينا البهدله دى
على / اهو ده اللى باخده منك
وهدان يدخل و معاه اربع رجاله جتت خليفه يشوفهم يوطى على يس
خليفه / بقولكوا ايه يا بهوات لا مؤاخذه يعني هستاذنكوا اروح اعمل زى الناس
يس / انت بتستاذن يا خليفه ما قولتلك من بدرى روح انت اللى مصمم
خليفه / اوامر الكبير يا يس بيه دا انا لولا الزنقه ما كنت غفلت عيني من عليكوا
يس / روح يا خليفه روح
خليفه / بالاذن
خليفه ياخد سلاحه و يجرى على الحمام وهدان يشاور للرجاله و يروحوا وهدان يتزنق جنب يس و على و هو حاطت ايده فى جيبه اللى لازق فى يس يس و على يبصوا لبعض و يبصوا للراجل
وهدان / معاك سجاره
يس / ما بدخنش
وهدان / احسن برده .. معاك موبايل
يس يبصله باستغراب
يس / ليه ان شاء الله
وهدان / شكلك ابن ناس و مش بتاع بهدله بالزوق كده طلع اللى معاك
يس / انت بتثبتنى بالنهار كدا عيني عينك دا انا لو شاورت للعسكرى ده بس
وهدان يغرز مصوره المسدس فى جنب يس يس يصرخ و يكتمها و يتكلم بصوت واطى
يس / مسدس مسدس
وهدان / احنا كنا هنقلبوكوا و نتكل لحال سبيلنا بس ما دام الصوت بيعلى تبقي غريب و ما تعرفش انت بتكلم مين و عندنا الضيف لازم يتكرم
على يطلع الموبايل و المحفظه
على / معلش حضرتك اللى ما يعرفك يجهلك اتفضل
وهدان / كان زمان و جبر اتحرك يا حبيبي منك ليه قبل ما صابعى يفلت منى و تودعوا بعضيكوا … اتحركوا
على و يس يبصوا لبعض و يقوموا و هما بيدوروا بعنيهم عن خليفه و يمشوا و الرجاله تلم حاجتهم و يمشوا وراهم
………………………….
فى عربيه مختار
مختار سايق و باين على وشه الغضب و هند قاعده جنبه متبعاه بطرف عينها و هى باصه فى الارض تاخد نفس عميق و تبصله
هند / هو انت زعلان منى
مختار / و ازعل منك ليه
هند / والله هو اللى جه قعد معايا و انا حاولت امشي و خفت تحصل مشاكل و
مختار / حصل خير يا هند
هند / ياريتني كنت فضلت فى المسجد انتوا كمان طولتوا فى الصلاه اوى و لا كنا صلينا لما روحنا ما كانش كل ده حصل
مختار / كان هيحصل بالشكل ده و لا بغيره النهرده و لا بكره كان هيحصل هيحصل
هند تبص لمختار بحزن و ترجع تبص في الارض و تبص من الشباك و تحاول تكتم دموعها مختار يحود يمين فجاه و يركن العربيه هند تبصله تلاقيه بينزل و داخل مكتبه تفضل متبعاه لحد ما يطلع شايل شنطه هدايا تبتسم مختار يركب و يديهالها
مختار / ما بدهاش بقي اتفضلي
هند تفتح الشنطه تلاقي دبدوب احمر تطلعه و هى مبتسمه اوى و بتبص لمختار
مختار / اتكى على بطنه
هند / ههههه
هند تتك الدبدوب يقول امووووواه اى لاف يو
هند / هههههههههههههههههه
هند تمسح دموعها و تبصله و هى مبتسمه متابعها
هند / ما تيجي نهرب
مختار / نهرب !!!
هند / او اخطفنى
مختار / دى احلى اصلى عمرى ما هربت قبل كدا
هند / دا على اساس انك بتخطف حد كل يوم يعني
مختار / النهرده هستاذن ابوكى اخطفك
هند / و دا يبقي اسمه خطف ده
مختار / اصلى مؤدب
هند / ههههههههههههههههههه
مختار / طب بجمله الادب بقي فى مكان معين تحبي تتخطفى فيه
هند / مكان فيه بحر انا بحب البحر اوى
مختار / ما يمشيش معاكى نيل يعني
هند / يمشي معاك اى حته تمشي
مختار / خلاص اتفقنا نروح نلحق المحشي و بعدين اخطفك
هند / هو ممكن يعني و انت بتستاذن بابا فى حوار الخطف تستاذنه فى حوار كتب الكتاب اصلى مش هكدب عليك الدبدوب اثر فيا اوى و خلانى انا كمان عاوزه احضنك
مختار عنيه توسع
هند / ان كان عاجب مهو مش هنبقي احنا الاتنين مؤدبين يعني
مختار / هههههههههههههههههههههههه
مختار يسوق و هو متابع هند مبسوطه بالدبدوب زى العيال الصغيره و كل شويه تتك عليه و تضحك
……………………
فى الجبل
يس و على مربوطين فى فلكه و راجل بيمدهم و وهدان قاعد على كرسي و يس و على بيصرخوا
على / خلاص بقي حرمنا والله
يس / خد كل حاجه و كفايا بقي
وهدان / البطايق بتقول انكوا طلبه امال ايه اللى رماكوا هنا
يس / غلطه غلطه و ربنا ما هتتكرر
على / ابوس ايدك كفايا بقي
راجل يدخل بيجرى
الراجل / الحق يا وهدان عربيات الكبير داخله علينا وهدان يقوم يجرى هو و الرجاله و يسيبوا يس و على مربطين و بيتوجعوا
يس / الكبير ده اخو مختار و لا فى كبير تانى هيجي يكمل علينا
على / داهيه ليكون الكبير ده اخو مختار و يكون عرف الحقيقه و يجي يكمل علينا
يس يبص لعلى و الخوف باين عليهم
……………………
فى شقه هند
ياسمينا قاعده بتلعب بالدبدوب و هند بتساعد مامتها فى الغرف و مختار قاعد جنب محمد
مختار / هو حضرتك هتنزل تقعد على القهوه النهرده
محمد / لا هروح الدكان خير فى حاجه و لا ايه
مختار / كنت عاوز اتكلم مع حضرتك فى موضوع
رزع على الباب الكل يقوم يقف و مختار يجى يروح محمد يمسكه
محمد / خليك انا عارف مين ده
هند تطلع من المطبخ تبص لمختار محمد يفتح الباب محمود يدخل زى الطور الهايج يزق محمد و يدخل
محمود / انت فاكر نفسك ايه بلطجى يعني انا ممكن احبسك باللى انت عملته ده
مختار / ما تقدرش
محمود / انت كمان
محمد / جرا ايه يا اخى بقي فى ايه
محمود / ما تسال الحيوان اللى انت مناسبه
محمد / اطلع بره
محمود / انت بتطردنى
محمد / و ان ما مشيتش من وشي السعاده هطلبلك البوليس انت فاهم و لا لا و روح اتبلى على عبد الله و عند بعند بقي
محمود / اما قليل الاصل بصحيح
محمد / اطلع بره يا محمود اطلع بره
محمد يمسك قلبه و يقع مختار يمسكه هند تصرخ
هند / بابا
…………………..
