رواية اتجوزني عشان اربيله ابنه بس الفصل الثاني والعشرون 22 بقلم رحاب القاضي
رواية اتجوزني عشان اربيله ابنه بس الجزء الثاني والعشرون
رواية اتجوزني عشان اربيله ابنه بس البارت الثاني والعشرون
رواية اتجوزني عشان اربيله ابنه بس الحلقة الثانية والعشرون
ــــــــــــــــــــــــــــــــــــــــــــــ
ضحك معتز وقال
سوري في الكلمه يا بايا بس هي غفلتك وهربت..
فاروق بحده
بقولك ايه انت مش هتضحك عليا وديتها فين عملتلها ايه؟..
معتز دخل اوضته وجاب موبيله وقال
انا هسمعك حبيبة القلب قربت منك ليه، هسمعك البنت الرخيصه اللي جيبتها وحطيت راسها براس امي عملت ايه..
فاروق
انت قصدك ايه بالظبط؟..
_شغل معتز المكالمه المتسجله بين زيزي وفخري واتصدم فاروق من اللي سمعه وبص للارض…
معتز
اتفضل حضرتك كمل كلامك ولومني علي اللي عملته فيك ولا اقولك مد ايدك احسن..
الفت بجمود
لا هيمد ايده ولا هيتكلم معانا ولا ليه علاقه بينا تاني، انا مش هطلق منك يا فاروق عشان زي ما قولت قبل كده احنا كبار علي الكلام ده، والخطوه دي متأخره اووي كان المفروض اخدتها زمان لما كنت بجيبك من بيوت الستات اللي تعرفها واسامح واعدي واقول معلش مسير الايام تعلمه بس ديل الكلب عمره ما هيتعدل..
_ما ردش عليهم فاروق ومشي بره الشقه مريم بضيق قالت..
معتز
انا هنزل اتكلم معاه ممكن؟..
معتز بحده
لااا مالنااش دعوه بيه تاني خلصت خلاص….
الفت مسحت دموعها وقالت
لا لا اوعي تقول كده ده باباك وانت لازم تسامحه وتراعي ربنا في علاقتك بيه، بس لو عايز تخليني مرتاحه متخلنيش اشوفه تاني ابداً يا معتز..
معتز اتنهد وقال
حاضر يا ماما اللي تشوفيه انا هنفذه..
_دخل معتز اوضته وقعد علي السرير وكان مدايق جدا، دخلت وراه مريم وقالت..
مريم
عارف بيبقي شكلك وحش اووي وانت مكشر..
بصلها معتز فقالت هي بسرعه
ايه ده دور وشك عني شويه كفياني وشوش..
ابتسم معتز وقال
ايه ايه ده انتي بتحبي اغنية سعاد حسني دي؟..
مريم
لا انا اصلا ما كنتش اعرفها بس سالت الفت علي اكتر اغنيه بتحبها وقالتلي انها دي..
معتز قرب منها وقال
طيب وده اهتمام بقي ولا ايه بالظبط..
مريم بتوتر
هو ده لا اهتمام ولا حاجه ده محن وزاد شويه عندنا اليومين دول مش واخد بالك؟…
معتز بغيظ
بطلة العالم في الفصلاان صباح الفل..
ضحكت مريم وقالت
طيب بقولك انا هاخد. طنط الفت هي وماما معايا النهارده عند نيره..
معتز
ليه مالها نيره بالظبط؟..
مريم
ايه ده هو حازم ما قالكش ولا ايه؟..
معتز
اااه كتب الكتاب النهارده، طيب روحي بس ما فيش طلوع من هناك لحد ما اجي انا بالليل..
مريم
لا انا هنزل انا ونيره نجيب حاجات كده نقصاها..
معتز
ابعتي حد من الحراس يجيبلك اللي انتي عايزاه..
مريم
لا انا عايزه انزل اجيب الحاجه بنفسي، معتز انت كده بتكبت حريتي..
