رواية أحببت قمر الصعيد الفصل السابع 7 بقلم غادة رضا
رواية أحببت قمر الصعيد الجزء السابع
رواية أحببت قمر الصعيد البارت السابع
رواية أحببت قمر الصعيد الحلقة السابعة
جاء الصباح
قمر صحت وبدات تصحي اسر
بس اسر عايز يكمل نوم طبعا ما هو نايم متاخر اساسا بسبب تارا
قمر : يلا بقى يا اسر…… اسر …..
وجابت المنبه حطته جنب ودنه ما فيش فايده
لحد ما افتكرت حاجه شافتها على اليوتيوب
فكرت تعملها فى آسر وخافت ألا يزعل بس بعد كدة قالت لا ده قلبه طيب ومش هيعمل حاجة….
جابت ألوان ورسمت وش مخيف علي وش اسر اتعلمته من اليوتيوب 😂😂
وهو كل ده نايم ومش حاسس بحاجة
وبعدين بقي قامت سابت الالوان
وبعدين ولعت بخور وعملت دخان ياما في اوضة النوم وصوتت وقالت: اسر اسر الحق احنا بنولع….
اه هموت محروقة يا اما 😂😂……
اسر قام مفزوع : اهدي اهدي طب حصل ازاي….
قمر فصلت ضحك وراحت فتحت الشبابيك علشان الدخان….
ده وسط صدمة اسر وبعدين قال:
ايه ده يا قمر في حد يصحى حد كده……
قمر بضحك : ما انت ما كنتش هتصحي غير بكدة……
اسر : ماشي يا قمر مقبوله منك….
المهم جاي لف يبص في المرايه اتفزع :
عااااا….. مين ده؟!
قمر فطست على نفسها من الضحك 😂😂
اسر : بقى كده يا قمر يا بنت ام قمر
والله ما هسيبك انتي اللي بداتي المقالب تعالي هنا وطلع يجري وراها وهي تجري لحد ما مسكها و قال:
ماشي استعدي بقى للي هيحصل…..
قمر : اسر هتعمل ايه ؟؟؟؟
اسر : هو مش كل واحد بيغلط لازم يتعاقب انا عقابي بقي اني هحطلك ميك اب يلا اقعدي على الكرسي ده
قمر : لا يا اسر شكرا انا عايزه وشي…..
اسر : قمر.😒😒😒
قمر : يوه بقي يا اسر…..
قمر قعدت واسر طلب منها تغمض عينيها اغمضت عينيها
واسر خلص الميك اب ليها
وبعدين قالها : يلا انا هلف الكرسي دلوقتي للمرايا
بوصي هتنبهري. ….😎😎
قمر : وانا مستنيه انبهر…..
اسر: يلا 1 2 3 ولف الكرسي……
قمر : عااااا مين دي يا اسر انا عايزه وشي…..
اسر ببرود : استني بس يا قمري وفضل ياخد معاها سيلفي ويقول:
انا وصفيه زغلول من قوم بني زعتر هههههههه…
مش قادر شكلك فصلان…
قمر : بقى كده يا آسر ماشي…..
اسر : انا رايح اخد شاور هتاخر على الشغل كده يا حلوة
ودخل ياخد شاور…..
قمر ابتسمت لما افتكرته وهو بيضحك
ومسحت وشها من خريطه العالم اللي هو عملها دي 😂😂 وحضرت الفطار
اما هو ف خد شاور و لبس وخرج عشان يفطر…….
اسر : صباح العسل …….
قمر :شوف ازاي…. ولا كانه عمل حاجه!!!!!
اسر : هو انا عملت حاجه يا قمري بقى دكتور محترم زيي وملتزم وبيصحي في مواعيد
ويعمل حاجه برده……
قمر : لا انا اللي عملت يا اسر و لا تزعل نفسك يلا تعالي نفطر…….
وقعدوا يفطروا و خلصوا فطار وبعدين اسر باس راسها وقال:
يلا خلي بالك من نفسك اوكيه يا روحي طبعا السواق هيبقى تحت هيروح ويجي معاكي
واي حاجه انا معاكي على الموبايل….
قمر بابتسامة : ماشي…..
ومشي وهو نازل على السلم لقى تارا بترن عليه…..
اسر : الو يا تارا عامله ايه؟!!
تارا : الحمد لله يا اسوري… طالما انت جنبي يا روحي…
اسر وهو بيركب عربيته وهو بيكلمها…….
تارا: حبيبي عدي عليا خدني وانت ماشي النهارده علشان عربيتي الكاوتش نام مره واحده مش عارفه ليه والنبي وافق يا اسوري
انت عارف ان بابي ومامي مسافرين الفتره دي ارجوك يا اسوري…..
اسر : خلاص جايلك يا تارا يلا…..
تارا : ماشي يا اسوري مستنياك يا روحي بحبك… 😘
اسر قفل…..وراح على بيتها وقف بعربيته
وهي نزلت ركبت العربيه……
تارا : جود مورنينج يا بيبي……
اسر : جود مورنينج….
تارا: ها ايه رايك في الطقم ده يا روحي؟!!!
اسر : كويس يا تارا….
بس هو انا مش قولت نبطل شويه اللبس ده
ونطول لبسنا يا تارا…..
تارا : يوووو يا اسوري رجعنا للتفكير الرجعي ده تاني يا بيبي خليك متحضر بقى يا روحي…….
