رواية أسيرة انتقامه الفصل الرابع عشر 14 بقلم خلود محمد

رواية أسيرة انتقامه البارت الرابع عشر

رواية أسيرة انتقامه الجزء الرابع عشر

رواية أسيرة انتقامه الحلقة الرابعة عشر

ف الصباح ف منزل ملك”
استيقظت ملك ع صوت ضربات ع ظهرها وصديقتها ساره تهتف بيها بصياح
=انتي ي ستي ملك ي اللي لسه نايمه لحد دلوقت، قومي ورانا حاجات كتير لسه مخلصتش
تالمت ملك من ضرباتها وصياحها المرتفع، ابعدت الغطاء عنها ثم هتفت لها بغضب
=انتي مجنونه صح في حد يصحي حد كده انا غلطانه اني كلمتك امبارح وقولتلك اصلا
ساره بلا مبالاه لصديقتها الغاضبه
=كويس انك صحيتي، يلا قومي عشان عايزين نخلص البيت قبل ما القمر يجي ”
ملك بصدمه من لا مبالاه صديقتها
=اصدقي ان انتي بارده ثم قامت بقذفها بالوساده
حاولت ساره ان تتحاشي الضرب الواقع عليها وهي تضحك بشده
=بس ي ملك اهدي ي حبيبتي ايه اللي بتعمليه دا ،طب والله لاقول للقمر ع اللي بتعملي فيه وابوظلك الجوازه
زهلت ملك بما تتفوه بيه هذه المجنونه ثم هتفت بيها
=وكمان قمر، وعايزه تبوظي الجوازه طب والله ما حد نجدك مني انهارده.
قذفت ساره من ع الفراش ثم أسرعت ناحيه باب الغرفه وهتفت لها بترجي
=اهدي ي ملك خلاااااااص سماح ي معلم مش هعمل كده تاني ”
ملك وقد لعمت ف عينيها فكره
=عايزيني اسامحك بس بشرط؟
ساره وهي تعقد حاجبيها بتعجب!
=شرط! ودا شرط ايه ان شاء الله
ملك مجيبه
=تحضري ليا الفطار
ساره بموافقه
=حااضر ي لوكه عشان خاطر الست اللي بره اللي تعبانه دي من الصبح، هحضرلك الفطار، بس انتي ادخلي خدي دش وانا هحضر وبعد كده نساعد خالتي فاطمه
ملك بابتسامه محببه
=ماشى ي سوسو اما نشوف
خرجت ساره من الغرفه لتحضير الفطور،
قبل أن تتجه ملك الي المرحاض، خطت باتجاه الفراش الخاص بيها ثم أخرجت من تحت الوساده صوره تجمعها بوالدها المتوفي تأملت الصوره وع محياها ابتسامه
=وحشتني اووي ي حبيبي، ووحشني حضنك وضحكتك وطبطبكتك عليا كان نفسي تبقي معايا انهارده وخاصه ف يوم زي دا لأنك كان نفسك تعيشه وكنت اكيد هتبقي مبسوط انهارده وانا كمان كنت هبقي مبسوطه وفرحتي كبيره لما تبقي معايا وتبقي سندي وضهري اللي اتحما فيه من الدنيا، اخذت الدموع تتجمع ف عيني ثم هتفت بصوت متحشرج
=انا عارفه انها كانت السبب ف اللي حصلك مقدرتش تستحمل الفضيحه اللي عملتها ليك لما طلبت الطلاق وسابتنا ومشيت وراحت اتجوزت، كنت عارفه انك زعلانه ومكسور بس مش راضي تبيني لي عشان مزعلش بس انا كنت بحس بيك ي بابا، كنت حسه وعارفه اد ايه انت موجوع منها، لأنك متستحقش يحصل فيك كده، عارف ع الرغم من اللي عملتوه فينا معرفتش اكرهها ومش عارفه احبها حسه اني تايهه وضايعه وانا مش عارفه اقرر اانا حسه بايه ناحيتها،
عارفه اني دوشتك بكلامي بس انا مليش حد افضفض له غيرك ربنا يرحمك ي حبيبي انا هقوم بقا عشان اجهز بس هحكيلك ع حاجه هتحصل باليل، ماشي
اخذت تكفكف دموعها المنهمره ع خديها ثم وضعت صوره والدها تحت الوساده بعد أن قرات له الفاتحه ثم اتجهت نحو خزانتها وأخذت أغراضها وخطت باتجاه المرحاض واغلقت الباب خلفها
…………………………………………………………………………………………………
ف قصر مراد الطلخاوي
