رواية البر التاني الفصل الثمانون 80 بقلم لولو محمد
رواية البر التاني الجزء الثمانون
رواية البر التاني البارت الثمانون
رواية البر التاني الحلقة الثمانون
فى اوضه ناصر
انتصار بتساعده يلبس
انتصار / اشمعن المرادى اللى مصمم تطلع بنفسك
ناصر / عشان ما عدش فيا حمل اقف استناهم هيرجعوا و لا ما يرجعوش و بعدين ما تخافيش احنا مامنين المكان كويس اوى لو فكروا فى غدر هنتغدى بيهم قبل ما يتعشوا بينا
انتصار / تروحوا و ترجعوا بالسلامه
ناصر / انا خطت للحكايه دى بنفسي دى اخر طالعه لينا و اهم طلعه السلاح ده اللى هنضرب بيه بوز الاخص عشان نخلص من شرها حتى لو هيعدمونا بعدها والله ما هتفرق معايا انا عشت قد ايه ما شوفتش فى شرها و لا اذاها
انتصار / ربنا يديها ما يرحمهاش الوليه دى دا عباده يا حبه عيني بيفرفر جوه قلبي بيتقطع عليه و قال على راي امه الاوضه كاتمه صوته و مع كدا يا كبدى بيدفس نفسه فى المخده عشان ما حدش يسمع صوت صريخه و ما رضيش خالص سماح تشوفه
ناصر / اهى البت دى حكايه تانيه و موال تانى مش عارف هعمل فيها ايه البت ما بتفصلش عياط و بتحلفنى ارجعها
انتصار / يا خويا الواد كلمك عشان يعتزرلك ما رضيتش ترد عليه
ناصر / و عمل ايه بدل ما يجي و يراضى الاكبر منه قالى بشوقك انا هعرف ارجع مراتى ازاى تلاقيه مستني اما رجالته يرجعوا من اسكندريه عشان يهجم علينا هو راخر ما احنا بقينا ملطشه
انتصار / ما يعملهاش يا خويا دا ابنك برده
ناصر / و لا ابنى و لا حتى ابن شاهين و لا عمرى هسامحه على اللى عمله
انتصار/ حقك … هو غلط و حقك تزعل بس هو برده جرحه طازه و ما لقاش اللى يطبطب عليه اللى نزل ده كان ضناه و اللى اتاخدت منه كانت مراته اللى بيتمنالها الرضا ترضا و البت لو ما كانش شايلها فى عنيه ما كانتش قطعت روحها على فراقه بالشكل ده و ان كان على عمته سبب المشاكل اهى مشيت
ناصر / البلد دى ليها كبير واحد يا ام فاتن و الكبير ده هو انا حتى لما كان ابوه عايش ما كانش بيكسرلى كلمه مش بعد العمر ده كله هيجي عيل ابن امبارح يفكر انه بقي الكبير قصادى هو كبير اهله بس مش كبير البلد و لو ما اتعلمش الفرق بينهم هنخلص من حرب فيرا و هندخل فى حرب الجوارحه
انتصار / ان شالله لا يقدر و لا يكون تف من بقك مغاورى ما يعملهاش
ناصر / ان ما كانش النهرده هيبقي بكره الدنيا ليها نظام و النظام اللى بيقع مره ما بتقوملوش قومه
الباب يخبط
ناصر / فتحوا عنيكوا و خدوا بالكوا من السرايا لحد ما ارجع
انتصار / خلى بالك من روحك و ما تفكرش فى اى حاجه و لا تشتت تركيزك لا اله الا الله
ناصر يبوس راسها و يمسك اكره الباب و يرجع يبصلها
ناصر / عاوز اقولك حاجه قبل ما امشي
انتصار / خير يا خويا
ناصر / انتى كنتى اكبر رزق و سند ليا فى الدنيا دى
انتصار / ههههههههههههه شكلك نسيت جمله كل طالعه
ناصر / هههههههه لا فاكر مفيش ناصر من غير انتصار
الباب يخبط تانىناصر يبتسم يبوس راس انتصار تانى و فتح الباب و يطلع و يقفله وراه بسرعه يلاقى مختار فى وشه
مختار / الرجاله جاهزين تحت متاكد انك مش عاوزنى معاك
ناصر / ما فيش فى السرايا غير الحريم و انت و عباده و عبد الله و مفيش فى البلد غير اهلها لو فيرا حابه تهجم مش هتلاقى وقت احسن من ده لا رجالتنا و لا رجاله مغاورى فيها ما حدش هيدافع عنها و لا عن اهلها
مختار / البلد كلها صاحيه و بيحتفلوا فى الشوارع الدبايح اللى قولتلهم يدبحوها و يولموها و يفرقوها بمناسبه نجاه سماح هتسهرهم للصبح
ناصر / فتح عنيك و خد بالك من اخوك لحد ما يقف على رجليه تانى و مش هوصيك على اهلك
مختار / تروح و ترجع بالسلامه
ناصر يطبطب على كتف اخوه و ينزل انتصار تفتح الباب
انتصار / انا هطلع السطوح و انت عارف مكانك مش كدا
مختار / هند و خديجه و مريم فوق و ام عباده مع ابنها فى اوضته و انا و عبد الله عند البوابه مع خليفه و الرجاله
انتصار / فتحوا عنيكوا كويس و خدوا بالكوا من اللى ما يتسموا الدرونز دى
مختار يهز راسه
انتصار / و الاهم تاخد بالك من روحك يلا انا طالعه سلام
انتصار تسيب مختار و تطلع و مختار ينزل
……………………
فى اوضه مغاورى
ام مغاورى/ ما كانش ينفع ترد عليه بالشكل ده دا مهما كان اكبر منك و مربيك دا فى مقام ابوك يا ابنى
مغاورى / هو بيعاقبنى على ايه يعني ايه حتى انى اكلمها و لا اسمع حسها فى التليفون ممنوع بانهى حق يحرمنى منها
ام مغاورى / يا ابنى قولتلك اصبر و انا هروح بنفسي معاك و نصلح الدنيا
مغاورى / انا قولت هسيبها يومين ترتاح و هرجعها بمزاجه غصب عنه هرجعها
ام مغاورى / هتحاربوا بعض يا مغاورى هتقف قصاد اخواتك و اهلك هتموتوا بعض يقتلوا فيكوا و تقتلوا فيهم لمصلحه مين دا يا ابنى
مغاورى / انا راضي باى عقاب تانى بس سماح لا انا ما عرفتش احط جسمى فى فرشتى و هى مش فيها اللقمه ما بتتبلعش يا ما الله
ام مغاورى تبتسم
ام مغاورى / للدرجادى
مغاورى / مش مراتى ياما
ام مغاورى تبتسم و تملس على شعره
م مغاورى / هترجع مش ههدى الا اما ارجعهالك بس انت اهدى و طاطى للريح شويه و ما تضربش على الحديد و هو سخن
مغاورى / ما طاطيت وقولت اسيبها زادوا فيها و حتى الموبيل منعوه فى شرع مين ده اساسا دا انا لو ليا فى المحاكم كان القاضى حكملى بردها لبيت الطاعه بس انا مش مستنى الحكومه ترجعلى مراتى
ام مغاورى / اقولك ايه بس … اهدى كدا و اقرا الورد بتاعك لحد ما الفجر ياذن و باذن الله على ما تخلص الصلاه هيكون ربنا فرجها من عنده
مغاورى يبص الناحيه التانيه امه تجيب وشه ليها
ام مغاورى / قوم يا ابنى ربنا يهديك
مغاورى يقوم و يدخل الحمام
ام مغاورى/ افرجها من عندك يارب دا غلبان صوت على الفاضي … يحظك يا سماح جننتيلى الوله هههههههههههه
…………………….
