رواية احباء يجمعهم القدر الفصل الخامس والعشرون 25 بقلم لولا
رواية احباء يجمعهم القدر الجزء الخامس والعشرون
رواية احباء يجمعهم القدر البارت الخامس والعشرون
رواية احباء يجمعهم القدر الحلقة الخامسة والعشرون
تاني يوم الصبح عند ليلي وفهد
ليلي بتصحي بتلاقي فهد نايم وواخدها في حضنه فخرجت من حضنه براحه واتعدلت وبتبص قدامها اتصدمت ان في شخص واقف ملصم ورافع عليه مسدس
ليلي بدموع وخوف انت انت مين
الشخص مردش ووجه المسدس ناحيه فهد
ليلي بخوف لالا ابوس ايديك لا ورايحه تشده
بس الشخص كان سبقها وضربه بلنار
بعدين ليلي صحيت بتصرخ باسمه فهدددددد
فهد بفزع قام من النوم واكمل ايه في ايه يا ليلي يخربيت اهلك قطعتي خلفي مالك يا حبيبتي
ليلي بعياط انت كويس صح انت بخير
فهد اه مالك يا ليلي في ايه يا حبيبتي
ليلي حضنته واكملت بعياط شوفت حلم وحش اوي فكرتك روحت مني قلبي واجعني اووي
فهد طبطب عليها واكمل بحب بس بس اهدي يا حبيبي مفيش حاجه ده كابوس
ليلي بعياط انا خايفه عليك اوي يا فهد جمال مش هيسيبك بسبب كل اللي عملتوا
فهد المهم عندي ان محدش اذاكي مش مشكله بعد كده يحصل ايه ده انا لما كان مخلي الرجاله مسكاني وهو مسك ايديكي بس وكان عايز يعتدي عليكي كنت هموت فيها يا ليلي كنت حاسس روحي بتطلع واني شايفك بتتأذي و عاجز اساعدك انا حياتي بتتلخص فيكي انتي وانتي طول مابخير خلاص
ليلي بدموع وانا مش هقدر اعيش من غيرك يا فهد انا ماصدقت انك رجعتلي انا كنت بموت في بعادك عني وحاسه كأن روحي فارقتني ورجعتلي بحضنك تاني وادتني امل ان الحياه حلوه مش عايزاك تبعد عني تاني مهما يحصل انا تعبت وانا كل يوم بصحي وبعيش معناه في بعدك عني 10 سنين انت مفارقتش خيالي ولا تفكيري ولا حتي قلبي حتي في دراستي تعبت فيها علشان بس احققلك حلمك انت وابقي خريجه علوم انا من زمان وانا مش عايزه غيرك يا فهد
فهد بحب مش هبعد يا ليلي لان زي ما ليلي متقدرش تعيش من غير فهد هو كمان ميعرفش يعني ايه حياه اصلا غير لما رجع لي ليلي 10 سنين تعبت وقسيت وشوفت مرار في بعدك بس اول مره شافتك عيني بعد غياب عوضتني كل اللي فات يابنت عمي وباس جبينها ومسح دموعها واكمل خلاص والله بلاش عياط انتي عارفه اني مش بحب اشوف دموعك ولا ايه
ليلي اه عارفه ربنا يخليك ليا يا حبيبي
فهد ويخليكي ليا يا نورعين حبيبك واكمل بضحك وهو بيغمز بس بعد كل الكلام الجامد ده مفيش بوسه حضن اي حاجه من ما شبه مش مشكله بردو
ليلي ضربته في صدره واكملت احترم نفسك واتربي انت لسه فيك حيل بعد ضربه امبارح
فهد بضحك ده انتي ليله اهلك مش هتعدي بسبب الضربه دي قدام الراجل بس حسابنا بعدين
ليلي بضحك اتلهي بس واقعد علي جمب يا حبيبتي
فهد برفعه حاجب حبيبتك مين يا روح امك
ليلي بضحك بعد اللي حصل امبارح خلاص طبيعي تبقي حبيبتي
فهد اااه قولتيلي وقرب منها وهي بتبصله ومتوتره وحاوطها بين ايديه واكمل قولتيلي مين بقي اللي حبيبتك ?
