رواية أنا هتجوز عليكي الفصل الأول 1 بقلم حنين ابراهيم

رواية أنا هتجوز عليكي البارت الأول

رواية أنا هتجوز عليكي الجزء الأول

رواية أنا هتجوز عليكي الحلقة الأولى

نهضت بسرعة بعد أن وجدت الساعة تشير إلى 7:45
وردة:يا لهوي الواد هيتأخر على المدرسة زياد قوم قوم بسرعة إلبس هدومك
زياد بنوم :سيبيني أنام شوية يا ماما
وردة:ياد قوم إنت أساسا متأخر
تركته يلبس بك كسل بينما هي تحضر له السندويتش ليأكله وهي تحمد ربها لأنها تركت تيمور و نغم عند والدتها لأن مدرستهما بعيدة من هنا و لو أيقظتهما في هذا الوقت كانا سيتأخران عن إمتحاناتهما و هذا ما لا ترجوه
بعد أن غادر زياد توجهت نحو رضيعها أرضعته و أبدلت له الحفاضات ليعود للنوم
وردة:أستغل أنا الفرصة و أكمل شغل البيت و أغسل هدوم الواد ذهبت بسرعة لترى ما وراءها من أعمال لتنهيها أثناء ذلك رن هاتفها
:ألو أيوة يا ورد عملتي إيه في الي قولتلك عليه
ورد : فاضلي شوية تعديلات بكرة هخلصها و أبعتلك الفستان
: عايزاه يبان إنه من عند أكبر أتليه مش أي كلام
وردة:عيب عليكي هو أنا بتاعت أي كلام برضو ،يلا سلام دلوقتي قبل ما الواد يصحى
لترد عليها بشفقة: الله يعينك يا حبيبتي أنا مش عارفه إنتي مكنتيش بتاخدي موانع الحمل ليه طلما عارفة الغلب الي إنتي هتبقي فيه ده
وردة بحزن:منا كنت باخد بس العلاج الي كنت باخد لضهري هو الي أبطل مفعوله و حملت
: ربنا يجعله بار لك و يعوضك على تعبك معاه خير
وردة بأمل:اللهم امين
أنهت المكالمة و عادت لعملها ليصل زوجها من عمله عند الضهر
سيد: إنتي بتعملي إيه
وردة :يا خي قول السلام عليكم الأول ،بغسل الهدوم
سيد :طب عملتي إيه على الغدا
ورده:معلش ملحقتش أعمل على العموم فيه أكل فاضل من عشا إمبارح هحطلك منه
سيد بضيق:نعم ؟ ملحقتيش ؟ليه بقا إن شاء الله كنتي بتعملي إيه من الصبح
وردة بنفس الغضب:بقولك ملحقتيش ما إنت عارف إني إمبارح طول الليل قاعدة على المكنة بخيط و الصبح جري ورى العيال بفطر ده وبرضع ده وبغير لده و مواعين و تنضيف وهدوم و شغل ملوش أخر ،إيييه هو إنت مش بتحس ؟
سيد بخبث:لا بحس و عشان صعبتي عليا قررت أتجوز عليكي وحده تشيل معاكي مسؤولية البيت طلما مش عارفه تشيلها وحدك
نظرت له بجمود لثوني ظن فيها سيد أنها ستخاف من أن يفعلها ويحضر لها ضرة ليفتح عينيه على وسعهما عندما وجدها تزغرت و تهلل
وردة:لللووووي يا ألف مبروك
إبتلع سيد غصته و قال بحزن : إنتي شايفة إني دي حاجه تفرح ؟
وردة بسخرية: طبعا طلما فتحت بقك يبقا جوزي ربنا كرمه شايف إنه هيقدر يفتح بيتين يعني مش هلبس من عند أمي و إخواتي تاني وولادي مش هجيب للكبير و أدي لبسه الي صغر عليه لأخواته الصغيرين و كله هيلبس الجديد و أنا مش هشتغل وأقطم ضهري تاني عشان أصرف على البيت عشان جوزي هيعرف يصرف على بيتين
لتدخل أم سيد :في إيه فرح مين النهارده ؟بتزغرتي ليه يا مزغودة
لتتفاجأ بوردة تسحبها من يدها وهي تتكلم بإنفعال فقد طفح كيلها:إبنك يا عمتو ناوي يتجوز عليا
دخلت إلى غرفتها و أخرجت الحقائب وبدأت برص الملابس وهي تقول بقهر : مهو البيه فاكر إنه لسا فيه عيلة هبلة هيزقططو من الفرح أول ما تطلبو بنتهم زي ما أبويا عمل لما كان فاكر إنه جوز بنته لراجل بنته الي كانت لسا يادوبك عيلة بظفاير عندها 15 سنة مش فاهمة حتى معنى الجواز إيه و رغم كده إتحمل ذ،ل و شح،ططة وضر،ب إبنك الس،كري فيها
بس عشان ولادها ولما ربنا بلاكم وخسرتو ورث المرحوم جوزك بسبب إستهتار إبنك الشملول قولت يمكن تتعضو شوية و جيت على نفسي و إشتغلت في عشان أصرف على ولادي وعليكم يكش يطمر و في الأخير إبنك جاي يقولي هتجوز عليكي عشان إنتي مش حمل تشيلي مسؤولية البيت
أقفلت الحقيبة و أعطتها لعمتها التي لم تنطق بكلمة إثر خوفها من غضب وردة العارم
وردة بغضب:بناقص منه فاكر نفسه راجل يتزعل عليه
سيد بإرتباك وهو يرى الحقيبة التي أعطتها ورد لوالدته:إيه ده يا وردة ؟إنتي رايحة فين
وردة وهي تدفع سيد ووالدته أمامها:مش أنا الي هروح يا روح ا،مك إنت و أمك الي هتروحو مش إنت هتتجوز التانية ؟و أصل الجواز إنك تعدل بين الإثنين و أنا مستحملة قر،فك 14 سنة خليها تستحملك هي كمان زيهم مش عايزة ألمح طيفك خلال 14 سنة الجاين إنت فاهم ؟
قالت أخر كلماتها و هي تغلق الباب بوجهيهما
وردة وهي تتنفس الصعداء:عيلة تجيب ال.هم
على الجانب الآخر من الباب
سيد:عاجبك كده ؟
أم سيد: الله و أنا مالي
سيد:مش إنتي الي قولتيلي الست ميكسرهاش غير ست زيها و فهمتيني إني لما أهد.دها بالضرة هتتعدل في كلامها معايا و ترجع تشلني فوق راسها زي الأول
ليلتفتا على جارتهما و هي تقول بسخرية
:هيهيي الكلام ده لما تكون متجوزة راجل بيعاملها كأنها ملكة هتخاف تخسره مش يبقى جوز شربات و عال عليها
أنهت كلامها وهي تنظر لهما من الأعلى إلى الأسفل بقرف و دخلت إلى منزلها بعد أن خرجت لتطمئن على جارتها لأنها كانت خائفة أن يكون عاد لضر.بها لتسعد بما فعلته بزوجها وأمه العقر،بة