رواية أريدك لقلبي الفصل الثامن عشر 18 بقلم ندى أحمد
رواية أريدك لقلبي الجزء الثامن عشر
رواية أريدك لقلبي البارت الثامن عشر
رواية أريدك لقلبي الحلقة الثامنة عشر
>مالك انا كنت مستنيه ترجع تشوف تاني عشان كل واحد يروح لحاله .. طلقني يا مالك
=انتي اكيد بتهزري يا مريم ! طلاق ايه ! طب والست سنين الي ضيعتيهم من عمرك عشاني سهل عادي انك تتخلي عنهم و تتطلقي بعدها ؟!
>انا بنت اصول ومكنش ينفع اسيبك ف محنتك و اعيش حياتي عشان كدا وقتها قررت اهتم بيك لغايه لما تشوف ولما تشوف اقدر اسيبك بما انك خلاص تقدر تعيش لوحدك
= بس انا مقدرش اعيش من غيرك يا مريم
> متقلقش مفيش حد مش بيقدر يعيش من غير حد تاني .. دا مجرد كلام بنقوله
=طيب ينفع تديني فرصه ؟ فرصه اثبتلك اني اتغيرت جامد فالست سنين الي فاتو
> اخدت فرصتك زمان يا مالك .. لما رجعتني لعصمتك و اليوم الي بعدو علطول رحت تتخانق عشان عشيقتك
= عارف اني غلطت فحقك كتير يا مريم بس معني انك استحملتيني وانا اعمي ٦ سنين انك لسا بتحبيني وعندك امل اتغير و اهو اتغيرت فعلا
> انا سبق وقولتلك اني فضلت معاك بس عشان انا بنت اصول ومكنش ينفع اسيبك ف محنتك
= مريم الي اعرفها مكنتش هتصر اوي كدا وكانت هتسامحني لانها بتحبني
> الزمن بيغير الناس وانا الزمن علمني حاجات كتير اولهم ان كرامتي اهم من اي حاجه و اي حد فالدنيا
= لو فضلتي معايا مش هتبقا اهانه لكرامتك يا مريم .. انا استحق فرصه اخيره
> انا حضرت شنطي وخلاص ماشيه اجرت شقه قريبه من شغلي و هعيش فيها .. مع السلامه يا مالك
وخرجت من الشقه وهو لسا مش مستوعب انها فعلا عايزه تتطلق .. مريم الي استحملت منه كتير وحتي لما كان هيتجوز عليها مأصرتش عالطلاق بالشكل دا و دلوقتي عايزه تتطلق ؟!
*عند حور وشادي *
^يا شادي يا ابني الدكاتره بيقولو انها خلاص تقدر تروح بيتها ف خدها و روحو بيتكم
~ حاضر يا حماتي
طبعا ام حور فاكره انهم لسا متجوزين نظرا ان شادي مقالش لحد خالص انه طلقها قبل الحادثه
شادي خبط عالباب
-محدش يدخل ! مش عايزه اشوف حد
فتح الباب و دخل
-بتدخل ليه !! مش قولتلك مش عايزه اشوف حد ؟!
كانت حور ماسكه مرايه صغيره وبتبص فيها
~ بتعمل ايه بالمرايه ؟!
هو كان خايف انها تجرح بيها ايدها وتنتحر
-شوف كان تجعيده ظهرت ف وشي ؟! و كمان بقا فيه حبوب
~ مفيش تجاعيد يا حور متهيألك بس وبعدين الحبوب بتروح وتيجي
-كل دا بسببك يا شادي بسببك ! ضاع احلي سنين حياتي وانا ف غيبوبه بسببك .. نمت وانا عندي ٢٣ سنه وصحيت وانا عندي ٢٩ سنه يا شادي ! كنت ف اوائل العشرينات فجأه خلاص قربت علي اوائل التلاتينيات .. انت ضيعتلي حياتي
~ انا عارف غلطتي يا حور و صدقيني طول م انتي فالغيبوبه وانا بلوم نفسي و مش بقدر انام كويس من عذاب الضمير بس انتي كمان غلطتي يا حور .. متقوليش اني غلطت وحدي .. غيبوبتك دي انا وانتي لينا ايد فيها
-انا غلطت فعلا و حفيت وراك عشان تسامحني و سامحتني بس بعدها انت بدأت بقا تشك و تألف حاجات من دماغك و طردتني من الشقه فنص الليل
~ طيب طالما انا سامحتك ف انتي كمان سامحيني .. غلطتك مكنتش سهله ولا بسيطه و رغم دا سامحتك
-وانا غلطتي ضيعتلك ٦ سنين من عمرك ؟!