ليلي بتوتر مش انت طبعا انا بتكلم عن صاحبتي اصلا ايه دخلك في الحوار انت
فهد بضحك لو تقصديني اثبتلك العكس حالا معنديش مشكله
ليلي بتوتر لا طبعا انت هو حد يقدر يشكك فيك يا روحي
فهد بضحك ايوه كده اتعدلي
ليلي رفعت صباعها محذره واكملت اياااك تقرب مني كده هاا وخلي فارس يجبلنا هدوم بدل منتا قاعدلي من غير تيشرت كده احترم نفسك شويه
فهد وهو بيفتح علبه السجاير وخد منها واحده ولعها واكمل انا براحتي في بيتي وقدام مراتي
ليلي بحده ايه ده يا معتز مش قولنا علي الريق لاا والاحسن بلاش منها خاالص
فهد وهو بينفخ دخان السيجاره اكمل معتز بردو وسكت ثواني واكمل والله مفرقتش معتز من فهد الاتنين عندك واحد
ليلي بحده مش الاتنين واحد طبعا بس انت اللي كل ما احاول انسي تفكرني وقامت وقفت وشدت السجاير منه رمتها من البلكونه واكملت فهد ابن عمي مكنش بيشرب سجاير بلاش تمسح صوره الشخص اللي حبيته كلها بافعالك دي
فهد بحده انتي اتجننتي ايه اللي هببتيه ده دي مش اول مره تقلي ادبك وتاخديها مني ترميها كده
ليلي بعصبيه ده كل اللي فارق معااك اني رمتها ومش فارق معاك اني قولتلك انك بتشوه صوره الشخص اللي حبيته بافعالك الزباله دي
فهد بحده ليلييي
ليلي بحزن نعم
فهد بحده بعيدااا عن اي كلام قولتيه سواء صح او غلط صوتك لو علي عليا تاني وانتي بتتكلمي اقسم بالله هوريكي هعمل فيكي ايه
ليلي بدموع تمام وراحت علي السرير نامت وادته ضهرها
فهد نفخ واكمل طب من غير عياااط
ليلي بدموع خلاص يا فهد سبني في حالي واسكت
فهد نام علي جمبه وشد وسطها ليه وحضنها واكمل بحب حقك عليا بس انتي اللي بتعصبيني يا ليلي ممكن بطريقه احسن من كده تقوليلي رايك انما مينفعش تتعصبي عليا انا جوزك مش عيل صغير
ليلي بدموع تمام
فهد طب يارب اموت لو مبطلتيش عياط
ليلي لفتله وهو حاضنها وبقيت وشها في وشه واكملت بعد الشر متقولش علي نفسك كده
فهد قرب باسها بحب واكمل بضحك يا خواتي علي الحنيه والقمر
ليلي بخجل طب اوعي كده واتلم
فهد لا بصراحه انا لسه عايز انام تعبان اوي وانتي خضتيني فانامي يلا شويه
ليلي بتنهيده وهي بتتاوب اكملت طيب امري لله وغمضت عنيها ونامت في حضنه
———————————
في فيلا العامري
شروق صحيت وخدت شاور وصلت بعدين لبست دريس بيتي قصير وسابت شعرها ونزلت تحضر الفطار مع نفين
نفين صباح الفل يا حبيبتي
شروق صباح الخير يا طنط ها اساعدك في ايه
نفين لا ده انا يعتبر خلصت صحي جوزك بس
شروق رايحه تطلع لقيت تولين واقفه علي اول السلم من فوق فاكملت تولي معلش صحي فارس
تولين حاضر
وراحت شروق قعدت وبعد شويه فارس جيه وكان لابس وجاهز علشان يخرج
فارس وهو بيقعد اكمل صباح الخير
نفين صباح النور يا حبيبي
فارس انتي ايه نزلك بشعرك. وبلبس ده هو مش المفروض ان حضرتك اتحجبتي
شروق بسخريه علي اساس في رجاله غيرك هنا منا مش فاهمه
فارس بحده هو انتي بتتريقي ولا بتتكلمي عادي علشان بس مهزقكيش
نفين ايه يا فارس هي البت قالت ايه
تولين حبيبي عدي ليلتك هي مغلطتش صح البت لو مقعدتش في بيتها براحتها تقعد فين
شروق بحده والله انا بتكلم عادي انت اللي بتتلكك
فارس بحده لا ما هو لو ده كلامك العادي فيبقي مع اي حد تاني غيري انا يا هانم الشغل ده انا عارف سببه ايه
شروق بحده فارس انت اللي
فارس بحده هششش هو انا قولت ايييه ?? وخلاص مش عايز اسمع ولا كلمه تاني وصوتك ميعلاش علشان قسما بالله همد ايدي عليكي لو عليتي صوتك تاني
نفين يابني اهدي مالك كبرت الدنيا ليه الموضوع مش مستاهل
فارس بحده اول حاجه هي من ساعه ما اتحجبت وهي بتخرج من اوضتنا بلحجاب وبلبس محتشم حتي قبل الحجاب كنت بقولها البسي حاجه طويله مش بفستان بيتي قصير وبشعرها وحتي لو مفيش زفت غيري الباب ممكن يخبط ممكن يوسف يجي او سيف يجي ممكن اي حاجه فا ايه هتطلع تجري????
