رواية حياة رحمة الفصل الحادي عشر 11 بقلم مارلي إيهاب

رواية حياة رحمة الجزء الثاني عشر

رواية حياة رحمة البارت الثاني عشر

رواية حياة رحمة الحلقة الحادية عشر

بعد مرور شهرين من موت سعاد
كان يجلس يوسف في الجامع وهو يمسك المصحف ويقرا فيه وشكله تغير كثير عن زمان
عنده لحيه واكله وشه وزنه نزل جدا عن الاول يكاد لا يبان وطول الوقت قاعد في الجامع مش بيخرج منه و بيبات فيه
وهو بيقرا جه علي باله اللي حصل من شهرين واللي بدل حياته كلها وخله من واحد بعيد عن ربنا لوحد مش بيسيب بيته
فلاش باك.
بعد دخول يوسف البيت علشان يعرف ولدته بل حصل دخل الغرفة بتاعتها وشاف اللي صدمه امه كانت عيونها مفتحوحة بطريقة مخيفة وفمها معوج بشدة قرب عليها بدموع وفضل يهز فيها ويقول… ماما اصحي ياماما مالك يا حبيبتي ردي عليا جني يا جني
جني جات ببرود علي صوته وقالت… نعم عايز ايه من ست زفته
ولكن اتصدمت لما شافت مديحة بالمنظر ده
يوسف ببكي… اتصلي بالاسعاف بسرعة انتي مستنية ايه اخلصي
جني بضيق….. طيب يا خويا مش ورايا غيرك. انت واهلك
اتصلت بالاسعاف اللي جات وقالت…. البقاء لله دي ميته بقالها ساعتين
يوسف بدموع… من ايه
الرجل الاسعاف…. من الواضح انها جالها جلطة شديدة متلحقتش اتسببت في موتها لو عايز انقلها المستشفى بس هناك هتتشرح علشان يعرفوا سبب الوفاة
يوسف بدموع… لا خلاص اكرام الميت دفنه متشكر جدا تعبتك معانا
الرجل.. ولا يهمك ده شغلي بعد اذنك
خرج المسعفين وجني كانت تقف ببرود شديد ولا كأن في شئ حصل
يوسف بدموع… عملتلها ايه يا وش المصايب من يوم ما اتجوزتك وانا متبهدل
جني بشماته… عرفتها علي تربيتها الزبالة لبنتها و قولتلها علي كل شئ
يوسف قعد جنب امه وقفل عينها وحط الغطا عليها وقال ببكي…. الا اله الا الله
الاتنين في نفس اليوم يارب عقابك صعب عليا اوي يارب عارف اني عصيتك كتير بس انا توبت ليك يارب سامحني
وقام من جنب امه واتصل علي حد متخخص في غسل الميتين
جني ببرود… طلقني
يوسف بهدوء…. انتي طالق بالتلاته
جني ببرود…. تاخد امك وتروح في ستين داهية لان البيت ده بيتي ومعايا عقد بيع وشراء باسمي. وهطلع بنت اصول ومش هاخد منك المؤاخر وكفاية اوي الشقة حقي اللي اتسرق وحق المؤاخر
يوسف بسخرية….. لحقتي تمضيها علي تنازل كانت عايشة بقي ولا ميته
جني بخبث…. عايشة و مضتها غصب كمان ؤمكن ده اللي موتها
يوسف بدموع…. غلطتي الوحيدة اني اتجوزتك وسبت واحدة زي رحمة دي هي الغلطة اللي ندمان عليها وندمان علي كل وقت خنتها معاكي ندمان علي كل وقت عصيت ربنا علشانك يا شيطانه
جني بسخرية ضحكة ضحكة عالية ولا كأن في ميت معاهم ولا ان اخته لسه متوفيه مكملتش ساعات….. لا الواد شيخ و بتاع ربنا يا خويا بطل الشغل ده مش عليا انا يا يوسف دا احنا دفنينه سوا ده انت كنت بتبيع المخدرات هتجي تعملي فيها واحد شيخ يلا تغسل امك و تدفنها ومتورنيش وشك تاني جاتك القرف
يوسف بدموع… ماشي ماشي
دخلت الاوضة وقعدت ببرود وتلفونها رن وقالت بدلع… الو يا حبيبي باركلي اطلقتك وهنتجوز بعد شهور العدة
يوسف كان يجلس تحت رجل امه يبكي بشدة وهو حاسس ان ده عقاب ربنا ليه علي كل ذنوبه اللي عملها في حياته
