روايات

رواية ابنه بائعه الخضار الفصل الثاني عشر 12 بقلم هبة نصر

رواية ابنه بائعه الخضار الفصل الثاني عشر 12 بقلم هبة نصر

رواية ابنه بائعه الخضار البارت الثاني عشر

رواية ابنه بائعه الخضار الجزء الثاني عشر

رواية ابنه بائعه الخضار
رواية ابنه بائعه الخضار

رواية ابنه بائعه الخضار الحلقة الثانية عشر

سليم بعصبيه/ اسم صاحب الرقم ده يكون عندى فى اسرع وقت .. ليخرج البلكونه لشم بعض الهواء لعله يفتح صدره ويريح اعصابه … ليجد امل تتحدث فى التليفون وتضحك وفى غايه السعاده
سليم بصوت هامس / بتكلمى مين يا امل .. وياترى الرسايل والصور دى حقيقتهم ايه
امل / مبسوووطه اوى يا ماما… متعرفيش سليم بيحبنى ازاى .. ونفسه يعملى اى حاجه علشان ابقى مبسوطه
الام / حبيبتى .. ربنا يهدى سرك ويسعدك .. خلى بالك من سليم .. اوعى تزعليه .. علشان لو زعلتيه انا اللى هزعل منك
امل / انا مقدرش ازعله .. المهم انتى هتيجى امتى .. انتى وحشتينى انتى وعبير
الام / كمان يوم او اتنين كده .. دا عبير هتتجن وتيجيلك .. بس انا بقولها بلاش نضايقهم .. وبعدين علشان حماتك مش تتضايق
امل / ايه الكلام اللى بتقوليه دا ياماما .. كل الناس هنا بيحبوكم . بلاش تزعلينى وتقولى الكلام ده تانى
الام / خلاص يا حبيبتى .. اقفلى يلا وروحى شوفى جوزك .. انتوا لسه فى شهر العسل .. خلى بالك من نفسك
………………………..
سمر / تعالى يا امل اقعدى معانا شويه
عفاف /تقعد فين يا رخمه .. اطلعى يا حبيبتى شوفى جوزك لو عايز حاجه
امل / حاضر يا ماما
عفاف / خدى يا أمل .. دى هديه جوازك .. اوعى تقلعيها من رقبتك ..
امل وهى تفتحها لتجدها ( امل وسليم ) متشابكة فى بعضهم على شكل قلب جميل بفصوص الماظ / جميله يا ماما .. اوعدك عمرى ما هقلعها من رقبتى
عفاف / طب اطلعى يلا اطمنى على جوزك .. انتى ليه عروسه
امل / حاضر يا ماما.. بعد اذنكم
لتصعد امل لتجد سليم يجلس على الكنبه واضعا رأسه بين يديه يفكر ولا يشعر بها عندما جلست بجواره
امل وهى تضع يدها على كتفه /مالك يا سليم .. فيه حاجه حصلت
سليم / لا مفيش . بعد اذنك عايز افضل لوحدى شويه .. ممكن تسيبينى لوحدى
امل وهى تدير وجهه لها / ممكن اعرف ايه اللى شاغلك .. ممكن متخبيش حاجه عنى .. وتحاول تقبيله
ليتركها سليم ويقف رافضا قبلتها .. لو سمحتى .. قلتلك سبينى لوحدى
لتنظر له امل بصدمه .. وتتركه وتخرج من الغرفه قبل ان يرى دموعها .. التى تسقط فور خروجها من الغرفه .. لتمسح دموعها .. وتنزل للجميع بالاسفل
سمر / نزلتى تانى ليه .. مش قولنا انك لسه عروسه .. وتغمز لها
امل بإرتباك / اصلى لقيته نايم .. فقلت بلاش اقلقه .. ونزلت اقعد معاكم
عفاف / تعالى جنبى يا امل .. لتميل عليها ( فيه حاجه حصلت بينكم ..احكيلى انا امك بردوا .. ولا انا مش زى امال )
امل وهى تقبل يدها/ صدقينى .. مفيش حاجه .. ولو فيه حاجه انتى اول حد هتعرفى
………………………
ليرن موبايل سليم برقم صديقه / ايه الاخبار .. وصلت لأيه .
الطرف الاخر / …………………..
سليم / معقول .. مروه صاحبه امل وسمر
الطرف الآخر/ ………………………
سليم /خلاص اقفل انت .. انا هتصرف
ليبدل سليم ملابسه ويأخذ هاتفه ومفاتيح سيارته وينزل مسرعا على السلم وغير ملتفت للجميع ولا لامه التى تنادى عليه .. لياخذ سيارته ويخرج من القصر
سمر / هو ايه اللى بيحصل .. فيه ايه حد يقولى
امل وهى تنظر للارض حتى لايرى احد دموعها . لتسقط دمعه على الارض تراها عفاف
عفاف / قومى يا سمر قولى لحد يعملنا عصير لمون
سمر / حاضر ياماما
عفاف / تعالى معايا يا امل
لتخرج عفاف وامل للجنينه / احكيلى كل اللى تاعبك.. فيه ايه بينك وبين سليم
لترمى امل بنفسها فى حضنها / مش عارفه يا ماما ..مش عارفه ايه اللى حصل وخلاه اتغير معايا كده .. وتبدأ فى سرد كل ما حدث معها
…………………………..
لتخرج مروه من الكليه برفقه زميلات لها ..لتجد سليم واقف بجوار سيارته ساندا ظهره على سيارته لتذهب له مروه
مروه وهى تتصنع المفاجأ/ معقوله فى عريس يسيب عروسته تانى يوم
سليم وهو يشير لها / اركبى يا مروه عايزك ..
لتركب معه مروه السياره .. ليذهب بها سليم لكافيه شيك وفخم
سليم وهو يعطيها تليفونه/ شوفى الرسايل والصور دى يا مروه
مروه وهى تنظر الى الرسائل ثم تعطى التليفون لسليم / ايوه انا اللى بعت لك الرسايل دى … وعارفه انك هتلومنى علشان كشفت لك الحقيقه .. بس غصب عنى مقدرتش اشوفك مخدوع وهى بتمثل عليك الحب واقف اتفرج

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية ابنه بائعه الخضار)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى