رواية اخرجتني من الظلام الفصل الثاني 2 بقلم ريتاج محمد

رواية اخرجتني من الظلام الجزء الثاني

رواية اخرجتني من الظلام البارت الثاني

رواية اخرجتني من الظلام الحلقة الثانية

بدأت تدور في الكمبود كلة بس ملقتش حاجة
مليكة بتفكير:امممم يتري العلبة فين
فين فين امم ممكن في الدولاب اكيد
يعني اي الغباء دة
فتحت الدولاب
وبدأت تدور لحد ما لقت علبتين اخدتهم وراحت قعدت عالسرير
وقال وهيا محتارة:يترا انهي علبة انهي علبة احنا نفتحهم ونشوف ونحكم
فتحت اول علبة لقت فيها ١٠ آلاف جنية
مليكة :يابن التيت بقى معاك فلوس وتقولي بخلصلك فلوسك دانت كداب درجة أولى يعني مفبش كلام
طيب نفتح التانية
فتحتها لقت فيها ٢٥٠٠
مليكة :امم الاحتمال الأكبر ان دي وشاورت على الي فيها فلوس اقل : بتاعت اكل الشهر
يبقى هاخدها ووو ويعنييي يعني مش هيضر لو اخدت منة حبة فلوس كدة صح ولا اممم لا انا اتصل بية واقولة واتصلت على رسلان
:الو ياقلبي
رسلان بملل : انجزي مش فاضيلك انا انا عليا محاضرات
مليكة:انت عارف ان انت احن اخ في العالم بامانة يعني اة واللة رسلان:اممم عايزة اي
مليكة بحزن مصتنع: اخص عليك يا رسو بقى انا هتصل بيك واقولك كدة عشان عايزة حاجة طب اقفل بقى سلام
رسلان:اممم يعني مش هنخلص طب خشي في الموضوع ومتتوهيش
مليكة :احمم انا شوفت من غير مقصد زلة عين يعني فاهم انت فلوس في دولابك كدة فا هاخد منها ومتقلقش هبقى اديهالك انا مش شحاتة يا بابا
رسلان :طيب خدي
مليكة بفرحة :بجد
رسلان:اة بس خلي بالك متخديش كتير عشان دي الفلوس الي كنت هاجبلك بيها هدية لعيد ميلادك
مليكة :لا رد….
رسلان:الو الو وبص في الفون :احية دي قفلت يعني مسمعتنيش دي هتصرف الفلوس كلها
ااخدتها وخرجت من الاوضة
ونزلت تشتري اكل وهي في الهايبر
عند مليكة
مليكة سمعت كلمة بحد وقفلت علية الخط وراحت خدت فلوس من العلبة
وخدت الفلوس ونزلت تشتري حجات
طلبت أوبر وراحت عالهايبر وكانت واقفة محتارة تشتري اي
مليكة بتفكير:اممم تشتري اي مبدأيا اكيد حجات سريعة لان لا انا ولا رسلان هيبقى معاة وقت يطبخ فنروح لقسم الوجبات السريعة واشترت
منهم كتير (زي استريبس وكوكي وفروزن بوتيتوس وفروزن كريزبي تشيكن
والحجات دي عمتا)
وطبعا حبيبتنا متنساش قسم الحلويات وراحت اشترت حلوياااات كتيرر جدا
وكملت تجول
وبعديها راحت مشوار هنعرفة بعدين
وطلبت أوبر وروحت البيت
وقررت تعمل اكل
🙂🥲
********************
في حتى تانية (عند بطلنا )
كان قاعد على كرسي بعيد وساند راسة علية وكان في قرآن شغال بصوت (عبد الرحمن مسعد )
والباب خبط
غيث:ادخل
دخلت مامتة وهي حزينة على حالة
وقالت :لحد امتي ياحبيبي هتفضل قاعد في الاوضة كدة اقعد معانا برة
ليث :عادي يماما مش فارقة كتير هنا مش شايف وهناك
مش شايف يبقى خليني احسن
رجاء مامت غيث:خلاص ياغيث اعمل العملية وريح قلبي انا وابوك
غيث ببرود:ماما مش عايز كلام في الموضوع دة ولو سمحتي اتفضلي برة
رجاء بصتلة بحزن على حالة وخرجت
وهو رجع سند راسة عالكرسي وكان بيفتكر إيام ما كان مفتح وصحابة وازاي هو اتعمي
فلاش باك 📽
من خمس سنين
لما كان عندهم ٢١ سنة
وغيث كان عندة ٢٣سنة
يوم التخرج بتاعهم في بيت مينا
مينا صاحبة :غيوثي
غيث بعصبية مضحكة :بس يلا متقلش غيوثي دي بتستفزني
مهاب صاحبة من وراة :غيوووووثي غيوووثي
غيث بعصبية مضحكة. :ولاااا اتعدل لعدلك
فادي من وراة بجدية مصتنعة:ولد عيب انت هو تقولولة كدة
ليث :عليا الطلاق الي ناصرني
فادي بضحك:دا غيوثي انا بس
غيث بضحك :واللة طب خد بقى وراح حادفة في حمام السباحة
مينا راح جاب كورة وقال :مين يلاعبني
كلهم جريو نحيتوا وزقوة في البسين وقال مهاب:بس يلا انت بتخم
ليث بجدية وحب:بس بس خلاص بما ان دة يوم التخرج بتاعك وانا ظابط واكبر منكم هعزمكم يا شوية مهندسين
(الصحوبية مش شرط نفس السن او نفس الكلية الصحوبية الي بجد ناس طيبة بتدخل القلب وتقف في ضهرك لو احتاجتة وتسندك لما تقع مش مصلحة وخلاص)
