رواية أمير وبتول الفصل الرابع 4 بقلم ميرنا ناصر
رواية أمير وبتول البارت الرابع
رواية أمير وبتول الجزء الرابع
رواية أمير وبتول الحلقة الرابعة
_ بتول.. حبيبتى إنتِ صاحية؟
= لا نايمة.
_ يا سلام وبتردى إزاى.
= برد من لسانى..
_ يخربيت خفة دمك.. طيب ممكن تقومى عشان محتاج أتناقش، معاكِ فى موضوع مهم.
= مش قادرة.
_ انا عارف انا ماما غلست عليكِ.. وإسلوبها وطريقتها كانوا وحشين جدًا.. زي ما انا عارف دلوقت إنك بتعيطى وبتمسحى دموعك وبتعملى نفسك نايمة.
” رفعت رأسى ودموعى إتحولت لمطر غزير ”
= انا عارفة إنى فاشلة يا أمير.. بس بحاول والله اتعلم انا مكنتش كدا فى بيت أهلى فاهمنى.
_ تؤ حاسس بيكِ ودا أهم بكتير
” فتح لى ايديه وضمنى لحضنه
_ انا أخدت موقف قوى جدًا مع ماما وطلبت منها متكلمكيش بالشكل ده تانى خالص.. وفهمتها ان دا عصبنى جدًا وإنى مش راضى عنه وان كذا مرة أعدى الموقف علشان بحترمها بس كدا مش هينفع
= بس.. ه.. هى م..معاها حق انا فاشلة يا أمير إنى أكون ست بيت.
_فاشلة!! دا انتِ ست بيت وست البنات، وست الناس كلهم.
= انا صدقنى ليا يومين برتب البيت وبلمع كل حاجة وكان قصاد عيونك.. مااخدتش بالى خالص إن الأباجورات عليهم تراب.. ولا البسبوسة لقيتها نشفت منى خالص وانا معرفش نشفت ليه دا انا مشيت على الوصفة بالظبط.
_ كانت أحلى بسبوسة دوقتها فى حياتى، دا حتى بابا أعجب بيها جدًا.
= بس يا أمير كلهم ضحكوا عليا.
_ دا الضحك على ريأكشنات ماما، مش على البسبوسة خالص. البسبوسة كانت مقرمشة وطعمها تحفة.. وأصلا ماما مبتعرفش تعمل بسبوسة.. علشان تتريق عليكِ.
= ايه دا بجد؟ طنط مبتعرفش تعملها؟
_ والله أبدًا قد إيـه بابا كان بيتحايل ليها تعملهالنا وهى تقولع مبعرفش.. مبعرفش .. والبسبوسة بجد كان طعمها جميل.. وعارفه إيـه اللى أجمل وأطعم منها؟
= ايـه؟
_ انتِ، كنتِ قمر النهاردة، والدريس الأسود ده عليكِ يخطف القلب والعين وتسريحة شعرك بتاعت الديل حصان دى بحبها أوى
= أمير إسمها بونى تيل وانا حفظتهالك.
_ ديل حصان وقولتلك يا بتولة متناقشنيش فى تلات حاجات أسماء التسريحات، والالوان، واسماء الميك اب انا لا أفقه شيئًا.
= هههه، حاضر
_ كنت عايزه أخطفك من القعدة واحب فيكِ بعيد.. بعيد بعيد وحدينا زى ما قالت ام كلثوم.. كل شوية بتحلوى أكتر وانا قلبى ضعيف ميستحملش.
= انت إزاى بتقدر تغير مودى كدا من دموع وحزن، لحالة حب وعشق مدوخينى.
_ وانتِ لسة شوفتى حاجة.. غمضى عيونك ونطلع الصالة محضرالك مفاجأة
” غمضت عنيا ومسكت ايديه وطلعت الصالة فتحت، كانت كلها شموع وردة حمرا جنبها ورقة وموسيقى حلوة ”
_ هتفضلى مصدومة كتير؟ مش هتقرأى المسج!
= هقرأه أهو ” كان يوم مرهق ومتعب، بس أحلى ما فى اليوم هو انتِ يابتولة. تعبتك ياحبيبى لقيت ورده شبهك ف جبتها علشان إثبت لنفسى إن فى ورد بيمسك ورد عادى ”
_ مين الولا الرومانسى اللى كاتب الكلام السكر ده.
= حبيبى، صاحبى وبابايا واخويا وكل العالم.
_ تسمحى ليا الأميره بتول بالرقصة دى
= كأن الدنيا انت و بس
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أمير وبتول)