خرج مراد من المرحاض ملتف حول خصريه منشفه طويله وعاري الصدر وبيديه منشفه صغيره يجفف بيها شعره نظر مراد الي ساعه الحائط وجدها مازالت التاسعه ثم اتجه الي حيث يوجد هاتف المنزل وخاطب الخادمه بأن تحضر له الفطار والقهوه الخاصه بيه
بعد فتره ارتد مراد حلته الرماديه وقميص اسود وقام بتسريح شعره ووضع ساعته الثمينه ووضع البرفان الخاصه بيه ثم اخذ من ع الطاوله متعلقاته
هبط من ع الدرج بخطوات هادئه رزينه، دلف غرفه السفره وجد الخادمات يضعون الطعام الإفطار الخاص بيه ف صمت تام ثم اتجهوا ال الخارج
ترأس طاوله الطعام وشرع ف بدا فطوره و ع وجهه يعتلي ملامح مبهمه غير مفهومه
وجد ازيز هاتفه يتعالي برقم صديقه معتز أجاب عليه وهو يستمع الي ما يتفوه بيه
معتز
=ايه ي مراد هتروح ع الشركه ولا تقعد تجهز لي باليل
مراد بهدوء
=هروح ع الشركه الأول هخلص حبه حاجات وبعد كده نبقي نروح
معتز بتفهم
=تمام، هتاخد سالي معانا انهارده ولا لاء
مراد محيبه بهدوء
=لا مش هناخدها دور سالي لسه مجاش لحد دلوقت
معتز بتسأول
=طب وهو ايه دورها
مراد وهو ع حالته
=لما وقتها يجي اكيد هتعرف
معتز
=ياا باي عليك ي مراد، ايه ي مراد التقل دا انا خايف من كتر ما انت تقيل تقع ومحدش يقدر يقومك
مراد وقد تهجمت ملامح
=هتهزر ولا ايه
معتز متراجعا
=لا ي عم ولا بهزر ولا نيله، وانا هقفل اهو واقبلك ف الشركه عشان الباشا بيزعل
مراد متسائلا
رجعت ورق الصفقه الجديده وخلصته
معتز
=اها خلصته ورجعته ولما تروح الشركه هبعتهولك
هتف مراد بيه
=تمام ، اشوفك ف الشركه.
ثم أغلق الهاتف وتناول القهوه الخاصه وشرع ف شربها متجاهلا رنين سالي المتواصل
…………………………………………………………………………………………………
ف فيلا سالي
اخذت ترزع الغرفه زهاب واياب وهي تصك ع أسنانها بشده من كثره العصبيه والغضب
=انا ي مراد متردش عليا ،ماشي اما نشوف اخرتها معاك ايه وانت مشغول بالبتاعه دي بقالك سنين بدور عليها ومش عاطيني فرصه ارقبلك وحتي لما لقيتها شاغل دماغك بيها، الانتقام مسيطر عليك ومش عاطي لنفسك فرصه تفتح قلبك وتحسي بحبي ليك من زمان، بس صدقني بمجرد ما تخلص انتقامك منها وترميها ف الشارع هجبرك انك تحبني وتفتح قلبك دا ليا،
ثم ابتسمت بخبث وابتسامه شيطانيه تعتلي ملامحها ضغطت ع زر الهاتف برقم معتز
=الو ي معتز عامل اي
معتز
=تمام الحمدلله انتي ايه اخبارك
=كويسه الحمدلله، ثم تنحنحت
=هو مراد عامل ايه
معتز عاقدا حاجبيه باستغراب
=الحمدلله بتسألي عليه ليه هو مكلمكيش
سالي بنفي
=لا مكلمنيش، وعماله اتصل بيه مش بيرد عليا هو أنت معاه
هتف لها بنفي
=لا مش معايا بس هنتقابل ف الشركه بعد شويه
سالي
=اها، يعني هتبقوا ف الشركه بعد اد ايه
معتز مجيبا اياها
=بعد ساعه من دلوقت
سالي وهي تبتسم
=تمام،ماشي سلام
معتز وهو يهز راسه باستغراب
=سلام
ثم أغلق الهاتف و هتف بحنق
=كنت ناقصك انتي كمان مش كفايه سي مراد اللي مش عارف له أولي من آخر ولا عارف هيعمل ايه مع البت الغلبانه دي ، ربنا يستررر ثم نهض واتجه ال الخارخ
…………………………………………………………………………………………………
ف منزل ملك
خرجت ملك من المرحاض وقامت بتجفيف خصلات شعرها الذهبيه وقامت بعقصه وقامت بربطه اتجهت خارج الغرفه سمعت صوت خالتها وساره وهم يتمازحون مع بعضهم وصوت ضحكاتهم يتعالي اتجهت ناحيتم ثم هتفت لهم بي ابتسامه هادئه