فى الجبل
عربيتين كونتينر واقفين قدام بعض بينقلوا صناديق خشب من واحده للتانيه فجاه رجاله تانين يدخلوا عليهم بعربيات فور باى فور يضربوا عليهم نار رجاله كتير ملثمين يطلعوا من الكونتينرانين و يضربوا عليهم نار درونز تطير فى الجو و تروح للفور باى فور و تنفجر و ثوانى و ضرب النار يقف واحد من الملثمين يكشف وشه امين يطلع التليفون و يتصل بحد
……………………
فى سرايا الزنايته
مختار تليفونه يرن يقوم يرد
مختار / ايوه يا امين طمنى
امين / جبناهم ارض ارض
مختار / و انتوا
امين / حاجات خفافى احنا خلصنا و راجعين
مختار / تيجوا بالسلامه ربنا معاكوا
امين/ مفيش اخبار عن الكبير
مختار / لسه … استنى بيتصل … ايوه يا ناصر طمنى
ناصر / خلصنا و راجعين … امين كلمك
مختار / ايوه معايا على الخط الحمد لله شربتها
ناصر / خليهم يرجعوا و ياخدوا بالهم من نفسهم ما حدش ضامن الطريق و انتوا فتحوا عنيكوا
مختار / ما تقلقش علينا خلى بالك انت بس من نفسك
ناصر / لا اله الا الله طمن ام فاتن بقي
مختار / عنيا حاضر
عبد الله / شكلك مبسوط خير
مختار / خلصوا و راجعين الحمد لله عدت على خير
عبد الله / الحمد لله بجد مش هتصدق انا ارتحت قد ايه
مختار / يجوا بس بالسلامه
عبد الله / ما تقلقش ان شاء الله خير
…………………..
فى اسكندريه
سمر تصحى تدخل الحمام تتوضي فجاه صوت فرقعه جامد و الدنيا تتهز و الكريمات تقع من رف الحمام سمر تمسك فى الحوض و هى مخضوضه و مش مستوعبه ثوانى تلاقى رجاله كتير داخلين محاوطينها ما تلحقش تصرخ يكمموها و يخدوها
…………………..
فى اوضه رشيد
رشيد بيصلى الفجر تليفونه يرن يكمل صلاه و يقوم يمسكه
رشيد / السلام عليكم
التليفون يقع من ايد رشيد يفتح الدرج و يطلع مسدسين يتاكد من الخزن و يشد الاجزاء و يفتح الباب يلاقى ادواردو فى وشه منشن بمسدسه عليه و مبتسم رشيد يرفع سلاحه و الاتنين يبقوا قصاد بعض فيرا تدخل
فيرا / يا خساره يا رشيد
رشيد ينشن بسلاحه التانى عليها
فيرا / اضرب … اضرب يا رشيد
رشيد / سمر لا يا فيرا
فيرا / بتاعتى و هتفضل طول عمرها بتاعتى انا بس كنت سيباهالك تلعب بيها شوية لحد ما دورك ينتهى
رشيد / انتى مش قدى و لا قد زعلى صدقيني هزعلك
فيرا / انت لوحدك و سمر معايا … اضرب و زعلنى
فيرا تلزق راسها فى مسدس رشيد
فيرا / جايم اوفر يا رشيد انت خسرت
رشيد / انا قدامك اهو خرجى سمر منها و نتكلم
فيرا / ههههههههههههههه بتتفاوض كنت بتهدد من شويه … اضرب او نزل سلاحك … ما تخافش لسه باقي فى عمرك شويه
رشيد ينزل سلاحه ادواردو يضربه بضهر المسدس فى وشه رشيد يغم عليه فيرا توطى على رشيد و تبص عليه فاقد الوعى و تقوم تطلع الموبايل و تتصل بحد
……………………
فى سرايا الزنايته
مختار تليفونه يرن يبصله بقرف و يقوم يقف فى جنب
فيرا / وحشتك ؟
مختار / وحشتيني و جايلك
فيرا / هههههههههههههه حبيبي يا مختار صحيح تحب مين يموت الاول ناصر و لا رشيد
الابتسامه تروح من وش مختار
فيرا / انا بقول ناصر
مختار / لو لمستى منه شعره
فيرا/ انت و سرعتك بقي
مختار / نعم !!!
فيرا/ اخوك الكبير على الطريق داخل البلد عشان بحبك هديك فرصه تشوفه مره اخيره قبل ما يموت
مختار ساكت
فيرا / فى قنبله فى عربيه ناصر هتنفجر كمان عشر دقايق و نص بالظبط تفتكر هتلحق تحذره هو خلاص على اول البلد ههههههههههههههههه
مختار ياخد الموبايل و يجرى على العربيه عبد الله يجرى يركب معاه و هو بيشاور بايديه الغفر يفتحوا البوابه انتصار و مريم يشوفوا مختار و هو بيجرى على الطريق يتخضوا و الابتسامه تروح من وشهم
انتصار / هند فين
مريم / نزلت الحمام
انتصار / خليكي هنا وفتحى عنيكي فى حاجه حصلت اكيد فى حاجه حصلت
مريم / حاجه ايه انتى مش لسه قافله مع ابويا و قالك انه دخل البلد خلاص
انتصار / كلميه تانى اطمنى عليه على ما انزل اطمن على هند كلميه كلميه
مريم / حاضر حاضر
مريم تمسك الموبايل و انتصار تنزل تجرى
…………………..
فى اوضه هند
هند واقفه فى الحمام و فى ايدها تيست الحمل منور شرطتين و هى حاطه ايدها على بقها و مش مصدقه نفسها باب الحمام يخبط هند تتخض و تفتح تلاقى انتصار
انتصار / اتاخرتى كدا ليه
هند / خير فى حاجه حصلت
انتصار تشوف التيست فى ايدها
انتصار / هند
هند / انا حامل يا ام فاتن حامل
انتصار / يا الف نهار ابيض يا الف نهار مبروك طب والله لادبح حاجه … حاجه ايه دا انا هدبح حاجات دا انا هاكل البلد كلها … يا لهوى نستيني اوعى اما اطمن على ناصر
هند / ما تقوليش لحد هعملها لمختار مفاجاه
انتصار / ماشي ماشي امال فين تليفونك
هند / على الكومدينو ليه
انتصار / كلمى مختار طلع يجرى من السرايا
هند / ايه !!!!
………………
على اول البلد مختار سايق زى المجنون و عبد الله جنبه
عبد الله / مشغول ما بيردش ما بيردش
مختار / ابعتله رساله
عبد الله يكتب رساله و يبعتها فجاه صوت انفجار شديد
مختار / لا لا لا لا مختار يزود السرعه يشوف نار من بعيد يجرى عليها و ينزل يجرى عليها و هو بيصرخ
مختار / نااااااااصر
عبد الله ينط عليه يحوشه و مختار يزقه و يحاول يقوم و عبد الله بيشده و مختار بيصرخ
مختار / ناااااااصر نااااااااصر
عبد الله / مش هتقدر تعمله حاجه … مش هتقدر خلاص وحد الله وحد الله
مختار بيقاوم و يصرخ و عبد الله بيحاول يمسكه ثوانى و عربيه امين توصل و يقفوا و ينزلوا و هم مصدومين امين يحاول يجرى على العربيه رجاله تمنعه و هو بيصرخ
امين / ابوياااااااا
باقي الرجاله يحاولوا يطفوا الحريق و مختار بيصرخ فى الارض و امين بيصرخ الناحيه التانيه
…………………..
