رواية أسيرة عائلة القناوي الفصل السابع والثلاثون 37 بقلم يوستينا سامي
رواية أسيرة عائلة القناوي الجزء السابع والثلاثون
رواية أسيرة عائلة القناوي البارت السابع والثلاثون
رواية أسيرة عائلة القناوي الحلقة السابعة والثلاثون
في المطبخ
نور كانت في المطبخ بتغسل مواعين بعد الفطار واتفاجئت بحد بيزغزغها من ظهرها
نور بخضة رمت الطبق اللي في ايديها في الحوض وبصيتله بذهول وقالت / هو انت عبيط ازاي تعمل كده انت رعبتني
عاصي مسك دقنها بايده بقوة وقال/ لمي نفسك اه بحبك وبموت فيكي بس مش هقبل باستظراف و طول اللسان
نور بحزن / طبعا اول حاجه بتعملها لما بعمل حاجة تضايقك بتمد ايدك ما دي عادتك ولا هتشتريها
عاصي / هو انا مديت ايدي اساسا قبل كدة عليكي طب ده انا ملاك بجناحات كدا و لا اقدر ازعلك
و قرب ناحيتها و هو بيحضنها بقوة علشان هي بتحاول تبعده
عاصي / بطلي تزقي فيا ده حضن برئ
نور بقوة / لا يا عاصي حضنك اللي زمان كنت بترمي فيه و هو مصدر اماني بقي دلوقتي مصدر رعبي وخوفي لانه بقي كله شوك .. بعد اذنك اطلع برا
عاصي / اممم يعني ده اخر قرار عندك
نور / اه انا مش هينفع ارجعلك بعد اذنك طلقني
عاصي وجه راسه بوجع و اتنهد و هو بيقولها / طيب يا نور ..روحي و انتي
و سكت وو لف وشه الناحية التانية و نور اتصدمت انه هيقولها بجد و زعقت بحده / اي ما تكملهااا قوول يا عاصي انا سمعاااك
عاصي بصلها ببتسامة / حاضر .. روحي خلصي المواعين و انتي راجعة اعمليلي كوباية شاي سكر من ايدك .. ماشي
و قرب و باس راسها بغلاسة و خرج من المطبخ
و خلاها واقفة تكلم نفسها بزهول / اهاا يا بارد يا رخم .. ده انت سمج يلااا
__________________________________________
في المستشفى
رهف قربت وبجراءة باسته و هو بادلها بوستها بحب شديد و لكن بعدوا عن بعض بفزع اول ما لقوا الباب بيتفتح و دخل الدكتور و ادي اذن خروج لرهف
اسر وهو بيشد رهف من ايديها / هو انا اخلص من سجى وتمارا يطلعلي الدكتور ده ايه الجوازة اللي مصر كلها باصة فيها دي
رهف ضحكت / فقري طول عمرك بجد .. بقولك اي ما يلا بينا نهرب احسن شكلنا قدام الدكتور زي الزفت
اسر/ انتي بتقولي فيها يلا بينا بس هروحك و بعدها هروح مشوار مهم اووي
واخذ اسر رهف عشان يروحها البيت ويحتفلوا بمفاجاه حملها
____________________________________________
في البلكونة
ملك كانت قاعدة علي سند الكرسي بتاع مراد و بيتفرجوا علي حاجة في الموبيل مع بعض
ملك بانبهار /الله يا مراد رسوماتك تحفه انا زمان سبتك وانت موهو بس رجعت لقيتك تجنن والله العظيم تجن
مراد هو لافف ايده حوالين وسطها و بيبوسها من خدها / والله ما في حد هيجنن امي غيرك .. ملك بصي بقى علشان انهي ام الحوار ده احنا هنكتب كتابنا النهارده
ملك برقت بصدمه وضحكت وقالتله / لا طبعا ازاي اديك شايف الدنيا مش متظبطه خالص ده كفايه نور وعاصي ولا تمارا ، انا مش هقدر يا مراد بجد
مراد مسك ايديها ونزلها من على مسند الكرسي وقعدها على رجليه وهو محاوطها بغيظ / لا بقى انتي زودتيها فيها قوي وانا اتخنقت وعايزك ليا ولا الهانم شايفه شوفه بره
