رواية احباء يجمعهم القدر الفصل الثالث عشر 13 بقلم لولا

رواية احباء يجمعهم القدر الجزء الثالث عشر

رواية احباء يجمعهم القدر البارت الثالث عشر

رواية احباء يجمعهم القدر الحلقة الثالثة عشر

مني مسكت ايده واكملت انا كام يوم وابقي خطيبته يا حبيبتي انتي مين
روح بصدمه اكملت بوجع هي هي بتقول الحقيقه يا يوسف
يوسف زق ايديها جامد واكمل بحده انتي ايه اللي جابك هنا
مني بحده جيت اشوف البيه اللي برن عليه مش راضي يعبرني والمفروض ان هنجيب الدهب بتاعنا انهارده وبلصدفه لقيتك نازل من البيت وجيت وراك لما دخلت لصاحبك ودلوقتي
يوسف بحده مسك دراعها واكمل بقولك ايه يابت غوري في ستين داهيه دلوقتي
روح بدموع ووجع يوسف هي البنت دي بتتكلم صح انت هتخطبها طب وانا انا هعمل ايه وهعيش حياتي من غيرك ازاي هتسبني ازاي يا يوسف ازاااي مينفعش اصلااا انا مش قادره اصدق انك ممكن تعمل فيا كده
يوسف مسح دموعها واكمل بهمس و وجع انا وعدتك وهنفذ بس هخطبها مؤقتا لحد ما اعرف اتصرف
روح زقته بعصبيه واكملت بحده و دموع انت حيوان وزباااااله وانا مش عايزه اعرفك تاااني مبروك وخلعت الخاتم اللي كان مديهولها هديه ورمته في وشه واكملت بدموع خليهولك يمكن تحتاجه جتك الارف ورايحه تمشي
يوسف مسك ايديها واكمل بعصبيه انتي اتجننتي رايحه فين
روح بحده اوعي ايدك متلمسنيش تااني وهروح ومش عايزه اشوف وشك في حياتي واكملت بعياط انا اللي حقيقي غلطت من الاول خالص ورخصت نفسي لما قبلت بوضع زي اللي انا فيه دلوقتي واستاهل كل اللي حصلي يارتني ماعرفتك ولا حبيتك منه لله يا يوسف
ووقفت تاكسي ومشيت
يوسف وهو بيجري ورا التاكسي اكمل روووح يااااروح استني ارجوكي اسمعيني انتي عارفه اني بحبك انتي ياااروح
ولكن كانت مشيت
في التاكسي
السواق يابنتي في واحد كان ماشي ورانا بينادي عليكي
روح وهي منهاره اكملت امشي يا عمو متقفش لحد ارجوك بسرعه
السواق ماشي يابنتي
مني انت ايه اللي بتقوله ده بتحب مين انت اتجننت
يوسف بعصبيه بقولك ايه يابت حلي عن سمااايا انا لا بطيقك ولا بطيق اشوف وشك انا بحب روح ومش عايز غير هي وخدي باالك الخطوبه مؤقتاا انا مش عايزك بس اطمن علي امي وخلاااص هنفض القرف ده كله
مني بعصبيه ليه وانت فاكرني ايييه
يوسف بعصبيه اكبر انا فاهمك صح بتجري ورا اي حد غني مش حبا فيا انتي لو عندك دم وعارفه اني بحب غيرك كنتي بعدتي عن حياتي ده هي وعارفه اني بموت فيها مجرد ماسمعت كلامك مشيت ومعبرتنيش انما الاحساس فعلا نعمه ومش عند اي حد وانا وافقت بلخطوبه مش حبا في اهلك لا علشان امي تعبانه مش اكتر وعن اذنك انا مش هجيب دهب خدي بقي الفيزا وهاتي اللي هتتنيلي تلبسيه
وركب عربيته ومشي
مني بحقد ماااشي يا يوسف مااشي
———————————-
في بيت فهد وليلي
ليلي قاعده ولابسه دريس حماله وقصير لبعد الركبه بشويه وبتتفرج علي الشاشه وهي بتاكل فشار ففونها رن
