رواية أحببت مجهولة الفصل الرابع 4 بقلم زينب رضا

رواية أحببت مجهولة الفصل الرابع 4 بقلم زينب رضا

رواية أحببت مجهولة الجزء الرابع

رواية أحببت مجهولة البارت الرابع

رواية أحببت مجهولة الحلقة الرابعة

سارة طلعت ع شقتهم ملاقتش حد دخلت الاوضه بتاعتها غيرت الهدوم واتوضت ولسه هتصلي مريم خبطت عليها
ساره : ادخل
مريم : اي داخله ساكته مش زي العاده
ساره : ملاقتش حد عرفت انكوا تحت قولت هصلي وانزل
مريم : طب يلا خلصي وننزل سوا
سارة : ماشي’بعد شويه سارة ومريم نزلوا’
_ف شقة عمهم_
ساره : ف اي حاجه اساعدكوا فيها
ام ريم : لا يحبيبتي تسلمي ادخلوا انتوا عند ريم
مريم : طب انا جعانه
نادية : اما الناس تيجي هناكل كلنا ي مريم
سارة : ماشي ي ماما يلا ي يا مريم وشدتها
خبطوا ع ارضة ريم ودخلوا اول ما شافوها تنحوا
~~~~~~~~~~~~~~~~~~~~~~~~~~~~~~~~
محمد وسعيد خلصوا شغل و روحوا
قدام شقة سعيد
سعيد : ما تدخل يحج
محمد : اطلع اغير هدومي وهنزل ع طول، نادية سمعت صوتهم من جوا قالت ل ام ريم : معلش هسيبك شويه يمكن الحج يعوز حاجه
ام ريم بإبتسامه صفرا : ماشي يحبيبتي اطلعي
ناديه : مش هتاخر عليكي ومشيت
ام ريم بتعوج بوقها : قال هيعوز حاجه قال

نادية فتحت باب الشقة : حمدلله ع السلامه
محمد وسعيد : الله يسلمك
محمد : مش هتاخر عليك ي ابو هنا عن اذنك وطلع هو ومراته وسعيد دخل شقته
~~~
_عند عمر_
هدوم كتير مرميه ع السرير
عمر : يا امي ابوس ايدك مش هلبس بدله انا
سميرة : يحبيبي انت ظابط قد الدنيا لازم تكون قمر
عمر : يعني ظابط البس بدلة ماله القميص والبنطلون غمزلها وبعدين انا قمر ف اي حاجه
بصي بصي اي رأيك ف دول
سميرة بفقدان امل : حلو يحبيبي البس بقا بسرعه عشان منتاخرش وخرجت وسابته
عمر بيتشاهد : الحمدلله اقتنعت مع اني اشك ف كده
~~~
_عند ريم_
ريم : اي هتفضلوا تبصولي كده كتير ولفت حاولين نفسها
هااا اي رأيكوا
ساره : انتي ريم بجد
مريم : لو سمحتي اندهي ريم بنت عمنا بسرعه
*ريم كانت لابسة دريس لون السماا وطرحة بيضا وكوتش ابيض وحاطه ميكب خفيف غير عادتها،
امها كانت طلعت ل ناديه وقالتلها انها عاوزة دريس من بتوع سارة جابتلها كذا واحد واول ما شافت الدريس ده مسكت فيه*
ريم : انا قولت لماما اني هبقا وحشه اصرت تطلع لمرات عمي وتجيبه انا هروح اغيره
ساره ومريم ف نفس الوقت:لااااا، ريم اتخضت
سارة : تغيري اي ده انتي قمر
مريم : يخربيت كده شوفتي وانتي بطبيعتك حلوة ازاي احسن من التشط…
ساره قاطعتها وبصت لريم : ماشاء الله عليكي بجد
ف اللحظه دي ابوها دخل : السلام عليكم
كلهم ردوا السلام
سعيد : عاملين اي يحبايبي
سارة ومريم بفرحه : الحمدلله يعمي
سعيد : ربنا يجعلكوا بخير، اومال ريم فين
ريم : اي ي بابا انا اهو هو كلكوا مستغربين ليه
سعيد هو بيتأمل بنته وفرحان لأنه كان نفسه تبقا زي بنات عمها لما شافها كده حسها انها هتتغير
: ماشاء الله يابنتي اي الجمال ده ربنا يحميكي وحضنها
ريم : انا حلوه بجد ي بابا

سعيد : قمر ياحبيبتي
ريم : ربنا يخليك ي بابا
سعيد : ويخليكي يارب، اسيبكوا انا بقا وخرج كان محمد ومراته نزلوا قعد معاهم
مريم وساره اتصورا مع ريم كتير وبعدين خرجوا هما كمان قعدوا معاهم
مريم بهمس : انا قلبي مش مطمن
ساره بنفس الهمس : ولا انا قلبي مقبوض مش عارفه ليه
مريم : ريم مش هتلبس كده غير لو فيه سبب
ساره : معاكي حق اصل مش اول عريس يجيلها يعني جالها قبل كده وعمرها مالبست كده
مريم : ربنا يستر ويعدي اليوم ع خير
ساره : ياارب
~~~~~~~~~~~~~~~~~~~~~~~~~~~~~~~~صلوا ع النبي
❤️
، ~~~~~~~~~~~~~~~~~~~~~~~~~~~~~~~~
*الساعه سبعه الا عشره*
كان عمر ومامته تحت بيت العروسة
عمر : متأكده ان هو ده البيت
سميرة : اه يابني انا شوفت عروستك طالعه هنا
عمر بخضه : يعني شوفتي البنت طالعه هنا يبقا خلاص هو ده بيتها مايمكن بيت حد من قرايبها
سميرة بتفكير : لا لا هو بيتهم متقلقش يلا وبطل غلبه
عمر : يلا ياك ادبس ف واحده متعرفيهاش اطلعي اطل.. لا استني
سميره : اي تاني
عمر : هما الدور الكام
سميرة : والله ما اعرف
عمر بيشد ايد امه ع بره : هي جوازه باينه من اولها يلا يا ماما ربنا يباركلك مش عاوز اتجوز اصلا
سميرة خرجت الشارع عمر فكر انهم هيمشوا خلاص بص عليها اتصدم
سميرة : والنبي ياحج هي شقه الاستاذ سعيد انهي دور
الراجل اللي ماشي : قصدك الحج سعيد الصياد
سميره : ايوا هو
الراجل : الدور التاني يحجة
سميرة بفرحه : شكرا جدا لحضرتك
وراحت ع عمر : قدامي يلا، عمر مشي معاها من غير ما ينطق ولا حرف
وصلوا قدام الشقة وخبطوا