~ ضيعتلي سنين الخطوبه الي كانو ٣ و ضيعتلي كل السنين الي قبلها الي كنت بدعي فيها انك تكوني ليا
-بطل دراما بقا
~ طيب يلا استعدي عشان رايحين بيتنا
بضحك -بيت ايه يا بابا !!
~ هنروح للمأذون الاول عشان ارجعك
-هترجعني غصب عني مثلا ؟! بقولك مش عايزاك .. م .. ش .. عاي…زاك
~ هتعيش بعيد عن بنتك؟!
-اووف قولتلك خمسين مره معنديش عيال
~ ليه كلامي مثلا مش منطقي ليكي ؟ ليه كونك حامل فالاسبوع الاول لما دخلتي فالغيبوبه مش منطقي ؟! انا ملمستكيش مثلا ف شايفاه مش منطقي ؟! لو مش فاكره يعني ف احنا جوازنا اتحول لجواز حقيقي بعد لما رحنا للمأذون ورجعتك
-وياريته م كان اتحول حقيقي .. طبعا انت كانت خطتك انك تاخد مني الي عايزه بعدها بقا تمثل انك بتشك فيا وانك يعيني مش قادر خلاص تعيش معايا وبعدها تطلقني وترميني فالشارع فنص الليل صح كدا ؟
~ لا طبعا اكيد مفكرتش كدا
-طب اطلع يلا لاهلي و اهلك وقولهم انك طلقتني قبل الغيبوبه .. يلا اتشجع و روح قولهم و اه هتيجي تقولي مامتك وبتاع انا مبقتش خايفه من حد يا شادي روح قولهم
شادي كان مستغرب جدا من حور الي صحيت من الغيبوبه وهي شخص تاني خالص … شخص غضبان و حاقد و شجاع .. يمكن لما كانت بتفتكر السنين الي خسرتها من عمرها دا بيقويها و يخليها اقوي من الاول
~يعني مش هتعيشي معايا انا وبنتك ؟ مش عايزانا خلاص ؟
-ايه دا فهمتها لوحدك دي ؟ لا شطور
وقتها حوريه دخلت الاوضه
وجريت علي حور حضنتها و بعدها مسكت ايدها
+عارفه يا مامتي انا وبابا كنا بنيجي هنا كل يوم و نقعد معاكي ونحكيلك الي حصل معانا فاليوم .. وكنت بدعيلك دايما وانا بصلي انك تصحي .. ماما هو اكل الامهات بيكون شكله ازاي ؟ اصحابي بيقولو ان اكل مامتهم احلي اكل فالدنيا .. ينفع لما نروح بيتنا توريني اكل الام شكله ازاي ؟
حور ملامحها هديت لما سمعت كلام حوريه .. اد ايه هي طفله بريئه وجميله ..
-اسمك ايه يا اموره
+حوريه
حور بصت علي شادي وعينها مليانه دموع
-انا اسمي شبه اسمك ..
+اه حافظه اسمك يا مامتي
-طيب بابا عامل ايه معاكي
+بيهتم بيا طول الوقت و بياخدني معاه الشغل ومش بيسبني لوحدي ابدا ..
