رواية احيانا نحب من ليس لنا الفصل الأول 1 بقلم جاسمين محمد
رواية احيانا نحب من ليس لنا الجزء الأول
رواية احيانا نحب من ليس لنا البارت الأول
رواية احيانا نحب من ليس لنا الحلقة الأولى
يقول نزار قباني:
احيانا نحب من ليس لنا
والبعض يعشقنا بغير علمنا وللنصيب حكاية اخري لنا.
-كتبت البوست علي الفيس ونزلتوا علي جروب بس بشخصيه مجهوله وقفلت التلفون ورمته علي السرير وتنهدت وخدت نفس طويل وستسلمت لدمعه خانتها ونزلت.
-بزعيق انتي يازفته انتي عماله اتنيل انادم عليكي مش بتردي ليه؟ وقفت ساكته لم لقتها بتمسح دموعها وبتبص الجهه التانيه قلبها وجعها لم شافتها لسه متخطش حزنها قعدت جنبها علي السرير وحطت ايدها علي شعرها وبحنيه: لسه يا ياسمين
-اترمت في حضنها وعيطت جامد وبعياط: والله ياماما غصب عني مش قادره انسا، انا حبيته اووي، بس هو عمل اي سابني وخذلني!!
-طبطبت عليها وبحنيه. انسي ياحبيبتي وعيشي حياتك وهو والله هيندم انه ضيعك وسابك، ان شاءلله ربنا هيرزقك بـ ابن الحلال اللي بيحبك وهينسيكي كل اللي مريتي بيه.
-وهي منهاره في العياط. لا مش عايزه عشان انا مش حمل وجع تاني، متدعليش الاقي حد ياماما عشان اكيد هسيبني في يوم من الايام وهتوجع عليه، وانا خلاص شبعت من الاوجاع.
_شددت عليها في حضنها وقعدت تطبطب عليها وعيطت علي حاله بنتها، اللي لسه صغيره في عز شبابها اللي المفروض تعيش وتفرح وكفايه عليها اوجاع، بس الدنيا مش سيبها تفرح وعماله توجع فيها.
****************************
-واد يازين اخلص قوم روح شغلك.
-شد البطانيه عليه وبنعاس
.. ماما اطفي النور واطلعي وسيبيني نايم يو*لع الشغل، عايز انام شوي.
-. شدت البطانيه من عليه وبعصبيه
واقسم بالله يازين لو ما قومت، لوريك وش تاني عشان شكلك وحشك ابو ورده.
-قام منطور من علي السرير وبفزع
… ابو ورده، لا ما الطيب احسن انا قومت خلاص ياست الكل جهزيلي عشاء عشان اتعشاء واروح الصيدليه وامري لله. وبصوت واطي ام مفتريه والله
-بتقول حاجه ياروح امك بتبرطم بتقول اي ياواد انت.
-ها ولا حاجه ياحجه بدعيلك ربنا يخليكي لينا ويخلي ابو ورده لكل ام مصريه مكافحه مع عيالها.
-اه بحسب انا هروح اجهز الاكل عقبال متاخد دش وتغير يلا.
-حاضر ياحجه فريره وهكون وراكي
-سابته وطلعت وهو رجع مسك التلفون وبيقلب فيه لاقي البوست حس بوجع في قلبه بستغراب
… هو انا مالي كدا قلبي وجعني بس ممكن عشان حسيت بوجعها، ربنا يجبر بخاطرها ويراضيها يارب..
وحط ايدو علي دماغه بتفكير انا هعلق واكتبلها حاجه يمكن تهون عليها بس بحساب مجهول اشمعنا هي ههههه. ومسك تلفونه يكتبلها التعليق
-احيانا نحب من ليس لنا لان ببساطه احنا قيمتنا الاحسن منهم، واكيد هم ميستهولناش مدام مقدروناش، ومسير الدنيا تبعتلنا اللي هيعوضنا وينسينيا كل الوجع ده وهنفتكر ان كنا غلطانين عشان حبنهم، وياختي سيبك اللي بعد وسابنا هيجيلوا يوم يفتكر دلعنا وشخلعتنا ههههههه، نحن لا نتعوض ولا نستبدل ولا نتعاشر هههههه، بصي هختملك تعليقي بـ ايه من القران ربنا بيقول فيها
(وعسي ان تكرهوا شيئا وهو خير لكم وعسي ان تحبوا شيئا وهو شر لكم) فبالاختصار احنا منعرفش الخير فين والشر فين فثقي في اختيار ربنا وحكمته.
-انت يازفت يازين اخلص عشان تنزل الصيدليه ياخر صبري
-بعت التعليق وقام جري علي الحمام وبمسخره. يالهوووي يالهوووي دي هتعلقني لو دخلت ولقتني لسه قاعد.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احيانا نحب من ليس لنا)
