رواية احببته فقير واغنيته بحبي الفصل الثاني 2 بقلم شروق محمد
رواية احببته فقير واغنيته بحبي البارت الثاني
رواية احببته فقير واغنيته بحبي الجزء الثاني
رواية احببته فقير واغنيته بحبي الحلقة الثانية
في صباح اليوم التالي:
فاقت و هي حاسة بحاجة تقيله عليها و حاولت تخرج من حضنه بس معرفتش لانه كان حضنها جامد كئنه عيل صغير و معاه مامته رفعت عنيها تتاكد من انه نايم و بدئت تدخل اديها بين خصل شعره و فجاءه فاق. ”
احمد وهو بيقوم: صباح القمر
شاديه *بعصبيه*: بجد والله
احمد:في اي
شاديه: ابعد عني
احمد متجاهل كلامها و هو بيتلاعب بخصلات شعرها: انا مسافر النهاردا بليل
شاديه:اي و هتسبني هنا لوحد!!
احمد:انا اسف يا حببتي متقلقيش مش هتاخر
شادية بحزن:هتقعد كام يوم
احمد:5 ايام
شاديه بخضه:لا لا لا طبعا
احمد وهو بيقوم:هو وجودي فرقلك في اي لو احتجتي حاجة ابقي اطلبيها من البواب و باب الشقه متفتحيهوش غير لما تبصي تشوفي مين
شاديه بعصبيه و جود مصتنع: اه عندك حق دول هيبقو احلي 5 ايام ف حياتي من يوم ما عرفتك روح و لو عايز تقعد اكتر اقعد
خرجت من الاوضه و دخلت الاوضه التانيه و قفلت الباب و اترمت علي السرير و فضلت تعيط و هي بتكلم نفسها ، ‘مبدئيا كدا يختي انتي بتخافي تكوني لوحدك و انتي م متجوزه عشان تروحي ل اهلك كل شويا و هو هو هياكل ازاي و مين هيغسله هدومه .. اي دا و انا مالي ما ياكل من اي حته و شلا عنه ما عرف يغسلهم .. و هي بتمسح دموعها عادي اي يعني لوحدي هعرف اتخطي خوفي دا عادي ‘ فاقت من تفكيرها علي صوت خبط الباب. ”
احمد: شاديه ممكن تفتحي
شاديه وهي بتفتح الباب: نعم
احمد: انا اسف ههحضر الشنطه بسرعه مش هتاخر بس عشان مفيش وقت
شاديه: مفيش وقت ل اي لسا الساعه 11:00 و انت بتقول هتسافر بليل
احمد: اه بس قبل ما اسافر هخرج
شاديه:مع مين
احمد:مش فاهم من امتي فرقلك الحاجات دي بس هخرج مع صحبي و خطبته
شاديه: اوكي ماشي انا هخرج معاكم
احمد:لا مينفعش انا كدا هتطر ارجع هنا ارجعك الاول
شاديه ربعت اديها و بصتله ب حزن. ”
احمد: متبصليش كدا … *اتنهد* خلاص موافق
شاديه *بفرحه طفوليه*:هييييييه
احمد بصلها بحب و بعدها سبها وراح ناحية الدولاب. ”
شاديه: انت بتعمل اي
احمد: هحضر الشنطة
شاديه: لا انا هحضرهالك و هختارلك بدله تلبسها و احنا خرجين مع اصحابك
احمد بستغراب: انا م مرتحلك بصراحه بس ماشي
شاديه: يلا اطلع لما اخلص هبقا اناديك
بدئت تختار لبس ليها هي و هو و بعدها حضرت الشنطه و ف كل حاجة فيها جيب كانت بتكتب دعاء و تحط الورقه و بعد ما خلصت تحضير الشنطه خرجت ب البدله اللي اختارتها .”
