رواية احببت وكيل النائب العام الفصل الرابع عشر 14 بقلم أسماء عطاالله

رواية احببت وكيل النائب العام الفصل الرابع عشر 14 بقلم أسماء عطاالله

رواية احببت وكيل النائب العام الجزء الرابع عشر

رواية احببت وكيل النائب العام البارت الرابع عشر

رواية احببت وكيل النائب العام الحلقة الرابعة عشر

عمر: بس ايه يا سليم لو شتفها دلوقتي قمررر 18 سنه بس ايه جمال ورقه وانوثه مشوفتهاش قبل كدا بصراحه تستاهل كل خير والله بس يا خساره اختك
سليم بغيره عشان خاطر اخته اللي هو ميعرفهاش:عمرر اختي برااا اللي بينا
عمر:اختك مش من شويه كنت مقطوع من شجره
وبعدين احنا ايه اللي بينا بقا
سليم:اللي بينا حقي اللي هاخده من اخوك وكيل النائب العام اللي دخلني السجن عشان يخلص مني والسوق يبقا ليك لوحدك
عمر وهو ماسك في سلييم:انت دخلت السجن بسبب عاميلك السودا وشغلك اللي كله شمال ابعد عن احمد احسنلك
ويلا وريني عرض كتافك ومتنساش تسلميلي علي فارس اصيل الواد فارس ده صاحب صاحبه
سليم طلع من مكتب عمر بكل غضبه ومكنش شايف قدامه
ياسمين كانت واقفه في الممر وشافته :سليم كان عند عمر
راحت علي مكتب عمر
ياسمين بلهفه: عمر سليم كان بيعمل ايه هنا
عمر بابتسامه:انت بتعملي ايه هنا هو انت مش فرحك كمان اسبوع جايه الشركه ليه
ياسمين بكسوف: والله انا مش عارفه عمو سيف مستعجل كدا ليه دا احنا حتي لسه مجيبتش الفستان ولا هنعمل الفرح فين
عمر وهو بيقرب منها لحد ما خبطت في الحيطه وحاوطها بايده
عمر بحب:الفستان انا اختارته خلاص
اما الفرح بقا هنعمله في الفندق بتاعنا
ياسمين بزعل:يعني ايه يعني اختارت الفستان وانا ايه ماليش رأي طب انا عاوزه اشوفه
عمر:هتشوفيه كمان اسبوع
ياسمين:لا ياعمر والله لازم اشوفه دلوقتي
عمرقبلهامن خدها واتكلم وقال:عمر الانصاري مبيرجعش في كلامه
ياسمين بزعل: ماشي بعد اذنك بقا
عمر:هوانت زعلتي عشان مش هتشوفي الفستان
ياسمين بدموع:ايوا يا عمر انا زعلانه منك
عمر:زعلانه مني طب انا اروح فين لما انت تزعلي مني
ياسمين:طب انت مش عاوزني اشوفه ليه
عمر:مفأجأه
ياسمين بتوعد:ماشي بس والله لو م عجبني ما انا متجوزاك يا عمر
عمر:هههههههه هو انت تطولي اصلا
ياسمين بتكبر:ايه يا حبيبي قولت ايه هي مين دي
عمر بابتسامه: قولتي ايه وبدأ يقرب منها
ياسمين:مش عارفه بس انا انا
قاطعها عمر بقبله من شفايفها
ياسمين: ابعد يا عمر
عمر بعد عنها بصعوبه واتكلم وقال: روحي يا ياسمين علي مكتبك دلوقتي
ياسمين طلعت من مكتب عمر وراحت علي مكتبها
عمر:ايه اللي انا عملته ده اكيد زعلت
عند سليم كان وصل بيته
فارس كان قاعد مستنيه
عملت ايه يا سليم مع عمر
سليم بالبوكس في وش فارس بيسلم عليك
وراح عليه ومسكه من هدومه:بعتني بكام لولاد الانصاري يا فارس
فارس باسغراب:بيعتك هو في ايه يا سليم
سليم بعصبيه:عمر عرف باختي منين يا فارس ومفيش غيرك يعرف الموضوع ده
فارس:انت شايف ان انا ممكن اعمل كدا يا سليم
سليم:اومال مين اللي عملها دفعلك كام يا فارس
فارس:كتر خيرك يا سليم بيه بس مش انا اللي ابيع صاحبي
عمر قدر يزرع الشك ما بينا
وسابه ومشي
سليم بدأ يكسر في كل حاجه حواليه: ماشي ياعمر
وطلع فونه واتصل علي احمد
سليم بنبره كلها حده:اسمع بقا يا باشا ولو حابب تسجل سجل يلا عمر لو قرب من اختي مش هسمي عليه و هقتله
احمد:تقتل مين يلاه انت اتهبلت
وبعدين اخت مين هو انت ليك اخوات اصلا
سليم قفل الفون في وش احمد
احمد بعصبيه:ابن الكل****ب بيقفل في وشي
واتصل علي عمر
عمر كان في اجتماع ومش بيرد
احمد في نفسه يا تري عمر عمل ايه ومين اخت سليم دي اللي انا معرفهاش
عند اسماء في البيت
كانت هي ومنه قاعدين
اسماء:منه ما تخليكي قاعده معايا يومين والنبي
منه بفرحه:ماشي هروح اجيب حاجتي من البيت واجي
اسماء بفرحه:ماشي هستناكي
ونزلت منه وراحت علي بيتها
والده منه:انت بتلمي هدومك ورايحه فين
منه:رايحه عند اسماء هقعد معاها يومين
والده منه:يومين و واخده الشنطه دي كلها