=ي سلام ي سلام ع الروقان
خالتها فاطمه بحب
=تعالي ي ملك شوفي مقصوفه الرقبه وهي عماله تتريق
ملك وهي تسالها بجديه
=سبيك منها ي خالتي وانتي ي ساره جهزتي لي الفطار ولا لسه
ساره وهي تسرع بوضع الطعام ع الطاوله الصغيره ف المطبخ
=طبعا حضرته، احلي فطار لاحلي ملك ف الدنيا
جلست ملك ع الطاوله وهي تبتسم لها
=شكرا ي سوسو ثم شرعت ف تناول الطعام
هتفت خالتها لساره الواقفه بجوار ملك
=يلا ي ساره ع الصالون نخلصه وبكده نكون خلصنا وعملنا كل حاجه
أومات لها الحاجه فاطمه ولكن قبل أن تتجه لخارج المطبخ
=وانتي ي ملك لما تفطري ابقي اتصلى بالحلواني يبعتلنا علبتين جاتوه عشان الناس اللي جاي
ملك تؤمي لها براسها بالايجاب
=حاضر ي خالتو
خرجت الحاجه يليها ساره الي خارج المطبخ
…………………………………………………………………………………………………
ف منتصف اليوم
ف شركه مراد
بدا مراد ف الانتهاء من عمله وهو منصب تركيزه عليه ثم هاتف السكرتيره بأن تأتي له
طرقت السكرتيره ع باب المكتب
مراد بجديه
=ادخل
دلفت السكرتيره ايي الداخل واغلقت الباب من خلفها
=الملفات دي عايزكي تديها لكل المسؤلين عن العلاقات العامه، وتخليهم يشتغلوا عليها وف نهايه الأسبوع هعمل اجتماع ليهم واشوف الإنجاز اللي حققه فيهم
السكرتيره
=تمام ي مراد بيه.. حاجه تانيه
مراد بنفي
=لا، هو معتز ف مكتبه
السكرتيره
=اها ي مراد بيه لسه ف مكتبه
مراد
=خليه يجيلي ع المكتب
السكرتيره
حاا ضر ي مراد بيه
مراد
=اتفضلي ع مكتبك
السكرتيره
=تمام ثم تحركت باتجاه باب المكتب لتفتحه وجدت سالي تدلف هي الاخري بداخل المكتب
السكرتيره باحترام
=اتفضلي ي سالي هانم
نظرت سالي لها بتافف وهتفت بيها
=وسعي كده وانتي ساده السكه
تفسحت لها السكرتيره المجال وخرجت من المكتب
خطت سالي داخل المكتب وهي تتحرك بخطواتها الانثويه المتاميعه الي ان وصلت الي خافه مكتب مراد وزعت نظراتها فيه ثم انتبهت الي عضلاته صدره الضخمه البارزه من تحت قميصها
لمح مراد نظراتها له ورمقها بنظرات غير مكترثه وهتف بيها
=جايه ليه
نظرت له سالي بضيق من حده سؤاله
=جاي عشان اشوفك مش بتردي ع إتصالاتي ليه
مراد كاذبا
=مشفتش الموبايل وانتي بتتصلي بلس انه ع الوضع الصامت فأكيد مسمعتوش
تفهمت عليه ولكنها لم تصدق ثم سألته باستهجان
=ناووي تعمل ايه مع البت الزباله عشان نخلص من انتقامك دا اللي بتحضرله من سنين طويله
هتف لها ونهض من مقعده الوثير وهو يرتدي جاكت بدلته
=هانت خلاص متقلقيش، ودورك جاي،
ثم اخذ متعلقاته واتجه خارج المكتب باتجاه مكتب معتز بخطوات سريعه واثقه
بداخل مكتب معتز
ينهض من ع مكتبه واضعا يده خلف ظهره وقد مل من كثره الجلوس ع مقعده بسبب الأعمال وجد من يدلف عليه مكتبه ويامره
=يلا ي معتز عشان نمشي ورانا ميعاد
معتز متعجبا
=ايه دا انتي هتروح دلوقتي
مراد بنفي
=لا مش دلوقتي بالظبط بس نجهز ونروح
معتز بنظره مطوله له
=ماشي زي ما تحب ثم تحرك ناحيته وخرجوا من المكتب واتجهوا ال الخارج حيث ينتظرهم مساء حافل
…………………………………………………………………………………………………
ف المساء
انتهت الحاجه فاطمه وساره من كافه التجهيزات وترتيب المنزل وهاتفت ملك الحلواني واتي لها بيهم بما تتطلبت وبدأت تعدهم ف الأطباق مع بعض العصائر