شاديه: اتفضل يا ابيه
احمد بعصبيه: نعم .. اب اي
شاديه: ابيه اخويا يعني
احمد بصوت عالي و عصبيه: انا جوزك مش اخوكي
شاديه بدموع: و انت بتزعقلي لي هو مش انت اللي قولتلي كدا زمان انك اخويا الكبير و ان ف سني دا م في حاجة اسمها حب و انو مجرد اعجاب
احمد و هو بيضم وشها بين اديه:دا كان زمان احنا ف دلوقتي مكنتش عايز اشتت انتباهك مكنتش عايز اخلي كل تركيزك معايا كنت عايزك احسن واحده ف الدنيا و اهو مُعيده ف كُليتك و صدقيني انا كنت بحبك من يوم ما اتولدتي دا .. دا كل الموضوع
شاديه بصوت عالي و دموع: انت متعرفش انا تعبت ازاي لما مشيتو انت و مامتك انا كنت متعلقه بيكم جدا و بعدين مدام دي كانت خطتك علقتني بيك لي من الاول
احمد وهو باصص ف الارض:انا مكنش قصدي ولا اعلقك بيا ولا كان قصدي اعلق نفسي بيكي
شاديه:يعني اي مش فاهمه
احمد مردش عليها و اخد من اديها البدله بمنتهي الهدوء و دخل يلبس و هي دخلت هدت نفسها و حطت ميكب خفيف يبرز جمال ملامحها و لبست بنطلون جينز فاتح و توب ابيض و جاكيت اسود فرو قصير و هيلز اسود و حطت عطرها المفضل و رفعت شعرها و خرجت و هي بتشد الشنطة بلعافيه وراها، احمد اخد منها الشنطة من غير ما يبصلها و مشي و هي مشيت وراه ، خرج الاول و استناها عند باب الشقه قفل الباب و ادالها المفتاح من غير ولا كلمة و دخلو الاسنسير و بعدها ب دقائق نزلو و كلعاده وقف مع البواب شويا بعدين حطت الشنطة ف العربيه و فتحلها الباب و هي دخلت و قفل الباب بهدوء و بعدين ركب و اتحرك علي المكان و بعد وقت قصير وصلو .”
شاديه : احمد المكان دا غالي جدا
احمد : شاديه اسكتي
شاديه:مش انت اللي تقولي اتكلم و اسكت امتي
احمد وهو بيحاول يكتم ضحكه: شاديه انزلي
شاديه *بتحزير*: علي فكره انا هنزل عشان انا عايزا انزل مش عشان انت قولتلي و متتكلمش معايا ب الاسلوب دا تاني
احمد وهو بيضحك علي طريقتها:طيب انزلي
نزلت و دخلو الكافيه اتجه علي التربيزه اللي صحبه و خطيبته قعدين عليها و كان معاهم واحد كمان سلمو علي بعض و احمد اتعرف علي صاحب حاتم خلوني اعرفكم علي حاتم . ”
حاتم ،صاحب سلسلة فنداق و معروف جدا ف البلد و هو و احمد صحاب من ايام الدراسه بس الفرق اللي بينهم ان احمد بدا من الصفر و حاتم بدا بدعم مدي من ابوه بس نجح ف شغله و خاطب ساندي خلوني اعرفكم بقا علي ساندي.”
ساندي ، دكتورة اسنان و بتحب شغلها جدا و هي من عيله متوسطه و طيبه و محبوبه يعني و ملامحها هاديه خلونا ، م هتكلم عن كريم عشان مش مطول معانا ندخل ف الموضوع.