ليلي الو يا ماما عامله ايه ياروحي
سوسن بخير يا قلب ماما انتي ايه اخبارك انتي وجوزك
ليلي بحزن اهو ماشي الحال
سوسن مالك يا ليلي صوتك مش عاجبني
ليلي بدموع انا تعبت اوي يا ماما حاسه نفسي في حياه مش حياتي فاجاه كده كل حاجه اتغيرت
سوسن بتنهيده طب هو جوزك بيعاملك وحش يا ليلي
ليلي لا بلعكس بيتغير كتير بس انا اللي مش متقبلاه خالص ولا حتي سمحتله يقربلي ولا هسمح
سوسن ياالهوي يا ليلي ليه يابنتي يعني قتلك قتيل
ليلي بحزن ماما انتي متعرفيش معتز كويس فعلشان كده بتتكلمي بس انا فعلا مش هبدا حياتي معاه خالص دلوقتي ولا ناويه انا عايزه اطلق
سوسن طب هسألك سؤال وتجاوبي بصراحه
ليلي اتفضلي
سوسن مبتحسيش انك مرتاحه معاه خالص
ليلي وهي بتمسح دموعها اكملت اقولك الصراحه
سوسن اكيد طبعا
ليلي اه بحس اني مرتاحه ومبسوطه ولما بيقرب مني كمان بحس اني في امان لما ياخدني في حضني بحس ان مفيش حاجه هتقدر تأذيني هتقوليلي ازاي مش بتحبيه بعد كل ده هقولك معرفش ده مش حب ومش عايزاه بس بردو مش عايزه ابعد عنه فاهمه يا ماما
سوسن بضحك فاهمه يا حبيبتي فعلا القلوب بتحس ببعض
ليلي بستغراب قلوب ايه اللي بتحس ببعض
سوسن بضحك متشغليش بالك بس هتحبيه يا ليلي
ليلي مستحيييل
سوسن طب هتشوفي صحيح عملتي اكل ايه انهارده لجوزك
ليلي بضحك انا مبدخلش المطبخ ولا بحب وقفته ومعتز عارف كده منتي فضحتيني وقولتيله
سوسن فهمت وضحكت واكملت اه انا اللي قولتله بس معناه ايه بردو
ليلي يطلب من برا وخلاص
سوسن يعني الراجل يجي من برا ميلاقيش لقمه في بيته يا ليلي
ليلي ماما هو اللي ابنك ولا انا فكك منه لو اتنيل جاع يطفح من برا
سوسن بحده اخص علي تربيتك انا ربيتك علي كده يا ليلي دي مبقيش جوازه يابنتي دي قله ادب مش كفايه الراجل ساكت عن حقه ومرضيش يجبرك كمان يروح بيته ميلاقيش لقمه ياكلها
ليلي يشرب بقي محدش قاله يتجوزني
سوسن بضحك قدره الاسود يلا قومي يابت اعملي لجوزك اكل
ليلي بحزن انا مبعرفش اعمل غير صنيه بطاطس بلحمه وجمبها رز ودي لان فهد كان بيحب ياكلها من ايد امي الله يرحمها لما كان يجي عندنا فتعلمتها لما كبرت وحبيتها علشان هو بيحبها زي ماهو بياكل البيتزا علشاني
سوسن بحب قومي اعمليها يا ليلي
ليلي بقولك فهددد انتي عايزه تنكدي عليا وتحرقي دمي وخلاص
سوسن بضحك طب قومي يا ليلي قومي اعمليها لجوزك يا حبيبتي وربنا يهديكي
ليلي بتنهيده حاضر يا ماما باي
سوسن بحب باي يا بنتي وربنا يسعدك ويفرح قلبك يارب
ليلي يارب
وقفلت
وقامت دخلت المطبخ وبدات تعمل الاكل بكل نشاط وهي مبسوطه لانها اول مره تطبخ لوحدها وفي بيتها
وحطت الصنيه في الفرن وطفت علي الرز وسمعت الباب بيتقفل فهمت انه جيه
فهد ليلي
ليلي طلعت واكملت ايه يا معتز واتصدمت من انه لافف علي دماغه شاش واكملت بخوف ايه ده من ايه
