رواية إذا ناداك الحب الفصل السادس 6 بقلم سلمى سعيد
رواية إذا ناداك الحب الجزء السادس
رواية إذا ناداك الحب البارت السادس
رواية إذا ناداك الحب الحلقة السادسة
جميلة و ياسين بصو على مصدر الصوت، لقو مجموعة كبيرة من رجال الامن داخلين المزرعة واولهم اكرم اخو جميلة..ياسين عرفة لان اسيا بعتاله كل حاجة تخص جميلة واخوها وكمان صور
جميلة: ابيه اكرم
جريت جميلة على اكرم وحضنتة واكرم بادلها الحضن بقوة
كان ياسين واقف في صمت ، بس مينكرش ان قلبه وجهه اول لما جميلة حضنت اكرم، خلاص كده لحظة النهايه
كده جميلة هترجع لاخوها ، هتجرع لحضنه..طب وهو، هو اللي بقي مجنون بيها في الكام يوم دول..وبقت هي كل حاجه ليه
معقول جميلة هتنساه بعد ما رجعت لاخوها ، كان واقف بثبات وملامح صامته بس كان قلبه مرعوب من بوعد جميلة عنه
اكرم بص لياسين بغضب: انت بقي اللي كنت خاطف اختي
ياسين متكلمش
جميلة اتدخلت ببرائة: بص يا ابيه ده ياسين..انا هتجوزو عشان بحبه اوي
اكرم بص الجميلة بصدمة ، مسكت جميلة في ايد ياسين
جميلة: ياسين قول لابيه اكرم على البيبي اللي هنجيبه
طبعا اكرم اتجنن لما سمع كلام جميلة، شدها جامد ليه رغم انه عمره ما اتعامل معاها بعنف
اكرم: جميلة ايه اللي انتي بتقوليه ده، ايه الجنان ده هو اللي قلك كده ؟
ياسين قرب من اكرم و شد جميلة من ايده ، هما الاتنين بصو لبعض بغضب
ياسين: انت ازاي تشدها كده انت اتجننت
اكرم: انت اللي مجنون انا اعمل اللي انا عايزه دي اختي
ياسين: حتي لو اختك..انت ملكش الحق انك تشدها كده وتوجعها
اكرم: اوجعها، انت مجنون يا ابني انت خاطف اختي وبتقولي حاسب لتوجعها
ياسين: انا مخطفتش حد يا حضرة الظابط
اكرم: هنشوف الكلام ده في القسم يا…يا ياسين باشا.
ياسين: انت فاهم انت بتقول ايه..انت عايزني انا ادخل قسم
اكرم: و بكلبشات كمان..ياسين باشا انت متهم بخطف بنت فاقده الاهليه واخت ظابط مخابرات
ياسين: انا قولت..انا مخطفتش حد
اكرم: هنشوف ده بعدين
جميلة كانت وقفه ومش فاهمة هما بيقولو ايه كان كلامهم غريب اوي عليها
اكرم شاور للعساكر عشان يقبضو على ياسين،بس قبل حد ما يلمسه كان الحرس بتاعه كلهم حوليه
اكرم: ابعد يا ابني انت وهو
ياسين: على فكرة اللي انت بتعمله ده غلط
اكرم: انا هعتبر اللي بيحصل ده مش في صلحك يا باشا
ياسين: انا هاجي معاك يا اكرم بيه ، بس خليك عارف ياسين زهران مبيخطفش حد…وانت هتعرف ده لوحدك
العساكر مسكو ياسين بعد ما امر الجارد يبعدو ، جميلة اتخضت لما شافت العساكر مسكين ياسين وبيمشو
جميلة: هما وخدين ياسين فين
اكرم: جميلة حبيبتي ياسين ده راجل وحش وهما هيخدوه بعيد ، عشان خطفك وخدك مني
جميلة بتوتر وارتباك شديد: لا…يعني هو هيسبني..لا انا عايزة ياسين…انا عايزاه معايا
تكرم: مالك يا جميلة..اهدي يا حبيبتي انتي معايا دلوقتي..مع اخوكي
حاول اكرم يسيطر على حركة جميلة و ارتبكها الشديد بس كانت جميلة بتتنفس بسرعة شديدة وحسه بخوف شديد اكتر من اللي كانت حساه لما اتخطفت، اكرم كان مستغرب تصرف جميلة اوي