منه:لا ما انا ناويه اقعد معاها اسبوع
والده منه:من شويه كانوا يومين والله انت ما عندك دم
منه:شكراً يا ست الكل بعد اذنك بقا عشان الحق الغداء عندهم مكرونه بشاميل انهارده
والده منه:مخلفه بقره يارب صبرني
منه بدهشه:بقره طب والله ما انا راجعه البيت تاني ورقتي توصلني
ونزلت جري وهي بتضحك
والده منه: ههههههههه الله يكون في عونه اللي هيتجوزك
عند سليم كان راكب عربيته وبيسوق بسرعه
ومنه بتعدي الطريق
سليم وقف العربيه مره واحده
منه:الله ايه الحلاوه دي ووقعت نفسها قدام عربيه سليم
منه بتصنع العياط:اه يا رجلي اه
سليم نزل من العربيه: حصلك حاجه
منه في نفسها يخربيتك دا
انت زي بتوع الروايات
منه بعياط اكتر:كسرتلي رجلي حرام عليك
سليم:طب تعالي اوديكي مستشفي
منه: اه ما انت هتوديني المستشفي وتعالجني علي حسابك كمان
سليم:طب يلا قومي
منه: واحده رجليها تقريبا اتكسرت هتمشي عليها ازاي
سليم نزل للارض شالها وراح حطها في العربيه
سليم سايق العربيه
منه:هو انت اسمك ايه
سليم:م بيرد
منه:طب عندك كام سنه
سليم:م بيرد
منه:طب بتشتغل ايه
سليم:م بيرد
منه في نفسها:ايه البرود ده
قاطعها رن فون سليم
سليم بحده:برن مبتردش ليه عاوزك تعرفلي فارس فين
وقفل الفون
منه:ايه ده هو مفكر نفسه مين
وبعد شويه كانوا وصلوا المستشفي
وشالها ودخل بيها
وجيه دكتور يكشف عليها
الدكتور:كويسه مفيش حاجه
منه بتوتر وكدب: ازاي دي بتوجعني خالص
الدكتور:بقول لحضرتك مفيش اي حاجه كويسه خالص
سليم بصلها وبغضب وخبث:يعني مش مكسوره ولا حاجه
الدكتور:ولا اي حاجه
سليم:شكرا لحضرتك يا دكتور
تقدر تتفضل
الدكتورسابهم وطلع
منه:الدكتور ده متخلف وم بيفهم يلا وديني مستشفي تانيه
سليم قرب منها وبغضب الدكتور هو اللي متخلف وم بيفهم
منه:وانت مالك زعلان عشانه كدا ليه هو قريبك
سليم:بيت انتي انا مش فاضي لشغل العيال بتاعك ده رجليكي كويسه متستهبليش وهعمل معاكي معروف واروحك قومي يلا
منه:يبقا كتر خيرك والله
ونزلت جري وراء سليم
سليم ابتسم وهوماشي
وراح عند العربيه وركب ومنه كمان ركبت
وبعد شويه كانوا وصلوا تحت بيت اسماء
سليم: انت ساكنه هنا
منه:ليه هتيجي تتقدم
سليم:هههههههههههه
منه:هو انا قولت حاجه تضحك اوووي كدا
سليم:يلا ييت انزلي
منه:علي العموم ده مش بيتي دا بيت صحبتي وانا جايه اقعد معاها يومين وكدا
بص الصراحه امها عامله مكرونه بشاميل انهارده وانا بحبها ومصدقت لما قالتيلي
خليكي قاعده معايا يومين
قاطعها سليم:هو انت هتحكيلي قصه حياتك انزلي يبت
منه بقرف نازله يا اخويا نازله هنزل من الجنه دي عربيه خربانه وصاحبها كمان خربان
سليم رفع حاجبه وفي صدمه من كلامها اخوكي
منه نزلت وطلعت لبيت اسماء وداخله وهي بتشتم في سليم
ايه القرف والحلاوه دي
اسماء انت بتقولي ايه يا منه
منه مفيش قابلت واحد رخم بس حلو وشيك كدا
اسماء ايوا وبعدين ايه اللي حصل
منه:بصي يستي وكملت قالت اسماء هو انتوا اتغديتوا ولا لسه
اسماء:احكي الاول
منه:مش هقدر يا اسماء انا جعانه اووووي
اسماء:تعالي ورايا المطبخ
منه:ماشي
ودخلوا المطبخ
منه:اسماء هو انت بتحبي احمد عشان خاطر هو وكيل نيابه واسم وسلطه ولا بتحبيه عشان هو
قاطعتها اسماء بزعل:هو انت شايفه ان انا كدا يعني ممكن احب حد عشان اسمه ومكانته
منه:انا اسفه مش قصدي
اسماء:ولاقصدك انا اصلا اخدت علي كدا
وسابتها وطلعت
منه راحت وراها وماسكه الطبق في ايديها وبتأكل
منه:امك اكلها حلو اوووي يا اسماء
اسماء بصتلها ومردتش
منه:اسماء هو انت زعلتي مني ولا ايه
اسماء:لا يا منه مش زعلانه وخلصي بقا عشان نذاكر
منه: حاضر
عند عمر وياسمين كانوا مروحين سوا
عمر كان سايق العربيه وياسمين راكبه جامبه وراهم عربيه حراسه
عمر:مالك
ياسمين:ماليش يا عمر وركز في الطريق هو انت مش عارف تسوق ولا ايه
عمر بغزل:والله مش عارف المفروض اركز في الطريق ولا اركز في القمر اللي جمبي
ياسمين بابتسامه حب:القمر جمبك طول عمره مش هيطير