فهد بكدب لا عادي ده وقع عليا حاجه بس الحمدلله بسطيه
ليلي بحده كداب مش دي الحقيقه
فهد وهو داخل الاوضه اكمل بحده اعتبري كداب بقي منتي الحقيقه كده كده مش هتصدقيها
ليلي دخلت لقيته بيقلع القميص فاكملت وهي بتلف وشها ايييه ده ماتقولي انك هتغير مش هتحترم نفسك ابداا
فهد معلش زي جوزك بردو تعاالي علي نفسك واتعودي اني في بيتي وطبيعي اغير عادي يعني ولبس تيشرت واكمل لفي يا انسه مؤدبه
ليلي بحده قصدك ايه يعني
فهد مقصدش وقصري بقي علشان تعبان اوي بجد
ليلي ايه اللي في دماغك ده من ايييه
فهد بحده هقولك مع اني عارف اني بحرق بنزين علي الفاضي انهارده لميس قالتلي اطلع لبنت مكنتش هطلع وكنت هطلع حد تاني بس اتنيلت طلعت علشان اهربها واتفقت معاها تقول ايه وتعمل ايه وتضربني بلفازه وتمشي وعملنا كده وهي حاليا مع عمر بيوصلها
ليلي دي نص الحقيقه مش كلها
فهد بحده ازاي يعني
ليلي اللي حصل ده كله صح باختلاف بسيط انك فعلا كنت هتعتدي عليها كعادتك الحقيره وهي ضربتك دفاعا عن شرفها وهربت بسس انما متقنعنيش ان واحد زيك هيساعد بنت ويهربها
فهد مسكها من دراعها واكمل بعصبيه حقيقي انا غلطت اني عرفتك حاجه اصلااا و اه يا ليلي اعتبري حصل كده هي وكذا بنت تاني وعشت حياتي اليوم كله وملكيش دعوه وحلي عن سمااايا وزقها واكمل وهو داخل الحمام ده انتي بقيتي حاجه مقرفه ورزع الباب
ليلي بدموع قال هحبه قال جتك الارف انسان حقير وزباله اوي بكل بجاحه يقولي انه عمل كده
وطلعت تحط الاكل علي السفره وفونه رن فمسكته لقيت رقم غريب فردت
ليلي الو
ليلي التانيه حضرتك ده رقم معتز
ليلي بغيره اه رقمه نقوله مين الحلوه
ليلي التانيه بضحك حضرتك اكيد مراته مش كده
ليلي بغيره اه ياروحي انا المدام خير يعني
ليلي التانيه بضحك اصل واضح من صوتك انك غيرانه اوي وهو حقه يحبك ولما حلف بيكي نفذ
ليلي بعدم فهم انا مش فاهمه حاجه وضحي اكتر
ليلي التانيه بصي انا روحت الفندق اشتغل خدتني بنت اسمها لميس
ليلي عارفها خرا
ليلي التانيه بضحك واضح ان كله بيحبها جدااا المهم قالتلي علي القرف اللي بيحصل هناك وبعدها طلعلي معتز وقالي وحياه مراتي مش هأذيكي بس اسمعي كلامي واداني لبس لان لميس كانت ملبساني هدوم متنفعش خالص انزل بيها ومعتز اول حاجه عملها غطاني وبعدين فهمني الخطه واني اضربه بلفازه وانا بقاومه لما يفتح الكاميرا. واخد منه المفتاح فعملت كده وضربته بلفازه واكملت بضحك بس والله هو اللي قالي ونزلت للراجل بتاعه واديته مفتاح الباب الخلفي وخدت الرقم ووصلني واتصلت بنفسي اشكره حقيقي مش هوفيه حقه مهما يحصل
ليلي بدموع انتي بتتكلمي بجد
ليلي التانيه اه طبعا بجد ويبختك بيه وبحبه ليكي يا مدام ممكن اكلمه
ليلي بدموع ووجع بياخد شاور
ليلي التانيه طب تمام بلغيه شكري ليه جداا بجد والف سلامه عليه