معتز
بطلي هبل بس تخلص القضيه وهترجعي لحياتك الطبيعيه، وعلي فكره زين الشناوي عزمنا عنده وانا اعتذرتله وقولتله وقت تاني..
مريم
لا ابقي روح لوحدك. انت واياد انا مش عايزه اروح عند الراجل ده تاني..
معتز بقلق
هو حصل ايه يا مريم المره اللي فاتت وانتي مش راضيه تقوليلي عليه؟..
مريم بتوتر
لا ابدا ما قالش حاجه انا هروح اشوف اياد صحي ولا لا..
_طلعت مريم وهو وقف يفكر في ايه اللي مريم مخبيااه عنه..
ــــــــــــــــــــــــــــــــــــــــــــــ
_وصل معتز للمكان اللي فيه سيف ولقي الحراس واقفين..
عماد.
اخيراً جيت يا باشا الواد اللي جوه ده مش طبيعي..
معتز
خير ماله يعني.؟..
عماد
احنا عملنا زي ما حضرتك قولت خلينا الدكتور هرج الرصاصه من غير اي بنج او مخدر وهو فضل يصرخ من الالم وبعدين تقريبا اغمي عليه ولما فاق شويه يصرخ وشويه يفضل يضحك بشكل غير طبيعي..
معتز بسخريه
هي الهانم هتلم علي حد عدل اصلا؟..
عماد
افندم؟..
معتز
ولا حاجه خليكم هنا وما حدش يدخل جوه..
_وبعدين دخل معتز جوه المكان اللي كان كله كراكيب، ولقي سيف قاعد علي الارض وايده ملفوف عليها شاش ابيض..
سيف ضحك
ههههههه تصدق اول ما شوفتك افتكرت شكلك لما شوفتها وهي فحضني..
معتز
انت فاكر اني كده هقولك ايه انت مريض مش طبيعي، لا فووق يالااا انا اتعاملت مع الاوسخ منك..
سيف
بس انا مش مريض انا اذكي منك بكتير، وزي ما خليتها بقيت في حضني قدام عينيك هاخدها منك قدام عينيك..
معتز قعد قدامه وقال
عيبك انك مغرور في نفسك اووي انت مش بتحب مريم ولا عمرك حبيتها ولو هي كانت كملت معاك كان هيجي اليوم اللي انت تسيبها فيه، وتمسكك بيها والحركات اللي بتعملها دي عشان هي رفضاك وانت اتعودت تبقي كل حاجه تحت طوعك..
سيف
ايه ده برافو عرفت تحلل شخصيتي صح؟..
معتز
تعرف يا سيف انت صعبان عليا لدرحة اني كنت ناوي اجي اديك علقه معتبره بس قلبي ما جابنيش عارف ليه؟..
بصله سيف وسكت،ومعتز قال
واحد زيك نفسه متسلطه عليه اصله فاضي لا ليه اهل يخافو عليه ولا صحاب ولا حتي حبايب..
سيف بتوتر
انا مش كده انا عندي كل حاجه؟..
معتز بخبث
انا مثلا عندي اهلي لما بغلط بتعاقب وبيتكلمو معايا وبينصحوني وبيحبوني بجد علموني الادب وعلموني الحلال من الحرام، ولما بقي عندي شغل اتعلمت منهم ازاي اكون ناجح فيه وبقي عندي صحاب ضحك بقي وهزار وخروجات، ولما اتجوزت بقي عندي ولد البصه في وشه بالدنيا، ولما حبيت لقيت برنسيسه خلتني اعشقها وحبها ليا حسسني اني ملك..كل دي حاجات انت عمرك ما عشتها ولا هتعيشها..
نزلت دموع سيف وفعلا لاول مره يشوف النقص اللي جواه وقال بعصبيه..
سيف
انت مش احسن مني انت فاهم انا احسن واحد في الدنيا..