عمر:اعتبر ده وعد من القمر
ياسمين بكسوف:امممممم وكملت قالت فونك بيرن
عمر طلع فونه
عمر:دا احمد
احمد:الو يا عمر انت فين
عمر: كنت في الشركه ومروح انت فين
احمد:انا في النيابه ومروح انا كمان
عمر:ماشي في حاجه ولا ايه
احمد:ايوا مين اخت سليم دي يا عمر
عمر بص لياسمين واتكلم وقال:لما تيجي البيت بقا يا احمد
احمد:ماشي سلام يا عمر
وطلع هو كمان ركب عربيته
واتصل علي اسماء يكلمها
اسماء بهدوء:الوو
احمد بابتسامه:احلا الوو دي ولا ايه
اسماء:اححححم عاوز ايه
احمد:مفيش بطمن عليكي عامله ايه
اسماء:كويسه الحمدلله انت عامل ايه
احمد:انا كويس الحمدلله
اسماء:طب الحمدلله انت فين كدا في صوت عربيات
احمد:كنت في النيابه ومروح
اسماء:ايه في النيابه بتعمل ايه هو انت عملت ايه
احمد:ههههههه عملت ايه في ايه ف شغلي يبنتي هو انت ناسيه انا وكيل نيابه
اسماء:اه فكرتني
احمد بتهكم:فكرتك هو انت بتنسي بسرعه كدا
اسماء:لا بس لما بكون عاوزه اكل ايس كريم ببقا مش مركز خالص
احمد:هو انت عايزه تاكلي ايس كريم
اسماء :اه وبعت اجيب زمانه جاي دلوقتي
احمد:لما تعوزي اي حاجه تانيه بعد كدا قوليلي ممكن
اسماء:ماشي شكرا
احمد:بتذاكري صح
اسماء:ايوا بذاكر
احمد:طب انا هقغل عشان معطلكيش
اسماء:ماشي مع السلامه
احمد: مع السلامه
وقفل معاها
وراح جابلها ايس كريم وراحلها البيت
وواقف بيكلم نفسه انا هطلع واللي يحصل يحصل بقا
احمد رن الجرس ومحمد وليلي واسماء ومنه قاعدين في الصاله
اسماء:قومي افتحي يا منه
منه:طب بالذمه دا كلام والله عيب دا انا ضيفه عندكم حتي
اسماء قامت: ماشي يا ضيفه وراحت تفتح الباب
اسماء فتحت الباب وقفلت تاني
اسماء من جواا هو دا احمد صح
احمد من برااا افتحي يا هبله
اسماء فتحت تاني: انت بتعمل ايه هنا
احمد بابتسامه: جايبلك ده
اسماء:ايه ده
احمد:ايس كريم
اسماء بفرحه بجد
ليلي مين يا اسماء
اسماء من غير متاخد بالها:دا الزبال يا ماما
احمد بصدمه:نععععم زبال
اسماء بخوف وتوتر:معلش والله ما اقصد
احمد بيضرب كف علي كف ودهشه واستغراب:انا احمد الانصاري وكيل النائب العام بقيت زبال
وكمل وقال ماشي يا اسماء والله لاعرفك ونازل
اسماء بابتسامه من وراءة:احببتك يا وكيل النائب العام
احمد سمعها لفلها وابتسم و عملها قلب بايده وهو نازل علي السلم
اسماء ابتسمت ودخلت اوضتها جري
منه دخلت وراها في ايه ايه اللي في ايدك ده
اسماءبفرحه:احمد هو اللي جابهولي ايس كريم
منه:طب افتحي خليني ناكله دا زمانه ايس كريم غالي
اسماء:لا انا هاكله لوحدي
منه:اه يا طماعه يا انانيه
يا ميس ليلي
اسماء حطت ايديهاعلي بوق منه خلاص هأكلك بس اسكتي والنبي
منه:ناس متجيش غير بالعين الحمرا
عند سليم كان قاعد في بيته وبيشرب سجاره
فونه رن رد بسرعه
=سليم بيه فارس في شقه في المعادي هبعتلك العنوان دلوقتي
سليم:ماشي وتجيلي بكرا عشان عاوزك
=ليه في حاجه
سليم:بكرا هتعرف وقفل
وطلع اخد عربيته وراح علي شقه فارس
وبعد شويه كان وصل
رن الجرس
فارس فتح الباب واتكلم وقال:عاوز ايه يا سليم
سليم:هنتكلم علي الباب
فارس دخل وسليم دخل وراءه
وقعدوا علي الكنبه
سليم:انت الوحيد اللي المفروض اما اتعصب عليه يقدر ظروفي ويستحملني
فارس:وانا هفضل مستحملك لحد امتا يا سليم ومستحمل قرفك ومشاكلك دا انت ابوك وامك متبريين منك
سليم بعصبيه وخبط بايده علي التربيزه: اسكت يا فارس
فارس راح عليه اهداء يا سليم
سليم:هتجنن يا فارس عمر عرف باسماء اختي ازاي
فارس:طب انت ناوي علي ايه دلوقتي
سليم هبعت حد من الرجاله بكرا اسكندريه يراقبو عمي يمكن نقدر نوصل لحاجه
فارس:طب ما تروح انت وتهدد عمك ده يقولك هما فين
سليم:لا يا فارس عمي لو عملت ايه كدا مستحيل يقول ابويا وامي فين وهيكملهم يعرفهم ان انا بدور عليهم
فارس:اممممم انشاءالله هتلاقيهم
سليم:يارب يافارس
فارس بهزار:قوم روح بقا انا زعلان منك ايدك تقيله اوي يخربيتك
سليم:هههههههه
فارس كنت عاوز اقولك حاجه
سليم:ها قول