اسر بعصبية : تارا ايه العلاقه بين التحضر وان انت يبقى لبسك كله يبقي مكشوف كدة يعني ايه؟؟
اللي انا بقوله ده ماسمهوش تخلف اسمه الاصول يا تارا
اللي انتي ما تعرفهاش
عمال أقولك بقالي كتير بس انتي حتى ما فكرتيش على الاقل تفكري في الكلام اللي بقوله
كل مره نفس الجملتين بتوعك انتي مش بتحبيني يا تارا صح؟!!
تارا : لا يا اسوري يا روحي ياقلبى ما تقولش كده خلاص حاضر من عيني يا بيبي هحاول اطول لبسي
واعمل اللي انت عايزه صدقني انت عندي بالدنيا كلها
يا روحي خلاص بقى انت قفوش كده ليه يا اسوري….
اسر : خلاص يا تارا…..
تارا: اوكي يا اسوري اللي انت عايزه هحاول اعمله يا بيبي هو انا عندي كام اسر يعني……اضحك بقي يا اسوري…..
اسر بابتسامة : خلاص يا تارا…..
تارا: اسوري هو انت مش ملاحظ انك الفتره دي بتقولي تارا كتير… يعني مابتقوليش حبيبتي ومش بس كده كمان انت كنت دايما تنهي اي كلام بينا او اي خلاف….
بكلمه بحبك بس انت مابتقولش الكلمه دي دلوقتي خالص…….
اسر : عادي يعني يا تارا فيها ايه؟!!!
تارا : عادي وفيها ايه؟!!!!
فيها انك مش مهتم بيا يا اسر وكمان ولا بقيت في دماغك اساسا
اسر اوعي اي واحده تاخدك مني يا روحي
انا اموت فيها……
اسر : ما تخافيش يا حبيبتي ويلا بقى علشان ننزل وصلنا اهو….
واسر نزل وتارا كمان وبعدين دخل عطي محاضراته وخلص و ركب عربيته وطلع على المستشفى……..
———————————————————
على الجانب الآخر ❤❤
قمر لبست بيزك دريس لونه ابيض ولبست عليه جاكيت جينز اسود و شوز اسود وطرحه بيضاء……
واخذت الباج بتاعتها ونزلت…..
لقيت طبعا السواق مستنيها وركبت لحد ما وصلت هناك بعدين دخلت وقعدت وبعدين بدات في الكورس……
❤❤❤❤❤❤❤❤❤❤❤❤❤
اسر وصل المستشفى وبعدين راح للؤي : هالو يا مان….
لؤي : اهلا يا برو…. ها ايه الأخبار؟!
اسر : تمام الحمد لله وانت….
لؤي : لوز اللوز يا برنس…..
اسر : طب بذمتك دي طريقه كلام دكتور محترم فيه دكتور كده؟!
لؤي : مش انا كده يبقى فيه يا برو….
اسر : ماشي يا اخويا….
لؤي : ما تيجي تسهر النهارده معايا…..
اسر : لا يا عم ما انا لسه قايلك انت مستحيل تبقى دكتور ازاي دكتور وباد بوي في نفس الوقت……
لؤي : عادي عادي بتحصل في احسن العائلات بس انت اللي فقري و ما بتحبش السهر……
اسر : ربنا يهديك يا مجنون انت…..
لؤي : يا رب….
اسر : وينجحك اكتر….
لؤي : يا رب…..
اسر : ويرزقك ببنت الحلال اللي تطلع عينك….
لؤي : لا لا يا رب متستجبش لدعاؤه يا رب…..
يا عم انت عايز اعيش وافرفش يا عم….
اسر : غور يالا من هنا…..
لؤي : انت في مكتبي على فكره……
اسر : يا رب على قرفك…..
وراح مشي….
نرجع لقمر بعد ما خلصت الكورس ولسه ماشيه لقيت نفس الشاب بينادي عليها:
استاذة قمر……
قمر : ايوة….
= معلش لو مش هزعجك ممكن بس اصور الاسكتش انتي بتكتبي ملاحظات وكده يعني لو ماعندكيش مانع……
قمر : لا اكيد ماعنديش اتفضل
وطلع فونه وبدا يصور…..
= تمام شكرا ليكي بجد وبالمناسبه اسمي ريان….
قمر : تشرفنا يا ريان استاذنك…….
ومشيت ووقف ريان مبتسم…..
قمر روحت البيت غيرت وبعدين ارتاحت شويه وقامت عملت الاكل وقعدت على الفون واسر خلص شغله
وروح كالعاده ودخل غير هدومه وطلع وقعدوا هو وقمر على الغدا…..
اسر : ها يا قمري عملتي ايه النهارده
عايزك تحكيلي كل تفصيلة في يومك يا روحي…..
قمر بدات تحكيله كل حاجه
وحكيتله كمان لما ريان طلب منها يصور وكده…..
اسر قاطعها بعصبية : واشمعنى انتي بقى يا استاذه قمر يطلب منك….؟!
قمر : عادي يا اسر طلب مني يصور بس الملاحظات وصورها وبس……
اسر بعصبية : خلاص انتي بالنسبه لك الموضوع عادي خلاص مافيش خروج خالص ولا الكورس ولا غيره
مافيش طلوع خالص. …..
وقام وساب الاكل بعصبيه
وساب قمرر قعدت تعيط 😭😭…….
و………. ستووووووب
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية أحببت قمر الصعيد)
