رواية اتجوزني عشان اربيله ابنه بس الفصل الرابع والعشرون 24 بقلم رحاب القاضي
رواية اتجوزني عشان اربيله ابنه بس الجزء الرابع والعشرون
رواية اتجوزني عشان اربيله ابنه بس البارت الرابع والعشرون
رواية اتجوزني عشان اربيله ابنه بس الحلقة الرابعة والعشرون
_اتجوزني عشان اربيله ابنه«٢٤»..
ــــــــــــــــــــــــــــــــــــــــــــــ
زين بجمود
اللي في بطنك ده هينزل وانتي مش هينفع تخلفي غير لما اياد يبقي عنده 15 سنه علي الاقل..
مريم بهدوء
كمل كلامك وايه تاني يلا قول قول ما تتكسفش عشان لما اهزأك ما حدش يقولي عيب ده راجل كبير..
زين بضيق
مشكلتك الوحيده انك قويه وانا ما كنتش اتمني تكون الام التانيه لحفيدي كده.، اتربيتي من غير ام واب وكبرتي وبقيتي بنت كويسه حياتك مستقره اتخزلتي من اقرب صحابه ليكي وخطيبك خانك معاها وبرضو مكمله حياتك..
مريم
عارف ايه السر كنت بشرب اللبن وانا صغيره قبل ما انام، وما كنتش بلعب مع عيال وحشه ما اتربتش..
زين بحده
من غير قلة ادب كلامي يتنفذ والا الاختيار هيكون لمعتز عشان لو هو رفض انا هاخد منه حفيدي ومش هخليه يشوفه تاني ابداً..
مريم بغيظ
لا ده انت مصمم تتهزأ بقي والاحترام مش جاي سكه معاك، انت راجل كبير وليك كلمه في البلد بس انا بقي ما بخافش من حد ولو علي احترامي ليك واني اقدرك واجي هنا ده بس عشان خاطر ايااد يبقي حفيدك، انما هتفكر تحرمني من ابني اللي لسه ما جاش علي وش الدنيا او اياد ابني والله العظيم اكلك بسناني فاااهمم يا راجل يا خرفاان انت..
_خلصت كلامها وراحت شالت اياد اللي كان جنب علا وقالت لمعتز بعصبيه..
مريم
انت كمان اتنيل قووم..
معتز بقلق
في ايه يا حبيبتي مالك حصل ايه؟..
مريم بعصبيه
اتنيل قووم انت لسه هترغي..
معتز بص ازين وقال
انا اسف جدا يا باشاا بس اا..
مسكت مريم ايده وقالت
هي طنط الفت ما قالتلكش وانت صغير ما تكلمش العيال الوحشه..
معتز بغيظ
وحياة امك انتي اتهبلتي يا مريم..
_ ما ردش عليها معتز وقام مشي معاها، ورجعو البيت، ودخلت مريم اوضتها وفضلت تعيط…
اياد
بابا هي ماما مالها زعلانه ليه؟..
معتز بضيق
معلش يا ايدوو هي بس تعباانه شويه…
اياد بدموع
يعني هي تعباانه زي ماما وهتسيبني..
قعد معتز جنبيه علي الارض وقال
لا يا حبيبي بعد الشر، بس ميمي تعباانه عشان هتجيبلك بيبي صغير تلعب معاه، انت مش عايز بيبي صغير…
اياد
لا مش عايزه عشان ماما تعبت منه وانا مش عايز ماما تبقي تعباانه..
حضنه معتز وقال
لا ماما مش تعبانه منه وهتخلف وهتبقي كويسه، بس انت بلاش تتعبها الايام دي ولما انا اروح الشغل انت تخلي بالك منها…
اياد
يا باشا انت تؤمر ده انا عيوني ليكم..
معتز بتعجب
امشي يا اياد روح العب عند تيته يا مريم يا صغير انت..
_مشي اياد ودخل معتز عند مريم اللي كانت بتعيط اووي، وقعد. جنبيها وقال بقلق..
معتز
في ايه يا مريم حصل ايه؟..
مريم. بحده
انت بتسأل في ايه، انا مشوفتش في برودك والله..
اتنهد معتز بضيق وقال
هعتبر اني ما سمعتش حاجه بس لسانك لو طول عليا تاني هتزعلي يا مريم..
مريم ببكاء
علي اساس يعني اني مش زعلاانه، انا لو سيف ساب فيا حته سليمه انت دلوقتي بتدمرها بس الحق مش عليك انا اللي غلطاانه اني خليتك تاخد مكان في قلبي انت ما تستهلوش..