فارس بخوف هقول بس والله لو ضربت يا سليم
سليم:قول متخافش
فارس
ملك اتطلقت وانت في السجن وجاتلي الشركه عشان كانت مقدمه علي شغل وانا قولتلها معندناش شغل
سليم:خير ما عملت
فارس بصدمه:انت مزعلتش
سليم:ازعل علي مين واحده بسببها حياتي اتدمرت وخسرت اهلي واختي الله اعلم عمر عمل فيها ايه ولا هيعمل ايه وحياتها عامله ازاي ولما ارجعلها وتعرف ان اخوها رد سجون هتقبلني ولا لاء
كل ده بسبب ست ملك
فارس:بس ايه يا سليم لسه زي ما سبنها في الجامعه بحلاوتها ولا كبرت ولا غيره
سليم ضرب فارس بالبوكس في وشه واتكلم وقال احترم نفسك
فارس:هي دي اللي انت مش زعلان عليها يخربيتك يا سليم
سليم:انا ماشي قبل اخلص عليك وسابه ومشي
فارس:في داهيه
في قصر سيف الانصاري
في اوضه احمد
احمد:ههههههههه يقتل وكيل نيابه
عمر:هههههههههه
احمد: بس انت عرفت باخته دي منين
عمر:عمر الانصاري لما بيعوز يعرف حاجه بيعرفها
احمد: طب بلاش تعمل حاجه للبنت مالهاش ذنب وبعدين سليم مش خايف لو عملت حاجه لاخته دي ممكن يزيك ولا يهمه
عمر:مش لما يعرفها الاول هو شافها من وقت ما كان عندها اربع سنين وبعدين انا كنت بخوفه بس وبعرفه ان ليه حاجه عندنا
احمد:ماشي يلا بقا علي اوضتك عشان عاوز انام
عمر:تصبح علي خير
احمد:وانت من اهله
عند سليم كان وصل بيته واخد شاور وقاعد علي سريره افتكرمنه وابتسم تلقائي
قاطع تفكيره الخدامه
سليم بيه في واحده براا عاوزك
سليم:مين دي
الخدامه:معرفش
سليم طب روحي شوفيها تشرب ايه وانا جاي اهووو
الخدامه:حاضر
وطلعتلها
الخدامه:سليم بيه جاي تشربي ايه
= لا شكرا مش عاوزه حاجه
سليم طلع من اوضته وراح علي الصالون واتصدم لما شاف ملك قاعده وبتفرك في ايديها
سليم نبضات قلبه بدأت تزيد وبتنهيده: ايه اللي حايبك هنا
ملك بحب:عامل ايه يا سليم
سليم وهو حاطط ايده في جيبه:انا كويس وزي الفل انت بقا عامله ايه
ملك:يارب دايما انا كويسه
سليم بشماته:ما هو واضح
ملك بعيون كلها دموع: انا اطلقت
سليم ببرود: وجايلي ليه بقا
ملك:كنت جايه اعتذرلك عن اللي عملته معاك زمان
سليم: وانت عملتي ايه دا انت يدوب بس عايرتيني بفقري وخلتيني ادمر حياتي بايدي واخسر اهلي واتحرم من اختي من وقت ما كان عندها اربع سنين
مش مستهله اعتذار
ملك بعياط:فعلا مش مستهله اعتذار انت حقك ربنا اخده مني وطلعت ورقه وحططها لسليم علي التربيزه ونزلت وسابته
سليم بص للورقه ودخل اوضته واترمي علي سريره بتعب لحد ما راح في النوم
بعد مرور اسبوع
في شركه سليم مهران
في مكتب سليم
سليم بحده:فارس بقالك اسبوع لا عرفت تجيبلي حبيبه احمد الانصاري ولا عرفت اهلي فين
فارس:وانا اعمل ايه يا سليم راقبنا احمد الانصاري ومفيش بنات في حياته وعمك في اسكندريه عايش هو ومراته لوحدهم ومن شغله للبيت ومفيش اي جديد بردوا
سليم مسح بايده علي وشه بضيق واتكلم وقال طب وبعدين يا فارس هعمل ايه انا قاعد ومعرفش اختي عمر عمل فيها ايه
فارس: مفيش قدامك غير حل واحد تروح تهدد عمك وتعرف ابوك وامك فين
سليم: خليك مراقبهم زي ما انت لحد اما اشوف الشركه اللي انت خربتها في غيابي دي
فارس:ايوا بقا سليم مهران رجع للساحه
سليم ابتسم واتكلم قال طب يلا بقا علي شغلك وانت طالع ابعتلي السكرتيره
فارس: ماشي وطلع وشاف السكرتيره ادخلي لسليم بيه عاوزك
السكرتيره: حاضر ودخلت لسليم
نعم يا سليم بيه
سليم:كل الملفات اللي تخص الشركه من ساعه غيابي لحد دلوقتي تجبيهم وتيجي
السكرتيره: حاضر وطلعت
وراحت جابت الملفات اللي سليم طلبها منها وهي ماشيه شكلي كدا هبات في الشركه انهارده
السكرتيره حطت الورقه قدام سليم واتكلمت وقالت انت كويس يا سليم
سليم بصلها بحده
السكرتيره انا اسفه مش قصدي
سليم بحده اتفضلي شوفي شغلك
في قصر سيف الانصاري
مريم طرقت الباب ودخلت صباح الخير لاجمل واحلي عروسه انهارده
ياسمين بابتسامه صباح النور
مريم راحت عليها وحضنتها انامبسوطه جداااا انهارده
ياسمين بكسوف وانا كمان
