رواية احلام في عيون وقحه الفصل الخامس والعشرون 25 بقلم منة محمد
رواية احلام في عيون وقحه الجزء الخامس والعشرون
رواية احلام في عيون وقحه البارت الخامس والعشرون
رواية احلام في عيون وقحه الحلقة الخامسة والعشرون
ع التلفون
اسيا بضحكه: الحمد لله ان ربنا عطاكي النعمه الكبيره دي مش قادره اقولك انا فرحانه ازاي من زمان مستنيه الخبر ده وربنا استجاب لي
مايا بقرف: بتقولي ايه بتتكلمي كأني متجوزه من خمستاشر سنه ومخلفتش انتي افورتي وقفلتي حقيقي مزاجي
اسيا كشرت: خلاص متتعصبيش في المناسبه السعيده دي , انا قلت من فرحتي مقصدش قوليلي اهل جوزك فرحانين
مايا عوجت بؤها بكل برود وكأن الكلام مش عاجبها : اممممم
اسيا: طبعا يفرحه ربنا يحفظك من العين الحسوده الحقوده واحسن انك اخدتي الفلوس من مروان هما معاهم كتير اراهن ع قلبهم اد كده , غير كدا الوليه العجوزه دي مش مضمون هتغيش قد ايه سيطري ع الوضع الفلوس من حقك
سراج دخل وبستفهام: فلوس ايه الي بتقولي عنها
اسيا قفلت السكه وقالت بتوتر: ابدا بوعيها تحافظ ع القرش عشان العيل الي جاي
سراج: الحمد لله ده انا خفت قلت فلوس ايه دي, وبعدين انتي ليه شايله الهم كل عيل بيجي برزقه
اسيا: مقلتش حاجه بس مايا غبيه وعصبيه عشان كدا بتظهر وحشه قدام الناس ده كل الموضوع
سراج: عصبيتها ده مش اكبر عيبها , عيبها هو انانيتها مش بتتحمل تشوف حد فوقها ولا تسيبه يطلع , ادعلها تتغير بعد ما تبقي ام
اسيا: هي معذوره عدت بفتره صعبه جوازها من سلطان كان حلم مزعج بالنسبه لها
سراج: واتجوزت تاني وربنا كرمها وعوضها بفضل الحجا سلوي واحلام
اسيا : ونسيت كمان مايا قدمت معروف كبير لاحلام لو مرفضتش مروان مكنتش هتتجوزه وانت عارف ان وجود شاب كويس بقي صعب وكان زمانها قاعده مخلله هنا طول عمرها
سراج بغيظ : مروان مقدر لاحلام واخدته . قوليلي مايا عملت ايه بأنيتها, ياتري فكرت في احترامنا ولا سمعتنا مسبتناش نقدر نواجهه حد انا مستحيل انسي الي عملته ابدآ
اسيا في سرها: انسان جاحد مش فرحان بسعاده بنته وطول الوقت يصطاد الاخطاء في تصرفات مايا فيه حد لكل حاجه
………….قصص منه محمد كاتب…………….
احلام ماسكه علبه شوكولاته: مبروك يا ابيه انور ليك ولمايا وانتي كمان مبروك يا ماما
انور بابتسامه كلها فرحه: الله يبارك فيكي
احلام: ماما لازم تدوقي من الشيكولاته
مايا قامت وخطفتها منها بغل: بتعملي ايه معرفش امتي هيبقي عندك عقل لو عطيتيها حاجات مسكره هتروح المستشفي هو انا لازم افهمك كل حاجه
سلوي بحده: فيه ايه اهدي شويه دي اختك الصغيره وفرحانه عشانك
انور بحرج: ماما عندها حق متتعصبيش طول الوقت وخاصه في حالتك لازم تاخدي بالك ارجوكي
احلام : خلاص هي كلامها صح لازم اهتم بالمناسب لماما ومن فرحتي نسيت
مايا بسخريه: مفيش داعي تمثلي انك طيبه زيادة عارفه حبك وفرحتك مزيفين اكيد جوه قلبك حقد وـ نار لان معندكيش اطفال ولحد دلوقت محرومه من السعاده ( بصت للسقف وقالت) يارب احفظ لي سعادتي من عنيها المدوره
الكل سكت الكل فجأة والأنظار راحت لاحلام الي نزلت عيونها فالأرض ومايا مشت من المكان!
