رواية إكليل الحياة الفصل التاسع والسبعون 79 بقلم دودو محمد
رواية إكليل الحياة الجزء التاسع والسبعون
رواية إكليل الحياة البارت التاسع والسبعون
رواية إكليل الحياة الحلقة التاسعة والسبعون
نظرت لها بتوتر وقالت
ابرار :-ح ح حادثه،فيه حاجه ولا ايه يا دكتوره طمنينى
نظرت لها بوجه خالى من التعبير وقالت
-اتفضلى على السرير اكشف عليكى
نظرت إلى ولاء بتوتر ونهضت سريعا تسطحت على سرير الفحص ونهضت الطبيبه وبدأت تفحصها وبعد وقت انتهت وعادت مره اخرى إلى مقعدها
اعتدلت ابرار وعادت مره اخرى وجلست على المقعد ونظرت لها بقلق وقالت
ابرار :-ممكن حضرتك تطمنينى بقى
تكلمت بتوضيح وقالت
-انا شايفه أن التحاليل كلها تمام والفحص برضه كويس الحمدلله بس فيه مشكله صغيره جدا هكتبلك على حاجه بسيطه تنشط عندك البويضه وهنتظرك كمان اسبوعين أن شاءالله
تنهدت بأرتياح وقالت بسعاده
ابرار :-يعنى معنديش اى مانع من احمل تانى
حركت رأسها بالرفض وقالت
-لا الحمدلله معندكيش اى مانع من انك تحملى
ابتسمت بسعاده وقالت
ابرار :-شكرا يا دكتوره
نهضوا بسعاده أمسكت ولاء يد ابرار ونظرت لها بأبتسامه
تكلمت الطبيبه وقالت
-وانتى يا مدام ولاء اهتمى بأكلك شويه لأن شايفه وزنك بيقل المفروض يزيد احنا خلاص عدينا مرحلة الوحم الحمدلله
اومأت رأسها بالموافقه وقالت
ولاء :-حاضر يا دكتوره
وتحركوا الاثنين إلى الخارج نظرت لها بسعاده وقالت
ابرار :-الحمدلله أنا كنت خايفه اوى أن يطلع عندى مشكله بعد اللى حصلى
ابتسمت لها بحب وقالت
ولاء :-الحمدلله يا حبيبتى وان شاءالله نسمع خبر حلو قريب بس اللى مستغرابه انتى ليه مصره انك تدارى على سراج انك بتابعى مع الدكتوره
نظرت لها بضيق وقالت بصوت مختنق
ابرار :-خوفت احسن ما يرفض هو حاليا عايزنى اتفرغ لتربية اسيل وبس وشكله خايف أن لو حصل حمل اهمل بنته واهتم باللى هيجى مع أن ربنا يعلم أنا بحبها قد ايه ده حتى مفكرش يسأل ولا مره إذا البريود اتأخرت ولا لا تحسى أنه مش عايز يسمع خبر زى ده خالص
حركت رأسها بالرفض وقالت
ولاء :-لا معتقدش أن سراج بيفكر كده هو ممكن انشغل شويه بالشركه وكده إنما اكيد نفسه يكون عنده طفل منك
تنهدت بضيق وقالت
ابرار :-عموما انا هفضل اتابع كده من وراه لحد ما يحصل حمل وبعد كده يحلها ربنا من عنده امشى يلا
نظرت لها بعدم اقتناع وتحركت معها هبطوا إلى الأسفل صعدوا السياره وتحركت ابرار بها إلى المنزل.