عمردخل وبص لياسمين بحب واتكلم وقال يلا عشان اوديكي الكوافير
ياسمين يلا انا جاهزه
ومشوا عمر وياسمين
في اوضه احمد
كان مستني مكالمه
=الو يا باشا انا وصلت حضرتك فين
احمد:ربع ساعه واكون عندك
=تمام ماشي
واخد بوكس كبير ونزل ركب عربيته وطلع علي مكان ما
وبعد شويه كان وصل
احمد دخل المكان بهيبته المعتاده وراح قعد وحط رجل علي رجل
احمد هتعرفي تجيبي اسماء الفرح
منه:والله يا باشا هحاول بس مقدرش اوعدك بس احنا هندخل الفرح ازاي وبصفتنا ايه بالظبط
احمد :خالد جاي هو واختك هتيجوا معاهم
منه:خالد م هيرضي
احمد:متقلقيش انا كلمته
منه:طب اسماء م هترضي هتقعد تقولي هنروح فين يبنتي دول ناس اغنياء والبنات هيبقوا لابسين فساتين ماركات واحنا جمبهم ولا حاجه
احمد طلع فونه
مصطفي هات الحاجه
مصطفي حاضر يا باشا
ودخل مصطفي ببوكس كبير وحطه علي التربيزه
منه من وراء البوكس ايه ده يا باشا
احمد الفستان اللي اسماء هتيجي بيه
منه تؤتؤ اسماء مستحيل ترضي
احمد لا هترضي ويلا بقا عشان مش فاضي
منه طب اشوفه الاول
احمد لا شوفي معاه اسماء وانت عارفه لو عرفت ان انا اللي جايبه هيحصل فيكي ايه
منه متقلقش من الناحيه دي يا باشا كل هيبقي تحت السيطره
احمد بصلها هتروحي ازاي
منه انا كنت عند اسماء بقالي اسبوع ورجعت بيتنا امبارح
هروح بقا انهارده واقولها علي الفرح واقنعها تيجي معانا
احمد طب انا ماشي و
في عربيه برااا هتاخدك توصلك عشان الفستان
منه:ماشي
وطلع احمد ركب عربيته ومشي ومنه ركبت العربيه التانيه مع مصطفي وراحت علي بيت اسماء
وبعد شويه كانت وصلت وطرقت الباب
اسماء منه وحشتيني
منه: انا سايبكي امبارح يا اسماء
اسماء باستغراب ايه اللي في ايدك ده
منه دي هديه بسيطه كدا
اسماء هديه ليه بمناسبه ايه
منه هو انت مش كنت عاوزه تشوفي احمد عشان بقالك فتره م شوفتيه
اسماء سرحت اه يا منه نفسي اشوفه
منه هتشوفيه انهارده
اسماء ازاي
منه فرح اخوه انهارده وانا هروح مع اختي وخطيبها وانت هتيجي معانا
اسماء انت بتهزري صح نروح فين يبنتي ولا هنروح بايه دا انا اغلي طقم عندي جواا بسعر الكوتشي اللي كان احمد جايبهولي
منه:هههه وفتحت البوكس واتصدمت لما شافت الفستان وجماله والشوز كمان
منه اححححم طب وتقولي ايه لمنه حبيبتك اللي دفعت تحويشه عمرها في الفستان ده
اسماء بصت للفستان بانبهار واتكلمت وقالت انت جايبلي ده يا منه
منه بكدب:ايوا طبعا انا عندي كام اسماء
اسماء بس دا اكيد غالي يا منه ليه كدا
منه مفيش حاجه تغلي عليكي
اسماء حضنتها ربنا يخليكي ليا يارب بس ماما يا منه هنعمل ايه وهعرف اروح ازاي
منه بثقه متقلقيش
خليكي ماشيه ورايه بس هتروحي وراء الشمس
اسماء هههههههه عارفه انا لو كان ليا اخ كنت جزتهولك
منه:يارب يطلع ليكي اخ هنا ولا هنا
اسماء:ههههه يطلع ليا اخ هنا ولا هنا احنا في روايه يا عبيطه انتي
منه: عبيطه ماشي شكرا قومي بقا البسي الفستان ده عشان اشوفه عليكي
اسماء بفرحه ماشي ودخلت لبسته وطلعت
منه يينت المزه دا علي مقاسك بالظبط دا الباشا زوقه عالي اوووي
اسماء ايه الباشا
منه في نفسها يختي علي الغباء
لا قصدي يعني اه اسماء هاتيلي كوبايه مايه بسرعه هيغمي عليا من جمالك
اسماء:ههههههه استهبلي استهبلي
منه بتهرب شكلك حلو اوووي يا اسماء
اسماء تفتكري احمد هيزعل لو روحت فرح اخوه اكلمه اقوله ولا ايه
منه لا مش هيزعل خليها مفأجأه
اسماء ماشي
منه بصي بقا هنقول ايه لميس ليلي
اسماء هنقول ايه
منه ضربتها في راسها بخفه ايه الغباء ده دا انت حبيبك وكيل نيابه
وكملت وقالت هنقول ان انا رايحه فرح مع اختي وواخدك معايا عشان تفكي شويه
اسماء اطلعي بقا قوليلها
منه شمرت ايديها وطلعت لميس ليلي
ليلي كانت في المطبخ
منه من وراءها ازيك يا ميس ليلي
ليلي:منه حبيبتي عامله ايه
منه مش كويسه يا ميس ليلي تعبانه اووووي
ليلي من ايه يا حبيبتي
منه المذاكره يا ميس ليلي تخيلي بحلم بالفيزياء ومسائلها من كتر تفكيره فيها