فى سرايا الزنايته
هند بتحاول تتصل بمختار ما بيردش باب الاوضه يخبط تروح تفتح تلاقى خليفه واقف بعيد باصص فى الارض
هند / صباح الخير فى حاجه يا عم خليفه
خليفه يبصلها و عنيه كلها دموع
هند / عم خليفه … فى ايه
خليفه / لازم تيجي معايا يا ست هند … سى مختار و سى عبد الله عملوا حادثه و لازم تيجي معايا
هند تجرى زى المجنونه و تسبقه يجرى وراها تطلع من السرايا
خليفه / افتح البوابه يا حمدان … اركبى يا ست هند اركبى
هند تركب واحد من الغفر ينط فى العربيه
الغفير / على فين يا خليفه
هند / افتحوا البوابه مفيش وقت مختار عمل حادثه
الغفير / هاجى معاك ما حدش ضامن الطريق على الست
خليفه / لازم حد يحرس السرايا
الغفير / الرجاله هنا كتير
هند / اطلع يا خليفه انت لسه هتتكلم اتحرك
خليفه يبص للغفير و يتحرك بالعربيه
……………………
على الطريق
مختار يقوم و هو بيمسح دموعه يروح ناحيه العربيه يلاقى موبايله بيرن فيرا يرد
مختار / حفرتى قبرك بايدك حفرتى قبرك بايدك
فيرا / مراتك فين يا مختار ههههههههههههههه
مختار عنيه توسع و يسند على العربيه
فيرا / الاول ناصر و دلوقت هند و عباده كدا كدا ههههههههههههههه قولتلك انا قولتلك هههههههههههههههه
مختار / لو لمستيها
فيرا / نفس الجمله نفس الجمله انت ايه حافظ مش فاهم و بعدين يا سيدي ما تقلقش انا مش هلمسهالك ادواردو هيقوم بالواجب هههههههههههههههههه
فيرا تقفل مختار يحاول يتصل بهند ما بتردش يتصل تانى ما بتردش يتصل بانتصار
انتصار / فى ايه يا مختار طلعت تجرى ليه
مختار / هند فين
انتصار/ تحت فى اوضتها ليه
مختار / ما بتردش ليه هند فين
انتصار/ مالك يا مختار هند فى اوضتها انا لسه جايه من عندها هند فى الاوضه تحت والله لسه مطمنه عليها حالا … استنى استنى بتقولى ايه .. امتى … هند ركبت عربيه مع خليفه و لسه خارجين من السرايا مريم شافتهم
مختار يقفل الخط و يركب العربيه و يسوقها و يجرى بيها عبد الله يشوفه يجرى وراه ما يلحقش يحصله يجرى الناحيه التانيه امين بيعيط
امين / ابويا … خالى
عبد الله / فى حاجه حصلت مختار مشي بسرعه اكيد فى حاجه حصلت قوووووم
عبد الله يصرخ فى امين و امين بيعيط و مش قادر عبد الله يرد و هو بيلف حوالين نفسه
انتصار / مختار فين يا عبد الله هو ايه اللى حصل و هند راحت فين
عبد الله/ هند !!! هند ازاى هى مش عندكوا
الرجاله تنتبه
عبد الله/ انتى بتقولى ايه و خادها فين
امين يقوم يمسح دموعه و يشد عبد الله
امين / هند مالها
عبد الله/ لا مختار مش هنا خد العربيه و جرى بيها
امين / هند مالها يا عبد الله اختك مالها
عبد الله يصرخ فيه و الدموع بتنزل من عنيه
عبد الله/ اتخطفت خليفه خطفها خطفها ارتحت
امين / على العربيه يا رجاله .. انتوا افضلوا هنا طفوها و اتعاملوا … اركب
امين و الرجاله و عبد الله يركبوا بسرعه و يطيروا
……………………
فى عربيه خليفه
هند/ بسرعه يا خليفه ابوس ايدك
تليفون خليفه عمال يرن فى جيبه
الغفير / ما ترد يا خليفه الله … و بعدين انت رايح فين دا لا طريق المستشفي و لا طريق
طياره هليكوبتر تعدى من فوق العربيه خليفه يفرمل الغفير / ايه دى ؟؟؟ ارجع على السرايه بسرعه يا خليفه ارجع
خليفه يطلع مسدسه و يشد الاجزاء و الغفير يعمل زيه خليفه يضرب الغفير فى دماغه هند تصرخ و تبصله الهليكوبتر تقف فى الارض
هند / خليفه !!!
خليفه / على عيني يا ست الكل احميكى بعنيا بس الضنا غالى
باب العربيه يتفتح و راجل يشد هند من ايديها تنزل و المسدس متوجه على دماغها خليفه ينزل يشوف بنته نازله بتجرى من الهليكوبتر يجرى عليها و ياخدها فى حضنه و يبص على هند و هى بتركب مكانها و المسدس على دماغها و بتبصله و بتعيط يغمض عنيه و يعيط الهليكوبتر تطير
خليفه / انتى كويسه … انتى كويسه يا ضنايا
البنت تهز راسها و هى بتعيط
خليفه /روحى على البيت و مهما حصل اعرفى ان ابوكى بيحبك
البنت / انت هتعمل ايه
خليفه / امك هتموت عليكي ارجعيلها اتحركى يا بنتى اتحركى
البنت تمشي و كل شويه تبص لابوها و هو متابعها و واقف مكانه عربيه مختار تدخل ينزل و معاه سلاحه يشد الاجزاء و يمسك خليفه من هدومه يزنقه فى العربيه يبص فيها غفير ميت و هند مش موجوده
خليفه/ حقك عليا يا سى مختار كان علي عيني غصب عنى
مختار يصرخ فيه
مختار / هند فين يا خليفه هند فين مراتى فين
خليفه يشاور على السما مختار يضربه بضهر المسدس فى مناخيره و خليفه بيعيط
مختار / دا انا ما كنتش بامن غيرك يا ابن الكلاب مراتى فين
خليفه / ست هند كانت قصاد بنتى
مختار يحط المسدس على دماغ خليفه
خليفه / ابوس ايدك اضرب … اضرب
خليفه يعيط و مختار واقف بيعيط يمسح دموعه و يبصله
مختار / يا ريتك كنت اى حد تانى ما كنتش اترددت ثانيه … روح … كفايا عليك عارك
مختار يحط المسدس فى جيبه و يركب العربيه و يسوق
……………..
