رواية أنين روح الفصل الثاني 2 بقلم إيمان المصري
رواية أنين روح الجزء الثاني
رواية أنين روح البارت الثاني
رواية أنين روح الحلقة الثانية
الأم : دكتور أنا جبت أسيل
اندهشت كيف اتت بها و طلبت منهما الدخول ولكني طلبت من والدة مريم الانتظار في الخارج
نظرت لأسيل فشعرت بتوترها ومددت يدي اليها بعلبة الشيكولاته لاخفف من قلقها
الطبيب ممازحا : انتي بقى أسيل صاحبة مريم قوليلي بقى جيتي هنا ازاي
أسيل : بصراحة يا عمو أنا بحب مريم اوي ومكنتش عايزة نمشي ونبعد عنها وكنت كل ماحاول اسال عنها بابا يزعقلي بس النهاردة قولتلهم اني رايحة الدرس ورحت لطنط نهى عشان اشوف مريم وهي قالتلي اني لو جيت معاها هنا ده هيساعد مريم ترجع زي الأول أنا عارفة ان اللي عملته غلط بس بابا مكنش بيوافق حتى أكلمهم في التليفون .
الطبيب : طيب قوليلي يا أسيل اليوم اللي مريم دخلت فيه الشقة وقفلت على نفسها ايه اللي حصل قبلها انا عارف ان عدى وقت بس حاولي تفتكري
أسيل : أنا فاكرة اليوم ده كويس مش ممكن أنساه أنا ومريم رجعنا من المدرسة وكانت ماما مش موجودة بس بابا كان موجود دخلنا أوضتي مع بعض نلعب شوية لحد ما طنط نهى ترجع من الشغل بعدها بشوية بابا نده عليا واداني ورقة قالي اروح الصيدلية أجيب اللي مكتوب فيها ولو ملقتهوش في الصيدلية اسأل في صيدلية تانية
الطبيب : ومريم نزلت معاكي
أسيل : لا بابا قالي سيبي مريم هنا بعدين طنط نهى تيجي مش تلاقيها تقلق عليها
الطبيب : وبعدين ايه اللي حصل
أسيل : نزلت الصيدلية العلاج مكنش موجود وفضلت ألف يا عمو لحد مارجلي وجعتني وقولت كفاية كده بقى انا تعبت ورجعت
ابتسم الطبيب على براءتها : وبعد مارجعتي
أسيل : وانا طالعة على السلم شفت مريم خارجة من شقتنا بتجري وكانت بتعيط ودخلت الشقة بتاعتهم وقفلت الباب فضلت اخبط عليها مكنتش بترد لحد ماطنط نهى جت
رحت لبابا سالته ايه اللي حصل ومريم زعلت ليه قالي مريم مشيت على طول بعد مانزلتي بس انا شفتها وهي خارجة من الشقة لما رجعت يبقى مشيت ازاي
الطبيب : يمكن مريم خرجت ورجعت تاني
أسيل : لا مريم مكنتش هترجع لو كانت خرجت
الطبيب : ليه
أسيل : بصراحة اصل باحس ان مريم مش بتحب بابا وديما لما يبقى موجود مش بترضى تيجي عندي مع ان بابا بيحبها زي بالظبط وبيجبلنا شيكولاته كتير اوي
الطبيب : طيب ليه دخلت معاكي في اليوم ده وبابا موجود
أسيل : لان مكنش في حد في البيت عندهم وهي بتخاف تقعد لوحدها انا عشان كده ماقولتلهاش اني نازلة اشتري حاجة من الصيدلية عشان ماتمشيش وتقعد لوحدها وتبقى خايفة
_ ونظرت الى بعيون مليئة بالدموع هي ممكن تكون زعلت مني عشان سيبتها مع بابا لوحدهم بس انا كنت هارجع على طول والله
الطبيب : لا يا حبيبتي هي أكيد مش زعلانة منك
الطبيب : طيب في حاجة تانية فاكرة انها حصلت في اليوم ده
أسيل : لا بس من بعدها مريم مكنتش بتكلمني ولا بتخرج تلعب معايا
الطبيب : ماشي يا حبيبتي تقدري تروحي عشان متتأخريش بس ممكن تقوليلي العنوان
أسيل :اه طبعا
أمسكت ورقة وسجلت العنوان لان شعورى كطبيب يقول اننا سنحتاجه قريبا
ودعت اسيل وطلبت من والدة مريم العودة في اليوم التالي
أمسكت دفتري وسجلت بعض ملاحظاتي لماذا ترفض مريم التواجد مع والد أسيل في مكان واحد ؟
انتظرت والدتها للحضور في اليوم التالي لاحاول ايجاد اجابة على هذا السؤال
الطبيب : مدام نهى ممكن توصفيلي بالتفصيل مدى التداخل بينكم وبين أسرة أسيل
نهى : يعني احنا نعتبر بيت واحد خروجاتنا كلها بتكون مع بعض اوقات كتير بيجوا يسهروا عندنا والعكس
الطبيب : طيب والد أسيل بيعامل مريم ازاي
نهى : مش فاهمة
الطبيب : يعني هل بيزعقلها هو شديد في التعامل مثلا فبتخاف منه
نهى : بالعكس ده بيحبها جدا بيعاملها هي وأسيل زي بعض مفيش اختلاف بينهم
الطبيب : ومريم كمان بتعامله زي والدها
نهى بارتباك : اه عادي يعني
الطبيب : مدام نهى أفضل تكوني صريحة معايا لمصلحة بنتك
نهى : بصراحة مريم مكنتش بتحبه وكانت ديما تتعمد تبعد عنه مكنتش بافهم بتعمل كده ليه لانها قبل كده كانت بتحبه جدا بس ماعرفش ليه اتغيرت كده فجأة
الطبيب : حصل قبل كده ان مريم اشتكتلك او لوالدها منه
زاد ارتباك نهى : مش فاكرة
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أنين روح)