ليلي هههههههه ماتخليش كل وقتك مذاكره يعني ممكن تنزلي تتمشي تخرجي شويه انت واسماء عشان متزهقيش
منه اه ما انا رايحه فرح انهارده مع اختي وخطيبها
ما تخلي اسماء تيجي معانا
اسماء من وراءها لا يا منه انا هقعد اذاكر
ليلي ما تروحي معاهم يا اسماء
اسماء لا يا ماما
ليلي خلاص براحتك
اسماء خلاص هروح
منه: طب يلا بقا انا همشي انا وابقي اعدي عليكي واحنا رايحين
اسماء ماشي وطلعت توصلها للباب
منه: شوفتي وافقت ازاي
اسماء باستها من خدها يخليكي ليا يارب
منه ويخليكي ليا
ومشت منه واسماء دخلت اوضتها وبصت للفستان باعجاب وقد ايه هو حلوه
عند منه كانت وصلت بيتها
منه بصوت عالي ريهام
ريهام اختها ايه عاوزه ايه
منه عاوزه من عندك فستان اروح بيه الفرح معاكي
ريهام فرح مين اللي تروحيه
منه فرح عمر الانصاري مش انت رايحه مع خطيبك
ريهام ايوا واحده رايحه فرح هي وخطيبها تروحي معاها ليه وبعدين اصلاً خالد مش هيرضي
منه وهي داخله اوضتها هاها طب قولي لخالد كدا منه بتقولك هي عاوزه تيجي معانا الفرح هي واسماء
ريهام هي اسماء كمان جايه معانا
منه وهي بتهز راسها ايوا
ريهام اووووف ودخلت كلمت خالد
خالد :ايوا ياريهام
ريهام:فهمني بقا اسماء ومنه هيجوا معانا الفرح ليه
خالد عادي ياريهام دي اختك وصحبتها مش مشكله يعني لو راحو معانا ويتبسطوا شويه
ريهام بس انا كنت عاوزه اطلع انا وانت لوحدنا مره
خالد مره تانيه يحبيبتي
ريهام ماشي يا خالد هتيجي تاخدنا امتا
خالد الساعه تمانيه كدا
ريهام ماشي
وقفلوا مع بعض
عند ياسمين كانت في الاوضه بتجهز وكانت جميله جداااا وفستانها كمان كان حلوو اووووي
مريم دخلت وراحت عليها ايه الجمال ده
ياسمين شكلي حلو يا طنط مريم
مريم قمر يحبيبتي قمر
ياسمين هو عمر فين
عمر بابتسامه موجود والله بقالي ساعه
عمر راح عليهم ايه الجمال ده يا ماما ومسك ايد مريم ولفها
مريم هههههههه
ياسمين بصتله بغيظ وعضت علي شفايفها عمر راح عليها واتكلم وقال شكلك حلو اوووي
ياسمين بابتسامه وانت كمان شكلك حلووو
مريم احمممم طب انا هنزل بقا واستناكم تحت متتاخروش المعازيم وصلوا وسابتهم وطلعت
عمر وهو تايه في جمال ياسمين هو احنا لازم ننزل للناس دي
ياسمين عيب يا عمر
عمر قبلها من جبينها وقالها بحبك
كان تحت احمد وصل القاعه وداخل بوسامته وشياكته اللي كانت مغطيه علي الكل
مريم بتبصله باعجاب شديد وهو داخل وكل الناس بتسلم عليه
احمد راح عليها بابتسامه ايه الجمال ده
مريم شكلك حلوو اوووي وانت داخل شبه الاميركدا ناقص بس اميره حلوه شبهك
احمد كان بيبص علي الباب واسماء داخله هي ومنه وريهام وخالد
واسماء كانت لابسه الفستان اللي احمد اشتراء وكانت جميل جداااا وشبه الاميره
مريم بصت لاسماء باعجاب شديد وبعدين اتكلمت مين دول يا احمد اللي جايين مع خالد
احمد بكدب:ريهام خطيبته بس مش عارف مين البنتين دول
خالد وهو داخل الشباب كلهم اللي داخل بنت او داخل لوحده
انا مشاءالله داخل بتلاته مره واحده
وراحوا علي تربيزه مفيش عليها حد وقعد خالد وريهام واسماء ومنه
احمد كان بيبص علي اسماء وبيكلم نفسه كنت عارف ان هو هيبقي حلوو عليكي بس مش اوووي كدا
خالد بعد اذنكم انا بقا وراح علي احمد ومريم وسيف عشان يسلم عليهم
مريم ازيك يا خالد عامل ايه
خالد ازيك يا مريم هانم عامله ايه الف مبروك
وسلم علي سيف مبروك يا سيف بيه عقبال الباشا
وبعدين راح علي احمد وسلم عليه واتكلم وقال شهر عسل في جزر المالديف علي حسابك جبيتهالك اهووو
احمد ماشي يا خالد
منه وريهام بيبصوا للقاعه باعجاب وانبهار
واسماء عيونها بتدور علي احمد بس مش شايفه من التوتر والخجل
وبعدين شافته وعيونهم اتقابلوا
اسماء منه احمد جايه علينا هقوله جيت هنا ليه
منه انا هتكلم انا مالكيش دعوه
احمد راح وسلم عليهم
منه بهمس لاحمد من غيراسماء ما تاخد بالها بلاش توترها هيغمي عليها منك
احمد متخافيش
اسماء انا عاوزه اقولك حاجه
احمد بابتسامه قولي
