رواية أحبك ولكن الفصل الثاني 2 بقلم روان مسلم
رواية أحبك ولكن الجزء الثاني
رواية أحبك ولكن البارت الثاني
رواية أحبك ولكن الحلقة الثانية
اقترب منها واحتضنها وهو يقول ويقبل رقبتها
مراد=انا بحبك يا عليا ….وبموت فيكي
دفعته بعيدا وقالت
عليا =بس مش بطيقك و مش عايزه اشوفك تاني .
مراد بدء يقترب منها ولكنها أكملت قائله
عليا =اياك تقرب مني أو تلمسني تاني تعرف انا بقيت بقرف منك ومن نفسي اني حبيتك ….عارف ذكرياتنا اللي مفروض افتكرها واعيط بتفكر واضحك عارف ليه
مراد =ليه ؟
عليا =علشان بتكون عباره عن واحده مغفله بتحب من طرف واحد …..و واحد مستخسر يبعدها لانو شايفها بتحبوا وسيابها استبن مع علاقتوا
مراد =من طرف واح…..
وقبل أن يكمل سمع صوت إطلا*ق نا*ر عالي قادم من غرفه في الطابق الثاني تحرك بسرعه من امامها وهي أيضا تحركت بتجاه الغرفه
#######################
في الغرفه حيث دخل فهد ليجد نور تضحك هي و والدها الذي يحمل سلا*ح و وعندما نظر حوله وجد أثر طلقه في الحائط
فهد برعب=ايه اللي حصل هنا ؟
نور =اهدي في ايه …..بابا كان بينضف المسدس وخرجت طلقه منو عادي
نظر فهد لها بعدم تصديق حيث انه سمع ذلك الحديث الذي لم يفهمه وان كان ينظف السلاح لماذا صرخت بدء الشك يتسلل الي عقل فهد
فهد=لا بس اتخضيت من الصوت
دخلت عليا ومن خلفها مراد والذي تسأل عن ما حدث ولكن لم ترد عليه نور واخذت عليا وخرجت بتجاه غرفتها
مراد.نظر لظلها بحزن لقد ادرك انه خسرها للأبد
فهد =غلط يبقي تستحمل
مراد =مش قادر عقابها تقيل اوي اوي اوي اوي
فهد =وخيانتك كانت اتقل بكتير
مراد =انا مخنتهاش
فهد =امال كنت بتلعب بلياردو….مراد مش تلف وتدور
مراد=انا اه مش احسن حد واخطائي كتير وعرفت بنات بعدد شعر رأسي ….بس لما وعدت اني مش هاخنها و وعدت انها الاولي والأخيرة عمري كنت هاخلف الوعد
فهد بضيق=امال ايه حوار السكرتيره
بدء مراد يحكي له
##########################
في غرفة نور حيث جلست مع عليا
نور =شكرا انك جيتي
عليا =ومش هاجي ليه انتي ناسيه انك بنت عمي واختي الكبيره
نور=وانتي مش هاتنسي اللي عملوا مراد
عليا =لو سم
قبل أن تكمل قالت نور=انا مش عايزه ابرر لأفعالوا لأنها كلها زي الزفت ولا حتي هاقولك سمحيه لانو مش يستاهل بس هاقولك شوفي حياتك ادي فرصه لأشخاص جداد يدخلوا وينورا حياتك ويبعدوا كل الذكريات المؤلمه وافتحي صفحه مش فيها مراد ولا حبوا ولا خيانتوا ممكن؟
عليا ببتسامه حزينه=اكيد
خرجت عليا وظلت نور تفكر فيما حدث بغرفة والدها
FLASH Back
لاحظت نور شخص يرفع سلاح*ه من أحد البلكونات بتجاه والدها
نور =بابا حاسب
ودفعته بعيدا وهي تجري بتجاه الشخص الذي أسقط مسد*سه وهرب فأمسكته نور ولكن سرعان ما اخذه والدها قبل أن يدخل فهد
Back
قاطع تفكيرها دخول قاسم شاب طويل وسيم يشبه عليا الي حد كبير
قاسم =كل حاجه جهزت وجبناهم كلهم
نور=اهم حاجه مش عايزه حد يعرف عنهم حاجه لحد ما نخلص كل اللي ورانا ونفضلهم
قاسم =نور لازم نقعد ونتكلم اللي انتي بتعمليه ده اسمو انتحا*ر
نور=قاسم ارجوك انا عارفه انا بعمل ايه كويس
قاسم =لا انتي لأول مره مش عارفه انتي بتعملي ايه ولا عارفه تاخدي قرار صح ولا عارفه حتي تفكري بعقلك قلبك متحكم ومسيطر عواطفك سيقاكي لمكان انتي اللي خسرانه فيه وبس
نور=بحاول احميهم مش هاقدر اشوفهم بيتأذوا
قاسم بغضب=ممكن تفهميني لأمتي هاتفضلي شايله همهم هما رجاله كبار ثم ان عدوات العايله دي لينا كلنا احنا ولاد العائله وانتي فضلتي سنين شايله ده عنهم تفتكري لما تتجوزي انتي وطلال مش هايكونوا في خطر لما يكونوا ماسكين كل املاك العائله
نور=قاسم انا مضغوطه سيبيني انا مش حابه اتناقش كتير وقول لسليم يجهز ورق صفقة روما
قاسم بخيبة أمل =حاضر
###########################
في غرفة فهد
حيث جلس وامسك هاتفه
فهد=ماتشنج ايه اللي اعملوا ؟
نغم =ماتشنج معايا نلبس نفس اللون
فهد=انا مبحبش شغل العيال ده ثم اننا صحاب عادي نعمل ماتشنج ليه ؟
حزنت نغم وتغيرت نبرتها=انت صح وعندك حق نعمل ماتشنج ليه ؟ ده انت حتي زي اخويا
فهد بتعجب =اخوكي !