مروان داخل مستغرب: فيه ايه مالها ماشيه متعصبه
انور بصله مكسوف من افعالها واحلام مسحت دموعها وسلوي اتنهدت بقهر
مروان: حصل ايه يا احلام ماتقولولي حصل ايه
احلام مشت بسرعه وانور اتحرج جدا وقام وراح انفعل ع مايا واهانها
………….قصص منه محمد كاتب…………..
سلوي: انتي بتديني علاج كتير زي ماكون هعيش الف سنه
احلام:ربنا يطولنا في عمرك الفين سنه مفيش اهم منك عندي
سلوي مسكت ايدها : اقعدي قدامي يانور عيني
احلام: قولي ياقمر حياتي
سلوي بنظرة حنونة: نفسي اعملك حاجه وانقذك من حقاره مايا واقف قدام حقدها وغيرتها وكراهها زي الدرع لكن امك بقت ضعيفه متقدرش تعمل حاجه
احلام والدموع معلقة بعيونها : حبيبتي بي ليه بتقولي كده انا اتعودت ع طبعها ومش بضايق منها
سلوي : كراه مايا بقي بطريقه جنونيه واليوم زادت في وقاحتها كانت قاصده من كلامها الحقير تجرح قلبك بدل ما تشكر نعمه ربنا بس غرورها وكبرها طالوا السما وثقي بالله المال والبنون اختبار من الله بيمتحنا انه يدينا او ميدناش السعاده الحقيقه في الرضا بمشيئته وانا مش عايزكي تيأسي ابدا
احلام أبتسمت بهدوء رغم من جواها جروح بتنزف : تمام متتكلميش كتير استريحي اقولك هنام الليله جنبك
سلوي :لاء يا حبيبتي سناء بتهتم بيا كتير متقلقيش عليا ابدا ونامي في فرشتك
احلام أترسمت أبتسامة خفيفة على شفايفها : اوكيه زي ماتحبي لكن دلوقت استريحي
…………..قصص منه محمد كاتب………………….
مايا قعدت تعيط وتعصر عيونها لحد ما انسابت الدموع
انور حاول يهديها: خلاص وقفي عياط اظن انفعلت واعتذرت ارجوكي اتراضي اوعدك مش هعمل حاجه تجرحك مره تانيه
مايا ببكاء : بعد ايه بعد ما سمعت بيا البيت واهانتني عشان احلام ده بدل ما تقف في صفي وداني صدعت من مدحها وهي خبيثه جدا بتلف حواليكم وتظهر طيبه
انور حط ايده ع كتفها: ارجوكي كفايه ليه تزعجي نفسك كدا الدكتور قال ممنوع الانفعال عشان الجنين متتعصبيش كده ومستعد اعمل اي حاجه تقولي عنها
مايا مسحت دموعها: ماشي خليك قد كلامك واطرد مروان واحلام من البيت
انور بصدمه : انتي قلتي ايه
مايا: بقول ان ده بيتي مش من حقهم يعيشوا فيه
انور مش مستوعب وبعد صمت : مايا انتي عارفه انتي بتطلبي مني ايه
مايا: اه عارفه ومش طايقه اتحمل وجودهم هنا يا انور
انور حرك دماغه برفض: لاء يا مايا مقدرش اعمل كده مقدرش اخويا يروح فين انا بعت البيت زي ما قلتي والا كانوا عاشوا هناك وانا جبتهم هنا
مايا: هو البيت هنا مفيش غيره عشان يعيشوا فيه ياخدوا شقه ايجار في اي مكان انا مش طيقاهم ويخرجوا في خلال الاسبوع ده, وده قراري الاخير
انور: حاولي تفهمي متكربسيش الدنيا علينا ماما صحتها اتحسنت بصعوبه مش عايزها تتعب تاني ولو مروان ساب البيت هيحصلها انتكاسة كبيره اظن عارفه هي متعلقه بيه ازاي اتكلمي في اي موضوع تاني وانا مستعد وجاهز انفذ اي حاجه لكن ده لا، وده قراري النهائي
مايا جزت على أسنانها: انور
