رواية جحيم أنس الفصل التاسع 9 بقلم أحمد نبيل
رواية جحيم أنس الجزء التاسع
رواية جحيم أنس البارت التاسع
رواية جحيم أنس الحلقة التاسعة
في المدرسة
هدى : انت بتضربينى يا انس طب أنا هعرف ازاى …
تقاطعها انس وهى تمسك كتفها وتهزها بقوة : انا مكنتش عارفه ان الحقد ده كله جواكى من زمان … يبقى انت … انتى اللى عايزة تقتلينى عشان تخلصى منى وتقعدى على الكرسى ده مكانى
تمسك هدى رأسها ويداهمها دوار وتسقط مغشيا عليها
ينفتح باب الغرفة ويدخل مجموعة من المدرسين ويشاهدون انس وهدى على الأرض أمامها
تتراجع انس الى الوراء وهي تنظر الى هدى التي سقطت على الأرض دون حراك
تظهر سلمى وتدخل الغرفة
سلمى (وهى تقترب من هدى) : حصل ايه يا ابلة انس
انس تنظر اليها ولا تعلق
سلمى (وهى تنحنى لفحص هدى) : ده اكيد كومة السكر اللى بجيلها
سلمى (تصيح في ساعى المكتب) : شوف الدكتور حسن بسرعة
يسرع الساعى الى الخارج بينما يراقب الجميع ما يحدث في ترقب
تنظر انس الى سلمى التي تحاول افاقة هدى
يصل حسن وينحنى لفحص هدى
يتابعه الجميع في صمت
تجلس انس على اقرب مقعد وتتابع حسن
تسترد هدى وعيها وتتلفت حولها
سلمى : انت كويسة يا ابلة هدى
هدى : كانت … كانت عايزة تموتنى شاهدين
سلمى : طب اهدى … اهدى يا ابلة هدى … ابلة انس كانت قلقانة عليكى
تقف هدى وتساعدها سلمى
هدى (وهى تشير الى انس) : أنا مش هسيبك … عايزة تموتنى يا انس انا هروح الادارة واقولهم اللى حصل ويا انا يا انتى في المدرسة دى
تنصرف هدى وينصرف المدرسين خلفها
تقترب سلمى من انس
سلمى : هو حصل ايه بس يا ابلة لكل ده
تنظر انس اليها ولا تعلق
……………………………….
بيت صافى
يدخل سيد البيت ويرتمى على اقرب مقعد
تستقبله صافى
صافى : هما بيطلعوا امتى دول
سيد : بقولك ايه انا مش ناقصك
صافى : يعنى انت تغيب تغيب ويوم ما تيجى تدخل عليا بالوش ده
سيد : أنا غلطان كان المفروض اطنشك ومسألش فيك
صافى : يعنى هيا عادتك ولا هتشتريها انت بتيجى هنا لمزاجك وبس
سيد : يا بت انا كنت في موال اسود وجاى عشان تنسهولى
صافى : موال ايه انشاء الله اظن موالك مع الكومى
سيد : وانت عرفتى منين
صافى : اخبارك كلها عندى دقيقة بدقيقة
سيد : يبقى اكيد الواد زفت منصور هو اللى بينقلك كل حاجة بس خلاص اهو خد جزاته وشال الموضوع عنى
صافى : بقولك ايه يا سيد أنا قولتلك قبل كده كفاية كده
سيد : بقولك ايه انتى أنا جاى عشان تنسينى القرف اللى انا فيه
صافى : يبقى تدفع يا عنيا
سيد : يا بت انت مراتى
صافى : برده تدفع
سيد : عايزه ايه يا صافى انجزى
صافى : انت مش قولت شقة عابدين دى تجيب مليون جنيه طب اكتبلى عقدها دلوقتى
سيد : وانا ان شاء الله ماشى بعقود في جييى
صافى : أنا جاهزة يا حبيبى
تسرع صافى الى غرفتها وتعود منها ومعها عقد بيع
تضعه امام سيد
سيد : امضى يا عنيا
سيد : يا ساتر عليكى طب اهدى يمكن اوقعلك حاجة أحسن
صافى : لأحسن ولا أوحشن أنا روحت شوفت الشقة وعجبانى
سيد : ورحتى ازاى انشاء الله اذا كان المفتاح معايا
صافى : انت ناسى انى شغاله معاك في المكتب وهرسه كل حاجة مش الشقة دى برده
سيد (يقاطعها) : خلاص هاتى العقد
يوقع سيد على عقد بيع الشقة
تلتقط صافى العقد بابتسامة كبيرة
سيد : خلاص خدتى اللى ليكى
صافى (وهى تنظر الى العقد) : خلاص يا روح صافى
سيد : طب يلا بقى
……………………………
في المدرسة
انس تجلس على مكتبها في حالة وجوم تام
تحدث نفسها : مكنش لازم اعمل كده أنا غبية هدى دى مش هتسكت وهتهد كل اللى بنيته السنين اللى فاتت
صوت طرقات على باب مكتبها
تدخل سلمى
انس : في حاجة يا سلمى
سلمى : في مشكلة كبيرة يا أستاذة
انس : هدى مش كده
سلمى : لأ … أستاذة هدى بقيت كويسة ومعتقدش انها هتكبر الموضوع
انس : أومال في ايه
سلمى : البنت دعاء عبد العزيز
انس : مالها تانى
سلمى : اتفضلى حضرتك تعالى شوفى عامله ايه في الفصل ومش هممها أى حد
تقف انس وتخرج من مكتبها وتتبعها سلمى
……………………………..