احمد اتعرف علي كريم صاحب حاتم و سلمو علي بعض و شاديه سلمت علي ساندي و بعدها كريم مدلها اديه. ”
كريم ببتسامه جذابه و هو ماددلها اديه:ازيك يا شاديه
شادية بجمود: انا بخير و اسفه بس مبسلمش
كريم ببتسامه و هو بيلف اديه ف بعض: لا عادي حصل خير
حاتم: الحمد لله اني محولتش اسلم عليكي ها.. ها .. ها …..هو انتو م بتضحكو لي
ساندي وهي بتحاول تلطف الجو : انا اول مره اشوفك فيها يوم فرحكم انت اتعرفت عليها فين يا احمد
احمد بهيام و هو بيبص لـ شاديه:احنا كنا جران من صغرنا
ساندي: الله بص يا حاتم حبهم حب برئ و كبر معاهم
احمد وهو ماسك ايد شاديه بتملك و بيبص ل كريم بغضب: عمرنا محبينا غير بعض من و انا صغير و انا بقول ل اهلها ان شاديه دي بتعتي انا وبس
كريم بهدوء: ربنا يخيكم لبعض .. استئذن انا بقا
حاتم:استنا لما نتغدا انت وراك اي يعني
كريم:احممم مراتي وبنتي مستنيني عشان نتغدا تتعوض المره الجايه و ابقا اجبهم معايا
حاتم و هو بيبص ل احمد و بيحاول يفهم في اي :اه ان شاء الله
بعد ما كريم مشي.”
ساندي:تعالي يا شادية نقعد مع بعض برا شويا
شادية بصت لـ احمد و احمد هز راسه بلموافقه ساحبت اديها من اديه بهدوء و قامت.”
بعد ما قامو كل اتنين فيهم بدؤو يفتحو حوار و يتكلمو.”
عند شاديه و ساندي.”
ساندي بحُب:شكلك بتحبيه جدا ربنا يخليكم لبعض
شادية:اه ..اه ااااممم علي فكره انتي شكلك حد كويس و طيبه جدا
ساندي ببتسامه :ونتي كمان هو انتي بتشتغلي اي
شاديه:انا دخلت كلية صيدلة و جبت امتياز و اتعينت معيده بس واخده اجازه كام يوم كداا لحد…
ساندي وهي تبقاطعها:اه عشان عروسه جديده و كدا يا رب عقبالي كدا لما اتجوز و اقفل عيادتي و اخد اجازه من المستشفي و ارتاح
شاديه وهي بتتنهد :اه طيب هو امتي
ساندي:هو اي
شاديه:فرحكم
ساندي: بعد … حوالي اسبوعين كدا
شاديه:ربنا يتمملك علي خير
ساندي:يارب … الاكل نزل يلا ندخل
شاديه:بس احنا مطلبناش…
ساندي بتَفهم: حاتم حابب ياكلنا علي مزاجه النهارده
شاديه:اه طيب
دخلو و بعد ما خلصو اكل بدئو يتصورو و بدئو يلعبو لعبة الصراحه و القزازه اتوجهة علي شادية و حاتم .”
ساندي: شاديه اللي هتسال حاتم
شاديه: هو … انت لو كان في فرق سن بينك و بين ساندي يعني .. كبير شويا و ساندي حبت انها تعترفلك ب مشاعرها و هي عندها 18 سنه و انت عندك 22 هتشوف حبها دا اي
حاتم: ياريتني كنت اعرفها زيك انتي و احمد كدا من صغرنا انا معنديش اغلي منها انا شايف ان سن الـ 18 م صغير بلعكس بنكون كبرنا ووعينا من بداية السن دا مش هقولك مراهقه و كدا
شاديه كملت و هي باصه لـ احمد:طب و دراستها انت كدا هتشتتها
حاتم:اشتتها لي اللي بيحب حد بيكون دعم و سند ليه و انا كنت هدعمها تكمل و تنجح زي ما انا بدعمها تكمل شغل دلوقتي و بقت اشطر دكتورة اسنان ف المنصورة
ساندي لما فهمت ان في حاجة غلط بضحك مصطنع: هه اي يا شاديه هو سؤال واحد انتي نسيتي
شاديه: اه …. اه اسفه
احمد: شكرا يا حاتم علي الوقت الجميل اللي قضيناه معاكم النهارده انا متطر امشي عشان الوقت خلاص
حاتم:بتشكرني علي اي ، خلي بالك من نفسك
خرجوا و كل واحد منهم دخل عربيته عدا احمد اخد شاديه معاه . ”
احمد بعصبيه: ساندي مش غبيه
شاديه مردتش مما زاد غضب احمد.”
