رواية احببت اعمى الفصل الخامس عشر 15 بقلم سندس محمد
رواية احببت اعمى الجزء الخامس عشر
رواية احببت اعمى البارت الخامس عشر
رواية احببت اعمى الحلقة الخامسة عشر
دخل عمر الاوضه بخطوات متردده واول ماعينه وقعت عليها اتصدم
عمر بصدمه: مش معقوله ايه الجمال ده ماشاءالله ياعمري طلعتي اجمل ماكنت متخيل
قرب منها بخطوات بطيئه ووقف قدام السرير
عمر بدموع: شوفتي يارحمه شوفتي انا بقيت بشوف اهو عملت العمليه عارفه أنا مبسوط اوي بس فرحتي ناقصه من غيرك انا حاسس إن يارا هي اللي عملت فيكي كده طب اقولك على حاجه انتي عارفه انا ليه بكره عمتي ويارا عايزه تسمعي هما عملوا فيا ايه دول دمروني انا كنت خاطب يارا كنت بحبها اوي وهي كانت بتحبني ضحك بسخريه او ده اللي كنت فاكرهه فضلنا مخطوبين شويه لحد ماعملت الحادثه كان قبل فرحنا بيومين لما فوقت من الحادثه لقيت ضلمه كل حاجه حوليا كانت ضلمه انهارت جامد بس كان عندي امل انها تفضل معايا عارفه هي عملت ايه كسرتني
رجع عمر بذكرته لما فاق من الحادثه
فلاش باك
عمر بصريخ ووجع: انا بقيت اعمى بقيت اعمى ابعدوا عني ابعدوا عنيييي انا مش شايف مش شايف انا اعمى اعمى اه يارب يارب
منصور بدموع: اهدى يابني ده قضاء ربنا اهدى ياحبيبي اهدى انا قلبي بيتقطع عليك
عمر بوجع: اهدى اهدى ايه انا بقيت اعمى في اكتر من كده
يارا بدموع مصتنعه: اهدى ياروحي إني شاءالله تعمل العمليه وترجع تشوف تاني
الدكتور دخل بسرعه
الدكتور بزعيق للممرضه: اديله الحقنه بسرعه
الممرضه: حاضر يادكتور
الدكتور كتفه الممرضه ادتله
عمر بتوهان وهو بيروح في النوم: انا بقيت اعمى بقيت اعمى مش هشوف النور تاني
عدى يومين عمر خرج من المستشفى وحالته النفسيه وحشه جدا باباه زعلان على ابنه وموجوع يارا مش حاطه في دماغها حاجه وصفيه هكذا وسامر كان لسه مسافرش وكان شمتان في عمر جدا
وفي يوم كان الكل متجمع عند عمر في الاوضه
عمر بوجع: يارا انتي مش هتسبيني صح
يارا بسخريه: لا اسيبك ايه
عمر باستغراب: انا ليه حاسس انك بتتريقي
يارا بسخريه شديده: امال انت فاكرني بتكلم بجد انا ايه اللي يجبرني اني اعيش مع واحد زيك
عمر بكسره: واحد زيي
يارا بسخريه: اه واحد زيك اعمى مش بيشوف انا اصلا مش بحبك انا كنت بمثل عليك عشان الفلوس مش اكتر غير كده لا انا ميشرفنيش ان اعيش معاك اصلا انت عايز صحابي يتريقوا عليا ويقولوا اتجوزت الاعمى ولا تكون فاكر اني هرجعلك تاني ده ربنا رحمني منك ياشيخ وكفايه تحكماتك وقرفك ده الحمدالله والله
منصور قام ضربها بالقلم جامد: اخرسي اخرسيي انتي كلبه ومتستهليش اي حاجه اقسم بالله انتي لو مكنتيش بنت اختي لكنت موتك
كل ده وعمر في عالم تاني عالم مليان وجع
صفيه خدت يارا في حضنها: انت اتجننت ازاي تضرب بنتي
منصور بعصبيه شديده: واكسر رقبتها كمان بنتك مش محترمه انتي لو ربيتيها مكنتش قالت كده
صفيه: انت اتجننت ازاي تقول كده على بنتي
منصور بعصبيه: ايه قولت الحق وبعدين اه قولوا كده انتو طمعنين فينا انتي لسه فاكره بردو إن دي فلوس ابويا
صفيه بعصبيه شديده: اه فلوس ابويا اللي انت خدتها لوحدك يامنصور
منصور بعصبيه: دي فلوسي انا انا اللي عملتها انتي بتقولي كده عشان تداري على كذبك وخبثك وطمعك
صفيه بخبث: ملكش دعوه وبقولك تاني ملكش دعوه ببنتي
منصور بسخريه: اه بنتك اه اللي مش متربيه
صفيه بعصبيه: ملكش دعوه ببنتي يامنصور هي حره ايه هنجبرها تعيش مع واحد اعمى ولا ايه
منصور بعصبيه: اخرسي اخرسي اطلعي بره بيتي
صفيه بصدمه: انت بتطردني
منصور بعصبيه: آه بتطردك اطلعي بره
بصتله صفيه بحقد وهي بتتوعد ليه في سرها
باك
عمر بوجع: عمتي صفيه ساعتها خدت يارا وسامر وسافروا برا وانا من بعد كلام يارا حسيت إن الدنيا كلها قفلت في وشي كرهت الحب كله لحد مانتي جيتي غيرتي كل حاجه حسيت إن قلبي رجع للحياه تاني مش ناويه تقومي بقى انا عارف انك سمعاني وحاسه بيا صح طب انا مش صعبان عليكي انا موجع من غيرك فوقي بقى يارحمه
عمر بص علي ايديها
عمر بصدمه: رحمهههه مش معقول
لقا ايديها بتتحرك
عمر بفرحه: رحمه رحمه انتي فوقتي
ملاقش رد فعل
عمر بحزن: انا كان متهيقلي كان نفسي يبقى حقيقه وتفوقي بس اوعدك هصلح كل حاجه
خرج من عندها لقا منصور قاعد على الكرسي مستنيه
عمر بحزن: بابا انت لسه قاعد
منصور بحب: استنيتك قولت نروح سوا
عمر: لا يابابا انا مش هروح هفضل قاعد معاها هنا
منصور بحده: لا طبعا هتروح معايا ومنغير كلام وبعد شويه ابقى ارجع تاني
عمر باستسلام: حاضر يابابا يلا نروح
خرجوا الاتنين من المستشفى
وبعد مده وصلوا البيت
منصور بحب: يلا ياحبيبي اطلع ارتاح شويه
عمر بحب: حاضر ياحبيبي عايز حاجه
منصور بحب: عايز سلامتك يابني اه صح انت هتروح المستشفى تاني امتى
عمر بهدوء: شويه كده ليه في حاجه ولا ايه
منصور: لا ياحبيبي بسألك بس
عمر بهدوء: ماشي يابابا بعد اذنك
منصور بحب: اذنك معاك يابني
طلع عمر ودخل اوضته هو ورحمه بص في الاوضه بحزن هو اتعود يسمع صوتها
خد هدوم ودخل عشان ياخد شاور
وبعد مده طلع من الحمام وبص على الكنبه لقا اللي خلاه يحس بصدمه شديده
عمر بصدمه شديده: مش معقول انتي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احببت اعمى)
