رواية إسراء الفصل الرابع 4 بقلم إسراء بكار
رواية إسراء البارت الرابع
رواية إسراء الجزء الرابع
رواية إسراء الحلقة الرابعة
مدام سعاد وصلت مصر وبعد خروجها من المطار شاورت لتاكسي وركبت وقالت لسائق التاكسي ع عنوان الشقه ولما وصلت الشقه مالقتش محمد ولا إسراء فقالت لنفسها تخش تنام ترتاح شويه لحد ما محمد واسراء يرجعو
______________________________________
(عند إسراء ومحمد)
إسراء صرخت ومسكت دماغها بعد مشافت مكان الحادثه بتاعها ومحمد اتخض جامد ع اخته
محمد بخضه : مالك يا إسراء ف اي مالك اهدي اهدي حسه بأيه ف اي طمنيني
إسراء بدموع وبتتنفس بسرعه : مافيش حاجه انا بس افتكرت وقت الحادثه
محمد : طب اهدي ياحبيبتي انا جمبك متخافيش
إسراء : انا بدأت افتكر حاجات يا محمد
محمد بفرحه : طب الحمد الله انك بدأتي تفتكري كل حاجه قوليلي انتي افتكرتي شكل العربيه اللي خبطتك ولا لسه
إسراء ب تنهيده : مش فاكره انا كل اللي افتكرته اني كنت بجري وعربيه خبطتني جامد
محمد : طب اهدي اهدي ياقلبي اهدي خلاص ماتحاوليش تفتكري حاجه دلوقتي
محمد خد إسراء ف حضنه وطبطب عليها ومسح دموعها وبيحاول يخليها تفك وشها وتضحك وف وسط هزار محمد مع إسراء فجأه محمد يتفزع هو واسراء من صوت عم عبده
عم عبده بصوت عالي جدآ : اااااااااااااي دا..
محمد واسراء بصوت واحد : اااااااععععععع
عم عبده : القمر موجود عندنا … اذيك يابنتي عامله اي دلوقتي
إسراء وهي بتبلع ريقها من الخضه : الحمد الله .. كنت هموت دلوقتي بسببك.. انت مين ياعم
محمد : دا عم عبده اللي حكيتلك عنه
إسراء : عم عبده انا متشكرا جدا ياحج والله مش عارفه اقولك اي بجد ربنا يباركلك ويديك الصحة انت بجد راجل تستاهل كل خير وراجل طيب ربنا يرزقك ويكرمك وبجد شكرآ ع انك وديتني المستشفى وا
عم عبده قطع كلامها : يابنتي انتي كل يوم بتشكريني كفايه يابنتي كفايه وبعدين انا معملتش غير اللي اي حد ممكن يعملو ربنا يطمنا عليكي ياست البنات
محمد : تسلم ياعم عبده وانا متشكر جدا لحضرتك وربنا يجزيك خير
عم عبده بضحك : هههههههه .. طب هي معاها عذرها طب انت اي.؟ هو كل يوم هتشكرني انت كمان يابني
إسراء ومحمد فضلو يضحكو ومحمد قاله : اشمعنا إسراء يعني هي جت عليا انا عادي ياعم عبده
وف اللحظه دي جت اسماء واستغربتها إسراء وقالت ف نفسها هي مين دي كمان
اسماء : سلامووو عليكم
الكل : وعليكم السلام ورحمة الله
اسماء : ينفع اضحك معاكم ولا استكفي بابتسامه
عم عبده : طب اسيبكم انا بقا تكملو مع بعض.. مشي عم عبده بعد ماسراء شكرته تاني
محمد : اركبي ياسماء يلا عشان نمشي
ركبت اسماء ف العربيه ورا كرسي محمد بس وهي بتركب قالت ف نفسها.. هو ف اي هما مالهم النهارده محدش طيقني ليه
محمد بدا يتحرك بالعربيه إسراء لفت وشها لاسماء وقالتلها : عامله اي ياسماء انا متشكر جدا ع وقفتك جمبي وتعبك معايا انتي بجد أجدع صحبه ربنا مايحرمنيش منك
اسماء بتمثيل : لا شكر اي بقا احنا اخوات انتي طمنيني عليكي عامله ايه النهارده
إسراء : الحمد الله ياحبيبتي انا كويسه
اسماء ف نفسها ياريتك ماتبقى كويسه يابعيده اه لو تعرفي اللي فيها هتموتي بحسرتك
إسراء سمعت أفكارها واتملكت اعصابها وردت فعلها
اسماء ابتسمت ف وشها : اي بقا هتاكلوني اي ياسوسو