احمد:مبترديش ليه
شاديه بعياط و غضب:طلاما مش بتحبني اتجوزتني لي
احمد:كلام حاتم مش صح او يمكن صح بس بنسبالكم بنسبالي انا لا
شاديه:لي انا من حقي اعرف
احمد بعصبيه و هو مركز علي الطريق: انا عارف و متاكد لو كنت اعترفتلك ب ان انا بحبك وقتها مكنش حد فينا وصل للي احنا فيه دا هما غرنا انتي لي مش عايزا تفهمي دا
شاديه:طلاما كنت بتحبني لي ما قولتش لي كسرتني وقتها
احمد:عشان اااااه عشان مكنش ينفع انتي لي مش عايزا تفهميني
شاديه بعصبيه و دموع: عشان انت اللي غرنا كلنا انت غريب بس …. بس انا بحبك و للاسف مش عارفه اتخطي الحب دا
احمد:عشان انتي عارفه اني بحبك مش عارفه تتخطي حبك ليا ، وقف العربيه اطلعي يا شاديه و معاكي 5 ايام فكري فيهم ف كلامي
شاديه: ولو فكرت و مقتنعتش هتسبني
احمد مردش و فتحلها باب العربيه و بعدين نزل وراها و طلعها و اطمن انها دخلت الشقه و نزل وقف مع البواب شويا بعدين مشي تحت انظارها ليه اللي كلها شوق و حب مختلطه بحزن ، بعد ما مشي غيرت هدومها و لبست بجامه مُريحه و نامت و بعدها ب وقت صحيت و فضلت ترن علي باباها و مامتها كتير بس مش بيردو فا رنت علي احمد بعد محولات كتير رد . ”
احمد بنعاس:اممم
شاديه:انا اسفه لو كنت ازعجتك بس انا رنيت علي ماما و بابا كتير و محدش بيرد ينفع اروح عندهم هطمن عليهم بس و هرجع بسرعه
احمد:انا ممكن اكلم حد من الحرس و ارجع اكلمك
شاديه: حرس اي انت مخلي عندهم حرس!
احمد:اه طبعاً
شاديه: لا لو سمحت انا حبا اشوفهم بنفسي
احمد: طيب العربيه هتلقيها تحت و السواق موجود و اركبي ف الكرسي اللي ورا
شاديه *بنفاز صبر*:حاضر
احمد: اه و هتلاقي فلوس ف الدرج اللي ف الدولاب ابقي خدي اللي تحتاجيه عشان تخدي حاجات معاكي ونتي رايحه ابقي ادي للسواق الفلوس و هو يجبلك اللي تحتاجيه … ها عايزا حاجة تاني
شاديه: انا .. انا بس كنت عايزا اقولك شكرا
احمد: انتي مراتي و دا وجبي
شاديه: هو انت وصلت امتي
احمد:من حوالي نص ساعه المهم يلا عشان متتاخريش و بعد ازنك بلاش تقعدي اكتر من ساعه الوقت اتاخر ابقي روحي بكرا من اول اليوم براحتك
شاديه: حاضر ، السلام عليكم
احمد: وعليكم السلام
قامت لبست بانس اسود واسع و تيشرت اوفر سايز بكم و عليه قلوب صغيره بلون البينك و شوز بيضه و فردت شعرها و حطت ميكب خفيف و نزلت .”
