رواية أميرة الصعيد الفصل العشرون 20 بقلم سما حسين
رواية أميرة الصعيد الجزء العشرون
رواية أميرة الصعيد البارت العشرون
رواية أميرة الصعيد الحلقة العشرون
أميرة الصعيد
بقلمي : سما حسين
لما هند فتحت الباب لقت…..
هند : زين
زين : انا آسف بس انا ….
هند : انت مالك
زين : انا عايز ……..
هند : عايز ايه انجز
زين : اصل فيروز ما جتش لحد دلوقتي والوقت بيجري ولازم اني اروح ولازم فيروز تكون معايا
هند : والمطلوب
زين : بصراحة أنا عايز
هند : يا دي النيلة علي ام اليوم اللي مش فايت دا عايز ايه
زين : كنت عايزك تيجي انتي معايا
هند باستغراب : نعم
زين : دا هما والله مش هيشوفوكي غير المرة دي و اوعدك أنها مش هتحصل تاني
هند : طب انا عايزة أسألك سؤال
زين : طبعا اتفضلي
هند : طب انت رايح عشاء عمل صح
زين : صح
هند : طب فيروز أو انا هنروح نعمل ايه
زين : اصل الراجل عايش برا وكان جاي هو ومراته وبابا قالهم اني خطبت ومراته كانت جاية معاه عشان تتعرف علي فيروز
هند : اه فهمت فهمت
زين : طب ايه
هند : طب ايه ايه
زين : يعني هتيجي والا لا
هند برفض : طبعا لا شوف حد غيري
زين : حد غيرك مين بس
وفضل يتحايل عليها واستخدم معاها جميع أساليب الاقناع لحد ما وافقت وقالها
زين : بصي انا كنت جايب فتان لفيروز عشان تلبسه جربيه انتي
هند : وكمان فستان
زين : ايوا فستان
هند : قد ايه الإنسان بيبقي كلب ذليل لما يحتاج حاجة
زين : كلب ذليل
هند : أيوة
زين : انتي يا بنتي ما بتعرفيش تقولي كلام حلو ابدا
هند : لا مابعرفش شوف بقا حد بيعرف يقول كلام حلو
زين : يا بنتي ماتعصبنيش
وكان لسة هيتعصب عليها
هند : فين الفستان
زين : عندي في الاوضة هروح اجيبه
هند : يلا بسرعة عشان الساعة بقت ٨ ونص
زين : ماشي
زين راح وجاب الفستان وهند دخلت لبست الفستان وطلعت وكان الفستان لونه اسود وطويل ومفتوح من الجنب ومش منفوش وعليه جزمة كعب سودة
زين في سره : ايه القمر ده
هند : بتقول حاجة
زين : لا بقولك أن الفستان ما شاء الله متفصل عليكي
هند : انت عملت حاجة ضايقتني وحاجة عجبتني
زين : ايه اللي ضايقك
هند : أنه فستان
زين : نعم
هند : نعم الله عليك
زين : يعني ايه مش بتحبي الفساتين
هند : يعني مش بحبها وخلاص بقا نتكلم بعدين
زين : طب ايه اللي عاجبك
هند : أنه لونه اسود
زين : نعم
هند : هو انت كل شوية تقعد نعم ومش نعم
زين : يلا بينا يلا بينا
هند : يلا
نزلوا هما الاتنين وراحوا المطعم اللي المستثمر ومراته فيه وقعدوا ومرات المستثمر حبت هند قوي وشخصيتها وكانوا معجبين اوي بكلامها وقصصها لدرجة أن لما زين كان بيجي يتكلم عن الشغل المستثمر يقوله : استني بس عايزين نعرف الأستاذة هندعملت ايه
وكانوا قاعدين يضحكوا
وخلصوا وطلعوا ركبوا العربية وهما ماشيين بالعربية كانو جنب النيل وفي مقاعد موجودة
هند :ممكن تقف علي جنب
زين : افندم
هند : اقصد يعني انزل اتمشي شوية في الهوا
زين : ماشي انزلي انتي وانا هجيب حاجة وجاية
هند : ماشي
هند نزلت قعدت علي مقعد من اللي موجودين وزين نزل وراها وحط الجاكيت علي دراعها
هند : ايه الجو دا
زين : جو ايه
هند : جو تيمور وشفيقة دا
زين : قصدك ايه
هند : اقصد الجاكيت اللي انت لسة حاطه علي دراعي
زين : آسف بس انا فكرتك بردانة
هند : لا مش بردانة بالعكس أنا حرانة اوي
اتفضل الچاكيت بتاعك
زين : ماشي
هند : شكرا
زين : انتي قولتي ايه
هند : شكرا
زين : ازاي
هند : هو ايه اللي ازاي
زين : قصدي انك مش بتعرفي تقولي اي حاجة حلوة وكلامك كله دبش
هند : انا كلامي كله دبش
وضربته علي دراعه بهزار
وفضلوا يضحكوا لحد ما قطع ضحكهم صوت موبايل هند وهو بيرن
هند : الو ……ايه بتقول ايه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أميرة الصعيد)
