رواية أنين قلبي الفصل الثالث 3 بقلم ريهام
رواية أنين قلبي الجزء الثالث
رواية أنين قلبي البارت الثالث
رواية أنين قلبي الحلقة الثالثة
مسكت الفون وبصت ع الرقم وردت ببساطه “دا مندوب الشحن ي خالد جايبلي اوردر
*ع أساس اي بقا انا بريا..له ادامك
اتنهدت بتعب “انت قصدك اي بكلامك دا
بصتلها بضيق *انتي طالبه الاوردر دا أمتي وطالبه اي بالظبط
“من تلات ايام دا طقم ل لين عشان فرح بنت عمك
*وريني البيدج اللي طلبتي منها الاوردر
فتحت التليفون وجبتله البيدج
وخرجت من الأوضه والشقه كلها قعدت ع السلم ودموعي بتنزل عقلي مش مستوعب أنه شاكك فيا ولا بيعاملني كدا بدون سبب باب الشقه اتفتح وخرج وهو معاه موبايلي
* الباسورد اي ؟
مسكت الفون وايديا بتترعش
وكتبت الباسورد وعطيته له
*الباسورد اي بقا
“تاريخ ميلادي
هز رأسه واخده ومشي فضلت قاعده مش عايزه ادخل الشقه ولا اعمل حاجه بعدها سمعت صوت حماتي بتتكلم ف الفون
_اوعي ي رشا تزعلي دانا خدتلك حقك تالت ومتلت
~..
_هه اها اخوكي سالني وهو راجع من الشغل مش قولتلك كلام امك مينزلش الأرض
~..
_هتعمل عليكي شيخه بنت الحداد إما خليت عيشتها سو..دا
~..
_لا مش هتقدر تمشي هي بتحب خالد هو بس هيربيها شويه عشان تبقي تقولك لبسك دا ضيق وتعدل عليكي
~..
_ابعتيلي بس حسام وهوجاي من الشغل يجي ياخد الغدا بتاعك عملالك ورق عنب وحمام يجنن يلا سلام ي نور عيني
سمعت كلامهم ودموعي بتنزل ومحستش بنفسي غير وانا بقع ع الارض
فوقت ع صوت لين بتعيط فتحت عيني لقيت خالد وحماتي ولين جمبي
_مالك بس ي أمينه اي اللي حصلك
بصتلها بكره الدنيا كله ومردتش عليها
*انت ماكلتيش حاجه ي أمينه
_ ي حبيبتي ي بنتي هنزل اجيب لكم الغدا متعمليش حاجه وطبطبت ع كتفي
كنت عاوزه اقوم اخنقها الوليه المفتريه دي
خالد :كنت حاسس بالذنب أنها اكيد أغمي عليها بسبب اني زعلتها ومش قادر ابص ف وشها
مديت أيدي بتليفونها *اتفضلي تليفونك مامتك رنت عليكي
بصتلي بسخريه “اي لقيت فيه حاجه ؟
اتوترت*هكون لقيت في اي ولا انا كنت بدور ع اي اصلا
“معرفش اسأل نفسك
وقتها حماتي طلعت الاكل اول ماشوفته معدتي وجعتني كل ذره فيا رافضاها هي واي حاجه منها قومت روحت الحمام وغسلت وشي وفضلت جوا مش قادره اتكلم معاها ولا ابصلها حتي لان نظراتي فضحاني ومبينه اد اي انا متضايقه منها
خرجت من الحمام وقعدت ع الكرسي
_يالا ي حبيبتي الاكل هيبرد
“متشكره ي طنط مش جعانه
بصلي بقلق *تحبي نروح لدكتور ي أمينه
“لا
ماما اتصلت تاني ورديت عليها وقالتلي انها جيالي
_منورانا ي ام أمينه
قالتها حماتي وهي بتبص لماما من فوق لتحت
^متشكره ي حجه
بصتلها وهي بتضحك_بس حجابك دا كبير اوى مش بيكعبلك دا
ابتسمت ^لا مش بيكعبلني دا اللي هيوسعلي قبري
كشرت _مسم اها وماله ي اختي ،بعد اذنكم انا نازله تحت
نزلت ولين دخلت اوضتها تلعب
ماما فضلت باصه ليا وبتبص لخالد اللي باصص ف الأرض
^تعالي ي أمينه جوا عاوزه اعدل حجابي
“اتفضلي ي ماما
كنت بهرب من عينيها وبحاول ابتسم
^فيكي اي ي بنتي
“مفيش ي ماما انا كويسه طمنيني عنك وبابا عامل اي و..
