رواية احلام في عيون وقحه الفصل الخامس 5 بقلم منة محمد
رواية احلام في عيون وقحه الجزء الخامس
رواية احلام في عيون وقحه البارت الخامس
رواية احلام في عيون وقحه الحلقة الخامسة
مايا اخدت عقد ولبسته ووقفت قدام المرايا ولامها: ها ايه رأيك كأنه ليا
اسيا برتباك وقلق: حطيه بسرعه قبل ما احلام ترجع
مايا بشخط: بسألك طالع ازي عليا
اسيا برجاء: يابنتي ابوس ايدك نتكلم بعدين ليه مستعجله يله رجعيه في العلبه
احلام كانت وصلت ودخلت ع غرفه مايا ملقتهاش راحت اوردي ع غرفه اسيا
احلام: مراه خالي ليه باب المدخل مفـ( بترت كلامها لما شافت مايا لابسه عقد امها اتهزت لوهله للحنين والذكريات وطلقائي قربت وحبت تلمسه لكن مايا بعدت ايدها ببتسامه مهزوزه
احلام عيونها دمعت وسألتها: هو ده كوليه امي مش كده
اسيا بتوتر: اه كنت بروق الدولاب وطلعتهم والغبيه دي اخدته مايا رجعي الكوليه
احلام: لاء خليه بجد حلو جدا عليها , كان جميل كدا ع امي ليها صور معايا متصوره وهي ع طول لبساه شكلها كانت بتحبه اوي
مايا برجاء مزيف: اديني الكوليه ده يا احلام كهديه جوازي
احلام ملامحها بهتت ازاي دي حاجه امها ومن ريحتها معقول تهادي بيها
مايا تابعت: اصله عجبني كتير ومن حقي احتفظ بحاجه من ريحه عمتي
احلام نفسها ترد تقولها لاء مش من حقك…. لكن صعب وهما الي اخدوها وربوها وخالها لو عرف ممكن يزعل وهي زعل خالها غالي عندها بتخاف عليه من النسمه لانه عمره ما اساء بحرف جارح ليها من يوم ما دخلت بيته بيعاملها فعلا بنته وبيخاف عليها كتير وبيحترمها جدا جدا
مايا بصتلها بنظرات حاده : حصل ايه, ليه ساكته, اه مش عايزه تدهولي مش كدة
احلام بلعت ريقها بقهر وقالت: لاء مش كده هو عجبك خديه وبعدين سواء كان معايا او معاكي نفس الشئ _ وقبل ما تنزل دمعه يتيمه مجروحه لفت بدهرها وقالتلهم _راجعه
مايا بصت عليها لحد ما اختفت وصقفت بفرحه وجريت ضمه امها وهي مبسوطه وقالت : مش قولتك لك مش هتقدر تفتح بؤها بحرف
اسيا الي اتنهدت برتياح انهم اخدوه العقد بدون سرقه اما احلام دخلت الحمام و دموعها نزلت ووكتمت بؤها بإيدها تمنع شهقاتها علشان ماحدش يسمعها.
……………….قصص منه محمد كاتب………………….
سراج: انا طلبت قرض من البنك وهاخده قريب عطوني امل كبير
اسيا مدت البوز: الجواز مش لعبه عايز فلوس يما, لسه عمايل اكل للعروسه واهلنا الي هيجوا من البلد ومن هنا وهناك و حساب طباخ للهم ده , هو انا الي هقولك
سراج: ليه نعزم من هنا وهناك ايه الداعي نشيل مصاريف زياده احنا نعزم اهلنا القريبين والجيران الي حوالينا وام مروان ست مش بتاعه مظاهر هتعزم القريبين منها
احلام: الشاي ياخالي
سراج: تعيشي يابنتي
اسيا: انا بقولك اهو هعمل فرح لبنتي ملوش زي هو انا هجوزها كل يوم
احلام أأعدت: والله هنعملها فرح ملوش زي يا مراه خالي ان شاء الله , وانا معاكي فرح مايا ملوش مثيل الكل يحلف ويتحالف بليلتها وهنعمل هيصه قبل الفرح بشهر كمان
اسيا بتكشيره: منين ياحسره خالك معهوش فلوس اظن سمعتيه حالا ليه تحرقي قلبي مش كفايه بنتي وافقت ع جوازه فقيره وعاديه ومحدش مقدر تضحيتها وعاملين بس تحسبه الفلوس
سراج قام من مكانه: عمرك ما هتفهمي , ولا يمكن تفهمي, انا الغبي الي بحاول اشاركك مشاكلي
احلام: اقعد بس ياخالي
سراج لف وبصلها وبهدوء: بنتي اعملي الي ناويه تعمليه , معنديش اي مانع , عادتها تنفعل وتتعصب من غير سبب وانا اتأقلمت
احلام بصتلها: ممكن تروقي شويه كل حاجه هتم واحسن كمان
