رواية اداة انتقامي اصبحت عشقي الفصل الأول 1 بقلم نشوة عادل

رواية اداة انتقامي اصبحت عشقي الجزء الأول

رواية اداة انتقامي اصبحت عشقي البارت الأول

رواية اداة انتقامي اصبحت عشقي الحلقة الأولى

-مفيش غير حل واحد بس اننا نكتب الكتاب ونكون متجوزين فعلا ونحط ابوكى ادام الامر الواقع ويقبل بيه
كنت بسمع كلام فارس وانا فعلا مصدومة كان بيتكلم بجد مكنتش مصدقة انه ممكن يطلب منى حاجة زى دى فى يوم من الايام
عهد : ايه اللى بتقوله ده يا فارس مش انا البنت اللى تتجوز من ورا اهلها وتحط رأس ابوها فى الطين
فارس بعصبية: وماله روحى اقعدى جنب ابوكى بقى لحد ما تبورى او يبيعك لواحد من بتوع الخليج اللى كل شويه يجيبهم ليكى والاسم جواز عشان متوطيش راسه وسط الناس
عهد بدموع: يعنى خلاص انت كده مش عاوزنى تانى بحياتك بتتنازل عنى وعن حبى بالسهولة دى نسيت وعودك ليا؟!
فارس بغضب: انتى مجنونة يا بت انتى اعمل ايه اكتر من اللى عملته انا اتقدمتلك فوق ال ٨ مرات وابوكى كان بيرفض واموت واعرف ليه انا عندى شقتى وجهازى واتليه ملكى يعنى مفيش اى سبب لرفضه حقيقى اتخنقت وتعبت
عهد: يعنى ده اخر كلام عندك يا فارس
فارس بهدوء: ايوة يا عهد وانتى قررى براحتك وياريت تحطى ببالك انى بقولك هنكتب الكتاب عند مأذون وع سنة الله ورسوله مش نضرب ورقتين عرفى والاسم جواز انا ماشى وهستنى ردك
بالفعل مشى وسابها منهارة فى العياط اول مرة تحس بالضعف وانها تتخير ما بين ابوها وحب عمرها من جهة فارس معاه حق هو حاول كتير لكن ابوها من الجهة التانية كان بيسد اى باب فى وشه … روحت ع البيت وهى بتحاول تبان طبيعية
ماجد والد عهد: كنتى فين يا بت ؟!
عهد: كنت عند داليا صاحبتى
ماجد: من هنا ورايح مبقاش فيه خروج من البيت الا بإذنى انا انتى فاهمة !
عهد: حاضر يا بابا عن اذنك هدخل انام
ماجد: استنى عندك اعملى حسابك ان خطوبتك الخميس الجاى ع العريس الاردنى الاخير
عهد بصدمة: بس انا قولت لحضرتك انى مش موافقة اتجوز خليجى وكمان ده حضرتك اصغر منه فى السن يا بابا ده عنده ٥٥ سنة حرام والله
ماجد: حرمت عليكى عيشتك يا اختى اسمعى يا بت انا صبرت عليكى كتير وعارف انتى بترفضى العرسان ليه عشان المحروس اللى اسمه فارس الغندور بس ده بعدك لو اخر راجل فى الدنيا مش هجوزك ليه انتى فاهمة
عهد: وانا لو مش هكون لفارس مش هكون لغيره يا بابا
صفعة قوية ع خدها جعلت شافاتها تنزف دم واتكلم ماجد بعصبية: اللى بقوله يتسمع ورجلك متخطيش بيها برة عتبة الباب ده والخميس الجاى مش هتبقى خطوبة هتبقى كتب كتاب ع طول وهعلمك ازاى تقفى قصادى وتقولى الكلام ده
مشى ماجد من البيت وفضلت عهد تبكى لحد ما لقت امها راجعة من برة اول ما شافتها جريت عليها بخوف وحاولت تهديها وعرفت منها اللى ماجد ناوى عليه
كريمان: لا ده اتجنن رسمى هو ايه بالعافية ده كل حاجة بالدنيا الخناق الا الجواز بالاتفاق
عهد: يا ماما انا مستحيل اكون لحد غير فارس يا كده يا الموت اهون عليا من اللى ابويا عايز يعمله فيا
كريمان بخوف: هشششش اهدى يا قلب امك انا معاكى متخافيش
فكرت عهد قليلا اتخبر والدتها بالكلام اللى قاله فارس ولا بلاش لكنها فى الاخر استقرت انها تحكى ليها وصعقت لما لقت امها بتقولها: وانا موافقة ع كلام فارس وووو………..