رواية اعشقك ولكن كبريائي يمنعني الفصل التاسع 9 بقلم لوكا

رواية اعشقك ولكن كبريائي يمنعني الجزء التاسع

رواية اعشقك ولكن كبريائي يمنعني البارت التاسع

رواية اعشقك ولكن كبريائي يمنعني الحلقة التاسعة

بعد انا ادهم ساب فرح وخرج قعدت هى متنحه مش عارفه مالها
وهو خرج يكلم نفسه وانه ازاى يضعف قدامها كده وانها زى كل
الستات عاوزه المصلحه وبس وكلهم خاينين زى مها بعداما سابته
اتجوزت مفيش شهر
فضل بره لغايه الفجر وفرح كانت قلقانه عليه جدا واول ما رجع عملت
نفسها نايمه ولما اطمنت عليه نامت
تانى يوم الصبح فرح حضرت الشنط ولبست وخرجت
اول اما ادهم شافها انبهر من جمالها وخاصه ان لبسها محترم ج
دا واستايل برده “اول مره يشوفها بلبس خروج”
وبعدين فاق وركبوا العربيه وفضلوا ساكتين لحد ما هو اتكلم
ادهم:احنا دلوقتى هنروح بيتنا اللى هو بيت العيله ومش محتاج اقولك
ان مفيش حد يعرف حاجه عن اللى بينا
فرح:نبين اننا اسعد زوجين يعنى فاهمه
ادهم:بالنسبه للى حصل امبارح انا اسف
فرح:محصلش حاجه
وسكتوا تانى لحد اما وصلوا بيت العيله
ادهم دخلها لقى مامته وامل موجودين
سعاد:ادهم حبيبى عامل ايه حمدالله على السلامه
وقعدت تبوسه وتحضنه
ادهم:الله يسلمك يا ماما انتى اخبارك ايه؟؟
سعاد:بخير طول منت بخير
فرح كانت واقفه على جمب
ادهم:تعالى يا فرح ماما دى فرح مراتى
سعاد:تعالى يا حبيبتى قربى
راحت فرح نحيتها وسلمت عليها وباستها وسلمت على امل واتعرفوا
ادهم:ماما عرفى فرح الاوضه وانا هروح الشركه
سعاد:هو انت لحقت يا ادهم
ادهم:معلش هروح اشوف الشغل ولما ارجع هقعد معاكى لغايه
اما تزهقى منى
سعاد:روح انا عارفه ان دماغك ناشفه
ادهم:امشى انا بقى
ومشى ادهم وقعدت فرح معاهم
سعاد:قوليلى يا حبيبتى عاملين ايه؟؟
فرح:الحمد لله
امل:مبسوطه يا فرح؟؟
فرح:اه الحمد لله ادهم ربنا يخلهولى مفيش زيه اصلا
سعاد بصت هى وامل لبعض باستغراب حست بيهم فرح بس
فضلت انها تسكت
سعاد:تعالى يا حبيبتى اما افرجك الاوضه
فرح:حضرتك متتعبيش نفسك قوليلى هى فين واناهطلع
سعاد:لا تعالى نطلع كلنا مع بعض
طلعوا هى وامل وسعاد اتفرجوا على الاوضه وسابوا فرح تغير ونزلوا
فرح غيرت ولبست طقم خروج تانى ونزلت
لقتهم فى المطبخ بيحضروا الغدا
سعاد:نزلتى ليه يا حبيبتى كنتى استريحتى من الطريق
فرح:استريح ايه بس هو انا جايه مشى انا كويسه ها اعمل معاكوا ايه؟؟
امل:اقعدى بس انتى يا عروسه واحنا هنعمل
فرح:هساعدكم بعرف اطبخ شويه على قدى يعنى
سعاد:يا بنتى احنا عاوزين راحتك
فرح:لا حضرتك انا كده مرتاحه انتى بس تعالى اقعدى وانا هعمل انا وامل
وبداوا يعملوا الاكل
******************************
عند ادهم فى الشركه راح لمكتب ابوه لقاه هو وحسام هناك
ادهم:السلام عليكم
حسام وفاروق:وعليكم السلام
فاروق:جيت امتى؟؟؟؟
ادهم:لسه دلوقتى
حسام:ومراتك فين؟؟
ادهم:فى البيت
افاروق:جيتوا النهارده ليه يا بنى كنتوا تعالوا بكره اخر النهار
ادهم:يا بابا زهقت قولت اجى
حسام:زهقت
ادهم:يعنى وحشنى الشغل
وقعدوا يتكلموا فى الشغل وعند فؤاد
فؤاد:ايه رايك يا جاسر نعزم اختك وجوزها وعيلته بكره على الغدا
جاسر:يا ريت يا بابا بص احنا نكلمها دلوقتى ونقولها
اتصلوا بفرح
فرح:السلام عليكم
فؤاد:وعليكم السلام ازيك يا حبيبتى
فرح:الحمد لله يا حبيبى واحشنى اوى
فؤاد:وانتى اكتر يا قلبى كده متتصليش النهارده
فرح:معلش يا حبيبى احنا لسه واصلين من شويه
فؤاد:ماشى يا حبيبتى المهم احنا عاوزين نعزمكم على الغدا بكره
فرح:مين بالظبط
