رواية البر التاني الفصل الثامن والأربعون 48 بقلم لولو محمد
رواية البر التاني الجزء الثامن والأربعون
رواية البر التاني البارت الثامن والأربعون
رواية البر التاني الحلقة الثامنة والأربعون
فاتن / عمى بالراحه بالراحه
مختار يبص على هند
فاتن / كويسه والله العظيم بخير و كويسه هم اللى منيمنها ادوها دوا ينيمها الدكتور اكدلى
مختار يروح يقعد جنبها
فاتن / عباده و عبد الله عاملين ايه انا لسه عارفه باللى حصل بس قالولى اخليني جنبها ما اسبهاش لوحدها
مختار / تسلمى يا فاتن تعبناكى و انتى حامل
فاتن / تعبكوا راحه يا عمى … قالولك على اللى حصل فى السرايا
مختار / قالولى
فاتن / هند ضربت نار و كانت بتوقعهم زى الدبان كانت واقفه بمليون راجل
مختار يبص على هند
فاتن / بس ما استحملتش يا كبدى اول ما الدنيا هديت و بدات تستوعب اللى حصل طبت فى الارض و لما فوقوها قعدت تصرخ و ما حدش كان فاهملها حاجه ادوها مهدئ و نيموها
مختار يهز راسه و يطلع ينام جنبها فى السرير
فاتن / اطلع بره ؟
مختار / تطلعى بره فين يا فاتن انا بس مش قادر اقعد هفرد ضهرى و انتى كمان حامل افردى ضهرك و ارتاحى كفايا عليكي اللى شوفتيه
فاتن / انا ممكن اروح
مختار / ارتاحى يا فاتن و ما تروحيش فى حته خلينا نروح على خير نامى نامى
فاتن تروح تعدل الغطا عليهم و تروح تقعد على الكنبه
………………………
على الطريق
عربيه فيرا معديه تشوف زحمه
فيرا / ستوب ( اقف )
الراجل يركن
فيرا / جو سى وات هابند ( روح شوف فى ايه )
الراجل ينزل من العربيه و يعدى وسط الزحمه يشوف العربيه متفحمه
………………………
قدام المستشفي
مغاورى يركن العربيه
شيري / انت جايبني هنا ليه ؟
مغاورى / العيله كلها هنا هتروحى السرايا تعملى ايه
شيري / هروح لبنتي
مغاورى / اقسم بالله يا امى هند و عبد الله جوه
شيري / قول بالله حد فيهم جراله حاجه
مغاورى / كويسين يا امى و لما هتشوفيهم هتطمنى عليهم بس يستحسن انك ما تقوليش لحد فيهم على اللى حصل دلوقت عدت على خير و ان شاء الله لما الامور تهدى احكيلهم زى ما تحبى
مغاورى ينزل من العربيه و يفتح لشيري الباب بتبصله باستغراب امين يدخل
امين / حمد الله على السلامه يا ست الكل
شيري / امين .. ايه اللى حصل ؟ انا مش فاهمه حاجه
امين / اجبلك عصير يا ياسو
ياسمينا تنزل لامين جرى يمسك ايدها
امين / الحمد لله يا ست الكل عدت على خير تعالى معايا تطمنى بنفسك على هند و عبد الله الكل جوه
شيري تنزل بسرعه و تدخل المستشفي و امين يبص لمغاورى و يبتسم و يهز راسه يحيه مغاورى يهز راسه امين يشيل ياسمينا و يجرى ورا شيري
……………………..
فى سرايا الجوارحه
كوثر / انتوا بجد هتروحوا
ام مغاورى / زياره المريض واجب يا ام عباس
كوثر / بعد كل اللى عملوه
ام مغاورى / و هم عملوا ايه؟ حرقوا المخزن ؟ ربنا وحده اللى يعلم مين اللى عملها بس سماح انضربت بالنار و لازم نطمن عليها فى الاول و الاخر اتربت وسط عيالنا
كوثر / بس الدنيا دلوقت مش امان و الرجاله
ام مغاورى / البلد كلها على رجل ما حدش هيستجرى يعمل حاجه
خديجه تدخل
خديجه / انا جاهزه ياما
ام مغاورى / هتيجي يا كوثر
كوثر / لا
ام مغاورى تهز راسها و تمشي و خديجه و تلاته كمان وراها
…………………..
فى اوضه عبد الله
امين يفتح الباب و شيري تدخل عباده و عبد الله يتعدلوا
امين / هاخد ياسمينا اجبلها حاجه تاكلها تمام ؟
شيري / خد بالك منها
امين / فى عيني يا امى
امين يشيل ياسمينا و يمشوا و شيري تبصلهم يبتسموا
شيري / هو فى ايه ؟ انا مش فاهمه حاجه
عباده / اهدى يا امى احنا بخير شويه كدمات بسيطه من اللعب و مخلينا بس تحت الملاحظه لكن احنا بخير الحمد لله
شيري تبص لعبد الله يبتسم
شيري / و هند فين
عبد الله / و ايه هيجيب هند هنا يعني ؟ و انا اللى كنت فاكرك جايه تطمنى عليا
عباده / هند مع جوزها فى اوضه لوحدهم
عبد الله / اوضه مين ؟
عباده / يا عم انت تايه و لا ايه انت مش واخد بالك ان مختار مش هنا بقاله ياما ادوله اوضه لوحده عشان هند تقعد معاه
عبد الله / شوف الواطيه راحت تطمن على جوزها و ما سالتش فى اخوها
شيري تسيب الاوضه و تطلع بره و هى بتعيط
عبد الله / هو فى ايه ؟
عبد الله يقوم
عباده / مش سهل تشوفك متكسعم كدا يعني
عبد الله / لا يا عم امى فيها حاجه
عبد الله يطلع بره و هو بيسند يلاقي شيري واقفه مع ناصر و بتعيط
شيري / انا مش هطمن الا اما اشوف بنتى
ناصر يبص لعبد الله
ناصر / انت ايه اللى طلعك انت كمان ؟
عبد الله / انا كويس .. هو فى ايه ؟
ناصر / مفيش حاجه يا عبد الله ادخل
شيري / طب قولى رقم الاوضه و انا اروحلها
ناصر / هوديكي يا ست الكل والله حالا عبد الله بس يرتاح و هوديكي دا هى فى الدور اللى فوق مش بعيد يعني … ادخل ارتاح يا عبد الله
عبد الله / انتى بتعيطي ليه يا ماما هى هند فيها حاجه
شيري / ما اعرفش لما اشوفها هعرف
عبد الله / هى هند فيها حاجه يا كبير
انتصار تدخل تحضن شيري و تبوسها
انتصار / حمد الله على السلامه يا اختى
شيري / وديني لهند يا ام فاتن ابوس ايدك طمنيني عليها
انتصار / انا لسه نازله من عندهم نايمه و زى الفل و هاخدك اطمنك عليها تعالى
عبد الله / انا جاى معاكوا
عباده يطلع من الاوضه
ناصر / تدخل ارتاح يا عبد الله
عبد الله / انا كويس الحمد لله ما تقلقش عليا تعالى يا امى
عبد الله و شيري و انتصار يمشوا لحد الاسانسير