اسيا: اتكلمتي عن الفلوس مع صحابك في المدرسه
احلام: ايوه وبكره هتكون في ايدك اطمني
اسيا شاورت عليها بالسبابه كتحذير: اسمعي متجبيش سيره لخالك فاهمه الي بقوله
احلام ردت عليها بقهر: حاضر
……………..قصص منه محمد كاتب………………
في غرفه المدرسين
رنا: هو انتي ناويه امتي تاخدي اجازه
احلام بصتلها: كمان يومين فيه حاجات كتير لازم اعملها في البيت, المهم طمنيني جبتي المبلغ الي طلبته منك
رنا: جبته وهدهولك لكن فكري ان الي بتعمليه اكبر غلط , معقول هتسدي ده كله منين
احلام: من مرتبي ،خالي ,مش لازم يعرف دي اوامر مراه خالي , وانا مش عايزه مشاكل
رنا: يابنتي احنا ما بنصدق نشيل قرش لينا , تقومي حضرتك تفضلي تسدي عن غيرك
احلام: الحمد لله انه موجود الي نسدد بيه , انتي عارفه محتاجين فلوس يما عشان جوازه مايا
رنا بغيظ: وانتي مش محتاجه فلوس لجهازك
احلام :احنا في الوضع الحالي فيه ضغط كبير ع خالي مش عايزه احمله فوق طاقته ويتعب
رنا :تمام اعملي الي تعمليه , واكتبي عندك مروان مش هيعيش سعيد مع مايا
احلام كشرت بطريقه مضحكه: ليه بس يا فقريه
رنا: عادتهم وطباعهم مختلفه تماما عن بعض
احلام: بس بيقوله ان الي طباعهم مختلفه بينجذبوا لبعض اكتر
رنا: مروان بيرتكب اكبر غلطه في عمره , وهتشوفي
احلام: رنا الكل مبسوط بالعلاقه دي , والكل بيدعلهم, وبأذن الله يعيشوا مبسوطين سوي مروان بيحبها كتير , وده لوحده كفيل يقوي العلاقه
رنا: والحب من طرف واحد مش بيدي غير الوجع والالم , ومفيش فايده غلبت افهمه واشرحله اعمل ايه لو مش مستعد يفهم
احلام: مايا هتتغير الحب له تأثير, جايز حبه ليها يغيرها , وبكره لما تعشريها هتعرفي ان قلبها طيب
رنا بغيظ: ملكيش مثيل في الهبل
…………………قصص منه محمد كاتب…………….
في غرفه اسيا بتفرد في الحاجات واحلام قاعده تلم في الكراتين
سراج بتعجب: منين كل ده انا عمال اسال عايز اجابه
اسيا: دبرنا اللامور , الحمد لله ان كل حاجه جات ع خير , لازم تفتخر وتتباهي اننا قدرنا نشتري جهاز كتير لبنتا , وكله برندات وماركات , العايله كلها هتتكلم عنه ايام وشهور مفيش واحده دخلت بشوار زيها كده
سراج بضيق: كلام العايله كله بسببك, لما تتصلي بيهم وتحكلهم بالتفصيل لازم يحصل كده
اسيا بعصبيه: وليه متبهاش بحاجه بنتي قولي ليه , وهما مفكرين عشان ابوها حيالله حته مدرس هتخش باقل الامكانيات , كلهم كانوا قلقانين يتقدموا لبنتك, شايف كلهم متحسرين ع الي جبناه لبنتنا دلوقت يحسوا بالندم
سراج: عشان كدا بسألك كل ده جه منين, لانك لو قولتيلي انك كنتي محوشه الفلوس دي كلها مش هصدقك
احلام قامت: مراه خالي هدخل الكراتين اوضه مايا
سراج: ردي ع سؤالي
اسيا: بعت دهبي كله متقلقش مستلفتش من حد
سراج بشك فيها: متأكده انك بعتي الخاتمين فجابولك كل ده
اسيا بغضب: قصدك ايه
سراج: دهب ام احلام معاكي ,اياك تفكري تبيعيه ده مال يتيمه فيه عذاب صارم وشديد من ربنا بخصوص اكل مال اليتيم
اسيا: وليه اعمل كده, ليه احلام يتيمه هي بنتي وعمري ما فرقتها عن مايا , ولما يجي وقتها هجبلها زي بنتي واحسن وهتشوف بنفسك
سراج: اتمني تفتكري كل كلامك ده وقتها وتعملي بيه , والي بتعمليه اليوم اسمه اسراف حرام تبذري كدا حرام
اسيا عوجت بؤها: انت ع طول تستخسر فيا فرحتي , وتفضل تبكتني , كل البنات بيجهزوا كده واهاليهم يتفشخروا بالمصاريف لكن انت يباي عليك
سراج اتنهد بعمق وقالها: افرحي
……………قصص منه محمد كاتب……………….