فاق من سرحانة
علي صوت دق علي باب الغرفة وكانت الست اللي هتغسل مديحة مسح دموعه وقام فتح الباب
ودخلها وخرج هو وفضل قاعد قدام الباب بتاع الاوضة
وبعد ساعة ونص خرجت الست وقالت…. البقاء لله يا بني انا غسلتها وكفنتها ربنا يصبركم يابني
يوسف طلع فلوس استلفها من صاحبه و ادلها حقها
وجاب عربية اللي دفنت اخته واللي سواقها كان صعبان عليه يوسف وكان بيقول في نفسه ضربتين في الراس توجع ربنا يبصبرهم يارب ويقف معهم
يوسف شال الصندوق مع السواق وكلم صحبه سمير اللي كان زعلان علي اللي بيحصله وراح عند البيت وشال الصندوق معاهم ونزلوا بيها وكانت الساعة خمسة المغرب
واتصلوا بشيخ تاني ونزلوها التربة بتاعتها وسط قهر وبكي يوسف الي لما تم دفن والدته وخلصوا صلاة عليها كلهم روحوا اما هو ذهب الي الجامع وابتدء يبكي بشدة حتي لفت نظر الشيخ نظر ان يوسف كان يجلس في جزء منعزل
الشيخ بحزن…. ربنا يصبرك. يابني ربنا رحيم
يوسف ببكاء وشحتفه في الكلام… بس هو مش هيسامحني علي اللي عملته ه.. بيعاقبني عل ي اللي عملته في حياتي وحرمني من اهلي كلهم كلهم
الشيخ بحزن… لا يا حبيبي مهما بلغت ذنوب الناس ربنا دايما فاتح ابواب التوبة قدامنا وربنا بيحب عبيده علشان كدة بيحطهم دايما في ابتلاءات يشوف مدي صبر العبد ده. يابني بلاش يا حبيبي تسيب الشطان يلعب بيك ويقولك ربنا مش هيسامحك لا ربنا بيسامح انت بس استغفر وصلي فروضك كلها واقراء في القران الكريم علشان قلبك ينور يا حبيبي قوم روح وارتاح شوية وابقي تعالي صلي الفجر
يوسف ببكي….. انا هعمل كل اللي قولته يا شيخ بس في فرق بسيط انا مش همشي من هنا انا هقعد هنا في الجامع بعد اذنك اصلا مليش مكان اروحه البيت بتاع امي الله يرحمها راح لصاحب نصيبه
الشيخ بحزن… ربنا معاك يا بني خليك هنا انا مين علشان اخرجك من الجامع خلييك يا حبيبي
وقام الشيخ وسابه اما هو مسك المصحف وابتداء قراته بمنتهي الدموع والبكاء حتي بعض الناس اللي دخلت الجامع استغربوا ان يوسف بنفسه في الجامع وبيصلي كمان
وفضل كدة طول الشهرين صوم وصلاة وعبادة وتتضرع شديد لربنا انه يغفر ذنوبه
حتي انه عرف ان جني اتجوزت راجل تاني في بيت امه ولكنه لم يهتم ابدا بما حدث
واهتم بأرضاء الله سبحان وتعالي
وانه حتي لا يعمل مكرز حياته لله فقط
وياكل ويشرب من الجامع وياكل بعض اللقمات البسيطة التي لا تعد
ولدرجة انه ختم القران في شهر واحد بسبب انه لا يعمل شئ وحاليا ابتداء يعلم الاطفال ويحفظهم القرآن الكريم
والشيخ كان فرحان جدا بيه
باك
يوسف بخشوع…. احمدك يارب علي نعمك وانك ادتني فرصة تانية اعيش بيها وارضيك فيها بس يارب اتمني من قلبي انها تسامحني علشان انا مش عارف ليها اي طريق يخليني اطلب منها السماح
🩵🩵🩵🩵🩵🩵🩵🩵🩵🩵🩵🩵🩵🩵🩵🩵🩵🩵🩵🩵🩵🩵🩵🩵🩵🩵🩵🩵🩵
عند رحمة في المدة دي بقت مش بتتطلب حاجة من التجار اللي كانت بتتعامل معه علشان متشوفش فارس
وكانت منتظمة جدا في دفع الايجار واتقربت من ربنا جدا ولبست الخمار ومبقتش بتسيب فرض
وكانت في يوم تجلس في المحل بتاعها
دخل صاحب الشقة بإبتسامة جميلة وقال…. السلام عليكم.