فى السرايا
يس و على نايمين فى المضيفه و خليفه بيحط حاجتهم جنبهم
ناصر / حقكوا عندى انا و انا ليا كلام تانى مع غفير الغبره
ده
خليفه / والله يا كبير كنت بعمل زى الناس و جنابك شوفت فى كاميره المراقبه انا ما طولتش و كلمت جنابك علاطول
على / الحمد لله انك ما طولتش اااااه يا رجلى
عباده يدخل و معاه ازازه سبرتوا
عباده / جبت سبرتوا عشان نطهر الجرح
على يصرخ
على / لاااا سبرتوا لا ابوس ايدك
ناصر / انشف امال يا باشمهندس بدل ما الجرح يلتهب و نضطر نقطعهالك خالص
على / تقطعوهالى ليه لا رجلى لا
ناصر / ساعد عباده يا خليفه
خليفه يمسك رجلين على جامد و عباده يكب السبرتوا و على يصرخ و بعدين يكرروها مع يس
ناصر / بالشفا ان شاء الله لو على الصبح ما اتحسنتش هبعت اجيبلكوا حكيم الوحده الصحيه
على / انا عاوز اروح ابوس ايدك عاوز اروح
ناصر / مفيش قطورات السعادى ما فيش غير عربيات و برجليكوا دى مش هتستحملوا السكه
على / هستحمل والله هستحمل بس مشونا من هنا
ناصر / لا اله الا الله شوفلهم عربيه نازله مصر يا عباده
عباده / امرك يا كبير
عباده يبص لناصر و كاتم نفسه يضحك
………………….
فى المستشفي
هند قاعده بتعيط و مختار قاعد جنبها و ياسمينا فى حضنه و شيري و عبد الله قاعدين قدامهم دكتور يطلع من اوضه كلهم يقوموا يروحوله
شيري / طمنى يا دكتور
الدكتور / الحاله استقرت بس هو نايم دلوقت ان شاء الله لما يفوق هبص عليه تاني و اكتبله خروج عن اذنكوا
الدكتور يمشي و شيري تقعد على اقرب كرسي
شيري / الحمد لله احمدك و اشكر فضلك يا رب
عبد الله / انا مش هسكت على عمايلهم دى
شيري / ما لكش انت دعوه خالص انت فاهم و لا لا
عبد الله / يعني هفضل اتفرج لحد ما يموتوا ابويا مش شايفه عمايلهم
مختار / مش وقته يا عبد الله
ظابط و اتنين عساكر يدخلوا
الظابط / مين فيكوا مختار عمران الزيني
مختار / انا
الظابط / معانا امر بالقبض عليك
شيري / هو عمل ايه يا حضره الظابط
مختار / اهدى يا امى ما تقلقيش
هند / مختار ما عملش حاجه والله لو عشان يوسف يوسف هو اللى ضايقني فى الكليه
عبد الله / يوسف ضايقك !!!
هند تبص لعبد الله
مختار / اتفضل حضرتك انا جاى معاك
عبد الله / رايح معاهم فين استنوا
مختار / اهدى و خليك جنب ابوك و اخواتك انا شويه و راجعلكوا ما تعملش مشاكل
مختار يمشي مع الظابط و العساكر
عبد الله / احنا هنسيبه يمشي كدا
شيري / انا ما اعرفش محامين انا ما اعرفش حد
هند / انا معايا نمره مريم اكيد هما هيعرفوا يتصرفوا
………………………
على الطريق
يس و على راكبين فى عربيه بيجو سبعه راكب قديمه جدا
على / عليك و على معرفتك يا يوسف ادى اللى خدناه من وراك
يس / الا ما كلف نفسه و رن علينا حتى يطمن عملنا ايه
على / اااااه يا رجلى مش قادر
يس / انا مش عارف هدخل على ابويا بمنظرى دع ازاى
على / دا لو هيعلقني فى المروحه هيبقي اهون من اللى شوفناه
العربيه تقطع و تقف
يس / فى ايه !!!
السواق / ثوانى يا بيه اشوف فى ايه
السواق ينزل يفتح الكبوت و يس و على يبصوا لبعض السواق يرجعلهم
السواق / العربيه بينها عطلت هتصل بحد يجي يسحبها
على / كان قلبي حاسس انى مش هشوف امى تانى
…………………….
