رواية أحببت مجهولة الفصل الثالث 3 بقلم زينب رضا
رواية أحببت مجهولة الجزء الثالث
رواية أحببت مجهولة البارت الثالث
رواية أحببت مجهولة الحلقة الثالثة
وأخيراً عمر قرر يفك البلوك ويكلمها
-ازيك.. فضل مستني نص ساعه انها تفتح وترد بأي حاجه مفيش رد لحد ما راح ف النوم من التعب
_صباح تاني يوم_
صحيت سارة كالعادة عشان الكليه صلت ولبست، بعدها مسكت الفون لاقت مسدج من رقم غريب لما شافت الصورة عرفت من مين عملت سين وبعدين مسحتها .. انتهدت بحزن وخرجت عشان الفطار
متجمعين ع الفطار “سارة بتفطر يوم معاهم ويوم مع جهاد، وجهاد نفس الحوار”
نادية : بنت عمكوا جايلها عريس انهارده
ساره وهي بتاكل : قالتلي امبارح
ناديه بقلق : ضايقتك
ساره بتضحك : كانت بتحاول بس خليت ريحة شياطها قلبت الشارع
كلهم ضحكوا، مريم : جدعه يسوسو
ساره : تعليمك يقطة
محمد : طب يلا عشان متتاخروش وخلوا بالكوا من نفسكوا
قاموا باسوا راس ابوهم وامهم، ساره وهي ع الباب : دعواتكم
نادية : ربنا معاكوا ويحفظكوا
سارة ومريم نازلين كانت ريم خارجه من شقتها
ريم : عاملين اي
مريم : الحمدلله كويسين
ريم بخبث : عاوزاكوا انهارده معايا انتوا عارفين ان هنا مسافرة
مريم : واحنا هنعملك اي انتي بتعرفي تلطخي وشك كويس احمر واص…
ساره قاطعتها : خلاص يمريم وبصت لريم هنبقا موجودين اكيد بس عشان عمنا مش عشانك يلا سلام اتاخرنا، مريم نازله متعصبة
ريم بصوت عالي:طب هاخد منك المحاضرات عشان مش هنزل انهارده
ساره بصتلها : بإذن الله ومشيوا ودخلت ريم شقتها مش مضايقه اهي عصبت واحده فيهم
مريم بغيظ : مسيبتنيش عليها ليه هااا
سارة بضحك : انتي عارفه هي عاوزانا ليه مفكره انها هضايقنا مش لازم تعصبي نفسك
مريم : اهو انا كده مش مرتاحه هاتيلي اكل
ساره بصدمه : هو اللي هعمله ف جهاد هيطلع عليا اتكلي ع الله انا ماشيه
مريم ضحكت عليها : طب خلي بالك من نفسك سلام يا بطل
سارة : سلام ي حب.. كل واحده راحت ع كليتها
~~~~~~~~~~~~~~~~~~~~~~~~~~~~~~~~
صحي عمر من النوم قام صلى ولبس بص ف الفون لاقها شافت المسدج ومردتش بعت مسدج تاني
-محتاج اتكلم معاكي ضروري.. وخرج فطر مع مامته
عمر : هتعوزي حاجه يقمر
سميره : سلامتك خد اكل محمود اهو
عمر بضحك : تلاقيه بيحلم بيه طول الليل
سميره ضحكت : بالف هنا انا عملت زياده عشان لو انت حبيت تاكل
عمر باس ايدها : تسلم ايدك يست الكل
سميره : خلي بالك من نفسك اوعي تنسى تيجي بدري عشان الناس اللي هنروحلهم
عمر : ناس مين
سميرة بتكشيره : انت لحقت تنسي، اهل عروستك يا عمر
عمر : ااه تصدقي نسيت وبعدين هي خلاص بقا عروستي
سميره : اذا كان عجبك و إياك تتأخر
عمر : ما اروح ادي محمود الأكل واجي وخلاص
سميرة : يبقا احسن
عمر ضحك بحزن عشان افتكر ملك : حاضر يا امي مش هتأخر سلام ونزل