وقف معتز قدامها وقال بهدوء
طيب اهدي وقوليلي انا عملت ايه، ولو علي اني بسيبك كتير اليومين دول فاقسم بالله الشغل اا..
ضربته علي كتفه جامد وقالت بعصبيه
بطل كذب انت مش بتسيبني عشان الشغل، انت بتسيبني عشانها، عشان البنت اللي انت بتخوني معاها…
معتز بحده.
تاني يا مريم نفس الكلام اللي كان هيخرب حياتنا زمان تاني..
مريم بسخريه
وهي لسه مخربتش انا تعبت منك ومن حياتك، وكمان واخدني عند حماك القديم وبنته اللي مش بطيقوني، انت حتي يا معتز ما فكرتش فمشاعري انا وهناك هتكون ازاي، المهم عندك انك تكون مرتاح ومريم لا دي كلمتين وهصالحها بس والله المره دي ما هتعدي كده وخلاص..
معتز بحده
شوفتي ايه عليا يا هانم عشان تقولي اني بخونك..
مريم بضيق
ما شوفتش انا سمعت صوتها وهي جنبك وانت بتكلمني في الفون…
معتز بعدم فهم
والله العظبم انا مش عارف انتي بتتكلمي عن ايه…
مريم بعصبيه
لا عارف يوم ما كلمتك من موبيل فتحي وقولتلي انك جاي وسمعت صوتها جنبك بتقولك ااه مش قادره، كنت بتخوني وقتها ولا لا…
معتز بهدوء
لا ما كنتش بخونك دي مرات يوسف فخري كانت هربانه معاه وهو هرب وسابها وانا اخدتها وخبيتها في بيتنا القديم عشان اضغط عليه واخليه يظهر وكمان هي حامل واليوم اللي سمعتي صوتها فيه تعبت جدا واللي اخرني اني طلبتلها دكتور وكده يعني..
مريم بغيظ
وما قولتليش ليه حاجه زي دي من الاول، هو انا لازمتي ايه في حياتك…
معتز
انتي عايزه تتخانقي وخلاص، وبعدين دي اسرار شغل المفروض انتي ما تعرفيش عنها حاجه..
مريم بدموع
ماشي دي هعديها، الكلام اللي قاله الراجل العره حماك ده انت هتعمل فيه ايه؟..
معتز بقلق
قالك ايه؟..
مريم بخوف
قالي انزل البيبي وما افكر اخلف غير لما اياد يبقي عنده 15 سنه والا هياخد منك اياد..
معتز بعصبيه
نعممم هو قالك كده؟..
مريم
ايوه قال ولو سمحت بلاش تخليني اروح هناك تاني..
حضنها معتز وقال
وانتي يا غبيه جايه تساليتي هختار ايه، انتي واياد بالنسبالي واحد مش هقدر اعيش من غير حد منكم..
مريم بسخريه
اممم عشان دلوقتي حامل..
بعد عنها وقال بغيظ
اوعي يا مريم انا مش عارف انتي ليه بتفكري كده، واخر مره هقولك لما دماغك الحلوه دي تصورلك حاجات ما حصلتش تيجي تقوليلي بلاش تكتمي جواكي والا المره الجايه هزعل يا مريم..
مريم بضيق
ما انت لو بتلم نفسك انا دماغي مش هتودي وتجيب، وبعدين انا لسه زعلانه نسيت لما كنت بقولك اني حامل وانت بكل برود سيبتني ومشيت..
معتز قرب منها وقال
ايوه صح افتكرت انا اسف يا حبيبتي، ومستعد اصلح غلطتي دلوقتي يلا بقي اعملي نفس الجو اللي كنتي عملاه تاني بس بلاش الفستان الاسود وشه وحش علينا، خليه الاحمر وهقفل الموبيل خالص اهوو..
مريم بخبث
كان في وخلص يا عينيا، ده انت ايامك الجايه اسود من لون الفستان ولا فيها اسود ولا احمر مافيخاش غير اسدال الصلااه وتقعد هنا بادبك ده انا عشت ايام ما يعلم بيها غير ربنا وهطلعهم عليك..
معتز بغيظ
اقسم بالله الخيانه في امك حلال..
ــــ #بقلم_الكاتبه_رحاب_القاضي ـــــــــ
_ بعد شهر، علي الجبل كان يوسف متعصب جدا، وقعد جنبيه عوض صاحب باباه وقال…
عوض
بكره هنهرب الحج فخري وهيجي علي هنا، اصلا المحكمه بتاعته بكره..
يوسف بجمود
الواد الظابط ده لازم يتقتل..
عوض
هيحصل والله بس مش دلوقتي..