عباده / انا كدا خلصت دورى انا كمان وديني بقي لسماح اطمن عليها
ناصر يهز راسه و يسند عباده
عباده / انا كويس يا كبير وديني بس لاختى
ناصر يمشي و عباده ماشي جنبه بيسند على الحيطه
…………………
فى اوضه هند
هند نايمه و مختار نايم جنبها الباب يتفتح فاتن تتعدل هى و مختار شيري تدخل و وراها عبد الله
عبد الله / هى مالها فى ايه
مختار / ادوها مهدئ و نامت ما استحملتش اللى حصل
عبد الله يبص عليها نايمه
عبد الله / احنا مش كنا اتفقنا ان ما حدش هيقولها ايه اللى جد بس
شيري تبص لمختار
مختار / انتى كويسه يا امى
شيري تبص لعبد الله و ترجع تبص لمختار و تهز راسها
فاتن / تعالى يا امى ارتاحى شكلك تعبانه
مختار / امال ياسمينا فين
عبد الله / مع امين
مختار يهز راسه و يقعد على كرسي
انتصار / انت يا ابنى هتفضل واقف كدا انت مش المفروض ترتاح
عبد الله / انا كويس يا امى الحمد لله بقيت كويس
انتصار / انا هروح ابص على عباده و ارجعلكوا اجبلكوا حاجه
شيري / تسلمي يا اختى
انتصار / تعالى معايا يا فاتن
فاتن تقوم و تمشي مع انتصار و اول ما تطلع من الاوضه
مختار / هقولها تجبلى موبايلي
مختار يطلع وراهم
مختار / ام فاتن
انتصار تبص وراها مختار يقفل الباب
مختار / سماح عامله ايه
انتصار / فاقت و بقت زى الفل الحمد لله بس هتفضل هنا لحد بكره
مختار يهز راسه
إنتصار/ خلى بالك من ام عبد الله ما جتش هنا بالساهل
مختار يبصلها باستغراب
انتصار / مغاورى الله يستره لحقها قبل ما يخطفوها هى و البت الصغيره
مختار عنيه توسع
انتصار / اخوك كان قالب عليهم البلد لحد ما مغاورى كلمه و طمنه و جابها على المستشفي هنا
مختار يهز راسه و يبص على باب الاوضه و يفتح و يدخل و يقفل الباب
فاتن / هو اللى بيحصل ده بجد ياما
انتصار / والله يا فاتن انا لحد دلوقت ما مصدقه بس هنعمل ايه ربك كبير تعالى اما نطمن على سماح
فاتن تهز راسها و يمشوا
…………………..
فى اوضه سماح
سماح نايمه تعبانه و الكل حواليها خديجه مامتها و الكل الباب يخبط و يتفتح و ناصر و عباده يدخلوا خديجه تتفزع من منظر عباده و تقوم تقف مامتها تشدها تقعدها خديجه تبص فى الارض
عباده / ازيك يا سماح
سماح / شوفت اللى حصلنا يا عباده
عباده / المهم انك بخير دلوقت
فاطمه / اقعد ارتاح يا حبيبي
عباده / هبص على جابر عن اذنكوا
عباده يبص على خديجه باصه فى الارض يطلع بره
ناصر / خدوا راحتكم
ناصر يقفل الباب
عباده / انا هطلع من هنا اجيب اجلها و اجل اللى يتشددلها
ناصر / قبلها فى مشوار اهم لازم نعمله
عباده / مشوار ايه ده اللى اهم من تار حريمنا
ناصر و عباده يبصوا لبعض
………………..
فى فيلا فيرا
ادواردو ممدد فى السرير و وشه ازرق فيرا تفتح الباب و تدخل
فيرا / اى هايت زيس كونترى .. يو نو وات اى دو هايت زيس سيتى … لوك ات يو .. يو لوك شيت … ماى مين ات ذا هوسبيتال سو زيم واكينج از نوثينج هابند اند جيس وات ويزاوت ذا بى كاى … اوه جاد اى ود لف تو كيل سم وان ناو ( انا بكره البلد دى … انت عارف انا بكره المدينه دى .. بص لنفسك شكلك صعب رجالتى فى المستشفي شافوهم بيتمشوا و لا كان حاجه حصلت و من غير البى كاى .. اه يا ربى انا نفسي اقتل حد دلوقت )
فيرا تبصله بحزن و تروح تقعد جنبه
فيرا / اوه بيبي ذى هيرتد يو سو باد اند اى كودنت مايك ايت اب تو يو ويذ وان اوف زير بريشوس لايديز ( اه يا حبيبي عوروك جامد و انا ما اقدرتش حتى اعوضك بواحده من ستاتهم الغالين )
فيرا تفتح الدرج و تطلع شريط و تاخد من حبايه و تحطها على بق ادواردو و تسقيه شويه مايه
فيرا / سون اينف وى ويل تاك اور ريفنج وى ويل ميك زيم سافر زى ويل اول سافر ( قريب اوى هننتقم هنخليهم يعانوا كلهم هيعانوا )
……………….
فى اوضه هند
هند نايمه فى حضن مختار تفتح عينها تلاقيه نايم و شكله تعبان تبص حواليها مفيش حد تحاول تقوم مختار يفوق
مختار / على فين
هند / سماح … جابر
مختار / كلهم بخير ارتاحى و نامى شويه
هند / شوفت اللى حصل ؟
مختار / عدى خلاص
هند الدموع تنزل من عنيها
هند / هو ايه اللى عدى ؟ انا قتلت يا مختار قتلت
مختار / انتى عملتى الصح عملتى اللى اى حد مكانك كان لازم يعمله
هند / انت كنت عارف ان ده هيحصل صح
مختار / لا طبعا ايه اللى بتقوليه ده تفتكرى كنت هسيبك لوحدك لو كان فى احتمال واحد فى المليون انه يحصل
هند / امال ليه كنت مصمم انى اتعلم ليه كنت بتعلمنى ليه كنت
مختار / انتى اللى طلبتى انتى اللى طلبتي افتكرى كويس … هند … من يوم ما وعيت على الدنيا دى اول مره … اول مره اصلا حتى اسمع ان فى حد اتجرا و اتهجم على الحريم الحريم و الاطفال طول عمرهم خط احمر يا هند انا حتى مش من حقى اتخانق او احتك باى واحد معاه حريم و اطفال يا هند مش من حقى حتى اخوفه قدام اهل بيته احنا اتربينا على كدا يا هند
هند / امال ايه اللى حصل ده انت ما شوفتش اللى حصل دول ما كانوش حتى زى اللى بنشوفهم فى الافلام فاطمه و انتصار فضوا فيهم مدفعين رشاش
مختار / كانوا مبلبعين ما كانوش حاسين ان فى رصاص دخل جسمهم كانوا بيكملوا لحد ما يموتوا عشان كدا لما كنتى بتضربى فى النفوخ كانوا بيقوا علاطول غير كدا كان لحد ما يموت بيكمل
هند / ما كانوش بيخافوا حتى من صوت الرصاص انا
مختار / انتى عملتى الصح لو ما كنتيش قتلتيهم كانوا هيقتلوكى او هيعملوا اللى اسوء من الموت هم كدا كدا كانوا هيموتوا لو مش بايدك كان بايد اى حد تانى و اولهم انا ما كانوش هيقفوا الا لما يموتوا يا هند ما كانش هيوقفهم حاجه الا انهم يموتوا
