رواية احفاد البارون الفصل الأول 1 بقلم كاميليا حسن
رواية احفاد البارون الجزء الأول
رواية احفاد البارون البارت الأول
رواية احفاد البارون الحلقة الأولى
انتي متخيلة أن مراد بيه رجل الأعمال المشهور صاحب اكبر شركات في مصر والوطن العربي
وضحك بسخرية وكمل
_ هيوافق اني اتجوز بنته
_يوسف انا كلمتو وهو وافق يقابلك . تعالي قابله مش هتخسر حاجة
“بعصبية
_وانتي فاكرة انو عايز يقابلني عشان يقولي انو موافق على جوازنا
_امال هيكون وافق يقابلك ليه
_انتي المفروض تكوني عارفه اكتر مني .. ابوكي استحالة يوافق عليا افهمميي بقااا
_فيه ايه يا يوسف . ايه اليأس ده من أمتي وانت كدة
_ علشان دي الحقيقة ال انتي عرفاها بس مش عايزه تقتنعي بيها
_وانت مقتنع
_يوسف انت بتحبني ولا لأ؟
_ايه السؤال ده
_جاوب عليا لوسمحت
_انتي عارفه اني بحبك ومحبتش في حياتي غيرك
“اتكلمت بزعل
_مش باين . لو بتحبني مش هتستلم بسهولة كدة
_ عايزاني اعمل ايه
قامت وقفت
_متعملش حاجة يايوسف . انا أسفة اني بضغط عليك .. عن اذنك
وسبته ومشيت
………..
تاني يوم
كان قاعد في مكتبه بشموخه وهيبته القوية
السكرتيرة خبطت ودخلت بعد مااذن لها بالدخول
_مراد بيه في واحد بره اسمه يوسف رمزي
_خليه يدخل
خرجت وقالتله
_اتفضل مراد بيه مستنيك
هز راسه ودخل وهو متوتر جدا
شاورله على الكرسي اللي قدامه
_اتفضل
قعد بارتباك وفضل ساكت
بعد دقايق من الصمت
يوسف انتبه على صوته الحاد وهو بيقوله
_ انتا جاي تسمعني سكوتك .اتكلم يابني انا مش فاضي
اتكلم بتوتر
_انا طالب ايد الانسة ندي. بنت حضرتك
_انتا تعرف ندي منين
_احنا كنا مع بعض في الجامعة
_انتا بتشتغل ايه
_عندي ورشة ميكانيكا
_امم وانتا شايف انك تقدر تعيشها في المستوى ال هي عايشه فيه
_انا هحاول بقدر الإمكان أن اعيشها عيشه مرتاحة
اتكلم ببرود وثقة
_ مش هتقدر ..انتا عارف ندي بتصرف كام في اليوم.. طيب هتعرف توفرلها مكان تعيش فيه زي ال هي عايشه فيه دلوقتي
_انا اكيد هشتغل وهكبر وساعتها هقدر اوفرلها اي حاجه ممكن تحتاجها
_ برافو عليك بيعجبني الناس اللي زيك اللي عندهم طموح
وقبل مايوسف يتكلم مراد كمل
_ بس انت لسه في البداية والمشوار قدامك لسه طويل
انتبه لمستقبلك احسن وسيبك من الجواز دلوقتي . كون نفسك الاول انت لسه صغير .. بص يايوسف _مش يوسف بردو
_ايوا حضرتك
_انتا اكيد يهمك مصلحة ندي
_طبعا
_وانت اكيد عارف ان مصلحتها مش معاك
وقبل مايوسف يتكلم
_ عشان كدة ندي هتتجوز ابن عمها
اول ماسمع كدة قام وقف واتكلم بشجاعة ممزوجة بعصبية ومن غير مياخد بالو صوتو علي
_بس انا وندي بنحب بعض وانا مش هتناز……
اتكلم بغضب
_انتا اكيد سمعتني كويس ندي هتتجوز ابن عمها وانت هاتبعد عنها
وكمل بتحذير
_ولو عرفت انك قربت منها بعد كدة أو حاولت تكلمها ساعتها انتا عارف ايه ال هيجرالك علي ايدي
وبعدين شاورله علي الباب
_اتفضل
……..
عند ندي كانت بتحاول تكلم يوسف بس مكانش بيرد عليها باعتتلو رساله وبردو مردش وحاولت تكلم باباها هو كمان مش بيرد
بعدين اتصلت علي تليفون الشركة السكرتيرة ردت وقالتلها انا باباها في اجتماع
اتكلمت في نفسها
هيكون ايه اللي حصل . اكيد بابا رفضو
فضلت مستنية باباها لما يرجع
في المساء
ندي كانت رايحه جايه في اوضتها وهي قلقانة وخايفة
بنت عمها كانت قاعده معاها
_اهدي ياندي اكيد خير
_لأ انا مش متطمنة يوسف مش بيرد عليا اكيد بابا رفضو
قاطعهم صوت عربية باباها
_دا صوت عربية بابا
وخرجت من الاوضة ونزلت تجري على تحت
قابلت باباها وهو داخل
_بابا كلمت حضرتك كتير
_كنت عايزة ايه
بلعت ريقها واتكلمت بتوتر
_حضرتك قابلت يوسف
_ايوا
_ووحضرتك قولتيلو ايه
_قولتلو انك هتتجوزي ابن عمك
بعصبية
_لييه يابابا حضرتك عارف اني مش موافقة علي ياسين واني بحب يوسف
مسكها من دراعها بغضب
_ اللي قولته هيتنفذ هتتجوزي ياسين وهتنسي الواد ده خالص .انتي فاهمه
_لأمش فاهمه . انا هتجوز يوس..
مكملتش الكلمة وفي ثانية كانت واقعة في الأرض من شدة القلم اللي نزل علي وشها
مامتها نزلت على الصوت واول ماشافتها واقعة جريت عليها بلهفة وقومتها وخدتها على اوضتها
_ايه بس اللي حصل
اتكلمت بعياط
_رفض يوسف يا ماما
_طيب انتي عارفة انو كدة كدة هارفضو .ايه الجديد
_انتو ليه مش قادرين تقتنعو اني بحبو .. كل ده عشان ايه . عشان فقير . انا موافقة . موافقة اعيش حياتي معاه علي كدة . دي حياتي وانا حرة فيها .
_بيتهيألك مش هتقدري ..صدقيني ابوكي عارف مصلحتك
_وانا مش صغيرة وعارفة مصلحتي كويس ..وماتلمونيش بقا في اللي هعملو
اتكلمت بشك
_تقصدي ايه
_ولا حاجه ياماما
……..
تاني يوم بالليل ندي كانت واقفة قدام شقة يوسف ومعاها شنطة هدومها
يوسف اتفاجأ اول ما فتحلها
وقبل ميتكلم يوسف اتكلمت هي
_انا هربت
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احفاد البارون)