بس الحقيقة ان جميلة رغم حالتها، بس فعلا حبت ياسين..وكمان اتحسنت في الكام يوم دول وبقت تفهم اللي بيحصل حوليها بشكل احسن وده طبعا حاجة بتحتاج سنين مع الدكتور النفسي
جميلة اطمنت ل ياسين وحبته لدرجة انه ساعدها تتحسن حته لو شويه صغيرين..بس بقت حالتها احسن..كفايه انها قعدت كل الايام دي من غير اي ادويه لنوبات الانهيار اللي بتحصلها
ياسين كان خلاص هيركب عربيه الشرطة و مستسلم للي اكرم عايز يعمله، بس صريخ جميلة خلاه يلف راسه بسرعة يشوف مالها
كانت جميلة خلاص خافت اوي و ده بيعملها انهيار حاد ، بدات تصرخ وتضرب في اكرم اللي ماسكها كويس عشان متائزيش نفسها
ياسين راح عليها جري
اكرم: انت بتعمل ايه…انت مجنون
ياسين حضن جميلة،وجميلة مسكت فيه جامد وهي بتعيط
جميلة: انت رايح فين
ياسين: متخافيش يا جميلة..روحي مع اكرم وانا هجيلك
جميلة: لا لا..خليه هو يمشي وانت خليك معايا..انا بحبك
ياسين: معلش يا جميلة روحي معاه دلوقتي
اكرم قرب منهم وشد جميلة من حضن ياسين جامد،لدرجة انها قعدت تصرخ جامد وتضربه
العساكر مسكت ياسين جامد ودخلوه العربية، كان ياسين شايف جميلة من المرايا وهي بتصرخ وبتضرب في اكرم
حس بنغزه في قلبه وهو شايف جميلة كده، ومش قادر يساعدها..وبعد عنها بالشكل ده
كان أكرم بيحاول يهدي جميلة اللي وقعت في الأرض مغمي عليها فجاة
كل ده في الجنينة بتاعة المزرعة و رضا وعبد العال مش مصدقين حاجة من اللي بتحصل في الوقت اللي رئيس الحرس خرج فونه واتصل على آسيا
رئيس الحرس: اسيا هانم الحقي ياسين باشا اتقبض عليه
اسيا: ازاي ده حصل
الحارس: في قوة من الشرطة جم قبضو عليه بتهمة خطف البنت اللي معاه..اللي كان امير بيه خطيفها هو وصحابه
اسيا: ابعت حراسة وراه واوعي تسيبه انت فاهم
الحارس: تمام ياهانم احنا بنركب العربيات اهو
اسيا كانت في اجتماع
اسيا: نكمل بعدين..اتفضلو دلوقتي
الكل خرج من غرفة الاجتماعات ، اسيا اتصلت بسرعة على المحامي
اسيا: اطلع بسرعة على القسم ، وخد معاك كل الاوراق اللي ياسين قلك عليها…شاكر اعمل حسابك ، الغلطة بفورا
شاكر المحامي: متخفيش يا هانم ان شاء الله خير
اسيا قفلت مع شاكر، وكانت بتلم حاجتها عشان تتحرك بس فجاة لقت السكرتيرة بتزعق قبل ما يقتحم زيدان المكان زي الاعصار
السكرتيرة: يا فندم.. مينفعش كده… استني
اسيا: في ايه
السكرتيرة: والله يا هانم حولت اوقفه
كان زيدان واقف و شكله مش ناوي على خير، شعره مكنش مترتب وبدلته ملبوسه باهمال وكان بيبص اسيا بنظرات تحرق اي شخص بس هي ابتسمت اول لما شافته زي المجنون كده
اسيا: طب اخرجي انتي دلوقتي
خرجت السكرتيرة
زيدان: انتي كان قصدك ايه
اسيا ببرود: في حد محترم يدخل مكتب حد بالشكل ده ،زي الحيوانات كده
كانت قصده الاهانة ، و هو عارف ده كويس..غمض عينه واخد شهيق وزفير،قبل ما يتكلم
زيدان: اتلمي يا بنت الناس ، بالاش اوريكي شغل الحيوانات على حق