دلفت لها خالتها وجدتها قد انتهت من تحضيرهم
=يلا ي ملك انتي ع اوضتك اتجهزي والبسي عقبال قبل ما يوصلوا وهتلاقي فستان جديد محطوط ع السرير بتاعك البسيه ي حبيبتي
ملك وهي تترك ما بيدها
=ماشي ي خالتي وانا خلصت حطيت الحاجه ف الأطباق والعصير جاهز
=ماشي ي ملك روحي انتي عشان متتاخريش
أومات لها ثم تحركت ناحيه الخارج للتجهز
…………………………………………………………………………………………………
ف المساء
ف سياره مراد ومعتز قد وصلوا الي المنطقه التي تقطن بيها ثم ترجلوا من السياره حيث كان مراد يرتدي بدله كحليه اللون مع قميص ابيض وجرفت من نفس اللون الكحلي ومعتز مرتديا بدله رماديه اللون بقميص موف وجرفت رصاصي، ترجلوا من السياره ومن خلفهم عربه الحرس الخاص بيهم
معتز وهو ينظر لمراد الممسك بباقه الورد وهتف بيه مازحا
=مسكت انت الورد وسبتلي الشيكولاته
ضحك له مراد ولم يعقب ثم خطوا داخل البنيه القديمه
ف غرفه ملك
ساعدت ساره ملك ف ارتداء فستان من اللون الزهري يضيق من الوسط وينزل بوسع طويل ويوجد من اسفله ورود صغيره منتشره عليه مع حجاب من اللون الأبيض وقد أصرت عليها ساره بوضع القليل من مساحيق التجميل فجعلتها ايه ف الجمال وأصبح وجهها يشع رقه وجمال وبرائه
نظرت ساره بانبهار وإعجاب
=واووو ي ملك طالعه زي القمر ي كتكوته
ملك بابتسامه
=بجد
ساره وهي تؤمي لها
=طبعا بجد دانتي تهبلي وتطيري العقل كمان، ربنا يسعدك ي حبيبتي
ملك وهي تحتضنها
=حبيبتي ي ساره ربنا يخليكي ليا
سمعا صوت طرقات ع الباب يليها صوت خالتها فاطمه وهي ترحب بهم وتطالبهم بالدخول ثم تشرع خالتها بغلق الباب
ف الخارج
دلف مراد ومعتز الي حيث يوجد الصالون
الحاجه فاطمه مرحبه بيهم
=اهلا بيكم نورتو وشرفتو
مراد بابتسامه هادئه
=منور بيكم ي حاجه
معتز بابتسامه
=احنا مبسوطين اووي بوجودنا مع حضرتك
الحاجه فاطمه تهتف له بسعاده
=احنا اسعد والله
ثم قامت ناهضه
=استأذنكم ثانيه
معتز بهدوء
=ع راحتك
اتجهت الحاجه فاطمه الي غرفه ملك
=يلا ي بنات ادخلوا المطبخ هاتوا الحاجه وتعالوا بره
خرجت الفتاتان الي الخارج هتفت الحاجه فاطمه الي ملك
=ايه الجمال دي ي بنتي بسم الله ماشاء الله عليكي
ملك بابتسامه
ربنا يخليكي ي خالتي
ساره بضيق زائف
=احنا هنفضل واقفين ولا ايه يلا عشان منسبهمش لوحدهم
أومات الحاجه فاطمه وملك لها ثم اسرعوا باتجاه المطبخ
شرعت ملك بتناول صنيه العصير وساره ممسكه باطباق الحلوى ثم تحركوا ناحيه الصالون
دخلت الحاجه فاطمه اولا وجلست مع مراد ومعتز
بعد برهه دلفت ملك ويليها ساره
انتبه مراد لها وقد صدم من شكلها وججابها وجمالها الباهر ولكنه تلاشي وحل محله البرود
ام معتز فقد بهر بجمالها الاخذ للعينين فيتماشي تمام هذا الفستان الأزرق مع لون عينيها الأزرق الساحر فقد كانت جميله بحق انتبه ع حاله بصوت خالتها وهي تحدثها قائلا
=تعالي ي ملك انتي وساره
رفع مراد نظره من ع ملك ووجه بصره الي تلك الغريبه الي بجانبها أيعقل انت تكون اختها ولكنها ليست بملامحها وجد الاجابه من خالتها
=دي ساره زميله ملك
معتز وقد أعجب بتلك الصغيره التي تخطو ال الداخل هي الاخري وازادت ابتسامته حينما لمح ابتسامتها لصديقتها ملك
جلسوا كليهم ف الصالون واخذ ينظروا لبعضهم البعض.