……………………………………………………………
تحرك احمد ومعه وسام وهو يحمل الحقائب بيده تكلم بنفاذ صبر وقال
-كده خلاص ولا فيه حاجه تانى انا تعبت ومش قادر
زفرت بضيق وقالت
وسام :-فيه ايه يا احمد مالك هو احنا لسه اشترينا حاجه طول بالك شويه
نظر لها بصدمه وقال
احمد :-كل ده وتقولى لسه حرام عليكى يا شيخه ليه كل ده ما الفيلا مش نقصها حاجه ولا هو تعب وخلاص
عقدت ذراعيها على صدرها بغضب وقالت
وسام :-قولتلك مليون مره عايزه اغير كل حاجه فيها عايزه افرشها على ذؤقى
زفر بضيق وقال بتوضيح
احمد :-يا حبيبتى انا مش معترض والله بس مش كله فى يوم واحد احنا من الصبح عمالين نلف على المحلات من هنا لهنا الرحمه شويه كل حاجه هتخلص قبل الفرح متقلقيش
زمجرت وجهها بضيق وقالت
وسام :-ماشى اللى تشوفه
نظر لها بضيق وترك ما بيده بالأرض وأمسك يدها بحب وقال
احمد :-طيب خلاص متزعليش هاتى اللى انتى عايزاه كله بس تعالى الاول احط الشنط دى فى العربيه علشان مش قادر خلاص تعبت منهم
ابتسمت له بسعاده وقالت
وسام :-بجد يعنى هنكمل الحاجه النهارده
ابتسم لها بحب واومأ رأسه بالموافقه وقال
احمد :-ايوه يا اخرة صبرى
تكلمت بسعاده وقالت
وسام :-بحبك اوى والله
نظر لها بحب وقال
احمد :-وانا بعشقك يلا بقى احط الشنط دى فى العربيه ونكمل
اومأت رأسها بالموافقه وتحركوا بأتجاه السياره وضعوا بها الحقائب وعادوا مره اخرى حتى يستكملوا الشراء .
……………………………………………………………
ظلت تتحرك بألم شديد وهى وضعه يدها خلف ظهرها انهمرت دموعها بألم وقالت
ريم :-انت مالك واقف تتفرج عليا وانا تعبانه كده
نظر لها بأستغراب وقال
اشرف:-يعنى عايزانى اعمل ايه مش فاهم
هدرت به بغضب وقالت
ريم :-اعمل اى حاجه خلصنى من الوجع ده
حرك رأسه بعدم فهم وقال بتساؤل
اشرف :-ايوه يعنى اعمل ايه أطلق مكانك ولا ايه مش فاهم
تكلمت بألم وقالت
ريم :- ايوه اتريق ما هو انت كده مش باخد منك حاجه غير التريقه
اقترب إليها واحتضنها بحب وقال
اشرف :-اهدى يا حبيبتى ربنا يهديكى أنا عارف انك تعبانه بس مش فى ايدى حاجه اعملها الدكتوره قالت لسه قدامك كده لحد بليل
دفعته بعيد عنها وقالت بدموع
ريم :-انت شايفنى مجنونه وبشد فى شعرى ولا ايه مش كفايه أن كل ده بسببك
زفر بضيق واقترب إليها مره اخرى وأمسك يدها وتكلم بنبره هادئه وقال
اشرف :-انا اسف يا حبيبتى بعد كده مش هعمل فيكى كده تانى تعالى بقى اتمشى شويه زى ما الدكتوره قالت
أمسكت بيده بألم شديد وتكلمت بدموع وقالت
ريم :-مش قادره خلاص يا اشرف أنا عايزه أولد بقى واخلص انتوا بتعذبونى كده ليه
ربت على يدها بحنو وقال
اشرف :-معلش يا حبيبتى استحملى هانت خلاص كلها كام ساعه وسي ياسين يجى وينور الدنيا
نظرت له بدموع وقالت
ريم :-يارب نفسي ارتاح بقى مش قادره يا اشرف
احتضنها بحب وقال بنبره حنونه
اشرف :-ربنا يهونها عليكى يا حبيبتى يارب
ثم أمسك يدها وهبطوا إلى الأسفل حتى تسير بالشارع لتسهيل عملية الولاده.
…………………………………………………………….