في غرفه مايا احلام دخلت بالكراتين
مايا بنفعال: ما كفايه كل الجهاز هنا هو البيت كله مفهوش اوض تانيه الا هنا فيه سندره كبيره ارمي فيها
احلام بأبتسامه: السندره اتملت كلها بجهازك, اتحملي يومين وبعد كدا هيبقوا في بيتك
مايا: عشان كدا طلبت من مروان بيت كبير , والا كنت هفرش كل ده فين , لكن العقربه امه مش عايزه بيت تاني تخيلي بتخلق مشاكل من الهوي , ولو مفيش مشاكل تمثل المرض
احلام بزعل: عيب تتكلمي كده عنها , هي بتحب ابنها وبتحب الكل
مايا موبيلها رن بصتلها وقالت بسخريه: اتفضلي حبيب امه بيتصل, يظهر طرده من الشغل عشان كدا بيتصل طول الوقت , بجد اتخنقت منه خدي الحاجات دي حطيها فوق الدولاب
احلام ببتسامه: هو بيتصل بيكي كتير عشان بيحبك لازم تفرحي انه مهتم بيكي
ماما لمت شعرها بغرور: العمايل الرخيصه دي تسعد البنات الي مش بيتقدملهم حد , ولا بيصلهم , عشان كدا انا غير , الحركات دي متسعدنيش
احلام حطت راسها لتحت لانها اكيد تقصدها بالكلام
مايا كملت عليها: انا شوفت شباب كتير في الجامعه وكلهم ماتوا اعبرهم (نفخت بملل) خدي ردي قوليله اني نايمه
احلام بتكشيره: قوليله انتي بنفسك الي عايزه, هو مش بيثق في كلامي خلاص, لما بشوفه بيبصلي كأنه هياكلني ,انا قررت مش هروح بيتك , حتي هزورك قليل
مايا حركت عيونها بضجر: اوف لسه بتفكر في الموقف القديم, ايه الاهانه معلش الي حسيتي بيها انتي بتأفوري زياده عن اللزوم
احلام: شايفه انك تردي ع اتصاله
مايا ردت بدون نفس: الو
مروان بسعاده في نبره صوته قال: اخيرا اشفقتي ورديتي عليا , عارفه مشتاق اسمع صوتك, وكل مره اجي فيها بيتكم بيبقي كلي امل اشوفك لمرة واحده
مايا: كلامك مش عاجبني
مروان: ليه بس
مايا: انت عارف بيئتي وتربيتي متسمحش تقولي كده , ولا حتي اقابلك بابا محرج عليا
مروان: اه فهمت انك بتتكسفي وانا الي كنت مفكرك خلاص سيبك
مايا: لاء كمل مفكرني ايه
مروان: انك ربما مش بتحبيني, بصراحه احلام بكلامها خلقت تشوش كنتي هتروحي مني
مايا:مش خلاص الموضوع ده انتهينا منه
مروان ضحك: عارفه من ساعه ما شوفتك اول مره مبطلتش تفكير فيكي , وبتكلم كل يوم مع صورتك , وبقول امتي الايام تجري وتبقي معايا
مايا عوجت وشها بقرف وقالت بكدب : فيه حد بيخبط ع الباب هكلمك بعدين
مروان بص للموبيل انها اغلقت ومايا قالت: اوف الحمد لله اتخلصت منه يباي لزقه
……………قصص منه محمد كاتب……………….
عربيه شيك وكبيره جدا وقفت قدام بيت سراج ونزل منها وخبط ع الباب
احلام فتحت وسألته: مين حضرتك , وعايز مين؟
سلطان:متعرفنيش لكن مايا تعرفني بلغيها ان سلطان جه
احلام : مايا مش في البيت!