هند / انا مش فاهمه اى حاجه … و مغاورى مغاورى
مختار / مغاورى مننا يا هند مهما كان الخلاف اللى بينا مهما زعلنا و اتخانقنا مغاورى مننا اتربى زينا ووسطينا و القانون اللى بيحكمنا واحد
هند / دا بيكرهك
مختار / بس راجل .. هو ما بيكرهنيش هو … احنا ما بنتفقش بس ما بيكرهنيش
هند / انا مش فاهمه اى حاجه حاسه انى متلخبطه و تايهه و خايفه صوره الناس دى لسه فى دماغى منظر الدم و صوت الرصاص … منظر سماح كل حاجه كل حاجه … و انت انت فيك ايه انت مالك
مختار / مش كنا بنلعب يعني انتى عارفه اصابات الملاعب عادى يعني عدت
هند / مختار هسالك و تقولى الحقيقه مختار هم هيجوا تانى هيعملوا كدا تانى
مختار / هنعمل كل اللى نقدر عليه عشان نضمن انه ما يحصلش تانى و ان اللى اتجرا و عمل كدا لازم هياخد جزاءه
هند / و الناس اللى ماتت
مختار / جاء رجل إِلى رسول الله صلى الله عليه وسلم
هند / عليه الصلاه و السلام
مختار / فقال: يا رسول الله أرأيت إن جاء رجل يريد أخذ مالي؟ قال: فلا تعطه مالك قال: أرأيت إن قاتلني؟ قال: قاتله. قال: أرأيت إن قتلني؟ قال: فأنت شهيد قال: أرأيت إن قتلته؟ قال: هو في النار صدق رسول الله صلى الله عليه و سلم
هند / عليه الصلاه و السلام
مختار / من قتل دون ماله فهو شهيد، ومن قتل دون دينه فهو شهيد، ومن قتل دون أهله فهو شهيد، ومن قتل دون نفسه فهو شهيد اللى ماتوا من الغفر و هم بيدافعوا عن روحهم شهدا و اللى ماتوا و هم بيدافعوا عنكم شهدا و اللى ماتوا منهم فى النار
هند / و اهلهم و عيالهم و مراتاتهم
مختار / هنعوضهم و نتكفل بيهم لو كان اهلهم مكانكم كنا هنبقي اول ناس نموت عشانهم يا هند و هم عارفين دا كويس … انتى شوفتى بعينك اهل البلد كلهم جريوا عليكوا مش عشان انتوا حريمنا .. لا .. عشان انتوا حريم اهل البلد كلها .. مغاورى و الجوارحه و كل البلد جريت عليكوا .. عشان هم رجاله و انتوا حريم .. مش مهم انتوا حريم مين المهم انهم يفضلوا رجاله
هند تسكت ثوانى و تفكر و تبلع ريقها
هند / طب الناس دى كانت عاوزه مننا ايه احنا عملنالهم ايه
مختار / ما اعرفش اللى عملوا كدا ما كانش فى بينا و بينهم غير كل خير بس غدروا بينا حد زاققهم علينا
هند / و طبعا انتوا مش هتسكتوا على اللى حصل
مختار / لو احنا سكتنا اهل البلد مش هيسكتوا اللى حصل ما كانش حاجه صغيره ممكن تعدى بالساهل دا عرض و شرف اللى حصل يا هند لو ما اتردش عليه رد يليق بيه غيرهم هيتجرا
هند / انا خايفه عليك
مختار / بس انا ما عدتش خايف عليكي بصراحه رفعتى راسي وسط اهل البلد كلهم
هند / انت بتقول ايه
مختار / كلهم كانوا بيقولوا المصراويه المصراويه ان كنتى انتى و لا عبد الله من الليله كله هيعملكوا حساب
هند تبص الناحيه التانيه
هند / والله انت فايق و رايق
مختار / ما دمتى بخير ابقي بخير يا هند
هند تبصله
هند / طب و البوليس و الحكومه
مختار / الدنيا عندنا ما بتمشيش كدا يا هند ما تشغليش بالك
هند / ازاى يعني ما فيش قانون خالص كدا
مختار / فى بس قانونا غير و الحكومه ما لهاش غير ان النظام يمشي و احنا هنمشيه يا هند
هند / يعني لو البوليس سالنى هقول ايه
مختار/ مش هيسالك الموضوع خلص خلاص
هند/ ازاى يعني؟
مختار / زى ما بقولك كدا و نامى بقي انا تعبان و عاوز انام و انتى ما شاء الله لوك لوك لوك لوك و انا ما ليش فى رغى الحريم ده
هند تبصله
مختار يضحك و ياخدها فى حضنه و هى مقموصه يحضنها و يبوس راسها تعيط فى حضنه يتنهد و يطبطب عليها
………………….
فى اوضه شيري فى السرايا
ياسمينا نايمه و شيري قاعده جنبها بتقرا قران الباب يتفتح بالراحه تبص تلاقي انتصار بتدخل راسها بشويش
شيري / تعالى يا ام فاتن انا صاحيه
انتصار تدخل
انتصار / ما عرفتش انام قولت اجى اطمن عليكي و كنت خايفه اصحيكي
شيري / لا يا حبيبتي انا صاحيه تعالى
انتصار تدخل و تقعد قدام شيري على السرير و تبص على ياسمينا حاضنه الدبدوب و نايمه
انتصار / انتى عامله ايه يا اختى
شيري / هو ايه اللى حصل النهرده ده يا ام فاتن سماح و جابر و حتى مختار و عباده و عبد الله و انا ايه ده
انتصار / والله يا اختى ما عارفه اقولك ايه انا اول مره اتحط فى موقف زى ده و بصراحه ما حدش مصدق انه حصل منهم لله ولاد الحرام بس ما تخافيش الحمد لله عدت على خير و لعله خير برده
شيري / خير ازاى بس
انتصار / ما دام ما حدش مننا جراله حاجه يبقي خير ان كان فى حاجه احنا مش واخدين بالنا منها ناخد و نفتح عنينا
شيري / و ليه كل ده اصلا
انتصار / ولاد حرام اقسملك بالله يا اختى اللى عملوا كدا ما فى بينا و بينهم غير كل خير و لا نعرف ايه اللى قلبهم علينا و لا ازاى نسيو اصلهم و قربوا من الحريم صدقيني الكبير كان جاى يجيبك بنفسه راحلك البيت و الحضانه و قلب عليكي البلد
شيري / قالولى يا اختى
انتصار / بس انتى جدعه انك ما قولتيش حاجه للعيال احنا حتى عبد الله لحد دلوقت بنحاول ما نعرفوش اللى حصل فى السرايا بس ما فيش حاجه بتستخبى و هند اديكي شايفه ما استحملتش الخضه يا قلبي
شيري / اقولك حاجه و ما تزعليش منى
انتصار / عمرى ما ازعل منك ابدا يا اختى قولى
شيري / انا ندمانه على اليوم اللى مختار سكن فيه جنبنا
انتصار تبصلها بحزن