سميره : ربنا يحميك يابني
~~~~~~~~~~~~~~~~~~~~~~~~~~~~~~~
وصلت ساره الكليه وقابلت جهاد
ساره : القمر مكشر ليه
جهاد : مفيش يستي شويه مشاكل
ساره : مشاكل اي
جهاد : متخانقه انا و شريف “خطيبها”
ساره : صلي ع النبي كده كل حاجه هتتحل ومن غير ماتحكي هيرن عليكي يصالحك وغمزتلها
جهاد ضحكت : ماشي يستي انتي اتاخرتي ليه بقا
ساره : يالهوي انتي منسيتيش
جهاد : انجزي يماما قولي
ساره شدتها من ايدها : يلا بس نحضر وهقولك كل حاجه
جهاد : اذا كان كده ماشي يلا
~~~~~~~~~~~~~~~~~~~~~~~~~~~~~~
الباب خبط
_ادخل
عمر : صباح الخير
محمود : صباح النور اي مالك ع الصبح
عمر : خد الاكل بتاعك اهو
محمود بفرحة وهو بياخد الاكل : وربنا طول عمري بقول عليها امي التانيه انا جاي انهارده اسلم عليها
عمربضحك : مش هينفع انهارده للأسف
محمود : ليه اشمعنا انهارده
عمر : رايح اخطب
محمود بلوية بوز : من غير ماتقولي مكنش العشم
عمر : عشم اي انت كمان انا لسه عارف امبارح لما روحت ومقدرش ازعلها لازم ارجع بدري
محمود بشماته : وربنا تستاهل الحجة جدعه خلينا نفرح بيك
عمر بغيظ : عنيا وهخليها تفرحنا بيك انت كمان
محمود بسرحان : ياريت والله
عمر قام وخبط ع المكتب محمود اتخض
: مش فاضيلك انا ف شويه حاجات هخلصها وامشي يرومانسي
محمود وهو بياكل : رومانسي اي ماهو ع ايدك المهم كلمت الرقم
عمر بزهق : لا لسه بس قريب انا رايح المكتب
محمود : ماشي،
بيكلم نفسه : وريني بقا صنية البشاميل دي بتقول اي
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~صلوا ع النبي؛❤️
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
ساره خلصت المحاضره هي وجهاد وراحوا ياكلوا
ساره : بس يستي ده اللي حصل والمفروض اني اروح بدري انا ومريم عشان نبقا معاها
جهاد : هي البت دي مش بتتهد
ساره بيأس وحزن عليها : مش عارفه يمكن لما تتخطب ربنا يصلح حالها
جهاد : يارب، انتي صحيح قافله فونك ليه
ساره باستغراب : فوني انا مقفول!
جهاد : اه يابنتي رنيت عليكي الصبح مقفول
ساره مسكت فونها : اي ده ده انا عامله ان اي حد يرن عليا يديله مقفول كويس انك قولتيلي وفتحته
جهاد : متعملهاش تاني يختي
ساره بضحك : حاضر
ف اللحظه دي فون جهاد رن
جهاد : ده شريف
ساره : والعه يعم
انا همشي انا بقا جود باي يقمر
جهاد : سلام يحبيبتي
“ساره كانت مخنوقه فاقررت انها تتمشي لحد البيت”
~~~~~~~~~~~~~~~~~~~~~~~~~~~~~~~~~~~
باشا انا همشي الحجه نازله رن خايفه انسي
محمود بضحك : احسن واعمل حسابك المره الجايه انا ع قلبك
عمر : يعم اتنيل، ف اي اخبار عن العيال اللي هربت ف اخر عمليه
محمود : لا مالهمش اي اثر بس هيروحوا فين هيظهروا
عمر : ع رأيك لو فيه اي جديد كلمني ع طول سلام
محمود : سلام يعريس
عمر بصله بقرف وخرج فا محمود ضحك عليه