سلطان: هترجع امتي؟
احلام: معرفش مقلتليش
سلطان بهدوء: اوكيه هجاي بكره قوللها تستناني
احلام قفلت الباب ودخلت جري ع غرفه اسيا الي كانت بتاخد الدهب كله في كيسه والعلب مفتوحه فاضيه
اسيا قفلت العلب بسرعه: حصل ايه خضتيني
احلام بتترعش: انا خايفه جدا فيه شاب اول مره يجي واشوفه
اسيا وقفت قصادها: مين ده الي بتتكلمي عنه, مين الي جه اكيد جاي يقابل سراج عشان الدروس
احلام: لاء مش جاي يقابل خالي كان بيسأل عن مايا
اسيا: مايا مين ده
احلا: شكله غني اوي , لابس شيك جدا , وراكب عربيه ساده الشارع , وعربيه تانيه فيها بودي جارد يمكن زميلها في الكليه
اسيا: قلتي لمايا عنه
احلا: لاء خليته يمشي
اسيا قفلت حواجبها بستفهام: مين ده ؟ وعايز ايه منها؟ ده فرحها بعد اسبوع , كويس انك خلتيه يمشي , ولما يجي بكره ارفضي
احلام: شكله مش هيمشي بسهوله, افرضي صمم ولا اتهجم ودخل لما ارفض كل شويه, اتكلمي معاه انتي
اسيا: مفيش داعي تخافي , هو يستجري يتهجم ويدخل بالعافيه, انتي ارفضي لو خالك عرف هيفضل يسألني كتير ومش عايزه اخلق مشكله جديده
احلام بسعاده: الله طلعتي دهب امي تاني لما اشوفه
اسيا مسكت ايدها وبزعيق: بتعملي ايه , هو ده وقته , غيري هدومك وتعالي معايا للخياطه نجيب الهدوم الي فصلتها لمايا
احلام بحزن: حاضر
اسيا بتنبيه: اسمعي اوعي تجيبي سيره عن الشاب ده قدام سراج , ولا مايا , هسألها عنه بنفسي سامعه
احلام: حاضر
اسيا: يله شهلي لنتأخر
……………….قصص منه محمد كاتب……………..
احلام دخلت: عايزني يا مراه خالي
اسيا: ايوه رايحين انا ومايا مشوار نشتري شويه حاجات, شغل البيت مش بيخلص
احلام: كله هيخلص متقلقيش انا اخدت اجازه من المدرسه
اسيا: طيب خالك في البيت اعمليله كوبايه شاي, اسمعي لو جه الشاب قوليله ان مايا هتتجوز ومش هتقدر تقابل حد , لو مشي محبط مش هيرجع تاني , نادي مايا اتاخرنا
احلام سلمت عليهم وقفلت الباب وراحت تعمل كوبايه الشاي لخالها الباب خبط مسحت ايدها وطلعت فتحت لقته سلطان
احلام بجديه: مايا مش موجوده احسن لك تمشي
سلطان مسك الباب: متكذبيش عارف انها جوه ابعدي وهشوف بنفسي
احلام حاولت تجاهد تحكم في علو صوتها وردت بكل هدوء: انا مش بكدب , وبقولك هي مش هنا راحت مع امها تشتري حاجات , ومش ممكن تقابلك جوازها كمان اسبوع
سلطان :الجواز فهمت عشان كده مش بترد ع مكالماتي طب بلغيها وقوليلها مش هسمحلها بالجوازه دي تتم
احلام قفلت الباب وراه بسرعه وقلبها طلع من الخوف..!!!
سراج طلع سالها: مين كان ع الباب يابنتي
احلام وقع قلبها من الخوف وبرتباك: العيال رنوا الجرس وهربوا
سراج وهو طالع للخارج بعصبيه: انا هتكلم مع اهاليهم واشوف حكايتهم
……………قصص منه محمد كاتب…………….