فى سرايا فيرا
الهليكوبتر تقف و هند تنزل و السلاح على راسها و ايديها مربوطه ورا ضهرها بافيز فيرا تشوفها
فيرا / ايه يا حيوانات ده فكوها … اسفه جدا جدا على الاسلوب ده بس اعمل ايه وحشتيني
هند / هيقتلك انتى عارفه ده كويس صح هيقتلك
الراجل يقطع الافيز هند تبص حواليها فيرا تقرب منها
فيرا / انتى بجد نفسك يجي و لا بتقولى كدا عشان تخوفيني بمعنى تفتكرى لو جه هينقذك فعلا و لا …
فيرا تعدى صابعها على وش هند هند تزق ايدها
فيرا / ههههههههههه شكلى هحبك انا وعدته انى مش هلمسك بس للاسف انا مش بقدر امسك نفسي بحب اللعب بلعبى الجديده اول باول
هند / هيجي و هو اللى هيقتلك
فيرا / هو انتى ما عرفتيش … مش ناصر و سليمان ماتوا
هند عنيها توسع
فيرا / و عباده وضعه معروف و امين قلبه محروق على ابوه و مغاورى غالبا هيستغل الوضع عشان يرجع مراته يعني جوزك لو جه هيجي لوحده مع اخوكى و شويه غفر و كام راجل كدا ما لهمش لزمه … تحبى تشوفى انتى بقي انا مجهزاله ايه هنا
هند تبصلها فيرا تشاور للرجاله واحد يتكلم فى اللاسيلكى
فيرا / اتفضلى معايا
فيرا تمشي خطوه هند ما بتتحركش
فيرا / اوعى تفتكرى انى هقتلك انا لو قتلتك ابقي برحم مختار من حاجات كتير الموت بالنسباله هيبقي الموت اهون منها بكتير فامشي معايا بالزوق و اكسبي وقت لحد ما حبيبك يوصل يمكن … تشوفيه لاخر مره هههههههههههههه
فيرا تمشي هند لسه واقفه راجل يزقها بالراحه تبصله يشاورلها براسه على فيرا هند تمشي ورا فيرا و هى عماله تبص يمين و شمال على المكان و الرجاله تدخل جوه الفيلا تلاقي جيش كامل بدى بيلدينج بيتسلحوا و رشيد فى جنب متكمم يشوفها يزوم
فيرا / جبتها اهو نتسلى معاها شويه لحد ما ضيفتنا التانيه توصل … انتى عارفه مين ده يا هند
هند تهز راسها لا و رشيد بيحاول يفك نفسه فيرا تتكلم بصوت عالى
فيرا / دا الجاسوس العبيط اللى جوزك كان فاكر انه هيزرعه عندى و مش هعرف … رشيد مفيش مخلوق فى البلد ما يعرفش بقوه العلاقه اللى بينك و بين مختار لدرجه انه يقف قدام اخوه عشانك
فيرا تروح ناحيه رشيد و هو بيحاول يفك نفسه
فيرا / كنت بديك فرصه و اتنين و تلاته و عشره و ارمى قدامك بنات و فلوس و كل حاجه ممكن تحلم بيها حتى العيل العبيط اللى بدل ما تهرب كنت مستعد ترمى نفسك فى النار عشان تنقذه مع انك ما تعرفش شكله و لا حتى يخصك كنت مستعده اديك كل ده و اكتر مقابل انك تغير ولائك بس انت كنت فى كل اختبار تختار صف مختار فين مختار دلوقت يا رشيد هاه فين
فيرا تصرخ فيه و تضربه برجلها فى صدره يقع بالكرسي على الارض
فيرا/ انا فى يوم واحد قتلت ناصر و سليمان و جبت هند و سمر و هقتلك انت و كل الزنايته انت بقي عملت ايه طول الفتره اللى فاتت مختار عمل ايه يقدر يعمل ايه
رشيد يحرك المنديل اللى مربوط بيه بقه من كتر الفرك و يضحك فيرا تبصله بصمت و تبتسم و هند تبصله باستغراب
رشيد / هههههههههههههههههه ضيعى وقت ضيعي ضيعي بس صدقيني كلها كام ساعه و هتندمى على كل ثانيه ضيعتيها و ما هربتيش
فيرا / بجد
رشيد يهز راسه و هو بيضحك
فيرا / معاك حق كفايا تضيع وقت ايه رايك على ما سمر تيجي نتفرج انا و انت على فيلم صغير بطوله النجمه الصاعده هند
هند تبصلها
فيرا / و البطل ادواردو … انا كنت وعداه بمريم بس مفيش مانع يتصبر بيكي لحد ما اجيبها هى كمان
رشيد / سبيله سبب يرحمك عليه سيبي لنفسك قشايه تتعلقي بيها يمكن تنجيكي
فيرا تنادى
فيرا / ادواردو
رشيد / الناس دى ممكن تسامح فى اى حاجه الا الشرف اوعى تفتكرى انك هتكسبي هيقتلوكى
فيرا تجيب بلاستر و تقفل بق رشيد
فيرا / رغااااااى اوى
ادواردو ينزل من فوق يبص على هند و هند تبصله و تبص على العبايه بتاعتها و تبص حواليها رجاله كتير تفكر ثوانى و تهز راسها لا بالراحه فيرا تعدل كرسي رشيد
فيرا / فين فشارى
فيرا تجيب كرسي ليها و تقعد جنبه ادواردو يقف قدام هند على بعد خطوات هند توطى تجيب طرف العبايه و تقلعها
فيرا / هههههههههههه دى طلعت متعاونه
هند لابسه تحتها بنطلون و بيزك كم اسود بنت تدخل بعلبتين فشار فيرا تمسك واحده و تحط التانيه عل رجل رشيد هند تلف الخاتم بتاع فاطمه فى صابعها و تخلى الحجر لجوه
فيرا / أكشن
ادواردو يتحرك ناحيه هند و هو مبتسم و فى فرق كبير فى الحجم بينهم
ادواردو / دو يو نو هو اي ام ( انتى عارفه انا مين )
هند / سم شيت ماسل ويز نو براين ( حقير بعضلات من غير عقل )
فيرا / ههههههههههههه
ادواردو / يو ويل انجوى زيس ( هتنبسطى )
هند / اى بت اي ويل ( اكيد )
ادواردو يمد ايده يمسك هند هند تمسكها بسرعه و تزحلق نفسها بين رجليه بتحاول توقعه قوتها ما تجبش ايده تفلت من ايدها و هو لسه واقف تضربه برجلها جامد فى ركبته تتنى و ينزل على رجل واحده تنط تقف و تجرى تحاول تفقع عينيه بصوابعها يقف و يشدها يحدفها بعيد و مش حاسس ان هند فقعتله عين بالخاتم و الدم نازل من وشه فيرا تناديه
فيرا / ادواردو … يو ار ميسينج اناى ( فى عين ضايعه منك )
ادواردو يحط ايديه على عنيه و يبص يلاقى ايد من ايديه غرقانه دم هند تقوم تقف و تبصله و تنطر ايدها اللى غرقانه بدمه فيرا تكلم رشيد
فيرا / طلع فيلم اكشن بجد مع انى كنت ناويه على نوع تانى بس ده طلع ممتع اكتر
ادواردو / يو ويل باى فور ايت بيتش ( هتدفعى تمن اللى عملتيه يا عاهره )
هند / ايام نوت يور مازر ( انا مش مامتك)
هند تجرى عليه و تنط تحاول تديله بوكس فى معدته يمسك ايدها و يلفها ينطرها تقع فى الارض بعيد تحاول تقوم ايدها تخونها ادواردو يحصلها و يديها رجل فى جنبها تلف و رجله تنزل فى الارض هند تقوم و تقف و ماسكه بطنها بايدها و باين على وشها انها مش كويسه بس بتقاوم و بترجع خطوات بسيطه لورا كل ما ادواردو يقرب ترجع لحد ما رجلها تخونها و تنزل على ركبه و نص بتحاول تقوم جسمها مش مساعدها تبص لادواردو بالم فيرا تقف ادواردو يروح ناحيه هند و يضربها برجله فى كتفها تقع على ضهرها هند مش بتتحرك فيرا تبعد ادواردو و تنزل جنب هند و تبص عليها بتعيط و نفسها ضعيف
هند / ساعديني انا حامل
فيرا تبص على هدوم هند سوده مش باين حاجه تلمس البنطلون بايدها دم تصرخ
فيرا / الدكتور هاتولى الدكتور حالا
…………………….
