رواية احباء يجمعهم القدر الفصل الرابع والثلاثون 34 بقلم لولا
رواية احباء يجمعهم القدر الجزء الرابع والثلاثون
رواية احباء يجمعهم القدر البارت الرابع والثلاثون
رواية احباء يجمعهم القدر الحلقة الرابعة والثلاثون
حور بصت واتصدمت من اللي شافته شافت شريف مربوط في عمود وباين عليه اثر التعب والضرب
حور بصدمه عمر ايه ده انت انت جبته ليه
عمر بحب هتفهمي يا حبيبي
شريف بتعب ابوس ايديك تعبت سبني بقي وارحمني كفاايه
عمر بحده مش قبل مايحصل اللي في دماغي ياروح امك
حور بخوف عمر عمر ارجوك بلاش مشاكل وسيبه
عمر بحده ممكن تسكتي هي طيبتك دي اللي عملت فيكي كدده
مؤمن دخل واكمل عمر بيه في واحد بره اسمه منير عايز يدخل
عمر دخله
حور شافت منير وهو داخل متعصب جداا راحت خافت واستخبت في ضهر عمر
منير بحده بتستخبي فيه يا حور ده انا هربيكي علشان تخليه يعمل كل ده في اهلك
عمر بحده هو انت يا راجل يا مهزق بتوجه الكلام لمراتي ليييه خليك راجل و رد عليا انا لان انا اللي عملت كل ده مش حور ولا حتي هي قالتلي اعمل كده وبص لشريف واكمل بس قولتلك كلمه مش هنساها متنساش الوش ده لان نهايه ظلمكم علي ايده وحق مراتي هرجعه وبلنسبه بقي للمرمطه اللي انت فيها دي يا شريف وراح مسكه
حور بخوف لا يا عمر خلاص سيبه
عمر ضربه بلقلم بقوه وقع تحت رجله واكمل بحده وهو بيقومه وبيضربه تاني كل اللي حصل فيك ده بقي علشان بس حاولت تقرب من مراتي وانا العين اللي تبصلها اخلعهااا من مكانها
حور راحت مسكته واكملت بدموع ارجوك كفايه متوديش نفسك في داهيه علشان كلب زي ده
عمر بعصببه حووور اقعدي مكااان ماسبتك متتحركيش وملكيش دعوه ممكن
حور رجعت لورا واكملت بخوف من عصبيته تمام
وهو قوم شريف وضربه تاني
منير بدموع ابوس ايديك يابني خلاص ارجوك كفايه ارجوك
عمر رماه علي الارض قدام ابوه واكمل بعصبيه قسماابالله لو فكر بس ينطق اسم مراتي علي لسااانه لهوريه هعمل في اي انا مبسامحش في اللي يخصني واديني جبته مره واقدر اجيبه الف ولولا انك راجل كبير كنت هتتهان زيه والله
منير بخوف لالا والله ماهيكملها تاني معتش لينا علاقه بيها مش عاوزينها خاالص في حياتنا
حور بصتله بوجع ودموعها نزلت بصمت
عمر بحده ولا هي عايزاكم في حياتها كفايه انا عليها كل اهلها واخلص هات الورق
منير بحزن امسك اهو
عمر بصوت مسموع مؤمن
مؤمن امرك يا بيه
عمر دخل كامل المحامي واقف برا
مؤمن اوامرك
وكامل دخل واكمل مساء الخير يا عمر بيه
عمر مساء النور اتفضل راجعلي الورق ده معلش بسرعه مظبوط ولالا
كامل بص ليه بتركيز واكمل كلها صح مش النص
عمر اه كلها
كامل لا تمام صحيح 100%
عمر بابتسامه خبيثه كده تعجبني من غير مانهري كتير بس انت شكلك اذكي من ابنك وفهمت كويس اوي اني مش سهل وده حلو جداا
منير بص لحور بكرخه واكمل ورقكم عندكم انا عايز ابني بقي
عمر بضحك خده يا مؤمن ارمهوله في عربيتهم برا اصله مبقاش نافع
مؤمن بضحك اوامرك يا عمر بيه
وفعلا سند شريف وطلعه ومنير بص بغضب لحور ومشي
كامل هتعوز مني حاجه تاني يا عمر بيه
عمر بحب لا شكرا يا كامل
كامل العفو عن اذنك
وخرج
حور بدموع ممكن افهم انت عملت ايه بقي
عمر رفع الورق واكمل بابتسامه اهدي بس ايه الجمال ده اول مره اشوف مديره مستشفي قمر كده وغمزلها
حور بعدم تصديق ايه مديره مستشفي ازاي يعني
عمر بحب يعني حقك رجعلك وزياده يا حور انا خليت عمك عمل تنازل ليكي بيع وشراء بلمستشفي بتاعت ابوكي اللي كان مشركه فيهاا وعمك خدها رجعتهااالك كلهاا
حور بدموع فرح انت بتهزر صح
عمر بضحك تعالي شوفي
حور شدت الورق بسرعه وبقيت تقراه بسرعه بدموع ومش هي مش مصدقه ومبسوطه اوي
حور بدموع فرح ايه ده يعني انا انا خلاص بقيت مديره المستشفي بتاعت بابا الله يرحمه يعني انت خلاص رجعتلي حقي يا عمر علشان كده خطفت شريف صح علشان تجبر عمي يتنازل
عمر مسح دموعها وباس جبينها واكمل بحب صح يا ست البنات يا احلي مديره في الدنيا
حور حضنته واكملت بدموع سمعت عمي قال اي عني يا عمر سمعت الوحيد اللي فاضلي من ريحه ابويا انا حقيقي مقهوره اوي ومفيش حاجه عالجت وجعي قد وجودك في حياتي انا كنت بحارب لوحدي كل يوم وبنام موجوعه ومهزومه من كل الاتجاهات بس من يوم ماظهرت وانا حبيت كل دقيقه في حياتي وبتمني عمري يطول علشان افضل معاك انا بحبك بحبك اوي يا عمر
عمر بحب مسح دموعها وضمها ليه واكمل وانا بحبك اوي اوي اوي يا قلب عمر ومش عايزك تفتقدي حد يا حور انا كل حاجه ليكي وقولتلك وهقولك انا كل اهلك وطول منا موجود اياكي تحسي بكده او تقولي كده تاني