ملك بصدمه / ايه اللي انت بتعمله ده ما تتلم يا ابني انت .. افرض حد دخل علينا وبعدين شوفة ايه .. هو انا عارفة اتنيل اشوف غيرك
مراد و هو بيمزلها بخبث و حاطط ايده علي وسطها / يبقى خلاص مش هتلم وكتب كتابنا هيبقى النهارده بالليل و لما نرجع مصر هعملك احلى فرح في الدنيا
ملك اتوترت قوي وبصيتله بقلق / بس لا مش هسيب شغلي يا مراد ومش هرجع مصر ثاني انا حياتي في مصر خالص انتهت ومستحيل ارجعلها تاني
مراد/ انتي قلقانه من ايه ماجده واتحبست واي حد بيساعدها اتجر معاها بسبب اللي عاصي عمله وخلصنا بقى ليه بتحاربي عشان تفتحي حاجات قديمه
ملك / والله ابدا بالعكس انا نفسي اترمي في حضنك وانسي كل حاجه بس
و قامت ملك من علي رجله و وقفت عند السور و سندت ايديها عليه / مش عايزة اتكلم يا مراد
و مراد قرب منها وحضنها من ضهرها ودفن وشه في رقبتها وقالها /وانا مش هسيبك واي حاجه وجعاكي هنعديها مع بعض بس وغلاوتي عندك دخليني حياتك و انا هفرفش امها
ملك لفتله و هي بتتسم / لو عايز تخش حياتي قوي فانا عندي النهارده ميعاد مع الدكتور بتاعي تيجي معايا يا مراد
مراد وهو ماسك شعرها وبيقرب منها وبيخطف بوسه سريعه / اكيد هاجي معاكي وانا هقدر اسيبك اصلا انا خلاص روحي اتعلقت بيكي
وما اقدرش يقاوم احساسه وحبه ليها وشدها وبدا يبوسها باشتياق عاشق غاب عن حبيبته سنييين و كل الوجع و الحزن منعتهم عن بعض لكن اتفزعوا هما الاثنين على شهقه سجى وهي حاطه ايديها على بقها وبتقول / يا عاصي الحق مراد بيبوس ملك بوسة عيب
مراد بعد عن ملك بغيظ / يا شيخة اتفو عليك يا عيله
فصيلة ، روحي يا اختي قوليله هخاف يعني و لا هخاف .
ملك / اوعي يا اخي جايبلي الكلام كدة علطوول
وعدى اليوم اللي ما خليش من هزار مراد وحبه لملك اللي دايما بيحب يظهره ومناغشه عاصي لنور عشان تسامحه ودلع اسر لرهف بعد ما عرف بحملها
________________________________________________
بعد حوالي اسبووووووع
في الشارع
مراد وهو حاطط ايده على كتف ملك وخارجين من المستشفى اللي شغالة فيها
مراد / مش عارف موضوع شغلك ده انا هستحمله و خصوصا ان انا حاسك بيتعبي قوي وبتفرهدي وانا مش عايز كده يا بنت الناس .. انا عايز كل طاقتك تبقي لياا
ملك بهزار / ده عند امه وبعدين انا بعرف اوزع طاقتي كويس قوي ما تخافش ، وبعدين مش انت قلت انك هتاكلني بره ولا الاستاذ رجع في كلامه
مراد / وانا اقدر برده يلا بينا يا عم الوحش بس خدي بقى شغلي اللوكيشن على التليفون عشان انا ميح
ومسكت ملك تليفون مراد ويا ريتها ما مسكته اتفاجئت برساله جاياله من ساندي مكتوب فيها وحشتيني قوي يا مراد انت مش متخيل المعرض ازاي وحش من غيرك يا ريت ترجع بقى
مراد كان واقف قدامها وحاط ايده في جيبه بملل / ما تخلصي بقى يا ملك شغلتي اللوكيشن ولا لا
ملك رفعت عينيها لعينه وكانت حبسه دموعها بالعافيه ورمت التليفون في وشه بغيظ / لا شغلت دماغي لاني كنت عارفه ان ما فيش راجل في الدنيا دي كلها هيستحمل انه يعيش لوحده من غير واحده وانك خاين زيك زي ابوك وزي اخواتك
مراد بصدمة/ اي العبط ده . خيانة اي و هبل اي
و متتكلميش كدة معايا سامعة
ملك / لا مش هسمع .. سيب ايدي
