رواية أريدك لقلبي الفصل الثالث عشر 13 بقلم ندى أحمد
رواية أريدك لقلبي الجزء الثالث عشر
رواية أريدك لقلبي البارت الثالث عشر
رواية أريدك لقلبي الحلقة الثالثة عشر
-انت كداب يا مالك .. انت الي بعت الفيديو وجاي تمثل عليا البراءه
= والله مبعتش حاجه !!
-اومال هيكون مين الي بعت لو مكنتش انت !!
وقتها شادي دخل الاوضه علي حور ف حور اتخضت و قفلت المكالمه
~ طيب عالاقل استني لما اطلقك بعدها كلميه براحتك لكن انك تكلميه وانتي لسا علي ذمتي دا معناه ان كرامتي و رجولتي مش فارقه معاكي
بتوتر – شادي هو الي اتصل والله ومن رقم غريب
~ ومقفلتيش ليه المكالمه اول لما عرفتي انه هو ؟!
-هو كان بيقولي حاجه مهمه ..
~ حور انا اسف بس بما انك مقدرتنيش ولا عملتيلي حساب ف انا كمان هعمل زيك .. انتي طالق يا حور
بصدمه – طالق !! احنا لسا متجوزين من اسبوع يا شادي .. عايز الناس تقول عليا ايه !!
~ انا نازل اتمشي شويه وعايز ارجع الاقيكي مش موجوده فالشقه
و خرج فعلا من الشقه
اما حور فكانت قاعده علي السرير بتعيط ومنهاره .. هترجع لمامتها ازاي وهي مطلقه ! طيب مامتها هتعمل فيها ايه .. وهتخرج ازاي الشارع اصلا بعد لما الناس يعرفو انها اتطلقت بعد اسبوع من جوازها
وهي بتعيط مالك رن
بزعيق وعياط -حرام عليك انت ليه عايز تدمر حياتي !! ليه اتصلت بيا لييه
مالك زعل علي حالتها
= طيب اهدي بس وقوليلي اي حصل
بعياط -شادي طلقني لما عرف اني بكلمك وفاكرني بخونه واحنا متجوزين .. شادي بسببك طلقني بس استني صح انت ليه تزعل اصلا .. دا اصلا الي انت كنت عايزه
= انا مكنتش عايز انه يطلقك بالطريقه دي يا حور .. انا كنت عايزه يطلقك لما انتي تكوني مقرره انك عايزه تتطلقي
بعياط -ممكن تبعد عني خالص وتنساني ؟! وياريت متتصلش برقمي تاني و انا مش عايزه اسمع صوتك تاني اصلا
وقفلت المكالمه ف وشه
و بعدها كسرت خط الموبايل و رمت الموبايل عالحيطه واتكسر
اما مالك ف بعد المكالمه دي قلق علي حاله حور خصوصا انه اتصل بعدها وكان الموبايل مغلق ف افتكر ان ممكن شادي يكون عملها حاجه
حور لما سمعت صوت فتح الباب جريت عليه بسرعه
-شادي .. انت لازم تصدقني يا شادي
~ ليه لسا موجوده فالشقه يا حور !! هتقعدي فنفس الشقه مع طليقك ؟!
بعياط – والله م عملت حاجه عشان تعاقبني بالطريقه دي يا شادي .. انا بريئه
~ لو سمحتي انا مش عايز طليقتي ف شقتي ف ياريت تتفضلي عند بيت اهلك
بعياط – مش هخرج من الشقه يا شادي !!
و راحت عند اوضتهم و دخلتها و قفلت الباب بالمفتاح
بزعيق – مش همشي يا شادي !!
بزعيق ~ مش مهتم خليكي عادي انا معنديش مشكله !
اما مالك ف لما خلص المكالمه افتكر حوار الفيديو وبعدها اصر انه يدور علي الي بعته عشان عالاقل حور تصدقه
راح الشركه و سأل لو فيه حد اتطلع علي التسجيلات غيره بس المسئول عن التسجيلات قاله انه مستحيل يخلي حد غير المدير يشوفهم او ياخدهم كمان
ف كدا مفيش حل غير ان الي اخد التسجيلات اخدهم من علي موبايله ..
فلاش باك يوم فرح حور
مالك رجع البيت بعد لما قرر انه خلاص مش هيبعت التسجيل وانه خلاص هيسيبها تعيش مع الي اختارته
ساب الموبايل عالترابيزه وكان داخل الحمام ياخد شاور
>استني يا مالك !
= نعم يا مريم
> ينفع تفتحلي الموبايل عايزه اشوف وصفه اكل جديده عشان اعملهالك
= وموبايلك فين يا مريم ؟
> موبايلي بيشحن و انت عارف انه بيقعد وقت عشان يشحن
= طب هاتي افتحلك موبايلي
فتح الباسورد و اداهوالها و دخل الحمام
> دلوقتي يا حور هوريكي ازاي تخدعيني علي اساس انك صديقتي و انتي الي شاغله بال جوزي و بتحاولي توقعيه .. هحول اجمل ايام حياتك لجحيم زي م حولتي اجمل ايام حياتي و خلتيني وانا عروسه انام كل يوم معيطه .. هتجربي الشعور دا يا حور زيي
و بعتتلها الفيديو
بعدها عملت بلوك لرقم شادي و مسحت الشات الي بعتت فيه الفيديو
باك
=ايوا صح مريم خلتني افتحلها موبايلي يومها عشان كانت هتشوف وصفه اكل .. معقول مريم تعمل كدا !! ازااي دا انا كنت فاكرها طيبه و غلبانه وملهاش فالمؤامرات دي
رجع بيته بسرعه عشان يواجه مريم
مريم وقتها كانت واقفه فالمطبخ بتطبخ
= مريم تعالي عايزك !!
> نعم يا مالك
= انتي الي بعتي الفيديو لشادي !
> فيديو ايه مش فاهمه
= مريم انا حتي مشكتش فيكي ولو للحظه .. ليه عملتي كدا ليه تدمري حياه انسانه مرضيتش تدمر حياتك !!
بضحك > مرضيتش تدمر حياتي ؟! انت مستوعب الي بتقوله ؟! الي بتتكلم عنها دي مثلت انها صحبتي وهي من ورايا بتطعني فضهري .. الي بتتكلم عنها دي كانت اول واحده اعتبرها صديقه ليا و انا يعيني كنت زي العبيطه بشتكيلها من جوزي وبقولها مش عارفه ليه بيعمل معايا كدا وهي كانت عارفه انت بتعمل كدا ليه معايا ..
= علي فكره هي اتخذت قرار جوازها من شادي وانها تتخلي عني بس عشانك !! عشان متكونش ظالمه ليكي بعد م اعتبرتيها صحبتك ..
> حتي ولو .. دا مش هيشفعلها انها حولت اول ايام جوازي لجحيم .. حبيت اوريها اد ايه الموضوع مؤلم لما احلي ايام حياتها تتحول لجحيم
= ومخطرش علي بالك وانتي بتبعتي الفيديو ان كدا شادي هيطلقها و انا وقتها هتقدملها و هتجوزها ؟!
بضيق > انا لما فكرت فالنقطه دي قولت اكيد مش هتتجوز واحد دمر حياتها ..
= مريم انتي طالق
تفتكرو مالك كان صح لما طلق مريم ؟ هل الي عمله غلط ؟وهل شادي كان ليه الحق انه يطلق حور ؟
يتبع…
لقراءة الفصل التالي : اضغط هنا
الرواية كاملة اضغط على : (رواية أريدك لقلبي)