اسيا: هو انت لسه هتوريني، ما انا شيفة اهو واحد متربي وسط حيوانات اكيد اطبع بطبعهم
بس وهنا كانت اسيا بتولع اخر فتيل في قنبلة الصبر عند زيدان
بالمنسبة
(زيدان الورداني…٣٥سنة…كان معيد في الجامعة من خمس سنين بس ساب التدريس و رجع الصعيد ، عائلته من اكبرعائلات الصعيد..ابن وحيد ل عبد العزيز الورداني…بيتجوز كل سنة تلات ستات جداد!!!..وسيم جدا )
زيدان اتحرك ناحيه اسيا اللي كانت بتبصله بتحدي، مس الكرسي بتاعها وقربه منه اوي ..كان هو واسيا بيبصو بتحدي في عيون بعض..مال على ودانها يهمس بفحيح
زيدان: متلعبيش معايا يا اسيا انتي عرفة زعلي وحش
اسيا قلبها انتفض من صوت همسه ، وكأن الحب والشوق اللي في قلبها ظهر تاني مع همسه
اسيا: هتعمل ايه يعني..فين اخرك
زيدان: انتي عايزة تجيبي اخري ،وانا مش هخليكي توصلي للي عيزاه…عشان كده جاوبي على سؤالي بسرعة ومن غير لف و دوران
آسيا:سؤال ايه
زيدان: قصدك ايه ب ان انا مش اخر راجل في حياتك
آسيا ابتسمت بشيطانيه
زيدان: ساكتة ليه ماتجاوبي
آسيا: عارف يا زيدان مشكلتك ايه ، انك فاكر ان الدنيا كلها بتدور حوليك، وان اي واحدة انت عرفتها ملهاش حق تعرف حد غيرك
زيدان: انا عايز اجابة واضحة لسؤال واضح
آسيا: ايوا فيه
زيدان: ياسين مش كده
آسيا: ملكش دعوة
زيدان: متجوزتوش ليه لحد دلوقتي
اسيا: انت مالك
زيدان: خايفة يعرف صح..هايفة يعرف اللي كان بنا ..عشان كده خليفة تتجوزيه
آسيا: زيدان الزم حدودك
زيدان بغضب اعمي: حدود ايه يا ام حدود ، انتي ناسيه ولا ايه يا اسيا ، انتي كونتي قعدة تحت رجلي بتترجيني مسبكيش
فجأة اسيا ضربت زيدان بالقلم ، لف وش زيدان الناحية التانية..فضل زيدان متسمر ومش مصدق اللي انا عملته
في نفس الوقت كانت آسيا حسه بالوجع والاهانة من كلامه ،وانه فكرها بحاجة هي نفسها بتحاول تنساها
اسيا: الزم حدودك معايا، بدل ما اخلي الأمن يرميك برا يا ابن الورداني..خليك فاكر انت كبير في بلدك بس هنا انت في امبراطورية زهران
زيدان: انا هعتبر اللي حصل ده غلط..غلط متهور واهبل منك يا آسيا
اسيا: انا مش صغيرة عشان اتهور واغلط
زيدان: عارفة يا اسيا..انا مبسوط بيكي اوي..انا وجعتك لدرجة انك بقيتي نسخة مني..زي ما بتقولي كده حيوان..ببيتي نسخة من الحيوان اللي بتقولي عليه بس الفرق ..ان انتي حيوانة بسبب تفكيرك الغبي ده..معندكيش عقل زي الحيوانات بالظبط..عشان لو كان عندك عقل كنتي خوفتي واعتذرتي عن اللي عملتيه..بس مش مشكلة انا هخليكي تعتذري بطريقتي
بعد زيدان عنها و وقف بهيبة قدمها، وعيونة لسه بتطلع شرار
زيدان:بكرا انا جاي اقابل ياسين عشان الشغل، وبدعدين انا هعرف ازاي اربيكي من جديد يا اسيا..اوعي تكون قصة الشعر القصيرة دي والسبغة واللبس العريان اللي هبطلهولك ده ، هيخوفني منك ويخليني افكر انك خلاص بقيتي المراة الحديدية..لا فوقي فوقي وركزي انتي بتتعملي مع مين يا اسيا…انا زيدان..زيدان الورداني اللي رجالة بشنبات بتعمله الف حساب وحساب، والستات بتترمة تحت رجله.