تاني حاجه شروق قاصده تحرق دمي
شروق بدموع واحرق دمك ليه يعني مجنونه
فارس هو بياكل اكمل ما هو لو طلع كل اللي بيحصل ده بسبب اللي في دماغي متبقيش مجنونه بس ده تبقي جرا لمخك حاجه كمان
تولين بتنهيده حصل ايه بس
فارس فكك وكلي يا تولين
نفين طب عملت ايه مع اخوك امبارح طمني
فارس بتنهيده كل اللي حصل ان لميس كشفتهم وخطفت ليلي وهو راحلهم وكان جمال هيعتدي علي ليلي بس نشكر ربنا عدت والبيه العاقل ولع في الفندق وهرب هو وليلي وخدتهم في عربيتي ورجاله جمال كانت بتطاردنا في الغابه لما وقفنا بلعربيه وضربوا فهد بلنار ومراته داست علي ازاز وشوك ورجلها اتفتحت وكانت حاجه اخر بهدله بس حاليا خبتهم في حته بعيده
نفين بخضه يا نهار اسود كل ده يابني يحصلك يا حبيبي يا فهد طب وهو عامل ايه دلوقتي
تولين بخوف هو كويس صح
فارس اه الحمدلله كويس متخافوش طلعنا الرصاصه وبقي احسن
نفين بقلق طب وجمال ده هيعمل معاه ايه
فارس بتنهيده والله منا عارف ربنا يستر جمال مش هيسيبه ده راجل تقيل اوي
تولين بقلق ربنا يستر يارب وتعدي علي خير
نفين بحزن عايزه اشوفه يا فارس واحشني وقلقانه عليه
فارس عنيا هبقي اخليه يكملكم مؤقتا انما تشوفيه صعب شويه علشان اكيد جمال هيراقبني فمش عايز اروح لفهد خالص الفتره دي وكمان فرصه ان هو ومراته ينعزلوا عن الناس ويتصالحوا
تولين عرفت انه فهد
فارس اه الحمدلله
نفين بحب الحمدلله
شروق بغيره الحمدلله ورجل ليلي عامله ايه بتمشي عليها ولا لسه مش بتقدر
فارس ابتسم غصب عنه واكمل وهو بيسيب المعلقه انتي عايزه ايه انهارده يا شروق
شروق بغيره مش عايزه الحق عليا بطمن عليها
فارس بص لطبقه وكمل اكله واكمل لا فيكي الخير وطلعي بنت عمي واختيييي ها اختييي ومرات اخويا من دماغك يا شروق
شروق بدموع عن اذنكم وطلعت علي اوضتهم
فارس بنفخ اوووف دي مبقيتش طريقه بصراحه الاكل ماله يعني
نفين في ايه يا فارس زعلتها ليه يابني
فارس ضرب كف في كف واكمل ياحول الله يارب هو انا نيلت حاجه يا داده منا قدامك اهو اتنيلت اتكلمت هي بس اللي بقيت تغير من كل اللي حواليها
تولين هو حصل ايه انا مش فاهمه
فارس بتنهيده ليلي مكانتش قادره تمشي وفهد اتصاب شلتها لحد العربيه وهي من ساعه ماعرفت وهي بلمنظر ده وتقول لفهد ليه هي اتشلت طب بلزمه الراجل يقول ايه يعني ماهي دي مش طريقه ومن امبارح مقموصه بقي وعملت كده الصبح لبست كده وسابت شعرها قاصده تضايقني انا عارف مراتي
نفين بضحك يخرب عقلك يا شروق
تولين بضحك عسل بتغير عليك اوي يا فارس اخص عليك ده حب
فارس بتنهيده يا حول الله يارب هو انا قولتلك بكرها وبتكرهني بس تميز تغير من مين ومين لا
تولين بضحك معلش ست حامل وبتبقي هرموناتهم كده استحمل
فارس مسك الصنيه الصغيره بتاعتها وحط عليها اكل واكمل بضحك امري لله ليا الجنه والله
نفين بضحك ربنا يخليكم لبعض يارب
فارس طلع الاوضه ودخل حط الاكل وسمع صوت شروق بترجع فدخلها بسرعه