معتز
تؤ تؤ انت واحد خاين ابن ما يعرفش يعني ايه ربايه، ولا عندك صحاب واللي بيصاحبك بيكون عشان فلوسك وبس، كنت ممكن اضربك واخليك مش نافع لحاجه بس انا متأكد ان كلامي ده وجعك اكتر
ـ خلص كلامه ونده علي عماد وقالهم يسيبوه يمشي..
ــــــــــــــــــــــــــــــــــــــــــــــ
_بعد شويه في بيت حازم كانت نيره ومي ومريم قاعدين مع بعض، وفريده وناهد والفت قاعدين بره في الصاله..
مي
انا بجد مبسوطه اني اتعرفت عليكي، انااصلا حبيتك اووي من كلام نيره عليكي..
مريم
طيب شكرا..
ادايقت مي من ردها وقالت نيره
ونتي هتفتكريها تنكه ولا ايه، لا مريم دي كده ما بتعرفش ترد علي الكلام الحلو..
مريم
وانتي عرفتي منين حاجه زي دي؟..
نيره
مش محتاجه اعرف باينه عليكي اووي دبش بس، زي الاهبل اللي هتجوزو النهارده..
مي
لا انا ما زعلتش علي فكره عادي والله..
مريم
وربنا انتي عسل بس انشفي شويه عماله تتكلمي بسهوكه و..
نيره بتوتر
مريم مش كده اسكتي..
مريم
بس حلوه وباين عليكي طيبه اووي.
مي
اقولك علي حاجه يا مريم بس ما تدايقيش، انا بصراحه كنت بكراش علي معتز زمان بس للاسف كان متجوز..
نيره بقلق
انتي اللي جبتيه لنفسك يا مي الكلب..
مريم بصت لمي بغيظ وقالت
وهو لسه متجوز علي فكره يا حلوه. لا حلوه ايه ده انتي اا..
نيره
ااا ايه رئيكم نقوم نغير هدومنا عشان ما نتاخرش..
مي
اوكي انا هدخل اغير هدومي، اجيبلك شوكليت تاني يا ايدوو..
مريم بغيظ
اسمه ايااد يا عسل، ومش هيطفح شوكلاته تاني..
مشيت مي ونيره قالت
معلش يا مريم هي طيبه والله، بس معتز جوزك اللي زي القمر ويتحب..
مريم بحده
في ايه انتي كمان ما تتلمي..
ضحكت نيره وقالت
حاضر والله هتلم..
_ وبالليل فعلا اتكتب الكتاب وكان الشهود عليه معتز وعلاء صاحبهم اللي جه هو ومراته وجه عم نيره كمان..
معتز
حازم انت ما قولتش لنيره ان اخوها هرب صح؟..
حازم
لا ما قولتش واصلا لما جم ودورو عليه هنا هي كانت في الجامعه..
معتز
بس هي لازم تعرف، افرض ظهر في وشها.
حازم
بقولك ايه يا معتز البت دي دماغها جزمه قديمه وانا ما صدقت وافقت اننا نتجوز بعد الامتحانات، لو عرفت حاجه زي دي هتأجل الجواز وانا خلاص والله جيبت اخري ده انا هتجوز علي نفسي..
معتز
طيب روح لعروستك يا حازم وانا همشي بقي عشان عندي شغل مهم الصبح وانت كمان ومتتاخرش بكره..
حازم
ماشي يا باشاا..
_ورجعو البيت وكان اياد عمال يعيط..
معتز
في ايه يا حبيبي مش احنا قولنا اننا كبرنا وتنام لوحدك..
اياد ببكاء
انا عايز انام جنب ماما النهارده..
مريم
خلاص يا معتز انا هاخده انيمه جنبي النهارده بس..
معتز بحده
يا مريم هيتعود علي الدلع وكده ما ينفعش..
اياد بعصبيه
انت مالك اصلا انا عايز انام عند ماما مش عندك انت..