رحمة كانت بتقراء في القران… صدق الله العظيم
وعليكم السلام يا استاذ كرم اتفضل
كرم قعد بإبتسامة….. انا كنت جاي اكلمك في موضوع مهم يا مدام رحمة
رحمة بهدوء…. اتفضل
كرم بهدوء…. بصي يا مدام رحمة انا من ساعة ما شوفت التزامك في كل شئ والتزامك دينيا كمان واسلوبك مع جيرانك في البيت وان مصدرش اي مشكلة نهائي وبصراحة انا اعجبت بيكي جدا و باخلاقك و بهدوءك وطالب ايدك لو مفيش مانع انا بس حاجه كنت عايز اعرفهلك انا متجوزتش قبل
كدة وكمان عندي 40 سنه
رحمه بهدوء…. وحضرتك زي ما قولت قبل كدة انك محامي هتتجوز واحدة جاهلة ومش متعلمة وغير كدة اتجوزت قبل كدة ليه متتجوز بنت تكون انت اول راجل في حياتها وهي اول ست في حياتك
كرم بإبتسامة…. شوفي يا فرح الجهل بيبقي جهل القلب مش جهل العلم ولا الثقافة بالعكس الانسان المتدين عمره ما يكون جاهل الانسان المتعلم ممكن يكون مثقف في العلم ولكن جاهل في دينه والإنسان اللي بيكون جاهل في دينه قلبه بيبقي اسود مش نضيف وانا لما بصيت بصيت لنقاوة قلبك وانه ابيض وانك واحدة مش مصطنعه
واللي لفت نظري اكتر انك بتبعي ميك اب بس عمري ما شوفتك حاطه حاجه علي وشك ابدا
اما بنسبة انك كنتي متجوزة قبل كدة ده شئ ميعبكيش نهائي يا مدام رحمة بالعكس ده حتي سيدنا الرسول محمد صلى الله عليه وسلم
كل زوجاته كانوا سبق لهم الزواج اذا كانوا مطلقات او ارامل ماعدا زوجته عائشة كانت بكر
اجي انا ايه جنب الرسول عليه افضل الصلاة والسلام انا بجد اتمني توفقي الا اذا في مشكلة في السن يا مدام رحمة وطبعا من حقك ترفضي زي ما انتي عايزة
رحمة بهدوء…. بس انا مش بخلف يا استاذ كرم
كرم بإبتسامة…. يبقي ربنا ليه حكمة في كدة انا مش مستعجل علي انه يكرمنا في يوم من الايام بالذرية الصالحة
رحمة ابتسمت …. هصلي صلاة استخارة وبعدين هقولك علي رايي
كرم قام وقال… وانا منتظر بعد اذنك
رحمة بهدوء…. اتفضل
خرج كرم بهدوء اما رحمة بعد خروج كرم بنصف ساعة خرجت من المحل وطلعت شقتها وارتاحت شوية وقامت تتوضأ وتصلي صلاة استخارة
وبعد ما خلصت وكانت حاسة براحة شديدة وقالت… كرمك كبير يارب دايما بتعوضني
واستنت تاني يوم وخبطت علي مكتبة وهو سمح بالدخول
كرم بإبتسامة…. اتفضلي يا مدام رحمة
رحمة بهدوء….. السلام عليكم
كرم بإبتسامة… وعليكم السلام
رحمة بهدوء….. انا جاية اقولك بقراري انا موافقة
كرم ابتسم… شرف ليا موافقتك دي فرحتيني كتير
يا مدام رحمة طيب تفاصيل الفرح كتب الكتاب هتكون ايه وامتي وشهر العسل
رحمه بهدوء… معلش انا مش عايزة فرح انا هعمل كتب كتاب وبس ولو كنا هنعمل فرح ممكن بل الفلوس دي نطعم الفقراء او نتبرع بيها في الملاجأ
وانا هدفع جزء ونروح نحج وده هيكون بنسبة اجمل واحسن شهر عسل
كرم بإبتسامة احترام وتقدير…. وانا معنديش اي مانع نعم ده وربنا يكتبه في ميزان حسناتنا بصي انا عايز نكتب الكتاب انهارده
رحمة بصدمه… بالسرعة دي