مينا: هيييح انا مش عارف احنا هندخل الجيش ازاي بمناظرنا دي
غيث بتشفى :احسن يابا تستاهلوا عشان تبقوا تتريقوا غليا تاني .
*******************
وافتكر لما مهاب خطب وعزمهم
مهاب بسماجة وضحك وهو عمال يحرك الخاتم في ايدة :شوف ياعم انت اكبر مني وانا ارتبطت قبلك ياسنجل
انا من هنا ورايح متكلمونيش ياشوية سناجل ياعرر
غيث بتريقة:شوية سناجل ياعرر
دانت الي عرة ولا اظبط كدة انت عارف بتكلم مين
مينا بسخرية وضحك:هيكون مين يعني
غيث بهبل:ولا اي حاجة
فادي :طب أركن يا شبح
***************************
وافتكر لما اخت مينا اتخطبت
وهو قعد يعيط
غيث بتريقة علية :هييئ شالوا من بوقك البزازة ينوغة
مالك1
مينا :ملكش فية يلا دانت مش بتفهم في أي حاجة
دا اسمة حب اخوي
مهاب بتعديل:لا لو سمحت اسمة محن اخوي
فادي :حصل
**************************
وافتكر لما راحوا الجيش
غيث بشماتة مضحكة:يلا إلهي كل تريقة اتريقتوا عليا فيها تطلع عليكوا هناك
مهاب ومينا في صوت واحد:اة من متهني ومتدلع فحقك بقى
غيث وهو بيخمس في وشة:اللة اكبر في وش امكم
وبعدين راح لمينا ومهاب وغادي بحب وحضنهم
بحب
وهما راحوا
******************************
وافتكر لما مهاب كتب الكتاب في الاجازة قبل الأخيرة
ووداهم يشوفوا الفيلا بتاعتوا بس فادي اتاخر وهو فرحان بيهم
مهاب :ادخل يلا انت وهو انتوا مكثوفين
غيث بضحك:اكيد لا يعني دانت اخونا الي مجابتوش امنا ولا اي يشوباب
مينا:فعلا واللة انا مش عارف بجد انتوا صحوبيتكوا بالدنيا عارفين انا الناس كلها بستغرب ازاي مسيحي مصاحب مسلمين ميعرفوش اننا مكملين بعض
بجد يصاحبي الف مبروك وعقبال الليلة الكبيرة
مهاب بحب:تسلم يعم اول مرة تقول كلام حلو
فادي وهو جي بيجري عليهم وراح بسرعة حضن مهاب جامد وبعدين راح ضربة بوكس
وقالة بغيظ:اولا مبروك ثانيا يابن الصرمة تكتب الكتاب من غيري
مهاب :يسطا منت الي اتاخرت اعمل اي
فادي بغيظ :تقوم تكتب الكتاب من غيري صح
مهاب وهو بيحضنة:يعم اسف واللة
يلا اوريكوا الفيلا وخدهم فرجهم عليها
وقعدوا يلعبوا في الجنينة
كورة ونزلوا البسين
************************
وافتكر اخر مكالمه كانت مابينهم وهما في الجيش في رمضان
غيث بضحك وهو بيكلمهم فيديو كول:عاملين اي في الجيش
مينا. وهو ماسك حلة محشي وبياكل منها بضحك:عاملين محشي يسففك الاسفلت تاخد وراح كل
منة
مهاب وفادي:طب راعي يعني اننا صايمين
مينا وهو بيغيظهم اكتر:تصدقوا صح خلاص خلاص هبلع بس وراح شرب ماية قدامهم
مهاب راح ضربة على قفاة
غيث بضحك:خلاص ياسطى انت وهو اهدوا
الا قولولي التمارين بتاعت الجيش شدت اعصابكوا
مينا:شدت اعصابنا بس دحنا شوية وخيقولولنا يلا نطو من طيارة من غير براشوت
مهاب :والنعمة يبني هيبقى ارحم من ال يبيحصل فينا دة
مينا:حصل
وبص لغيث وقال بنظرة غريبة:
غيث اختي وامي أمانة عندك هي ومرات مهاب وأم فادي
غيث بغصة ووجع في قلبة مرة واحدة بس حاول يدارية
:اي يابن القرعة الي انت بتقولة دة اشحال دي اخر اجازة وهينزل يتجوز وانت هتجوز اختك
بطلوا هبل هو الصيام لحس عقولقوا ولا اي
مينا:للحظ ان انا مسيحي يعني
غيث:احم اة تمام ومرة وحدة سمع عسكري جاي بيجري
وبيقولهم
العسكري بزعييق وصوت عالي :ارفعوا سلاحكوا بسررعى حصل هجوم مفاجي والمكان كلة ملغم قنابل
يلااا
ومرة وحدة الشاشة اسودت وغيث سمع صوت ضرب نار كتير
غيث بقلق وخوف:مينا شادي مهااب
غيث بدموع:يمهاب رد ونبي
وبعدين قعد يعيط كتير وقال:ونبي ردوا متحرقوش قلبي عليكوا ونبي عشان خاطري
اند فلاش باك
مسح غيث دموعة الي نزلت من غير ما يحس
وقال: حقكوا رجع حتي لو كان التمن اني ابقى أعمى ربنا يرحمكم يارب وعيط وقال
احنا فعلا كنا مكملين بعض (جماعة انا كتبت الجزء دة وانا بعيط حرفيا🥺😭)
***********************
عند رسلان خلص شغل وروح عالبيت و..