معتز زعق فيه
انت ازاي تتكلم كده معايا يا ولد انت.. والله المىه الجايه هع
مريم بقلق
خلاص يا معتز ما ينفعش تزعقله كده..
معتز بحده
انتي تخرسي خالص اصلا دي طريقتك اللي علمتيها ليه..
مريم بدموع
لا بجد كتر الف خيرك انا هاخده انيمه واجي..
معتز بعصبيه
لا هينام لوحده وانتي اتفضلي علي اوضتك لو سمحتي..
الفت
خلاص بقي يا اياد اسمع كلام بابي وقوله اسف يلا..
مسح اياد دموعه وقال
انا اسف يا بابي بعد اذنك..
_دخلت مريم كمان اوضتها والفت قربت من معتز وسالته وقالت..
الفت
مالك يا معتز في ايه، وما تقولش ما فيش انا عارفه انك متعصب بسبب؟..
معتز بضيق
ابن عم نيره البيه فاكر ان مريم اختي وجه يخطبها مني وهي فرحانه بنفسها وعماله تتسهوك علي الفاضيه والمليانه هناك..
ضحكت الفت وقالت
ههههههه لا بجد انت بتغير، انا اول مره في حياتي اشوفك وانت غيران يا معتز..
معتز بغيظ
تصبحي علي خير يا ماما، عشان اصلا القلم اللي اديته للواد ما طفاش ناري..
_خلص كلامه ودخل اوضته والفت فضلت تضحك، واول ما دخل لقي مريم غيرت هدومها وكانت طالعه من الاوضه….
معتز
رايحه فين؟..
مريم بضيق
رايحه اطمن علي اياد وما تتكلمش معايا خالص عشان ليلتك دي تعدي علي خير..
_مشيت مريم وراحت اوضة اياد لقيته نايم بهدومه وبالكوتشي كمان، قربت منه وقلعته الكوتشي وغطته كويس وباسته وطلعت من عنده.. ورجعت اوضتها هي ومعتز عشان تنام..لقيت معتز غير هدومه وقاعد علي السرير بيقلب في موبيله فراحت نامت علي طول من غير ما تتكلم معاه..
معتز بحده
عارفه يا مريم لو كنا في مكان فيه ناس وضحكتي ضحكة الرقصات بتاعتك دي تاني والله العظيم ما هخليكي تشوفي الشارع بعد كده ..
قعدت مريم وقالت
هو في ايه بالظبط انت من لما طلعنا من بيت حازم وانت قالب خلقتك عليا..
معتز
شوفي تصرفاتك الاول ازاي وبعدين اتكلمي..
مريم بحده
والله العظيم هزعلك يا معتز ما تعصبنيش واتكلم علي طول…
معتز بغيظ
اتقدملك عريس يا ست هانم افرحي يلااا..
ضحكت مريم غصب عنها ومعتز قال
ما تضحكيش انا متعصب لوحدي..
مريم
والله العظيم ما قصدي اضحك، بس هو ازاي يعني جالي عريس هههههه..
معتز بغيظ ضربها بالمخده وقال
اتلميي وبطلي ضحك ونامي..
نام معتز ومريم قالت
قوم يا معتز طيب ما تنامش وانت متدايق وملهلب كده هيجرالك حاجه..
معتز بغيظ
اتمسي وقولي يا مسا يا مريم ونامي..
مريم وهي كاتمه ضحكتها
طيب قوم طيب وانا هصالحك وبعدين ما انا بستحمل نسوانك ومش بتكلم، ده انا الا ما في وحده شافتك الا وقالتلي انها معجبه بيك حتي المشرفه بتاعت الحضانه بتكرااش عليك..
معتز قعد وقال
ده بجد؟..
مريم
وانت فرحت ليه بقي يا حيلتها..
معتز
لا لا مش قصدي والله، بس ما تقارنيش وبعدين اللي عندي قولته صخكتك ما تطلعش غير وانتي معايا..
مريم
يعني هي ضحكتي اللي جابت العريس؟..