نغم =طبعا اخويا جدا جدا …..يلا بقا سلام
فهد =سلام !
وأغلقت الخط قبل أن ترد عليه
بدء فهد يفكر لماذا قال هذا هل هي فعلا مجرد صديقه ؟
ولكن سرعان ما نفض تلك الأفكار ليفكر في كلام نور وما حدث ما الذي تقوم به يسبب في حمايتهم فاكل ما يعرفه انها تمسك الحسابات الخاصه بشركات العائله فقط
##########################
في صباح يوم جديد في منزل غزال حيث استيقظت عروس هذا المنزل
لتجد مراد يدخل غرفتها وهو يحمل فستان باللون الاسود مرصع باللؤلؤ باللون الفضي يتميز بضيقة من الاعلي ونزوله بشكل واسع مثل الاميرات
نظرت نور لمراد التي اتسعت عينيه وهو ينظر للفستان لها
مراد=مش مصدق انك هاتكوني عروسه ….. انتي كنتي ليا ام واخت وصديقه وانهارده هاتكوني اميره بس مش لينا لطلال
نور=ايه ده انت هاتعيط يا مراد؟
بدء مراد يضحك ودموعه تهبط
مراد=حاسس انو هياخد اميرتنا لي
نور =مين ؟طلال
مراد=ايوا شاعر الليل ده……. شوفتي آخر روايه كان كاتب فيها ايه
نور=لا مش شوفت لسه هايجب نسختي
مراد=اهدي هذة الروايه لصاحبة العيون الزرقاء الذي سرقت قلبي ومن قبله عقلي ومن بعدهم خاطري لقد أخذت كل شئ وتركتني اجلس لأشاهد قلبي وعقلي وهم يتتبعونها من مكان الي آخر
وفي طبعا الباشا بيعاكس في اختي مش قصادي لا ده قصاد الكوكب كله
ضحكت نور =انت عارف طلال رومانسي وبيميل للتعبير عن مشاعروا قدام الكل
مراد=وانا قرطاس لب صح ثم كفايه تلزيق بقا
نور = امممممممم…..تلزيق وانت مكنتش ملزق مع عليا
مراد بحزن=ضاعت
نور=بسببك مش بسبب حد تاني
مراد=عندك حق …..يلا اسيبك تلبسي
###########################
في احد الشركات الكبري يجلس رجل كبير السن غليظ الملامح يسيطر الجمود عليه
=عمران باشا … عندي أخبار مش كويسه
عمران بعصبيه=انطق
=شركة غزال خلصت صفقة روما
انتفض من مكانه بغضب=ازاي ده حصل ؟انا متفق علي كل حاجه في الصفقه
=ماهو يا باشا اللي كانت ماسكه الصفقه الغول ودي محدش بيعرف ياخد منها صفقات ما انت عارف اللي بيدخل معاها رجلوا والقب*ر
عمران =انتي تاني ….. هاندمك علي كل خساره وكل صفقه خسرتهالي يا بنت غزال
=خطوبتها انهارده يا باشا وبيقولوا الخطوبه في البيت عادي يعني مش عامله حفله كبيره ولا اي حاجه
عمران بابتسامة شر=يبدوا انك وقعتي يا نور
…..حضر الرجالة واطلب السياف هو ده اللي هايخلص
=اومرك يا باشا …… بس مش خايف ل…
عمران =متخفش محدش يعرف انها …..