يوسف بحده
لو ده محصلش بكره انا اللي هنزل من هنا بنفسي واقتله، ده دمر حياتي والنار اللي جوايا مش هتطفي غير لما اشوفه سايح في دمه..
عوض بضيق
انت ما بنفعش تنزل اصلا من هنا، انا هشوف حل ليها بس انت مش هتنزل من هنا..
يوسف
انا لازم تجيب مراتي من عنده، وده مش هيحصل غير لو هو مات..
عوض
اعتبره حصل بس اوعي تغفلني وتنزل من هنا فااهم..
_في بيت معتز القديم، كان بهاء قاعد مع ندي في البلكونه..
بهاء
طبعا بقي لما دخلت علم نفس القيامه قامت في البيت…
ندي
طيب ما انت كده كده هتبقي دكتور ايه اللي زعلهم..
بهاء
بابا كان عايزني ابقي دكتور جرااح زيه، وانا عايز ابقي دكتور نفساني هو بقي كان مقتنع ان ازاي دكتور نفساني هيمسك مستشفي كبيره زي بتاعته..
ندي ابتسمت
بس انت اثبتله العكس اهو، اكيد فرح بيك..
بهاء
لا ما هو ما لحقش لما عرف اني دخلت علم نفس راح فيها..
ضحكت ندي غصب عنها وقالت
ههههه انا اسفه اني بضحك بس طريقتك هي اللي بتضحكني..
بهاء سرح في ضحكتها وقال
هو في كده يا شيخه، المهم قوليلي بقي انتي ايه اللي يخليكي تتجوزي مجرم زي يوسف ده..
ندي بدموع
لو سمحت انا مش عايزه اتكلم، انا عايزه ادخل انام..
بهاء بجديه
معتز مش وحش وعمره ما ظلم حد، لو اتكلمتي هيساعدك حتي عشان تلاقي مستقبل كويس لبناتك..
_مسحت ندي دموعها وسابته وقامت وكانت ماشيه بشويش جدا بسبب تعبها الغير طبيعي من الحمل..
ـــــ#بقلم_الكاتبه_رحاب_القاضي ـــــ
_في شقة حازم كان واقف هو ونيره وبيبصو علي الشقه اللي اتفرشت باختيارهم…
حازم
اقسم بالله مش مصدق ان كلها يومين وهنعيش لوحدنا هنا..
نيره كتمت ضحكتها وقالت
غلباان فاكر انك هتعيش حياه رومانسيه..
حازم
لاا رومانسية ايه، ده انا اكتر حاحه نفسي اعملها اني اسغل فيلم رعب وحد يتفرج عليه معايا عشان بخااف…
ضحكت نيره وقالت
هههه طيب عايزه اسألك سؤال هو انت تعمل ايه لو الفرح باظ او انا اختفيت اصلا..
حازم بضيق
ومين بقي اللي هيسمح ان حاجه زي دي تحصل، يعني ابقي صابر كل ده ويجي يوم الفرح يبوظ..
نيره
الله واعلم يمكن يحصل زلزال زي المغرب او اعصار دنيال بتاع ليبيا يجي عندنا..
حازم بغيظ
هو الحج دانيال مش لاقي غير فرحي عشان يجي فيه، اسكتي يا نيره وتعالي بقي نطمن علي باقي الشقه..
نيره
امممم لا مش هطمن علي حاجه عشان عارفه نيتك..
حازم بخبث
يا بت ده انا بقيت جوزك والله يعني اتكلم احضن ابوس اا..
نيره بكسوف
هتاخد بالقلم علي وشك يا حازم عيب كده..
حازم بغيظ
ماشي كلها يومين ولو سمعت كلمة عيب دي..
نيره
ايوه هتعمل ايه بقي..
حازم ابتسم وقال
ولا اي حاجه هو انتي حد يقدر يعملك حاجه يا قادره يا مفتريه…
نيره بغيظ
عيشت وشوفت في حياتي رومانسيه كتير تركي وهندي واجنبي انما الرومانسيه بتاعتك دي انا عمري ما شوفتها..
حازم
محن نختلف عن الاخرون، بقولك ايه وربنا ما هتنزلي غير لما نطمن علي الشقه…
_وفي المكان اللي قاعد فيه عمر دخل عنده خالد وقال..
خالد
خد يا عم انا جيبتلك نسخه من المفتاح بتاع شقة اختك اللي هتتجوز فيها، بس اللي انت عايز تعمله ده هيوديك في داهيه بجد..
عمر
عادي اصلا انا الدنيا ما بقتش تلزمني في حاجه، اخواتي اللي كنت بلحس تراب الارض عشان اريحهم واعملهم اللي هما عايزينه وما اخليهمش محتاجين حاجه وطو راسي وضيعو شرفهم..