فى الحجز
مختار قاعد على الارض يدخل تلاته من رجالته مختار يبتسم الرجاله يتفقدوا المكان يلاقوا تلاته قاعدين واحد فيهم ماسك مناخيره و اتنين عنيهم وارمه يروحوا يقعدوا جنب مختار
راجل ١ / شكلنا جينا متاخر
مختار / و داخلين بايديكوا فاضيه الا ما فى لقمه ناشفه حتى
الرجاله تضحك و تقعد
راجل ٢ / ما تقلقش الجدع اللى اسمه محمود بره بيتنازل
مختار / لتكونوا فكرتوه بالفيديوهات
راجل ١ / و احنا اللى هنعيده نزيده و لا ايه لا احنا لمينا عيلته كلها
مختار / لتكونوا جيتوا على الحريم
راجل ٢ / عيب يا سي مختار احنا رجالتك
مختار / حد اطمن على عمى فى المستشفي
راجل ٢ / محمدين معاهم
مختار يهز راسه باب الزنزانه يتفتح و عسكرى ينادى
العسكرى / مختار عمران الزيني
مختار يبص للرجاله و يبتسم و يقوم ينفض هدومه
……………………..
فى المستشفي
هند / والله هو ده اللى حصل مختار كان بيدافع عنى
عبد الله / فى حياتى ما شوفتش بجاحه كدا دا ما فيش دم خالص امال اقرار عدم التعرض ده لازمه امه ايه انا بقول نسرع موضوع الفرح ده و نقفل عليهم السكه
شيري / ازاى يعني انت بتقول ايه
هند / اصلا مختار كان ناوى يكلم بابا فى حوار كتب الكتاب
شيري / يا جماعه انا بتكلم عن ابوكوا اللى راقد جوه ده
عبد الله / هو مش الدكتور قال انه كويس نجهز كل حاجه
شيري / لما مختار يطلع من الحبس ابقى قول له تعال بسرعه اتجوز اختي عشان احنا مش عارفين نحميها انتوا عايزين تشلوني انا رايحه اشوف ليمون ولا كركدي ولا اي حاجه تهديني بدل ما اقع منكم انا روخره
شيرى تسيب المكان و تمشي
عبد الله / انتى عارفه ان ملهاش حل تانى صح
شيري تبص لعبد الله بحزن و تبص فى الارض
…………………..
فى شقه يوسف
اسراء / يارب خدنى بقى و ريحنى من الهم ده
يوسف / اقسم بالله يا ماما كانت خايفه عليا
اسراء / يا ابنى فوق لنفسك بقى هى مش خايفه عليك هى مش عاوزاله مشاكل
يوسف / يا ماما انتى ليه مش قادره تفهمى
اسراء / يا ابنى اتقى ربنا فى بنت الناس اللى انت رابطها جنبك
يوسف / يوووووووه بقى يا ماما وسام مش زى ما انتى فاكره
اسراء / بقولك ايه يا يوسف افتكر يا حبيبى كلام ابوك ليك لما قالك تصبر على حكايه الخطوبه دى و انت اللى صممت يا ابنى دخول البيوت مش لعبه
يوسف / الحوار كله اصلا كان لعبه
اسراء / سحرالك والله سحرالك
يوسف / مش هنخلص احنا صح
اسراء / حالا اكلم الشيخ يجي يقرالك و يفكلك العمل ده
يوسف / اقولك انا سيبهالك خالص و ماشى
يوسف يمشى و يرزع الباب وراه و اسراء ما تقدرش تمنعه
………………………..
فى المستشفى
هند قاعده قدام باب الاوضه مع عبد الله و مربعين ايديهم و باصيين قدامهم بحزن مختار يدخل
مختار / وحدووووه
هند تبص تشوفه تبتسم جدا و تقوم تجرى عليه و تلم نفسها قبل ما توصله بخطوتين تقف و هما الاتنين مبتسمين
هند / انت جيت !!!
مختار / لا لسه جاى فى السكه استنينى
هند تبوز
مختار / ههههههههههههههههههههه
عبد الله / نقول كفاره و لا ايه
مختار / عمى عامل ايه
هند / تعبان قالوا هيروح بس لما فاق و ما لقاكش تعب
مختار / طب ممكن ادخله و لا ايه
عبد الله / ايوه تعال يا ريت
عبد الله يخبط يفتح الباب
عبد الله / مختار عاوزك يا بابا
محمد يهز راسه مختار يدخل شيرى تقوم تقعد بعيد
محمد / بقولكوا ايه مش قادر للزحمه سيبوا مختار معايا شويه
الكل يبص لبعضه
شيرى / هروح الكافتريا اجبلك حاجه معايا
محمد يهز راسه لا الكل يطلع بره و مختار يشد الكرسى و يقعد جنب محمد
محمد / عامل ايه
مختار / الحمد لله طمنى عليك يا عمى مش تجمد كدا
محمد / اسمع يا مختار انا برفع عنك الحرج
مختار / من غير ما تكمل انا قتيل الجوازه دى
محمد يبتسم بتعب
محمد / توعدنى يا مختار تاخد بالك منها
مختار / فى عينى والله يا عمى
محمد / خلاص يا مختار كلم
الباب يتفتح و محمود و اخواته يدخلوا
مختار / الدكتور مانع الزياره
محمود / امال انت هنا بتهبب ايه
محمد / بيحدد معاد الفرح
محمود / شايفين اخوكوا اللى جيتوا جرى تطمنوا عليه ما سالش حتى كنتوا فين
مختار يبتسم
محمود / ما تقول لعمك يا مختار باشا اخواتى كانوا فين
مختار / على فكره اللى راقد ده اخوك
محمد / ما تشغلش بالك يا مختار انا مش مستنى منه غير كدا ما عادش بيفرق معايا اصلا
حمدى / و احنا كمان مش فارقين معاك يا محمد الجدع ده كان خاطفنا
مختار / انا كنت فى الحجز
حامد / يا اخى اتقى الله
مختار / تانى بقولها الراقد ده اخوكوا عاوزين تتخانقوا معايا يبقى بره
محمود / انت ما تخصناش من اساسه
مختار / يبقى اعملوا حساب للراقد ده و اجلوا خناقكوا و استفزازكوا لما يقوم على رجله و لا انت استحليت انك ترقده
محمود / لم نفسك يا جدع انت انت جاى توقع بيني و بين اخويا تعرف ايه انت عن اللى بينا قوله يا محمد قوله مين اللى رباك و وقف جنبك و جوزك
محمد / حصل لحد ما ابنك شرف
محمود / يا ادى ابنى اللى شايله على راسك و زاعق
مختار يبص الناحيه التانيه
محمود / عملك ايه ابنى عملكوا ايه يا جدعان
مختار يبتسم و يغطى بقه
محمود / انت اللى ضربت يوسف الاول و لا هو اللى ضربك
مختار يبص الناحيه التانيه
محمود / رد عليا
مختار / عاوزنا نتحاسب بجد انت قد اللى بتطلبه
محمود / هددنى هددنى زى ما اخوك الكبير جاب بلطجيته و جم هددونى
مختار / اللى جولك ما كانوش بلطجيه دول اهلى و ناسى جم يكلموك بالزوق بعد ما ابنك جاب صحابوا و جم يتخانقوا معايا فى بيتي و اه بما انك جبت سيرتهم زمانهم فى الطريق جايين يقوموا بالواجب و يزوروا العيان مش يخلصوا عليه
محمود / انت قليل الادب
مختار / لو كنت قليل الادب كنت رديت عليك رد تانى
الجهاز يزمر الكل يبص على الجهاز محمد مش قادر ياخد نفسه
…………………….
