رواية أحببت مدمنا الفصل الأول 1 بقلم فونا
رواية أحببت مدمنا الجزء الأول
رواية أحببت مدمنا البارت الأول
رواية أحببت مدمنا الحلقة الأولى
_مخد***رات!!!
كنت داخله أنادي ابن خالي غيث من اوضته بس اتصدمت لما لقيته بيشرب مخد***رات
اتكلمت بصدمه_مخد***رات يا غيث
جري عليا وحط ايده علي بوقي
=وطي صوتك يا ساره
شلت ايده بعنف_ أنتَ من أمتي بتشرب القرف ده يا غيث من أمتي!!!!
بعد عني بكل برود_من أسبوع يا سارة
اتصدمت أكتر_اسبوع يا غيث
كملت بجمود_أنتَ نزلت من نظري أوي يا غيث
_سارة لو سمحتي أنتِ مش فاهمة حاجة
اتكلمت بعصبية_تفهمني ايه!!!هاااا افهم ايييه أنتَ مهندس يا غيث مهندس محترم وشغال شغل محترم ليه ايه اللي حصل عشان تشرب القرف ده!!!! طب أهلك!!!!مفكرتش فيهم أمك يا غيث!!!!مفكرتش لو عرفت أن ابنها المحترم بيعمل القرف ده هيحصلها ايه؟!!!ولا جدو اللي كل محد يشوفه يقوله حفيدي مهندس
أتكلم بنرفزة_سارة دي حياتي وأنا حر خليكي في حالك ياريت ومتدخليش في اللي ميخصكيش مش كفايه مستحملين قرفك من ساعه م أهلك ما*تو
بصيت له بصدمه ودموعي نزلت
سامعين الصوت ده؟!!
ده صوت تكسير قلبي باين
اتكلمت بجمود_حاضر يا ابن خالتي يا شم**ام من انهاردة أنا مش هتعامل معاك ولا لساني يخاطب لسانك
_سارة أنا مقصدتش است…
=ملوش لزوم خلاص
وسبته وجريت تحت علي شقه تيته
أعرفكم بنفسي أنا سارة دكتورة أهلي توفو وأنا عندي ١٠ سنين خالتي أصرت إني أعيش معاها هي وجدو في نفس البيت هي عايشه لوحدها هي وغيث
والدور اللي تحتها في جدو
دخلت عند جدو من غير كلمه
جدو_فين يا حبيبتي غيث عشان نفطر
دخلت أوضتي بهدوء اللي عند جدو والدموع ماليه وشي
دخلت وقفلت الباب ورايا وقعدت أعيط عيطت كتير أوي قلبي كان تعبان أوي
فضل جدو يخبط علي الباب هو وخالتو
_حبيبه جدو مالك افتحي
خالتو_سارة طب حصل ايه حد زعلك طب
في نفس الوقت نزل غيث لقاهم واقفين علي الباب
_في ايه
جدو بحزن_معرفش يا حبيبي بس هو حصل حاجه معاكم فوق اصل هي نزلت منهارة ودخلت الاوضه وقافله علي نفسها
اتنهد غيث بحزن عشان عارف أن هو السبب وقال كلام مينفعش يتقال وعمل حاجه صعبه
أتكلم بحزن_خلاص سيبوها ترتاح شوية وأنا هبقي اكلمها
وفجأة الباب اتفتح وطلعت منه سارة ووراها شنطه
خالتو بقلق_سارة حبيبتي أنتِ كويسه وايه الشطنه دي
أتكلمت بجمود وأنا ببص لغيث_رايحه بيت أبويا يا خلتو مش هقدر أستحمل إني أقعد هنا وأبقي تقيله علي حد
جدو بعصبيه_ تقيله علي مين يا زفته أنتِ بطلي عبط مفيش حد هيمشي من هنا
اتكلمت بعصبيه_لا يا جدو همشي من هنا ومش هتشوفو وشي تاني في البيت ده وكملت بعياط_عايز تزورني أنتَ وخالتو بس!!أهلا وسهلاً بيت أبويا مفتوح
مستنتش رد ومسكت شنطتي بعنف ومشيت بس وقفت لما غيث مسك ايدي جامد نفضت ايده بعنف
_متلمسنيش أنتَ فاهم
أتكلم بعصبيه_سارة بلاش جنان واعقلي أنا مكنش قصدي
ضحكت بسخرية_مكنش قصدك ايه بقي انك تقولي الكلام ده وبصيتله في عينه_ولااا الموضوع التاني
بصلي بتوتر وساب ايدي
أتكلمت بحدة_ أنا ميشرفنيش يبقي عندي ابن خاله زيك!!!!