قاطعتني^بت انتي بلاش طريقتك دي انا بحس بيكي وانا بعيد عنك قوليلي في اي اي اللي طلع الست دي عندك
اتنهدت بتعب “مفيش ي ماما انا كويسه لو سمحتي سيبني اتعامل
حضنتني ^ ي حبيبتي بس قلقانه عليكي
مسكت فيها كأني بستمد القوه منها
“ادعيلي بس
حضنت وشي بايدها ^اي وقت تحتاجيني انا موجوده وبيت بابا مفتوحلك انتي وبنتك اوعي تشيلي هم حاجه
“حاضر
وصلتها ومشيت دخلت اتوضيت وصليت وفضلت قاعده ع سجادة الصلاة ومش بقول غير حسبي الله ونعم والوكيل معرفش عدا اد اي بس مانتبهتش غير ع خبط ع باب الاوضه كان خالد جه وقف آدامي
ومد أيده بتردد بالشنطه *الاوردر بتاعك
“كتر خيرك
خالد :
كنت حاسس اي كلام هقوله ملوش لازمه بتبصلي بزعل وعينيها كلها لوم وعتاب استحقرت نفسي اوى اني امشي ورا شيطاني وأصدق اي كلام ع أمينه
نمت الليله دي ع الكنبه كنت بعاقب نفسي او مش قادر أواجه
تاني يوم صحيت لقيتها بتجهز الفطار
حطت الفطار وقعدت تاكل لين وتاكل ومش بتكلمني خالص
*احم حضرتيلي البدله ي أمينه
من غيرماتبص “ايوا ع السرير حوا مغسوله ومكويه
بصيت ع أيدها اللي ع التربيزه مسكتها وبوستها
*حقك عليا
سحبت أيدها واخدت لين ودخلت اوضتها
أمينه :
جرحي ووجعي منه كان أكبر من وجعي من أمه أو أخته متوقعتش ابدا يبقي دا تمن حبي له ولا جزائي
مسحت دموعي وفضلت العب مع لين
°ماما هلبس التوكه البينك ؟
حطيت ايدي ع شعرها “ينفع الاميره لين تتنازل وتلبس توكه موڤ زي فستان ماما
اتنططت ع السرير°بجد ي ماما هلبس زيك
حضنتها “اه ي روح ماما يالا بينا نجهز الغدا عشان نجهز للفرح
قضيت اليوم كله مع لين وعملنا كيك وماسكات لشعرها
وقت المغرب كنا بنلبس لبست فستان موڤ غامق ونقاب وخمار نفس اللون كنت ببص ف المرايا ومبسوطه بشكلي وراضيه عنه حتي لو كل اللي هناك هيعترض عدلت ل لين فستانها اللاڤندر
وحضنتها واتصورنا كذا صوره
*ينفع اجي ف الصوره معاكم
لين جريت وحضنته °تعالي ي بابا
مسكت الفون واخدت صوره لينا كان باصصلي بزعل
“يالا ي لين نستني بابا تحت
*انزلي انتي ي لينو لتيتا وانا هجيب ماما
°حاضر ي بابا
نزلت وانا واقفه ادامه
قرب مني وباس راسي *انتي واخده الجمال كله لحسابك ولا اي
ابتسمت من تحت النقاب بس كشرت بسرعه
*متحاوليش ابتسامتك باينه ف عينيكي
رفع النقاب وقرب مني *امينه انا ..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أنين قلبي)
