رواية ابنه بائعه الخضار الفصل الحادي عشر 11 بقلم هبة نصر
رواية ابنه بائعه الخضار البارت الحادي عشر
رواية ابنه بائعه الخضار الجزء الحادي عشر
رواية ابنه بائعه الخضار الحلقة الحادية عشر
ليأتى الصباح وتستيقظ امل وهى فى حضن سليم على رنه موبايلها .. لتنظر له وهو نائم بحب وخجل .. وتلتقط تليفونها لتجدها مروه . لتأخذ التليفون بعيدا عنه حتى لا توقظه
مروه بفرحه مصطنعه / مبرروك يا عروسه .. ايه انتى لسه نايمه ولا ايه
امل / الله يبارك فيكى .. خير يا مروه فيه حاجه
مروه / ابدا يا حبيبتى .. انا حبيت بس ارخم عليكى واصحيكى .. علشان اجى اسلم عليكى قبل ما تسافرى
امل / تشرفى فى اى وقت .. بس شكلى مش هسافر
مروه / ليه كده . مش هتسافرى ليه
امل / انتى عارف باقى اقل كن شهرين على الإمتحانات.. وانا عايزه استغل الفتره بتاعت شهر العسل فى المذاكره
مروه / حد يكون فى شهر العسل ويفكر فى المذاكره .. انا لو منك كنت اجلت السنه .. او سيبت الكليه خالص
امل / انتى بقى مش انا … لتتفاجأ بسليم يحضنها من ضهرها
سليم / مين اللى واخدك منى ..
امل / طب سلام انتى دلوقتى يا مروه .. هبقى اكلمك كمان شويه
مروه وهى تقفل الخط وتنظر لعمرو بخبث .. تمام يا معلم .. مش هتسافر شهر العسل علشان الامتحانات والمراجعه ..
عمرو / دلوقتى بقى ننفذ اللى اتفقنا عليه .. ليبدأ فى ارسال الصور والتسجيلات
………………………….
لتلتفت له امل .. دى مروه .. بتقولى مبروك وبتصبح عليا
سليم / هادم اللذات ده يتقفل .. انتى بتاعتى انا بس
امل / طب ممكن اتصل بماما وعبير اطمن عليهم
سليم / اذا كان كده ماشى .. على ما اخد شاور تكونى طمنتيهم علينا
امل / طب ممكن اطلب منك طلب تانى
سليم / انتى مش تطلبى .. انتى تؤمرى
امل / ممكن بس نأجل شهر العسل لبعد الإمتحانات.. انت عارف ان الفتره اللى جايه دى اهم فتره .. وانا عايزه احضر المراجعات لان بيبقى فيها ملخص معلومات السنه كلها .. واخر يوم امتحانات هسلمك نفسى ونروح المكان اللى انت عايزه
سليم / وانا مقدرش ارفضلك طلب .
امل / ممكن طلب كمان
سليم / واضح انك داخله على طمع
امل / جعااانه .. ماكلتش حاجه من امبارح قبل الفرح
سليم / انا كمان هموت من الجوع .. ولو انى من فرحتى عايز اكلك انتى .. ثوانى اطلب فطار .
امل / انا هدخل اخد شاور على ما تطلب الفطار
سليم / لوحدك
امل 😲😲/ لا انا ونفسى هناخد شارو مع بعض
لتغلق الباب فى وجهه .. ليضحك سليم .. ويطلب الطعام من خدمه الغرف .. ليفتح تليفونه ويتفاجأ بكم المكالمات والرسائل من اخوه واصدقائه ليلفت نظره رساله بدون رقم .. ليفتح الرساله
امل /احلى حاجه فى الدنيا الفلوس .. انك تعيشى مرتاحه ومبسوطه
مروه / طب والحب
امل / حب ايه .. مفيش حاجه اسمها حب .. فيه مصلحتى وبس
مروه / يعنى لو كانت شبكتك فضه مش الماظ مش هتوافقى
امل / لأ طبعا.. اهم حاجه تختارى اللى يجبلك الماظ وعربيات ولبس من اغلى الماركات لينتهى التسجيل
وتأتيه رساله اخرى من رقم اخر صوره احد الأشخاص يقبل يد امل ورساله ( طبعا طلبت متسافرش شهر العسل واتحججت بالمحاضرات والامتحانات .. بس علشان صعبت عليا قولت اكشفهالك على حقيقتها )
ليحاول الاتصال بالرقم ليتفاجا به يرن .. وترد عليه فتاه وتخبره انها زميلتها .. وانها ستخبره بالحقيقه فى الوقت المناسب .. ( اكيد عرفتوا مين هى البنت اللى ردت عليه )
لتخرج امل من الحمام لجده غاضب جدا ..
امل وخى تحاول الاقتراب منه / فين الفطار انا جعانه ..سليم .. فيه حاجه انا بكلمك مش بترد عليا ليه
سليم / جهزى نفسك هنرجع الفيلا
امل / فيه حاجه حصلت
لياركها سليم /انا داخل الحمام .. على ما اطلع تكونى جهزتى
لتبدل امل ملابسها هى وسليم ويتجه العروسان الى قصر العائله دون اى كلمه من الطرفين طول الطريق ..
سليم فى عقله/ يا ترى الرسايل دى صح ولا غلط .. معقول انا اتسرعت ومعرفتش احكم عليها صح .. وهى عرفت تضحك عليا .. معقوول
امل فى عقلها / يا ترى ايه اللى حصل … يكون حد جراله حاجه .. ربنا يستر
ليصل الاثنان الى القصر .. ليجد الجميع على الفطار لتجرى عليهم سمر ./ الف مبروك يا أبيه .. الف مبروك يا امل
سليم / عن اذنكم .. انا طالع فوق علشان تعبان شويه
شريف / فيه ايه يا عريس .. تعبان من دلوقتى .. دا لسه اول يوم ..
لينظر له سليم دون ان ينطق بحرف .. ويصعد على السلم متجها لغرفته
عفاف / مش هتفطر يا سليم
سليم / مش جعان يا ماما .. انا عايز انام
سمر / فيه ايه يا امل .. هو فيه حاجه حصلت
امل وهو تهز اكتافها / معرفش .. انا دخلت الحمام وطلعت لقيته كده .. دا حتى مبيردش عليا
عفاف/ امل .. انتى كلمتى مامتك و اختك طمنتيهم عليكى
أمل / يا نهار ابيض .. دا انا نسيت خالص .. هخرج اكلمهم فى الجنينه
شريف / نسيتى .. اللى واخد عقلك
لتخرج امل و وجها احمر مثل الطماطم
……………………
سليم/ والعمل دلوقتى .. لازم اتأكد من الكلام ده ..
سليم /الو .. اخبارك ايه .. بعدين بعدين .. ابقى باركلى بعدين .. دلوقتى فيه رقم انا عايز اعرف مين صاحبه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ابنه بائعه الخضار)