فى سرايا الزنايته
مختار يدخل بالعربيه و هو مش طايق نفسه يلاقي الرجاله كلهم و اولهم عبد الله واقفين شايلين سلاحهم شيرى تجرى عليه
شيرى / لقيتها لحقتها
مختار يسيبها و يدخل مخزن السلاح و يبدا يطلع سلاح امين يدخل يساعده
مختار / ام فاتن و امك عرفوا
امين / عرفوا
مختار يفتح صندوق و يطلع رشاش
امين / احنا جاهزين
مختار / انا رايح لوحدى
امين / باماره ايه هو اللى مات ده ما كانش ابويا ما كانش خالى اللى اتخطفت دى مش مرات خالى مش شرفها من شرفى انا قبل منك
مختار / مش هستحمل اخسر حد تانى فيكوا
عباده يدخل و هو بيتسند على الباب
عباده / و انت من امتى بتقرر لوحدك ما لكش كبير ترجعله و لا دفنتونى خلاص
مختار يروح يسند عباده
عباده / انا كويس اديني بس وقت لحد ما الهبابه تشتغل
مختار يبصله
عباده / هاخد تارنا و بعدين يحلها ربنا ان رجعت
مختار يهز راسه عباده يحرك صندوق كبير تحتيه باب خشب يفتحه فى سلم
عباده / هتلاقوا تحت سلاح كتير … مش احدث حاجه بس هيجيب من الاخر
مختار ينزل تحت يلاقى رشاشات و قنابل و اسلحه اليه يبص لعباده نازل سلمتين تلاته و بعدين يقعد على السلم
عباده / كنت بجيبها على حسابى و الكبير كان عارف
مختار يهز راسه انتصار تدخل و باين عليها الحزن
انتصار / انتوا بتعملوا ايه هنا
امين / بنلم السلاح و هنطلع
انتصار / ما ترجعوش من غيرها … مش على اخر الزمن هيتقال رجاله الزنايته معرفوش يحموا حريمهم … ما ترجعوش من غيرها فاهمين … مراتك كانت حامل
مختار يبص لانتصار و عباده يقوم يقف
…………………..
فى فيلا فيرا
هند معلقه كيس دم
الدكتور / انا مش هقدر اعملها اكتر من كدا امكانياتى ضعيفه لازم مستشفى
فيرا تشد الاجزاء
الدكتور / البنت كانت حامل و فى نزيف حاد و لو اتسابت كدا هتتصفى
فيرا / كل لحظه بتطولها فى عمرها فى الحقيقه انت بتطولها فى عمرك انت فاهم … اى نيد هير اللايف ( محتاجاها عايشه )
فيرا تصرخ فيه
الدكتور / صدقيني انا عملت اللى اقدر عليه و اكتر
فيرا تضربه بالنار فى دماغه و تبص لدكتور تانى
الدكتور / انا بس هحتاج اكياس دم اكتر و مسكنات
فيرا تروح تفتح درج و تطلع علبه فيها حبايه تديهاله
فيرا / بى كاى خمسميه مفيش فى الدنيا مسكن اقوى من ده
فيرا تسيب الاوضه و تطلع الجنينه تلاقي هليكوبتر بتنزل و سمر نازله منها فيرا تاخد نفس عميق و تبص لسمر اللى منهاره من العياط
فيرا / اخص عليكي يا سمر بقي بعد كل اللى عملته عشانك ما تساليش عليا
سمر / رشيد فين
فيرا / جوه مع ابن اخوكى
سمر تجرى على جوه و فيرا ماشيه وراها سمر تدخل تلاقى رشيد و جنبه طفل الاتنين مربطين تتصدم و تجرى تحاول تفك رشيد راجل يحاول يمنعها فيرا تشاورله يسيبها
فيرا / ادواردو كان نفسه هو اللى يقتل رشيد بس انا كان نفسي اوى انه يموت موته تانيه خالص موته تليق بيه
سمر تفك رشيد يقوم يقف كل الرجاله تنشن عليهم رشيد واخدها ورا ضهره
فيرا / ايه رايك يا رشيد انت و سمر نلعب لعبه اخيره بدل ما تموتوا انتوا التلاته اتنين منكوا يعيشوا و واحد بس اللى يموت
سمر تصرخ فيها
سمر / انتى مريضه مريضه انتى عاوزه مننا ايه
فيرا / اقتلى رشيد يا سمر و انا هديكي ابن اخوكى و هسيبك تمشي
رشيد / لسه بتضيعي وقت لسه فكراها لعبه الزنايته هيهجموا فى اى وقت
فيرا طلقتين فى رجل كرسي الولد تتكسر
فيرا / التالته فى راسه و ساعتها القواعد هتتغير و هيبقي اتنين يموتوا و واحد يمشي او انتوا التلاته تموتوا
رشيد / موافق هاتى سلاح واحد يموت و اتنين يمشوا
سمر تبص لرشيد و هى بتعيط
سمر / رشيد
رشيد / انا اسف يا سمر اسف انى مقدرتش اوفى بوعودى
فيرا / هو فشارى راح فين خلصنا من فيلم الاكشن ندخل على الدراما بقي
فيرا تروح تجيب مسدسين و تدى لسمر واحد و رشيد واحد سمر ايدها بترتعش
فيرا / كل مسدس من دول في فى ماسورته طلقه
رشيد يضرب فيرا المسدس فاضي فيرا تدحك
فيرا / ههههههههههههههه انت صدقت انى هديك مسدس مليان ههههههههههههه دورك يا سمر اقتليه و خدى ابن اخوكى و امشي واحد يموت احسن من تلاته
سمر تنشن على فيرا فيرا تروح تقرب و تحط المسدس فى دماغها
فيرا / اضربى
سمر أيدها بترتعش فيرا تصرخ فيها
فيرا/ اضربى اضربى اضربى
سمر تضرب مفيهوش رصاص فيرا تبتسم و سمر تعيط
فيرا / ههههههههههههه بحب منظر الغريق و هو بيتعلق بالقشايه بيبقي عبيط اوى … دلوقت دورى
فيرا تطلع مطوه و تروح تمسك الولد من شعره و تحطها على رقبته و تعوره رشيد يصرخ فيها
رشيد / لو فى حد لازم يموت يبقي انا اقتليني انا
فيرا / ما انت كدا كدا هتموت بس اخر واحد عشان تدفع تمن اللى عملته لو كنت اخدتها و هربت ما كانش كل ده حصل بس انت صممت تبيعني يبقي لازم تدفع التمن
رشيد / انا قدامك اعملى فيا اللى انتى عوزاه دا عيل ما لوش ذنب
فيرا / اقتليه يا سمر و انا اسيبكوا تمشوا
رشيد يبص لسمر بتعيط و باصه فى الارض و بتتنفض
رشيد / سمر … سمر … سمر
سمر تبصله و هى بتعيط جامد
رشيد / اقتليني
سمر / مش هقدر
رشيد / سهله صدقيني
فيرا تسحب المطوه و تعور الولد اكتر رشيد يصرخ فيها
رشيد / خلاص خلاص هموت نفسي اهدى
فيرا / سمر تقتلك او انا اقتل الولد و بعدين اقتلها و بعدين اقتلك
سمر تعيط
سمر / مش هقدر مش هقدر مش هقدر
فيرا تروح تحضن سمر من ورا و تحط المسدس فى ايدها و تمسك ايدها بالمسدس و تنشن عل رشيد
فيرا / انا هنشنلك و كل اللى عليكي انك تضربى
سمر تعيط و ايدها ترتعش
فيرا / ضربه واحده و عذابك انتى و ابن اخوكى هينتهى
رشيد / اضربى يا سمر اضربى
