رواية اسيرة الذكريات الفصل الثاني عشر 12 بقلم نور أفدار

رواية اسيرة الذكريات الجزء الثاني عشر

رواية اسيرة الذكريات البارت الثاني عشر

رواية اسيرة الذكريات الحلقة الثانية عشر

🍁🍁الفصل الثاني عشر 🍁🍁
في أثناء حديث كريم مع الحرس بيطلع الدكتور وبقول :
الحمد لله قدرنا نشيل الرصاصة بس….
كريم بغضب : بس شو أنطق
الدكتور بتوتر : بسسسس لسا المريض بمرحلة الخطر
تحكم كريم بأعصابه بصعوبة وقال:كيف يعني بمرحلة الخطر ممكن توضح أكثر
الدكتور: الرصاصة كانت قريبة كتير من القلب مشان هيك في خطر على حياته حالياً هننقله للعناية المشددة وهيكون تحت المراقبة 24 ساعة لو مروا بخير وما دخل بغيبوبة ساعتها بكون تخطى مرحلة الخطر
كريم : شكراً لجهودك دكتور يا ريت تعطيني معلومات أول بأول
الدكتور : لا شكر على واجب
بيطلع كريم من المستشفى وبروح للفرع ليحقق بالقضية
🍁بمكان آخر 🍁
مجهول (أ): بشر قتلته
مجهول(ب): أصبته إصابة خطيرة بس..
مجهول (أ) : بس شو أنطق
مجهول (ب) بتوتر :بس بس
مجهول (أ): أنطق وإلا قسماً بالله هيكون آخر يوم بعمرك
مجهول (ب): لح*قققوه وأسعفوه للمستشفى
مجهول (أ) بغضب : كيف بتغلط هيك غلطة بتبعث حد على المستشفى يراقب من بعيد لبعيد ويوافينا بالأحداث
مجهول (ب) :أمرك
🍁عند وتين🍁
بتصحى وتين مفزوعة أثر كابوس نغص عليها أحلامها
ما بتعيره اهتمام وبتلبس وبتنزل تفطر
وتين :صباح الخير
والدة وتين : صباح الورد يا قلبي تعالي لنفطر
وبيقعدوا على السفرة وقبل ما يبلشوا بتلتفت والدة وتين لإلها وبتقول بصدمة :وتين يا قلبي شوفي شو صاير معك ليه وجهك شاحب
وتين :مافي شي مهم صحيت مرعوبة أثر كابوس
والدة وتين :بسم الله عليكِ أحكيلي
وتين بارتجاف:شفت خيال أسود عم يلاحقني وكل ما ركضت أكثر بلاحقني أكثر وكأنه عم يحاول يخبرني شي وضليت عم أركض وبآخر الطريق شفت كريم على الجنب الثاني حاولت إني أوصل لعنده بس الطيف كان أسرع مني وراح لعند كريم وبلعه والغريب إن كريم كان مبسوط وبعدها صحيت
والدة وتين بخرف أخفته ببراعة : إن شاء الله خير يا قلبي كله على بعضه مجرد حلم يعني سراب
وبعدين فطروا بعد ما طمنتها وراحت على الجامعة
🍁في المستشفى 🍁
حالة معاذ لا تزال غير مستقرة وبعد وقت بيدخل شخص للمستشفى ويدعي بأنه قريب معاذ ليقدر يعرف حالته
ملحوظة هاد الشخص هو المراقب يلي بعته المجهول (ب) اسمه صقر
بعد ما يعرف صقر حالة معاذ بيتصل على المجهول (ب)
وبقول له إن حالته لسا مثل ما هي بس في أكل إنه يتحسن بسرعة لأن بنيته قوية
بقول المجهول( ب) بالإتصال بالمجهول (أ) يلي هو الزعيم وبخبره بكلام صقر وبيوصله كمان مع صقر بمكالمة جماعية
الزعيم بحدة : اتجهوا للخطة البديلة اسمع منيح كلامي وركز ياصقر بتتسلل لغرفته وبتحقن أبرة السم يلي معك بالممصل تبعه
صقر بخوف :بس هي الإبرة ممنوع استخدامها إلا بالطوارئ واذا لمسها انا ممكن اخسر حياتي.
الزعيم إذا ما نفذت لح تخسر مو بس حياتك وحياة كل يلي بتحبهم
صقر بخوف :أمرك بس خلي عيلتي على جنب
وبسكر المكالمة وببلش تحضير للعملية وبمر الوقت وبيرجع كريم للمستشفى أثر مكالمة من الدكتور خبره فيها آخر التطورات بحالة معاذ بيوصل كريم على المشفى وبروح للدكتور ليكملوا مناقشتهم وبخلص وبيتجه لغرفة معاذ ولسوء حظ صقر ما بحس عليه وبكمل تحضيراته وخطواته باتجاه غرفة معاذ وبيدخل. وبسكر الباب ولسا يا دوب عم يفتح الإبرة بينفتح باب الغرفة
وكانت الصدمة
عطوني رأيكم بالتعليقات ولا تنسوا التصويت
دمتم بخير وعافية 🤍🤍
الكاتبة :نور أفدار