رواية إسراء الفصل الخامس 5 بقلم إسراء بكار
رواية إسراء البارت الخامس
رواية إسراء الجزء الخامس
رواية إسراء الحلقة الخامسة
محمد مسك ايد إسراء ومشي بسرعه من النادي وركبو العربيه و إسراء مش فاهمه ف اي
إسراء بستغراب : هو ف اي يامحمد جيت شديتني وجريت وبتقول مشوار ومعرفش اي هو ف اي انا مش فاهمه حاجه
محمد بغضب : ماما رجعت من السفر
إسراء بدهشه : بجد طب انت محكتليش ليه عنها يلا بسرعه نروحلها
محمد بعصبيه : يووووه…. إسراء انتي لو ماكنتيش فقدتي الذاكره كنتي هتقولي دلوقتي انك مش عاوزه تشوفيها
إسراء بصدمه : ليه هي عملت اي
محمد : خلينا نروح نشوفها هي رجعت ليه دلوقتي وهناك هتعرفي كل حاجه
محمد انطلق بالعربيه بسرعه شديده من غضبه
وصل قدام البرج وسأل الأمن هي خرجت ولا موجوده فوق ؟
الأمن قاله انها من ساعة ماوصلت منزلتش تاني
محمد طلع وهو متعصب و إسراء طالعه معاه مش فاهمه حاجه وخايفه و متوتره جدا
خرجو من الاسانسير ومحمد متجه لباب الشقه بيجري واسراء بتجري وراه وخايفه من شكل اخوها اللي باين عليه مش ناوي ع خير وكأن هيرتكب جريمة قت.ل..
فتح باب الشقه ودخل يدور عليها ف الشقه لحد مالقاها نايمه ف اوضة النوم بتاعتها
راح بسرعه عند السرير عشان يصحيها ويتعصب عليها ويمشيها واول لما جت عينه ع وشها وشاف ملامح وجهها اتصدم و استغرب وقال ف نفسه هو اي دا و ياتره اي حصلها وهنا قلبه حن وهدى شويه
وبص ل إسراء اللي لسه واقفه ع الباب وشايفه امها اللي نايمه ع جمبها وظهرها للباب واخوها اللي كان ف وضع العصبيه والغضب فجأه اتغير وبقا هادي
وإسراء سمعته وهو بيقول ف نفسه
هو اي دا؟ وياتره اي حصلها؟
شاورت إسراء بايديها حركت ف اي وكانت خايفه تخش
محمد كلمها عن طريق القوه الخارقة بتاعتها وقال ف نفسه وهو عارف انها بتسمع الأفكار
مافيش حاجه ياحبيبتي ومتخافيش ياروحي
هي ماما شكلها تعبانه شويه بس
______________________________________
عند أسماء
نرجع لاسماء اللي استغربت اللي حصل من محمد
وقالت لنفسها بزعل يارتني ماكنت جيت ولا كلت اديني ادبست ف الحساب.. ياتره ال 327 جنيه اللي معايا و3 ساعات غسيل مواعين هيكفي حساب الاكل.. فضلت تبص ع باب المطعم وع الجرسون
وفجأه شافت الجرسون متجه ناحيتها وماسك الجراب اللي بيبقا موجود جوه الشيك
(فاتورة الحساب) و وصل لطرابيزة اسماء
وأسماء وشها جاب ألوان وخافت واعصابها سابت
الجرسون : مساء الخير يافندم
اسماء بخوف وصوت متقطع : مساء النور
الجرسون : الأستاذ محمد دفع الحساب يافندم وساب لحضرتك 200 جنيه معايا
اسماء بفرحه : ياعم قول كده من الاول هو لازم جو الرعب دا ومساء الخير ومعرفش اي هات ياعم هات وقعت قلبي
اسماء قامت وخرجت من المطعم وهي ماشيه لباب النادي عشان تروح اتفاجت ب علاء
( علاء شاب وسيم وجميل بس بتاع بنات وزميل اسماء ف الكليه)
اسماء : لووول.. عامل ايه يا واد
علاء : فل الفل يافل.. ماتيجي تتمشى مع اللول
اسماء : هههههههه انت مش هتبطل الحركات دي
علاء : هو انتي لسه شوفتي حركات
اسماء : طب قولي بتعمل اي هنا