-كان بيحكيلك ايه عني
+ بيقولي ان مامتي احسن ام فالدنيا وانك بتحبيني خالص و هتفرحي لما تصحي وتلاقيني كبرت ف لما كان بيقولي كدا بشرب اللبن علطول
حور حضنتها
+ماما هو انتي زعلانه مني ؟
-لا يا حبيبتي ليه بتقولي كدا
+امبارح زعقتي جامد وقولتي انك مش عندك اطفال
-لا كنت تعبانه يا حبيبتي ف قولت كدا
+يعني بتحبيني ؟
-ايوه يا روحي
وحضنتها جامد
اما شادي كان بيبص للمنظر دا بحب
-يلا يا حوريه اطلعي برا ثانيه هقول لباباكي حاجه بعدها هنيجي معاكي
+ماشي يا مامتي
وطلعت من الاوضه
~ اقتنعتي انها بنتك اخيرا
حور مسحت دموعها
-انا هاخد حوريه و هأجر شقه وهنعيش فيها
~ مش فاهم
-يعني احنا مش عايزينك فحياتنا .. زي م انت قعدت مع بنتي ٦ سنين انا كمان هاخدها تعيش معايا ٦ سنين وبعدها بقا هي تقرر تكمل عمرها الي باقي مع انهي واحد فينا
~ بس انا مقدرش اتخيل يومي من غيرها يا حور !! انتي اكيد بتهزري صح ؟؟
-وانت مين اصلا عشان اهزر معاك .. حوريه هتعيش معايا خلص الكلام
~ انا هسيبك تهدي شويه وتعرفي تفكري
-انت شايفني بشد شعري قدامك ! انا خلاص اتخذت قراري
~ وانا مش موافق اسيبلك بنتي
-هو حد مستني موافقتك اصلا ؟!
~حور متعمليش كدا متبعدنيش عن بنتي
حور قامت من عالسرير و خرجت من الاوضه وهو خرج وراها
وكانو اهلها واهل شادي مستنين برا الاوضه
-كنت حابه اقولكم علي حاجه شادي خباها عنكم .. شادي طلقني قبل لما ادخل الغيبوبه
طبعا الصدمه بانت علي وجوههم
-بس انا من حقي دلوقتي اخد بنتي و اربيها ٦ سنين زيه و لما تكبر هي هتقرر تعيش مع مين فينا
ام شادي : بس يا بنتي شادي روحه ف بنته وميقدرش يستغني عنها ..
-يا طنط زي م هي بنته ف هي كمان بنتي وانا كمان مقدرش استغني عنها
اهله واهلها طبعا مكانوش عارفين يقولو حاجه ..
حور مسكت ايد حوريه
-يلا يا حوريه هنروح لبيتنا
+ وبابا فين
-لا انا وانتي بس هنكون مع بعض
بعياط +انا عايزه بابا معانا
-بابا يا حبيبتي عنده شغل ومش فاضيلك اما انا فضيالك وهقعد معاكي طول الوقت
حوريه فلتت ايدها من ايد حور وجريت علي شادي
بعياط + بابا صحيح الكلام دا ؟ مبقتش فاضي ليا و عايز تسيبني ؟
دي كانت المره التالته فحياه شادي الي يعيط فيها .. لحظه فراقه عن بنته
~ ايوه كلامها صح انتي هتعيشي مع ماما من انهارده
بعياط + بس انا بحبك يا بابا متسبنيش !!
~ هبقا اجي اشوفك كل يوم
بعياط + انا عايزاك تعيش معايا ! عايزاك تأكلني وتلبسني و تنيمني و توديني المدرسه .. انت اب مش كويس علي فكره
~ هتوحشيني ..
وسابها و كان ماشي بس حوريه جريت وراه وهي منهاره من العياط
+بابا متسبنيش بابا !!