إسراء : انا بصراحه مش جعانه بس ممكن تاكلي انتي ومحمد
محمد بص لاسراء وفهم ان ف حاجه إسراء اكتشفتها بس حاول مايبينش حاجه وسكت
محمد : طب حاولي يااسراء تاكلي معانا اي حاجه عشان العلاج بس ياحبيبتي
أسماء : بقولك اي ياسوسو هتاكلي يعني هتاكلي سيبك من دلع الأطفال دا
إسراء ف سرها اقسم باالله شكلك مش سالكه وجواكي مصايب ولازم اعرف كل حاجه
اسماء بصوت عالي : ااااي سرحانه ف اي ياصحبي
إسراء : لا انا معاكي اهو… حاضر هاكل عشان خاطرك ياستي
وصلو النادي ومحمد نزل إسراء وأسماء قدام المطعم داخل النادي وقالهم ادخلو انتم جوه عقبال ماركن العربيه واجي. إسراء وأسماء داخلين المطعم
إسراء بتختبر اسماء : اي دا سومه المطعم دا شكله غالي اوي يابت يا اسماء
اسماء بضحك وحقد : خشي ياحبيبتي خشي.. دا أقل مطعم من اللي انتم بتاكلو فيه
إسراء : هو احنا ع كده اغنياء يا اسماء؟
اسماء ف نفسها اه يابنت الك.لب اغنياء وانا مش هحلك غير لما اطلع منك بمصلحه انا كمان
إسراء سمعت أفكارها وضحكت ف نفسها وقالت انا فعلا بنت ك لب عشان عرفت واحده زيك
إسراء بعصبيه : اسمااء
اسماء : اي يابت ف اي خضيتيني
إسراء : ف اي انتي سرحتي ولا اي
أسماء بتحور : اصل ف واحد هنا معجب بيا وكل يوم احكيلك عنه وانا عيني جت ف عينه دلوقتي بس خلاص خلاص… انتي كونتي بتقولي اي معلش
إسراء بتريقه : لا خلاص ياحبيبتي خليكي ف الشقطت بتاعك ياختي
اسماء : طب تعالي نقعد ع الترابيزه دي
محمد دخل وراهم ع طول وقعد وطلب المنيو وطلبو اكل
( ونسيبهم شويه عشان بياكلو بقا وانا هقوم اكل انا كمان 😂)
______________________________________
المستأجر : الو ايوه ياخالد بيه انا قدام النادي اللي البنت ف بس دي معاها واحده و واحد
خالد : طب وانا اعملك اي انا يعني بتتصل عليا ليه
المستأجر : ياباشا البت مش بتخرج من البيت واول لما خرجت ركبت مع اتنين وراحت نادي انا هقتلها ازاي ف يومين انا محتاج اسبوع او اتنين لحد ما لاقى فرصه وتكون لوحدها
خالد بعصبيه : هما يومين والاقي البنت دي مش موجوده ع وش الدنيا
المستأجر : بقولك اي ياباشا انا عاوز ضعف المبلغ بقا وانا اخلص عليها ف بيتها والنهارده قبل بكره قولت اي؟
خالد : اسمع اسمع انا مستعد اخليها تخرج من البيت بكره لوحدها وانت تخلص عليها بس اقسم باالله العظيم لو ماتصرفتش بكره وخلصت هجيب اللي يقتلك ويقتلها
المستأجر بصوت عالي : خلي بالك من كلامك وشوف انت بتتعامل مع مين انا مابتهددش
خالد طب غور من وشي وبكره زي ماقولتلك سلام
قفل خالد ف وش المستأجر
المستأجر اتعصب من رد فعل خالد ومشي
______________________________________
(عند الحاجه كريمه)
الحاجه كريمه بعد ماخرجت من البيت راحت عند دجال بتاع أعمال وسحر
الحاجه كريمه : قولي ياشيخ خلف اعمل اي مع الولد دا
الدجال بصوت منخفض ومخيف : هاتي صوره ورق لابنك وانا هكشف عليها وهشوف حد عملوووو عمل ولا لا واي الحكايه
الحاجه كريمه : ماشي هجبلك صوره بكره حاجه تاني ياشيخ
الدجال : وهاتي الف جنيه معاكي بكره وانتي جايه سعر البخور لكن انا مش عاوز حاجه ليا
الحاجه كريمه : عنيا ياخويا من عنيا
______________________________________
(عند إسراء)
إسراء وأسماء ومحمد خلصو اكل ( وانا كمان😂 )