كرم بإبتسامة…. خير البر عاجلة يا مدام. رحمة وبعدين احنا مش ناقصنا حاجه الشقة موجودة والعفش موجود وعلي فكرة جديد ولكن لو مش عايزه ممكن نغيره مفيش مشكلة
رحمة ابتسمت…. مفيش دعي لتغيره
كرم قام بإبتسامة…. يلا
رحمة ابتسمت بخجل…. يلا
كرم اخدها ونزلوا وراحوا علي اقرب مكتب ماذون
وكتب الكتاب وهو كان في قمة الفرح وهي كانت في قمة الخجل
واخدها وراحوا جابوا حلويات علشان يوزعوها علي العمارة ويعرفوا الكل انهم اتجوزوا وفعلا طلعوا لكل بيت بنفسهم وعرفوهم انهم كتبوا الكتاب
ودخلوا شقته بعد ما دخلت تجيب شنطة هدومها ودخلوا الشقة بتاعته ودخلوا الاوضة بتاعتهم اللي هتحط فيها هدومها
هو قال انا هطلع 70000 الف حق الفرح اللي كنت هعمله للفقراء والغلابة
رحمة ببتسامة… وانا هدفع حق 50000 الف جنية جزء من حق العمرة
كرم بهدوء…. وانا هكمل الباقي ويبقي اتشركنا
رحمة بهدوء…. ربنا يدينا علي قد نيتنا يارب
كرم بهدوء… يارب
وقبلها بهدوء واخدها في عالم تاني كله حب وموده واحترام متبادل بين الاثنان
❤❤❤❤❤❤❤❤❤❤❤❤❤❤❤❤
بعد مرور خمس سنوات كان يقف كرم في قلق شديد علي زوجته وحبيبة قلبه وهي تنجب بعد عذاب مع الدكاترة لمدة خمس سنوات
سمع صوت صغيره وكانت الفرحة مش سايعه
خرجت الممرضة وقالت… الولد الاول ماشاء الاه زي القمر
ودخلت بسرعة وهو كان فرحان وقال يارب قومهم التلاته باسلامة
وبعد نصف ساعة اخره
خرجت الممرضة…. الولد التاني ماشاء الله زي القمر
لسه هيسألها رحمة عاملة ايه ولكن كانت دخلت استغرب هي كدة المفروض تكون ولدت
خرجت بعد ربع ساعة اخره…. بنت زي القمر مشاء الله
كرم بصدمه… تلاته مش اتنين
خرج الطبيب وهو ينزع المسك من علي وجهه بتعب وقال… الف مبروك تلاته تؤام مشاء الله
كرم بصدمه… بس الدكتور قال اتنين..
الدكتور بابتسامة… اصله كان مداري مش باين علشان كدة الدكتور مقلش يتربوا في عزك يارب
كرم بفرح وعيونه دمعت.. ومراتي عاملة ايه
الدكتور. كويسة الحمدلله وهتخرج وهتشوفها
بعد اذنك
كرم بفرح.. اتفضل يا دكتور
ياما انت كريم يارب
بعد شوية خرجت رحمة علي اوضة عادية
وكان ولادها التلاته موجودين جنبها وصوت عياطهم كان مزيكه بنسبه ليهم
كرم قرب منها وقال…. ربنا يخليكي ليا يا ام العيال هنسميهم ايه.
رحمة بهدوء وحب….. هسمي الولد ده ابو عين زرقاء كريم لانه ربنا كريم معايا
والتاني ابو عين بنيه ده هسميه محمد علي اسم سيدنا الرسول عليه افضل الصلاة والسلام
اما البنت هتكون اسمها خديجة علي اسم مرات الرسول عليه الصلاة والسلام
ها عندك اعتراض علي الاسماء
كرم بحب….. هو انا اقدر يا ام العيال
ربنا يخليكوا ليا وميحرمنيش منكم ابدا
وقبل يديها
اما يوسف كان زي ما هو عايش حياته لربنا
وهنا انتهت رواية حياة رحمة
مهما كان العذاب في الدنيا ربنا بيعوضنا خير وعمر ما انسان اتعذب في حياته وملقاش العوض ولو ملقهوش في الدنيا موجود في الاخرة العوض ليه
اما يوسف مهما بلغت ذنوب الناس ربنا دايما فاتح باب التوبة مش بيتقفل محدش يقول ربنا مش هيسامحني ربنا كريم توب انت وشوف ربنا هيغير حياتك ازاي