بس شادي مكنش راضي يبص عليها .. وكمل طريقه لاخر المستشفي و حور راحت اخدت حوريه من عالارض
-تعالي يلا يحبيبتي نروح بيتنا .. هنروح فندق الاول بعدها بكرا انا وانتي ندور علي بيت حلو وبعدها هروح اشتريلك هدوم والعاب كتيير
بعياط +انا مش عايزه هدوم ولا العاب .. انا عايزه بابا
-تعالي بس نروح الفندق و اهدي شويه .. هتعيطي علي اب مش عايزك ؟
بعياط +هو قال مش عايزني ؟
-وقال كمان انه تعب منك وعايز يعيش حياته
بعياط + بس انا مكنتش بتعبه والله .. حتي ساعات كنت بكدب عليه واقوله اني مش جعانه عشان ميتعبش ويعملي اكل .. و ساعات لما بيكون عايز ينام وهيموت وينام بس مستنيني انام وقتها بنام بالعافيه عشان هو ينام ويرتاح
-هو الخسران يا حبيبتي يلا بينا عالفندق
ابو شادي : ينفع الي بتعمله بنتك دا يا حاجه انتصار !! ( ام حور )
^ والله يعني دا حقها بما ان ابنكم مطلقها قبل الحادثه يعني هما حاليا مطلقين يبقا من حقها تربي بنتها لغايه لما توصل سن الرشد كمان .. دا القانون فمصر
ام شادي : بس شادي كرس حياته لبنته و بقا متعود علي وجودها
^زي م اتعود علي وجودها يتعود علي عدم وجودها
ام شادي : اخس عليكي يا حاجه انتصار كنت فاكره اننا اهل وانك هتقنعي بنتك انها تسيبله البنت طالما مش راضيه ترجع ل ابني
^انتي كمان هتعتبريني قليله الذوق عشان بناخد حقنا ؟
ومشيت وسابتهم
حور لما اخدت بنتها و راحو الفندق كانت بنتها طول الطريق بتعيط .. دخلو اوضه الفندق الي كانت فخمه ومع ذلك حوريه مهتمتش و قعدت عالسرير تعيط لغايه لما نامت
اما حور فكانت زعلانه علي حال حوريه بس كانت بتطمن نفسها انها هتتعود علي عدم وجود شادي ..
الصبح اتصلو بيها من الريسبشن وبلغوها ان فيه حد عايز يشوفها و بيقول انه طليقها
حور قالتلهم انها مش عايزه تشوفه و انهم يطردوه من الفندق
~ يعني ايه مش عايزه تشوفني !!
¥ لو سمحت يا فندم ياريت متعملناش مشاكل وتمشي بهدوء ..
~ طيب قوليلها بس اشوف بنتي .. دقيقتين بس اشوفها
¥بيقول لحضرتك يا فندم انه عايز يشوف بنته دقيقتين
-لا قوليله نايمه ومش هينفع يصحيها
¥بتقولك نايمه
~ طيب اشوفها حتي وهي نايمه .. مش هصحيها والله
¥بيقولك هيشوفها وهي نايمه
-طلعوه برا لو سمحتي .. المفروض الواحد يحس بالامان فالفندق هنا وانا مش حاسه ب دا و ممكن اشتكي لاداره الفندق لو خليتوه يطلع عندي !
¥ح..حاضر يا فندم هنطلعه برا
بعدين قفلت المكالمه
¥لو سمحت يا فندم انت كدا هتضرني فشغلي وممكن تتسبب ف رفدي .. لو سمحت اطلع برا بهدوء
ب استسلام ~ حاضر
خرج من الفندق وقعد عالرصيف وهو حزين جداا .. هو اصلا مقدرش ينام وبنته بعيده عن حضنه .. كل يوم كانت بنته بتنام ف حضنه .. هو اتعود علي وجودها لدرجه انه مش فاكر يومه كان شكله ازاي قبل لما يكون اب لحوريه ..
اما حور فكان ضميرها بيأنبها علي الي هي عملته وانها فرقته عن بنته .. بس هي عايزه توجعه زي م وجعها لما طلقها وسابها فالشارع فنص الليل .. كانت عايزه تاخد منه حياته زي م اخد منها احلي سنين عمرها
صحت حوريه براحه
-حوريه يلا اصحي عشان نروح المدرسه
حوريه قامت بسرعه
+بابا جيه ! فينه هو فالحمام صح ؟
دخلت الحمام بس مكنش موجود
+بابا فين
-بابا مش موجود خلاص يا حبيبتي ..
+انتي كدابه !! بابا عمره ميتخلي عني
بصدمه -بتقولي علي مامتك كدابه يا حوريه ؟! لا فعلا شادي عرف يربي
+بابا رباني احسن تربيه
-كمان بتردي عليا .. طيب مفيش مدرسه انهارده يا حوريه
+احسن بردو !
و راحت نامت
وحور مصدومه من كلامها و ردودها عليها .. كانت بتفكرها بنفسها وهي صغيره لما كانت عندها الشجاعه تواجه مامتها و ترد عليها ..
