رواية اتنين في واحد الفصل الثاني 2 بقلم إيمان شلبي
رواية اتنين في واحد الجزء الثاني
رواية اتنين في واحد البارت الثاني
رواية اتنين في واحد الحلقة الثانية
-لو سمحت نزلني افتح باب العربيه اللي معرفش دخلتني فيها ازاي ونزلني انا بنت ناس مش واحده من الشارع
رفع حاجبه بسخريه:
-والله؟
-اه والله اي مفكرني جايه من الشارع ولا اي
-لا جايه من المدبح
-نينينينيني بقولك ايه نزلني دلوقتي بدل وربنا هخبط دماغك بحاجه تجبلك ارتجاج انا اصلا مجنونه !
-لا مجنونه علي نفسك
رديت بحماس :
-انت تعرف التريند؟
رد ببلاهه:
-تريند ايه ؟
-بتاع روجينا والبت اللي بتقولها انا اصلا مجنونه
-اه اعرفه
-وحياه امك
هز رأسه وهو بيبتسم ابتسامه خفيفه بيأس:
-مجنونه
مطيت شفايفي لقدام بيأس واحباط وسكت لحظه وبعدها لفيت وانا بسأله بهدوء وجديه
-ممكن اعرف انت بتعمل كده ليه؟
رفع حاجبه ورد باستغراب:
-بعمل ايه
اخدت نفس عميق وانا بجز علي اسناني وبهمس بخفوت
-صبرني يارب احسن ما اقوم اضربه
قفل عينه نص قفله وهو بيبصلي :
-بتقولي حاجه ؟
ابتسمت ابتسامه مهزوزه:
-لا مش بقول
ركن العربيه بتاعته على جنب قدام واحد بتاع عصير
-تشربي ايه؟
رديت بجديه :
-شكرا مش عايزه
-تمام يبقي اتنين مانجا
رفعت حاجبي ببرود :
-انا قولت مش عايزه
رد ببرود وهو بيشاور لصاحب المحل :
-مش بمزاجك
قال كلامه وطلب من الراجل اتنين مانجا وبعدها بص قدامه بشرود
جزيت علي اسناني وانا بهبد علي العربيه :
-لو سمحت فهمني انت عايز مني ايه ؟
رفع أكتافه بلا مبالاه:
-ولا حاجه
-ولا حاجه ازاي يعني ..ممكن تفهمني ليه لما جيت تتقدملي كانت شخصيتك مختلفه تماما عن الشخصيه اللي قدامي ؟
رد ببساطه وبكل قسوه وبرود :
-كنت عايز اطفشك باي طريقه
بصيتله من فوق لتحت بقرف :
-لا حوش ياواد علي الاساس كنت ميته في دباديبك !
العصير وصل اخده من الراجل وحاسبه ومدلي أيده بالعصير بتاعي
اخدته منه بغيظ وشربت منه كميه كبيره وانا ببصله بغضب الدنيا
شرب بوق وابتسم ببرود :
-بس تعرفي بالرغم اني مكنتش طايقك وعايز اطفشك إلا أنك دخلتي دماغي
لويت بوقي بقرف:
-ايه دخلتي دماغي دي حسن الفاظك
غمزلي بمشاكسه:
-خلاص عجبتيني
وش احمر من الكسوف وكنت عايزه الأرض تنشق وتبلعني
لا ميغركوش جو عبده موته اللي انا عايشه فيه ده انا اصلا بتكسف وبخاف من خيالي
-الله الله ده احنا طلعنا زي البنات وبنتكسف اهو
رديت بضيق :
-لو سمحت ممكن تسيبني في حالي وتخليني امشي ؟
-امممم ممكن بس بشرط
-ايه هو ؟
-تقولي لأهلك انك موافقه تتجوزيني
ضحكت بسخرية:
-هه موافقه انت ناسي انا عملت فيك ايه قدامهم ولا ايه؟
-توء مش ناسي
-يبقي ازاي عايزني اوافق عليك
رفع أكتافه ببرود :
-اتصرفي
اتعصبت وهبدت علي الكرسي :
-لا مش هتصرف انا مش موافقه عليك اصلا هو عافيه يابو لبانه
رفع حاجبه ورد وهو بيبصلي بتحذير:
-لسه مقتنعه اني ابو لبانه
-اه مقتنعه وسيبني انزل بدل وربي اصوت والم عليك الدنيا