حور بدموع فرح محدش غيرك حبني يا عمر محدش غيرك حسسني اني حاجه كبيره كده ولا قالي اني حلوه بس تعرف وجودك اللي بيحليني انا احلويت لما حبيتك وحياتي اتغيرت يوم مالبست دبلتك انا مش قادره اصدق ان اخيرا بقالي ضهر وسند في الدنيا مبقتش لوحدي متوقعتش العوض يكون مبهر كده انا معاك بحس بأمان محستوش في حياتي كلها بجد الامان هو اني ابقي عارفه ان عمر هيفضل موجود معايا علطول وانه جمبي وقت ما احتاجه هلاقيه وان وقت ما اختلف معاه اتكلم وانا عارفه انه مش هيفهمني غلط وان مهما وصل الخلاف بينا ابقي عارفه ومتاكده انك مش هتجرحني بكلامك لان في الاخر ده مجرد خلاف وهيروح لحاله انما احنا مكملين الامان اني مبقاش خايفه وانا بقول اللي جوايا. الامان اني محسش ان علاقتنا ببعض مهزوزه اي حاجه او كلمه ممكن تكسرها لا دا انا ببقي متاكده ان لو الدنيا كلها اتجمعت علي اننا منكملش هنكمل الامان من احلي بنود الحب ومحستوش غير معاك يا حبيبي ونصيبي الحلو
عمر بحب وهو باصص في عنيها وانا محبتش ولا هحب غيرك يا حور تعرفي اوقات بصحي من النوم وابص للدبله كده بقوم بايسها واقول ياااه يعني حور دلوقتي خطيبتي بس ومبسوط كده وبصي فرحان وابتسم تلقائي لما بشوف في ايدي دبله تدل انها تخصني انا بفضل اتخيل طب لما تنام في حضني هحس بايه بلاقي نفسي ابتسامتي وسعت اوي كده ساعات بفضل اقول هو انا كويس اووي كده وربنا بيحبني علشان يجعلك انتي بلذات نصيبي يااه يا حور بحلم بحلم بليوم اللي هتكوني في مراتي قدام الدنيا كلها وتلبسي الابيض بحلم بحياتي اللي جايه وهي معاكي وضحك واكمل حتي تخيلتك وانتي بطنك كبيره قدامك كده وحامل في ابني وبنتي حقيقي يا حور لو انتي محتجاني في حياتك انا حياتي مش هتكمل غير بيكي
حور بدموع مليانه حب بحبك يا عمر بحبك اوييي فوق ماتتخيل
عمر سند جبينه علي جبنيها وحو حاطط ايده علي خدها واكمل بحب وعمر بيعشقك بس انا رايي نمشي بقي
حور بضحك مالك حالتك قامت فاجاه ليه كده
عمر وهو باصصلها وهي وقريبه منه جداا اكمل بضحك مش فاجاه بس كلامك ده بيخليني عايز اعمل حاجه كده مش هتنفع حاليا وبيبص علي شفايفها
حور بخجل ااه يا حيووان اوعي وزقته وجريت علي برا وهي محرجه اوي
عمر طلع وراها واكمل بضحك طب اكدب طب مش بقولك الحقيقه
حور باحراج كبير عمر اتلم واسكت ها ويلا روحني
عمر بضحك خلاص نمشيها خدك علشان شكله وهو احمر كده اغراني جداا
حور ضربته في كتفه واكملت باحراج بس يا قليل الادب ياللي متربتش ده انا هعرف طنط وفاء استني عليا بس
عمر بضحك كده يا حور عايزه تبلغي عن حبيبك اخص مكنش العشم
حور هقولها علشان تربيك من الاول
عمر بضحك طب مانتجوز وتربيني انتي براحتك وغمز
حور باحراج يااا عمر هنزل امشي علي رجلي والله
عمر بضحك مين هينزلك مثلا يعني هتنطي وانا بمشي
حور لا هخليك تقف وهنزل
عمر قفل البيبان من العربيه واكمل بضحك حتي مش هتعرفي تنطي اهو وريني بقي اخرك
حور باحراج عمررر
عمر بضحك قلب عمر من جوه انا بحب اضايقك بصراحه بتبقي قمر وانتي وشك كله احمر كده
حور ضربته في كتفه واكملت حقيقي انت رخم اوووي بجد
عمر باس ايديها واكمل بضحك خلاص والله هسكت اهو
حور ابتسمت بحب واكملت مش هقولك شكراا علي اللي عملته معايا لان انت نصي التاني واحنا واحد بس بجد هقولك انا هموت من فرحتي بلخبر ده ويابخت قلبي بيك
عمر بحب علشان تعرفي بس ان قد عمك اهو فاكره لما قولتيلي وانتي بتتريقي مش هعرف اجيب حقك
حور بحب كل يوم بكتشف اني اسعد بنت في الدنيا بوجودك وبكتشف فيك حاجات اجمل. بتعمل كل حاجه علشان تفرحني وبقي كلي ثقه ان محدش يقدر يجي عليا وانت معايا حقيقي حظي حلو اني عرفتك بجد يا عمر وبشكر ربنا انه كتبني ليك وكنت لياا العوض بعد سنين تعبت ووجع
عمر بحب وهفضل كده ليوم ما اموت يا ست البنات محدش هيقربلك ولا يضايقك وبجد ده يبختي انا بيكي
حور بحزن بعد الشر عليك ممكن متقولش كده
عمر بحب حاضر يا حبيبي وباس ايديها
———————————
عند اميره الباب خبط
اميره خير مطولتوش يعني
عاصم بضيق اتفضلي جمال بيه عايزك
اميره ايوه عملتوا المهمه يعني
خاالد بحزن لا واتهزقنا
سيد بحده انا مش عارف ابن الكلب ده هرب ازاي وراح فين
عاصم نفخ واكمل بحده خلاص يا سيد اللي حصل حصل لازم نفكر ممكن يكون فين
خالد انا رايي كده بردو الندب مش حل
عاصم خلصي ياست هانم وهاتي الفون
اميره فرحت انهم هربوا واكملت ماشي وقفلت الباب
وراحت دخلت اوضتها ومسكت الفون رفعته علي ودنها
اميره بوجع خير يا جمال
جمال بحزن واحشتيني
اميره دموعها نزلت واكملت بوجع وده من امتي ده انشاء الله
جمال بحزن اميره انتي عارفه انا بحبك قد ايه و
اميره بماقطعه ودموع بسس بسس والله ماتكمل ماتقولش بحبك الكلمه دي كبيره اوي ووراها المفروض يحصل افعاال كتيره جدااا لان الكلام لوحده مالوش لازمه كله بيتكلم انما الفعل صعب وانت افعالك كلها اتكلمت انت لو بتحبني فعلا كنت خدتني في الحلال كنت اكتفيت بيا كنت سبتك من كل القرف ده وضحيت علشاني زي ماعمل فهد مع مراته