وصلت ابرار بسيارتها أسفل منزل والدتها هبطت من السياره وصعدت إلى الأعلى وضغطت على زر الجرس فتحت لها ملك بوجه عابس ابتسمت لها بضيق ودلفت إلى الداخل نظرت إلى أثرها بأستغراب وتحركت إلى الداخل وأغلقت الباب خلفها وقالت
-عامله ايه يا ملك
تكلمت بضيق وقالت
ملك :-كويسه
حملت تالين على ذراعيها وقبلتها بحب وقالت
ابرار:-حبيبت قلب خالتو عامله ايه واحشتينى اوووووى يا روحى بصى انا جايبلك ايه
أعطتها لعبه صغيره وانزلتها على الأرض مره اخرى
اخذت اللعبه من يد ابنتها واعادتها لابرار مره اخرى وقالت
ملك :-خدى احنا مش مستنين صدقه من حد
نظرت إلى اختها بأستغراب وقالت
ابرار :-صدقه!!! مالك يا ملك حاسه انك متغيره من ساعة ما شوفتك بس قولت ممكن تكونى متخانقه مع معاذ ولا حاجه
تكلمت بضيق وقالت
ملك :-مالى ما انا كويسه اهو كل الحكايه أن مش عايزه بنتى تاخد حاجه من اى حد غريب
ابتسمت بصدمه وقالت بعدم تصديق
ابرار :-اى حد غريب!! هو انا غريبه يا ملك أنا اختك يعنى خالتها ومش بعمل كده صدقه ولا حاجه انا بعتبرها زى بنتى وبحبها وبحب افرحها علشان كده بجبلها اللعب دى، انتى زعلانه منى فى حاجه
نظرت الاتجاه الآخر وقالت
ملك :-يهمك فى ايه إذا كنت زعلانه ولا لا
اقتربت إليها وامسكت يدها وقالت بنبره هادئه
ابرار :-لا يهمنى يا ملك انتى اختى حته منى وزعلك أنا مقدرش عليه ولو انا عملت حاجه تزعلك من غير ما اخد بالى نبهينى لده مش تزعلى وتخدى جنب منى
نظرت لها بضيق وقالت
ملك :-لو زعلى يهمك بصحيح كنتى فكرتى فيا وفى جوزى كنتى عرضى عليه يجى يشتغل معاكى فى شركتك علشان يحسن من مستوانا زى ما شغلتى معاكى على جوز أخته بس ازاى انتى اهم حاجه عندك ولاء صحبتك اهم منى علشان كده نزلتى جوزها معاكى وجوزى أنا لا
نظرت لها بأستغراب وقالت
ابرار :-بس انا معملتش كده علشان عارفه أن معاذ مستحيل هيوافق يجى يشتغل معايا فى شركتى انا فاهمه دماغه ماشيه ازاى علشان متربيه معاه بس أنا مستعده أقوله معنديش مشكله ويجى ينور الشركه ويعتبرها بتاعته كمان أنا عمرى ما هستخسر فيكى ولا فيه حاجه يا ملك ولو طلبتى عيونى مش هستخسرها فيكى والله
اومأت رأسها بالتأكيد وقالت
ملك :-ماشى قوليله وحاولى تقنعيه وكأن انا مقولتش ليكى حاجه
ابتسمت لها وقالت
ابرار :-حاضر هقوله مع أن انا عارفه رده ايه بس هحاول أقنعه اهم حاجه متزعليش منى ولو فى يوم احتاجتى حاجه قولى دى فلوسك متتكسفيش
نظرت لها بأبتسامه وقالت
ملك :-ربنا يخليكى ليا أنا لو بزعل منك بزعل من عشمى فيكى مش اكتر
ابتسمت لها وقالت
ابرار :-عارفه يا حبيبتى
ثم نظرت حولها وقالت بتساؤل
-اومال ماما فين
اشارت إلى الغرفه وقالت
ملك :-نامت من بدرى وانا كنت مستنيه معاذ يجى يخدنا
ابتسمت لها وقالت
ابرار :-طيب هدخل اشوفها علشان واحشتنى اوى وبعد كده هاجى اقعد معاكى شويه
ثم قبلت الطفله الصغيره واتجهت إلى غرفة والدتها طرقت على الباب ودلفت إلى الداخل اقتربت من السرير وجلست بجوارها وقبلت جبينها بحب وقالت
-واحشتينى يا ست الكل
فتحت عينيها بسعاده وقالت
وفاء :-حبيبتى واحشتينى اوى يا بنتى
ابتسمت لها ابتسامه هادئه وقالت
ابرار :-عامله ايه يا حبيبتى طمنينى عليكى
ربت على يدها بحنو وقالت
وفاء :-بخير يا بنتى طمنينى عليكى عامله ايه مع جوزك
اومأت رأسها بسعاده وقالت
ابرار :-الحمدلله يا ماما سراج طيب وبيحبنى وبيحاول يتغير للاحسن وانا كمان بحبه علشان كده بساعده فى التغير ده علشان احافظ عليه
تكلمت بنبره حنونه وقالت
وفاء :-ربنا يسعدكم يا حبيبتى ويرزقكم بالذريه الصالحه
ابتسمت لها بسعاده وقالت بتمنى
ابرار :-يارب يا ماما يسمع من بؤقك ربنا ادعيلى على طول بالدعوه دى نفسي ربنا يكرمنى واشيل فى بطنى حته من سراج نفسي اكون ام اوى