شيري / اقولك ايه بس احنا كدا كدا كنا فى جحيم هند كانت عايشه فى كابوس بس هى يعني دلوقت عايشه فى الجنه يعني انا عرفت اللى هند عملته عرفت انها قتلت عرفت انها
انتصار / كانت بتدافع عن روحها كانت بتدافع عن اهلها و اخواتها
شيري / و عبد الله عبد الله لسه صغير ما لوش دعوه بحاجه لا هو قد مختار و لا قد عباده عشان يلعب معاهم مع انى بعد اللى حصل مش مصدقه انه كان لعب مش اول مره يلعبوا و انهى لعب اللى يرقد التلاته فى وقت واحد
انتصار تمسك ايد شيري
شيري / اوعى تفتكرى انى ما بحبش مختار اقسم بالله ما يفرق عن عبد الله
انتصار / عارفه يا اختى
شيري / والله بحبه و بحبكوا كلكوا بس احنا مش زيكوا احنا غلابا
انتصار / و احنا والله يا شريهان يا اختى غلابه بنجرى على لقمه عيشنا بس الظروف بقي و انتى عايشه معانا و شايفه احنا ما بنجريش على الاذى بالعكس اللى نقدر نساعده بنساعده و بيتنا مفتوح للكل بس ما بنقبلش نبقي حيطه مايله وقت الجد بنقف فى وش اى حد اى حد يفكر بس يجي علينا لازم نوقفه عند حده
شيري / طب و بعدين
انتصار / و لا قبلين يوم و عدى اتعلمنا منه حاجات و هننساه
شيري / بالبساطه دى
انتصار / مهو وقوفك عنده كتير مش هيزيدك و لا ينقصك انتى بخير و عيالك بخير بالعكس دا انتى المفروض تطمنى عليهم اكتر الحمد لله ما عادوش عيالك الضعاف بتوع زمان هند بقت قويه و عبد الله بقي اقوى المفروض تطمنى
شيري / ازاى بعد اللى شوفته انا شوفت مغاورى بيقتل اتنين فى ثانيه و بيولع فيهم
انتصار / عشانك عشان خطفوكى مغاورى هو اللى نجدنا كلنا النهرده و نجد سماح و جرى بيها على المستشفي كتر خيره ربايه الامرا
شيري / ازاى هو مش انتوا متخانقين معاهم
انتصار / الفرق بين ابن الاصول و المنافق و مغاورى اصيل و ابن اصول و بعدين دا بيقولوا عبد الله لعب قدامه و ظبطه
شيري تبص فى الارض و تتنهد
انتصار / انتى من هنا و رايح هتفضلي معانا انتى و عبد الله انتى غاليه علينا اوى و عمرنا ما هنسمح باى حاجه وحشه تحصلك انتى و لا ياسمينا
شيري / كتر خيرك
انتصار / هسيبك ترتاحى بس بالله عليكي ما تبقي زعلانه مننا خصوصا مختار دا بيحبكوا و ما بيستحملش عليكوا الهوا
شيري / ما تاخديش على كلامى انتى عارفه غلاوتكوا و غلاوه مختار
انتصار تبتسم و تمشي و شيري تتنهد و تمسك المصحف و تكمل قراءه
……………..
فى شقه رشيد تانى يوم
الباب يخبط يروح يفتح و فى ايده دبوس فرخه يلاقي فيرا يرفع حاجبه
فيرا / انا جايه اعتزر عن اللى حصل منى امبارح
رشيد يفتح الباب فيرا تدخل رشيد ياخد قطمه
رشيد / شايفك جايه بايدك فاضيه يعني
فيرا / انت ما عدتش بتسهر فى الكباريه اياه ليه
رشيد / اسهر فين انتى لو كنتى اتاخرتى ساعه كمان كنتى جيتي ما لقيتينيش
فيرا / على فين ان شاء الله
رشيد / اى حته امان البلد دى هتولع فى اى وقت و انتى عارفه السبب كويس
فيرا / لا الحقيقه مش واخده بالى
رشيد يبتسم و يبص الناحيه التانيه و يروح يكمل اكل
فيرا / مش هتعزم ؟
رشيد / هو صحيح الاكل مش قد المقام بس بصله المحب خروف اعتبرى نفسك فى بيتك و اتفضلى
فيرا تروح تقعد
فيرا / احنا لسه فى بينا شغل ما خلصش
رشيد / بالنسبالى انا خلصت الشغل و سلمته لحد عندك
فيرا / يا سيدى هديك حساب شغل جديد انت بجد صعب جدا فى معاملتك
رشيد / انتى حلوه اه بس الفلوس احلى و لا مؤاخذه
فيرا / موافقه
رشيد / و تشوفيلى حته امان اقعد فيها اهل البلد لو شموا خبر انى بشتغل معاكى
فيرا / تعال اقعد معايا فى الفيلا
رشيد / معاكى معاكى
رشيد يغمزلها ترفع حاجبها
فيرا / رشيد
رشيد / ما يبقاش خلقك ضيق كدا بهزر معاكى
فيرا / هستناك فى العربيه خلص اكلك و هات حاجتك و حصلنى
رشيد / ماشي
فيرا تشد بطاطسايه محمره و تاكلها و تمشي و تقفل الباب وراها و رشيد متابعها و مبتسم
……………….
فى اوضه هند
هند واقفه باصه من الشباك مختار يطلع من الحمام يقعد على السرير و يفتح الدرج و يطلع مرهم
مختار / هند … هند
هند تبصله
مختار / ممكن تدهنيلى ضهرى
هند تهز راسها و تروح تقعد على ركبها وراه و تساعده يقلع التيشيرت ضهره ازرق تبصله بحزن و تاخد منه المرهم و تدهن بالراحه
هند / الرجاله متجمعين فى الجنينه تحت
مختار / بيتجموا عشان يشوفوا مين هيروح مع الكبير عزبه ابو فارس
هند / فين دى
مختار / بلد جنبنا كل الرجاله اللى اتهجموا على السرايا بيشتغلوا و عايشين فيها ناصر هيروح يتكلم مع ابو فارس كبيرهم
هند / مغاورى و الحج شاهين كمان تحت
مختار / وقت الجد بنركن خلافاتنا على جنب
هند / سمعت انه كان واقف بيتفرج عليك و انت بتنضرب
مختار يبتسم
هند / الممرضات فى المستشفي كانوا بيتكلموا بصوت عالى
مختار / ما كانش له حق يدخل
هند / مين اللى ضربكوا من ابو فارس برده
مختار / لا دا كان خواجه تبع فيرا
هند / الله يحرق فيرا على اللى جابوا فيرا هو احنا مش هنخلص بقي من الوليه دى
مختار / ههههههههههههههههه اعصابك
هند / بلا اعصابي بلا بتنجان بقي
هند تقوم من على السرير و تروح تفتح الدولاب
مختار / ضهرى يا بنتى
هند / خلصت اللبس
مختار / طب يعني باعتبار انى جوزك يعني ممكن من باب العلم بالشئ اخد فكره انتى سيبانى و بتلبسي و رايحه على فين
هند / هشوف حكايه ست زفته دى ايه
هند تروح تقف قدام المرايه تلبس الطرحه و هى فى منتهى الغضب مختار يقوم يحضنها من ضهرها
هند / انا مش طايقه روحى
مختار / اهدى
هند / ازاى و الحيوانه دى بتهدد اهلى