جمال بحده اميره متجبليش سيره الكلب ده وفهد مكنش في نفس ظروفي ولا عاش حيااتي متقدريش تقارني بيني وبينه
اميره بوجع ودموع الكلب ده اللي انت بتشتموا لما حب ملمسش ست تاني بعد مراته مادخلت حياته وقرر يولع فيكم كلكم ويوديكم في داهيه وشغاال يهرب منك من مكان لمكان وبيحارب ناس خطيره زيكم وعمل اللي مبيتعملش علشان حبيبته لانه حبها بجد يا جمال مهما كانت الظروف بس قدر يثبت حبه وبجداره وفوق كل ده مراته علي سنه الله ورسوله عززها وخدها في الحلال ميزها عن اي بنت تانيه معملش زي منتا عملت انا ايه فرق بيني وبين اي واحده انت غلطت معاها كلنا اا رخاص زي منتا قولت واكملت بقهر يا حبيبي
جمال بحزن اميره انا
اميره عياطها زاد واكملت انت ايه بس انت ايه تصدق بتصعب عليا نفسي وانا بنطق حبيبي دي شيفاك متستهلش الكلمه دي خالص بس اعمل ايه للاسف بحبك من وانا لسه 20 سنه لما سبت اهلي وجتلك كنت انت ساعتها 27 في عمر فهد يعني عاقل وكبير وناضج بس كنت زباله يا جمال غيرو خالص اه انت فعلا ظروفك غير فهد بس في النهايه هو غير من نفسه لما حب انما انت اصلااا متعرفش ولا هتعرف يعني ايه حب انت سنك صغير يعني ايه 33 سنه يتحبس واكملت بوجع وللاسف امله ضعيف في الخروج وانه يعيش تاني طب سيبك مني انا لاني فعلا رخيصه بعد ما ضعفت قدام حبي ليك ووافقت .. ابني اللي جاي ذمبه ايه يا جمال اقوله انت ابن حرام وابوك مسبش حد في حاله ومسابش غلط غير وعمله واكملت بحده ودموع قوووولي اقوله ايه
جمال بوجع وحزن اميره انا لما قولتلك سقطي قولتلك علشان كده العيال ملهاش ذمب ارجوكي متكمليش حملك
اميره بدموع ووجع ولو قولتلك لا هتدخلي انهي واحد من رجالتك يعتدي عليا علشان الحمل ينزل يا جمال
جمال بحده اميره متستعبطيش انتي عارفه كويس اووي اني كنت بخوفك وبستفزك علشان تسقطي انما اللي يفكر يلمسك انا اموته بايدي الاتنين وبردو انتي عارفه انك مش زيهم دول بنات متاحه للجميع محبتش حد فيهم يعني معايا ومع غيري انما انتي
اميره بوجع ودموع انا رخيصه زيهم بردو مفرقتش عنهم وحتي لو كنت ليك انت بس وده قاهرني اكتر لاني رضيت بلذل والوجع ده كله 6 سنين بس بردو رخص ما هو انت ولا غيرك حرام منتا مش جوزي وانا كده اذنبت وذمب كبير اوي يا جمال بس يشهد ربنا عمري مارضيت عن القرف اللي انت بتعملوا ده ودايما كنت بتخانق معاك بس حبي ليك كان عاميني
جمال بوجع وحزن اميره انا بجد بحبك عارف اني كنت مع كتير غيرك بس انا محبتش غيرك والله العظيم واكبر دليل غيرتي عليكي واني مكنتش بسمح اصلا تتطلعي من البيت لحد يشوفك ولا استحملت تسافري اصلا وتبعدي عني اوعي تقولي علي نفسك رخيصه تاني يا اميره اوعي علشان خاطري
اميره بدموع ووجع والنبي بلاش بحبك دي ارجوك انا مش حمل وجع وبعدين انت اللي قولت يا جمال مش انا انت زي ماقولت اني رخيصه قولت ان ابني ابن حرام و واالله فعلا كل كلامك صح بس يمكن انا اللي مكنتش عايزه اشوف الواقع واصدقه
جمال بحزن ووجع انا اسف حقك عليا وعلي اني مديت ايدي عليكي كان يتقطع لساني قبل ماقول عنك كده يا حبيبتي بس ارجوكي سقطي الطفل مالوش ذمب يا اميره
اميره بدموع مش هتفرق اعتذارك ولا حتي يفرق انك قولت او لا لانه كده كده الحقيقه وبعدين مش هسقط لا يا جمال لا مش عايزه اخسرك واخسر اللي في بطني اللي واثقه انه سواء ولد او بنت هيكون حته منك وشبهك بس مش هخليه شبه طباعك ابداا هربيه وهعيش ليه لان كده كده محدش هيتجوز واحده حامل ومش متجوزه اصلا واكملت بدموع وانا مستحيل اخلي راجل غيرك يلمسني خلاص فهسافر وهعيش لابني وارجوك اخر طلب هطلبه منك خليهم يخلوني اسافر انا مش هستحمل وانهارت عياط واكملت مش هستحمل اسمع حكم موتك وبعدك عني ارجوك يا جمال
جمال بوجع من صوتها وكلامها اكمل خلي البيبي يا اميره خليه بس عايزك تفتكري اني فعلا بحبك واووي كمان
اميره بدموع لو بتحبني صح الحق توب قبل فوات الاوان واكملت بقهر ووجع وتقابل وجه كريم وسيب فهد وليلي في حالهم
جمال بحده لا يعني لا مش كفايه بسببه مش هكون معاكي والله واعلم هيحصل فيا ايه ولا حتي هيتحكم علي بايه ده بلذات لا يعني لا يا اميره
اميره بدموع اقفل يا جمال اقفل وربنا يهديك وقفلت الفون وفضلت تعيط بوجع علي حالها وراحت ادت لعاصم الفون
وجمال رن
عاصم الو يا جمال بيه
جمال بحده حالا تجيب اميره وتجيلي
عاصم تمام يا فندم
عند اميره في اوضتها قفلت كويس ورنت علي فهد
فهد الو
اميره بخوف ها طمني
فهد الحمدلله متقلقيش مشينا وروحنا مكان تاني بجد مش عارف اقولك ايه ولا اشكرك ازاي يا مدام اميره انا عنيا ليكي بجد