اسماء انا جيت هنا ليه منه هي قالتيلي ان هو فرح اخوك وانا جيت عشان بصراحه كان نفسي اشوفك
احمد بدون اي ريأكشن:امممممم
اسماء هو انت مش كنت عاوز تشوفني ولا ايه
احمد وهو سرحان في جمالها بصراحه لاء شكلك حلوواووي وكل الناس بتبص عليكي
اسماء اتكسف وبصت في الارض
وبعدين عمر وياسمين نزلوا للقاعه وكان شكلهم حلو اوووي ورقصوا سلوو مع بعض وعمر شال ياسمين ولف بيها قبل الاغنيه ما تخلص
وريهام وخالد طلعوا يرقصوا والشباب والبنات كلهم
ومنه واسماء قاعدين
منه وهي بتبص لاحمد اللي واقف ومش بيرقص
شوفي الناس العاقله الراسيه
مش زي خطيب اختي بيرقص زي الاهبل
اسماء ههههه والله خالد ده طيب
وبتيجي بنت لابسه فستان فوق الركبه وضيق جدااا عليها و بتسلم علي احمد
اسماء بغيره مين دي بقا
منه مش عارفه
اسماء شكلها حلووو يا منه
منه لا انت احلي منها
في مكان تاني في القاعه مريم واقفه مع خالد
مريم: قولي بقا ياخالد مين البنتين اللي جايين معاك انت وخطيبتك
خالد :اختها وصحبتها
مريم بس البنت اللي عيونها خضر دي وشاورت علي اسماء
حلوه اوووي
خالد:صح جوزيها للباشا بقا
مريم والله يبقوا لايقيين علي بعض
هي اسمها ايه
خالد اسماء
احمد من وراءهم هو انتوا واقفين بتتكلمواعلي مين
خالد تعالي طول عمرك وانت محظوظ امك عجبتها البنت اللي انت بتحبها
مريم :بيحبها
احمد الله يخربيتك يا خالد
خالد والله العظيم ما اقصد
وكمل وقال احمد شهر العسل في جزر المالديف احنا لسه عند اتفاقنا انا وعدت ريهام
احمد دا انا هوديك شهر عسل في السودان عشان اخلص منك
مريم امممم هي دي اسماء بقا
احمد بقله حيله ايوا هي
مريم اقيمها بنفسي
احمد نعععم تقيميها
مريم وهي بتهزر راسها ايوا
يلا خودني اتعرف عليها
احمد لا مش هينفع دي ممكن تموت مننا وفرح ابنك يبوظ وقت تاني يا ماما
مريم ماشي بس عشان اطمنك عجبتني وسابته هو وخالد ومشت
خالد احمد باشا هو مفيش بوفيه ولا ايه
احمد ليك نفس تأكل بعد اللي هببته ده
خالد اعمل ايه يعني جعان
احمد اسكت يا خالد
وراحوا وقفوا مع اسماء وريهام ومنه
احمد باهتمام:مالك
اسماء عاوزه اروح
احمد بس خالد وريهام مش هيمشوا دلوقتي
اسماءبخوف انا اتأخرت اوووي
احمد مسك ايدها خلاص هروحك انا
اسماء شدت ايدها بسرعه هتسيب فرح اخوك
احمد يلا يا اسماء
اسماء لا خلاص مش هروح دلوقتي
عمر وياسمين كانوا بيرقصوا وفرحانين جدااا
وفجأه عمرر شاف اسماء
عمر اخت سليم
ياسمين بتقول ايه يا عمر مش سامعه
عمر ولا حاجه يحبيبتي
واخيراً
فرح عمر وياسمين كان خلص
عمر اخد ياسمين وطار بيها علي بيتهم
مريم وسيف روحوا مع بعض
وكل الناس مشيت
قدام القاعه
احمد واسماء وخالد وريهام ومنه
خالد اخد منه وريهام ومشي بيهم
واسماء ركبت مع احمد ومشوا
اسماء كنت روحت مع منه انت شكلك تعبان
احمد وقف العربيه عارفه نفسي في ايه
اسماء باستغراب في ايه
انزل دلوقتي ونزل فتحلها الباب ونزلها واوصلك لحد بيتك مشي
اسماء بقولك شكلك تعبان تقولي نتمشي
احمد شدها من ايديها يلا انت اللي كسوليه ومش عاوزه تتمشي
اسماء هههههه لا والله
طب دا انا لما كنت في اسكندريه كنت كل يوم انزل مع بابا ونتمشي لحد ما يزهق مني
احمد: هو انتوا اصلا من اسكندريه
اسماء اه وجينا القاهره عشان شغل بابا وماما نقلوا في مدرسه كويسه هنا
احمد امممممم
اسماء وهي ماشيه واحمد جمبها
اسماء بفرحه ومسكته من دراعه بص يا احمد في ايه هناك
احمد بص شاف محل ايس كريم و ابتسم
حاضر هجيبلك ايس كريم
وراح جابلها
اسماء شكرا وبطلع فلوس
احمد ايه ده
اسماء فلوس الايس كريم انا اللي طلبت منك
احمد اسكتي يا هبله
اسماء انا هبله
احمد وعبيطه كمان
اسماء طب اوعي بقا ومتكلمنيش انا مخصماك
احمد هتخاصمني عشان بقولك يا هبله يا عبيطه
وانا من اول ما عرفتك وانت مشاءالله مره قليل الادب ومره زبال دا غير الفون اللي بيتفقل في وشي كل اما اكلمك دا انا كرامتي ضاعت وبردوا بحبك يا هبله
اسماء بابتسامه واما انا هبله بتحبني ليه
احمد بابتسامه مش عارف
اسماء طب وانا كمان بحبك