في الفصل
تقيم دعاء واصدقائها حفلة داخل الفصل ويقوموا بالرقص مع تشغيل أغانى ووجود تورتة ومشروبات كحولية
صديقة دعاء : يا بنتى أستاذة سلمى اكيد راحت تقول لابلة الناظرة وهتيجى تطين عشتنا
دعاء : ولا يهمك يابت خلى حد بس يجى يبصلنا بصه ارقصى ارقصى
صديقة أخرى : ايه يا بت الفجر ده دا انتى جاحده
دعاء : يعنى الحق عليا اللى قلت احتفل بعيد ميلادك
صديقة دعاء : لأ هي مفاجأة حلوة بس متخيلتش نحتفل بيه هنا في المدرسة وكمان جايبه ازايز الـ …
دعاء : بقولكوا ايه اشربوا وارقصوا واعملوا اللى انتوا عاوزينه ومحدش هيقدر يعملنا حاجة وبعدين احنا في الفسحة نعمل اللى احنا عاوزينه
يرقص الثلاثة على الاغانى
ينفتح باب الفصل وتظهر انس ومعها سلمى
يتوقف البنات عن الرقص وتوقف أحدهما الأغاني
دعاء : ازيك يا أستاذة
انس : ايه اللى بيحصل ده
دعاء : ده عيد ميلاد ايمان النهاردة وقلنا نحتفل بيه النهاردة
انس : هنا في الفصل هو حد قالك ان ده دسيكو واحنا منعرفش
دعاء : مفهاش حاجة يا ابلة اتفضلى معانا
انس (تشير الى أصدقاء دعاء بيدها) : اخرجوا بره
يسرع البنات الى الخارج
تقترب انس من دعاء التي تنظر اليها بتحدى صارخ
تتخيلها انس بنتها نانيس
تصفعها انس على وجهها بقوة
تصرخ فيها : انت عايزة تهدى كل اللى انا عملته ابوكى بوظك وانا مش هسيبك هقتلك بايدى قبل عيارك ما يفلت اكتر من كده
سلمى (وهى تحاول ابعاد انس عن دعاء) : اهدى يا ابلة … سبيها يا ابلة
تتركها انس وتمسك رأسها وتحاول التماسك
انس (بارتباك) : أنا … أنا مش عارفه عملت كده ازاى
دعاء : ورحمة بابا وماما مهسيبك يا بلة والقلم اللى ادتهولى هردهولك
سلمى : اخرسى يا بنت انت مش شايفه اللى انت عملتيه في الفصل أنا صورت كل حاجة وهنعمل مذكرة بالموضوع كله
انس : سلمى … البنت دى يتعملها جواب رفد دلوقتى ومتخشش المدرسة تانى وأن هبعت مذكرة للادارة عشان تترفد من مدارس مصر كلها
دعاء : ماشى يا ابلة وانا مش هسكت
تدفعها سلمى معها الى خارج الفصل
دعاء (تصيح وهى تخرج) : مش هسكت يا انس مش هسكت
تتابعها انس دون تعليق
…………………………………
في الطريق
انس تركب السيارة التى توصلها الى البيت
تتذكر تهديد دعاء لها
” ورحمة بابا وماما مهسيبك يا بلة والقلم اللى ادتهولى هردهولك ”
” مش هسكت يا انس مش هسكت ”
تخرج انس الورقة التي وصلتها يوم عيد ميلادها وتنظر اليها
تحدث نفسها : معقولة تكون البنت دى هي اللى بعتت الورقة يوم عيد ميلادى … بس لأ هي هتعمل كده ليه الموقف اللى حصل معاها حصل بعد عيد الميلاد … أنا هجنن ”
تهتف بصوت عال : هجنن
السائق يسألها : في حاجة يا أستاذة
انس : لأ مفيش خليك انت في الطريق
تتصل انس بكريم
انس : ايه يا كريم انت روحت الجامعة … مش قولتلك خليك في البيت لحد ما تبقى كويس … طب ونانيس … ايه نزلت … بتقول ايه هددتك … طب اقفل … أنا هكلمها
تنهى انس المكالمة وتتصل بنانيس
نانيس لا ترد عليها
تلقى انس الهاتف بجوارها
تصيح في السائق : بسرعة شوية على البيت
يظهر موتوسيكل بجوار سيارة انس يستقله شابان يخفيان ملامح وجههما
يعترضان طريق السيارة
السائق : متبعد يابنى انت وهو
انس : هو في ايه … مين الولاد دى
يتوقف السائق بالسيارة
ينزل أحد الشابان من الموتوسيكل ويقترب من انس التي تجلس في المقعد الخلفى
يطرق الشاب الزجاج بيده
تفتح انس الزجاج
يشهر الشاب مطوه في وجه انس
الشاب : مساء الخير يا ابلة
انس (بخوف) : انت مين
الشاب : أنا اللى جاى اخد عمرك
تنظر له انس برعب دون تعليق
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جحيم أنس)