فؤاد:العيله كلها يا حبيبتى
فرح:هقولهم يا حبيبى
فؤاد:لا يا حبيبتى بس اما يجى فاروق كلمينى
فرح:حاضر يا حبيبى
فؤاد:خدى جاسر عاوز يكلمك
فرح:جسوره حبيبى
جاسر:توته قلبى
فرح:وحشتنى يا حبيبى
جاسر:وانتى اكتر يا حبيبتى هتيجوا بقى ها
فرح:حاضر يا حبيبى هقول لادهم
جاسر:والله وبقى ليكى حد تستازنى منه غيرنا
فرح:معلش بقى يا حبيبى
وقفلوا مع بعض بتبص لحد حماتها وامل متنحين
امل:هو انتى كنتى بتكلمى ادهم
فرح:لا كنت بكلم بابا وجاسر اخويا
سعاد:اصلنا استغربنا
فرح:لا دا بابا كان بيتطمن عليا
وقعدوا يكملوا الاكل وفرح بتتعرف عليهم
***************
جت مريم من الكليه ودخلت المطبخ فوجئت بفرح فى المطبخ
مريم باستغراب شديد:دكتوره هنا
فرح بنفس النبره:مريم
مريم:انتى بتعملى ايه هنا
سعاد:دى فرح مرات اخوكى
مريم:لا دى دكتوره هنا
فرح:انا اسمى هنا بس كل الناس بتقولى فرح
مريم:يعنى انتى مرات ادهم
فرح:ايوه شوفتى قاعده على قلبك ازاى
مريم بفرحه شديده:احلى حاجه حصلتلى وجرت عليها وحضنتها وباستها
امل:هو انتم تعرفوا بعض
مريم :دكتوره هنا بتدرسلى فى الكليه
فرح:اسمى فرح
امل:يعنى انتى بتدرسى فى الكليه؟؟
فرح:ايوه
وقعدوا يتكلموا شويه
لغايه اما جه ادهم وفريد وحسام وفاروق
فاروق:يا بنى نادى مراتك تسلم علينا انا لسه معرفش شكلها
ادهم دخل نادى فرح
خرجت فرح وراحت عندهم اول اما دخلت حسام وفريد تنحوا
ادهم:تعالى يا فرح سلمى على بابا
فرح راحت سلمت عليه
فرح:ازى حضرتك ؟؟
فاروق:الحمد لله يا بنتى
ادهم:ده اخويا الكبير حسام جوز امل وده فريد الصغير واكيد شوفتى مريم
فرح:اهلا وسهلا
فريد فاق من صدمته:معلش ممكن سؤال؟؟
فرح:اتفضل
فريد:انتى الاسبوع اللى فات كنتى قاعده مع 3 بنات فى
مطعم…………؟؟
فرح:اه يوم الحد
فريد:وجه واحد غلس عليكم ورحتى ضرباه بالقلم
فرح:ايوه
سعاد:انتى يا بنتى والله احنا قولنا بنت جدعه اللى عملت كده
فرح:مهو كان لازم يقف عند حده
ادهم:وانتى كنتى بتعملى ايه فى المطعم ده؟؟
فرح:كنت قاعده مع اصحابى
ادهم:يا سلام عادى كده
فرح:هو انا كنت فين منا كنت فى مطعم محترم وكنت واخده اذن بابا
فريد:انتى تعرفى دكتوره حنين؟؟
فرح:اه حنين صحبتى انت تعرفها؟؟
فريد:بتشتغل عندنا فى الشركه
فرح:اه شركه الحسينى
فريد:ايوه
مريم:مش يا ادهم فرح طلعت الدكتوره هنا
ادهم:يعنى ايه؟؟
مريم:فاكر الدكتوره اللى كنت حكتلك عنها انها اكتر واحده بنفهم منها
ادهم:اه
مريم:طلعت هى فرح
ادهم:مش فاهم هنا ازاى
فرح:انا اصلا اسمى هنا
فاروق:منا برضه بقول يوم الفرح فى كتب الكتاب مقلوش فرح دى خالص بس قلت يمكن نسيت
فرح:لا بس الناس اللى فى الشغل اللى بيقولولى هنا غير كده انا فرح
عمو بابا كان عاوز يكلم حضرتك
فاروق:وماله يا بنتى
فرح طلبت الرقم وادت فاروق لابوها
فاروق:السلام عليكم
فؤاد:وعليكم السلام ازيك يا فاروق
فاروق:الحمد لله يا فؤاد ازيك وازى الاولاد
فؤاد:الحمد لله بس كان ليا عندك طلب
فاروق:اؤمر
فؤاد:تيجوا تتغدوا معانا بكره
فاروق:يا سيدى تعالوا انتم
فؤاد:لا عندى وعندك واحد بس فرح وحشتنا وعاوزنكم تيجوا
هتكسفنى
فاروق:خلاص يا سيدى ماشى هنيجى بكره
فؤاد:فرح هتقولكم العنوان
فاروق:ماشى يا فؤاد
فؤاد: تشوفونا وتنورونا ان شاء الله معلش بقى ادينى ادهم
فاروق ادى التليفون لادهم
ادهم:ازيك يا عمى
فؤاد:الحمد لله يا بنى
ادهم :يا رب دايما يا عمى
فؤاد:يا رب ان شاء الله العيله معزومه عندنا بكره على الغدا
ادهم:ان شاء الله
فؤاد:بصراحه يا ادهم عاوز اطلب منك طلب بس متردنيش فيه