اسيا : لو خلصت ..اطلع برا عشان مش فضيالك يا زيدان
زيدان خرج فعلا ، بس وهو بيخطط ازاي يرجع اسيا ليه تاني ، مش عارف ليه ابتسم على اللي هي عملته..كل يوم بيكتشف ان شخصيتها بقت اقوي واقوي ، بس ده ميمنعش ان في نار في قلبه بسبب كلامها اللي لسه مش لقيله اجابه..هل هو فعلا مش اخر راجل هي حبته ؟
زيدان في سره: على حثتي انك تبقي لغيري يا اسيا ،على جثتي
***********************
في الجامعة الامريكيه
كان امير قاعد في قاعة المحاضرات مع صحابه بس مش مركز مع اي حد، مستني بس دكتورة التسويق اللي هي طبعا يمني
مجاتش ابدا الاسبوع اللي فات، والنهاردة المحاضرة التالته اللي متجهاش ، وهو كل يوم يجي على امل انه يشوفها بس مبتجيش ، والنهاردة كمان كان هيفقد الامل وهو قاعد باصص على بوابة القاعة ،خلاص المحاضرة فاتت عليها ربع ساعة..اكيد مش هتيجي
فجاة الامل رجع ونور المكان كله ، مع خطوات يمني وهي دخلا قاعة المحاضرات وهي لابسة بدلة نسائيه سوداء اوڤر سايز وكوتش ابيض ولمه شعرها كحكة كلاسكيه وفي ايدها الشنطة الجلد بتاعتها..وحاطة ميكب خفيف عشان تخفي اثار الضرب اللي في وشها
يمني: صباح الخير
الجميع: صباح النور
طبعا امير متكلمش كان بس بيراقبها في صمت،مع كل حركة ونفس هي بتخده بيحس بحاجة غريبة بتتحرك جواه
يمني: اسفة على عدم حضوري المحاضرات اللي فاتت،..و واعدكم اني اعوضكم..يلا نبدا سوا
وبدأت تشرح
يمني: مدير التسويق الشاطر هو اللي يقدر يسيطر على عقل الزبون بكل سهوله عشان يقدر يقنعه بالمنتج بتاعه اين كان هو ايه، والنهارد هنشوف مع بعض الطريقة دي ونحاول نستخدم نماذج حيه
اولا لازم يوصل للطفل المرح جوا العميل لو هو من الفئة الشابة..او الطفل الناضج جواه..وده غالبا بيبقي للام والاب والشخصيات اللي بتتعامل بعقلها اكتر..عشان كده لازم تحدد الأول نوع الشخص اللي قدامك
واحد من الطلاب قطعها
الطالب: هو ايه علاقة اللي بتقوليه ده بالتسويق..انا شايف انك بتتكلمي في علم نفس..يعني نتكلم مع الطفل اللي جواهم المرح او الناضج وكده
يمني: العلاقة قويه جدا على فكرة ،وبالمناسبة اي حد شغال في التسويق وشاطر عارف المعلومات دي ،انت بتتحكم في الزبون عن طريق شخصيته النفسيه مش الشخصيه السطحية اللي انت بتشوفها ،يعني في الاعلانات بيستخدمو الاغاني والالوان والرقص..ده معناه انهم بيكلمو الطفل المرح اللي جواك وده بالمنسبه موجود في كل الناس الكبير والصغير..فياثر الطفل المرح اللي جواك ده عليك ويخليك تشتري المنتج بكل سهوله ، وساعات الطفل الناضج، يكلمو الطفل الناضج جواك..من ناحيت الامان والمكسب مثلا لو بيبعولك ارض او شقة في كومباوند او عربيه اسريه للعيلة
عشان كده علم النفس هو اساسا التسويق ،وعشان تبقي ناجح وتحقق مبيعات لازم تعرف التركيبه النفسيه للشخص اللي قدامك…و عشان ابسط الموضوع..هنجرب عملي دلوقتي سوا ..تحبو حد منكم يبتدي ولا ابداء انا
رانيا : انا ممكن ابظاء مع حضرتك..
يمني: تحبي تبقي موظف التسويق ولا العميل
رانيا: العميل
يمني : تمام..انا دلوقتي هبعلك شقه صغيرة جدا وفي مكان زحمة اوي
رانيا : تمام..
