رواية أقدار القلوب الفصل الرابع 4 بقلم بسنت حسين
رواية أقدار القلوب الجزء الرابع
رواية أقدار القلوب البارت الرابع
رواية أقدار القلوب الحلقة الرابعة
صباح اليوم التالي في فيلا فخر الدين
حيث يتجمع ثائر ووالدته مع رحيل ووالدتها علي مائدة الطعام
ثائر :رحيل انتي خريجة إيه صحيح
رحيل : إدارة أعمال
ثائر :طيب ناوية على إيه، هتشتغلي ولا من النوع اللي مستني قرة عينه يجي ياخده؟
رحيل:والله عيب عليك، يعني بعد المرمطة السنين دي كلها برا عشان الدراسة تسألني سؤال زي ده ؟أكيد طبعا هقولك مستنية قرة عيني يعلق شهادتي علي حيطة بيتنا كتذكار
ثائر :طب مانا احتمال اكون قرة عينك طيب هتعملي إيه ؟وأنا مبحبش مراتي تضيع مجهودها وتقعد في البيت كده
رحيل: الا انت ناوي توافق ولا ايه، لازمته إيه الكلام ده كله دلوقت
ثائر:هاا! قصدي ياستي افرضي أنا بس عايز أتعرف عليكي واعرف دماغك ماشية إزاي بجد
رحيل :طالما قولت بجد بقي نتكلم جد ،أنا مكانش طموحي أصلا إدارة أعمال انا كنت عايزة ادخل كلية فنون جميلة ودخلت إدارة أعمال عشان أساند أهلي لما أتخرج ،فطبيعي إني عايزة اشتغل ويبقي ليا كارير، بس الله لا يسامحه إللي واقفلي زي الشوكة في الزور ده مش عارفة اخطي الشارع لا يخطفني
ثائر : طب وإللي يخرجك ويشغلك ؟
رحيل :ياسلام ده أنا ابوس راسه يا أخي والله
ثائر :أحم ،لا خليها بعد كتب الكتاب عيب
رحيل :إيه ده هتشغلني إيه ،مانا ماليش شغل عندك في المكتب وانت اكيد مش هتشغلني في حاجة بعيد عنك عشان تعرف تحميني كويس يبقي ايه!!!!!
ثائر:لا نبيهة ما شاء الله عليكي، مانا هشغلك عندي بس مش في المكتب، في شركة بابا مع عمي منصور، المفروض اني كل شوية اتابع هناك الشغل وانا مش فاضي، فإنتي هتروحي تتدربي كام شهر تدريب مكثف مش عادي عشان منصبك مختلف، انتي نائب عني في الشغل
رحيل : يا طنط جيهان
جيهان:نعم يا حبيبتي
رحيل :تعالي هبوسك وابقي وصلي البوسة لابنك تعالي
أمال :يابت اختشي عيب كده إيه إللي بتقوليه ده
رحيل :أعمل إيه يا أمي من فرحتي بس
ثائر :ياطنط ابقي تعالي معايا نجبلها لبس جديد ،ولا اجيب انا وبلاش نتعب حضرتك
جيهان :لا هات إنت يا حبيبي بلاش تتعب منال ،وبعدين انت ذوقك قمر
ثائر :الله يخليكي يا ماما
رحيل :والله كنت ابغي اقولك اطلب اونلاين بس اخاف اللبس يجي بحجم لعب الاطفال ولا يجي بخامة قماش الستاير ،بتوع الاونلاين دول حاجتهم عجيبة،معلش يا مدير بقي هنتعبك معانا آكتر ماحنا تعبينك
ثائر:تعبك راحة يا رحيل ده آنتي في عيني
رحيل:نعم؟
ثائر :ق…. قصدي علي عيني والله اتعب نفسي كده بس للضرورة احكام مانتي هتفيديني برضو
جيهان :ثائر تعالي انا عايزاك في كلمتين في المكتب
ثائر ،اتفضلي يا أمي ،عن اذنكم يا جماعة
……..