معتز غمزلها وقال
انتي ما تعرفيش ضحكتك دي بتعمل ايه اصلا..
مريم بكسوف
بتعمل ايه ضحكتي؟..
معتزز قرب منها وقال
هقولك بتعمل ايه…
ــــــــــــــــــــــــــــــــــــــــــــــ
_بعد كام يوم في مكان مهجور مستحيل حد يعدي فيه، جوه مصنع مليان الات بايظه وكان خالد قاعد مع عمر وقاله..
خالد
اللي عرفته بقي يا عمر انها غلطت مع اللي اسمه سيف ده..
عمر بغضب
حقيره والله لموتها…
خالد
بس اللي مستغربه ازاي ابن خالتك ده قبل يتجوزها..
عمر بحزن
حازم طول عمره بيحبها اكيد قال يستر عليها، بس والله لاخلص منها، هي مش احسن من نور عشان نور تموت وعي تعيش …
خالد
انت عارف احنا صحاب وانا بعتبرك اخويا ولولا اني حاسس بيك وعارف ان النار اللي جواك مش هتطفي غير بكدا، فا انا عشان كده بساعدك..
عمر
انت اخويا يا خالد، واطمن انا والله لو حصل واتمسكت عمري ما هجيب سيرتك..
_ومشي بعد شويه خالد من عند عمر وطلع خالد من عنده وكلم سيف اللي كان نايم في اوضته وقاله..
خالد
ايوه يا سيف بيه، انا نفذت اللي انت طلبته بالحرف الواحد..
سيف
اشطا عليك يا خالد الفلوس اللي انت عايزها روح للحسابات في الشركه وخدها وخليك معاه ونفذ اللي بقولك عليه..
_قفل معاه سيف ولقي مامته داخله عنده وماسكه صنيه عليها اكل..
سيف بحده
ايه اللي انتي جيبااه ده..
الهام
انت تعبان ونذفت كتير يا حبيبي وانا عملتلك اكل و..
سيف رمي الاكل علي الارض وزعق فيها
انتي هتعملي فيها بتحبيني، انتو كلكم بتكرهوني وانا بكرهكم اكتر، انتو اصلا السبب انتو ما كنتوش اب وام بجد ليا..
عيط سيف وقال
انا لو كنت مكانه كنت بقيت احسن منه هو مو كانش قدر يذلني بوحدتي..
الهام ببكاء قالت
ليه بس كده يا ابني ليه بتعمل فيا كده ليه بتتعبني معاك..
سيف قام وطلعها بره الاوضه وقال
اطلعيييييي براااااه بقيييي مالكيش دعوه بيااااا..
ــــــــــــــــــــــــــــــــــــــــــــــ
_وفي يوم رجع معتز من شغله واول ما دخل اوضته لقي في نور هادي وترابيزه عليها شموع وورد والمسقعه اللي هوو بيحبها، والاجمل من كده لما لقي مريم واقفه ولابسه الفستان اللي اختاره ليها لما كانو في شرم..
معتز ابتسم وقال
وليييه الاسود ما الاحمر احلي بكتير…
مريم
لا هو انا لابسااه وعاصره علي نفسي تلاته كيلو لمون فتلم نفسك وتقول كلمتين حلوين عشان ما ابوظش الليله..
قرب منها معتز وقال
لا ليلة ايه اللي تبوظ لا وكمان حطالي روج وجيبالي شعرك علي جنب..
مريم
وكمان عملالك المسقعه اللي انت بتحبها بايديا..
معتز
مسقعة ايه دلوقتي خليني في المهم…
مريم حضنته وقالت
الاول عندي ليك خبر حلو اووي لازم اقولهولك، بس هو مخوفني اووي وطنط الفت قالتلي اا..
_وقبل ما تكمل كلامها موبيل معتز رن.، ادايقت مريم وقالت..
مريم
ما تردش يا ميزوو اللي بقولهولك اهمم..