خالد
اللي انت شايفه يا صاحبي هيريحك اعمله وانا معاك فيه..
ــــ#بقلم_الكاتبه_رحاب_القاضي ــــــ
_في بيت زين الشناوي دخل معتز وقابلته علا اللي سالته وقالت..
علا
في ايه يا معتز بابا بقاله شهر بيبعتلك عشان عايز يتكلم معاك وانت مش بتيجي وهو اتعصب جدا..
معتز بضيق
علا انتي عارفه انك غاليه عندي زي اختي فلو سمحتي عشان ما نخسرش بعض تخليكي بعيد عن الموضوع ده..
علا بقلق
طيب في ايه طيب فهمني..
جه زين وقال بحده
انا هقولك في ايه، البيه نسي ان عنده طفل والعروسه الجديده لحست دماغه..
معتز بعصبيه
انت مش هتخاف علي ابني قدي، وبعدين انت بصغتك ايه تطلب من مراتي تنزل ابني، بصفتك ايه تدخل في حاجه زي دي اصلا..
زين بعصبيه
بصفتي ان اياد ابنك يبقي حفيدي ومن حقس اخاف عليه ولما الاقيك انت والبنت اللي متجوزها هتهملوه اخده منكم واحميه..
معتز بحده
وانا قولتلك انت مش هتخاف علي ابني قدي، ومش معني اني بحترمك وبعملك حساب اني خايف منك لااا انت فاهم غلط اووي، انا ما بخافش والبي يقرب من عيلتي مش هيبقي عزيز عليا خالص..
علا بضيق
خلاص يا معتز بابا اكيد ما يقصدش حاجه زي كده..
زين بحده
لا اقصد وافتكر كلامك ده كويس فاللي جاي، عشان انت اللي جيبته لنفسك يا ابن فاروق..
معتز بجمود
وانا بقولك لو قربت من ابني او مراتي مش هتشوف مني خير..
مشي معتز وعلا قالت بعصبيه
ليه كده يا بابا، معتز مستحيل يعمل حاجه تتعب اياد..
زين بعصبيه
انتي تخرسي خالص، انا عارف انا بعمل ايه وكلامي هيتنفذ..
علا بغيظ
وانت ليه بتتحكم في حياة الناس كده، هو انا لو مكان مريم انت كنت هتخلي حد يتحكم فيا زي كده..
زين
وانتي من امتي بتحبي مريم دي اخدت مكان اختك، وهي لازم متنساش نفسها انها مجرد مربيه لاياد..
_ادايقت علا وسابته ومشيت طلعت اوضتها، بس قررت انها هتعمل….؟؟؟..
_وفي بيت معتز رجع البيت وقبل ما بطلع شقته راح لشقة باباه وخبط علي الباب وفتحله فاروق البي كان شكله تعبان وقال..
فاروق
لا والله لسه فاكر ان ليك اب تسأل عليه..
معتز
حضرتك كويس..
فاروق
حاجه ما تخصكش روح شوف حياتك مع مراتك وابنك وامك وسيبوني لوحدي مش ده عقابكم ليا..
اتنهد معتز بضيق وقال
هو انت متوقع اني ممكن اجي علي ماما عشانك تاني، لو لمره واحده في حياتك شوف نفسك انك غلطان في حقها، حق الست اللي عاشت عمرها كله تقولك حاضر ونعم..
فاروق
قول لامك تبطل حركات عيال بقي وترجع بيتها، واللي حصل خلاص غلطه وعدت….
اتعصب معتز وقال
حتي لو هي قالت هترجعلك انا مش هوافق لانك ما تستهلهاش..
زقه فاروق جامد وزعق فيه وقال
طيب امشي غور من وشي وما تجيش عندي تاني غور يلا..
_قفل فاروق الباب في وشه، ومعتز طلع فوق وهو مدايق، وقابل مامته اللي كانت قاعده بتذاكر لاياد..
معتز باس ايدها وقال
عامله ايه يا حبيبتي؟..
الفت
كويسه يا حبيبي الحمد لله، انت كويس..
معتز اتنهد وقال
تمام ادعيلي يا ماما، اومال فين مريم..
الفت
جوه ونصيحه ليك لو دخلت تتكلم معاها بالراحه لان هرمونات الحمل طافحه عليها اووي النهارده..
معتز بحماس
بجد لا انا دخل اتفرج بقي..
ضحكت الفت، ومعتز دخل اوضته لاقاها قاعده بتتفرج علي اللابتوب بتاعها وعيونها كلها دموع..