~~~~~~~~~~~~~~~~~~~~~~~~~~~~~~~~~~~
*ف المخزن*
“تبع عيلة الصياد لتصدير واستيراد الخشب تجارة يعني”
سعيد’ابو ريم’ : احنا هنقفل انهارده بدري
محمد : ان شاء الله هو العريس جاي امته
سعيد : والله ام هنا بتقول جاي ع سبعة
محمد : مبروك وربنا يتمملها ع خير
سعيد : الله يبارك فيك ياخويا وعقبال اخواتها يارب
محمد : يارب
“توضيح بسيط
محمد وسعيد علاقتهم ببعض كويسه اخوات وبيحبوا بعض وسعيد بيحب سارة ومريم زي ولاده وريم برضو بس ريم تربيه امها” نرجع تاني بقا
~~~~~~~~~~~~~~~~~~~~~~~~~~~~~~~~~~~
_ف البيت_
مريم وصلت وهي طالعه سمعت صوت امها ف شقة عمها، الباب كان مفتوح فادخلت
لاقت امها راحه المطبخ راحت وراها اول مادخلت المطبخ
: اي ي ماما كل الأكل ده
ناديه : اي يابنتي طب كحي حتي
لسه باصه للاكل : مين هياكل الاكل ده يماما
امها ضحكت عليها : هما عاوزين يعملوا اكل كتير وانا بساعدهم المهم اطلعي انتي غيري هدومك وصلي وكلي اي حاجه تكون اختك جت وانزلوا سوا
مريم : لا انا هنزل اكل هنا
ناديه لسه هتتكلم ام ريم جت : اي يحبيبتي واقفه كده ليه ادخلي ريم ف اوضتها
مريم : هطلع اغير هدومي وهنزلها ع طول يمرات عمي عن اذنكوا وطلعت
~~~
_ف الشارع_
سارة كانت سرحانه فاقت ع حاجه بتزوقها وكانت هتقع بتبص لاقت عربية
ساره وهي متعصبه خبطت ع العربية : مش تفتح ي بتاع انت
نزل من العربية : انا اللي فتح ولا انتي اللي ماشيه سرحانه بقالي ساعه بزمر…مفيش رد
ساره اول ما شافته اتصدمت
عمر : اي القطه كلت لسانك.. برضو مفيش رد
عمر بيشاور قصاد عينها وبيضحك : اي يابنتي عارف اني حلو ع فكره بس معرفش اني حلو اوي كده،، وف اللحظه دي يعلي صوت نجاة من كشك عم علي
“حبيبي اه من حبيبي
عليه احلي ابتسامه لما بتضحك عيونه بقول يلا السلامه،،
لما يسلم عليا ولا يقول كلام عاوزه ورا كل كلمه اقوله ياسلام ياسلام” فاقت سارة من شرودها
بتبص ف الشارع انا اي اللي جابني الشارع ده
عمر لاقي قلبه دق مش عارف السبب*
ساره بصوت واطي : يااه أخيراً اتقابلنا
عمر مسمعش حاجه : بتقولي اي
ساره : بقول حلو اي وقرف اي انت كنت هتخبطني افرض اتكسرت ولا مت ولا حص…
عمر بخضة : اي حيلك حيلك بلاعه واتفتحت بقا الهدوء ده يطلع منه ده كله
ساره : بلاعه ف عينك وسيباه وماشيه
عمر : ابقي ركزي بعد كده محدش عارف المره الجايه اي اللي هيحصل
سارة بصتله : وانت مالك اركز ولا لا ده اي البلاوي دي ياربي ومشيت
عمر بيكلم نفسه : انا طلعت بلاوي يخربيت الهبل
بص قدامه لاقي عم علي قاله بضحك : منور يعم علي
فونه رن: حاضر يماما…والله انا تحت البيت…طالع طالع اهو.. ركن عربيته وطلع
ساره مشيت بسرعه زي مايكون بتجري من حد لغاية ماوصلت ييتهم
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أحببت مجهولة)