فارس بخوف مالك يا حبيبتي فيكي ايه وشال شعرها بعيد عن وشها وهي بترجع بعدين وقفت بتعب وغسلها وشها وشالها بين ايديه وخرج
شروق بتعب ااه مش قادره بجد
فارس حطها علي السرير واكمل وهو واخدها في حضنه بس بس اهدي مالك يا حبيبتي
شروق بتعب عادي يا فارس من الحمل مفيش حاجه انا كويسه
فارس باس جبينها واكمل معلش ربنا يديكي القوه والاحتمال يا نورعيني يلا علشان اكلك ودواكي بقي
شروق بتعب لالا بطني واجعاني اوي
فارس بتنهيده شروق الله يخليكي بلاش عناد في دي بلذات كلي وخدي دواكي ربنا يهديكي يابنتي
شروق بجد مش قادره انت ليه محسسني اني مش هخاف علي ابني او بنتي مش فاهمه
فارس وهو بيقرب الاكل منها وبياكلها اكمل انا مقولتش كده بس لازم ساعات تيجي علي نفسك
شروق هزت راسها ب اه وسكتت
فارس باس خدها ومسك وشها بين ايديه وسند جبينه علي جبينها واكمل بحب مقولتلكيش متغيريش لا انا بفرح بغيرتك عليا بس مش من ليلي البت اللي اتربيت معاها وبنت عمي يعني اختي وانتي من زمان عارفه ليلي عندي ايه
شروق ليلي او غيرها انا مش هنقي
فارس طب اشمعنا تولين مش بتغيري منها
شروق مين قالك كده انا بغير منها بس مش هقولك في وشها يعني
فارس بضحك والله انتي مجنونه بس بحبك اعمل ايه
شروق طب اوعي كده وروح شوف ليلي لو مش قادره تتحرك شلها ولا حاجه اخوك تعبان
فارس يا شروق متعصبنيش عليكي يابنت الناس خليني ساكت
شروق بصت للاكل وكلت وهي ساكته بعدين قامت غيرت لبست دريس كشمير وطرحه بيضه وكوتش ابيض
فارس بستغراب علي فين
شروق هو ايه اللي علي فين هو انا مش المترجمه الخاصه بحضرتك في الفرنش ولا نسيت رايحه الشركه طبعا
فارس بلاش يا شروق علشان حملك لسه في الاول متتعبيش نفسك
شروق فارس الله يخليك شغلي ده اكتر حاجه انا بحبها والوحيد اللي اختارته بمزاجي ومن غير ضغط اني لازم اشتغل لاي سبب
فارس يا حبيبتي انا مش عايز اتعبك
شروق لا انا قاعده البيت بتتعبني
فارس بتنهيده جزمه قديمه دماغك دي علي راحتك خلاص
شروق مسكت ايده واكملت ايوه كده ربنا يهديك
فارس بضحك ربنا يهديكي انتي والله
ونزلوا وركبوا العربيه
فارس اطلع يا مجدي وبراحه وانت بتسوق علشان الهانم حامل
مجدي بتفاجئ حامل
فارس اه حامل وفيها ايه مش فاهم
مجدي بابتسامه مزيفه ولا حاجه يا بيه مبروك ومبروك يا هانم
فارس الله يبارك فيك
شروق اكتفت بانها هزت راسها ب اه
في الشركه
دخل فارس وهو ماسك ايد شروق ودخلوا المكتب
فارس قعد واكمل متخرجيش برا خلتهم نقلوا مكتبك في نفس الاوضه اهو واقعدي ترجمي الايميلات
شروق تمام يا حبيبي
والباب خبط
فارس ادخل
حور صباخ الخير
فارس صباح النور
حور بابتسامه الميتينج بعد 10 دقايق من دلوقتي
فارس تمام يا حور روحي انتي
حور تمام يا فندم وخرجت
شروق فارس
فارس ايه يا حبيبتي
شروق الا المزغوده اللي اسمها غاده دي مالها مش ظاهره ليه
فارس بتنهيده انا مش حاطتها في دماغي يا شروق سايبها براحتها هي بتعمل شغلها كل يوم وتروح متقلقيش منها