عم عبده بصوت مسموع:شاديه هانم استني
شاديه ببتسامه :نعم يا عم عبده و اي هانم دا انا شاديه عادي في اي
عم عبده:دي اوامر البيه ، انتي رايحه فين لو محتاجة حاجة قوليلي و انا اجبهالك
شاديه:متقلقش هو عارف انا رايحه فين و هروح مع السواق حاجة تاني؟
عم عبده: لا يا هانم اسف لو عطلتك
سبته و مشيت و هي مبسوطه ، و ركبت العربيه و وصفت للسواق الطريق و اشترت اللي هي عيزاه و وصلت بعد دقائق. ”
شاديه بجمود:شكرا يا عمو
شكري (السواق):انا اسمي شكري يا بنتي استنا حضرتك ولا امشي
شاديه:لا ممكن تستناني انا مش هتاخر اوي
شكري: حاضر يا بنتي
دخلت العماره و قربت من الباب و بدئت تخبط و الباب اتفتح. ”
ام شاديه:بنتي حببتي عملا اي يا قلبي
شاديه:الحمد لله يا حببتي وحشتوني قوي خدي الحاجات دي احمد بعتهالكم
ام شاديه:ربنا يفرح قلبو و يرزقكم بالزريه الصالحه
شاديه وهي متجاهلا كلامها: فين بابا
ام شاديه:هااا… بابا كملت بصوت واطي ابوكي زعلان منك خالص و عمل نفسه نايم عشان مش عايز يكلمك
شاديه دخلت الاوضه و فتحت النور.”
شاديه:بقا كدا عامل نفسك نايم و مش عايز تسلم عليا موحشتكش!
ابو شاديه وهو بيقوم: ايوا زعلان عشان انتي نستينا خلاص مهو من لقا اصحابه نسي احبابه
شاديه:اي اللي انت بتقوله دا و بعدي انت مشقلب المثل
ابو شاديه:و انتي فكرك اني مش عارف
شاديه وهي بتحضنه:وحشتني كتير كتير يا بابا
ابو شاديه:علي فكرا انا زعلان منك بس هلم الدور عشان انتي وحشاني بس
شاديه:انا متطره امشي انتو عارفين الوقت اتاخر
ام شاديه: انتي ملحقتيش ترتاحي من الطريق حتي
شاديه:طريق اي يا ماما بس ما انا جايه ب العربيه و عمتا جيالك بكرا اقضي اليوم كله معاكم و هنعمل للراجل العجوز دا الاكل اللي بيحبه عشان يصالحني
ابو شاديه :اي عجوز دا انا اصغر منك
شاديه:بابا متبقاش تقلقني عليك تاني و لما ارن يا ريت تردو عليا
اتصورت معاهم و نزلت و ركبت العربيه. ”
شاديه:انا اسفه يا عمو و الله انا عارفه اني اتاخرت عليك جدا
شكري:بتتاسفي علي اي يا هانم دي وظفتي تحبي تروحي اي مكان قبل ما نرجع البيت
شاديه:لا شكرا
رجعت البيت و ارتاحت بعدها قامت صلت ركعتين شكر لله و جلست تتكلم مع ربنا شويا.”
شاديه:شكرا يا رب انك رزقتني بزوج صالح و حنين عليا انا و اهلي انا بس مكسوره و محتاجة اهدا هم شوية وقت و كل حاجة تبقا بخير انا عارفه انك مش هتخذلني عشان انت عمرك ما خذلتني يارب انا بحبو كتير كتير بس خايفه يمشي تاني
و بعدها راحت ف النوم. ”
اليوم التالي الساعه الـ 8:30 ف منزل احمد الدمنهوري اشرقت الشمس التي تعلن بداية يوم جديد ايقظها نورها فاقت بحماس و اخذت شاور ساخن و بدئت في تجهيز كل شئ تحتاجة لوجودها اليوم باكمله مع اهلها و انتهت .”
شاديه:الو
احمد بجمود :وعليكم السلام
شاديه:متتكلمش كدا انا بس عشان مستعجله فا نسيت
احمد:خلاص نازله
شاديه: اي دا انت منستش
احمد: السواق مستنيكي زي امبارح بظبط اوعي تقعدي قدام يا شاديه
كانت لا تطيق اسمها حتي زابت به بمجرد لفظه له. ”
احمد: شاديه انتي سمعاني!