تنحنحت الحاجه فاطمه وهتفت بملك
=قومي ي ملك قدمي الحاجه
نظرت لها وفعلت ما طلبت منها حينما قامت وأخذت العصير وقدمته الي مراد الذي تناوله منها واخذ ينظر الي زرقه عيناها ويتاملهم رأت ملك تحديقه بها فتنحنحت فهتف لها
=شكرا
اومان راسها له وهتفت بصوت منخفض
=العفوا ثم تقدمت من معتز وقدمت لها هتف لها هو الاخر شاكراً
=شكرا ي عروسه المستقبل
خجلت ملك منه ثم استدارت وناولت كل من خالتها وساره وجلست بجوارهم
بعد فتره تنحنح مراد هاتفا لها
=احنا طبعا مبسوطين ان حضراتكم وفقتوا، عشان كده انا حابب ابدا علطول لاني مبحبش اللف والدوران
الحاجه فاطمه وقد تفهمت عليه وانصتت له
=طبعا ي ابني وانا موافقك، اتفضل
مراد بجديه
=انا كنت طالب يعني بما انكم موافقين ان الجواز يكون علطول
الحاجه فاطمه متنحنحا
=يعني ايه ي ابني وضح ازاي علطول
مراد وهو ع جديته
=يعين انا طالب ان الجواز يكون خلال أسبوع اسبوعين بالكتير. ومش عايزك تقلقي هيبقي ف آكبر فندق ف البلد وهيبقي احسن فرح الناس تشوفه
صدمت الحاجه فاطمه بما يتفوه بيه هذا المراد فهو كانت تريد أن الجواز يكون سريعا ولكن ليس بهذه السرعه فهتفت بيه زاهله
=بس مش شايف انه الجواز بسرعه اووي واحنا لسه مجزهناش بقيت حاجه ملك
مراد مجيبا اياها بجديه بعد أن كان مسلط نظره ع ملك المندهشه من طلبه
=انا عايزه ملك بشنطه هدومه ميهمنيش حاجه غيرها، وانا عايز الجواز بسرعه مبحبش الجوازات اللي بتفضل تتطول لاني بحسها تفاهات عشان كده بطلب من حضرتك أن الجواز يكون خلال أسبوع اسبوعين بالكتير
الحاجه فاطمه متسائله
=بس هي لسه بتدرس؟
مراد مجيبا بهدوء
=عادي هتكمل دراستها بعد الجواز
ع الرغم من سرعه بالجواز الا ان الحاجه فاطمه أعجبت بيه بشده لذلك نظرت الي ملك وجدت علامات الخجل عليها، وف نفس الوقت سيكون حل لهم ف معضلتهم التي يوجوها لذلك هتفت له بابتسامه
=واحنا موافقين
سعد مراد كثير بهذه الموافقه بينما هتف معتز لهم
=يبقي نقرأ الفاتحه
شرعوا ف قرايه فاتحه ملك ع مراد وع ملامح مراد والحاجه فاطمه السعاده وملامح ملك المضطرب والمندهشه ف نفس الوقت ومعتز الذي يبتسم وينظر الي ساره المبتسمه ه الاخري
بعد انتهائهم من قرأه الفاتحه وجه مراد بصره الي ملك وهتف لها
=مبرروك
ملك وقد توردت وجنتيها وهتفت بصوت يكاد مسموع
=الله يبارك فيك
ثم قامت ساره باحتضان وهتفت لها بنبره حب وسعاده
=مبرووك ي لوكه، اخيرا هشوفك عروسه ي حبيبتي، ثم ابتعجت عنها وقامت ملك بتقبيل خالتها التي احتضنها ع الفور وأخذت تربط ع ظهرها بينما قام معتز باحتضان مراد وهتف له =مبرووك ي صاحبي
هاتفه مراد
=الله يبارك فيك ي معتز
ابتعد مراد عن معتز بينما هتف معتز الحاجه فاطمه متسالا
=ممكن نسيب العرسان مع بعض شويه
نظرت الحاجه فاطمه لملك الناظره للارض ثم اومان براسها له
=ماشي بس هما 10دقايق ونطب عليكم
اوما لها مراد موافقة ع حديثها، ثم قام كلا من بالغرفه بالخروج الي الخارج معهم معتز الذي اخذ ينظر الي ساره وع محياه ابتسامه خبيثه،
تاركين مراد وملك بمفردهم……..