اميره بحب متقولش حاجه يا فهد الحمدلله اني اطمنت عليك وخد بالك جمال مش هيسيبك ارجوك خالي بالك من نفسك كويس وياريت متخرجش من المكان اللي انت فيه غير بعد الحكم
فهد بحزن انا مش عارف اقول لحضرتك ايه بس انا اسف ليكي ولابنك انا حسيت من صوتك بس لما سمعتك انتي بتحبيه قد ايه بس اقسم باالله مش بايدي ولو رجع بيا الزمن يمكن كنت احاول اقنعه يتغير مع انه امل بعيد بس كنت هحاول اغيره ومعملش فيه كده لاجل العيل اللي لسه مجاش الدنيا ده بس وميستاهلش ابوه يموت قيل ما يجي
اميره بوجع ودموع متقلقش عليا يا فهد انا اللي عملت كده في نفسي واستاهل رخصت نفسي اوي ورضيت وسكت كان لازم دي تكون النتيجه وانهارت عياط واكملت مش ابني بس اللي هيتحرم من ابوه لا حتي انا كنت شايفه جمال مكان بابا ملقتش غير منه هو الحب والاهتمام والحنان برغم قساوته مع الكل ومقهوره للي بيحصل ومسحت دموعها واكملت سيبك المهم انت ومراتك الحمدلله بخير
فهد بحزن متقوليش كده علي نفسك والله انتي ست محترمه جداا وانا عارف قد ايه كلامك بيوجع وصعب والحب مش بايدنا وجمال قالي مره انه في بنت بتحبه وقولتله وانت هتحبها اكيد دي انتي بجد رينا يقويكي انا صحيح عاجز عن اني اريح قلبك بس اي حاجه تعوزيها تحت امرك واللي هقدر عليه هعمله
اميره بوجع تسلم يارب سلام
فهد سلام
عاصم خبط فاميره مسحت دموعها وراحت فتحت
اميره خير يا عاصم
عاصم جمال بيه عايز يشوفك
اميره بدموع قوله مش عايزه اشوف حد
عاصم مدام اميره انتي عارفه ان كده كده هتروحي ومنقدرش منفذش اوامره فا يلا من فضلك
اميره بنفخ ده انتوا زهقتوا الواحد والله وخرجت معاه
عند فهد وليلي
ليلي بحزن صوتها قطع قلبي وهي بتتكلم يا فهد
فهد بحزن مين سمعك بجد ربنا يصبرها
ليلي بحزن ده وجع وقهر بجد يا فهد مهما كان وحش وقاسي مفيش واحده هتستحمل حبيبها وابو ابنها يموت مجرد التخيل صعب بجد
فهد بتنيهده مش عارف بجد اعمل اي اساعدها بيه دي بلذات مش هعرف بجد غير اني ادعيلها
ليلي بحزن يارب بجد يقويها علي الشيله دي
———————————-
عند فارس
سيف يعني واخرته هتفضل ساكت كده
فارس باصص للفراغ وساكت
يوسف بتنهيده فارس ممكن تتكلم يخش حتي تتعصب بس متسكتش كده
فارس بحده هو انتوا عايزني اتكلم اقول ايه اقول ايه بجد اقول مراتي خلت شكلي زي الزفت قدامكم كلكم ومسمعتش كلامي ولا احترمتني ولا اقول ان بسبب غبائها كنت هخسرها وشباب كانوا هيخطفوها انا بجد مصدوم فيها من امتي شروق كده ده انا كنت بقولها متتكلميش في اي قاعده تسمع الكلام وتسكت مش تروح وتيجي ولا اكن ليها راجل
سيف بتنهيده بص انا مش بغلطك بس هي تلاقيها حسبتها انت نايم ومش عايزه تقلقك بقي فهتروح وتيجي بسرعه ام ياخي وخافت علي حملها محصلش حاجه عديها
فارس برفعه حاجب بزمه اهلك انت مقتنع بكلامك يعني لو تولين عملت كده لما تتجوزوا هتسكتلها
سيف بتنهيده لا هزعق وانت زعقت خلاص طب واخره
يوسف انا مع سيف خلاص بقي انت عاقبتها بزياده متهدمش بيتك يا فارس اصل اللي انت فيه ده اخره اي
فارس بحده اخره انكم تسكتوا لاني عارفكم اكتر من نفسكم وعارف ان كل الهري ده انتوا مش مقتنعين بيه بس بتهدوني علي شروق فوفروا كلامكم انا مش مقتنع
سيف بتنهيده طب علشان ابنك اللي في بطنها صالحها حبه زعل يا فارس لاقدر الله ينزل
يوسف اه والمصحف غلط يا فارس فمعلش حتي لو زعلان تعالي علي نفسك و روح بيتك احضنها وخليها تبطل عياط دي. روح لسه مكلماني بتقولي بتطرد اللي بيدخلها ومش مبطله عياط والله العظيم كده غلط
فارس بتنهيده طيب يا يوسف هروح البيت بس لو اتعصبت عليها محدش يزعل لاني لسه مهديتش وقام وركب العربيه
سيف بنفخ دماغه ناشفه
يوسف بهمس دماغه ناشفه والواحد مش عارف يقول ايه بس سيبك هيصالحها مجرد مايشوف منظرها
سيف انا واثق ان في سبب بجد يخلي شروق تعمل كده ممكن تكون بتتحرج او مش عايزه تقلقه بس شروق بتحب فارس اوي مش هتعمل كده من باب للطاق هو في حاجه محدش فاهمها ياباشا ده لما نكون قاعدين ويقولها بس يا شروق مش بتفتح بوقها شروق دي اعقلهم اصلا
يوسف انا كمان بعتقد كده وحصل قدامي في بنت شتمت اختها ورايحه ترد عليها فارس قالها اسكتي متكلمتش بحترمه اوي بجد بس مننكرش ان تصرفها غلط اي ان كان بس اتصرفت كده ليه ده اللغز
سيف اه ده حقيقي
وركبوا مع فارس في العربيه
فارس وهو بيمسك فونه وبيرن
فارس بعصبيه اخيرا رديت يا بيه من الصبح قلبي واكلني عليك وعمال اتصل بيك مش بترد ليييه هااا
فهد اهدي طيب واسمع اه كنت بكنسل عليك بس مكنتش عايز اقلقك والله
فارس بعصبيه تقلقني ايه يا حيوان منا من ساعه ماصحيت بقولك قلبي واكلني عليك فانت متردش علشان متقلقنيش انت مقتنع ???