فى شقه يس
يوسف / انا مش مصدق
يس / يا عم لو مش مصدق بقى صدق عينيك دا احنا اتبهدلنا و طلعت روحنا انا لحد دلوقت مش مصدق نفسى انى روحت
يوسف / بس مش غريبه دى و بعدين هما شافوا بطايقكوا
يس / شافوا بطايقنا و كارنيهاتنا و كل حاجه ما كانش ناقص غير يفتشونا زاتيا
يوسف / طب ما انتوا اغبيه ما اكيد كشفوكوا و كلموا مختار و وصاهم عليكوا انا متاكد ان كل ده حصلكوا بسبب مختار
يس / بقولك ايه انا اوت انا مش هعتب البلد دى تانى العمر مش بعزقه عاوز تروح روح بنفسك و بالمناسبه اللى فهمته ان البلد كلها عارفه بعض و بيعرفوا الغريب عنهم بمجرد النظر فا انا لو منك ما امشيش فى السكه دى تانى
يوسف / يعنى ايه
يس / يعنى احنا عندنا امتحانات بلاش عندك يضيع علينا كلنا السنه و اه مختار شكله واصل اوى نص البلد تقريبا بتاعتهم ان ما كانش اكتر و كل من هب و دب بيعملهم الف حساب
يوسف / على نفسه
يس / بقولك ايه يا يوسف لمصلحتك تفكر فى موضوع هند تانى
يوسف / انت ما شوفتش كانت بتبصلى ازاى يا يس والله كانت خايفه عليا
يس / يا يوسف فوق لنفسك هند مش بتحبك
يوسف / لو كنت شوفتها كنت اتاكدت بنفسك هى مجبوره عليه
يس / و ايه اللى جابرها دا انتوا العيله كلها فى ضهرها ضد الجوازه هى بس تقول لا
يوسف / ما اعرفش بقي مورط عبد الله فى بلوه و لا ماسك عليهم ايه
يس / ما يمكن يعني فى لحظه شيطان
يوسف / اقفل بقك يا يس هند اشرف من الشرف
يس / مهو ما فيش واحده عاقله ترمى كل الفلوس دى ورا ضهرها دا شبكتها لوحدها تسد ديون مصر
يوسف يبصله و يرجع يبص قدامهو
يوسف / انا مش هسكت مسيرى هعرف
يس / طب اجلها لبعد الامتحانات لو سمحت لانى خلصت و حججى خلصت دا كفايا الكلام اللى اخدته النهرده لما شافني بمنظرى ده
يوسف / انا ماشي
يوسف يقوم و يمشي
……………………..