معتز
ما اردش ازاي بس ده انا مستني المكالمه دي علي نار..
مريم بعدت عنه وقالت
طيب اتفضل بقي رد علي الاهم مني..
رد معتز علي الموبيل وقال
ايوه يا حازم لقيتو مكانه، انا قولتلكم الولد اللي من رجاله فخري ده هو اللي هيوصلنا ليوسف..
قفل مع حازم وقال لمريم
ميمي اجلي الليله دي بقي لبكره وتبقي لابسه الفستان الاحمر تمام..
مريم بدموع
يا معتز هو في ايه انا ما بقتش اشوفك اصلا، ده انت لسه راجع من الشغل وانا بقولك في خبر حلو وانت شغلك ده اهم من اي حاجه بقولهالك..
معتز
بصي اجلي اي نكد اي خناق اي طولة لسان واخبار حلوه واخبار وحشه لبكره لاني لازم امشي دلوقتي..
مسكت ايده وقالتله بدموع
انا حامل يا معتز، حامل وخايفه وحبيت اعمل الجو ده وقولت لما نبقي مع بعض وليله رومانسيه ه..
ابتسم معتز وقاطعها وقال
ده احلي خبر انا سمعته في حياتي والله بس بكره بقي نحتفل ونحكي وكل حاجه، انا لازم امشي بجد..
_مشي معتز ومريم فضلت تعيط،وقالت لنفسها بغيظ..
مريم
شغلك اهم مني وابنك اهم مني، وماتك وباباك اهم مني، اعرفي قيمتك عنده يا مريم انتي ولا حاجه بالنسباله..
ــــــــــــــــــــــــــــــــــــــــــــــ
_في بيت سيف بعتليه الولد اللي بيراقب معتز صور معتز مع حازم ونير ومعاهم مريم..
سيف بصدمه
اي بقي التهريج ده، ايه علاقة نيره بمريم..
ضحك بخبث وقال
ههههههه الله علي حظك يا سيف ده انتو وقعتو كلكم ولا حد سمي عليكم، ان ما دوقتك من نفس الكاس يا معتز الكلب ما ابقاش انا..
ــــــــــــــــــــــــــــــــــــــــــــــ
_في البيت اللي متخبي فيه يوسف، دخل فجأه عند ندي اللي كانت واقفه قدام المرايه بتبص لبطنها اللي كبرت وقال..
يوسف
ندي يلاا بينا بسرعه الشرطه عرفت مكاني..
ندي بعدت عنه. قالت
بس انا مش مجرمه زيك عشان اهرب معاك انت اصلا مقعدني معاك هنا بالعافيه..
يوسف بخوف
مش وقت اي كلام تعالي بس نمشي..
ندي
انا مش همشي انا مش هتحرك من هنا..
يوسف بدموع
ندي عشان خاطري انا ما اقدرش اعيش من غيرك عشان نربي ابننا مع بعض..
ندي بعدت عنه وقالت
ابنك هيكون احسن بكتير لما يبعد عنك امشيي يا يوسف لوحدك..
يوسف
حرام عليكي يا شيخه ده انا ناقص ابوس علي رجلك تعالي معايا وانا هعملك كل اللي انتي عايزااه..
ندي بعصبيه
مش هاجي معاك انت واحد كدااب انا مش هروح معاك اي مكاان..
سمع صوت دوشه بعيده فقرب منها وقال بغضب
خليكي يا ندي بس والله وحياة حبي ليكي لربيكي واندمك علي الحركه دي..
_نط من الشباك ومشي وهي قعدت علي الارض تعيط وبعد دقايق دخل معتز ورجالة الشرطه المكان واول ما دخلو عند ندي انتفضت بخوف..
معتز ابتسم بخبث وقال
هاتوهاا علي البوكس..
_تفتكرو بقي ايه اللي هيحصل؟…
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية اتجوزني عشان اربيله ابنه بس)