في المول واقفه تفر في الاستاند الماركه
مروان بيضرب بعينه لمحها راح عليها: مايا بتعملي ايه, بجد صدفه جميله انا سعيد اوي اني شوفتك مش مصدق عيني
مايا ببرود: ليه مش مصدق عادي الناس بيتقابلوا في المحلات
مروان: اه لكن الي بتدور عليه العين لو شافتهم في الطريق بتكون لحظه محظوظه شفتي اشترتلك ايه فستان افتحيه وشوفيه هيجبك جدا
مايا: لا بليز
مروان :اوكيه نقعد
مايا بعجرفه: نقعد فين هنا ماما معايا وهنمشي بسرعه
مروان :حماتي معاكي طيب اروح اسلم عليها تعالي
مايا نفخت بزهق :يخربيت غلاستك
مروان سلم ع اسيا وصمم انه يوصلهم لحد البيت ودخل
اسيا :من حسن حظي اني لقيتك كانت معانا شيل كتير انا ومايا كنا نعين الهم هنطلع لسه ندور ع عربيه
مروان بحترام وذوق: كنتي حضرتك بلغيني قبلها كنت جيت اخدكم بنفسي
احلام قدمتله كوبايه عصير بصلها واخدها منها بالعافيه وهي وشها احمر من الإحراج
مروان كمل لاسيا: لو عوزتي اي حاجه بلغيني هكون سعيد جدا
اسيا :وليه لاء هقولك, احلام امال فين خالك ومايا
احلام : مايا عندها صداع راحت اوضتها وخالي طلع عنده درس
اسيا :طب اعملي شاي لمروان وبعدها حضري الغداء لينا كلنا
مروان قام :مفيش لزوم للشكليات, انا همشي رنا وجوزها مستنيني هبقي اجي اتغدي مره تانيه
اسيا :زي ما تحب , احلام وصلي مروان للباب
مروان عيونه علي احلام بنظرات مهلكه: مفيش داعي عارف السكه
اسيا: لا ميصحش لازم توصلك , اتحركي معاه
احلام مشت قدامه : اتفضل اوصلك
اسيا: اه دقيقه يابني اظن لسه فاكر وعدك عن البيت , دي رغبه مايا ان يكون لها بيت كبير في منطقه نائيه متنساش
مروان مبتسم: متقلقيش اطلاقا فاكر وعدي , وهتتجوز في بيت بنفس المواصفات الي حددتها
اسيا بفرحه ظهرت ع وشها: بجد, امشي انت اتأخرت ع اختك
احلام ماشيه جنبه: ماما سلوي عامله ايه بلغها سلامي
مروان رد بنبره كلها تريقه : بتمثلي احيانا
احلام: ايه مش فاهمه
مروان لف وبصلها: تدي انطباع عن اخلاقك الحميده وبعدها , انسي
احلام: كمل كلامك
مروان: لو كملت هتزعلي
احلام: الكلام الناقص بيزعل اكتر لانه بيكون اكتر معني فكمل
مروان: هو ده طبعك الي مش بحبه , ولا بحب حد يدخل في شؤن غيره
احلام حركت ايدها بانفعال: اللانطباع الي اخدته عني مش هبررهولك, لكن اسمع انا محترماك بس عشان مايا ولااحسن لنا نفضل محافظين ع الاحترم ما بينا
مروان بحده :وانا مش هحافظ عليه لان الي عملتيه معايا مستحيل انسهولك ابدا, كنتي عارفه ان بحب مايا كتير برغم كده حاولتي محاوله قذره تنهي علاقتنا
احلام انقهر ت من كلامه واتهامه الي من غير داعي وردت بنرفزه: وليه هعمل كده ليه
مروان بصلها بنظرات شرزه: لانك بتغيري منها , بتحزني لما تشوفيها سعيده , وهي عشان عاقله وضحت سوء التفاهم لاقدر الله لو انتهت علاقتنا بسببك , كنت هنتهي, افهمي انا بحبها حب من غير حدود لكن انتي مش بتفهمي غير الحقد والحسد وبس
احلام حست نار قايده جواها دخلت بكل غضبها جريت ع غرفه مايا دفعت الباب بإيدها وقربت منها وزعقت: لحد هنا وكفايه هو مروان مفكرني ايه, انا بلغته كلامك ليه مهنش عليكي توضحيله, بجد الانسان ده مبقتش قادره اتحمله , كل ما يشوفني يتكلم معايا بحقاره, كأني ارتكبت جريمه , وبقولك لو استمر كده هنتخانق انا وهو كتير
مايا فضلت واقفه في مكانها وعيونها ونظراتها مثبته في الفراغ كأنها مش سامعه احلام
احلام شدتها من دراعها وصرخت بجنون: انا بتكلم معاكي
مايا بصتلها بنظرات حاده: ليه ما قولتليش ان سلطان جه من يومين _ ضربتها في صدرها بقسوه_ قاصده تخبي مش كده
احلام وشها اتغير من الخوف لما شافتها لابسه فستان قصير احمر ومسيباه شعرها وحاطه ميك أب صارخ شكت إنها رايحه تقابل سلطان ومن هنا هتقوم حرب بالتأكيد
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احلام في عيون وقحه)