فهد يا فارس اهدي حقك عليا والله مقصدش بس مكنتش هعرف اكلمك خالص
فارس بحده وده ليه انشاء الله
فهد بتنهيده جمال عرف مكاني
فارس بخوف ايييه ازاي يعني وانت فين وكويس ولالا وليلي كويسه ولالا واكمل بحده ماتنطق يا حيواااان قلقت اهلييي
فهد بضحك يا فارس انت مش سايبلي فرصه اتكلم والله متخافش انا في المزرعه بتاعت عمر هو جيه خدني وحاليا انا فيها وليلي زي الفل ونايمه اهي ومفيش حاجه متقلقش
فارس بتنهيده انا تعبت والله هفضل لحد امتي خايف عليك كده وانت ازاي متردش تفهمني صاحي قلبي واجعني وبقول متهيألك. يافارس هو في حته بعيده اكيد كويس وارن متردش يابني ليه يابني تتعبني وتوجع قلبي كده وبعدين عرفت منين كل ده
فهد بحزن حقك عليا يا حبيبي بس هانت والله ومردتش ارد قولت هتعرف هتخاف عليا اكتر فبلاش وعرفت منين من حبيبت جمال هي ست كويسه اوي وعرفتني ان رجالته جايين وانا هربت واتصلت بعمر
فارس بستغراب حبيبت جمال تساعدك حاجه غريبه وانت اللي عامل كده فيه ازاي بجد
فهد بتنهيده هي ست كويسه اوي وتعرفه من سنين وعارفه بلاويه وبتقولي انه يستاهل لانه غلط بس مقهوره اوي يا فارس بجد في النهايه الكلام سهل انما ده حبيبها وبتقولي اني كده مع الحق احسن وربنا هينصرني
فارس بتنهيده ده ايه ياخي الوجع ده الشخص اللي حبيته يموت مهما كان وحش بس بتوجع ده حبيبها
فهد ااه لو تعرف نبره صوتها عامله ازاي وهي بتقولي انه هيموت يا فارس البت بتموت عليه وهو قاسي بس برغم كده بيحبها انا عارفه ربنا يصبرها بجد
فارس بتنهيده يارب بجد واي ان كان هيحصل ايه ياريت نخلص علي خير يا استاذ فهد لان نفسيتي تعبت بجد
فهد بضحك ليه حاسس انك ابويا كده
فارس وانت بتقول فيها هو اانت فاكرني بعتبرك اخويا ااتؤام كده وخلاص تبقي غبي انا فعلا بشوفك ابني يا فهد وطبيعي اخاف عليك واحس بخوفك كمان ومش عايز بقي غير ترجع واشوفك كل يوم قدامي واطمن انك بخير
فهد بحب ربنا يخليك ليا يا غالي بجد يااما ظلمتك وجيت عليك وقولتلك كلام صعب وانت زي منتا حقيقي انت مش اخويا وبس انت كل حاجه ليااا
فارس ويخليك ليا يا حبيب اخوك وضحك واكمل هاا مفيش حاجه جايه في السكه
فهد بضحك لا لسه قول يارب
فارس بضحك المهم رضيت عنك براحتك بقي
فهد بضحك والله بنت عمك دي بحالات ومجنونه
فارس بضحك ده حقيقي بس بتحبك
فهد بحب وانا بموت فيها والله وبصلها وهي نايمه وقرب باس خدها
فارس بضحك وانا معاك علي الخط كده يا للي متربتش مفيش كسوف خالص
فهد بضحك يا برو انت مننا وعلينا
فارس بحب ربنا يسعدكم يا حبيبي
فهد بحب امين يارب الا صحيح حبيب عمو اخباره ايه واكمل بضحك قارفك طبعاا عاملك حظر تجوال
فارس بضحك ياللي متربتش احترم نفسك وابتسم واكمل الحمدلله بخير والله انا بحلم بي اليوم اللي ابني او بنتي يجي فيه يا فهد واشيله بايدي ومش مهم اي حاجه تاني يعمل حظر براحته
فهد بحب امين يارب يا حبيبي باذن الله هيجي وتفرح بيه
فارس بحب يارب يلا سلام علشان وصلت
فهد باي يا حبيبي
وقفل
ودخلوا
روح راحت ليوسف وهمست بقلق ها عملتوا ايه
يوسف بتنهيده ولا حاجه
تولين بصت لسيف عملها بايديه انه لا
فارس وهو طالع السلم اكمل عن اذنكم طالع انام
نفين بحزن طب والاكل يابني
فارس بحده مش عايز اتنيل ووقف واكمل هي شروق كالت ??
روح بحزن لا مردتيش ولا راضيه تفتح لحد يقعد معاها اصلا
فارس نزل ودخل المطبخ وخد اكل ولبن ليها وطلع من غير ولا كلمه
نفين بتنهيده برغم قاسي وشديد اوي بس حنيه الدنيا فيه
روح بحزن حقيقي اه وبيحبها اوي ربنا يهديها شروق
تولين بحزن اكيد هيتصالحوا طبعا بس هو الموقف لسه مهديش
سيف بتنهيده احنا حاولنا بس قفشنا وقالنا انتوا بتقولوا كده بس مش مقتنعين عايزين تهدوني عليها
يوسف قعد واكمل عنيد عناد مش في حد
سعاد بتنهيده ربنا يهديهم يابني. ويهدي سرهم
الجميع يارب
في اوضه فارس وشروق
شروق قاعده بتعيط وبتفتكر
فلااااش باك
فارس بحب عايزك توعديني انك متخبيش عليا اي حاجه وتحكيلي كل حاجه مهما حصل
شروق بحب اوعدك طبعاا
باااااك
شروق بعياط حتي وعدي ليك معرفتش انفذه انا تعبت بجد يارب والله العظيم تلاته غصب عني انا مبحبش اكسر كلامه وعمري ماعملتها بس مش هاين عليا اكسر فرحته بابنه مش هاين عليا واجعه واشيله الهم
والباب خبط
شروق بحده ودموع قولت مش عايزه حد ولقيت فارس
شروق بعياط وتفاجئ فارس فقامت بسرعه بفرح وحضنته واكملت بعياط فارس ارجوك متزعلش مني خلاص والنبي انا اسفه والله
فارس عياطها وجعه اوي فاكمل بتنهيده شروق بطلي عياط ممكن
شروق بعياط ااه ااه ممكن بس متزعلش مني والنبي
فارس حط الاكل علي التربيزه ومسح دموعها بعيدا عن مشكلتنا انا مش بحبك تعيطي نهائي
شروق مسحت دموعها واكملت خلاص مش هعيط بس متزعلش مني
فارس بتنهيده انا مش قادر اتكلم ياشروق وعايز اانام احسن لينا اني اسكت لاني لسه متعصب ومش عايز ازعقلك تاني فاتفضلي كلي علشان دواكي والحقنه
شروق بتوتر وانت عرفت منين ان في حقن و داواء
فارس خليت تولين لما دخلتلك صورت الروشته اللي جبتيها وطلبتها وجات مش معني اني مش بكلمك فمش ههتم بيكي وبابني فا يلا لو سمحتي
شروق بدموع فارس ايه مش بكلمك دي بجد متقهرنيش بلكلمه دي هو انا ليا غيرك