مراد بحده قاسية ملك مشفتهاش قبل كدة / لا هتسمعي و مش هتقولي الكلام ده تاني لان اللي بيني وبينك ما ينفعش يداس عليه بالرجلين ردي عليا فاهمه ولا لا
ملك مسحت دموعها و حركت راسها بمعني اه
مراد بحده / لا اسمع صووتك
ملك اتفزعت من صوته و قالت بصوت ضعيف / خلاص فاهمة يا مراد بس متزعقش
مراد حط ايده علي شعره و هو بيشده بغيظ و خنقى مش بس من الكلام اللي هي قالتله و جرحها ليه و معايرته بابوه لكن علشان خلاها تترعش و تخاف منه
و في وهلة مد ايده و شدها لحضنه و قالها بصوت حنون و هادي/ يلا بينا نطلع نتغدي و انا هحكيلك علي كل حاجة
واخدها مراد مطعم وحكالها كل حاجه تخص ساندي وانها بتحاول تقربله بس هو عمره ما اداها ريق واحد حلو و هي صدقته و واقف انهم يكتبوا الكتاب تاني يوم و ينزلوا مصر
________________________________________________
في الجامعة
نور كانت خلصت المحاضرات وخارجه اتفاجات بحسن واقف قدامها و مش عايز يتحرك
نور / في ايه يا حسن مالك واقف كده ليه قدامي بعد اذنك عديني
حسن بعصبيه بيمسك ايديها جامد / اعديكي بسهوله كده بعد كل اللي عملتيه فيه ده يا نور ، ايه كنتي مستخدماني كوبري عشان تغيظي جوزك بيا ويرجعلك .. استغليتي اني بحبك وما اقدرش استغنى عنك في انك تجرحيني يا نور
نور بصت حواليها بخوف وقالتله / ما حصلش الكلام ده صدقني ، انا ما كنتش اعرف ان عاصي هيرجع تاني او ردني .. بس الغلط عليا عشان دخلت القصه تاني وانا ما ننهيتش القديمه انا اسفه يا حسن بعد اذنك سيبني امشي
حسن / لا مش هتمشي .. نور انا بحبك أوووي وانا مقتنع انك بتحبيني زي ما بحبك ، بصي انا هساعدك تطلقي من اللي اسمه عاصي ده وتبقي حره بس اسمعها منك يا نور
نور وهي بتحاول تشد ايديها من ايده بس ما كانتش عارفه و لقت نفسها دمعت غصب عنها وردت بضعف / بس انا مش هقدر ابعد عنه ابدا .. يا ريتني كنت اقدر بس انا بحبه يا حسن
وفي اللحظه دي حسن لقه حد مسك ايده وشده من القميص بتاعه وقاله / سمعت قالتلك ايه , سمعت مراتي اللي عايزها تطلق مني وتتجوزك يا و*سخ قالتلك ايه
نور خافت قوي و عصبية جوزهااا و قربت منه و مسكت في دراعه جامد وقالت/ بلاش فضايح والنبي يا عاصي احنا في الجامعه عشان خاطري يلا نمشي
عاصي بعد ايديها عنه ومسك ايد حسن وقاله بغل وكره / الايد اللي مسكت مراتي يبقى نصيبها انها تتقطع وانا رافه بيك هعمل كدة بسسسس
مفاجاه نور شافت عاصي وهو بيكسر ايد حسن قدام عينيها وما قدرتش تعمل اي حاجه غير انها تحطي ايديها على بقها وتصرخ بصوت مكتوم .. مفيش ثواني وشافت حسن مرمي على الارض قدامها وهو بيصرخ من وجع ايده وعاصي يمسك ايديها وبيخرجها بره الجامعه
_________________________________________________
عاصي بغيره قاتلة وقف عربية و ركبواا هما الاتنين و اول ما روحوا البيت دخلوا الاوضة و كان واضح عليهم الخناق
عاصي يعصبية / كان عايز يسمع كلمة بحبك منك .. اي مقتليهاش ليه يا نور
نور ردت بثبات عكس رعبها من شكله و عصبيته اللي هي كانت اكتر واحدة عرفاهاة/ والله انت كنت موجود و سمعت الكلام اللي اتقال ، ياريت تسيبني في حالي
عاصي / والنبي اي . بس الهانم كانت واقفة بتتناقش المفروض تديله مية قلم علي وشه علشان اتجرا و مسك ايدك بس