في شركة عائلة نصار حيث تجلس ميار في مكتبها تفكر فيما يمكن أن يحدث هل سيتركها ثائر؟ هل تركه لها سيحدث فرقا اما لا، ويقاطع أفكارها طرقات علي باب المكتب
ميار:ادخل
السكرتيرة :ميار هانم أخو حضرتك برا عايز يقابلك
ميار:وليد! معقولة، دخليه بسرعة
السكرتيرة :بس هو مش لوحده معاه صديقه أستاذ سامر
ميار:دخليهم طيب
السكرتيرة :تمام يا فندم
دخل الإثنان المكتب ومنذ الوهلة الاولي لم تفارق عيني سامر وجه ميار ووجهه تحتله ابتسامة مرحة
سامر:سلاموووو عليكوووووو، أنا جايب طرد لحوم فاسدة للمكتب هنا
ميار بأستغراب :فين اللحوم الفاسدة دي؟
سامر :اخوكي ،هو في أفسد منه؟
ضحكت ميار بشدة علي أسلوب سامر
وليد :إيه ده، إيه ده في إيه
سامر:يا وليد خليك رويح كده متبقاش حمقي بهزر يا أخي
وليد :ياعم أركن انت علي جنب دلوقت، اختي انا بتضحك؟ لا ومسخسخة علي روحها من الضحك كمان ، إنت هكرتها أمتي ؟ولا مالك يا حبيبتي انتي عيانة طيب؟ اجيب دكتور؟
ميار :احم، جرا ايه يا وليد عادي يعني مافيش حاجة هو اسلوبه مضحك الصراحة، وبعدين متاخدنيش في دوكة دلوقت ،خير إيه إللي رماك عليا في الشركة اللي مبتخطيهاش من ساعة ما اتولدت
سامر:أنا إللي جايبه الصراحة
ميار:عشان ؟
سامر:نبدأ أولي خطوات إصلاحه، هنطحنه في الشغل ،هنشغله حتة موظف كحيان في الأرشيف ونلبسه نظارة كعب كوباية ومنخليهوش يشوف الشمس طول اليوم
وليد :هات صخرة وحطها علي صدري وخليني اقول احد احد بالمرة
سامر :لا متخفش دي لما نفقد الامل فيك تماما يعني
ميار:اسمع يا وليد بعيدا عن هزار سامر دلوقت ،أنا بقالي سنين شايلة المسئولية لوحدي ،نفسي ألاقي راجل في ضهري اتسند عليه ،إنت عارف أنا مقهورة قد إيه وأنا شايفة نفسي مجبورة أنا إللي أصلح أخطاء أخويا مش هو اللي يصلحني ويطبطب عليا ويشيل عني هموم الدنيا ،فوق يا وليد لو مش عشان نفسك يبقي عشاني ياخي، نفسي احس انك الكبير مرة واحدة
قام وليد من مكانه بعصبية واتجه الي الباب بسرعة
ميار:رايح فين يا وليد
اخذ وليد نفسا طويلا واستدار لها وعاد إليها مقتربا ليقبل رأسها
وليد:نازل الارشيف 😭
ميار:يخرب عقلك يا سامر خليته يصدق شغل العبيد إللي هيتعمل فيه ،لا يا حبيبي إنت هتشتغل في قسم الحسابات ،هتتدرب هناك وبعدين هنقلك في قسم المراجعة علي ملفات الشركة بحيث تبقي عارف أللى بيحصل من الالف للياء وتبتدي شغل معايا بجد ،اوعي تخيب أملي تآني يا وليد
وليد :والله حاضر ،انتي كلامك فوقني ومش هعمل حاجة توطي راسك تاني
سامر :لحظة ابكي يا جماعة والله تأثرت، هاتوا حضن جماعي
وليد وميار:حضن إيه يا روح خالتك ؟
وليد :إيه يا جماعة في إيه بقي ما أكيد عارفين اني بهزر
وقال في نفسه (وحياة خالتي يا ميار لا يبقي حضن جماعي في يوم ما ،إستني عليا بس)
……..
في فيلا فخر الدين
ثائر:خير يا أمي في إيه
جيهان :معناه إيه الكلام إللي إنت قولته دلوقت ،إزاي هتشغل البنت في شركة عمك عشان إنت مشغول ،عمك مش هيوافق حد غريب يدخل الشركة كده وخلاص وخصوصا في المنصب بتاعك إنت
ثائر :مين الغريب ده
جيهان :هنبتديها استهبال بقي ولا……. إستني إستني أوعي يكون إللي في بالي!