معتز
بتعملي ايه يا مريم، وبتتفرجي علي ايه؟..
مريم بخوف
بتفرج علي وحده بتولد يالهوي هو انا هيحصل فيا كده..
كتم ضحكته وقال
اكيد هيحصل فيكي كده اومال هنطلع الواد اللي في بطنك ازااي..
مريم ببكاء
لا مش عايزه اولد لا انا لو دبوش شكني بتعفرت، ازاي بقي هولد وبعملو فيا كده..
معتز
معلش نصيبك بقي…
راح يغير هدومه وقامت مريم وقفت قدامه وسالته وهي خايفه وقالت..
مريم
معتز هي الولاده بتكون صعبه اووي؟..
معتز
مش عارف والله..
مريم بحده
هو ايه اللي مش عارف انت مش كنت متنيل متجوز قبل كده وخلفت اياد..
معتز ضحك وقال
هههه يا متخلفه مش انا اللي ولدت اياد، ابقي اسألي ماما…
مريم
وانت بتضحك عليا ليه، اااااه انت بتضحك عشان بطني كبرت شويه اومال لما ابقي في السابع او التامن انت هتعمل ايه هتتجوز عليا..
حضنها معتز وقربها منه وقال
اتجوز عليكي ايه ده انا مش عايز اقولك ان الحمل خلاكي كريفي وملبن ومجننه امي..
بعدت عنه مريم وقالت
شوفت انا بتكلم في ايه وانت بتتكلم في ايه، ما حقك انت هتبقي اب من غير ما تتعب ولا حاجه..
معتز
مريم انتي عايزه ايه دلوقتي، انا راجع بدري والدنيا حلوه..
مريم
عاوزه حلاوة المولد، وعايزه ملبن احمر ونوتيلا..
معتز
حاضر هجيبلك كل اللي انتي عايزاه بس كمان شويه..
مريم
لااا انت اللي دماغك تنساااه خالص وافتكر البي عملته فيا من شهر..
معتز بغيظ
انتي اوفر يا مريم وما فيش ملبن احمر..
مريم بخبث
طيب لو قولتلك اني هلبس الفستان الاحمر، هتجيب…
معتز بخبث
لا ما خو مش هيدخل يا ام كرش..
مسكت مريم المخده وقالت بغيظ
انا بكرش والله لتتربي..
ـ وفضل معتز معاها اليوم كله وقدر فعلا بخليها تنسي زعلها منه..
ـــــــ #بقلم_رحاب_القاضي ــــــــ
_ في بيت معتز القديم كان قاعد مع ندي اللي كانت تعباانه جدا..
معتز
انتي لازم تتنقلي مستشفي حالا والا هتروحي فيها..
بهاء بحده
انت لسه بتتكلم معتز حرام عليك هي لازم تتحول علي المشتشفي..
معتز بعصبيه
مش هتتحرك من هنا غير لما تتكلم، انا جيبت اخري منها الاشكال الواطيه دي..
ندي بدموع والم
انا هتكلم بس بناتي ما يحصلهمش حاجه..
معتز بجمود
سامعك..
ندي ببكاء
يوسف عرف ان سماح شغاله لحسابك… وقتلها قدامي ودفنها ورا البيت ولما قولت اني هتكلم هو وفخري حبسوني..
_ابتسم معتز بخبث، وبهاء كان مدايق وخايف جدا علي ندي..
ــــــــــــــــــــــــــــــــــــــــــــــ
_وعلي الجبل نزل سيف من علي الحصان اللي راكبه وكان عوض ويوسف قدامه..
يوسف بحده
قالولي انك عايزني خير؟..
سيف
جاي اساعدك وتساعدني…
يوسف
ده بصفتك ايه يعني تكونش وزير الدخليه..
سيف
مصلحتي زيك نخلص من حضرة الظابط…
يوسف
وانت ايه مصلحتك؟..
سيف
زي ما اخد مراتك عنده، اخد خطيبتي وانا عايزها برضو..
يوسف ضحك بشر وقال
متفق معاك بس الاول انا عايز مراتي…
ــــــــــــــــــــــــــــــــــــــــــــــ
_في بيت حازم كان نازل رايح الشغل ولقي في وشه نيره وعيونها كلها دموع..
حازم بقلق
نيره مالك يا حبيبتي في ايه، ده النهارده الحنه بتاعتك عامله كده ليه؟..
نيره بخوف
عمر..
حازم بقلق
ايه؟؟..
_تفتكرو بقي ايه اللي هيحصل؟..
ــــــــــــــــــــــــــــــــــــــــــــــ
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية اتجوزني عشان اربيله ابنه بس)