شروق بتنهيده مش مرتحالها البت دي مش سهله ومش معقول بعد الموقف اللي عملته فيها ده هتسكت
فارس معاكي انها مش سهله بس هتعمل ايه يعني
شروق مش عارفه ربنا يستر منها بجد ويخيب ظني
فارس متقلقيش لو فكرت تعمل حاجه هي عارفه انا مين وهعمل فيها ايه
برا المكتب
عمر الجميل اخباره ايه
حور بابتسامه بخير يا عمر وانت
عمر قعد قدام مكتبها واكمل زي الفل
حور ها محكتليش حصل ايه امبارح
عمر لا ده انا دماغي هتتفرتك ومنمتش حلو انتي تقومي تعمليلي كوبايه قهوه بايديكي الحلوين دول زي بتاعت اول مره بعدين افوق واحكيلك
حور بحب من عنيا بس كده هقوم اعملهالك حالا
عمر بحب مستنيكي
وقام خبط علي باب فارس
فارس ادخل
عمر صباح الخير يا فارس بيه
فارس بابتسامه صباح الخير يا حبيبي فارس بس مش كل شويه بيه بيه دي محسسني اني وزير في الداخليه
عمر بضحك ياباشا انت مقامك اكبر من كده بس بحكم انك اكبر مني سننا ومديري لازم احترمك طبعا
فارس بضحك طيب يا بكاش عموما انا مبحبش الغالين عليا يقولولي بيه يا عمر
عمر بحب ماشي يا حبيبي ممكن اكلم مدام شروق في حاجه
شروق بستغراب رفعت وشها واكملت انا
عمر بابتسامه ايوه
فارس تكلمها في ايه ومينفعش اكون انا حاضر يعني
عمر لا طبعا ينفع انا بس بستأذن من حضرتك اني هوجهلها كلام
فارس مفيش مشكله تعالي يا شروق
شروق قامت وقعدت معاهم واكملت اتفضل يا عمر سمعاك
————————————
عند فهد وليلي
ليلي صحيت لقيت نفسها في حضن فهد راحت خرجت براحه وبصت علي ملامحه بحب وحطت ايديها علي وشه وابتسمت وقربت باسته واكملت بحب حقيقي محبتش في الدنيا كلها قدك بس علي قد حبي ليك علي قد وجعي منك بحاول اتغاضي عن كل ده وابدا معاك صفحه جديده بس اتمني ده يحصل ونخلص من كل القرف اللي احنا فيه ده علي خير
وقامت خدت شاور ولبست قميص فهد تاني وسرحت شعرها ونزلت
في المطبخ
ليلي مسكت فون معتز وكلمت مامتها وسابت الاسبيكر مفتوح وابتدت تفتح التلاجه علشان تعمل فطار ولقيت اكل كتير موجود فهمت ان اكيد رجاله فهد اللي عملوا كده
سوسن ايه يا فهد يابني عامل ايه
ليلي بصدمه فهد يا ابنك يظهر اني انا الوحيده اللي كنت مغفله
سوسن بصدمه ليلي هو يابنتي كل الحكايه ان
ليلي بحزن ماما متكمليش انا عرفت كل حاجه وعرفت اني طول اافتره دي كنت غبيه بس متوقعتش تكوني انتي عارفه وشايفه بنتك هتموت من بعده واهون عليكي تخبي عليا
سوسن بحزن ليلي جوزك قالي علشان شاف اني بحبك قد ايه وبعتبرك بنتي فحب ميخوفنيش عليكي وقالي انا بحبها وهي بتحبني وانا ابن عمها وهحميها بروحي فطمن قلبي بس طلب مني اني متكملش انتي يرضيكي اقول سر غيرك
ليلي بدموع بس السر ده كان يخصني
سوسن بتنهيده انسي يا ليلي كل اللي فات وابدائي مع جوزك والوحيد اللي حبتيه واختارتيه من اول وجديد يابنتي