ليلي حاضر الله يسلمك باي
وقفلت معاها وهي زعلانه جدا وبتعيط علي انها ظلمته
وبعد شويه طلع فهد وهو لافف فوطه علي وسطه
ليلي دخلت واكملت بحزن ودموع معتز
فهد بقلق ايه مالك حصل اييه وقرب منها مسح دموعها واكمل في ايه يا ليلي بتعيطي ليه
ليلي حضنته واكملت بدموع انا اسفه
فهد وهو بيطبطب عليها اكمل علي ايه يا حبيبتي
ليلي بدموع اني شكيت فيك ليلي اتصلت علشان تشكرك وحكتلي كل حاجه بجد حقك عليا
فهد مسح دموعها وباسها بحب واكمل من غير اعتذار خلاص انتي اللي حقك تشكي لاني فعلا وحش اوي يا ليلي بس صدقيني بحاول بكل جهدي اني اتغير
ليلي اتمني ده بجد
فهد وهو بيقرب منها اكمل طب ايه بقي مش ناويه ترضي عني
ليلي باحراج ابعد بس كده واتلم ويلا الاكل جهز
فهد بضحك اكل ايه اللي جهز انا مش مستعد لتلبق معوي خالص حاليا
ليلي بضحك ضربته في صدره واكملت اخص عليك ده انا عملتلك اكتر اكله انا شاطره فيها
فهد بحب ادينا هنشوف ونحكم
ليلي يلا البس وتعالي ورايا
فهد عنيا واكمل بضحك بس اديكي حضنتيني من غير تيشرت اهو عامله فيها ليه مؤدبه بقي
ليلي باحراج انا هخرج وهعمل نفسي مسمعتش حاجه
فهد ضحك عليها ولبس وخرج
فهد ايه ده بقي الجمال ده كله ده انا مراتي طلعت شاطره اهو بجد عرفتي تختاري صح انا بعشق الاكله دي
ليلي بحزن انت بتحبها ?
فهد بتوتر فهم هي فكرت في ايه فاكمل اه بس مش اوي يعني بس بحبها
ليلي وهي بتاكله بلمعلقه اكملت طب رايك بقي
فهد كل منها واكمل والله العظيم تحفه تسلم ايديكي يا حبيبتي
ليلي وهي بتقعد قدامه اكملت الف هنا
فهد بضحك مش مرتاحلك ايه طقم الحنيه ده
ليلي تصدق والله ده انا متربتش اساسا
فهد يابت بهزر معاكي مالك قفوشه كده ليه
ليلي طب كل وتعالي اشوفلك الجرح اللي في دماغك ده
فهد هو عادي مش كبير و هنزل اغير عليه شويه كده في الصيدليه
ليلي طب نخلص اكل ونشوف
بعد الاكل ليلي راحت جابت علبه الاسعافات الاوليه وراحت عند فهد
فهد ايه في ايه
ليلي وهي ماسكه المقص اكملت بضحك مفيش مالك قلقت ليه كده اكيد مش هقتلك واجيب لنفسي مصيبه بس هغيرلك عليه انا متنزلش وقطعت الشاش واكملت بصدمه يالهوي عليكي بت تتشلي كل دي ومش كبيره يا معتز
معتز بوجع حاسبي يا ليلي اااه هي جوا صح
ليلي بخوف معلش معلش حقك عليا وابتدت تعقم الجرح واكملت اه من جوه وبعدين حطت الشاش ولفتها كويس
فهد رجع راسه لورا واكمل بوجع بجد الم فظيع
ليلي قعدت جمبه وطبطبت علي كتفه واكملت معلش ربنا يخلصك منهم علي خير يارب وحطت دماغه علي صدرها وطبطبت عليه
فهد بضحك والله العظيم في حاجه غلط بس يارب تفضلي كده يا ليلي وبص في عنيها واكمل انا مبسوط اني قريب منك اوي بجد ورايح يقرب اكتر وقفته ليلي واكلمت بتوتر معتز متخلنيش اقوم بجد هتعد زي مانت باحترامك ولا اقوم
فهد لحد امتي يا ليلي
ليلي هو ايه ?