اومأت رأسها بالتأكيد وقالت
وفاء :-ان شاءالله يا حبيبتى قلبى حاسس أنه قريب اوى ربنا هيكرمك
قبلت يدها وقالت بحب
ابرار :-ربنا يخليكى لينا يا ست الكل، أنا هخرج بقى اقعد مع ملك شويه وبعد كده همشى علشان سراج ميقلقش عليا هسيبك تنامى يا حبيبتى نوم الهنا يارب
نهضت من على السرير ونظرت لها بأبتسامه وخرجت وتركتها عادت عند ملك وجدت معاذ قد عاد من الخارج ابتسمت له وقالت
-ايه يا عم معاذ نسيت أن ليك اخت تانيه والمفروض تسأل عليها ولا ايه
ابتسم لها وقال
معاذ :-ليكى واحشه والله يا ابرار متزعليش منى الشغل اخد كل وقتى يدوب ارجع اكل لقمتى وانام على طول عامله ايه والاخ سراج أخباره ايه معاكى اتغير ولا لسه زى ما هو
ردت عليه بسعاده وقالت
ابرار :-اهو شويه كده وشويه كده بس طبعا احسن من الاول بكتير بيحاول يتغير علشانى
تكلم بأبتسامه وقال
معاذ :-ربنا يهديه ليكى ويسعدكم يارب
جلست على المقعد ونظرت إلى ملك وقالت
ابرار :-ما تروحى تعمليلى اى حاجه اشربها ريقى ناشف اوى النهارده
اومأت رأسها بتفهم وقالت
ملك :-حاضر
وتركتهم واتجهت إلى المطبخ
نظرت إليها حتى اختفت من أمامها ثم نظرت إلى معاذ وقالت بصوت هامس
ابرار :-معاذ أنا محتاجك معايا فى الشركه انت اكتر واحد اقدر امنه على حسابات الشركه
نظر لها بتوتر وقال
معاذ :-انتى عارفه أن انا لا يمكن ارفضلك طلب بس اعذرينى مش هقدر اقبل عرضك ده
نظرت له بترجى وقالت
ابرار :-ليه بس يا معاذ الشركه بتكبر وهينضم ليها شركة بابا الله يرحمه وهتوسع الدايره بتاعتها مش هينفع اجيب اى واحد كده وخلاص لازم يكون حد منى وانت اكتر واحد شاطر فى الموضوع ده وهتحافظ على مالى وافق علشان خاطرى انا بترجاك يعنى مش هعمل كده غير لما اكون محتاجك بجد
زفر بضيق وقال
معاذ :-يا ابرار افهمينى أنا مش هكون مستريح وانا شغال عندك فى الشركه هكون متقيد لانك فعلا تخصينى انا واحد بحب اكون حر اشتغل فى شركه بره متخصنيش علشان اكون براحتى من غير ضغوطات مش هعرف أفيدك، انتى غاليه عندى وزيك زى ولاء بالظبط وانتى عارفه كده بس معلش بلاش موضوع الشغل ده أنا موجود فى اى وقت لو حابه استشاره بخصوص اى حاجه تخص الشركه إنما شغل فيها انا اسف مش هقدر
تنهدت بقلة حيلة وقالت
ابرار :-دماغك ناشفه اوى على فكره وهتزعلنى منك مكنتش أتوقع أن اجى اطلب منك طلب زى ده وتكسفنى
ابتسم لها ابتسامه هادئه وقال
معاذ :-انا متأكد انك جايه تكلمينى وعارفه ردى ايه من قبل ما أقوله ليكى احنا متربين سوا وانتى حفظانى يا ابرار
اومأت رأسها بتفهم وقالت
ابرار:-للاسف كنت عارفه بس قولت احاول يمكن اطلع غلطانه المرادى وتوافق
وفى ذلك الوقت جاءت ملك وهى تحمل المشروب وقالت
ملك :-توافق على ايه !؟
نظر لها بضيق وقال
معاذ :-ابرار عايزانى انزل معاها الشركه
ابتسمت بسعاده وقالت
ملك :-بجد!؟ واكيد وافقت
حركت رأسها بالرفض وقالت
ابرار:-للاسف لا يا ملك معاذ رفض
نظرت له بغضب وقالت بصوت مرتفع
ملك :-وليه رفض أن شاءالله وانت هتلاقى عرض زى ده فين
نظر لها بغضب وقال
معاذ :-صوتك ميعلاش يا ملك و كلامنا بعدين مش دلوقتى
نظرت لهم بتوتر وقالت
ابرار :-اهدى يا ملك شويه
ثم نظرت إلى معاذ وقالت
-طول بالك عليها شويه يا معاذ هى متقصدش تعلى صوتها ولا حاجه هى بتسأل بس على السبب
نهض بغضب وقال
معاذ :-ماشى يا ابرار أنا لازم امشى دلوقتى راجع من الشغل تعبان وعايز انام
ثم نظر إلى ملك بغضب وقال
-هاتى تالين ويلا
زفرت بضيق وحملت ابنتها على ذراعيها ونظرت إلى ابرار وتحركت خلف معاذ وغادروا البيت سريعا
نظرت إلى أثرهم بقلق وقالت
ابرار :-ربنا يهديكى يا ملك وتعدى اليوم ده على خير
ثم تحركت إلى الباب وخرجت منه هبطت إلى الأسفل صعدت السياره الخاصه بها وعادت إلى البيت.