##########################
في منزل طلال حيث ارتدي بدلته التي كانت باللون الاسود وعليها دبوس فضي بإسم نور
طلال =وكم مال القلب لكي ياروح القلب
لأنك اليوم تخطين خطوه لقلبي المشتاق
ولعقلي الحائر وعيوني المشتاقه
لحبيبتي البراقه
واتجه للهاتف واتصل بها
طلال =ما تحن أجن
نور=جن …… واحن ……طلال مش هابعتلك صورة لما تيجي تشوفني
طلال =يووووو عايزه اشوف القمر بتاعي
نور=تؤتؤ ….. تيجي تشوفوا هنا غير كده لا
طلال =قادره
نور=نعم
طلال =عادله…..يعني بتعدلي بين الناس
نور =طب مش تتأخر ….وحسابك معايا لما تيجي
طلال =انتي تحسبي براحتك ……. دا انتي صاحبة الليله
نور =صاحبة الليله……… لا انا صاحبة الليله وكل ليله في حياتك وحياتك كلها
طلال =طب يا ملكة حياتي وروحي وقلبي…….انا من ايدك دي لأيدك دي
نور =طب يلا روحي مش تتأخر
طلال =بصي غمضي هتلاقيني وراكي
###########################
خرج فهد من غرفته ليجد حوريه جميله ترتدي فستان ازرق غامق مكشوف الكتف يبرز ملامح جسدها الممشوق رافعة شعرها لأعلي بدبوس ذهبي راقي يخرج منه بعض الشعيرات بشكل غجري ترتدي صندل زجاجي علي فراشه كالتي علي دبوس شعرها نعم إنها نغم
وقف فهد وهو يكاد يفقد النطق ان ليست جميله انها ساحره ولكن ماهذا
يخرج من خلفها شاب في نفس عمرهم تقريبا يمتلك ملامح تشبها كثيرا يبدو أنه ابن عمها ولكنه يرتدي بدله بنفس لون الستان والبدله يزينا رسمة فراشه صغيره
بدء فهد يشعر بالغيره والغضب الشديد انه كان فقط يجادلها كان سيرتدي مثالها ولكن هذا الوغد
ورفع الشاب يده ليمسك بيدها ولكن انطلق فهد بسرعه وامسك يدها ودفعه بظهره
فهد=اسف ماشوفتكش……ايه الحلاوه دي يا باربي
نغم بتعجب=بربي ….
فهد=انتي احلي طبعا
ورفع يدها وجعلها تدور وهو يقول سبحان الخلاق بيدينا الجمال علي الارض في شكل النساء وانتي اجملهم
الشاب=تسمح يا حضرة دي خطيبتي
فهد بصدمه=خطيبتك!
نغم سحبت يدها من فهد وهي تقول =ايوا خطيبتوا
واقتربت من اذن فهد.وقالت =مش احنا صحاب واخوات مروان بقا مش صاحبي ولا اخويا
فهد بغضب=هاعمل منك ومنو شوارع ميغركيش البيبي فيس بتاعي لا ده انا من شبرا
مروان =اتشرفنا يا مستر فهد انا عارف ان حضرتك زميل نغم خطيبتي في الكليه
وضغط علي كلمة خطيبتي
انا بقا ابن عمها مروان
فهد وهو يجز علي اسنانه=اتشرفنا يا استاذ طرزان……سوري….فروان ……اه ….مروان لا الصراحه اتشرفت بيك جدا
############################
نزل مراد ومعه قاسم وسليم ودخلت من باب المنزل عليا كانت منطفئه حزينه وجهها مرهق وكأنها عانت لأيام من الأرق ولكنه تركها امس فقط ليله كانت كفيله لتظهر كل جراحها
مراد =عليا
رفعت رأسها وهي تنظر له وقالت=قاسم قول لمراد اني مسافرة وياريت مش يدايقني الكام ساعه الجايين علشان افتكر حتي انو مديقنيش قبل ما اسبيلوا البلد كلها
مراد نظر بصدمه لقد قررت قطع كل الاوصال معه سوف تنفيه من قلبها لكنه ليس مذنب انه يحبها وارد حمايتها فقط حمايتها
سليم=امال العريس اتأخر ليه ؟انا اعرف أنو هايموت ويخطبها
فهد =وانت الصادق ده هايموت ويخطفها من وسطنا كلنا
قاسم=يخطف مين …… دي اميرة من اميرات عائلة غزال ومستحيل تتخطف امال احنا بنعمل ايه اسود الارض
قاطعهم صوت صندل نور الذي يصطدم بالسلم لقد خطفت الأنظار بفستانها الاسود الرائع وشعرها القصير الذي تركت له العنان ورقبتها التي تزينها
سلسله بإسم طلال
نظر الجميع لها
نور =انا عندي خبر مهم ليكم في العائله هنا وهايتم اذاعتوا في الأخبار
بعد خطوبتي انا وطلال هايكون يوم كتب كتاب عليا ومراد
مراد=………
اكمل ولا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أحبك ولكن)