فهد بتنهيده هتبعديني عنك
ليلي بحزن ودموع مش عارفه بس انا مش قادره اتقبلك خاالص ولا هعرف وخصوصا اني بحب فهد بس خلاص للاسف انت بقيت جوزي وعارفه اني كده مش صح وبغضب ربنا بس حقيقي غصب عني يمكن لما احس انك اتغيرت بجد هديك فرصه عن اذنك وقامت دخلت الاوضه وقفلت الباب
فهد بتنهيده حقيقي تعبت اوي من كرهها ليا ورجع راسه لورا
———————————–
عند شروق وفارس
شروق صحيت وهي حاسه بصداع رهيب وملقيتش فارس في الاوضه وثواني ولقيته داخل وشايل صنيه الاكل
فارس مساء الخير ياست البنات كل ده نوم
شروق بضحك مساء النور يا استاذ فارس ماكله منك مش انت حبيت تردهاالي
فارس ساب الاكل علي التربيزه وقرب منها واكمل انا اللي بدات ولا انتي
شروق بضحك اممم انا
فارس باسها واكمل بحب طيب يبقي مينفعش تزعلي بعدين ده انا طلعت محترم اهو مردتش استغل الفرصه
شروق ضربته واكملت بضحك بطل قله ادب انا اصلا كنت واثقه انك مش هتعمل كده
فارس وعرفتي منين بقي يا ست شروق
شروق بحب حاوطت رقبته واكملت عنيك يا فارس عنيك اللي بشوف فيها الامان مستحيل تخدع او تخذل او تكسر او تعمل اي حاجه تزعلني حبك ليا اللي عارفه انك كفايه عندك مخليني واثقه فيك
فارس شدها ليه اكتر وباسها واكمل بحب وهو ساند جبينه علي جبينها ده حقيقي يا شروق انا مش عايز حاجه غيرك ومش فارق معايا اي حاجه غير سعادتك مقدرش ازعلك واعمل كده مستحييل
شروق حضنته واكملت ربنا يخليك ليا يا فارس
فارس فرح بحضنها وضمها ليه اكتر واكمل ويخليكي ليا يا قلب فارس يلا بقي شوفي رايك في الاكل المره دي
شروق ده غدا هو انا نمت كتير
فارس بضحك يوووه ده الساعه 6 المغرب
شروق بضحك يانهاري عليا وقعدت واكملت تسلم ايدك بجد كفايه انك عملت وانت مش بتعرف تطبخ اصلا
فارس بحب الف هنا يا حبيبتي
شروق داقت واكملت بجد عظمه مفيش كلام
فارس بفرح طب الحمدلله طلع حلو
وقعدوا ياكلوا وهما فرحانين جداا وبيحكوا
———————————–
في فيلا العامري
روح قاعده مع ريم صاحبتها في اوضتها
روح بعياط يا ريم سمعتها بنفسي بتقول هيخطبها وهو قالي اه مؤقتا
ريم بحده ازاي يعني واللي بينكم ده نسميه ايه
روح بعياط انا غلطانه اني حبيته وغلطانه اني وثقت فيه وغلطت لما سمعت كلامه اديني دمرت حياتي بايدي منه لله مش هسامحه
ريم حضنتها واكملت اهدي يوسف بيحبك وانتي عارفه اكيد في سوء تفاهم علشان مامته وهيسيبها
روح بعياط انا مبقتش عايزاه كل حاجه لازم تخلص خلاااص وفارس يرجع هحكيله كل حاجه عملتها
ريم بحده انتي اتجننتي اختك وفارس لو عرفوا اللي انتي هببتيه هيخربوا الدنيا مينفعش
روح بعياط مش عارفه بس مليش غيرهم اشكي لمين يا ريم انا حقيقي تعبت اوي
ريم وهي بتمسح دموعها اكملت اهدي احنا في ايام امتحانات مينفعش نفسيتك دي يا روح وباذن الله كل حاجه هتتحل
روح بعياط يارب بجد يارب
ريم متعيطيش بقي واستهدي بالله
روح مسحت دموعها واكملت بوجع مش هنسي ابدا الموقف اللي حطني فيه ده مهما تمر عليا السنين مش هنسي انه معرفش يفرض رأيه علي امه كانه عيل صغير هي بتمشيه وظلمني كده
ريم بحزن اقول ايه ربنا يتصرف فيه بجد علي كسره قلبك بلمنظر ده وتدمير حياتك