فيرا / مفيش وقت يا سمر حبايب جوزك جايين و ساعتها هيبقي فى هنا حرب ما اضمنش تطلعوا منها عايشين انتى و ابن اخوكى و كدا كدا رشيد ميت ميت فاللحقي نفسك
سمر / مش قادره
فيرا تحرك المسدس فى ايد سمر و تضرب الولد فى رجله يان جامد و هو متكمم سمر تجرى عليه الولد بيعيط و هى بتعيط رشيد يبص حواليه الكل منشن سلاحه على سمر يقف متكتف فيرا تروح تشد سمر من حجابها و توقفها مكانها تانى
فيرا / الطلقه الجايه يا فى قلب رشيد يا فى قلب الولد اقتليه و بعدين ابقى عيطي عليه براحتك
رشيد / اضربى يا سمر اضربى
سمر تعيط فيرا تشاور لواحد من الرجاله يروح يحط مسدس على راس الولد و راجل تانى يحط مسدس على دماغ رشيد
فيرا / هقتلهم قدامك الاتنين و اخلى الرجاله دول كلهم يتسلوا عليكي لحد ما تموتى فى ايد واحد منهم اضربى و خدى ابن اخوكى للمستشفي تاخيرك ممكن يتسبب فى بتر رجله
سمر تبص لرشيد و بتعيط تلاقيه مبتسم يهز راسه بالراحه تهز راسها لا
رشيد / اضربى يا سمر ما تخافيش اضربى
سمر تغمض و تضرب الطلقه تطلع و تدخل فى قلب رشيد ثانيه و رشيد ينزل فى الارض على ركبه سمر تجرى عليه و تحضنه و هى بتعيط فيرا تشدها من شعرها و تسحلها على ضهرها و سمر بتصرخ رشيد يقع على ضهره
سمر / لا لا سبيني لا
فيرا تحط رجلها على رقبه سمر و تحشرلها حبايه فى بقها و تقفله بايدها رشيد يقع فى الارض و هو بيتفرج على المنظر سمر بطلت تقاوم فيرا فيرا تقوم تقف
فيرا/ كدا رجعنا لنقطه الصفر
سمر / انتى وعدتيني انتى وعدتى
فيرا / انا زعيمه مافيا مش قديسه … و بعدين ما انا سيباكى عايشه هو انا قتلتك
رشيد / سمر .. سمر
سمر تجرى عليه رشيد يمد ايده فى جزمته تحت ضهره و يطلع مطوه يفتحها بالراحه
رشيد / قربى
سمر تقرب رشيد يضربها فى بطنها من غير ما تحس
رشيد/ اتشاهدى عشان اقول وراكى اتشاهدى يا سمر
سمر تقول و رشيد يقول معاها
سمر / اشهد ان لا اله الا الله
رشيد / اشهد ان لا اله الا الله
فيرا تروح تقعد على كرسي و تاكل الفشار
سمر / و ان محمدا رسول الله
رشيد / و ان محمدا رسول الله … سمحيني ما كانش ينفع اسيبك ليها
سمر تبصله باستغراب رشيد يلف المطوه فى بطن سمر سمر تبص تشوف منظر الدم تبص لرشيد تلاقيه باصصلها و مش بيتحرك تهزه
سمر / رشيد … رشيد … لا لا رشيد استنى لا
سمر تقع فوقيه فيرا تبص عليها و تتنى راسها و تقوم تزقها برجلها تلف
فيرا / كنت هوفى بوعدى و اسيبكوا تمشوا … ارموهم فى المخزن لحد ما نشوف هنعمل معاهم ايه
راجل / و الولد
فيرا / حطوه مع هند و خلوا الدكتور يتابعه
الرجاله تشيلهم و تدخل بيهم فيرا تروح تقعد تكمل الفشار
………………
على الطريق
عربيات الزنايته طايره عربيه مغاورى و وراها عربيات كتير تقطع عليهم الطريق مختار يفرمل عباده ينزل يشد الاجزاء
عباده / ابعد عن طريقنا يا مغاورى مش وقتك
مغاورى ينزل و يرفع ايديه لفوق
مغاورى / انا و ابن عمى على الغريب انا و ابن عمى على الغريب
عباده يبص لمختار
مختار / هند ما تخصكش
مغاورى / على الورق انما فى الحقيقه هند و كلكوا تخصونى و اللى يرشكوا بالميه ارشه بالدم
مختار يركب و عباده يجرى يركب و مغاورى يركب و فجاه درونز تطير فوق العربيات و تسبقها
………………….
فى سرايا الزنايته
ام امين نايمه فى السرير بتعيط و الكل حواليها
فاطمه / خدوا البت من وسطينا و احنا نايمين على ودانا
انتصار / الواطى ابن الكلب كان لحم كتافه من خيرنا دا عمى عمران ما كانش بيامن حد على حريم الزنايته غيره و من بعده ناصر الله يرحمه ما تجيش غير منه
شيري / هترجع …ان شاء الله هترجع … مش هيحصل لها حاجه … شافت كتير و عدت و هتعدى من دى كمان
شيرى كاتمه دموعها جواها فاطمه تقوم تقعد جنبها
فاطمه / هند قويه و عصب ما يتخافش عليها هيروحوا يلاقوها مخلصه عليهم و واخده بتارنا كلنا
شيري تبص لفاطمه
فاطمه / ما تخافيش انا عرفاها هتدافع عن نفسها لاخر نفس فيها
انتصار / لعبتها صح … ربكتنا و عرفت تضربنا فى مقتل ازاى كسرتنا كسره مالهاش قومه
فاطمه / انتى بتقولى ايه ؟ احنا لسه ما اتكسرناش و البت هترجع و رقبه اللى اسمها فيرا دى فوقيها و هحنى ايديا و رجليا بدمها عشان ابرد نارى
انتصار / هقوله ايه … لما اشوفه هقوله ايه … البت اتخطفت من قدام عنيا … مات الكبير و الصغيرين نهشونا
ست قاعده فى ركن بعيد
الست / ما عاش و لا كان يا ام فاتن ما الديابه طول عمرها بتعوى من امتى الاسود اتهزت يعني
انتصار / نارى قايده قتلت جوزى و اخويا و قلبت علينا رجالتنا و خطفت بنتى من حضنى و دلوقت بعت باقي عيالي يا عالم مين هيرجع و مين هيروح و اللى هيرجع هيرجع ازاى نار بتاكلنى
فاطمه /يرجعوا زى ما يرجعوا و لا حتى ما يرجعوش اللى معاه ربنا ما يخافش
انتصار تبصلها
فاطمه / من قتل دون اهله فهو شهيد يموت راجل بيدافع عن شرفه و اهله و لا يموتش فى فرشته انا طالعه اقف جنب عبد الله بيحمينا لوحده يا كبدى
فاطمه تقوم و تسيب المكان و تمشي
الست / قل لن يصيبنا الا ما كتب الله لنا و احنا ياما شوفنا.. ربنا يصبرك و يقويكي جرحك صعب انا عارفه بس انتى مؤمنه و قدها
انتصار تسيب المكان و تمشي
شيري / جرحها مش سهل برده اخوها و جوزها فى يوم واحد الله يعينها
الست / احنا اللى لينا تحت الأرض اكتر من اللى فوقيها يا ام عبد الله احنا دموعنا نشفت بنولد و نكبر و نطلع عيالنا طالعه ورا التانيه يا عالم هيرجعوا و لا لا انا ولادى التلاته ماتوا فى ليله واحده دفنتهم و طلعت عمره و فضلت هناك اما حجيت و رجعت مش هيغلوا على اللى خلقهم
شيرى تبص لانتصار باستغراب و تبص فى المصحف فى ايدها و تكمل قرايه فى صمت
………………..