ربع أيده وابتسم ببرود :
-اوكي صوتي
بلعت ريقي بتوتر :
-ب بقولك هفرج عليك الناس
-تمام وانا مستني
-انت مش خايف
-هخاف من ايه
-ا الناس هتعمل منك شاورما لو قولتلهم انك خاطفني
ابتسم وهو بيبص في عيوني وبنبره خبيثه:
-وهو في حد برضو بيخطف مراته ياقمر؟
-مراته في عينك يابني آدم براس بخاخه انت
ضحك وهو بيبص قدامه :
-مش مصدقه انك مراتي
فتحت بوقي وسكتت لحظه وانا برمش بعيني
-مرات مين
-انا ياقلبي
وفجأة هجمت عليه وانا بمسكه من قميصه :
-تك وجع في قلبك مراتك ازاي اتجوزتني في المشمش ؟
منطقش حرف لكن رفع عيونه يبص في عيوني عن قرب
لاحظت نظره اعجاب ولمعه غريبه في عيونه ف اتوترت
قلبي اتنفض وايدي اللي كانت قابضه علي قميصه اترعشت
كانت لحظه مُريبه لوهله حسيت اني بتشد لجمال عيونه البُني اللي كانت بتلمع مع ضوء الشمس
فجأه وبدون اي مقدمات بعدت عنه وانا بهمس بصوت مهزوز
-م مراتك ازاي وامتي انت اكيد بتكذب عليا
خرج ورقه من التابلوه وحطها في وشي وهو بيقول ببرود :
-اعتقد انك عارفه خط والدك مش كده
بلعت ريقي بصعوبه وانا بمد ايدي وباخد الورقه منه بايد بتترعش
بصيت علي الامضا لقيت خط شبه خط بابا بالملي!
عيوني لمعت بالدموع وانا بسأله برعشه:
-ا اي ده
-قسيمه جواز ابوكي مضي عليها ومضاكي انتي كمان عليها من غير ما تحسي مقابل مليون جنيه
-انت ا انت ا أنت حقير ا انت حقييير
سحب الورقه مني وهو بيبتسم ببرود:
-مقبوله منك ياروحي
صرخت فيه وانا بعيط :
-الجوازه دي باطله انت فاهم بااااطله وانا مش موافقه عليها وبابا بابا استحاله يعمل فيا كده لا بابا معملش كده هو بيحبني و و و….
قاطعني بقسوه:
-بس بيحب الفلوس اكتر منك !
حطيت ايدي علي قلبي اللي حسيت أنه هيقف من كتر الزعل والقهر اللي جواه
همست بنبره متوتره فيها بصيص أمل :
-ا انت ضحكت علي بابا ا اكيد بابا ميعملش كده
هز رأسه بيأس وابتسامه :
-خلاص طالما مش عايزه تصدقي كلامي يبقي اكيد هتصدقي الفيديو ده
قال كلامه وهو بيفتح الفون بتاعه وبيحطه قدام وشي
كان قاعد مع ماما وبابا وهو حاطط رجل علي رجل بغرور
-ايه رأيكم تاخدوا مليون جنيه؟
بابا وماما بصوا لبعض بلهفه وعيون بتلمع
-ا احم وده مقابل ايه يا بيه؟
اخد نفس عميق وبصلهم بابتسامه خبيثه :
-بنتك كارلا
-مالها؟
-عايزها
-يعني ايه عايزها مش فاهم
-عايز اتجوزها
-ا احم ا ايوه يباشا بس بس يعني كارلا رافضه موضوع الجواز ده دلوقتي
ماما وهي بتقفل عينيها نص قفله :
-هو مش انت العريس بتاع امبارح
بابا بنفي :
-عريس ايه بس يازينب انتي مش شايفه ده عامل ازاي والتاني كان عامل ازاي
رد ببرود :
-ايوه انا ياعماد
عماد ببلاهه:
-انت طب ازاي و وليه كنت عامل في نفسك كده وانت ماشاء الله عليك طول بعرض وهيبه و….
قاطعه بصرامه:
-ميخصكش المهم عندي دلوقتي كارلا
-طب وانت عايز تتجوز كارلا ليه يابيه؟
-برضو ميخصكش
-ا احم ط طب ما تقابلها بشخصيتك الحقيقيه وهي ممكن توافق
-وممكن لا !
-ا احم هي دماغها ناشفه و….