فارس وانا مقولتلكيش بكرهك لا انا بحبك اوي وانتي عارفه وخناقي معاكي ومش هيلغي ده طبعا بس فعلا مش عايز اتكلم اتفضلي بقي كلي مش هتحايل كتير
شروق قعدت تاكل وهي بتبكي بصمت واكملت طب انت كلت
فارس ——-
شروق بدموع فارس رد عليا
فارس مطفحتش وخليكي في نفسك
شروق بحزن طب تعالي كل معاايا
فارس ——–
شروق بدموع بجد بطل تتجاهلني كده
فارس وهو ماسك الفون مردش عليها
شروق بوجع تمام وسكتت
شروق بحزن فارس انا مبحبش اللبن
فارس بحده ميخصنيش يتشرب
شروق بضيق انت عارف اني مش بحبه
فارس بحده متفتحيش حورات علشان اكلمك الدكتوره لما سالتيها مره قاالت قبل كده قالت اشربي لبن علي قد ماتقدري لانه مفيد فمعلش تعالي علي نفسك ومالوش لازمه انك تحوري كده لاني عارف بتعملي كده ليه
شروق افتكرت بوجع اللي حصل معاها عند الدكتوره. ودموعها نزلت وفعلا مترددتش وشربت كل اللبن وده خلي فارس يستغرب بس سكت
شروق وهي دموعها علي خدها اديني خلصت الاكل واللبن اي اوامر تانيه
فارس خدي دواكي ويلا علشان اديلك الحقنه
شروق بدموع ماشي وفعلا خدت الدوا وفارس قام يحضر الحقنه وهي شيفاه بيحضرها جسمها اتنفض لانها بتخاف منهم جدا وبتكرهم
فارس بتنهيده تعالي يا شروق وفتح ايديه
شروق وكانها كانت مستنيه وحضنته وفضلت تعيط وكأنها عايزه تشكيله من كتر الهم اللي هي شيلاه بس سكتت وعبرت عن زعلها ووجعها من كل اللي هي فيه بعياط
فارس ساب الحقنه علي الكومود وفضل يطبطب عليها وهو موجوع علشان حالتها دي وفهم انه بسببه ميعرفش انه بسببه وبسبب الحمل
فارس بحب خلاص كفاياكي عياط يا شروق كل ده اهدي اهدي علشان خاطري وابتدا يطبطب عليها لحد ماهديت فهمس اهدي خالص بعدين تاخدي الحقنه زي كل مره بحضنك شويه لحد ماتهدي وتاخديها
شروق بدموع حاضر هاخدها بس متزعلش مني
فارس بتنهيده ممكن ناجل اي كلام دلوقتي
شروق بوجع ودموع تمام يا فارس
فارس مسك الحقنه فمسكت فيه واستخبت في حضنه
فارس باس خدها واكمل بحب اهدي انتي عارفه انا مش بوجعك مش كده
شروق بدموع اممم بس انا مش بحبها
فارس ومين بيحبها بس احنا مضطرين ولا ايه
شروق بدموع وخوف علي طفلها اااه ااه طبعا خلاص يا فارس يلا انا موافقه
فارس باس جبينها واكمل والله مش بايدي بس لما تخلص الكميه اللي الدكتوره قاالت عليها هنوقف خالص بس انتي عارفه اني علي عيني اني اديهالك
شروق بدموع ووجع عارفه بس انا راضيه علشان مصلحه اللي في بطني مش مشكله اي حاجه
فارس بحب جدعه يا حبيبتي
ومسك الحقنه وشروق غمضت عنيها وفعلا اداهالها وهي كانت بتعيط بصوت ضعيف بعدين خلص الحقنه ورماها في الباسكت واكمل خلاص خلاص يا حبيبي وحضنها
شروق وهي في حضنه اكملت بعياط انا تعبانه اوي يا فارس بجد تعبانه
فارس بحزن حقك عليا والله عارف انها تقيله يلا يا حبيبتي ريحي جسمك ونامي شويه وشالها بين ايديه ونيمها علي السرير ورايح يقوم
شروق بدموع ارجوك متبعدش عني ونام في حضني كله الا دي
فارس بتنهيده حزينه حقيقي مش قادر انسي اللي عملتيه يا شروق بس انا كمان مقدرش انام برا حضنك وقعد جمبها وخدها في حضنه
شروق بدموع ممكن متزعلش مني يا حبيبي وحياتي عندك
فارس بحزن مزعلش منك ازاي وانتي كاسره كلمتي ومش بتحترميني واكمل بسخريه والانقح قال بتتكسفي مني قال
شروق بدموع مش كده والله حقك عليا و انا عارفه اني غلطت يا فارس بس زعلك مني بيموتني والله وانا مش قادره خالص بجد وبعدين انا حلفتك بحياتي
فارس بتنهيده طيب ياشروق خلاص اهدي وطلع عندك اي بقي
شروق بتوتر ولا حاجه مغز طبيعي يا حبيبي متشغلش بالك بس النهارده كشفتلي كذا نوع كشف لو انت كنت واقف كنت هتحرج شويه علشان الدكتوره هتبقي واقفه وكده فاتكسف تشوفني قدامها بس اكيد مش بتكسف منك انت لا هو ده مش مبرر انا عارفه وانا غلطت وباست خده واكملت حقك عليا يا حبيبي متزعلش علشان خاطري
فارس بتنهيده انتي عارفه اني بحبك ومبعرفش ازعل منك بس فعلا الموقف ضااايقني اوي وعموما ياشروق اقسم بالله لو اتقرر انا ممكن
شروق بمقاطعه مش هيتقرر والله خلاص وحياتك عندي
يلا بقي وافق لان لو مصالحتنيش مش هعرف انام بجد
فارس بخبث طيب خلاص بس بشرط
شروق بحب وفرح سماح يعني
فارس رفع ايديها باسها واكمل بحب سماح واكمل بضحك بس في شرط مخدتيش بالك ولا ايه
شروق بحب ايه هو عادي واي ان كان او اي حاجه هعمله بس انت متزعلش مني يا فارس انا مليش غيرك في الدنيا
فارس بضحك اي حاجه اي حاجه
شروق بحب اي حاجه
فارس بضحك انتي اللي قولتي اهو مش انا وشاور علي شفايفه
شروق بصدمه ياقليل الادب.واكملت بضحك الا معملتها يوم ماتممنا جوازنا اعملها دلوقتي انا مستحيل ابدأ انت اللي قليل ادب وبتعمل كده انا ببوس خدك بس
فارس بضحك بقي كده طب اوعي بقي وتصبحي علي خير وزعلان ورايح يفرد جسمه مسكته شروق
شروق باحرج لالا والنبي لا متزعلش خليك قاعد زي منتا وسبني افكر هعمل كده ازاي
فارس فضل يضحك واكمل ايه ده هو الموضوع صعب للدرجه دي
شروق باحراج فارس اسكت وبطل ضحك ومتوترنيش سبني اركز
فارس بضحك تركزي ?? ليه هي مسأله فيزيا يا شروق
شروق باحراج بجد اسكت خالص تسمح تسكت
فارس وهو بيحاول يكتم ضحكه علي كسوفها اكمل امممم اهو اديني سكت خالص
شروق باحراج طيب ولو عملت كده هتصالحني ولا هتضحك عليا ?