ليلي بدموع اوقات بشوفه هو اللي حبيته واوقات بحس اني اذنبت في ايه علشان الشخص الوحيد اللي حبيته يتحول ويقسي للدرجه دي بتصعب عليا نفسي اوي وبيصعب عليا قلبي بس الحقيقه اللي مش هقدر اغيرها ان مفيش راجل في الدنيا غير فهد هيقدر ياخد ولو 1% من حبي ليه مهما يكون افضل منه بمراحل انا محبتش غير فهد يا ماما ومش هحب غيره حتي لو ببان قويه قدامه ومش هاممني بس انا ببقي بكدب وبمجرد مايقربني منه بحس ان حصوني هتنهار في ايديه وهستسلم للحب ده فعلشان ابان جامده ببعده عني قبل مايبان اني بحبه اوي زي مابيحبني بس تعرفي ليه لاني مش قادره اتقبل شخصيته الجديده بس هو بيحاول يتغير وانا سواء بارادته او غصب عنه هرجعه فهد بكل مافيه لاني مهما كترت عيوبه انا مش هقدر ابعد عنه ولا هقدر اشوف غيره حبيبي و جوزي واب لاولادي
سوسن بفرح ريحتي قلبي يا ليلي ربنا يهديكي يابنتي سامحي وعدي بقي وابدائي من جديد مع جوزك
ليلي بتنهيده مسحت دموعها واكملت حاضر اسيبك بقي لحسن الاكل يتحرق
سوسن ماشي يا حبيبتي وابقي طمنيني عنكم
ليلي حاضر وقفلت وكان واقف فهد وسامع كل كلمه هي قالتلها وتمني لو يرجع بيه الزمن وميغلطش كده هي تستحق ان يكون الشخص اللي اتمنته وحبته كل حياتها فتنهد بحزن وراح حضنها من ضهرها وباس رقبتها
ليلي بخضه بسم الله ايه يا فهد خضتني يا حبيبي
فهد لفها ايه واكمل بحب وهو بيبوس جبينها حقك عليا يا حبيبتي بتعملي ايه بقي
ليلي بعمل الفطار رجالتك جابوا اكل كتير طلعوا بيفهموا بس نسيوا اهم حاجه اللبس
فهد بضحك ده مش مشكله
ليلي بضحك طب اتلم واتربي علشان مضربكش
فهد شد وسطها ليه وبص في عنيها واكمل بحب عادي ياروحي اي حاجه تيجي منك حلوه مش مشكله
ليلي بحب طب ممكن تبعد علشان الاكل
فهد سابها واكمل روحي انتي علشان رجليكي وانا هكمل
ليلي لالا روح انت وانا هجيبه اهو وجايه
فهد خلاص هساعدك
وفعلا صمم وساعد ليلي وطلعوا حطوا الاكل علي السفره وقعدوا يا كلوا
وفهد مسك فونه
فهد الو يا حازم
حازم ايه يا فهد بيه
فهد ها طلعت برا مصر
حازم اه الحمدلله حاليا انا في لندن
فهد طب الحمدلله عرفت جديد عن جمال
حازم للاسف لا بس كل اللي عرفته من واحد منهم علشان محدش عرف اني معاك ان جمال ناوي لما يشوفك يقتلك بس قبلها عايز ليلي هانم وقدام عنيك
فهد قلبه اتقبض واكمل بجديه مزيفه علشان ميبينش لي ليلي تمام يا حازم اي جديد بلغني
حازم تمام يا بيه سلام
فهد سلام وساب الفون وبص للطبق وابتدا ياكل
ليلي بستغراب في ايه يا فهد
فهد بلع ريقه واكمل احم احم مفيش حاجه يا حبيبي قالي ان جمال بيدور علينا بس لسه ربنا يستر
ليلي بقلق يارب بجد الموضوع ده مخوفني اوي
فهد بقلق مين سمعك بس باذن الله خير
————————————
في فيلا الشافعي
يوسف يا ماما يا حبيبتي الفيلا اللي انا وفارس و فهد بنيناها اجمل و اوسع من دي بكتير وبعدين احنا بصراحه كنا مش ناوين نتجوز وقولنا هننقل فيها احنا التلاته علطول بس اتجوزنا فمفيهاش حاجه لو قعدنا سوا وانتي تيجي معايا عادي
سعاد بحزن انا مش هسيب بيتي يا يوسف انت حر اعمل اللي انت عايزه