شاديه باستيعاب :اه ايوا انا اسفه انا بس سرحت شويا
احمد *بحزن و شوق*:وحشتيني
شاديه بخجل تحاول تغير الموضوع:اه اممم انا اتاخرت ولازم امشي
احمد: طيب خلي بالك من نفسك ، السلام عليكم
شاديه: و عليكم السلام
قفلت بفرحه و بعدها حضنت الفون و قعدت تتنطت من الفرحه و بعدها قعدت تكلم نفسها. ”
شاديه: اي اي يا شاديه عادي علي فكره لازم توحشيه منتي زي القمر خلاص لازم ننزل عشان عمو السواق مستنيكي
خلصت و نزلت و بعدها بدقائق وصلت. ”
ام شاديه:بنتي حببتي نورتي يا قلبي
شاديه وهي بتحضنها:ماما انا لسا سيباكي امبارح
ام شاديه: و انا كنت لحقت اشبع منك
ابو شاديه:بلاش كلام كتير يلا زمان حماتك علي وصول
شاديه بخبث:اي دا هو انت بتكلم حماتي متشوفي جوزك يا ماما
ام شاديه:لا مش هتعرفي توقعي بنا المره دي انا اللي مكلماها
ابو شاديه:يبنت انتي كبرتي بطلي بقا العمايل دي
شاديه:بابا انا محتاجة اتكلم معاك شوي…
قطع كلامها صوت جرس الباب. ”
شاديه:خليكم انا هفتح. …. عملا اي يا ماما وحشتيني
ام احمد:بنتي روح قلبي ازيك عملا اي
شاديه: انا كويسه انتي عملا اي
ام احمد:انا بخير
شاديه:اقعدي ارتاحي اتفضلي
ام احمد:تسلميلي يا حببتي
ام شاديه:انا هقوم انا و شاديه خمس دقايق و نجيب الفطار و ناكل مع بعض
ام احمد:انا فاطره قبل ما اجي
ام شاديه:مفيش الكلام دا احنا هناكل مع بعض احنا استنناكي يلا يا شاديه
حضرو الفطار و شاديه كانت بتصور كل حاجة و اليوم خلص ف الهزار و الونسه و عند احمد مكنش بينام عشان يخلص شغل و يرجع بدري . ”
ابو شاديه:انا هنزل اقعد علي القهوة شويا
شاديه:بس انا كنت عيزاك
ام شاديه:تعالي ي حببتي اقعدي مع حماتك
ابو شاديه:نبقا نتكلم ف التليفون روحي دلوقتي اقعدي معاهم
شاديه بقلة حيله : حاضر يا بابا خلي بالك من نفسك
بعد مرور الوقت نزلت و روحت و غيرت هدومها و لبست بجامه مريحه و شالت الميكب و رنت عليه.
احمد: السلام عليكم
شاديه بحزن:وعليكم السلام
احمد بخضه :في اي يا شاديه حد ديقك
شاديه: لا انت … انت .. بس يعني
احمد:شاديه متتكلمي
شاديه: انا بس عايزا اقولك اني مفتقداك جدا و انك وحشتني
احمد بفرحه:و انتي كمان والله يا روح قلبي هم خلاص كام يوم و هرجعلك
شاديه: خلي بالك من نفسك ، احمد بتاكل كويس ؟
احمد:اه يا حببتي متقلقيش
شاديه:ابقا طمني عليك ربنا معاك
احمد: متقلقيش انتي خلي بالك من نفسك يلا تصبحي علي خير يا كل الخير
شاديه: و انت من اهل الخير
اترمت علي السرير ب فرحه و بعدها راحت ف النوم. “
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احببته فقير واغنيته بحبي)
تعليق واحد