فارس بضحك عيب عليكي انا الكلمه اللي بقولها بعملها
شروق قول وحياه شروق هتصالحني
فارس بضحك طب ما لو بوستيني ومصالحتكيش عادي جوزك حبيبك فيها ايه ليه محسساني انك بتضحي كده. وبتعملي عمليه خطيره علشان اصالحك
شروق ياحراج ضربته في صدره واكملت احترم نفسك وملكش دعوه يعني مش هتقول بردو ?
فارس بضحك مع انك عارفه اني طلما قولت كلمه بعملها بس عموما وحياه شروق هصالحك
شروق بفرح ايوه كده
فارس بضحك بس لو عجبتني
شروق باحراج فااارس بجد اتلم علشان خاطري
فارس بضحك خلاص والله اديني سكت يلا
شروق غمضت عنيها بتوتر وقربت منه ببطئ وباسته بحب وهو شدها ليه اكتر وبعد دقايق بعد عنها وسند جبينه علي جبينها
شروق بحب خلاص بقي علشان خاطري
فارس بضحك خلاص ياروحي
شروق بحب نامت علي صدره واكملت بحب يبختي بيك يا فارس حتي في عز قساوتك وزعلك وعصبيتك مني انت حنين اووي عليا وجبتلي اكل واهتميت بدوايا ومبتحبش اعيط وكل ده وانا اللي غلطانه حقيقي زي ماعصبيتك وحشه اوي حنيتك مفيش منها اصلا انا بتكسف من نفسي لما الاقيك بتعمل كده بس حقيقي الحاجه الوحيده اللي هفضل مقتنعه بيها ان ربنا اداني اعظم واحن راجل في الدنيا
فارس باس خدها واكمل بحب قولتلك ان دي اكتر حاجه بحبها في علاقتنا اننا مقتنعين ان مهما كانت المشكله هتتحل بس نبعد لا عارفين حدود زعلنا كويس ايه ومقتنعين تماما ان مهما كان الزعل كبيير اوي بردو هينتهي واحنا كده كده مع بعض وهنفضل مع بعض ومفيش حاجه هتتغير وانا مش معقوله علشان زعلان منك ههملك واهمل علاجك لا طبعا منتي هي هي حبيبتي والزعل ممسحش ده
شروق بحب والله بموت فيك بس تعرف
فارس اممم سامعك
شروق بضحك خوفت منك بجد يا فارس الجانب العصبي ده مكنتش بشوفه كتير زمان بس عارفه ان زعلك وحش حسيت ثانيه كمان وهلاقي قلم علي وشي
فارس بضحك بصي عايزه الصراحه انا عمري ماضربتك بس كنت عايز فعلا اعمل كده كنتي مستفزه اوي بجد وكلامك غير مقنع بلمره بس مسكت نفسي بلعافيه بجد وبعدين انا مقصدش اخوفك مني بس حقيقي انتي اللي وصلتيني لكده
شروق بحزن عارفه والله وخلاص نقفل علي الموضوع المعفن ده احسن
فارس تمام بس خدي بالك هو فعلا مفيش شغل ليكي تاني خلاص
شروق بحزن تمام يا فارس
فارس مش عايزك تزعلي بس خلاص فعلا انا رايي تهتمي بحملك بقي لانك بتتعبي في الشغل كانك بتحاربي وبفضل اقولك اهدي علي نفسك لا ازاي رايحه جايه وعايزه تعملي كل حاجه
شروق تمام انت صح والله انا عارفه هنزل اجبلك تاكل علشان مكالتش
فارس لالا هنام خلاص
شروق لا طبعا من امتي بنيمك مش واكل يعني وقامت لبست الاسدال ونزلت جابتله اكل وطلعت وفارس اكل بعدين خدها في حضنه وباس راسها ناموا
———————————–
عند جمال في مكتب الظابط
اسلام اه يعني انت عايز تكتب عليها
جمال ايوه
اسلام وهو بيرجع بضهره لورا وده ليه مش حرام عليك تربطها بيك وانت كده كده هتموت
جمال كور ايديه من العصبيه واكمل بهدوء سياده الرائد انا مبطلبش منك رايك انا عايز اتجوزها وخلاص والمأذون برا والكلام هيبقي قدام حضرتك مش هاخدها واهرب يعني
اسلام عموما انت حر انا ميخصنيش دي حياتك عيش اخر ايامك فيها براحتك وضحك واكمل بس خد بالك كتب كتاب بس معندناش سجن فاضي تقعد مع المدام شويه
جمال غمض عنيه بعصبيه وبيحاول يهدي نفسه علشان هو دلوقتي محتاج لموافقته بدخول المأذون واميره فسسكت
اسلام دخل يابني المإذون
العسكري اوامرك يا فندم
وفعلا المأذون دخل وقعد وشويه وجات اميره ودخلت واتصدمت من وجود المأذون
اميره بصدمه ايه ده يا جمال
جمال بتنهيده اقعدي يا اميره
اميره بدموع ايوه اقعد ليه انت جايب المأذون ليه
اسلام بسخريه هيتجوزك تخيلي الانانيه اللي فيه عايز يربطك بيه وهو ميت ميت
اميره دموعها نزلت واكملت بحده وانفعال انت مين سمحلك تتكلم عنه بلشكل ده
اسلام بحده انتي هتنسي نفسك يابت ولا ايه ده مجرم جايه تتجوزيلي مجرم وفرحانه بنفسك اوي وبتدافعي عنه
اميره بحده ودموع وانت مالك هو انت ولي امري
اسلام رايح يرفع ايده مسكه جمال
جمال بحده لا بقي ده كده كتير اوووي
اسلام بحده انت ازاي تتجرأ تمسك ايدي انت اتجننت
جمال بحده واكسرهالك مش معني انك ظابط وانا مجرم عندك تهين مراتي وتكون عايز ترفع ايدك عليهااا ليه قالولك ملهاش رااجل ولا اييه انا استحملت اهانتك ليا انما ليهاا هي مش هستحمل ومفيش قانون ينص انك تهينها بلشكل ده لانك ظابط بأي حق بتعمل كده
اسلام بضحك سقف واكمل لا برافو مبقاش غير جمال الدمنهوري اخطر مجرم في البلد بيتكلم عن القانون واللي ينفع ومينفعش وبعدين انت بتقول فيها مافعلا مش هيكون ليها راجل خلاص وكنت ممكن اوريك مقامك صح علي مسكت ايدي وكلامك ده بس انت كده كده نهايتك قربت
اميره قلبها واجعها وفضلت تعيط
جمال بحزن اميره بطلي عياط
اسلام مش عارف فعلا بتحبيه علي ايه جبتي لنفسك وجع القلب وبص للعسكري واكمل خليك معاهم لحد مايتنيلوا انا طالع براا
وفعلا اسلام طلع وقعد جمال وجمبيه اميره في وجود رجاله جمال وبعد وقت تم كتب الكتاب رسميا
عاصم طب هنطلع احنا شويه