عدت الايام وهي رافضه تخلي شادي يشوف بنته ولو دقيقتين حتي .. و شادي كل يوم يروح الفندق و يكلمها ويتوسل ليها عشان بس يشوف بنته ولو دقيقه بس هي مكنتش بترضي .. كانت بتقضي كل يومها فالاوضه فالفندق عشان ميكونش عنده اي فرصه يشوف بنته لما يخرجو برا الفندق .. و دا كان بيعذب شادي جدااا كان حاسس ان روحه بتتسحب منه بالبطئ
بعدها ب اسبوعين كان خلاص جاب اخره
راح الفندق و ضرب الامن الي فالفندق الي حاولو يطردوه و زعق للموظفه فالريسبشن عشان تقوله رقم الاوضه ف قالتله عليه وطلع بسرعه للاوضه وخبط جامد عالاوضه
حوريه لما سمعت صوته جريت بسرعه عالباب وفتحتله وكانت حور وقتها بتاخد شاور
ولما حوريه شافته حضنته جامد
بعياط + اوعي تسبني تاني يا بابا .. وحشتني
شادي حضنها جامد
~ قلب بابا انا عمري م هسمح لاي حد انه يبعدك عني
حور خرجت من الشاور واتصدمت لما شافته قدامها
-انت بتعمل ايه هنا ! دخلت هنا ازاي !
~ حور اقعدي ونتكلم بهدوء .. بصي مصلحه البنت اهم حاجه و الاحسن ليها انها تتربي فعيله سويه .. ارجعيلي عشان خاطر حوريه وانا اوعدك اننا هنعيش مع بعض ك اتنين منفصلين ومش هقرب منك .. احنا هنرجع عشان بنتنا بس تعيش بينا
-وانا ايه الي يجبرني ارجعلك والقانون ف صفي و اقدر اربي بنتي وحدي
~ بصي كدا علي حوريه ازاي شكله بقا باهت من العياط ؟ عرفتي انك هتخسري كتير لو نفذتي الي فدماغك وحرمتيني منها ؟!
حور عارفه من جواها ان شادي عنده حق وان فعلا من مصلحه حوريه انها تعيش معاهم هما الاتنين
-تمام موافقه ارجعلك بس هنعيش كأننا منفصلين
~ تمام ..
و راحو للمأذون و اتجوزها و بعدها راحو شقه شادي
بفرحه+يعني هنعيش كلنا مع بعض ؟!
~ ايوه يا روحي كلنا مع بعض
+هيييه
دخلو الشقه وكانت زي م هي متغيرش فيها اي حاجه غير اوضه الاطفال
~ انا هنام مع حوريه ف اوضتها وانتي نامي ف اوضه النوم
-تمام
دخلت اوضه النوم وحطت هدومها فالدولاب .. وهي بترتب هدومها فالدولاب لاحظت صور تحت هدوم شادي .. كانت صورهم مع بعض
فتحت الادراج عشان تحط الشرابات بس كمان كان فيه صور ليها هي وشادي .. شادي لسا منسيش حور .. لسا بيحبها ولسا بيبص ف صورهم
رتبت هدومها و حاجتها و طلعت للصاله بعدها سمعت صوت حوريه و شادي من المطبخ
وقفت عند طرف المطبخ عشان تشوفهم وهما مش شايفينها
+ ايه رأيك فالبيض دا يا بابا ؟ عرفت اعمله المرادي ؟
(كانت كسرت البيضه ف الطبق )
~ ايه دا ازاي عرفتي تكسري البيضه بالشكل الحلو دا .. لا لا انتي كدا عديتيني فالطبخ
حوريه مسكت شعرها بغرور
+ اومال انت فاكرني قليله ؟
شادي ضحك عليها
~ يلااا الخطوه الي بعدها ايه هي
+ هنعمل الفطاير !!
