رواية اسيرة الذكريات الفصل الثالث عشر 13 بقلم نور أفدار
رواية اسيرة الذكريات الجزء الثالث عشر
رواية اسيرة الذكريات البارت الثالث عشر
رواية اسيرة الذكريات الحلقة الثالثة عشر
🍁🍁الفصل الثالث عشر 🍁🍁
بينفتح الباب فجأة وبتتقابل وجوه كريم وصقر مع بعض وبحركة سريعة بيخفي صقر الإبرة وبقول بلهجة متوترة أخفاها ببراعة
صقر: أهلاً وسهلًا كريم بيك كيفك
كريم باستنكار ورفعة حاجب :عفواً مين حضرتك وكيف فتت لهون
صقر بثقة : أنا بكون واحد من رجال مالك بيك الصديق المقرب للسيد معاذ
كريم بتفكير : أهلاً وسهلًا سيد صقر تشرفنا فيك بس عفواً سبب الزيارة لو سمحت
صقر : بعثني مالك بيك لأطمئن على السيد معاذ لأنه كثير مشغول وبنفس الوقت ما بيقدر ما يطمئن على صديقه
كريم بابتسامة مزيفة :شكراً لجهودك وهلق بعد إذنك المريض لازم يرتاح
صقر بغيظ مكتوم : لا شكر على واجب عن إذنك
كريم محدثاً نفسه :يا ترى شو حكايتك يا صقر
بيصحى كريم من شروده وبقول :مع السلامة شكراً على الزيارة سلم على مالك بيك
بيطمئن كريم على معاذ يلي لسا نايم وكأنه ميت وبيطلع من الغرفة وبأمر اثنين من العسكر يلي معو بالمناوبة لحراسة غرفة معاذ وبروح
☆عند الزعيم ☆
بيتصل صقر للزعيم وبخبره بيلي صار
الزعيم بغضب جحيمي : شو هاد يا صقر لا وبكل وقاحة عم تخبرني بفشلك
صقر بحنق:شو بدك ياني أعمل نفدت بأعجوبة أنا ما عاد لي علاقة بهاد الشي بصريح العبارة بعد عني أنت وبلاويك
الزعيم بغيظ : هيك لكن والله لتدفع ثمن كلامك غالي كثير
صقر بتحدي: يلي بدك يا ه اعمله ما عندي شي أخسره وكمل بنبره مستفزة سلااام وسكر بوجهه الخط😂😂(صقر يا عمي اسم على مسمى ولا شو رأيكم)
☆عند وتين ☆
بتقضي يوم جامعي عادي بس لسا حاسة بخنقة بسبب الحلم يلي راودها بتخلص محاضراتها وبتروح للبيت وبمجرد وصولها بتنام من كثر التعب
وبعد مرور ثلاث ساعات بيرجع كريم للقصر وبمر من غرفتها فبيسمع صوت صرخاتها بيفتح الباب عليها بلاقيها نايمة وعم تهلوس بحاول يصحيها وبعد أكثر من محاولة بتصحى أخيراً والدموع مالية عيونها
كريم بخوف :اهدي يا وتين القلب مضت
وتين بدموع : نفس الحلم يا كريم نفسه يلي كان يجيني من زمان لما…
وقبل ما تكمل جملتها حط ايده على فمها وسكتها وضمها لصدره ومسح شعرها هيك لحتى حس بتوقف بكائها ورجوعها للنوم
☆عند الزعيم ☆
بيرجع على بيته وهو عم يفور ويغلي من كلام صقر بيقعد وبشغل سيجارة وبفكر وبعد مدة برن جرس الباب بأمر الحارس يفتح وبعدها بيجي الحارس لعنده ماسك صندوق
الزعيم بصرامة:شو هاد
الحارس :ما بعرف كان موجود على عتبة الباب
الزعيم: انصرف
بيفتح الزعيم الصندوق ووجهه بيتلون بألف لون ولون
محتوى الصندوق كان عبارة عن قطعة قماش ملطخة بالدم ومسدس وورقة مكتوب فيها(أعتبر هالصندوق تحذير صغير بعد عن عيلة الآغا وإلا ولا قلك بترك الموضوع لمخيلتك)
وبآخر الرسالة في ختم شفاه
وهنا نقطع الحبر ونوقف الكلمات
يا ترى هينكشف سر الزعيم
وشو هو مصير معاذ
ومين الملاك الحارس يلي عم يحاول يحمي عيلة الآغا
عطوني توقعاتكم ولا تنسوا التصويت إذا حبيتوا الفصل وتعليق حلو مثلكم
دمتم بخير وعافية
ملحوظة الفصل التعويضي هينزل بكرة حفاظاً على التشويق 😘😘
يتبع…
لقراءة الفصل التالي : اضغط هنا
الرواية كاملة اضغط على : (رواية اسيرة الذكريات)