على السطح
مريم قاعده فى جنب بتعيط و ساند جنبها على السور رشاش و عبد الله واقف بيغلى سماح تدخل مريم تشوفها تقوم تجرى عليها
مريم / انتى ايه اللى قومك من السرير
سماح / و انا من امتى كنت بقدر على الرقده … مفيش جديد
مريم / الله اعلم ما افتكرش يكونوا لحقوا يوصلوا حتى
سماح / مغاورى خد الرجاله و قابلهم على الطريق
عبد الله / و اتخانقوا
سماح / مغاورى راجل وقت الجد بيقف فى وش المدفع قبل الكل
عبد الله / اكيد عارفه خناقته مع الكبير الله يرحمه ده اللى اقصده
سماح / الكبير كان مربيه زى ما ربانا كلنا و ان كان على الكلام اللى قاله فقاله فى لحظه غضب مغاورى ما كانلوش ذنب فى اللى حصل و هو اللى شال الذنب كله بطوله
مريم / سماح كل واحد فيه اللى مكفيه لو طالعه تتخانقى يبقي قلتك احسن
سماح / حقك عليا يا اختى طمنيني عليكي
مريم / اطمنك على ايه انا ما اعرفش انا حاسه بايه انا لسه مش مصدقه اللى حصل و بقول سبحان الله ربنا يبتلى عباده بالهباب ده عشان ينجيه من الموت
سماح / و اهو راحله برجليه
عبد الله / هيرجعوا ان شاء الله
سماح / لو كانوا ناويين على راجعه كانوا خدوك معاهم
عبد الله / و مين يحميكوا هنا نسيبكوا تانى للغفر يا عالم هى مجنده مين تانى وسطينا
مريم / هنقف هنا نتخانق و نسيبهم يعدوا من قدام عنينا فيكى ايه يا سماح
سماح / فى ان كل اهلى راحوا ينقذوا اخته و هو واقف هنا لا و كمان بيتكلم عن مغاورى
مريم / اتعديتي من ام عباس و لا ايه هند مش بس اخته دى مرات عمى و اختى و اختك و لينا كلنا فيها زى ما له فيها بالظبط و فى الوقت اللى كنتى راقده فيه فى السرير كانوا بينزلوه من العربيه عشان يفضل معانا هنا
سماح / عشان مش هيقدر يحمى روحه و هيعطلهم
فاطمه تدخل
فاطمه / سماح
سماح تبصلها
فاطمه / اتعدلى واعرفى بتكلمى مين قبل ما تغلطى
سماح / انا ما غلطتش
فاطمه / انزلى اوضتك و ارتاحى و ان زهقتى من الرقده روحى مرضي ام امين حرارتها ما بتنزلش
سماح تبص لامها و تنزل
مريم / انا مش عارفه ايه اللى جرالها
فاطمه / ما تاخذناش يا ابنى هو دايما كدا البنيادم لما الدنيا بتيجي عليه جامد بيجي على القريب منه اديني المنظار اما اشوف الطريق ما عدش فى رجاله فى البلد و لازم نفتح عنينا كويس
عبد الله يناول فاطمه المنظار و تبص فيه
……………….
فى فيلا فيرا
فيرا واقفه قدام حمام السباحه و فى اتنين رجاله بيفضوا برميلين بنزين على وش الميه تسيبهم و تدخل جوه تلاقى بنت بتربط لادواردو شاش على عينه
فيرا / هم اتاخروا كدا ليه يكونوا تاهو
الرجاله تضحك وادواردو يبص مش فاهم
فيرا / كل الرجاله تفتح عنيها
راجل قدام الشاشات
الراجل / فى درونز جايه على هنا
فيرا / يبقوا وراها … طلعوا الدرونز بتاعتنا تضربها فى الجو
رجاله قدامهم اجهزه يشتغلوا عليها و فيرا باصه فى الشاشات على كميه العربيات اللى بتتحرك بسرعه
فيرا / فجر قنبله من اللى على الطريق
كذا عربيه تعدى و عربيه تتقلب العربيات الل وراها تقف و الرجاله تنزل تطلع الرجاله من العربيه و يزقوا العربيه كلهم و يوسعوا الطريق و باقي العربيات تعدى
فيرا / دول سابوهم لوحدهم عادى … فجر قنبله تانيه .. اخبار الدرونز ايه
شاب / عددهم كبير جدا و بينفجروا اول ما بنقرب منهم
فيرا/ قول مش عارف اتعامل عشان اجيب غيرك
الشاب يشتغل و هو ساكت فيرا تبص للشاشه تانى نفس المشاهد بتتكرر و الرجاله اللى اتسابت بتجرى على رجليها و السلاح على ضهرها و العربيات ما بتقفش لحد
شاب ٢ / الدرونز دى حديثه جدا و قدرتها على المراوغه عاليه
فيرا / الزنايته ما عندهمش الامكانيات دى جابوها منين
صوت انفجارات بره ورا بعض
شاب ٣يدخل يجرى
شاب ٣/ الدرونز فجرت الهليكوبترين اللى بره
شاب ١ / ابراج المراقبه اتعطلت مش قادر اتحكم فى الاجهزه
فيرا تضربه بالنار و تبص للشاب اللى جنبه يحاول يشتغل
فيرا / كل واحد عارف مكانه مليون جنيه على كل قتيل منهم اتحركوا … ادواردو … اتز شو تايم ( وقت العرض )
ادواردو ياخد مسدسين من جنبه و يتحرك على بره
الراجل على الكاميرات باصص على فيرا
فيرا / فى ايه تانى
الراجل / كل العربيات انفجرت
فيرا تبص على الكاميرات حمام السباحه و الجنينه كلهم قايدين نار و فجاه البوابه تنفجر و العربيات تدخل وسط النار و الرجاله بتنط منها و تشتبك مع رجالتها فيرا تسيب المكان و تجرى
………………..