طلعت جري من البيت ونزلت ركبت عربيتي وروحت في اتجاه بيت أبويا اللي يبعد عن بيت جدو بساعه
عند غيث
أتكلمت أمه بنرفزه_عملت ايه لسارة يا غيث عشان يحصلها كده أنطق!!!
_ماما لو سمحتي سيبيني في حالي دلوقتي
بعصبية_لاء مش هسيبك غير لما أعرف سارة مالها!! أول مرة سارة يحصلها كده وكل ده بسببك قولتلها ايه يا غيث!!!!!
بعصبيه_قولت اللي قولته بقي متمشي ولا تغور إحنا اتقرفنا بسببها كفاية طول السنين دي مستحملين مصاريفها وقرفها
وهووب قلم نزل علي وش غيث من جده
غيث بص لجده بصدمة لأن أول مرة جده يمد أيده علي حد من أحفاده
غيث بصدمه_ أنتَ بتضربني يا جدو عشان سارة
بعصبيه_وأضرب عيلتك كلها لو حد فكر يضايقها في مرة اي نسيت نفسك ولا ايه ويكون في علمك سارة لو مرجعتش البيت ده أنا مش هسيبك في حالك كفاية دلع بقي لحد هنا ساره دي أغلي حاجة عندي ولو حصلها حاجة بسببك يا غيث أنا عمري مهسامحك
وأنتِ يا سعاد(أم غيث)اجهزي عشان هنروح لسارة
_حاضر يا بابا
بصت علي ابنها بقرف ومشيت
عند سارة
وصلت عند بيت أبويا وطلعت أول ما دخلت الشقه فضلت أعيط كتير كان قلبي واجعني أوي من غيث
صدمتين في يوم واحد أنه بيشرب مخد***رات وبيعايرني
فضلت أعيط كتير أوي تقريبا لغاية م دموعي نشفت حاولت أقوم أغسل وشي بس جسمي كان همدان أوي قومت غسلت وشي وأخدت شاور وقعدت علي السرير بحزن وأنا شايفه شكلي في المرايا باهت وعيوني زي الكورة
فجأة الباب خبط روحت أفتح لقيت جدو وخالتو دخلت بلا كلمة قعدت علي الكنبه
جدو دخل قعد جنبي وأتكلم بحنيه_سعاد روحي اعملي لسارة فطار
=حاضر يا بابا
وقرب مني وحضني_متزعليش يا بنت الغالية حقك علي دماغي من فوق
عيطت أكتر وأنا في حضنه _ أنا معملتش حاجه وحشه لغيث يا جدو عشان يكسر قلبي وكمان أنا كنت خايفه عليه من القرف اللي بيعمله ده
بصلي بأستغراب_قرف ايه يا سارة
علي دخول خالتو قعدت معانا فضلت بصالهم مترددة أتكلم بس في الأخر لازم أهله يعرفو
_غيث بيشرب مخد***رات
جدو بصلي بصدمه ومتكلمش وخالتو شهقت من الصدمه روحت حكيت ليهم علي كل اللي حصل كل حاجه شوفتها انهاردة
كانو مصدومين جدا وخالتو أتكلمت بعياط_ يا نهار أسود غيث ابني يعمل كده!!!!!