ثائر بخبث :إيه إللي في بالك ؟أنا مقولتش حاجة
جيهان :يا ولاه ،هتتجوز رحيل ولا لا؟
ثائر :انتي عايزاني اتجوزها ؟
جيهان :ياريت يا ثائر والله البت زي العسل وحابة إنها تكون ليك
ثائر :والله يا أمي مش عارف اقولك ايه، بس والله ما هزعلك يلا هتجوزها لأجل رضاكي بس
جيهان بخبث :لأجل رضايا برضو ولا عشان مش لاقي حجة قدامي غيرها 😉
ثائر :ارفض يعني والله ارفض
جيهان :لا لا إحنا ما صدقنا نخلص من خطيبتك تمثال الحرية إللي ماسكة شعلة العدالة ورامية قلبها دي ،فرحتني يابني والله ،بس هتجيبها لميار إزاي
ثائر :مش عارف يا أمي المفروض هقولها النهاردة قراري مش عارف هجيبها ازاي ،بس أنا مش حاسس إن في حب ما بينا ،الانفصال هيكون سهل بإذن الله
جيهان :ربنا يوفقك ويسهلك امورك، هتعمل ايه في وليد
ثائر :مستنيه ياخد خطوة جديدة عشان اطلع عي. نه فيها
جيهان :خير إن شاء الله ،يلا روح إنت علي شغلك م تتأخرش آكتر من كده
ثائر:تمام يا أمي ادعيلي
جيهان :دايما داعيالك يا حبيبي ربنا يفتح في وشك كل أبواب الخير
ثائر:تسلميلي يا ست الكل
وخرج ثائر من المكتب ليصطدم برحيل وتوشك رحيل علي الوقوع ليمسكها ثائر من رأسها ليعيد توازنها
ثائر:إيه يا متر الا ربع رايحة فين كده
رحيل:كنت جيالك يا نخلة عشان أعرف هنبتدي شغل أمتي
ثائر :لما اجبلك فستان
رحيل :اشمعني فستان مش المفروض اللبس فورمال ؟وبعدين هتجبلي فستان واحد يا بخيل! هي شركتكوا بتفلس ولا إيه ؟
ثائر :لا هجبلك فستان عشان تلبسيه لو مالبستيهوش مش هيبقي في شركة ولا لبس شركة ،هتلبسيه لو جبته ؟
رحيل : فستان إيه ده فستان شغال بالبصمة يعني ولا إيه عشان يدخلني الشركة، هاته يا سيدي خلينا نشتغل
ثائر :خليكي فاكرة آنتي وافقتي أنا ماليش دعوة
رحيل :ياعم متقلقنيش بقي هو فيه متف. جرات ؟
ثائر :لا فيه ديل طويل كده شكله تحفة هيعجبك قوي
رحيل :الله هاته واسع بقي مش منفوش قوي و بأكمام مش شفافة عشان مش بحب البس بادي كارينا بيخنق في اللبس
ثائر :انتي تأمري كده تأمري أمر، يلا باي بقي اشوفك بالليل
“وتركها ورحل ”
رحيل :هو مكانش بيهزر! إيه الهبل ده بقي!!!!!!
………
في مكتب ثائر
إسراء :صباح الخير يا مستر ثائر
ثائر ،صباح الخير يا إسراء إيه الجديد النهاردة
إسراء :حضرتك عندك اجتماعين بس النهاردة مع موكلينك ومرافعة في قضية الساعة ٢ ،الاجتماعات واحد فيهم الساعة ٩ والتاني ١١ ونص
ثائر :طيب تمام يا إسراء ،إبعتيلي القهوة بتاعتي
إسراء :حاضر يا فندم
(كانت إسراء في طريقها لإحضار القهوة ولكن رن هاتف المكتب واسرعت لاجابته)
اسراء: الو
… :إيه ال الو الحلوة دي ياربي
اسراء:افندم؟ مين حضرتك
…. :أنا إللي شكلي مش هتصلح بسهولة
إسراء :إنت هتقول مين وعايز إيه ولا اقفل السكة في خلقتك ؟
…. :لا اقفلي عادي أنا جاي اوريكي خلقتي ،يلا سلام
إسراء…….
يتبع..
لقراءة الفصل التالي : اضغط هنا
لقراءة الرواية كاملة اضغط علي : (رواية أقدار القلوب)