مختار / الحيوانه دى من يوم ما رجلها عتبت البلد دى و هى عماله تشيل طين و تحط على دماغها
هند / يا سلام و ايه اللى جابرها على كدا
مختار / غبائها و عندها
هند / كان ممكن نموت كلنا لو كانوا ضربوا علينا نار زى ما ضربوا على الرجاله
مختار / ما ضربوش ما تجرؤش
هند تلف و تبصله
هند / ليه ايه اللى هيمنعها
مختار / الرجاله اللى تحت دول كلهم متجمعين بس عشان اتهجموا عليكوا
هند / سماح اتصابت كان ممكن تموت انا كان ممكن اموت و كلنا
مختار / اهدى يا هند
هند / ازاى اهدى ازاى
مختار / ثقى فيا
هند تبصله و تروح تقعد على السرير و تعيط
مختار / لا انا و لا الرجاله اللى تحت هنسمح ان ده يتكرر تانى عرفنا نقط ضعفنا و هنصلحها
هند / ازاى بقي ان شاء الله
مختار / فى بكره شركه هتيجي تركب بوابه جديده اقوى و احسن هنعلى السور و نزود الغفر اللى حصل ده عمره ما هيتكرر تانى
هند تبص لمختار
مختار / انا مش واقف مع الرجاله عشان مش عاوز اسيبك لوحدك بعد اللى عشتيه بس لو عوزانى اخدك و ننزل نقف وسط الرجاله و تسمعى بودانك قد ايه اللى حصل امبارح ده خلى الرجاله تولع من جواها نار اللبسي طرحتك و هاخدك تسمعى
هند / انا مصدقاك بس خايفه
مختار / حقك تخافى بس اصبرى ادينا فرصه يوم و لا اتنين و شوفى الرجاله هتعمل ايه صدقيني يا هند لو كان امانك فى اى حته بره السرايا كنت وديتك بس ما فيش
هند / و انا ما كنتش هقدر ابعد عنك
مختار / يبقي تثقى فيا و تديني فرصه اثبتلك انى اقدر احميكي ممكن
هند / ممكن
مختار / شكرا لو سمحتى بقي كملى دهان عشان ضهرى واجعنى
هند تروح تجيب المرهم و مختار يقعد و هى تدهنله
مختار / بتبيع مخدرات تلغى الاحساس بينضربوا و ما يتالموش ياخدوا الرصاص فى جسمهم و ما يحسوش انا عملت كل اللى اقدر عليه عشان القرف ده ما يدخلش مصر و دخل مش عارف اعمل ايه
هند / بلغوا عنها
مختار / هههههههههههههههههههههه و ماله نبلغ بس ليها عنين جوه الحكومه جربنا مره و قولنا هنسلمها تلبس بس بنت الايه كشفت الملعوب فى اخر لحظه و من يومها صرفنا نظر عن سكه الحكومه دى
هند / بس دا مش دوركوا
مختار / بيتهيالى اللى حصل امبارح يخليه دورنا و لا ايه
هند / يخليه
مختار يبتسم و يمسك ايدها اللى سانده بيها على كتفه و يبوسها هند تبتسم و تكمل دهان
……………………
فى الجنينه
ناصر / المساله مش مساله ديه المساله مساله
مغاورى / مساله شرف يا كبير و الديه فى الحاجات اللى زى دى ما لهاش قيمه
ناصر / معاك بس احنا عارفين ان ابو فارس مش هو اللى ورا الموضوع احنا تهمنا راس الحيه
شاهين / سهل تدفع عنهم الديه
شاكر / رجالتها زى ما شوفتوا يسدوا عين الشمس بس هى عوزانا نعض فى بعضينا فجرت مخزنكوا عشان تتهمونا و بعتت رجاله ابو فارس عشان نعض احنا فيهم
امين / بس ما فيش حاجه تبرر اللى عملوه يا عمى
شاكر / ما فيش و يمكن ابو فارس ما يعرفش حاجه عن اللى حصل
سليمان / كان جه و قال مش عمل من بنها الا حتى ما سالوا عن رجالتهم اللى عندنا
امين / و هم ليهم عين كمان يسالوا يا بويا و لا ايه دا لا عتقول حريم من عيال قال صعايده قال
ناصر / انا هروح لابو فارس لحد باب بيته و هلم كبرات البلاد اللى حوالينا و نتكلم على المكشوف و نشوف هيقول ايه
شاهين / و انا هاجى معاك
ناصر / على راسي يا حج
……………………..
فى المضيفه
عبد الله موارب الباب و بيسمع عباده ممدد على الكنبه بيقلب فى التليفزيون
عبد الله / وطى الزفت ده شويه هى اللى انضربت بالنار دى مش تبقي اختك انت ازاى هادى كدا
عباده / فى فيلم الكيف كان بيقولك لازم ندوش الدوشه بدوشه ادوش من دوشتها عشان ما تدوشناش
عبد الله يروح يقعد
عبد الله / و المطلوب يعني
عباده / انا لو سبت نفسي للى جوايل هولع فى البلد باللى فيها و هو ده اللى هى عوزاه
عبد الله / يبقي نولع فيها هى
عباده / هيحصل لما نبقي جاهزين
عبد الله / انت مش عباده اللى أعرفه شكل الضرب اللى كلته لحس دماغك
عباده / و لا انت عبد الله اللى جيت البلد دى اول مره و لا اللى جه تانى مره كل ما تكبر بتعقل كل ما تمر بمواقف تفكيرك و نظرتك للامور بتتغير
عبد الله / عشان كدا كدبتوا عليا امبارح
عباده / لا كنت قادر تعمل حاجه و لا حد كان قادر يحوشك كنت عاوزنا نعملك ايه
عبد الله / ما تعملوش انا اللى هعمل
عبد الله يفتح الباب يلاقي مغاورى فى وشه عبد الله يرجع خطوه لورا
مغاورى / ما رضيتش امشي الا اما اجى و اطمن عليكوا
عبد الله / قال يعني ما كانش على هواك
مغاورى / لا ما كانش و اهدى على روحك انا مقدر اللى انت فيه بس انت كمان لازم ما تنساش نفسك
عباده / مش وقته يا مغاورى
مغاورى / معاك حق … سلام
مغاورى يمشي و يقفل الباب وراه
عبد الله / جاى يشمت فينا ابن ال
عباده / بكيفه يعمل ما بداله بكيفه لولاه ما حدش عارف كان هيجرالنا ايه
عبد الله / تلاقيه هو اللى مخطط لكل ده عشان ينقذ الموقف و يبان بطل
عباده / هههههههههههههههههههه
عبد الله / انا بتكلم جد وقف يتفرج علينا و ما دافعش عننا عشان نروح المستشفي و الرجاله يتلخموا فينا فالسرايا تفضي على الحريم هيدخلوا يخطفوهم و يدخل هو ينقذهم و يعمل بطل
عباده / هو مش ذكى اوى للدرجادى
عبد الله / ما تستهونش بيه دا سوسه و انا عارفه
عباده / ههههههههههههههههه ما تقولهم يعلقولنا على شاى و لا يجيبولنا اى لقمه نعض فيها بدل القاعده دى
عبد الله يبص لعباده و يمشي و يقفل الباب وراه و عباده بيقلب فى القنوات
……………………..
