رواية أحببت حبك لي الجزء الثاني الفصل الرابع 4 بقلم ريهام رفاعي

رواية أحببت حبك لي الجزء الثاني الجزء الرابع

رواية أحببت حبك لي الجزء الثاني البارت الرابع

رواية أحببت حبك لي الجزء الثاني الحلقة الرابعة

مامت ريم اتصلت بيه
خالد : ايه يا طنط طلعت عند حد من اخواتها صح
مامتها : لا ياحبيبي مش موجوده متقلقش تلاقيها نزلت تجيب حاجه او بتقابل صحابها
خالد : بس كانت هترن عليا تفهمني
مامتها : يمكن نسيت ياحبيبي متقلقش
خالد : صح استني انا هنزل اشوفها يمكن تكون عند نور صاحبتها تحت
مامتها : تمام ياحبيبي وابقي طمني
خالد : حاضر ياطنط مع السلامه
خالد نزل بسرعه و خبط علي الباب بسرعه وبقوه وعمال يرن ف الجرس
وف الاخر نور فتحت ف زقها ودخل
نور : اييييه ايه الهب*ل ده
خالد بعصبيه : ريم فين
نور بتوتر : معرفش
خالد: ياسلااام يعني متعرفيش

نور : وانا هعرف منين حضرتك
خالد : فين جوزك
نور بتوتر : زياااد زياد خرج من الصبح معرفش راح فين
خالد افتكر حاجه كده وضحك
فلاش باك
خالد وريم قاعدين بيتفرجوا علي التليفزيون و فجاءة حد خبط علي الباب و سلم خالد صندوق وخالد دفعله ودخل
ريم : ايه ده
خالد : ديه كاميرا ، فكري معايا بقي ف مكان كويس نحطها فيه
ريم : و هتحطها ليه اصلا
خالد : ظهور زياد دلوقتي موترني جدا وحاسس ان اكيد هيعمل حاجه الفتره الي جايه
ريم : حاجه زي ايه مش فاهمه
خالد : معرفش بالظبط والله بس اهه برضه امان
نرجع بقي
خالد فتح تليفونه وطلع الفيديو وقرب علي وشها ومسك التليفون جامد ووراهولها
خالد : نووووور صدقيني انا لو معرفتش ريم فين دلوقتي مش هرحمك
فيه رقم رن علي خالد
خالد : الو مين معايا
ياسمين : خالد انا ياسمين عايزه اقولك ان ريم معايا

خالد : نعم ريم معاكي بتعمل ايه مش فاهم
ياسمين : تعالي وانا هفهمك علي كل حاجه
خالد : تمام قولي العنوان وانا جاي حالا
خالد ل نور : انا هروح اجيب ريم والي عملتيه ده انا مش هسكت عليه
نور : خدني معاك والنبي اكيد زياد معاهم دلوقتي
خالد : طيب يالا بسرعه
راحوا و لقوا ريم و ياسمين وزياد قاعدين ف الكافيه الي قالتله عليه ياسمين خالد جري علي ريم وحضنها و نور جريت علي زياد
خالد لريم بتوتر : انتي كويسه صح
ريم : انا زي الفل والله متقلقش
نور لزياد: زياد هو ايه الي حصل انا مش فاهمه حاجه
ياسمين : انا دلوقتي هفهمكوا علي كل حاجة
ياسمين حكتلهم علي كل حاجه وانها هي الي كانت بتهددهم
زياد : ايوه انا برضه مش فاهم ايه الي خلاكي تظهري وتقولي كل ده ايه الي غير رايك ف الاخر
ياسمين : عرفت ان الحب عمره ما كان بالعافيه و مش انا الي افرق بين واحد ومراته حتي لو كنت معجبه بيه انا اسفه جدا ياجماعه علي كل الي عملته معاكم انا اسفه ليك يا زياد انت ونور تقدروا تطلقوا ف الوقت الي انتوا عايزينه
زياد لنور : لو انتي عايزاني اطلقك دلوقتي انا معنديش مانع بس انا بصراحه مش عايز اطلقك
نور ابتسمت واتكسفت شويه : بصراحه وانا كمان مش عايزه اتطلق بس عايزاك تكلم بابا وماما وتصالحني عليهم
زياد : يالا قومي
نور : رايح فين

زياد : هنروح لهم
نور : دلوقتي
زياد : اه يالا بسرعه مفيش وقت للتفسير
زياد ونور مشيوا
و ريم و خالد و ياسمين قاعدين وبيضحكوا عليهم
ياسمين : ربنا يسعدهم يارب
ريم: خالد انا حاسه اني تعبانه اوي تعالا نروح
خالد : طب نروح نكشف طيب
ريم : لا لا مش محتاجه
خالد : تمام يالا بينا ، يالا يا ياسمين نوصلك ف طريقنا
ياسمين: لا انا قاعده هنا شويه ومعايا عربيتي متقلقش شكرا جدا
خالد و ريم قاموا وهما جايين يمشوا ريم اغمي عليها ونقلوها علي المستشفي
ريم نايمه علي سرير المستشفي و ياسمين وخالد جنبها
ريم : انا فين وايه الي حصل
خالد :متقلقيش ياحبيبي احنا ف المستشفي اغمي عليكي مره واحده
ريم : اه اه افتكرت، طب الدكتور قال ايه
خالد : لسه الممرضه قالت شويه والدكتور هيجي ويقولنا عندك ايه
الدكتور خبط علي الباب و دخل