يمني: وزي ما انا شرحت لحضرتك مساحة الشقة صغيرة جدا حوالي ٧٠ متر..مكونة من غرفتين وصاله وحمام ومطبخ
رانيا: وانا ايه اللي يخليني اشتري شقه صغيرة زي ده
يمني: حاجات كتيرة جدا يا فندم اولهم..انك ممكن تفتحي احد الاوض على البلكونة وتبقا روف كبير تقدري تعملي فيه حفلات صغيرة مع صحباتك وكمان الاماكن الصغيرة بتبقي احلي في الديكور واللمة..وبتاخد وقت تنضيف اقل بكتير لا تتعدى الدقائق ، ده غير ان حفلات الشوي في الروف هي الموضه
رانيا: بس المكان زحمة اوي وهاخد وقت في الطريق
يمني: يا فندم معني ان المكان زحمة..يعني المكان مستحيل يبقي فيه حراميه ، وكمان لقدر الله لو حصل أمر طارئ ليكي هتبقي في منطقه فيها حركة يعني هتلاقي المساعدة بسهوله..يعني مش هتحسي بالوحدة والفراغ ولا في الشقة ولا الشارع ..وتقريبا مش هتحتاجي وقت لتنضيف الشقه ولا هتستهلكي اثاث كتير في الفرش
رانيا باقتناع بجد: ده كده حلو اوي ..انا اشتريت
يمني: مبروك عليكي
الكل في القاعة سقف ل يمني بحماس شديد لانها اقنعت تقريبا الكل بالشقة الوهميه اللي بتتكلم عليها ، بس امير كان مركز مع حاجة تانية ..يمني كانت بتتحرك رايحة جايه وهى بتتكلم وامير عشان مركز معاها..لاحظ علامات الضرب اللي على معصمها وكمان العلامة البني اللي في وشها واللي هي مدرياها بالميكب بس باين الفرق من لون البشرة في الحتة دي..علامات غريبه وكأنها مضروبة!!
هو ده اللي جه على عقل امير…
اميرفي سره:معقول جوزها بيضربها ، لا لا اكيد وقعه ولا حاجة..وهي لو وقعت الواقعة هتعلم على ايدها كده !!!
************************
في القسم كان أحد الظباط بيستجوب ياسين ..اللي كان قاعد حاطط رجل على رجل ومش همه اي حاجة
الظابط: يعني حضرتك مش عايز تتكلم
ياسين : اقول ايه
الظابط : ما رأيك في ما هو منسوب إليك في حادث خطف المدعوة جميلة صالح..فتاة فاقدة للأهلية
في الوقت ده الباب خبط ودخل العسكري ومعاه المحامي بتاع ياسين
العسكري: تمام يا باشا المحامي اللي جاي للمتهم
الظابط: طيب روح انت..اتفضل يا متر
المحامي: لو سمحت يا باشا انا عايز افتح محضر الاستاذ اكرم صالح على احتياله على الحكومة وازعاج السلطات ده غير القاء اتهام باطل وليس له أساس من الصحة على موكلي المحترم ياسين زهران
دخل اكرم المكتب في الوقت ده
اكرم: انت عاملها ايه
ياسين: هي مين دي
اكرم: جميلة..انت قايلها ايه مخليها منهارة كده
ياسين: انت ليه كده ، خليني اروحلها وانا ههديها
اكرم:انت مش هتشوف ضافر منها ،مش تشوفها هي شخصياً
ياسين بخبث: هنشوف
الظابط: تكرم باشا الاستاذ عايز يفتح محضر و بيقول انك بتلقي اتهام باطل على استاذ ياسين
اكرم بتهكم: ده بجد.
ياسين: طبعا بجد..لما تدخل بيتي وتتهمني اني خاطف اختك اللي هي اصلا…
اكرم: هي ايه؟
هنا تدخل المحامي وهو بيطلع اوراق من شنطته : اللي هي تبقي حرم ياسين باشا زهران.. يا باشا..ودي الاوراق اللي تثبت كلامي
اكرم: ايه الجنان ده ..المحامي بتاعك ده شارب ايه
ياسين: بيقول الحق يا حضرة الظابط..جميلة صالح تبقي مراتي..اللي انت جيت وختها من حضني من غير،وجه حق
الظابط: اكرم باشا اعتقد انك لازم تشوف الورق ده
اكرم قبل وخد الورق وهو مش فاهم حاجة في الوقت ده كان ياسين بيبتسم بخبث
تكرم بص على الاوراق وكانت هنا الصدمة..ياسين متجوز في الشهر العقاري جواز قانوني..و ورقة الجواز ماضي عليها اكرم بصفته الواصي على جميلة ، و كملن شهادة من الدكتورة بتاعتها على انها في حالتها المستقرة السامحة بالزواج…
اكرم: يعني ايه الكلام ده
ياسين: معناه انك انت جيت واخت مراتي من حضني واحنا في شهر العسل يا ابو نسب!!
يتبع…
لقراءة الفصل التالي : اضغط هنا
الرواية كاملة اضغط على : (رواية إذا ناداك الحب)
