رواية البحث عن زوج الفصل الثاني 2 بقلم منصور سيد

رواية البحث عن زوج الجزء الثاني

رواية البحث عن زوج البارت الثاني

رواية البحث عن زوج الحلقة الثانية

الجزء الثانى من قصة البحث عن زوج
وانا بينى وبنكم حسيت بصدق كلامها وهى بصراحه فرصه بالنسبه لى انا شاب فى بداية حياتى والظروف صعبه مش عليا بس على كل الشباب ويوم ما هتقدم لأى واحده هيطلبوا ويتشرطوا وانا ولا مائة سنه عشان أوفر متطلبات الزواج وفتح بيت
قبل ما اكمل حكايتى أوافق واتقدم ليها لحد ما اعرف هى ليه عملت كده ولا أرفض وتركها تذهب لحال سبيلها
المهم بينى وبينكم قولت ليها طب مش نتعرف على بعض الاول
وبدات حكايتى مع بسمه
بسمه:بس انا ظروفى مش مديانى وقت انى لسه هتعرف والكلام ده لو كان عندى الوقت ده كان عمرى ماكنت أضع نفسي فى الموقف اللى انا فيه ده ابدا
صحيح انا شوفتك كام مره وكنت مركزه مع تصرفاتك واعجبت بشخصيتك بس ده مش مبرر لانى اطلبك للزواج
حازم:ايوه اهو انا بقى عاوز اعرف ايه المبرر ده اللي يخليكى تدخلى على واحد لايعرفك ولا تعرفيه وتعرضي عليه الزواج
وياترى لو اى شخص كان موجود مكانى فى الوقت ده كنتى بردو هتطلبى منه الطلب ده يعنى انا كنت هبدل الورديه النهارده مع زميل ليا كنتى هتطلبي منه نفس الطلب
بسمه :بصراحه يمكن لان انت كنت خلاص مش قادره اتحمل اكتر من كده وكنت اخدت القرار بينى وبين نفسي واتجهت للمحل ودخلت مباشرة صحيح انا كنت قصداك انت شخصيا لكن يمكن لو كنت وجدت شخص غيري كنت عرضت عليه لانى انا لو كنت رجعت ما كنتش هفكر اعمل كده لان دي كانت مجرد لحظة جنون ولو فكرة قبل ما اعملها اكيد كنت عمرى ماهعملها
حازم:لا دا انتى موضوعك كبير وشوقتينى ان اعرفه واوعدك هيكون سر بينى وبينك ومافيش كلمه هتطلع منى سواء تم ارتبطنا او لم يكتمل
بسمه:احنا مش اتكلمنا مع بعض فى الموضوع ده وقولت ليك بعد ما تطلب ايدي رسمى اول قاعده هنقعدها مع بعض هقولك على سبب طلبى منك ذلك
حازم:بصي يا بسمه انا حاسس بصدق كلامك وانك بنت فى ظروف صعبه هى اللى جعلتك تقدمي على التصرف ده واضح انك بنت كويسه ومحترمه وجدعه عكس ما يوحيه تصرفك ده تماما
وانا هكون صريح معاكى انا شاب لسه فى بداية مشوارى وبالنسبه لى فرصه ان ارتبط بانسانه زيك و بدون اى من المتطلبات
اللى اى بنت ممكن تطلبها من حد هيتقدم لها
وانا جاد فى طلبي ده انا عاوز اعرف ايه حكايتك لانى بجد فعلا هرتبط بيكى وانا لازم اللى هرتبط بيها اكون عارف عنها كل حاجه مش انسانه غامضه بالنسبه انا عمرى ماخطر على بالى ارتبط بواحده بالطريقه دى ابدا دا ولا فى الخيال حتى
و ماتنسيش ان لى اهل وأمري مش بأيدي بس و لما اطلب انهم هيجوا يطلبوا ايدك من أهلك على الاقل لازم اقول ليهم عرفتك ازاى واعرف عنك ايه مش معقوله هقول ليهم لقتها فى الشارع وعاوز اتجوزها مافيش حاجه كده