بره فى الجنينه
الكل مشتبك و بيتحركوا و ينتشروا مختار بيزعق فيهم
مختار / غطوا بعض غطوا بعض
مغاورى / رصاصات فى الدماغ ما تسيبوش حد حى
الكل يتفرق و الدرونز عماله تنفجر فى المدافع اللى على سطح الفيلا
عباده / اتحركوا
الرجاله تجرى على جوه كل واحد فى اتجاه
……………….
فيرا فى ممر بتتكلم فى الموبايل
فيرا / الهليكوبتر فين
راجل / فى الطريق
فيرا/ حالا يعني حالا
فيرا تقفل و تفتح باب و تدخل مخزن مليان بنات اعمار مختلفه
فيرا / اللى عاوزه تعيش تجرى على بره
فيرا تنشن عليهم كلهم يجروا على بره و فيرا مبتسمه
فيرا / ابقي اقتلهم بقي يا مختار هههههههه
فيرا تروح تفتح باب تانى فيه اطفال
فيرا / اهربوا يلا اهربوا
العيال تطلع تجرى على بره تعدى فى الممر و تطلع سلم يوديها فيلا تانيه فيها رجاله تبعها
…………………..
فى هول الفيلا الاولى
مختار داخل و مشتبك مع رجاله فيرا يلاقى بنات طالعين يجروا مختار يزعق
مختار / احموا الحريم احموا الحريم
امين يعدى مختار و يدخل على جوه و مختار يطلع على فوق و الرجاله تنتشر و رجاله فيرا بتضرب عشوائي و فى بنات بتقع و الزنايته و الجوارحه بيحاولوا يسحبوهم فى حتت امان يلاقوا اطفال تانين طالعين يجروا يبصوا لبعض و يقوموا امين يصرخ
امين / كلو فى الارض كلو ينام فى الارض
فى عيال تنام و فى عيال بتجرى و الزنايته فاتحين النار مغاورى يدخل و وراه رجاله
مغاورى / انقلوا الناس دى للامان بعيد … امين مختار فين
امين/ طلع فوق
مغاورى/ احنا ندور تحت
مغاورى و امين يروحوا يفتشوا الاوض و اللى يقابلهم يقتلوه
………………….
فى الفيلا التانيه
فى اشتباك عنيف بين الزنايته و رجاله فيرا و فى جرحى و قتلى بين الاتنين فيرا تشوف الوضع كدا تسيب المكان و ترجع الممر و تروح فيلا تالته مفيش ضرب نار و رجاله كتير ميته تبص على خزن سلاحها و تطلع بره تحس بحركه وراها عباده جاى وراها و مبتسم و منشن عليها تنشن عليه فيرا تبتسم و هى بتتحرك لورا و عباده بيتحرك ناحيتها
عباده / هند فين بدل ما اضربك بالنار
فيرا / كنت متاكده انك هتستسلم … من غيرى مش هتلاقى حبوب لا ليك و لا لهند فوق
عباده / اقولك هدور عليها بنفسي احسن
فجاه صوت طلقه و التانيه وراها علاطول عباده يبص وراه يلاقي راجل ميت و واحد من الجوارحه بيجرى عليه
الراجل / انت كويس
عباده يحط ايده على كتفه يلاقى دم يبص على فيرا ما يلاقيهاش يطلع يجرى وراها و الراجل وراه
………………..
فى اوضه فى الممر
امين و مغاورى بيفتحوها باب و را التانى و اى حد بيطلع عليهم بيقتلوه و فجاه يفتحوا باب يلاقوا دكتور و هند متعلقلها دم و مش فى كامل وعيها و الولد الصغير نايم فى سرير جنبها
مغاورى / عملتوا فيها ايه يا ولاد الكلب
الدكتور / لو ما اتنقلتش مستشفى حالا فى خطوره على حياتها و على الرحم انا عملت كل اللى اقدر عليه بس الامكانيات هنا محدوده انا هنا غصب عنى
مغاورى يحاول يشيل هند تحاول تقاوم مش قادره على اكتر من صوت انين
مغاورى / ما تخافيش يا بنت الناس هروحك بيتك
هند تسكت مغاورى يشيلها امين يشيل الولد على كتف و ماسك المسدس على الكتف التانى و يطلعوا يجروا فى الممر
………………….
فوق
مختار عمال يفتح باب ورا التانى هو و مجموعه رجاله يفتح اوضه منهم يلاقى رشيد و سمر نايمين على سرير و هدومهم غرقانه دم يدخل يجس النبض و الحزن يملا وشه
مختار / سامحنى يا صاحبى
صوت طلقه مختار يبص وراه يلاقى واحد واقع فى الارض و واحد من رجالته يدخل بيجرى عليه
الراجل / خد بالك يا مختار
الراجل يجرى يدور فى باقي الاوض و مختار يطلع الدور اللى فوقيه يلاقيه سطح وادواردوا واقف مستنيه و الاتنين منشنين على بعض
ادواردو / يو ديدنت فايند هير رايت ( ما لقيتهاش صح )
مختار / اى جيس اى كان تيل وات هابند تو يور اى ( بيتهيالي اقدر اخمن اللى حصى لعينك )
ادواردو / ذات ليتل ثينج ايز ناثينج … يو نو .. وات ابوت اريماتش … اى نو ايجايبشن مين اند زير اونر زى دونت كيل ارمليس مين ( دى حاجه بسيطه .. انت عارف .. ايه رايك نعيد الماتش .. انا عارف المصرين و شرفهم ما بيقتلوش رجاله عزل )
ادواردو يرمى سلاحه مختار يضربه بالنار فى عينه التانيه ادواردو يقع ميت
مختار / انت فاكره فيلم اجنبى بروح امك
…………………………
فى جنينه الفيلا
هليكوبتر طايره تنزل الجنينه و فيرا بتجرى عليها و فى راجل ماسك رشاش جواها بيامن ضهر فيرا و عباده و الراجل اللى معاه فاتحين النار طلقه تيجي تموت الراجل يقع جنب عباده عباده يجس نبضه فيرا تركب الطياره تطلع درون يخبط فيها تنفجر و فيرا تنط منها فى حمام السباحه و جزء من الانفجار يقع فى الميه يولع فى البنزين اللى على السطح عباده يروح يبص يلاقي فيرا طالعه من المايه و النار ماسكه فيها يضرب عليها نار ما بتموتش مغاورى و امين يدخلوا و كل واحد شايل على ايده فيرا تشوفهم تجرى عليهم و النار ماسكه فى جسمها عباده يجرى عليها يزقها بكتفه فى الميه و يقعوا سوا
مغاورى / عباده
مغاورى يحط هند و امين يحط الولد و يجروا النار مغطيه الميه مش شايفين حاجه امين يجرى يجيب خرطوم الميه بتاع الجنينه و مغاورى يجيب مشمع تغطيه حمام السباحه
مغاورى/ امين امين ساعدني
امين يمسك طرف و مغاورى يمسك طرف و كل واحد واقف على جنب و يعدوا على وش الميه بالراحه النار تتكتم لحد ما يغطوا الحمام كله و يسحبوا المشمع لاخر الحمام اول المايه تبان النار مطفيه امين ينط فى الميه يطلع عباده و يبدا يضغط على صدره واحد اتنين تلاته و لسه هينفخ فى بقه عباده يفتح
امين / عباده
عباده / انت كنت هتعمل ايه
مغاورى / انتوا هتحكوا لازم نلحق هند على المستشفي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية البر التاني)
تعليق واحد