رواية أسيرة الثائر الفصل الثالث 3 بقلم نشوة عادل
رواية أسيرة الثائر الجزء الثالث
رواية أسيرة الثائر البارت الثالث
رواية أسيرة الثائر الحلقة الثالثة
-انفعل مجد من كلامها وبقى هو فوق وهى تحت وفجأة خنقها من رقبتها جامد لدرجة انها حتى مكنتش قادرة تصرخ نزل ع رقبتها وقبلها بعنف وبعدين قام من عليها لما لقاها تعبت… إيچة: هدفعك تمن اللى عملته ده غالى اوى
مجد بابتسامة ساخرة: لسه متخلقش اللى يقف فى وش حاجة مجد جلال عاوزها
خرج وسابها وهى فضلت تبكى لاول مرة تحس انها خايفة منه ….. فى مكان تانى كانت جنة نايمة ع سرير فى وسط غرفة شكلها شيك جدا بس مخيف ابتدت تفوق قامت قعدت وهى حاسة الرؤية عندها مش كويسة
جنة: انا….. انا فين؟
صوت من جنبها: انتى معايا يا جنتى
جنة لفت لمصدر الصوت وهى خايفة وبتهته فى الكلام: ان….. انت مين وانا فين وعاوز منى ايه
ثائر بحب: متخافيش يا قلبى انا اكتر واحد بالكون كله مينفعش تخافى منه لانى بحبك
جنة باندهاش: بتحبنى يعنى ايه بقولك انت مين؟!
ثائر وهو بيبص فى عيونها: هتعرفى بعدين انا مين
كانت جنة بتبص فى عيونه وحسيت فجأة كأن عيونه دوامة تاهت فيها وابتدت تردد وراه: نغم مكنتش معايا امبارح ولا اتصورت معاها ولا نامت جنبى
بعدها حست بدوخة شديدة الدنيا بتلف بيها ثائر بصوت عالى: لازم تفوقى من الغيبوبة وترجعى لحياتك لازم تفوووووقى
ومع صدى الصوت الاخير فتحت جنة عيونها بخضة ولقيت نفسها ع اجهزة داخل غرفة وجنبها ممرضة ابتسمت ليها وقالت: حمدالله ع سلامتك يا جميل
جنة: انا فين هو ايه اللى حصل؟
الممرضة: كنتى فى غيبوبة وفوقتى منها الحمدلله كنا خايفين تستجيبى ليها حمدالله ع سلامتك عن اذنك انده للدكتور عشان يجى يفحصك
خرجت الممرضة ودخلت بسمة وماريان بلهفة عليها … ماريان: انتى كويسة حبيبتى انا اسفة انا السبب فى اللى حصل بس انتى كنتى مصممة ان نغم كانت معاكى وده محصلش
جنة: نغم مين اللى كانت معايا! نغم من يوم ما سافرت مش شوفتها اصلا!
ماريان وبسمة بصوا لبعض باستغراب وبصدمة لكن محبوش يتقلوا عليها دخل الدكتور فحصها واتأكد انها بخير وانها ممكن تخرج من المستشفى … فى مكان ما وفى قاعة اجتماع داخل بيت خاص وقف رجل فى بداية الخمسينات من عمره يتكلم مع رجالته
الرجل: احنا لازم نوصل للقصر الرئيسى بتاع السلطان ونتخلص منهم للابد والا حياة البشر كلها هتتعرض للخطر
واحد من الشباب: بس يا استاذ اشرف الموضوع صعب جدا لان للاسف انهم عندهم قدرات تشبه مصاصين الدماء والجن وده بيصعب علينا الوضع غير انهم لما بيتشكلوا كأشكال بشرية مبنقدرش نعرفهم
اشرف: يعنى ايه نستسلم!
الشاب: بالطبع مقولتش كده بس لازم حد مننا يندس وسطهم كواحد منهم ويجيب لينا الاخبار
اشرف: الموضوع ده مش سهل ابدا ومش مستحيل برضه بس ازاى؟
الشاب: جنة بنت حضرتك هى اللى تقدر تعمل كده
اشرف بغضب: انت اتجننت يا لؤى انت عاوزنى اعرض حيات بنتى للخطر بايديا
لؤى: يا فندم افهمنى جنة فيه واحد منهم بيحبها ودايما جنبها ومعاها ومش اى حد ده ولى العهد
اشرف بصدمة: تقصد ثائر؟!
لؤى: ايوة هو
اشرف: وانت عرفت منين بالكلام ده؟!
لؤى خرج فلاشة وشغل عليها فيديو لجنة بتتكلم مع حد مش موجود وبعدين استخدم الاشعة اللى تحت الحمراء اللى بينت شكل ثائر بوضوح … لؤى: صدقتنى يا فندم
اشرف: ايوة بس انا لو قولت ليها ان فيه مستذئب بيحبها مش هتصدقنى وانا عمرى ما هعرضها للخطر.
لؤى: متقلقش يا ريس هى هتكون بأمان لان غالبا حب ثائر ليها قوى وده اللى هيخليه عمره ما يإذيها وكمان يظهر نفسه بسرعة ليها وده هيسهل لينا كتير احنا هنستمر فى مراقبتنا ليها عن بعد لحد ما بسلامته يبان وعليه الامان
اومأ اشرف رأسه بالموافقة …. عند ثائر اللى كان قاعد بغرفته دخل عليه شخص ما يبدو عليه الهيبة
شخص: ثائر عاوزك فى مهمة ضرورية
ثائر: اوامرك يا سلطان
السلطان: فيه شخص من البشر بيحاول يوقع المسذئبين ومجمع مجموعة معاه للغرض ده لازم نتخلص منهم كلهم ومن عيلته كمان وبسرعة
ثائر: اوامرك مطاع بس مين هو؟
السلطان: …………………………………………….
ثائر بصدمة: مش ممكن و
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أسيرة الثائر)
