رواية اعشقك ولكن كبريائي يمنعني الفصل الحادي عشر 11 بقلم لوكا
رواية اعشقك ولكن كبريائي يمنعني الجزء الحادي عشر
رواية اعشقك ولكن كبريائي يمنعني البارت الحادي عشر
رواية اعشقك ولكن كبريائي يمنعني الحلقة الحادية عشر
ادهم: لوى دراع هو
فرح ببرود:اعتبره زى منت عاوز بس انا قولت اللى عندى تعاملنى
كويس هفضل على اتفاقنا غير كده مش هقولك هعمل ايه
هخليهالك مفاجأه
ادهم بغيظ:ماشى يا فرح
وصلت فرح بيت بباها ودخلت جرت على حضنه
فرح:وحشتنى يا بابا وحشتنى اوى
فؤاد:وانتى كمان وحشتينى اوى يا حبيبتى
ازيك يا ادهم؟؟
ادهم:الحمد لله يا عمى
فرح:عامل ايه يا بابا بتاخد الدوا
فؤاد:يا حبيبتى والله باخده انتى كنتى كل يوم بتتصلى بيا كتير
علشان الموضوع ده زمان ادهم اضايق مننا
ادهم:ازاى يعنى يا عمى احنا يهمنا صحتك
وقعدوا يتكلموا شويه وطلعت فرح وادهم غيروا هدومهم وادهم كل
يوم بيتبهر بجمال فرح اكتر واكتر بس بيقاوم علشان ميضعفش
خايف لتكون زى مها
نزلوا قعدوا مع فؤاد لحد اما جاسر واسر جم كان القاء حار جدا بينهم
اصل فرح بالنسبالهم اكتر من اختهم بيحسوها بنتهم
وامهم فى نفس الوقت
قعدوا طول الليل بيضحكوا ويهظروا ادهم حس قد ايه فرح طيبه
وتتحب وقد ايه هى طفله من جواها رغم الوش الخشب اللى
كانت عملاه من شويه
فرح اتفقت معاهم ان الستات هتقعد لوحدها والرجاله لوحدها
واتصلت بالبنات وعزمتهم على الغدا
جه وقت صلاه الفجر
كانوا لسه صاحين صلوا ودخلوا يناموا
ادهم وفرح طلعوا اوضه فرح
فرح:نام انت على السرير انا هقرا قران شويه وهنزل اعمل الاكل
احطه فى التلاجه لبابا واخواتى
ادهم بحنان استغربته فرح :مش تعب عليكى
فرح: لا انا بحب المطبخ اصلا ببقى مبسوطه
وانا بعمل الاكل لبابا واخواتى
ادهم:مش عايزه مساعده؟؟
فرح:شكرا
وسابته وراحت تقرا قران ونزلت تبدا معانتها فى المطبخ بس ده
بالنسبالها سعاده وهىواقفه حتى لو فضلت واقفه طول اليوم فى
المطبخ بس بتعمل حاجه بتحبها
فؤاد نزل المطبخ الساعه 10
فؤاد:ايه يا فرح بتعملى ايه؟؟
فرح:بعمل الاكل يا بابا
فؤاد:بدرى كده يا حبيبتى لسه بدرى على الغدا
فرح:دا انا كمان عملت اكل وحطيته فى التلاجه
فؤاد:طب تعبتى نفسك يا يا حبيبتى
فرح:انت عارف يا بابا انى لما بعمل كده ببقى مبسوطه
وبعدين مطبخنا وحشنى
فؤاد راح حضنها:ربنا ما يحرمنى منك
فرح:ولا منك يا حبيبى
دخل ادهم فى اللحظه دى
ادهم:هـــــــــــــــــا ايه ده خيانه فى المطبخ كده يا عمى
بتحضن مراتى
فؤاد:بنتى قبل ما تكون مراتك
ادهم:صح وراح لفرح وحط ايه على كتفها وقربها وحط راسها على
صدره وباس راسها
فرح فى اللحظه دى حست احاسيس كتير جدا مش عارفه ايه هى
خرج فؤاد
ادهم:انا عملت كده علشان ميقولش حاجه يعنى
فرح:محصلش حاجه
ادهم:بتعملى ايه بقى دلوقتى
فرح:بحضر فطار علشان نفطر
ادهم:اساعدك فى حاجه؟؟
فرح:لا انا هعمل استريح انت
فكرت فرح انه هيسبها ويمشى بس فضل واقف بيتفرج عليها
وهى بتحضر الاكل
خلصت فرح الفطار وقعدوا كلهم يفطروا وبعدين دخلت كملت الاكل
لحد مجا معاد صلاه الجمعه
فى الوقت ده كانت فرح خلصت كل حاجه وطلعت اخدت شاور
وغيرت ونزلت
جم البنات
فرح:حبايبى وحشتونى
الاء:انتى اكتر يا حبيبتى
حنين:عامله ايه؟؟
امانى بخبث:عامله ايه فى الجواز؟؟
فرح:الحمد لله بس انتم وحشتونى اوى
البنات:وانتى اكتر يا عروسه
وقعدوا يتكلموا مع بعض لحد اما اهل ادهم جم
الرجاله قعدوا لوحدهم والستات لوحدهم
قعدت فرح كل شويه تطلع شاى وعصاير وجهزت الغدا وحطته وجم
الرجاله اتغدوا اما الستات اتغدوا فى السفره اللى فى المطبخ
بعد الغدا بدات فرح فى تحضير الحلويات والعصاير وفجاه وسط ده كله ………..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية اعشقك ولكن كبريائي يمنعني)