~ ايوااا يلا اهي العجيبه جهزت
+ استني يا بابتي انا عايزه اعمل فطيره لوحدي
~ طيب يلا وريني مهارتك
كانت حور بتتفرج عليهم وهي حاسه بالحنين .. هي من زمان كان نفسها فعيله متحابه كدا ويمكن دي كانت من اكتر الصفات الي كانت بتحبها ف شادي .. انه بيحبها وانه طيب وينفع يكون اب كويس
هي طول عمرها عايشه مع مامتها الي كانت بتدور علي اي فرصه عشان تكسرها .. ظنا منها انها لما تكسرها يبقا كدا مش هتقدر تعمل حاجه غلط ولا توطي راسهم ونسيت اصلا انها كدا بتخليها معدومه الشخصيه .. بتخليها كبرت من غير حب ولا اهتمام .. اما ابوها ف كان دايما بيشتغل فالخارج بيرجع البيت بس كام شهر كل كذا سنه ..
حور دخلت المطبخ و شادي وحوريه اتوترو
-ينفع انضم ليكم ؟
بصدمه ~ ايه !!
-يعني اطبخ معاكم
+هيييه هنطبخ كلناا
اما شادي فكان لسا مصدوم
-ها يا شيف شادي عايزني اعمل ايه
~ قطعي الخيار
بضحك +ايه المهمه السهله دي يا بابا
-بتضحكني عليا يا بنت !!
و زغزغتها جامد 😂
بضحك +يا ماما خلاص خلاص
اما شادي ف كان بيتفرج عليهم وهو مبسوط
-ايه دا بتتفرج علينا زي القط الجعان كدا ليه ؟ انت كمان عايز تتزغزغ ؟!
شادي بعد
~ لا لا
بس حور قعدت تزغزغ فيه 😂😂
~ خلاص يا حور حرام عليكي هموت من الضحك كفايه
-خلاص اهو انا طيبه و هسيبك
اما حوريه فكانت بتصور مامتها وباباها وهما بيضحكو مع بعض
حور بصت ل شادي
-لسا نظراتك ليا زي م هي يا شادي .. معقول طول السنين دي عدت ومع ذلك لسا نفس النظره ؟
~ لان الحب مش بيقل مع الوقت يا حور ..
-انا سامحتك يا شادي .. وبعتذرلك عن اي وجع سببتهولك
شادي حضنها
~المهم انك رجعتيلي
+ ايه دا عييب ! بتحضنو بعض قدامي ازاي !
شادي وحور ضحكو
-انت كنت بتربيها عالضحك ولا ايه مش فاهمه ازاي دي بنت عندها خمس سنين
~طالعه ذكيه زيي
-وليه متكونش ذكيه زيي مثلا مثلا
وضحكو كلهم و اتصورو اول صوره عائليه ليهم
#انتهت حكايه حور و شادي
*عند مالك و مريم *
مالك اصر يعرف مكان بيت مريم وفعلا عرفه ..
=مريم اديني فرصه اخيره وسامحيني
بصتله بصدمه > انت ازاي عرفت اني ساكنه هنا !
= يا مريم اخر فرصه اوعدك اني اتغيرت
> طيب كويس انك جيت .. بص بقا انت لو مطلقتنيش لغايه اخر الاسبوع دا هرفع عليك خلع
=خلع !!ً
>ايوه
= ويهون عليكي تخلعيني يا مريم !!
> انت شكلك فاكر اني لسا بحبك يا مالك .. هو انت عملتلي ايه حلو عشان افتكره اصلا واتمسك بحبي ؟ انت كل شويه كنت تكسر فيا وتكسر كأني مش انسانه .. كل دا عشان كنت اقل منك يا شادي ! عشان انت الرئيس التنفيذي الكبير لكن انا مريم الي مش بتعرف تكتب وتقرأ .. مريم البسيطه الي كانت بتعامل الناس بحب ومستعده تعمل اي حاجه عشان جوزها يحبها !! اناا اتغيرت يا شادي ولعلمك انا اتعلمت القراءه والكتابه بعد الحادثه بتاعتك وكمان اخدت كورسات و دلوقتي بقيت بشتغل فشركه ..انا مبقتش مريم الي تعرفها
= انا كمان اتغيرت صدقيني .. انا بحبك يا مريم
بضحك > بتحبني ؟! يا تري بتحبني عشان وقفتي جمبك و لا عشان اتغيرت ومبقتش مريم الجاهله بتاعت زمان ؟
= بحبك عشان انتي يا مريم .. مش عشان انتي اتغيرتي ولا عشان وقفتي جمبي
> حتي لو .. انت مبقتش تهمني ولا يهمني اعترافك دا بمقدار ذره .. انا تعبت منك يا مالك ومبقتش عايزاك فحياتي .. لو سمحت لو فعلا ممتن لوقفتي جمبي يبقا طلقني من غير شوشره
وطلعت بيتها و قفلت الباب
اما مالك ف ميأسش .. قدم ال CV بتاعه فالشركه الي مريم بتشتغل فيها واتقبل بس اتقبل كموظف نظرا انه ليه ٦ سنين بعيد عن مجال البرمجه
مريم اول لما شافته فالشركه اتصدمت
> انت كمان جاي تضايقني هنا ف شغلي !!