…………………………………………………………….
تمدت سعديه على فراشها بأرهاق شديد وظلت تتألم من قدميها من الوقف عليها طول اليوم تسطح بجوارها جمال واحتضنها بحب وقال بنبره هامسه
-اخيرا بقى الولا حازم نام فى اوضه لوحده وهاخد راحتى معاكى
نظرت له بضيق وقالت
سعديه :-بالذمه انت عندك دم شايفنى بتألم من رجلى ومن وقفتى عليهم طول النهار فى تنضيف البيت وتقولى اخد راحتى ابعد يا جمال مش نقصاك
نظر لها بضيق وقال
جمال :-وانا مالى انا واقفه على رجلك طول النهار ولا طول الليل ما انتى اللى تعبه نفسك على الفاضى ومش راضيه تسيبى البنات الشغاله تشتغل لوحدهم
اعتدلت على فراشها بغضب وقالت بنفاذ صبر
سعديه :-والله أنا دلوقتى الغلطانه طيب روح قول لجدى كده شوف هيقولك ايه اذا كان هو اللى قايله افضل مع البنات واقف على أيديهم علشان يشتغلوا بضمير تيجى انت وتقولى تعبى نفسي على الفاضى
احاطها بذراعه وقال بصوت هامس
جمال :-يا وليه ما صدقت انك فاضيه ليا شويه مش كفايه ابنك اللى اخدك منى طول الوقت
ابتسمت له بعدم تصديق وقالت
سعديه :-دلوقتى بقى ابنى لوحدى مش ابنك، مش ده اللى كنت هتموت عليه طول السنين اللى فاتت دى
اقترب اكثر إليها وقال
جمال :-اعمل ايه طيب اذا كنتى بتوحشينى يعنى يبقى قصادى القمر ومعرفش اطوله
اقترب من شفتيها حتى يقبلهما وفى ذلك الوقت سمعوا صوت صراخ بالخارج انتفضوا سريعا وركضوا إلى الخارج وجدوا ابنتهم ساقطه أسفل الدرج
هبطوا إليها سريعا وحملها جمال من على الأرض بقلق شديد وضعها بالسياره وصعدت معه سعديه واتجهوا إلى المشفى
تابعهم الجد من خلف النافذه واومأ رأسه بالرضا وعاد مره اخرى إلى فراشه
وصل جمال أمام المشفى وهبط من السياره سريعا حمل ابنته مره اخرى وركض إلى الداخل وضعها على السرير وجاءت الطبيبه وبدأت تفحصها وأجروا لها بعض الفحوصات الطبية اللازمه
ظل جمال يتحرك بقلق شديد والدموع تنهمر من أعين سعديه
خرجت الطبيبه وقالت
-البنت عندها خلع فى مفصل الكوع ولازم يتحطلها جبيره حالا
ربت على صدرها بصدمه وقالت
سعديه :-يا حوستى البنت هتتجبس
نظر لها وقال بقلق
جمال :-طيب يا دكتوره هى كويسه مفيهاش اى حاجه تانيه خطر طمنينى بالله عليكى يا دكتوره
حركت رأسها بالنفى وقالت
-لا الحمدلله مافيش اى حاجه خطر
تنهد بأرتياح وقال
جمال :-الحمدلله انها جات لحد كده
ارتمت داخل أحضان جمال وظلت تبكى
ربت على ظهرها وقال بنبره هادئه
-يا وليه احمدى ربنا انها جات بسيطه وكلها كام اسبوع وهيتشال ومجاش حاجه فى دماغها ولا حصلها نزيف داخلى
تكلمت سريعا وقالت
سعديه :-بعد الشر، الحمدلله يارب لا اعتراض على قضائك
وبعد وقت انتهوا وعادوا إلى البيت ودلفوا غرفتهم
نظرت سعديه إلى جمال بسعاده وقالت
-تصدق أن اول مره احس بخوفك على بناتك النهارده متوقعتش انك تقلق عليهم كده
تسطح على السرير وقال بأستغراب