بسمه:هحكيلك حكايتى بس تعودنى انك ماتتخلاش عنى بعدها
بس المكان هنا مش مناسب ايه رايك نتقابل فى اى مكان بعد ورديتك
حازم:تمام نتقابل هنا بعد ورديتى اكيد عارفه الساعه كام
بسمه:ايوه عارفه
حازم:تمان وهتبقى نروح اي مكان مناسب نتكلم فيه
بعد انتهاء الورديه
رجعت بسمه واخدها حازم وذهبوا لاحد الحدائق وجلسوا بالكوفي شوب التى بها
حازم؛بيتهيء لى المكان والوقت دلوقتى مناسبين لانى اعرف منك كل حاجه عنك
بسمه:ايه مستعجل كده ليه مش هتعزمنى على اى حاجه نشربها
حازم:يا سلام بس كده
وطلب حازم مشروبات لهم
حازم:ها احكى بقى
بسمه:
انا وعيت على الدنيا والدى متوفى وانا الأخت الأصغر لاخت تانيه وعايشين مع امنا مالناش حد غيرها
ماقدرتش والدتى على مصارفنا واتجوزت من اول شخص أتقدم لها كان شخص مقطوع من شجره زينا أنجبت منه بنت مريضه واتجوزت اختى الكبيره وبعدها بفتره اتوفت والدتى وزوجها فى حادثه معا وتركوني انا واختى الصغيره المريضه بدون اى دخل ثابت وصاحب الشقه صبر علينا قد ماصبر وبعدها القى حاجتنا بالشارع وطردنا ليؤجر الشقه
كلمت اختى كذا مره بس زوجها كان رافض تماما انى اجى اعيش انا واختى المريضه معاهم وهددها بطلاقها ورميها معنا بالشارع هى وأولادها
وبعد بكاء اختى ومحيلتها عليه
وافق على ان انا بس اروح واعيش معاهم لكن اختنا من امنا غير موافق على وجودها معانا ثم عاد ووافق بعد ان وجد اننى لن احضر واعيش معهم بدونها وسنظل انا وهى بالشارع انا عارفه اننا حمل كيير عليه وخصوصا ان اختى المريضه بتحتاج رعايه ومصاريف كتير
وانا يعنى كنت هوديها فين هرميها فى الشارع دى مهما كان طفله صغيره بريئه لا ذنب لها فى اي شيء ودى اختى من امى
ولما وافق بعد الحاح اختى عليه افتكرت وقتها ان قلبه رق وصعبنا عليه واخدت اختى الصغيره ورحنا لنعيش معهم
وكانت الأمور عاديه وكانت اختى بتنزل معاه المحل تساعده وانا اقوم بأمور الشقه والطبيخ وغيرذلك
وفى يوم بعد ما روقة الشقه داخلت اخد شاور
سمعت صوت باب الشقه اتفتح قولت يمكن اختى رجعت وماشغلتش بالي واستمرت فى اخذ الشاور
شعرت بأحد اقترب من باب الحمام
فقولت انتى رجعتى يا سمر
ولكن لم ترد سمر ولا غيرها
وبعدها بقليل قال زوج اختى انتي بتقولى حاجه يا بسمه انا عماد
قولت له لا ابدا افتكرتك سمر
عماد:عاوزه حاجه انولهالك ولا حاجه
بسمه:لا شكرا
قولت بينى وبين حاجة ايه اللى هينوالهالي فى الحمام ده
ما علينا
وانا ماكنتش جايبه معايا غير البورنس وسمعت صوت اختى الصغيره بتبكي
ارتديت البورنس وخرجت اشوفها وبجري ناحيتها انصدمت فى عماد زوج اختى
قولت له انا اسفه يت ابيه
اتفاجئت بيقول ليه اسفه على ايه دا من حظى تعرفي انك جميله اوي يا بسمه
اتحرجت وقولت له شكرا يا ابيه ودخلت على اختى ورديت الباب علينا وشلتها وفضلت احايل فيها لحد ما سكتت
وهممت لاكمل ارتداء ملابسي
سمعت احد اقترب من الباب ويحاول بفتحه