احمد يعني انت جايه تقوليلي بحبك في الشارع ارزعك بوسه دلوقتي
اسماء بصدمه واستغراب ارزعك في وكيل نيابه يقول ارزعك
احمد يعني انتي اللي فارق معاكي ارزعك ومش فارقلك البوسه
اسماء احمد هو انت وكيل نيابه بجد ومدت ايدها هات بطاقتك يا احمد شكلك بتستهبلني
احمد برفعه حاجب نعممم بطاقتي
اسماء ايه شكلك وحش فيها متخافش هشوف بس انت وكيل نيابه ولا لاء مش هبص علي صورتك والله
احمد:ههههههه انت بتتكلمي جد
اسماء:هاها لا بهزر هات البطاقه يا احمد اصل مفيش وكيل نيابه يقول ارززعك دي والا والله العظيم مش هكلمك تاني
احمد بنفاذصبر طلعلها البطاقه وادهلها
اسماء بصت في البطاقه اححححم وبصت لصورته
احمد هاتي بقا اتأكدتي ان وكيل نيابه
اسماء اححححم
احمد وهو بيقلدهاحححم اعتذري يلا
اسماء بهدوء انا اسفه
احمد ليكي عقاب بس مش دلوقتي
اسماء في نفسها هتنسي انشاءالله
وكملوا طريقهم
وبعد شويه كانوا وصلوا قدام بيت اسماء
اسماء تصبح علي خير
احمد وانت من اهله علي فكره كنت جميله اوووي انهارده
اسماء شكرا وكملت وقالت هتروح ازاي الوقت اتأخر اوووي هترجع مشي لحد العربيه تاني
احمد :هكلم حد يجبهالي
اسماء ماشي سلام
احمد سلام
عند عمر وياسمين
عمر كان قاعد مستني ياسمين عشان يتعشوا
ياسمين طلعت وكانت لابسه بجامه ضيقه جدااا لونها نبيتي متناسب مع لون بشرتها وشعرها مفرود يصل الي اسفل ظهرها وتخطو بخطواتها البطئيه
عمر قام وقف وراح عليها ومسك ايديها الاتنين
وطبع قبله رقيقه جمب شفايفها
وبهمس بحبك يا ياسمين
ياسمين بكسوف وانا كمان بحبك ودفنت راسه في حضنه تداري كسوفها
عمر شالها ودخل بيها اوضتهم
وحطها علي السرير برفق وبدأ يقرب منها وقبلها من شفايفها وياسمين كمان اتجاوبت معاه
ونسيبهم بقا
عند سليم وفارس
فارس: عرفنا حبيبه احمد الانصاري
بس دا شكله واقع اوووي
سليم ما هو حلو ده
عاوزها بقا
وكمل وقال حلوه يا فارس
فارس بهيام حلوه بس دي مزه جامده ناوي علي ايه
سليم ولا حاجه هكسر بيها احمد الانصاري مش هخليه يتهني
فارس طب واختك يا سليم دا عمر عارفها واحنا منعرفهاش
سليم. بص خليك مراقب البيت دي انا هروح اسكندريه بنفسي واقلب الدنيا عليهم هناك لازم اجيب اختي الاول
فارس بغمزه طب ما تسبني انا اقوم بمهمه حبيبه وكيل النائب العام
سليم تؤتؤ دي حبيبه احمد باشا الغالي اقوم بيها اناههههههه
فارس ههههههههه
عند اسماء كانت ليلي قاعده بتسرحلها شعرها وبتشم فيه
ليلي شعرك ريحته حلو اوووي
اسماء شكرا يا ماما
ليلي تعرفي انك شبه الاميرات
اسماء بضحكه ماما انت كويسه
ليلي يعني ايه يعني
اسماء اصل مش متعوده علي كدا بقالي فتره
ليلي حقك عليا جيت عليكي الفتره اللي فاتت
واكملت بدموع بس انا مش عاوزه غير مصلحتك وسعادتك
اسماءبكسوف: والله احمد كويس ومحترم وبيحبني متقلقيش عليا
ليلي حضنتها وهي خايفه علي اميرتها من المستقبل
ليلي وانت بتحبيه
اسماء بكسوف ووجه احمر اه
ليلي اه سمسم حبت واتحبت لا ومش اي حد دي بتحب وكيل نيابه
اسماء واحلي وكيل نيابه في الدنيا
ليلي ههههههه انا امك مش منه صحبتك خلي بالك
اسماء مش انت طول عمرك بتقوليلي احنا صحاب ومش المفروض نخبي حاجه علي بعض
ليلي امممممم واكملت وهي بتقلد اسماء طب معاكي صوره لاحلي وكيل نيابه في الدنيا
اسماء اه معايا
ليلي بهدوء وحنيه هاتيها اشوفها
اسماء بفرحه قامت جري جابت فونها وفتحته لامها
ليلي دا حلو اووي
اسماء اووووي اووووي يا ماما
ليلي ههههه مش اوووي كدا يعني
اسماء اتكسفت وبصت في الارض
ليلي باستها من خدها وجبينها وايدها
اسماء في ايه يا ماما هو انا هموت ولا ايه
ليلي بعد الشر عليكي بس انت كنتي وحشاني جيت عليكي في الفتره اللي فاتت
اسماء حضنتها ربنا يخليكي ليا يا ماما انت وبابا انا ماليش حد غيركم في الدنيا دي
ليلي بدموع ليكي اخوكي سليم ربنا يخليكم لبعض

يتبع…..

لقراءة الفصل التالي : اضغط هنا

لقراءة الرواية كاملة اضغط على : (رواية احببت وكيل النائب العام)