جدو كان قاعد مصدوم مش بيتكلم وأنا كنت بصالهم بحزن مش عارفه أعمل إيه اتوترت وفي الآخر حاولت اهدي الدنيا
_هو قالي أنه بقاله أسبوع بس يعني يقدر يبطلها بسهولة وأنتم معاه وشجعوه يمر منها
جدو قام وأتكلم بحزم_يلا بينا يا سارة
أتكلمت باستغراب_علي فين يا جدو
_هترجعي بيت جدك
=لا يا جدو انا م…
قاطعني بحدة_كلامي يتسمع يا سارة والموضوع غير قابل للنقاش
بصيت له وعيوني مدمعه_يرضيك يا جدو أروح عشان قلبي يتكسر تاني
وشه ظهر عليه اللين تاني وحضني_لا عاش ولا كان اللي يكسر قلبك يا نور عيني بس يرضيكي أروح البيت من غير روحي يرضيكي أتعب بليل وملقكيش جنبي
حضنته جامد وفضلت أعيط _لا يا جدو مقدرش أعيش من غيرك
وبصينا لخالتو اللي كانت في عالم تاني
حقها!!!
اتصدمت صدمه عمرها!!!
ازاي المهندس غيث بقي شم**ام!!!!!
نزلت معاهم وروحنا علي بيت جدي أول م وصلنا تحت البيت غيث كان واقف في الشارع شاف العربية قرب مننا
نزلت منها ومبصتلوش وكذلك خالتو وجدو تقريبا مكنش حد طايقه وهو كان مستغرب ده شوية
طلعنا كلنا علي شقه جدو وغيث دخل معانا
أول ما دخلنا وغيث قرب من أمه ضربته بالقلم
أتصدم منها
أتكلمت بجمود_قلم الصبح من جدك عشان زعلت سارة
وقلم ده عشان بتشرب قرف يا غيث!!!!
بصلها بصدمة ورجع بصلي بنظرة عصبية وأنا كنت بصاله ببرود
قرب مني فجأة كان عايز يتعصب عليا بس جدو وقف قدامه وقال _لو لمستها يا غيث أنتَ حر
بصلي بقرف واتكلم_طبعا أنتِ اللي قولتلهم
مردتش عليه وجدو رد
_وانتَ كنت عايز تخبي علينا قرف زي ده يا مهندس!!!ليه يا غيث ليه قصرنا معاك في ايه كل حاجه كنت بتعوزها كانت بتجيلك ليه ليه تعمل القرف ده
اتكلم غيث بعصبيه_أنتم السبب كل الاهتمام لسارة وبس أما غيث لاء يستحمل ده كل الاهتمام والكلام الحلو والحب ليها لكن عندي الوش الخشب بيظهر!!! أنتم السبب أنا بكرهك جداً يارب كانت ما**تت مع أهلها وريحتنا
كنت بصاله بصدمة وحقيقي مكنتش قادره أصدق اي كلمه بتتقال بس لقيت نفسي قومت فجأة واستجمعت قوتي
_وانا مش ذنبي يا غيث!!! مش ذنبي أن ربنا أختار أهلي بس عشان يمشو!! مش ذنبي إني اتحرم من أهلي وأنا عيله متعرفش يعني ايه فراق!!!!! مش ذنبي أن أخد كل الحب والاهتمام!!!!! يارب يا شيخ كنت روحت معاهم علي الأقل كنت هرتاح من الصدمه اللي اتصدمتها فيك دلوقتي
خلصت كلامي ولقيت الدنيا بتسود في وشي وفقدت الوعي
محستش بحاجة غير وأنا بفتح عيني وتقريبا كنت في المستشفى مش فاكره اللي حصل ولا بقالي قد ايه هنا بس أول م فتحت عيني لقيت غيث في وشي ووشه باهت……
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أحببت مدمنا)