نور بصتله بخبث و حبت تخرجه عن شعوره و قالت بثبات عالي جدااا / اوعي تكون فاكر اني قولت كدة علشان بحبك يا عاصي لاااااه فووق انا قولت كدة بس علشان خايفة عليه بجد
حسن ده اكتر بني ادم انا ارتاحت معاه و مستحيل اخليه يتاذي بسبب بني ادم يزيك ميعرفش الرحمة
عاصي اتصدم من كلامها و قرب ناحيتها و هو بيحاول يتملك من اعصابه/ انتي بتهلفطي بتقولي اي لو فاكره انك كدة بتنتقمي مني تبقي غلطانة يا ملك
و بعدين انا عارف انك بتحبيني انااا و كل الكلام ده كدب
نور / كدددب يا عاصي انا سبق و قولتلك بكرهك و طلقني.. عارف لو طلقتني والله لاروح لحسن و اتجوزه لانه الوحيد اللي بجد يستاهلني
عاصي كان حاسس ان نور بتضغط على اعصابه جامد ومسك كل حاجه موجوده على التسريحه ورماها على الارض وزق المرايه برجله كسرها وهو بيزعق / انتي ليه بتعملي فيا كده ، ليه بتيجي عليا قوي كده يا نور ، انا اه غلطت في حقك كتير بس بحبك وراجع عشان تسامحيني ليه بتدوسي على قلبي كده
نور / بس فات وقت السماح يا عاصي خلاص خلصت
وانا بكرهك و صدقني ده مش مجرد كلام من ورا قلبي .. الراجل اللي يستحلي لنفسه انه يضرب مراته و يشوفها بعينيه و هي بتتلوي من الوجع ولا اللي يذلها و يحبسها لانه عارف يا حرام انها ملهاش غيره
يبقي مش راجل و مش عايزاااه
عاصي بصلها بعتاب و وجع جامد / كل الكره والسواد اللي في قلبك دوت عشان ضربتك كام قلم عشان عبرت عن وجع طول عمري حبسه جوايا .. امال لو كنتي شفتي يوم واحد من اللي شفته من ابويا
امال لو كنتي اضربتي بالجرباج واتحبستي في الاسطبل و انتي بتنزفي و انتي عندك ١٠ سنين
اومال لو شوفتي ابوكي قدام عينك و هو بيموت في الناس ومش قادرة تتكلمي او تطلعي صوت .
و ضحك عاصي بوجع وقعد على السرير وهو بيبصلها بتامل / هو انتي فاكره انك عنيتي في حياتك انتم كلكم ولا حاجه قدام اللي انا شوفته .. بس انتي صح انا مش عايز ابقي معاكم
نور بوجع / علفكره بقي كل ده ميدكش مبرر انك تعمل فيا كدة .. انا ذنبي اي ادفع مشاريبك و تعبك انت . ليييه
عاصي رفع صباعه قدام وشها / لا يا نور انا كدبتش عليكي لانك من اول لحظه دخلتي فيها حياتي وبقيتي مراتي قدام ربنا وانتي عارفه انك معاكي بني ادم مش سوي .. و قبلتي و مع اول خبطة بعدتي يا نور . يا خساره حقيقي يا خساره
و خرج عاصي من الاوضه ولكن اتفاجئ بتماره وملك ومراد واقفين قدامه و سامعين تقريبا اغلب الخناقه جوه
عاصي وهو بيبصلهم بوجع ما قدرش يخفيه / اي واقفين كدة ليه ، عايزين تشوفوني وانا مكسور صح اطمنه انا فعلا اتكسر خلاص
لو عايزين تشمتوا فيااا انا اهو قدامكم
وبص لتمارا اللي كانت بتعيط علي حاله و هو كمان مقدرش يستحمل و فرت دمعة من عينيه وقالها/ انا ما كنتش اقصد اخرب حياتك يا تماره انا اه اللي قلت لزين انك انتي السبب في ادمانه بس والله غصب عني . انا كنت مغيب والله كنت مغيب
و سابهم عاصي و خرج من البيت لكن مراد جري ورااه
مراد و هو بيزعق جامد و بيجري وراااه / عاصي استني بالله عليك …عاصي استني
و فااااجاه
مراد بخضة / عااااااصي 😳😳
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أسيرة عائلة القناوي)