محمد : اسيبكم انا شويه مع بعض يا اسراء
( وغمزلها من غير ما اسماء تاخد بالها )
إسراء فهمت محمد : ماشي يامحمد بس متتأخرش علينا
اسماء : بصي ياستي بقا انتي كنتي ف الكليه بتعملي كذا وكذا وكذا…
اسماء بتحاول تقولها حاجات عاديه من دماغها ومش مهمه لكن إسراء حاولت توقع اسماء وتشوف اي اللي مخبياه وتعرف مصلحة اي اللي عاوزاها ومين اللي عمل مصلحه ع قفاها قبل كده
اسماء : ها فاكره اي حاجه من اللي قولتها دلوقتي
إسراء : بصراحه انا مش فاكره اي حاجه خالص
اسماء : معلش يا حبيبتي بإذن الله هترجعي تفتكري كل حاجه …. وقالت ف نفسها اللهي ماتفتكري حاجه وتفضلي طول عمرك كده
إسراء زعلت اوي من جوها بعد ماسمعت اسماء قالت اي ف نفسها وقامت وقفت مره واحده وقالت انا عاوزه ادخل الحمام
اسماء بخضه : ف اي يابنتي وقفتي كده ليه مره واحده
إسراء بتمثيل : بطني وجعاني شويه فين الحمام
شاورت اسماء ع الحمام وراحت إسراء دخلت الحمام وفضلت تعيط وكاتمه صوت عياطها وكسرت قلبها ع صحبتها اللي بتتمنالها انها تفضل كده عطول وان قلبها أسود من جوه وفضلت تعيط وكاتمه صوتها وفجأه صوت باب الحمام يخبط
اسماء : إسراء انتي كويسه
إسراء مسحت دموعها بسرعه وعدلت صوتها
إسراء بصوت طبيعي : اه انا كويسه دقيقتين وجايه
اسماء : خلاص ماشي
خرجت اسماء ورجعت ع الترابيزه واسراء مسحت دموعها وظبطت الميكب وخرجت طبيعيه وكأني مافيش حاجه وقعدت قدام اسماء وهي مبتسمه
اسماء : عامله اي دلوقتي ياسوسو
إسراء بتحور : انا كويسه يابنتي بس تقريبآ كده عندي ( عيب )
اسماء : معلش ياحبيبتي هي بتتعب شويه ف الاول وبعد كده عادي ويومين تلاته كده هتروح
إسراء بهزار : طب خلاص ياختي الناس عرفت اني عندي ****
اسماء بضحك : ياناس حبيبي عنده *** هههههههه
إسراء بضحك : قوليلي ياسومه هو فين خالد
اسماء اتخضت جامد ووشها قلب احمر
اسماء : خالد؟
إسراء : اه يابنتي هو فين
اسماء ف سرها انتي بتسالي عن خالد ليه انتي كل يوم تقوليلي هو مين خالد دا وهو ليه مكملش معايا
لكن انتي النهارده بتسالي هو فين ليه
إسراء : بت؟
اسماء بتحور : بحاول افتكر اخر مره شوفته كان امتا
إسراء : ليه هو انتي مش بتشوفيه ديما
اسماء شكت ان إسراء تكون عارفه حاجه واتوترت اكتر وقالت ف نفسها انتي شكلك عرفتي كل حاجه ولا اي بس ازاي وانتي مش فاكره اي حاجه من اللي حكيتهالك ع الكليه
اسماء بتختبر إسراء : انتي سالتيني امبارح ع فكره نفس السؤال وانا رديت عليكي
إسراء اتاكدت ان ف حاجه فعلا والبنت دي وراها مصيبه وعارفه حاجات كتير
إسراء بذكاء : اذا كان انا معرفش انتي مين اصلا غير من اخويا النهارده الصبح
اسماء بضحك بس قلبها اطمن : ماشي ياستي خالد انا اخر مره شوفته فيها من 5 شهور وكان قايلي انه مسافر بره مصر ومش هيجي تاني
إسراء : طب ماتعرفيش هو ليه عمل كده؟
ف اللحظه دي أسماء اتفزعت وخافت ان تكون إسراء رجعتلها الذاكره وافتكرت كل حاجه
وقالت ف نفسها نهار اسود انتي الذاكره رجعتلك ولا اي… شكلك بيقول انك عرفتي كل حاجه عن خالد واللي عملو
قطع اللحظه دي صوت محمد
محمد بستعجال : قومي معايا يا إسراء بسرعه معلش يا أسماء خدي تاكسي يوصلك عشان ف مشوار ضروري ولازم نمشي دلوقتي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية إسراء)