فى المستشفى
شيري قاعده قدام باب العنايه المركزه بتعيط و جنبها هند فى دنيا تانيه و عبد الله مقرفص قدام ركب مامته و مختار شايل ياسمينا و واقف جنبهم و بعيد شويه قاعد عمام عبد الله كلهم
عبد الله / قومى روحى يا ماما ارتاحى
شيري تهز راسها لا
عبد الله / انا هخليني جنبه يا ماما قومى خدى اخواتى و روحى
شيري تعيط
شيري / مش هقدر اسيبه انا ما ليش فى الدنيا غيره مش هقدر
عبد الله / يا ماما كدا كدا الزياره ممنوعه هتقعدى تعملى ايه
شيري / مش هقدر ادخل البيت و هو مش فيه خد اخواتك و روحوا شوف مزاكرتك الامتحانات قربت يا عبد الله ابوك حلمه الوحيد انه يشوفك دكتور يا ابني
عبد الله / طب قومى روحى معانا و بكره الصبح
شيري / قلبي واجعنى اوى يا عبد الله
عبد الله / حسبي الله و نعم الوكيل فيهم ربنا ينتقم منهم
مختار يبص على ياسمينا يلاقيها نايمه على كتفه
مختار / ياسمينا نامت و هند بتسقط هى كمان اهى تعال يا عبد الله نروحهم
عبد الله / تعالى يا ماما
مختار / قومى يا امى قعادك هنا لا هيقدم و لا ياخر كدا كدا الزياره ممنوعه
عبد الله / قومى يا هند روحى
هند مش بترد محمود يدخل
محمود / حمدى هيوصلكوا بالعربيه و انا هخليني هنا للصبح يمكن يطلبوا حاجه
شيري / تقتلوا القتيل و تمشوا فى جنازته
محمود / مش هرد عليكوا لا دا وقته و لا مكانه
عبد الله / و ما دام بتعرف الوقت و المكان ما كنتش قادر تستني اما يطلع من المستشفي و تتخانق معاه
محمود / كلم عمك بادب
عبد الله / بناقص ام دى قرابه يا اخى
مختار / كفايا يا عبد الله احنا فى مستشفي
محمود / اتمسكن يا اخويا اتمسكن اوى كمان
مختار / قومى يا امى اروحكوا قومى ارتاحى
عباده و ناصر داخلين بيجروا و وراهم شاكر و سليمان و امين و كذا راجل
محمود / اهى باقي العصابه شرفت
مختار / بشوقك يقوم بالسلامه و نقعد و نتحاسب
ناصر / ماله الحج محمد سالت فى الاوضه اللى قولت عليها قالولى نقلوه العنايه
شاكر / ربنا يقومهولكوا بالسلامه يا ست ام عبد الله
شيري / امين
مختار / انا هاخدهم اروحهم
ناصر / اعمل كدا و انا هخليني هنا جنبه يمكن يحتاج حاجه
محمود / و انت تخليك جنبه بصفتك ايه ان شاء الله و لا احنا مش مالين عينك
ناصر / قومى يا حجه ارتاحى و ان شاء الله خير دا العروسه الصغيره نامت يا عيني من التعب قولها حاجه يا دكتور عبد الله
حمدى يدخل يسحب اخوه
حمدى / انا اتكلمت مع حامد انا شايف ان وجودنا معاهم فى مكان واحد فكره مش كويسه
محمود / ما دا اللى بقوله من الصبح عاملين زى الخفافيش لازقين بغرا لا فى دم و لا خشا
حمدى / انا هقولهم اننا هنبات معاه مرضيوش و صمموا نمشى و يبقي عدانا العيب و ازح
محمود / اسيب اخويا ليهم و هو فى رقدته و امشي
حامد يدخل
حامد / اخوك اللى اخترهم و بلا نفسه و بلانا بيهم و دا مش مكان نعمل فيه مشاكل و وجودنا معاهم فى مكان بعينه يعني المشاكل بعينها
شيري تعدى هى و هند متسندين على بعض متحاوطين بالرجاله و عباده و ناصر قاعدين عند باب العنايه
حمدى / استني
حمدى يروح لناصر ناصر يقوم يقف
حمدى / احنا مقدرين تعبك و مجيك لحد هنا بس اللى راقد هنا اخونا و احنا اولى بيه
ناصر / و اخويا انا كمان و ابو بنتى اللى وعدتها انى مش هتحرك من هنا لحد ما تيجي
حمدى / دا اخر كلام عندك
ناصر / انا مش هتحرك من هنا عاوزين تتفضلوا اتفضلوا
حمدى / براحتك
حمدى يمشي و يروح لاخواته
عباده / يا مين يديني الاذن و انا
ناصر / مش وقته لسه اوانهم ماجاش
ناصر بيبص على محمود بيبصله بغل و اخواته بيتكلموا معاه
……………………
فى شقه هند
مختار يدخل اوضه هند و يحط ياسمينا على السرير و هند واقفه على الباب و الحزن مالى وشها مختار يبصلها
مختار/ ارتاحى و ان ما جالكيش نوم و حبيتي تتكلمى مع حد انا صاحي جوه
هند تبص فى الارض مختار يطلع بره و يقفل الباب وراه شيري قاعده على الكنبه بتعيط و عبد الله بيطبطب عليها
عبد الله / ان شاء الله هيخف انا متفائل هيكلمونا فى اى وقت يقولوا رجع اوضته و لا كتبوله خروج كمان
شيري / حاسه انى مش هشوفه تانى
مختار ينزل على ركبه
مختار/ ليه كدا بس يا امى ان شاء الله خير
شيري / مش قادره اصدق انى سمعت كلامكوا و سبته لوحده وسطيهم و جيت
مختار / مش لوحديه الكبير معاه و مش هيسيبه و لو عوزانى اروح
شيري / لا ما تروحش طول ما هم هناك ما تروحش مش هيسيبوك فى حالك و مش هيعملوا حساب للى راقد … حسبي الله و نعم الوكيل
مختار / اهدى بس يا امى و قومى كدا اغسلى وشك و صليلك ركعتين و خشي خدى بناتك فى حضنك
شيري تبص فى الارض و تعيط عبد الله يسندها تقوم معاه مختار يروح يخبط على باب هند مفيش صوت يبص على شيري فى الحمام و عبد الله مسندها و بيغسلها وشها
…………………….
