رواية إمتلاك بالإجبار الفصل السابع عشر 17 بقلم هاجر عبدالحليم

رواية إمتلاك بالإجبار الجزء السابع عشر

رواية إمتلاك بالإجبار البارت السابع عشر

رواية إمتلاك بالإجبار الحلقة السابعة عشر

فى قصر البحيرى
فى مكتب محمود البحيرى
مومن:بابا انا عايز اتكلم معاك
محمود:مش دلوقتى يامومن مشغول براجع اوراق مهمة خليها بكرة
مومن:بابا اللى انا عايز اكلمك فيه مينفعش يتاجل…انا اسف فى اللى هقوله بس انا مش هقدر اسيب ايات هى محتاجانى جمبها وانا بحبها من حقك ترفض بس برده من حقى اختار….انا مش شايف فيها اى عيب يخلينى اسيبها
محمود خبط ايده على المكتب وقام وقال بعصبية:انت الظاهر مش بتفهم من الكلام…قولت انت ايه بقا مش شايف فيها عيب كل اللى انا قولتهولك عنها دة وبرده مصمم وعايزها تمام يامومن روح اتقدملها بس متجيبش سيرة البحيرى روح وقولها انا مومن وبس وواحدة زى امها دى هتحسسك انك ولا حاجة هى عايزة فلوسك وبس اعقل كدة يامومن وخش نام
مومن سابه ودخل اوضته وهو محتار هو كل اللى يعرفه انه عايزها بس الظروف كلها ضده.. فضل يفكر كتير لحد منام
فى فلة الالفى
طق طق
عيون:ادخل
فاطمة:ازيك يابنتى
عيون:الحمد لله ياستى اتفضلى
فاطمة دخلت وجابت الفستان
فاطمة:ايه رايك
عيون:حلو اوى بس للاسف مش هقدر اقبله…انا عارفة انك انتى اللى جيبتيه مش جاسر هو على فكرة مش مجبر انه يجيبلى حاجة لو هو مش عايز فملوش لزوم تدارى عليه
فاطمة بخوف:هو انت عارفة حاجة ومخبية عليا
عيون:دة انا اللى المفروض اسالك السوال دة….انا متجوزة جاسر علشان بسملة مش كدة..بس انا فعلا بحبه اما هو مش قادر يحبنى ودة حقه فعلشان كدة انا قررت انى هطلب منه الطلاق بعد الحفلة
فاطمة اتصدمت ووقعت نفسها على السرير
عيون بخضة:ستى انتى كويسة
فاطمة:لا مش كويسة جاسر لو سيبتيه مش هيعرف يعيش دة انتى اللى خليتى حياته ليها قيمة متبقيش انانية يابنتى طب فكرتى لو سيبتيه بسملة هيحصل فيها ايه دى بتحبك وبتعتبرك والدتها عايزة تسيبيها بسهولة دى
عيون بعياط:لا مش هقدر اسيبها ولا اسيب جاسر تعرفى من وانا صغيرة بقول لنفسى انى حلوة وملكة جمال لكن دلوقتى انا بكره نفسى اوى ليه القدر خلانى شبه مراته ليه ياستى والله ياستى انا مش زيها ان اهلى ربونى كويس وفهمونى يعنى ايه زوج وعارفة ازاى اصونه واحبه دة تراب جزمته فوق راسى كنت دايما بقول لو ربنا رزقنى بواحد كويس ويحبنى ويراعى ربنا فيا هيبقا بالنسبالى كل حاجة ومش هسيبه ابدا انا لازم اواجه جاسر بس مش انهردة بس الحفلة دى تعدى على الخير
فاطمة:اعملى اللى يريحك يابنتى انا مش هغصبك على حاجة يلة البسى عايزاكى ملكة جمال
عيون:طب الناس يعنى عارفة انى مراته
فاطمة:طبعا يابنتى مش هيتكسف يقول انك مراته والناس اكيد هتستغرب الشبه بس عادى وبيحصل متقلقيش خير ان شاء الله
عيون:ان شاء الله
طق طق
فاطمة:اتفضل
بسملة:عيون تعمل لبسملة شعرها اه
عيون:روحى هاتى المشط من الدرج وتعالى اسرحلك شعرك هخليكى اميرة
فاطمة بابتسامة:البسوا وانزلوا متتاخروش