يوسف بتنيهده منا اكيد مش هسيبك وامشي
روح قربت بلكرسي عليها واكملت بحب بس انا مش هعرف اقعد من غيرك يا ماما
سعاد بحزن خلاص خليكم معايا
روح بصي يا حبيبتي هناك هنبقي كتير والبيت هيبقي في بهجه كده احسن من القاعده لوحدك لما انا اكون نايمه ويوسف في الشغل
سعاد بتنهيده طيب هفكر
روح بمرح وافقي بقي يا سوسو طب علشان خاطر حفيدك حبيبك
يوسف بحب اه وافقي بقي يا ست الكل
سعاد بتنهيده خلاص موافقه امري لله هتنقلوا امتي
يوسف بفرح ايوه كده هو ناقص اتفق مع فارس وخلاص
سعاد طيب يا يايوسف
روح بحب اهم حاجه حضرتك ماتكونيش مضايقه
سعاد بحب مش مضايقه يا حبيبتي وكده فعلا لمه واحسن
يوسف طب مش يلا يا حبيبي بقي علشان معاد دكتورتك
روح يلا وشالها يوسف بين ايديه وخرجوا وركبوا العربيه متجهين للعياده
في العياده
يوسف ها يا دكتوره طمنينا
الدكتوره بحب زي الفل والبيبي كويس جدا واضح ان حضرتك بتهتم باكلها وعلاجها حلو اوي
يوسف بحب باس ايديها واكمل طبعا هو انا ليا غيرهم
الدكتوره بحب ربنا يقومهالك بخير يارب
يوسف بحب يارب
ومسحت الجل من علي بطن روح ويوسف ساعدها في هدومها وشالها
الدكتوره هنمشي علي نفس العلاج بس هنوقف حقن
روح يااه يارب اخيرا
يوسف بضحك ابسطي اهو
الدكتوره بضحك انتي كده عملتي الواجب وزياده طول الفتره دي اترحمي شويه بقي من الحقن
روح بضحك حقيقي احلي خبر سمعته في حياتي شكرا يا دكتوره تعبناكي
الدكتوره بحب العفو ده شغلي
وفعلا يوسف شال روح ونزلوا ركبوا العربيه متجهين للبيت وفونه رن
يوسف ايه يا فهد
فهد ايه يا كبيبي عامل ايه ومراتك عامله ايه
يوسف ااحمدلله علي كل حال يا حبيبي كويسين
فهد بقولك ايه دنيت رجليها دلوقتي
يوسف بتنهيده والله يا فهد في تحسن بس بسيط علشان نفسيتها مش متظبطه خالص
فهد باذن الله هتقف في اقرب وقت طب بقولك انا عندي حل حلو
يوسف قول
فهد هقولك بس متبنيش قدامها رده فعل
يوسف تمام
————————————
في مكتب عمر
حور بابتسامه احلي كوبايه قهوه في الدنيا اهي
عمر بحب تسلم ايدك يارب
غاده بصتلهم بقرف وسكتت
حور بحب الله يسلمك
شروق حور تعاالي نرغي شويه لحد ما فارس يخلص اجتماعه
حور انا مش عارفه انتي ايه جابك بصراحه
عمر انا مع حور يا مدام شروق انتي حامل جديد مينفعش تيجي وتتعبي نفسك كده
غاده بصدمه حامل
حور بستغراب اه حامل في ايه مش فاهمه
شروق بضحك لا دي متاخديش عليها وبصت لعمر واكملت انا قاعده البيت بتتعبني بتجبلي ضيقه تنفس بعدين طول منا قاعده قدام فارس ببقي مرتاحه
غاده لوت بوقها واتعدلت وبصت في مكتبها
عمر ضحك وشاور بعنيه لشروق علي غاده
شروق بضحك منا واخده بالي
شيرين بحب عمر حبيبي واحشتني وحضنته
حور بستغراب مين دي
شيرين بحب انا شيرين سعد بنت عم عمر وحبيبته
عمر باس خدها بحب واكمل بحب وانتي واحشتيني اكتر يا روح قلبي بجد
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية احباء يجمعهم القدر)