-يبقي تاخد المليون جنيه وتجوزهالي
-بس هي هتعترض
-هنعمل كل حاجه من غير اعتراضها
-بمعني
-مش انت وكيلها؟
-ايوه
-تمضيلي علي القسيمه وتخليها تمضي من غير ما تحس وبكده تكون مراتي من غير اي تعب والمليون جنيه تبقي بتاعتك
بص لزينب اللي كان واضح عليها اوي أن المبلغ مزغلل عيونها وبتفكر توافق
-ها يا زينب اي رايك
زينب بابتسامه خبيثه:
-رأي من رأيك يابو كارلا
ابتسم بخبث وهو بيقولهم:
-يبقي علي بركه الله
وهنا الفيديو انتهي وانتهي معاه ثباتي وقلبي وانا
غمضت عيني وانا حاسه بصداع جامد وفجأه وبدون اي مقدمات فقدت الوعي والفون بيقع من ايدي ومحستش بعدها بأي حاجه
ــــــــــــــــــــــــــــــــــــــــــــــــــــــــــــــــــــــــــــــــــــــــــ
يمكن ده مش مكاني والزمن ده مش زماني أو أنا موهوم !
فتحت عيني لقيت نفسي نايمه علي سرير كبير وواسع ببص قدامي لقيت صوره ليه بطول الحيطه
قلبي اتنفض وقومت من مكاني بفزع وانا ببص حوليا بخوف ورعب حقيقي
الباب اتفتح مره واحده ودخل اول ما شافني قرب مني بلهفه
-انتي كويسه؟
رجعت خطوه لورا وانا بهز راسي بهستريه:
-متقربش مني متقرببش
شاورلي بأيده وهو بيحاول يطمني:
-طب اهدي اهدي انا مش هأذيكي
عيطت وانا بمسك في هدومي بخوف :
-ا لو سمحت ل لو سمحت طلقني وسيبني امشي ا انا انا مأذيتش حضرتك في حاجه والله ا ارجوك طلقني و
قطع المسافة اللي كانت ما بينا بخطوتين وشدني لحضنه وهو بيدفن راسي في صدره
-اهدي اهدي والله مش هأذيكي
حاولت ابعد عنه بس هو مسك فيا وهمس بنبره كلها حنان
-متخافيش عمري ما افكر ا آذيكي
رفع وشي اللي كان متغرق بالدموع وانا بسأله:
-طب عايز مني ايه؟
حاوط وشي وهو بيبتسم برقه:
-عايزك انتي
-عايزني انا ليه
مسح دموعي برقه :
-عشان انتي جميله اوي
وفجأة صوته اتقلب وملامحه اتغيرت وهو بيبعدني عنه وبيسألني بصوت خشن
-انتي مين
لطمت علي خدي وانا بقول بتلقائيه:
-احييييه غطيني وصوتي ياماااا
زعق فيا جامد لدرجه اتنفضت وكنت هقع علي ظهري
-انتي مين يابت انتي
جريت من قدامه وكنت هخرج من الأوضه بس هو قفل الباب ومسكني من دراعي
-انتي مين بقولك
كنت علي وشك اني اعيط من الرعب وفجأه الباب خبط جامد
-مروان مروووان افتح الباب ياحبيبي انا امك
ساب ايدي وفتح الباب وبص للست اللي كانت واقفه وهو بيسألها بحده
-انتي مين ؟
-ماهي قالت امك
بصتلي بصدمه :
-انتي ؟
عيطت وانا بستنجد بيها:
-طنط الحقيني
بلعت ريقها وهي بتبصله بابتسامه مهزوزه:
-ممكن حبيب ماما يجي معايا تحت شويه
-ماما مين انا مش حبيب حد وانتي مش امي
-بسم الله ماشاء الله تبارك الرحمن انت بتتبري من امك
زعق فيا :
-اخرسي انتي
رديت بخوف :
-حاضر
-مروان حبيبي لو سمحت تعالي هنتكلم شويه بس
اتنهد وهز رأسه بضيق :
-اتفضلي
بعد ربع ساعه لقيتها بتدخل عليا الاوضه وانا اول ما شوفتها قربت منها بتوتر
-طنط ارجوكي خرجيني من هنا
هزت راسها بنفي ودموع :
-لا ارجوكي انتي خليكي
رديت بجنون:
-ليه مش فاهمه ليييه هعمل ايه هنا
مسكت ايدي وباستها بتوسل :
-ارجوكي مروان ابني محتاجك
رديت بتوهان:
-انا مش فاهمه حاجه هو مروان ابنك ماله هو مش طبيعي صح
-مروان عمل حادثه من حوالي شهرين
-وبعدين ؟
-من وقت الحادثه وهو كل يوم بشخصيه مختلفه
قعدت علي طرف السرير وانا ببص قدامي وبقول بذهول
-ياصلااااه العيد يعني مش شخصيتين بس ده طلع متعدد الشخصيات عظيني تاني وصوتي ياماااا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية اتنين في واحد)