انور رقد على السرير وحط دماغه على المخدة ولف نفسه باللحاف : سبيني انام عندي شغل الصبح
مايا حدفت المخده عالأرض وفضلت تعصر في دماغها وتفكر تعمل ايه عشان تخلص من مروان وحبه الكبير لاحلام لحد ما قامت طالعه من جناجها بخطوات واسعه وعيونها مليانه شر
…………قصص منه محمد كاتب………………
سلوي: كفايه يا سناء اكيد تعبانه طول اليوم
سناء وهي بتدلك رجولها وقالت بأبتسامة : مش تعبانه مكنش فيه شغل كتير في المطبخ اصل ست مايا حطت حساب ع كل حاجه كنا الاول بنعمل اكل كتير والست احلام نافسها كان جميل وكانت بتطلع منه للناس الغلابه بس دلوقت خلاص
سلوي تقوم وتتعدل بذهول:يعني احلام مش بتطبخ دلوقت, وليه مقلتليش
سناء: المسكينه مش بترضي تقول حاجه لحد , ست مايا منعتها تطبخ اي اكل من شهر والغلبانه مش بتحب تعمل مشاكل
سلوي: بس انتي بتجيب لي لحمه وفراخ كل يوم
سناء: ايوه اصل سي مروان اشتراه بنفسه والست احلام بتطبخلك منه الست مايا قالت قدامي صريحه انها مش هتسمح لحد يضيع فلوس جوزها شمال ويمين هو سي انور جوزها وبس وطالما اخدها يقطع علاقته بأهله
سلوي بقهر: لما تبقي مراه الابن وحشه بتقطع العلاقه وبتنسي صله الرحم كمان ويبيقوا اغراب عن بعض بصي لاحلام بحس انها معانا من سنين
سناء: اسم الله عليها ربنا يحميها طيبه وحنينه واميره ملهاش زي
سلوي: الوقت اتاخر يله روحي نامي
سناء : الاول اشقر ع المطبخ اشوف لكون نسيت حاجه واتبهدل الصبح , وبالمره اجبلك ازازه ميه لو عطشتي بالليل
سلوي : ماشي
…………….قصص منه محمد كاتب……………..
حرك مروان دماغه وهو كل ثانية ياخذ نفس ويخرجه بقهر.. لما احلام حطت ايدها على بؤها وهي بتحاول ما يطلعش صوت لشهقاتها والدموع على خدها ماوقفتش..كان واجب عليها تسمع التجريح وتسكت..تسمع وتدوس على قلبها الدامي وممنوع يطلع لجرحها صوت ويزيد ذلها ذل
مروان بصلها وهو متعصب ووشه محمر : بعد ما يتحسن وضع امي هنمشي من البيت اه لو في ايدي اخدك اليوم ونمشي من هنا مين هي عشان تتكلم معاكي كده, مين هي عشان تعاملك كده بكره هشتكي لـ اخويا
احلام بدموع: متتعصبش يامروان كل واحد بيتكلم ويتعامل حسب تربيته واخلاقه متقولش حاجه لحد وربنا يحلها لما امي صحتها تتحسن
مروان بنفعال: هي عمرها هتتحسن في الجو ده هي متعمده تمرضها اكتر
احلام : طيب نروح فين معندناش البيت الي كانت ماما بتحبه
مروان: هدور ع شقه في اي حته نصيبي من الفلوس الي هيدهالي انور يجيب لي شقه صغيره
احلام: هو انت معتقد انه اصلا هيديك
مروان: اكيد ده حقي وهو اخويا مش زي اختك اناني وطماع هو باع البيت بأس منها هيديني اكيد واستني وهتشوفي
احلام رجعت دماغها لوري ورفعت راسها للسقف ونزلت دموعها
مروان حط ايده على شعرها ورد وهو بيمسح عليه : احلام انا مش قصدي احرجك بس بجد غصب عني عصبتني النهارده , مايا دمرت حياتنا والله اعلم هتعمل ايه بعد كده
……………قصص منه محمد كاتب…………..