————————————
في مكتب لميس
لميس بس فهمتوا هتعملوا ايه
الرجاله اه يا فندم
لميس معتز ميغبش عن عنيكم كل مكان بيروحوا يجيلي هنا بيشوف مين بيقابل مين كله اعرفه تمام
الرجاله تمام
لميس تمام تقدروا تروحوا
وطلعوا وقفلوا الباب
فاكملت لميس وهي بتشرب سجاير هنشوف بقي يا سي معتز مالك الفتره دي متغير ليه ومن ناحيتي انا بلذات
————————————
في فيلا يوسف
سعاد بحده انت ايه اللي عملتوا مع مني ده دي طريقه تكلم بيهااا خطيبتك يا بيه وبعدين قابلت الشرشوحه دي ليييه
يوسف بحده مامااا انا لو وافقت علي مني فعلشان حضرتك مش علشان انا بحبها انا بحب روح ومش هحب غيرهاا مهما يحصل ومني عارفه اني بحب غيرها وراضيه يبقي تستحمل بقي عند اذنك
سعاد بحده انت ولد مش متربي وانا حقيقي مصدومه فيك
يوسف طلع اوضته ورزع الباب
سعاد مسكت فونها ورنت علي مني
مني الو يا طنط
سعاد بخبث قولي لماما يوم الخطوبه وانتوا جايين تعمل اللي هقولك عليه
مني تمام ايه هو
وسعاد حكتلها بتفكر في ايه
مني يوسف مش هيرضي طبعاااا
سعاد بضحك ملكيش دعوه انتي انا هحطه في الامر الواقع وهمثل اني تعبانه هيرضي
مني بضحك تمام ماشي اتفقنا
سعاد يلا باي
مني باي
———————————–
في بيت فهد وليلي
فهد دخل الاوضه لقاها نايمه فتنهد بحزن وراح خدها في حضنه وباس خدها واكمل بحب ودموع انا محبتش غيرك يا ليلي زي مانتي محبتيش غيري بلظبط بس الفرق انك حبتيني زمان انما مش قادره تتقبليني دلوقتي وده واجعني جدااا بس حقك بصراحه انا فعلا مش كويس ووحش اوي بس والله بحاول اتغير وبدات اعمل كده انا من يوم ماشوفتك يا ليلي كان اخر يوم اغلط في حياتي مع حد ووعدت نفسي قدام ربنا اني عمرها ما هقررها تاني وحقيقي انا مش عايز غيرك من كل الدنيا يا ليلي ياريت تقدري ده ويوصلك بجد وتحسي بيا وترحميني من كلامك اللي بيواجعني ده
————————————
عند فارس وشروق
فارس واقف في البلكونه بيبص علي البحر شروق دخلتله وهي ماسكه القهوه واكملت بحب اتفضل
فارس مسكها منها واكمل تسلم ايدك يا حبيبتي
شروق بحب فارس هو انا ممكن اساالك سؤال
فارس اكيد طبعا اتفضلي
شروق هو انت صح بتشوفني حبيبتك
فارس عايزه الصراحه ?
شروق اكيد
فارس بحب شدها وقربها منه واكمل وهو باصص في عنيها انا بشوف فيكي بنت كنت بحبها بس علي اكبر واحلي ومش معني كده اني بحبها لا بس بحسها نسخه منك ومش هقولك علشان كده حبيتك لا بس من اول مره شوفتك فيها وانتي سحرتيني بعنيكي يا شروق ومش هقولك لسه بحب البنت دي بس هقولك قلبي رجع يحب لما شافك بخاف عليكي بحس بفرح وانتي قريبه مني بغير عليكي من مجرد كلام لو اتقاال عنك ولما بقيتي مراتي سمعت صوت فرحه جوايا مش هقولك بتفكريني بيها بس هقولك انتي داويتي جرح كبير اوي ياشروق ومش شرط الحب للحبيب الاول الحب للي يستحق للي يقدر للي يعرف يلم جروحنا ويداويها ويرجع ثقتنا بنفسنا من تاني وانتي يا شروق تستحقي احبك واحطك في قلبي طول العمر كنت بقول مش هحب تاني بس لحد مانتي ظهرتي غيرتيني وقلبتي كياني رجعتيني شاب 17 سنه بيحب وبيفرح لما يشوف عنيكي وبقربك منه بيكون في دنيا تانيه
شروق بدموع كانت حلوه ?