فى فيلا فيرا
عربيات كتير تدخل تقف قدام باب الفيلا واحده منهم تنزل منها فيرا و من الباب التانى ينزل رشيد و ياخد شنطه من شنطه العربيه و يدخل وراها الفيلا و هو بيبص يمين و شمال
فيرا / اهلا بيك فى منزلى المتواضع
رشيد / انتى عايشه فى الفيلا دى كلها لوحدك
فيرا / اكيد لا طبعا
ادواردو ينزل من فوق فيرا تجرى تبوسه من خده
فيرا / خلينى اعرفك خطيبى
رشيد يبصله من فوق لتحت
رشيد / و دا كانوا بيلعبوا فى وشه البخت و لا ايه
فيرا / اخص عليك كدا تجرح احساسي يا قاسى
رشيد يبتسم و يبص الناحيه التانيه
فيرا / انا خليتهم يجهزولك احسن جناح عندنا عشان تاخد راحتك
رشيد يبص حواليه رجاله كتير بدى بيلدينج و كلهم عينهم عليه يرمى الشنطه فى الارض
رشيد / راحه ايه بقى دا شكل المراتب هنا ناشفه و هتوجعلى ضهرى
فيرا / لا من النحيادى اطمن على الاخر انا عارفه زوقك كويس
رشيد يشيل شنطته تانى
رشيد / حيث كدا بقي نطلع فوق مش فوق برده
فيرا / تعال
فيرا تطلع و هو يمشي وراها و هو بيبص على ادواردوا و يقف و يكلمه
رشيد / شكلى كنت نايم و هم بيوزعوا الحظوظ … مش بالحجم على فكره
فيرا تقف و تبصله
فيرا / ما بيفهمش عربى على فكره
رشيد يطلع وراها
رشيد / ايه اللى عاجبك فيه ده طب والله انا احلى
فيرا / ههههههههههههههه ما انصحكش تحتك بيه
رشيد / هتزعلى عليه للدرجادى
فيرا تفتح باب اوضه
فيرا / هنزعل عليك انت
رشيد يدخل و يبص يمين و شمال
فيرا / خد راحتك على ما ابعتلك الغدى
رشيد / مش جعان بس لو لازم يعنى نحلى
فيرا / من عنيا حاضر
رشيد يبص حواليه و يقوم يقف قدام ابليكه متعلقه فى الحيطه و فيرا متبعاه يبصلها و يبتسم و يهز راسه تبتسم و تقفل الباب يروح يقلع التيشيرت و يرميه على كرسي و يحط الشنطه على السرير و يطلع منها جهاز و يشغله و يروح يحطه على ترابيزه و يطلع جهاز تانى و يبدا يلف بيه فى الاوضه لحد ما ينور يقرب من فيشه كهربا يوطى يبص جواها يلاقي كاميره يشاورلهم باى و يروح يطلع بكره شكرتون من شنطته و يروح يغطيها
رشيد / و انا اللى كنت فاكر المصريين بس اللى ما بيقدروش خصوصيه الناس اتاريها طلعت مشكله عالميه
……………………………..
فى بلد تانيه
عربيات كتير ماشيه فى شوارع فاضيه ناصر راكب قدام فى عربيه سايقها سليمان و ورا راكب امين و راجل كمان
امين / دى بلد الاشباح دى و لا ايه
ناصر / شوف فيها كام جنازه
امين / جنازه مين الجثث عندنا
ناصر / صح و عشان كدا كل بيت و فيه جرحه يا امين
امين / اياكش يولعوا بجاز
سليمان / وصلنا
سليمان يضرب كلاكس كتير يفتحوا بوابه صغيره من جوه البوابه الكبيره و يطلع غفير
سليمان / قول لكبيرك ناصر الزيني على الباب
الغفير يدخل يجرى يفتح البوابه سليمان يسوق و يدخل هو و العربيات اللى وراه و يركنوا قدام السرايا و ينزلوا منها جيش و ناصر فى ايده كيس اسمر باب السرايا يتفتح و يطلع منها راجل هيبه و وراه رجاله كتير جدا كانه جيش تانى ناصر يفتح الكيس و يطلع منه كوم بطايق و يرميها تحت رجلين الرجاله التانين على مراحل و هم بيبصوا تحت رجليهم لكن ما بيوطوش يجيبوها ناصر يطلع عبايه حريمي بتاعه سماح غرقانه دم و يعدى صابعه فى خرم الطلقه
ناصر / ايه ردك على الكلام ده يا ابو فارس
ابو فارس / عاوزنى اقول ايه
ناصر / ما اعرفش الصراحه انا شخصيا من ساعه ما عرفت انهم رجالتك و انا بفكر يا ترى هيقول ايه يا ترى هيرد على اللى حصل ده ازاى يا ترى هيرفع عينه فى وشنا ازاى
ابو فارس / اللى عملوها ماتوا ليله و انفضت
ناصر / تخرموا عبايات الحريم برصاصكوا و تقولوا ليله و انفضت ايه عملوا كدا من غير علمك و لا ايه
ابو فارس يبص الناحيه التانيه
ناصر / و انت يا كبيرهم ياللى مش عارف رجالتك بيتجمعوا و رايحين على فين ما تعرفش برده ان رجالتك بتبلبع حاجات تخليهم مدمنين
ابو فارس / انت عاوز ايه يا ابو البنات
ناصر يبتسم
ناصر / و انت صدقت ان اللى عندك دول رجاله و لا ايه على العموم انا لميتلك كبارات البلد و البلاد اللى حوالين البلد مش عشان يجيبولى حقى انا الحمد لله اعرف اجيب حقى كويس بس احنا ما بناخدش حقنا من حريم و لا مؤاخذه
ابو فارس / لم لسانك يا ناصر انت مش هتيجي تهزقنى فى بيتي
ناصر / دا مش تهزيق لا سمح الله دى الحقيقه مهو الكبير مش بالسن و لا الحجم و لا الفلوس الكبير دى حاجه شكلك طلعت ما تعرفش عن اصولها حاجه و على العموم احنا ماشيين
ابو فارس / اكرام الميت دفنه
ناصر / و احنا مش كرما
ابو فارس / انا بحذرك قدام الرجاله دى كلها
ناصر يقرب من ابو فارس و يبص فى عنيه
ناصر / معلش اصل ما حدش منهم رجع يحكيلك اللى حريمنا عملوه فيهم ما بالك بقى برجالتنا و اللى ممكن يعملوه باللى هيفكر فيكوا يعتب بلدنا بس
ناصر يمشى يركب الزنايته كلهم يركبوا و العربيات تمشى و تفضل عربيات تانيه و رجاله واقفين يبصوا لبعض
ابو فارس / اللى حصل ده ما كانش بايدى غلطوا و اتجازوا ندفنهم و نصبر اهاليهم مش هيبقى موت و خراب ديار يعنى و لا ايه يا رجاله
الرجاله تبص لبعض و يركبوا عربياتهم و يمشوا واحد من اللى ورا ابو فارس يناوله تليفون ابو فارس يبص فى الارض و يرد
ابو فارس / نعمين
فيرا / فى حد عاقل يضيع فرصه زى دى سابوا بلدهم فاضيه و جولك بدل ما تهجم و تضربهم فى مقتل تستناهم يهزقوك و يمشوا كان شكلك حقير اوى و انت واقف زى العيل الصغير بتتهزا قدام الرجاله كلها
ابو فارس / منه لله اللى جابلنا الكلام
فيرا / خيبتك هى السبب لمها و اتعدل من نفسك بدل ما اعدلك انا
ابو فارس يكتم جواه و يبعد التليفون عن ودنه و يقربه تانى
ابو فارس / امرك
فيرا تقفل السكه ابو فارس يحدف التليفون على اخر دراعه و هو بيصرخ و يزق الرجاله و يدخل السرايا
…………………………………
فى سرايا الزنايته
عبد الله واقف فى الجنينه ساند على شجره مريم تدخل شايله كبايه شاى على طبق و تروح تعزم عليه ياخدها منها