جمال ياريت متخليش اسلام يدخل خمس دقايق بس
عاصم اوامرك حاضر
جمال بحزن ممكن كفياكي عياط
اميره بدموع ووجع يا فرحتي يا جمال يا فرحتي بي اليوم اللي عشت احلم بيه من يوم ماحبيتك اديك بقيت جوزي في مكتب ظابط والله واعلم هيحصل فيك ايه بتوجع قلبي اكتر يعني
جمال بحزن قرب مسح دموعها واكمل بوجع اميره انا محبتش غيرك في الدنيا كلها وحقيقي ظلمتك اوي وجيت عليكي وانا فعلا وحش مع الكل بس لما ضربتك وشتمتك معرفتش انام يوميها من الوجع والحزن. من زمان قلبي محبش غيرك وكنتي وهتفضلي فيه لحد ما اموت يمكن كلامي متاخر بس الواحد مش بيحس بقيمه الحاجه غير لما تكون هتروح منه خلاص فلما تخليت بقي دلوقتي اني هموت لقيت نفسي مش موجوع غير لفراقك انتي بس ومقهور اني مش هشوفك تاني واني معرفتش اعوضك واعيش معاكي اكتر و انا عارف اني اتاخرت في الخطوه دي بس انا فعلا ندمان وضميري واجعني من ناحيتك اوي لان انتي الوحيده اللي كنتي دايما تقوليلي بلاش يا جمال اللي بتعملوا ده غلط وقبلتي بللي محدش يقبل بيه علشاني بكل عيوبي حبتيني وانا طول الوقت كنت بجرحك بس خلاص يا اميره خلاص انا همشي واسيبلك كل الدنيا بس طالب منك طلب وصيتي ليكي ان ابني او بنتي متعرفش حاجه عن كل حياتي قولي عني كلام حلو بس وخليه يدعيلي بلرحمه وانتي كمان افتكريني دايما
اميره بعياط ووجع كفااايه ارجوووك كفاااايه مبقتش قاادره متقولش كده واكملت بحده انت ساااامعني متقولش كدده يا جمال انا مش قادره استحمل الفكره دي اصلا ربنا يسامحك يااا جماال ربنا يسااامحك
جمال قام حضنها وهي بتعيط ودموعه نزلت عليها لاول مره بقوته دي كلها دموعه تنزل
اميره بعياط وهي في حضنه ليييه يا جماال لييييه ياااما حذرتك. ياااما قولتلك انا حياتي هتقف من غيرك والله كان نفسي تكون معايا ونربي اللي في بطني سوا مش قادره اتخيل اني المفروض كده بعد الحكم مش هشوفك تاني ليييه ياااا جمااال لييه ظلمتني وظلمت نفسك وظلمت ابنككك ااااه ياااااربي اااااااه من وجع قلببي وقهرررتي ياااارب انااا مس هقدر والمصحف مش هقدرر اعيش من غيرك ولا استحمل اسمع الحكم علي قلبي قبل عليك بلموت
جمال بدموع اميره ارجوكي كفايه متصعبيهاش عليا اكتر انا موجوع لفراقك لوحدي واكمل بعصبيه ودموع انا هوريه فهد هو السبب اني ابعد عنك الحيووان
اميره بسرعه وعياط لاالالا حرام عليك يا جمال بقي سيبوا في حاله بقي ارجوك وادعي ربنا يغفرلك
جمال بدموع ووجع لا يا اميييره لااااا هو السبب ياااا اميييره هو السبب اني هبعد عنك وعن ابني قهرني ووجعني وهو عارف اني بحبك اهو ده الوحيد الي كنت بقول عليه صااحبي والغدر جيه منه
اميره مسحت دموعه اللي اول مره تشوفها واكملت بدموع مش هو السبب يا حبيبي انت السبب محدش قالك اعمل في نفسك كده هو بلغ عنك علشان عايز يعيش مرتاح هو ومراته هو مغلطش يا جمال انت اللي كنت مشغله وماسك كل حاجه يعني الغلط من اابدايه منك انت وانت اللي وافقت تكمل مسيره اهلك هو مجرد اشترك في فعل واحد من افعالك ومكملش وعلشان عارف انك مش هتسيبه في حاله عمل كده
جمال بوجع انا كملت مسيره اهلي لان مكنش قدامي حل تاني غير ده اتولدت لقيت اهلي كده مكنش قدامي اختيار تاني غير ده ولا كنت اعرف المفروض الصح ايه اصلا ولا اعرف يعني ايه حلال يا اميره مش علشان انا وحش زي مابتقولي
اسلام دخل واكمل بحده خلصنااا يلا علي بيتك يا عروسه
اميره بدموع انا همشي وارجوك فكر في كلامي كويس ولو لمره واحده يا حبيبي
جمال بوجع ودموع حضنها وهمس خلي بالك من نفسك ومن اللي في بطنك واهتمي بنفسك كويس وانسيني خالص وانسي اي فعل عملته او هعمله ومتعيشيش غير لابننا يا اميره ومتنسيش وصيتي ليكي
اميره بصتله بوجع واكملت بدموع يبقي بتضحك علي نفسك لو عقلك هيألك اني هنساك دقيقه واحده يا جمال
جمال دموعه نزلت واكمل وهو بيمسحها عاصم خدها وديها دلوقتي للدكتوره اللي قولتلك عليها تتابع معاها وتهتموا بكل حاجه تعوزها
عاصم اوامرك يا فندم يلا يا مدام اميره
اسلام اه والنبي يلا نفض شغل العشق الممنوع ده
اميره طلعت وهي مقهوره وحزينه وجمال نزل السجن تاني وهو موجوع
عند الدكتوره
عاصم هستني حضرتك هنا
اميره بجمود تمام ودخلت
الدكتوره ها الجميل بيتشكي من اي
اميره انا حامل في الشهر الاول وعملت اختبار الحمل وطلع شرطتين فجيت اطمن علي حملي واخد الادويه
الدكتوره ااه متابعه يعني
اميره ااه بلظبط
الدكتوره طب شربتي مايه كتير علشان السونار
اميره ااه ااه شربت
الدكتوره طب تمام اطلعي علي السرير
وفعلا اميره طلعت علي السرير وفتحت الشميز والدكتوره بدات تكشفلها
اميره بقلق ها ايه يا دكتوره طمنيني
الدكتوره بضحك زي العسل حملك زي الفل يا حبيبتي متخافيش
اميره بستغراب هو حضرتك بتضحكي ليه
الدكتوره بضحك علشان شكللك هتتجنني بعد الولاده فين الاب اقولكم سوا
اميره بحزن ووجع مسافر
الدكتوره بضحك عموما كنت بقولك هتتجنني لاانك حامل في تؤام ربنا يكون في عونك بقي
اميره بصدمه اييه تؤام
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية احباء يجمعهم القدر)