فارس باس خدها واكمل وانتي احلي انا مش قولتلك كل ده علشان تزعلي خلاص اللي فات مات بس انا حقيقي بحسك وبشوفك حبيبتي الوحيده وحاسس كاني اعرفك من زمااان اوي
شروق بحب حضنته واكملت وانا كمان يا فارس بحس بكده اوي بس الفرق اني لسه متلغبطه اوي بس كل اللي اعرفه اني مش عايزه ابعد عنك قلبي متعلق بيك بطريقه انا نفسي مستغرباها
فارس بحب ده اانا يبختي بقي
شروق بحب لا ده انا اللي يبختي بيك والله واكملت بتوتر بقولك
فارس سامعك
شروق بحزن مدحت مديري بقاله يومين بيبعتلي رسايل وعايزني انزل الشغل ولما قولتله مش هنزل تاني لان جوزي رفض قالي انه هيودي وصولات الامانه اللي كنت كتباها ليه للحكومه لانس اتسلفت منه قبل كده كتير لمصاريف كليتي وعمليه الزايده لروح فبيهددني صراحه انا مكنتش هقولك وهروحله واحاول اتصرف بس مش عايزه اعمل حاجه من وراك يا فارس وهو اللي رن عليا وبعتلي مش روح
فارس بتنهيده عارف
شروق بصدمه وعرفت منين
فارس لاني شوفت موبايلك امبارح لما نمتي مدحت بعت رساله وقريت الشات واستغربت ازاي متقوليش ليا علي حاجه زي كده المفروض ان سرنا واحد وانا نصك التاني بس قولت اسيبك براحتك لحد ماشوف اخرك ايه وحقيقي مبسوط انك قولتيلي ومسك ايديها واكمل بصي يا شروق انا جوزك وسرك وسندك ومليش غيرك وملكيش غيري يعني لما تعوزي فلوس او اي حاجه مفروض تعرفيني انا وده طبيعي جدااا حقيقي كنت هزعل منك لو معرفتنيش وعملتي اللي بتقولي عليه ده
شروق بدموع حقك عليا بس انا محبتش اتقل عليك انا محرجه مننك اوي بجد
فارس مسح دموعها واكمل دموعك غالين مينزلوش طول منا موجود يا شروق ومينفعش تتحرجي مني قولتلك انا وانتي واحد ها بطلي هبل وانا لما ننزل القاهره هحل المشكله دي خلاص
شروق بابتسامه خلاص
فارس اوعديني ان كل حاجه تحكيهالي ومتخبيش عليا حاجه خالص
شروق بحب اوعدك واكملت بمرح ايه رايك ننزل نتمشي علي البحر
فارس موافق جدا يلا بينا اللي تعوزه حبيبت قلبي انا موافق بيه
شروق بحب ربنا يخليك ليا يارب طب بقولك انزل انت هختار لبس وانزل وراك
فارس طب استناكي
شروق لا علشان عايزه افاجئك بلفستان
فارس بتحذير هنزل يا شروق بس لو حرقتي دمي بلبسك انتي حورا هنكد عليكي
شروق بضحك لا والله محترم
فارس باس راسها واكمل تمام وقفل البلكونه واكمل يلا هنزل انا غيري وحصليني
شروق عونيا
فارس تسلملي عنيكي يارب
ونزل
وشروق طلعت دريس بيبي بلو بكم ماسك من عند الصدر وواسع لتحت يتناسب مع لون عيونها وطرحه من نفس اللون واكملت بحب خلاص يا فارس انا اقتنعت اني لازم اعمل كده ولبست الدريس وتحجبت وحطت ميكاب خفيف وبصت لنفسها بانبهار في المرايه وعيونها دمعت من الفرح كانت مبسوطه اوي بشكها الجديد
شروق بدموع فرح الله بجد اللهم الثبات حلوه اوي يارتني خدت الخطوه دي من زمان بس هو فارس سابني براحتي بصراحه وانا حقيقي قررت لازم ارضي ربنا وافرح فارس ورايحه تنزل سمعت فون بيرن دخلت لقيته فون فارس
شروق ايه ده انت نسيت فونك وردت واكملت ايه يا معتز
فهد بضحك معتز ايه بقي يا مرات اخويا ما ربنا تاب علينا ورجعت فهد خلاص
شروق بصدمه فهد ازاي يعني
فهد بضحك اه ده يظهر انك متعرفيش حاجه خلي جوزك يبقي يحكيلك ده حوار كبير
شروق بدموع وصدمه ثواني بس ارجوك افهم يعني انت انت اسمك فهدد اصلا ???