فى شقه مختار
امين / يعني الراجل كدا كدا ميت
شاكر / ما كلنا هنموت يا امين
سليمان / كان نفسه يفرح بعياله يلا ربنا يصبرهم على مصابهم
امين / انا مش فاهم حاجه امال هم ليه حطينه فى العنايه
سليمان / يا غبى افهم الراجل متوصل باجهزه هى اللى بتخليه بيتنفس لو انطفت هيموت
شاكر / ما ده اللى بقوله ما كانوش عشموا اهل بيته بقي انه ممكن يرجع كانوا قالوا الحقيقه بقي مره واحده و خلاص و قطمه احسن من نحته
سليمان / اجله كدا هيفضلوا يطولوا فى عمره لحد ما يجي اجله و هيموت فى الساعه اللى محددهاله ربنا
شاكر / على الاقل كانوا سمحوا الزياره و خلوا اهله يقضوا الوقت ده معاه يشبعوا منه
امين / و هو فى حد بيشبع من ابوه برده يا عمى
شاكر / على رايك
سليمان / هو احنا مش المفروض كنا جبنا انتصار معانا تطيب بخاطر الحريم اللى جوه دول و لا حاجه
…………………
فى شقه هند
عبد الله خارج من اوضه هند مختار يقوم يقف عبد الله يقفل الباب و يروح يقعد جنب مختار
مختار / ناموا
عبد الله / ايوه امى خدتهم فى حضنها و ناموا مع بعض
مختار / مش عارف دا وقته و لا لا بس فى حاجه عاوز اكلمك فيها
عبد الله / انا عارف ان ابويا هيموت يا مختار
مختار / امال ليه قولت انه هيخف
عبد الله يبص لمختار و عنيه كلها دموع
عبد الله / مش عاوزها تروح منى هى كمان
عبد الله يعيط مختار ياخده فى حضنه
عبد الله / لحد وقت قريب ما كانش بيشتكى من حاجه ابدا فضلوا يضغطوا عليه لما قتلوه
مختار / لكل اجل كتاب يا عبد الله اجله كدا و البركه فيك
عبد الله يبعد و يمسح دموعه
عبد الله / هو انت ممكن تقولى كان عاوزك فى ايه
مختار / كان بيوصيني عليكوا و لولا دخول عمك كان حدد معاد كتب الكتاب
عبد الله / انت بجد لسه عاوز تكمل فى الجوازه دى يا مختار بعد كل اللى جرالك من تحت راسنا
مختار / انتوا ايه حكايتكوا النهرده انا اساسا قتيل الجوازه دى و لولا الظروف انا كنت جبت الماذون و كتبت حالا
عبد الله يبص فى الارض و مختار عينه على باب اوضه هند
مختار / المكان اللى انا قاعد فيه ده مش صح لو حد خرج يخش الحمام و لا حاجه
عبد الله / تحب نقعد فى اوضتى
مختار / احب قوم معايا تفرد ضهرك شويه و لا تزاكرلك كلمتين
عبد الله / كان نفسي يعيش لما يشوفني دكتور
مختار / و انا كان نفسي يعيش لما يفرح بعيالك بس هاه النصيب هنعمل ايه يعني قوم يا عبد الله قوم نتوضي و نصلى ركعتين و نقراله شويه قران لو مش هتزاكر
عبد الله يهز راسه و يقوم مع مختار
………………………
فى المستشفى
ناصر قاعد جنب عباده و بعيد شويه قاعد حمدى و محمود و حامد مختار يدخل يعدى من غير ما يبص لحد و يروح لناصر
ناصر / ايه اللى جابك
مختار / فضلت معاهم لحد ما ناموا هفضل فى البيت اعمل ايه
ناصر يهز راسه بحزن
عباده / اتكلمت معاهم
مختار / اتكلمت مع عبد الله لقيته فاهم
ناصر / ربنا يصبرهم
مختار يبص بعيد يلاقى يوسف داخل يجرى على ابوه
يوسف / ايه اللى حصل يا بابا ليه ما حدش قالى
محمود / اقعد يا يوسف ارتاح
يوسف / امال هند فين ازاى تسيب ابوها فى حاله زى دى بقى دول يقعدوا و هى تروح
حمدى / عمك اتوفى اكلينيكيا احنا ما قولنالهمش حاجه هما فاكرينه تعبان شويه و خلاص
يوسف / و دا ينفع
حامد / والله انا لسه عند كلمتى اكرام الميت دفنه الدكتور قال مساله وقت مش اكتر انت اللى مصمم يفضل يتعذب على الجهاز ده
محمود / عاوزنى اقولهم افصلوا الجهاز عن اخويا عاوزنى اقولهم اقتلوا اخويا يا حامد
حامد / بتتكلم كانى عاوزه يموت دا اخويا يا محمود انا بس عاوزه يرتاح اتعذب كتير فى حياته يرتاح بقى
محمود / عاوزه يرتاح برده على العموم يا حامد ما تقلقش مصاريف علاجه اللى مخلياك قاعد تفرك من امبارح انا اللى هشيلها
حمدى / انت بتقول ايه يا محمود احنا ولاد اصول برده مش كدا ي حامد و لا ايه
حامد / هو انا قولت حاجه هو اللى بيتهياله حاجات غريبه
حمدى / بس يا حامد عيب مش كدا كلنا متوترين و متاثرين باللى حصل
يوسف يبص لمختار بيتكلم مع عباده
ناصر / كدا كدا انتصار هتيجي النهرده الباقى يجوا يعزوا علاطول مش عاوزين زحمه و لبخه على الفاضى
عباده / انا كنت بس بتكلم انهم ما يحسوش انهم لوحدهم وقت الخبر نبقى كتير حواليهم نخفف عنهم
ناصر يبص على محمود بيبص عليه
ناصر / يا ترى مستوعب ان هو اللى قتل اخوه بعنده و تخلفه
مختار / لا الناس دى ما بتغلطش كل اللى حواليهم غلط و هم اللى صح
عباده / بكره زى ما اتفقوا على اخوهم بكره ياكلوا بعض
مختار / بعيد عننا عشان انا جبت اخرى قسما بالله لولا حرمه الراجل اللى جوه ما كنت سبت واحد فيهم على رجله
ناصر / اعقل يا مختار و اهدى لا وقته و لا مكانه
مختار / عارف و ده اللى مكتفنى
مختار و يوسف بيبصوا لبعض بغل
…………………………….