عيون:حاضر
فى الحفلة
جاسر بيسلم على رجال الاعمال الموجودة فى الحفلة بعد كدة وقف مع واحد وبيتكلم معاه على صفقة الادوية الجديدة وعينه بتيجى على السلم كل شوية
الالفى باشا:متيجى نرقص ياصافى
صافى:معلش يا الفى مش قادرة
الالفى:مش قادرة ايه دة احنا ف حفلة تعالى نرقص بدل ماخدك فوق واعمل اللى انا عايزه
صافى:لا نرقص احسن يلة بينا
الالفى:كدة تعجبينى
وراحوا علشان يرقصوا
بعد كدة عيون نزلت هى وبسملة
جاسر فضل يبص لعيون كانت جميلة بس عيون كانت متوترة ومش فاهمة هو ايه احساسه من ناحيتها لازم تعرف
عيون:مساء الخير
امجد:مساء النور حضرتك مرات جاسر مش كدة
عيون بتوتر:ايوة
امجد بص لجاسر باستغراب وبعد كدة بص لعيون ومد ايده وقال:اسمى امجد
عيون مدت ايدها علشان تسلم عليه:تشرفنا عن اذنكم
ومشيت
امجد:انت بتهزر قولى انك بتهزر
جاسر:لا مش بهزر دى عيون مراتى وبعدين ياعم بتحصل يخلق من الشبه اربعين
امجد:وحياتكوا مستقرة على كدة
جاسر:ايوة الحمد لله
بيبص ناحية عيون فجاه لقا حد قاعد جمبها وبيكلمها
جاسر:عن اذنك ياامجد ثوانى
وراح عند عيون
جاسر:عيون
عيون:نعم
جاسر:تعالى عايزك
مدحت:ازيك ياجاسر مالك ياعم مش تسلم علية الاول وبعدين مقولتليش ان مراتك حلوة اوى كدة
جاسر بعصبية:مدحت اتلم بدل ملمك ملكش دعوة بيها وانتى تعالى معايا من سكات
عيون بتوتر:حاضر بس هنروح فين
جاسر مسك ايدها وراحوا حلبة الرقص
جاسر:يلة
عيون بكسوف:يلة ايه
جاسر:هيكون يلة ايه هنرقص زى م الناس بترقص
عيون:مش بعرف ارقص
جاسر مسك ايدها وحطها على كتفه ومسك هو ايدها التانية اما ايده التانية حطها على وسطها
جاسر:الموضوع خلص
عيون:هو انت ايه اللى خلاك ترقص معايا
جاسر:مزاجى كدة
عيون:وانا مش عايزة ارقص معاك سيبنى
شد وشطها جامد وقال:عيون خلى ليلتك تعدى احسلك…الناس بتتفرج علينا
عيون:يهمك اوى منظرك قدام الناس
جاسر:طبعا فى مجتمعنا الانسان ايه غير مظهر وسمعة كويسين
عيون:هو انت بتحبنى
جاسر بصلها وقال:لا مش بحبك
عيون:ليه
جاسر:ليه ايه مش بحبك روحى اسالى قلبى بقا وهو اللى يقولك
عيون:انت بتتريق
جاسر:اومال عايزانى اقولك ايه
عيون حطت ايدها على قلبه وقالت:تعرف قلبك دة بحسه حيران جاسر انت بتعذبنى ليه انت عارف انى بحبك
جاسر:عيون غيرى الموضوع
عيون:ماشى ياجاسر هغيره عن اذنك
وزقته وطلعت فوق
اما جاسر حاول يكتم اعصابه وفضل مع الناس اللى فعلا كانوا مصدومين من قوة الشبه بينهم
واول م الحفلة خلصت
الالفى:بجد كان يوم متعب اوى
صافى:اه فعلا
الالفى:تعالى اسنيدينى ياصافى مش قادر امشى
صافى:حاضر يلة تصبحوا على خير
وخدته وطلعت
فاطمة:هو انت زعلت عيون
جاسر:لا مزعلتش عيون
فاطمة:طب اطلعلها
جاسر:هاتى بسملة ادخلها اوضتها
فاطمة:ماشى خدها
خدها جاسر وطلعلها اوضتها غطاها كويس وبعد كدة دخل اوضته
فى الاوضة
جاسر:انتى لسة صاحية
عيون:ايوة لسة صاحية….جاسر لاخر مرة هسالك انت بتحبنى ولا لا
جاسر بعصبية:قولتلك لا ايه طارشة
عيون:يبقى طلقنى ودة اخر كلام عندى