فهد بستغراب اه يا شروق مالك بتعيطي ليه
شروق بعياط طب انت منين لاالا يعني مثلا كنت عايش فين اي حاجه يا فهد ارجوك علشان لو اللي في دماغي طلع صح يبقي انااا هموت من فرحتي دلوقتي
فهد بقلق مالك يا شروق منهاره كده ليه عموما يا ستي انا وفارس من الصعيد بس مكناش بنعيش هناك دايما وعمنا طردنا وفضلنا 3 سنين في الشوراع لحد ما قابلنا عم كمال ابو تولين هو اللي خد باله مننا وقصه انا ليه اسمي معتز دي جوزك يقولهالك طويله جدااا
شروق بدموع يعني انت مش معتز انت فهد وتولين مش اختك اصلا بنت اللي رباكم وانت وجوزي كنتوا في الصعيد ومشيتوا منها لما عمكم طردكم صح
فهد اه صح
شروق بدموع فرح وامل اخر سؤال هسألهولك يا فهد
فهد اتفضلي يا مرات اخويا
شروق بدموع فرح فارس قالي انه كان بيحب بنت زمان البنت دي اسمها ايه
وهنا دقات قلبها عليت اوي وخافت جداا
فهد بضحك هتستغربي بس هي اسمها شروق زيك بلظبط حتي علشان كده قولتله انت عامل عقد مع الاسم يوم كتب كتابكم لما داس علي رجلي
شروق بعياط من الفرح انت انت متااااكد يا فهد والنبي كان اسمهااا كده
فهد اه متاكد بس مالك في ايه واكمل بفهم لحظه لحظه هو اللي فهمته ده صح هو هو انتي هي البنت ياشرووق. وعرفتي لما عرفتي اني اسمي فهد وتولين مش اختي
شروق بعياط فرح ااااه ااااه يا فهد انا هي انا حبيبت فااارس اناا اللي فضلت سنين حياتي كلها اتمناه وان ربنا يجعله نصيبي وفعلا قد كان حقيقي ربنا بيستجيب للطلبات المستحيله بلطريقه الاكتر استحاله وجمعني بمن احببت طول حياااتي يعني قلبي مكنش غلط بجد مش قادره اصدق
فهد بفرح ده انا اللي مش قاااادر اصدق ايه ده ازاااي كده حقيقي فرحتي مش سيعااااني يا شروق ده فارس هيفرح اوي بيحبك اووي يا شروق بجد وفضل يتمناكي
شروق بدموع فرح هقفل معاك وانزله بااااي
فهد بفرح باي يا حبيبتي وابقي خليه يكلمني بس مش دلوقتي
شروق قفلت معاه وسجدت وهي بتعيط واكملت شكرااا يارب حقيقي كنت فاكره اني حياتي انتهت لما فارس بقي. جوزي وحسيت كل صلاتي مستجابتش بس كانت خطه عظيمه من تدبيرك علشان تجمعني بيه حقيقي مش قادره اصدق وحاسه اني بحلم وقامت واكلمت بفرح السلسله لازم اوريهاله وراحت قلبت الدولاب كله وجابتها
شروق بفرح ايوه انتي وباستها كتير وخدتها ونزلت جري علي تحت وفضلت تجري ولما وصلت عند الشط وفارس كان قدامها بشويه وقفت وهي بتنهج واكملت بدموع فرح فاااارس
فارس لفلها واكمل بحب ايه يا حبيبتي وانبهر انها اتحجبت واكمل وهو بيقرب بخطوات بطيئه ايه الجمااال ده اللهم ما بارك بجد بسم الله مشاء الله عليكي ربنا يثبتك يا نورعيني ايوه كده زي القمر اهو يا حبيبتي
شروق بعياط من الفرحه اكملت كان عندك حق يا فارس انا فعلا حبيبتك مش مجرد احساس ورفعت السلسله وريتهاله