فى شقه هند
هند تفتح باب اوضتها و تروح الحمام عبد الله يفتح باب اوضته و يقف قدام الباب هند تطلع تبصله تلاقيه حزين
هند / ماما بتلبس ياسمينا هنروح لبابا هتيجي معايا
عبد الله يهز راسه اه هند تحضنه
هند / بابا هيعيش يا عبد الله مش كدا بابا هيروح معانا صح
عبد الله الدموع تنزل من عنيه هند تسيبه و تبصله
هند / اكدب عليا حتى لو مش هيرجع انا مش قادره استوعب و لا اقبلها
عبد الله / هيروح مكان احسن وسط ناس احسن هيفضل معانا فى قلوبنا هندعيله هنبقى الولد الصالح اللى بندعيله يا هند
هند / ياسمينا صغيره اوى انها تتيتم
عبد الله / اجله و نصيبنا لازم نقبله
هند تتنهد شيرى تطلع من الاوضه
شيرى / كويس انك صحيت يا عبد الله يلا خش البس عشان ما نتاخرش على ابوك
عبد الله يهز راسه و يدخل اوضته
شيرى / انت بتعيطي ليه يلا خشى البسى
هند تهز راسها و تدخل اوضتها و شيرى تمسح دموعها
………………………
فى المستشفى
محمود خارج من الحسابات يقابل مختار
محمود / خير
مختار يحاول يعديه محمود يسد عليه الطريق
محمود / احنا اولى من اخونا من الغريب ما تتعبش نفسك انا حاسبت
مختار يبصله
محمود / انت عارف كويس ان دورك هنا خلص ارجع بلدك
مختار / هرجع نعدى الفتره دى و هاخد عروستى و ارجع
محمود / ما لكش عندنا عرايس
مختار يبتسم و يبص الناحيه التانيه
محمود / احنا مش موافقين على الجوازه
مختار / نتكلم فى الموضوع ده بعدين كفايا بقى الراجل مات كفايا
محمود / على الله تكون مبسوط و مرتاح
مختار / لا مش مرتاح لا والله مش مرتاح و لو كان الموضوع بايدي ما كنت هرتاح الا لما اخليك انت و ابنك تحصلوه
ناصر يدخل
ناصر / مختار
مختار يلم نفسه و يرجع خطوه لورا
محمود / و انا مش هيهدالى بالى الا لما احطك انت و كل البلطجيه اللى معاك فى السجن
ناصر / طب مستنى ايه ما تروح تبلغ عننا قولهم وقفوا جنب اهل اخويا فى الوقت اللى انا قتلته فيه
محمود / انت بتقول ايه يا جدع انت
ناصر / من قال ايه سمع انا مش فضيلك يلا يا مختار الجماعه وصلوا تحت مع امين و من غير بالاذن
ناصر يشد مختار و يمشوا محمود يبصلهم بغل
……………………..
فى الريسبشن
شيرى داخله تجرى و وراها عبد الله و هند و امين ماشي بالراحه ماسك ياسمينا بايده شيرى تقابل مختار
شيرى / عامل ايه دلوقت يا مختار بقى احسن صح
مختار / الدكتور عاوز يتكلم معاكى
شيرى / اشوفه الاول هروح اطمن عليه و بعدين
مختار / الزياره ممنوعه يا امى تعالى
هند و عبد الله يحصلوا امهم و يبصوا لمختار يبص لهند بحزن يوسف يدخل
يوسف / عامله ايه يا هند
عبد الله / ما تبعدوا عننا بقى يا اخى انتوا ايه
مختار / عبد الله احنا فى المستشفى
عبد الله / ما تقوله
مختار / لو كان بيفهم كنت قولتله
يوسف /لو ما كناش فى المستشفى
مختار / يلا يا جماعه يلا دا لسه هيرغى يلا الدكتور مستنى
الكل يتحرك مختار ماشى جنب هند
مختار / انتى كويسه
هند تبصله و عنيها تتملى دموع و تهز راسها لا
مختار / خليكى مؤمنه انتى اقوى من كدا
هند تهز راسها لا
مختار / بصى لعبد الله و اتعلمى منه
هند تبص لعبد الله ماشى جنب مامته بيسندها هند تقف و تبص لمختار
هند / انا مش هقدر استحمل
مختار / مش بايدينا والله لو كان بايدى حاجه اعملها ما كنت اتاخرت بس مش بايدينا يا هند لكل اجل كتاب و كلنا هنرجع للى خالقنا فى يوم من الايام
هند تبص الناحيه التانيه
مختار / ما اعرفش ان كان هيفرق ولا لا بس ابوكى اخر حاجه قالهالى انه كان بيوصيني عليكي انا جنبك
هند / عارفه … شكرا
مختار يقف مش عارف يقول ايه و لا يعمل ايه يشاورلها بتردد على ناحيه مامتها و اخوها تهز راسها و تروح و هو يروح وراها
……………………….
فى شقه اسراء
اسراء قاعده مع مرات حامد و بيتكلموا
اسراء / والله قولتله قفل السكه فى وشى
الست / على الله يتمر
اسراء / انتى عارفه كويس انه مش هيتمر
الست / و اخرتها دا حامد بيقولى الليله بتكلف الشئ الفلانى و فى الاخر نسايب الهنا قاعدين على راسهم فى المستشفى قال ايه بيعملوا الواجب
اسراء / قولتله و الله قولتله يسيبهم و يمشى لما يلاقوا نفسهم هيدبسوا فى الحساب هيبانوا على حقيقتهم مش راضى يسمع
الست / اخوه برده يا اسراء
اسراء / بعد كل اللى عمله فيه امال لو كنتى شوفتيه و هو كل شويه يقول لا هكلمه و لا لسانى يخاطب لسانه و اللى هيكلمه هقاطعه جاى دلوقت يزعل عليه
الست / بصراحه انا مش فاهمه الدنيا دى كلها على ايه عاوز يجوز بنته للجدع ده يجوزهاله احنا مالنا
اسراء / هو ايه اللى احنا مالنا بعد كل اللى جرالنا من تحت راسه يخلينا نناسبه
الست / و احنا مالنا ما هو اللى هيناسبه
اسراء / كان نفسى اقولك كدا بس وقت الجد هتلاقى يوسف و محمود اول الناس لما الست هند تتصل تعيط و انتى مش عارفه خيبتهم
الست / انا مش فاهمه يوسف متعلق باللى اسمها هند دى على ايه مش خايف على شكله قدام وسام و اهلها
اسراء تتنهد
الست / هما متخانقين و لا ايه
اسراء / اقولك ايه بس دا راسه و الف سيف يفسخ الخطوبه بيقول كانت لعبه و كانت غلطه و كلام اهبل
الست / قولتلك سحراله
اسراء / هعمل ايه دليني على شيخ شاطر و انا اجيبه غير كدا هعمل ايه بس قوليلى هعمل ايه منك لله يا هند انتى و امك
………………………..
فى اوضه الدكتور
شيرى بتعيط و عبد الله بيطبطب عليها و حاضنها و مختار واقف فى جنب و هند قاعده باصه فى الارض
الدكتور / هستاذنكوا انا
عبد الله ياخد كبايه مايه و يناول مامته ما ترضاش تشرب الدكتور يطلع بره و يقفل الباب مختار يقرفص قدام شيرى
مختار / انتى مؤمنه يا امى
شيرى / عاوزنى اعمل ايه يا مختار اعمل كان مفيش حاجه حصلت و اروح اعيش حياتى عادى لحد ما يكلمونى و يقولوا خلاص مات الاجهزه ما عادتش جايبه نتيجه و لا عاوزنى اقولهم افصلوها و قطمه احسن من نحته
مختار / لا ده و لا ده عاوزك تدعيله يا امى تدعيله ربنا يهون عليه اللى هو فيه و يقبله عنده من الصالحين و يدخله الجنه من غير حساب و لا سابقه عذاب عاوزك تقفى على رجلك و تكملى من بعده عشان عيالك
شيرى / ازاى من غيره دا انا كنت بدعى ربنا يجعل يومى قبل يومه انا ماليش فى الدنيا غيره يا مختار ماليش حد
مختار / بقى ليكي عبد الله و هند و ياسيمنا و احنا يا امى احنا عمرنا ما هنسيبكوا
شيرى تبص لهند
شيرى / كان بيقولى مش هرتاح الا لما هند تروح بيت جوزها
هند تعيط
مختار / يا امى ادعيله ما فيش حاجه بعيد عن ربنا ادعيله قولى لربنا انك راضيه
شيرى تغمض عنيها و تتنهد بحزن
………………….
قدام العنايه
اسراء واقفه مع محمود و يوسف و بعيد جدا شيري منهاره من العياط و عبد الله و هند بيطبطوا عليها
اسراء / احنا هنا اهو يا اخويا روح ارتاح شويه
محمود / كفايا زن بقي يا اسراء
اسراء / مهو لو كان وجودك جنبه هيرجعه كنت سبتك و سكت لكن هتفرق فى ايه
محمود / انا مرتاح كدا
اسراء / لا اله الا الله قول حاجه لابوك يا يوسف دا هنا من امبارح اذا كانت مراته و عياله روحوا ارتاحوا انت مش هترتاح
محمود / سكت امك يا يوسف و لا خدها و روحوا
محمود يسيبهم و يقوم يطلع بره
اسراء / بص يا يوسف بص و احمد ربنا ان نجاك منهم و من نسبهم سابوه و روحوا ناموا و ارتاحوا لما المستشفي كانت فاضيه و لما الناس جت جم و قال ايه هيموتوا روحهم من العياط ياريته كان مات امبارح عشان ربنا يكشف محنهم قلالاه الاصل الواطيين
يوسف / انتى بتقولى ايه يا ماما ما كانوش يعرفوا
اسراء / ما كانوش يعرفوا !!! هتفضل طيب و غلبان كدا لحد امتى
يوسف / انا هروح اشوف بابا فين عن اذنك
يوسف يمشي و اسراء قاعده بتفرك
……………………..
قدام المستشفي
ناصر بيتكلم فى التليفون محمود يطلع من المستشفي و هو بيعيط يروح يقف فى جنب ناصر يجى يدخل المستشفي يشوفه
ناصر / انت كويس
محمود / و انت مالك يا جدع انت
ناصر / انا الغلطان
ناصر يجي يمشي
محمود / هو انتوا يعنى احن على اخويا منى هتعرفوه اكتر منى تعرفوا عنه ايه و لا عملتوله ايه انا اللى مربيه و مجوزه ربنا وحده اللى يعلم كان بالنسبالى ايه ان كان هو و لا عياله و لولا اخوك دخل حياتنا و وقع بينا ما كانش كل ده حصل
ناصر / لو كنت بتحبه بصحيح كان صعب عليك وقفته لوحده وسط نسايبه يوم خطوبه بنته و بعدين ضميرك تاعبك روح و استرضاه و استرضي اهل بيته مش تيجي ترمى علينا الغلط كفاياك كبر بقي يا راجل
ناصر يمشي و محمود واقف متابعه
……………………
قدام العنايه
الكل قاعد ممرضه تطلع
الممرضه / المريض محمد الجمل
الكل يتلم عليها و شيرى قاعده ماسكه فى ايد هند مش قادره تقوم
الممرضه / البقاء لله الحاله اتوفت عن اذنكوا
الدموع تنزل من عبد الله مختار ياخده فى حضنه الممرضه تمشي و شيري مش مصدقه تبص لهند بتعيط تعيط هى كمان هند تحضنها اوى
شيرى / لا يا هند … لا
عبد الله / انا لله و ان اليه راجعون انا لله و ان اليه راجعون
عبد الله يبعد عن مختار اللى الحزن باين عليه و يوطى يحضن امه بتعيط فى حضن هند و هند بتعيط ناصر يدخل و وراه محمود يلاقى اخواته بيعيطوا
حمدى / البقاء لله يا محمود محمد مات
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية البر التاني)