علاء : كنت مخنوق شويه وعندي فراغ عاطفي قولت انزل يمكن اقابلك
اسماء : لا وسبحان الله قبلتني
علاء : شوفتي يلا بقا انجشيني وتعالي نشرب حاجه
اسماء : اوووكيه.. يلا بينا
______________________________________
عند ياسر
ياسر خلص شغل وروح شقته ودخل خد شاور وحط الاكل و وهو بياكل جه ف باله إسراء
(فلاش باااااك)
قدام الشركة ف الحديقه
ياسر : ع فكره انتي جميله اوي وقلبك طيب وحنينه
إسراء بابتسامه : متشكره جدا يا ياسر
ياسر : عارفه انا بحبك ليه قصدي بحبك انتي واخوكي ليه
إسراء : ليه؟
ياسر بصوت هادي ورمانسي : عشان انتوو ناس تتحب (وهنا يقصد إسراء )
إسراء : ربنا يخليك لينا يا ياسر انت اقرب صاحب لمحمد وأخ لينا
ياسر : اخ؟ إسراء انا عاوز اعترفلك بحاجه
إسراء : ياسر !! ولا اقولك اتفضل قول
ياسر : انا بحبك يا إسراء
إسراء : كنت عارفه انك هتقول كده.. بس بص يا أستاذ ياسر انا مقدره مشاعرك وعارفه اني كلامي ممكن يوجعك لا هو اكيد هيوجعك.. انت بتحبني لكن انا بحب خالد ولسه امبارح خالد قالي انه هيتقدملي رسمي الجمعه الجايه اتمنا تكون فهمتني كويس انت إنسان كويس وتتحب بس للاسف انا واحده قلبها اختار خلاص
ياسر قلبه اتكسر واتوجع : الف مبروك مقدمآ يا انسه إسراء وانا اسف لو ازعجتك بكلامي.. عن اذنك
(نرررجع من الفلاش باك)
صوت جرس الباب بيرن
ياسر : ايوه ايوه
فتح الباب لقي شخص غريب ومعاه 7 بودي جارد
ياسر : مين حضرتك
الشخص : هي من أصول المصرين انهم بيتكلمو ع الباب
ياسر : اتفضل
الشخص شاور للحراس اللي معاه
(معناها استنو هنا)
ودخل وقعد مع ياسر ف الصالون
الشخص : انت سألتني مين حضرتك مش كده بردو
ياسر : تمام مظبوط اقدر افهم مين حضرتك
الشخص بتكبر وغرور : انا طارق بيه من أكبر علماء فرنسا.. ولكن انا شغال ف الشمال.. وعضو مهم اوي ف المافيا.. يعني التعامل معايا زي التعامل مع الألغام حركة غلط بووووم
ياسر بلا مبالاه : ايوه يعني جاي عاوز اي
طارق : جاي أسألك عن ام صاحبك هي فين
ياسر بستغراب : ام صاحبي مين
طارق بصوت حاد : صاحبك اللي انت شغال عنده.. محمد
ياسر : وانا اي عرفني انا امه فين وبعدين انت عاوز اي من أمه
طارق بعصبيه : ليا امانه عندها وعاوزها هي فين
ياسر : صدقني مدام سعاد بقالها كتير بره مصر ومحدش عارف هي فين
طارق بزعيق : لا يا سيادة المحاسب مدام سعاد ف مصر
ياسر : طب لما حضرتك عارف كل حاجه وعارف حاجات انا معرفهاش جايلي انا ليه
طارق : اقولك انا جيلك ليه
______________________________________
عند الحاجه كريمه
الحاجه كريمه استنت لحد ما خالد دخل الحمام ودخلت أوضة خالد وفضلت تدور ع صورة ورق ف كل الإدراج عشان تديها لدجال فضلت تدور لحد مالقت صوره اخدتها وهيا خارجه من إلاوضه بسرعه لقت خالد ف وشها ع باب الاوضه
خالد بستغراب : بتعملي اي يا ماما
الحاجه كريمه بكدب : هكون بعمل اي يعني ها كنت هروق الاوضه بس خساره فيك اوع من وشي
______________________________________
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية إسراء)