جمال :-ليه يا وليه مش بناتى وبحبهم اكيد بخاف عليهم من الهوا الطاير
تسطحت بجواره وضعت رأسها على صدره وقالت
سعديه :-بس اول مره اشوفك تظهر مشاعرك النهارده انت الدموع كانت فى عينك علشان خاطر بنتك
حرك يده على ذراعها وقال بحب
جمال :-انا عمرى ما كرهتهم اه كان نفسي فى ولد يشيل أسمى بس مش معناه أن كاره البنات، دول حته منى عرضى ومقدرش استحمل فيهم شكة الدبوس بس كنت بحاول أخفى مشاعرى دى عنك علشان مظهرش ضعيف فى عيونك
قبلت وجينته بسعاده وقالت
سعديه :-بالعكس انت كبرت اوى فى نظرى النهارده ربنا يخليك لينا وميحرمناش منك ابدا يارب
اقترب منها وقال بمرح
جمال :-هى الليله شكلها هتحلو ولا ايه يا جدعان
واقترب من شفتيها وقبلهما بشهوه عارمه و…………
…………………………………………………………….
جلست ولاء بأرهاق شديد على الأريكة وجلس بجوارها “على” نظر لها بأستغراب وقال بتساؤل
-انتى ازاى كان عندك ميعاد مع الدكتوره النهارده واحنا لسه كنا عندها الاسبوع اللى فات
نظرت له بتوتر وقالت
ولاء :-ها م م مافيش حسيت بشوية تعب كده اتصلت بأبرار وقولتلها تيجى معايا نطمن على البيبى انت عارف انا بخاف ازاى عليه
تكلم بقلق وقال بتساؤل
على:-طيب وقالتلك ايه طمنينى
حركت رأسها سريعا وقالت
ولاء :-ولا حاجه طمنتنى عليه وقالت كل حاجه تمام بس محتاجه شوية غذا علشان وزنى بيقل
امسك يدها بحب وقال
على :-سلامتك يا قلبى الف سلامه قوليلى نفسك تاكلى ايه وانا اجيبه ليكى دلوقتى حالا
حركت رأسها بالرفض وقالت
ولاء :-لا لا لا مليش نفس لاى اكل خالص أنا يدوب هقوم اخد شاور وانام مش قادره
تكلم سريعا وقال بأمر
على :-مافيش نوم الا لما تاكلى الاول انتى من ساعة ما حملتى وعلى طول نايمه مزهقتيش
ابتسمت له وقالت بأستغراب
ولاء :-ازهق من النوم!؟ استحاله دى الحاجه الحلوه الوحيده فى الحمل الواحد بينام براحته ليل ونهار
قبل يدها بحب وقال
على :-وانا مش معترض علشان عارف ان ده غصب عنك من الحمل بس عارفه لما تولدى هطلع عليكى القديم والجديد
ابتسمت له وقالت بصوت هامس
ولاء :-بتحلم ده هو اللى هيطلع علينا القديم والجديد
تكلم سريعا وقال
على :-ها قوليلى بقى عايزه تاكلى ايه
نظرت له بأبتسامه وقالت
ولاء :-جاتوه
نظر لها بأستغراب وقال
على :-ها عايزه ايه !؟
تكلمت مره اخرى وقالت
ولاء :-جاتوه يا على مالك مستغرب كده ليه
أجابها بأستغراب وقال
على :-مستغرب علشان حضرتك مش بتحبيه اول مره تطلبيه اصلا
اومأت رأسها بالتأكيد وقالت
ولاء :-ايوه مش بحبه بس نفسي فيه
نهض وقال بأستغراب
على :-انا اسمع الحوامل دول بيتوحموا ويبقى نفسهم فى فسيخ فى رنجه فى مانجه إنما جاتوه دى غريبه اول مره اسمعها عموما هنزل اجبلك دلوقتى حالا احسن ما الولا يطلع فى وشه كريزه
وتركها واتجه إلى الباب وغادر سريعا
نظرت إلى أثره وتعالت ضحكاتها على طريقة كلامه لها.