سلوي واقفه بدهرها بتعدل ملايا السرير حست بحد دخل لفت وقالت لها: جايه ليه دلوقت
مايا دخلت وأأعدت على الكرسي بقوة : بصراحه عايزه اقول حاجه مهمه متقلقيش مش هاخد وقت طويل هو طلب بسيط
سلوي لفت وشها وبدون نفس: قولي عايزه ايه؟!
مايا تحط رجل على رجل : قولي لمروان واحلام يمشوا من البيت بالعربي كده مش عايزنهم معانا
سلوي بصتلها بعصبيه: انتي في وعيك , مين انتي عشان تطلبي ان مروان يمشي, ده بيته كمان فاهمه ولا مش فاهمه
مايا رفعت حاجب : ومروان مش هيفضل في البيت بسبب كلامك، ده بيت انور وانا مراه انور والبيت لينا انا وهو وبس والباقي عايشين كدا عاله علينا وبالعافيه
سلوي: مفيش داعي لقله ادبك متفكريش احترامي وتربيتي نقطه ضعفي انا اتحملت منك كتير اطلبي انور ونتكلم قدامه ونشوف مين هيمشي من البيت( بصرخة ) انور يا انووور
سلوي كحت جامد لما ثارت في وشها ومقدرتش تكمل وهي زقتها ع السرير
مايا ضحكت: اقعدي حتي معندكيش جهد ليه تأذي نفسك عارفه انك مش هتعمليلي حاجه ولازم تقبلي ان البقاء للاقوي في البيت هنا وانا الاقوي ( صرخت تقلدها بتريقه ) انور ياانور ضحكت بستفزاز _ ايه ده
سلوي ماقدرتش تتحمل أسلوبها الوقح : غوري من هنا غوووري مش عايزه اشوف خلقتك هفضحك قدامهم حالا
مايا بأنفاس شيطانيه : الصبح هتقولي لمروان واحلام يمشوا من هنا والا هستخدم الخطه التانيه هتهم مروان اتهام يجبره يمشي من البيت وانور مش هيتأخر لحظه واحده عشان يصدقني لانه عارف ان مروان كان عايزني انا مش احلام حبك ليهم هيغرقه في الوحل وانور شخص غيور جدا معرفش ممكن يعمل ايه مع مروان سمعتي الناس بيقوله ايه ومش هيحصل غير الي انا عايزه ياحماتي وانتي ضعيفه وعجوزه سمعتي الي قولته باي
سلوي الدموع نزلت بقوة وأنهارت لدرجه الضغط ارتفع وملامحها اتغيرت ومالت للون الازرق وعيطت بشكل هستيري
سناء دخلت وهي ترجف بخوف: حصلك ايه هتصل بسي مروان يجيب دكتور
سلوي بصوت طالع بالعافيه : لاء مش عايزه دكتور سمعتي كلام مايا
سناء : ايوه سمعته
سلوي بتاخد نفس بالعافيه: خليكي شاهدة قولي لاحلام تمشي هي ومروان تمشي بسرعه من هنا مهما حصل يمشوا من هنا هتقوللهم وصيتي اوعديني
سناء بدموع: اهدي يا ست سلوي كله هيبقي كويس وهنمشي كلنا من هنا
سلوي جسمها رخا وفضلت تردد الكلام بصوت واطي وأنفاسها تتخنق قهر لحد ما عيونها غمضت بدون حركة وسناء صرخت
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احلام في عيون وقحه)