=اضايقك ايه يا مريم .. انا اتقبلت فالشغل هنا
> وقدمت ليه عالشغل هنا ؟! كان قدامك كذا شركه تانيه
=انا وانتي عارفين السبب يا مريم
> رغم دا مش هديك اي فرصه سامع !!
وسابته وراحت تكمل شغلها
كل يوم لما يخلص الشغل يحاول معاها و يكلمها بس هي ثابته علي قرارها لغايه لما زهقت من محاولاته للكلام معاها وانها تسامحه
بزعيق > حرام عليك بقا انت مش بتتعب !! قولتلك سبني فحالي يا مالك وطلقني ! انا خلاص مبقتش عايزاك هو بالعافيه يعني !!
كل الموظفين فالشركه كانو واقفين بيتفرجو عليهم
= بس انا بحبك يا مريم ومش هتخلي عنك ولا هسيبك غير لما تسامحيني
عز وقتها خرج من مكتبه عشان يشوف الصوت العالي
عز : ايه يا مريم فيه حد ضايقك ؟!
مالك بصله بغيظ = هي مش اسمها مس مريم او مدام مريم حتي ؟!
عز : اه مش انت الموظف الجديد الي وظفته من شهر كدا ؟
= مريم تبقا مراتي ف استريح يعني فمكتبك دا خلاف عادي بين المتجوزين
عز : لو سمحتي يا مدام مريم خلي الخلافات دي للبيت
بعد اليوم دا مريم راحت المحكمه ورفعت قضيه خلع و طبعا لما مالك جتله ورقه من المحكمه ب القضيه دي اتصدم لان مكنش متوقع انها فعلا ترفع خلع
*بعد سنه *
كان مالك قاعد عالبحر وهو متضايق ..
طبعا عندكم فضول حصل ايه بعد قضيه الخلع ..
مريم كسبت القضيه و خلصت من مالك و طبعا لما عز عرف انها خلاص مبقتش متجوزه استني يعدي وقت مناسب بعدها فاتحها فالموضوع .. هي كانت فالاول رافضه بس لما شافت اصراره عليها وحبه ليها قررت تديله فرصه و اتخطبو .. كان عز فيه كل الصفات الي كانت عايزاها تكون فمالك .. بيحبها جدا ومخلص ليها و طيب جدا معاها وعمره م جرحها بكلمه ولا حرف
لدرجه انها من كتر ارتياحها ليه وافقت ان الفرح يكون بعد ٣ شهور خطوبه .. والنهارده فرحها علي عز
مالك بقا وحيد خالص بعد وفاه مامته اثناء لما كان اعمي .. وبعد لما مريم سابته و انهارده فرحها علي غيره .. هو تقريبا مكسبش حاجه فحياته و طلع منها وحيد .. خسر مكانته لما كان مدير تنفيذي و خسر الانسانه الي حبته من قلبها .. اليوم دا مالك قرر يبدأ حياته من الاول .. يبدأ بدايه نضيفه
#تمت
لقراءة الرواية كاملة اضغط على : (رواية أريدك لقلبي)
انا مش شايفه غير انه حور غلطانه وكل شوية بتغلط اكتر ما شادي معاه حق انه يشك فيها ويعمل كداا واكتر كمان من كدا وبالرغم من كدا فضل معاها طول الست سنين ومتجوزش مع انه دا حقه وكل دا وبقت انانيه برضو ف الاخر قد اي هي وحشه وجدا بجد…… ومالك برضو واحد اكتر من اناني بأمانه