…………………………………………………………….
عاد معاذ إلى البيت وهو غاضب نظر إلى ملك وهى تحمل طفلتها النائمه وقال بصوت هامس
-حطى البنت على سريرها وتعالى
نظرت له بتوتر واومأت رأسها بالطاعه اتجهت إلى غرفة ابنتها وضعتها على فراشها وخرجت ببطئ شديد
امسكها من ذراعها بغضب وارغمها على التحرك معه إلى غرفتهم دلفوا إلى الداخل واغلق الباب خلفهم
تكلمت بألم وقالت
ملك:-دراعى يا معاذ انت بتوجعنى
ترك ذراعها بغضب وقال
معاذ :-مين اللى قال على موضوع الشركه لابرار
ابتلعت ريقها بتوتر وقالت
ملك :-ها و و وانا هعرف منين مين قالها وبعدين ما يمكن هى اللى قالتلك من نفسها
هدر بها بغضب وقال
معاذ :-كدابه أنا متأكد انك انتى اللى قولتى ليها لأن ابرار مستحيل تطلب منى حاجه زى دى علشان عارفه أن انا هرفض اشتغل عندها فى الشركه
تكلمت بغضب وقالت
ملك :-وفيها ايه لما اطلب منها حاجه زى كده دى اختى مش حد غريب غلطانه علشان عايزه مصلحتك وعايزاك تبقى فى مستوى احسن من اللى انت فيه دى على الأقل هتشتغل فى شركه تبعك وتعتبر بتاعتك مش شغال عند الناس، كمان اكيد قبضك هيبقى اكتر من اللى انت فيها بكتير يبقى غلطانه فى ايه بقى أنا بدور على راحتك صدقنى
صر على أسنانه بغضب وقال
معاذ :-انتى مالك براحتى انا اشتكيت ليكى أنا مرتاح فى شغلى ولما تلاقينى مش مكفى بيتنا تبقى اتكلمى نقصك حاجه ناقص بيتنا حاجه؟
حركت رأسها بالرفض وقالت
ملك :-لا مش نقصنا حاجه بس يدوب اللى جاى على قد اللى رايح مافيش حاجه للمستقبل لكن لو اشتغلت مع ابرار هيتبقى وهنقدر نعمل حاجه للمستقبل يا معاذ
نظر لها بغضب وقال
معاذ :-هى دى حياتى يا بنت الناس لو شايفه انك مش هتقدرى تعيشى على قدها قولى وكل واحد مننا يروح من طريق
اقتربت منه سريعا وقالت بتوتر
ملك :-لا طبعا ايه اللى انت بتقوله ده أنا بحبك ومقدرش اعيش من غيرك يا معاذ
نظر لها بضيق وقال
معاذ :-يبقى موضوع الشغل فى شركة ابرار يتقفل نهائى وحسك عينك تتدخلى فى شغلى تانى لما تلاقينى مش قادر اصرف على بيتى ومش مكفيه يبقى سعتها بس مسموح ليكى تتكلمى
نظرت له بضيق واومأت رأسها بالطاعه وقالت
ملك :-حاضر
نظر لها نظره مطوله وبدل ملابسه وتسطح على السرير
تكلمت سريعا وقالت
ملك :-انت بتعمل ايه مش هتاكل
اغلق عينه بغضب وقال
معاذ :-مليش نفس
جلست بجواره وامسكت يده وقالت بدموع
ملك :-انا اسفه متزعلش منى
زفر بضيق وقال بنفاذ صبر
معاذ :-خلاص يا ملك سبينى انام بقى
وضعت رأسها على صدره وظلت تبكى وقالت من بين شهقاتها
ملك :-طيب قوم كل علشان خاطرى
تنهد بضيق واعتدل على فراشه وأخذها بحضنه وقال
معاذ :-طيب خلاص بطلى عياط بقى
تمسكت بى أكثر وقالت بدموع
ملك :-طيب سامحنى متزعلش منى انا بحبك وانت عارف كده اسفه
ربت على ظهرها بحنو وقال بنبره هادئه
معاذ :-خلاص مش زعلان بس لو مبطلتيش عياط هزعل منك بجد وهخاصمك
ابتعدت عن حضنه وحركت رأسها وقالت
ملك :-لا خلاص مش هعيط اهو
ابتسم لها وازال عبراتها بأنامله وقال بحب
معاذ :-مجنونه ومطلعه عينى بس بحبك ومقدرش على زعلك اعمل ايه
ثم احتضنها بحب وقال
-قومى يلا اغسلى وشك وغيرى هدومك وتعالى نحضر الاكل سوا
نظرت له بأبتسامه واومأت رأسها بسعاده ونهضت سريعا بدلت ملابسها وغسلت وجهها بالماء وخرجوا سويا من الغرفه اتجهوا إلى المطبخ وبدأوا يعدوا الطعام .