مريم / شيفاك من بدرى واقف زعلان
عبد الله / و هو اللى حصل ما يزعلش يا مريم
عبد الله يبص على مغاورى و رجاله كتير قاعدين عند البوابه مع الغفر
عبد الله / وقفت على ده يحمينا
مريم / و هو الجوارحه اغراب يا عبد الله
عبد الله / مين اقربلك هم و لا انا و عمك و عباده ؟
مريم / انتوا و عارفه هتقول ايه ؟ بس صدقنى هو مش كدا
عبد الله / تعرفيه منين عشان تدافعى عنه كدا و لا ما دام هو حلو اوى كدا ما رضيتيش تتجوزيه ليه
مريم / هات كبايه الشاى دى
عبد الله / لا دى بتاعتى
مريم / بقولك هاتها بدل ما اقلبها عليك
عبد الله / اقلبيها اقولك هاتى شويه جاز من جوه و ولعى فيا بالمره
مريم / اخص عليك يا عبد الله طب والله زعلت منك
مريم تيجي تمشى يمسكها و يسيب تبصله
عبد الله / ما بحبوش و بغير عليكي منه
مريم / ما اترباش انه يبص لمرات واحد تانى حرام اصلا
عبد الله / بغير برده
مريم / مش هو اللى مضايقك انت بس مش لقيلك حد تفش غلك فيه غيره و ما انتش قادرله فقولت تتشطر عليا انا
عبد الله / احسبيها زى ما تحسبيها
مريم / لولاه ربنا وحده اللى يعلم كان ايه اللى جرالنا يا عبد الله
عبد الله / لو ما كانش سكت يوميها لو كان ادخل و ساعدنا
مريم / ما يقدرش اللعبه ليها اصول ما يقدرش
عبد الله / بس التانى كان بيخم كان واخد الحبوب دى اللى بتقولوا عليها
مريم / فى القانون برده انكوا تقدروا تنسحبوا ما انسحبتوش ليه كملتوا ليه للاخر يا عبد الله ما دام كنتوا عارفين انه مبلبع كملتوا ليه ووقفتوا قدام القطر
عبد الله / عشان ما اقدرش اسيب عمك و عباده لوحدهم
مريم / كل واحد فيكوا يعنى كان مستنى التانى ينسحب مش كدا و هم كمان كانوا كدا كل واحد كان مستنى التانى يدخل
عبد الله / برده بتدافعى عنه
مريم / انا بفتح عنيك كل اللى حصل الفتره اللى فاتت كان عشان حاجه واحده بس كانوا بيوقعوا بينا عشان لما يهجموا علينا ما يلاقوش اللى يقفلهم بس هم طلعوا ولاد اصول و ادخلوا نشكرهم و لا
عبد الله / انتى هتعملى عليا بقى كبيره و عاقله مش كدا
مريم / و انت شايفنى مجنونه و لا ايه
عبد الله / لا شيفك كتكوته صغيره
مريم / حتى الكتاكيت ربنا خلقلها عقل تميز بيه و بعدين لو انا كتكوته انت بقى تطلع ايه يعنى
عبد الله / انا الديك اللى بيحاول يصالح الكتكوته بس شكله عك الدنيا جامد
مريم / بصراحه اه و زعلت منك
عبد الله / و انا ما اقدرش على زعلك خدى يا ستى كبايه الشاى
مريم / اللهى يارب اللى يشربها غيرك يطفحها والله ما هى راجعه
عبد الله / معاكى حق انا مخنوق جدا من اللى حصل ما كنتش مضايق انى انضربت على قد ما انا مضايق من اللى حصلكوا هنا انا كنت فاكر الناس هنا مختلفه
مريم / كل مكان فيه الحلو و الوحش
عبد الله / ما اعرفش بس كنت بشوف البلد دى جنه على الارض بحبها اوى كل حاجه فيها حلوه حتى الناس الوحشين اللى فيها حلوين
عبد الله يبص على مغاورى بيضحك مع الرجاله و هم بيشربوا الشاى
عبد الله / و نسيت ان فى بلاد بره مليانه بناس وحشه للحظه نسيت ان … نسيت خوفى و ضعفى
مريم / بس انت مش ضعيف يا عبد الله و مش عيب انك تخاف كلنا بنخاف بس وقت الجد بتبان حقيقتنا
عبد الله يبصلها
مريم / ايه ؟
عبد الله / حوار كتكوت مش ماشي خالص مع الكلام الكبير ده ما تمشيش معاكى بطايه صغننه
مريم / كل اللى يجي منك حلو بس انت فكها
عبد الله يبتسم مريم تبتسم
مريم / هدخل ليستعوقونى امى هتقولى واقفه معاه قدام الرجاله
عبد الله يهز راسه ماشى مريم تبتسم و تاخد الطبق و تدخل و مغاورى متابعها يرفع عينه لفوق للسما و يبص حواليه يلاقى سماح بتبص عليه من شباك اوضتها عنيهم تيجي فى عنين بعض سماح تبتسم و تدخل يبص للرجاله و يكملوا ضحك
……………………………
فى اوضه شيري
ياسمينا بتعيط و تتنطت و تخبط فى الارض
شيري / والله لو اتفقلتى ما هسيبك تنزلى
باب الاوضه يخبط شيري تروح تفتح تلاقى هند ياسمينا تعدى و تجرى
شيرى / انتى يا بنت بنت يا ياسمين ياسمينا
هند / سبيها تلعب انتى حبساها ليه
شيرى / خليها هنا احسن
هند / سبيها سبيها تعالى اما نقعد نتكلم مع بعض شويه
شيرى تدخل و هند تدخل وراها تقفل الباب
هند / انا اتكلمت مع مختار و شايفين ان وجودك هنا احسن للكل
شيرى / و انا كمان بس لحد امتى بقى ان شاء الله
هند / و ايه المشكله بس يا ماما و لعلمك بقى عبد الله مش هيمانع على قلبه زى العسل بقاله ربع ساعه واقف مع خطيبته فى الجنينه
شيرى / فى جنينتها يا هند فى بيتها
هند / اعتبرى عبد الله واقف مع الرجاله اللى بيحرسوا دول
شيرى / ودا يعنى مش راعبنى
هند / بقولك ايه يا ماما انشفى كدا احنا الجو ده ما بقاش بياكل معانا خالص
شيرى / طبعا يا ست هند ما انتى خلاص قلبك جمد و بقيتي بتعرفى تقتلى عادى
هند الضحه تروح من وشها
هند / كدا يا ماما على العموم اى حد مكانى كان هيعمل كدا و اكتر و على فكره بقى دى فى القانون اسمها دفاع عن النفس يعنى ما اجرمتش
شيرى / و بعدين و اخرتها
هند / اخرتها زى اولها ما تفرقش الحمد لله كلنا بخير ما تكبريش المواضيع بقى
شيرى/ يعنى اشوفكوا
هند / احنا كويسين و زى الفل
شيرى / و بيتى و الحضانه
هند / موجودين و الحضانه شغاله عادى و يوم و لا اتنين و هتنزلى تديريها عادى و عبد الله هيرجع شغله عادى و قريب اوى الدراسه هتبدا و هيروح جامعته و الحياه هترجع طبيعى
شيرى / طبيعي ؟
هند / ايوه طبيعي
شيرى / على الله يا هند كلو على الله
هند / ما لناش غيره لو سمحتى بقى تلبسى طرحتك و تنزلى تقعدى معانا تحت
شيرى / و ان ما كنتش عاوزه
هند / خليكي بس انا عن نفسى نازله مشغلين فيلم حلو اوى و الستات و البنات متجمعين يتفرجوا عليه و جايبين لب و سدانى و مكسرات خليكي انتى بقى هنا لوحدك عن اذنك
هند تنزل و شيرى تنفخ
……………………..