ام ريم بصت ف الساعه : ده اكيد العريس يلا يا ريم خدي ولاد عمك وع الاوضه وانت ي سعيد افتح
سعيد ومحمد فتحوا وكان فعلا العريس سلموا عليهم ودخلوا قعدوا يتكلموا شويه واتعرفوا
وبعدين سميرة بصت لسعيد واتكلمت : احنا طالبين ايد بنتك ل ابني عمر
سعيد : انا ليا الشرف والله
عمر : ربنا يخلي حضرتك
سعيد : مبدئياً انا موافق الرأي رأي العروسة
ام ريم ثواني هندهلها وقامت
ام ريم : معلش ي بنات العريس عاوزها
مريم بغيظ : اتفضلي يمرات عمي، خرجت ريم مع امها وهي شايله الصنية وفضلوا هما ف الاوضه
سارة : هي مش هتتغير خالص كده
مريم : خايفه ع العريس مننا اصل احنا بناكل لحم البشر قومي انا مش هفضل هنا
سارة : هتروحي فين
مريم وهي بتشاور بصابعها ف وشها وبجدية : ده سؤال تسأليه
سارة اتخضت : اي يابت هو حرام
مريم ضحكت عليها : المطبخ طبعا
سارة ضربتها ع رأسها : يلا يا ام بطن، وراحوا ع المطبخ
ريم اول ما دخلت
سميرة : ماشاءالله تعالي جنبي هنا، ريم راحت جنبها
ريم بكسوف : تسلمي ي طنط
قعدوا يتكلموا شوية
فجأه فون عمر رن بصله وضحك، استأذن وخرج عشان يرد
عمر:اي يابني انت لسه لسه والله ما اتكلمت معاها نص كلمه

محمود بضحك : اهدي اهدي مش بكلمك عشان كده شكل الحجه عرفت تختار
عمر : عقبال ما تختارلك
محمود : يارب يخويا يارب
عمر : انجز عاوز اي
محمود بيحاول يغيظه : اتقل يابني شويه مش كده
عمر بغيظ : هقفل ف وشك
محمود بيضحك : خلاص خلاص بكلمك اقولك ان عرفت مكان صاحب الرقم
عمر قلبه دق : بجد
محمود : ايوا كنت بجرب ارن عليه من ساعه كده لاقيته رن بس محدش رد
عمر : كمل *وقلبه لسه بيدق*
محمود : بس يسيدي والعنوان*******
عمر ملامح وشه كلها اتغيرت : انت متأكد
محمود : اه يابني وك…. “لسه هيكمل كلام لاقي عمر قفل ف وشه”
محمود بقلق : ربنا يستر
عمر حاول يتماسك ويكون هادي شويه وقرر يدخل
-ساره كانت راحه الاوضه لمحت باب الشقة مفتوح راحت عشان تقفله وقفت مكانها متحركتش اول لما شافت عمر دخل وبيقفل باب الشقه وراح عند ابوها وعمها-

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية أحببت مجهولة)