……………………………………………………………….
عادت ابرار إلى البيت ودلفت إلى الداخل وجدت سراج يجلس على الأريكة يلاعب ابنته الصغيره أخذتها منه وقبلت سراج بحب وقالت
-واحشتنى
نظر لها بضيق وقال
سراج :-اتأخرتى كده ليه كل ده عند الدكتوره مع ولاء
حركت رأسها بالرفض وقالت
ابرار :-لا خلصنا من بدرى ووصلت ولاء لبيتها وبعد كده روحت عند ماما اشوفها علشان واحشتنى وقعد شويه مع ملك وبعد كده جيت على هنا على طول
وظلت تداعب الطفله الصغيره
تكلم بضيق وقال
سراج :-بعد كده ابقى عرفينى قبل ما تروحى اى مكان علشان بقلق عليكى
زفرت بضيق وقالت بنفاذ صبر
ابرار :-حاضر يا سراج هبقى اتصل بيك قبلها، اكلت ولا لسه
حرك رأسه بالرفض وقال
سراج :-مأكلتش مرضتش اكل عند ماما لوحدى مستنيكى
نهضت مره اخرى وأعطته الطفله وقالت
ابرار:-هدخل اغير هدومى وبعد كده هعمل الاكل بسرعه
وتركته واتجهت إلى الغرفه
ظل يتابعها حتى تحركت إلى الغرفه ونظر إلى ابنته وظل يلاعبها وتتعالى ضحكاتهم
بدلت ملابسها وخرجت من غرفتها ظلت تتابع سراج وهو يلاعب ابنته وسعيد شعرت بالحزن ووضعت يدها على بطنها تنهدت بوجع وتحركت بأتجاه المطبخ
وبعد وقت شعرت بذراع سراج يلتف حول خصرها ابتسمت له وقالت
-ايه جابك ما تروح العب ما اسيل لحد ما احضر الاكل
حرك رأسه بالرفض وظل يقبل عنقها وقال
سراج :-اسيل بتلعب باللعب بتاعتها فى اوضتها
التفت له ونظرت له بحزن وقالت
ابرار :-هو انت ليه مش مهتم بموضوع الخلفه منى يا سراج
نظر لها بأستغراب وقال
سراج:-ليه بتقولى كده يا ابرار أنا نفسي يكون عندى طفل منك طبعا
حركت رأسها بالرفض وقالت
ابرار:-مش باين كده يا سراج عمرك ما اهتميت بالموضوع ده ولا حتى بتجيب سيرته معايا حاسه انك استكفيت بأسيل بس
حرك يده على وجينتها بحب وقال
سراج :-انا مش بجيب السيره دى معاكى علشان مفتحش ليكى جرح قديم وافكرك باللى حصلك قبل كده بس مش معنى كده ان مش عايز أنا نفسي يكون عندى منك بدل الطفل عشره
انهمرت دموعها وقالت بصوت منكسر
ابرار :-انا نفسي ابقى ام يا سراج نفسي يبقى جوايا حته منك نفسي اعوض اللى خسرته
احتضنها بحب وقال بنبره هادئه
سراج :-هيحصل أن شاءالله هيحصل سبيها بس على ربنا وهيكرمنا لو عايزه تروحى تكشفى معنديش مانع
حركت رأسها سريعا بالرفض وقالت
ابرار:- ل ل لا مافيش داعى أنا هصبر وان شاءالله خير
نظر لها بحب وقال
سراج :-ان شاءالله يا حبيبتى يلا بقى أنا هموت من الجوع هتأكلينى ولا لا
اومأت رأسها سريعا وقالت
ابرار :-لا خلاص قربت اهو حط الاطباق على الترابيزه
ابتسم لها بحب وقال
سراج :-حاضر
وضع سراج الاطباق على الطاوله وبدأت تضع بهم الطعام وجاءت الطفله والتفوا حاولين الطاوله وبدوا يتناولوا طعامهم.
……………………………………………………………….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية إكليل الحياة)