عند البوابه
الرجاله قاعده تضحك مختار يروح غفير يحطله كرسى بسرعه
مختار / عشت
مغاورى / ايه اللى قومك من السرير
مختار / طردونى من السرايا كلها الحريم عاوزه تاخد راحتهم قولت امين و خرجت
الكل يضحك
مختار / فى الوقت اللى قعدته فوق نقيت حته بوابه انما ايه و بعت للشركه و قولتلهم هو ده اللى انا عاوزه
مغاورى / و مستعجل على ايه ادينا قاعدين دا حتى خليفه نكته ما يتشبعش منها … ما تسيبك منهم يا خليفه و تيجي معايا
خليفه / على راسى يا سيد الناس بس السمكه لو خرجت بره المايه تموت
مختار يسقف و يضرب مغاورى بهزار على دراعه
مختار / شوفت الرجاله
مغاورى / ماشى يا سيدى ربنا يديم المعروف المهم وريني البوابه الفخيمه اللى هتركبوها
مختار يطلع موبايله و يورى مغاورى رساله
/////////////////////
رشيد / انا جوه
////////////////////
مغاورى / جامده
غفير / ما توريني يا سى مختار
مختار / بعينكوا خليها مفاجاه احسن
مختار يدخل الموبايل جيبه تانى
مختار / عشان تعرف بس اننا مش قليلين
مغاورى / عارف المهم بس تشتغل عدل للاخر و ما تعطلش منكوا و لا تبوظ حكم انتوا ما شاء الله
مختار / ايه ؟
مغاورى / فله
مختار / هههههههههههههههههههه
………………….
فى فيلا فيرا
رشيد ينزل الهول و يروح ناحيه مكتب الجارد اللى على الباب يوقفه
رشيد / طب بالراحه على نفس لحسن يطقلك عرق و لا حاجه
الراجل مش بيتحرك رشيد يبصلهم و يطلع بره الفيلا و يتمشى فيها و هو بيبص على الاسوار و اماكن الكاميرات توصله رساله على الموبايل يطلع الموبايل و يبص فيه و يبتسم
رشيد / اخص على دى اخلاق مفيش امانه خالص كدا ما بتصدقوا الواحد يسيب الاوضه و تدخلوها اخص اخص
رشيد يحط الموبايل فى جيبه و يكمل لف فى الجنينه و يبص على الشجر و النخل و كل التفاصيل
……………………….
فى المكتب
فيرا و ادواردو بيتفرجوا على رشيد فى شاشه كلها كاميرات و رشيد بيتنقل من كاميره لكاميره
ادواردوا / اى دونت لايك هيم ( مش عاجبنى )
فيرا / وى نيد هيم ( محتاجينله )
ادواردوا / نو وى دونت ترست مى اى هاف ان ايديا و يل مايك ال يور دريمز كم ترو ( لا مش محتاجينه ثقى فيا انا عندى فكره هتحققلك كل احلامك )
فيرا / ول يو تيل مى ابوت ات ( هتقولى عليها )
ادواردو / نو نت يت ( لا مش دلوقت )
فيرا تبتسم و تبصله و تكمل فرجه على الشاشه بنت تدخل
البنت / وى جوت ناثينج ( ما لقيناش حاجه )
فيرا / جو تاك تو هيم اند دونت بى شاى ( روحى اتكلمى معاه و ما تتكسفيش )
البنت تهز راسها حاضر و تمشى
ادواردوا / اى ستيل دونت لايك هيم ( انا لسه مش حابه )
فيرا تبوس ادواردوا من خده و تطلع بره
…………………….
فى المضيفه
عباده بيتكلم مع خديجه فى التليفون
عباده / بجد ؟
خديجه / والله كنت هموت انت بتقول ايه انت فاكرها سهله عليا و لا ايه
عباده / لا بس ما كنتش متخيل انى غالى اوى كدا
خديجه / وربنا غالى
عباده / على العموم اطمنى انا كويس دلوقت
خديجه / الحمد لله مع انى زعلانه منك
عباده / ليه بس يا ست الناس
خديجه / انت استحليت الحكايه و لا ايه مش هتيجي تطلبنى تانى من ابويا و لا ايه
عباده / اكيد هاجى طبعا بس لما
خديجه / انا عمتى بتجبلى عرسان
عباده / قولى والله
خديجه / هتنبسط انت ساعتها يعنى
عباده / يا بنتى اهدى انا فى بيني و بين ابوكى كلمه
خديجه / بس عرسان الهنا ما يعرفوش عنها حاجه
عباده / تحبى اعرفهم يعنى ؟
خديجه / انا ما قولتش كدا و لعلمك بقى انا وصلنى ان امك بتدورلك انت كمان على عروسه و لا انت فاكرنى نايمه على ودانى
عباده / لا ازاى دا الحريم ما تتوصاش فى الحاجات دى ما شاء الله جنازه و يشبعوا فيها لطم
خديجه / بقولك ايه
عباده / اتفضلى
خديجه / شوفلك صرفه انا زهقت
عباده / ربنا يشهد انى تعبت اكتر منك بس اعمل ايه اديكي شايفه بس على العموم انا هتكلم مع مغاورى دلوقت هو بره و اهو يمكن
عبد الله يدخل
عباده / لو فى جديد هبقى اعرفك سلام انت دلوقت
عبد الله يروح يقفل الباب و يروح يقعد جنبه و يبصله
عباده / فى حاجه و لا ايه ؟
عبد الله / خديجه دى صح ؟
عباده يبص لعبد الله و يرفع حاجبه
………………………
فى فيلا فيرا
رشيد ماشي بنت تقابله من الناحيه التانيه
البنت / بتدور على حاجه ؟
رشيد / ونيس لوحدتى فيلا طويله عريضه و مش لاقى حد اتكلم معاه يرضيكي اتكلم مع نفسى يقولوا رشيد اتجنن
البنت / اسمك رشيد ؟
رشيد / حلو مش كدا
البنت / لذيذ
رشيد / زى صاحبه
البنت تضحك و تبص الناحيه التانيه
رشيد / انتى منين يا قمر
البنت / انا مخلطه بابا روسى و ماما فرنسيه
رشيد / يعنى نتيجه اللتقاء التشيز كيك و الكريك كراميل
البنت / هههههههههههههههههههههههه
رشيد / اوعى … بس انتى ما شاء الله بتتكلمى عربى لبلب بقالك هنا قد ايه
البنت / مش كتير بس انا اتعلمت العربى فى روسيا كان ليا اصدقاء مصريين كتير اوى هناك و بصراحه انتوا يا مصريين دمكوا خفيف جدا
رشيد / شكلك بتفهمى و انتى بقى لا مؤاخذه وضعك ايه هنا
البنت / مش فاهمه
رشيد / يعنى اخت الست فيرا بنتها صحبتها بتعملى ايه هنا
البنت / و انا سالتك بتعمل ايه هنا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية البر التاني)
